Жаңалықтар

Ресей телеарналары YouTube аккаунттарын бұғаттағаны үшін Google-ден 2 ундециллион рубль талап етіп отыр. Ундециллион дегеніміз – 36 нөлден тұратын сан. Бұл туралы РБК жазды.

Ресей соты бұл цифрды айыппұл ретінде тағайындаған. «Тұрақсыздық айыбы күн сайын өсіп жатқанын» еске салып, аталған компанияны қолжетімділік беруге міндеттепті. Жалпы Google-ге 17 ресейлік телеарна шағым түсіріп отыр.

Кезекті сот отырысында судьяның өзі таңырқап, «нөлдері өте көп істі» қарастырып жатқанын айтқан. Жәбірленуші ретінде «Звезда», «Первый канал», ВГТРК («Россия 1», «Россия 24» және басқалары) секілді кремльшіл арналар тіркелген. Сондай-ақ Маргарита Симоньянның ЖК-сі де бар.

Google-мен «Царьград» және РИА ФАН 2020 жылдан бері соттасып келеді. Өйткені олардың қожайындары...

2024 жылдың үшінші тоқсанында Solidcore (бұрынғы Polymetal) алтын өндірісін өткен жылдың сәйкес кезеңімен салыстырғанда 7%-ға, 119 мың унцияға дейін төмендетті. Бұл туралы оның қаржы есебінде жазылған.

Компанияның хабарлауынша, бұған Шығыс Қазақстандағы вагондар тапшылығы әсер еткен.

«Сонымен қатар теміржолдардағы кептеліс салдарынан жеткізілімдердің қысқаруына байланысты «Қызыл» кен орнындағы өндіріс 9%-ға, 77 мың унцияға дейін азайды», – деп жазылған құжатта.

Осыған қарамастан Solidcore бағалы металл сатылымын бір жыл бұрынғымен салыстырғанда 10%-ға арттырды. Көрсеткіш бірден 122 мың унцияға жетті. Бірақ үшінші тоқсандағы сатылым алдыңғы тоқсаннан төмен болды. Екінші тоқсанда өндіруші дайын қорларының айтарлықтай бөлігін сатқан еді.

Kaspi.kz компаниясының түрік ірі маркетплейсі – Hepsiburada платформасын сатып алуы компанияның кредит рейтингіне (BBB-/Тұрақты) тікелей әсер етпейді. Бұл туралы Fitch Ratings агенттігі хабарлайды.

Fitch Ratings сарапшыларының пайымдауынша, Kaspi.kz-тің өте жоғары қолма-қол қаражат табу қабілеті мен Hepsiburada компаниясының аз-маз қарызы осы мәміленің Kaspi.kz-тің капиталы мен қарыз деңгейіне айтарлықтай әсер етпейтінін байқатады.

Дегенмен Kaspi.kz-тің болашақта Түркиядағы бизнесін дамытуға қосымша инвестиция салуы оның қарыз жүктемесін арттырса, бұл жайт компания рейтингісіне теріс әсер етуі ықтимал. Алайда сарапшылар компанияның бұл бағыттағы жоспары әлі айқын емес екенін атап өткен.

«Алдағы бірнеше жылда Hepsiburada бизнесін қолдау мен дамыту үшін айтарлықтай...

Премьер-министрі Олжас Бектенов елге кіретін автокөліктердің техникалық талаптарға сай келмейтінін айтып, жауапты органдарға «қатаң тәртіп» орнатуды тапсырды.

Үкімет сағатында Автобизнес қауымдастығының вице-президенті Анар Мақашева елдің автоөндірісіне теріс әсер етіп жатқан факторларды атады. Айтуынша, елге кіргізілетін ескі көліктер көп.

«Шетелден техникалық және экологиялық талаптарға сай келмейтін, криминалдық тарихы көп көліктер кіріп жатыр»,– деді Мақашева.

Бұл елдегі автоөндірушілердің бәсекелестік қабілетіне теріс әсер етеді. Қазақстан автопромы 8 кәсіпорыннан құралғанын айтқан қауымдастық басшысы 2024 жылдың 9 айында Қазақстандағы өндірістік индекс көлемі 86,7%-ды құрағанын, ал жалпы көлік өндірісі саласындағы автомобиль шығару көлемі 39,4%-ға көтерілгенін атап өтт...

Өнеркәсіп және құрылыс министрі Қанат Шарлапаев Құрылыс кодексін әзірлеу барысында қате жіберген министрлік қызметкері тәртіптік жауапкершілікке тартылғанын мәлімдеді. Министрдің айтуынша, Қаржы министрлігі аудит жүргізіп, нәтижесінде қаржы заңсыз жұмсалғаны анықталмаған. Бұған дейін депутат Бақытжан Базарбек дәл осы аудит нәтижесіне сүйеніп, Құрылыс кодексінің жобасына 291 млн теңге негізсіз жұмсалды деп мәлімдеген.

«Қаржы министрлігінің қорытындысын 18 қазанда алдық. Соған сәйкес, ешқандай қаржы заңсыздығы анықталмаған. Қаржымин құжаттан рәсімдік сәйкесіздік қана тапты. Бұл қатесі үшін министрлік қызметкері тәртіптік жауапкершілікке тартылды», – деді министр.

Шарлапаевтың айтуынша, Мәжілісте қаралып жатқан заң жобасы заң қабылдау тәртібі аясында қабылдануы мүмкін.

...

2024 жылғы 28 қазанда мұнай бағасы Таяу Шығыстағы шиеленістің ушығуынан 6% құлдырап, 29 қазан қайта қалпына келе бастады. Бұл туралы Bloomberg агенттігі хабарлады.

«Дүйсенбі, 28 қазан мұнай бағасы кейінгі екі жылдағы ең үлкен құлдыраудан кейін, қайта қалпына келе бастады. Өйткені нарық қатысушыларында Таяу Шығыстағы соғыстың күрмеуі шешіледі деген үміт пайда болды. Сонымен қатар инвесторлар назары АҚШ-тың алдағы экономикалық деректеріне ауа бастады», – деп хабарлады басылым.

Айта кетейік, алдыңғы сессияда Brent 6,1%-ға құлдырағаннан кейін, оның бағасы барреліне 72 долларға жақындады. Ал West Texas Intermediate маркалы шикізат барреліне 68 доллардан төмендеді.

Израиль өткен...

2025 жылы Астанада «Штадлер Қазақстан» зауытында швейцариялық жолаушылар вагондарының өндірісі іске қосылады. Бұл туралы Үкімет отырысында Өнеркәсіп және құрылыс министрі Қанат Шарлапаев хабарлады.

Кәсіпорынның қуаттылығы жылына 100 вагонды құрайды. «Штадлер Қазақстан» 2030 жылға дейін  құны 2,3 млрд доллар болатын 537 вагон жеткізуге «Қазақстан темір жолымен» келісімшартқа отырды.

«Штадлер Қазақстан» теміржол вагондарын шығаратын Stadler Rail швейцариялық өндіруші компаниялар тобына кіреді.

Қазіргі таңда Қазақстанда жүк және жолаушылар вагондарын екі отандық компания – «Қазақстан вагон құрастыру компаниясы» және «ЗИКСТО» компаниялары шығарады Ал локомотивтерді – «Локомотив құрастыру зауыты» (американдық Wabtec компаниясына тиесілі) және «Электровоз құрастыру зауыты» (француздық Alstom) шығарады.

Министр берген ақпаратқа сүйенсек, кәсіпорындар осы...

Алматыда 2 қарашада «Медеу» биік таулы мұз айдынында жаппай сырғанау маусымы ашылады. Бұл туралы Алматы қаласының әкімдігі хабарлады.

Әкімдіктің мәліметінше, «Медеу» мұз айдыны 1 қараша күні техникалық режимде жұмыс істейді. Ал 2 қараша күні сағат 12:00-ден 15:30-ға ресми ашылу салтанаты өтеді.

Қонақтар қазақстандық эстрада жұлдыздарының қатысуымен өтетін концертті көре алады. Сондай-ақ 17:00-ден 20:00-ге дейін диджейдің музыкалық сүйемелдеуімен байқаулар түрлі сыйлықтар ойнатылып, кешкі сеанс өтеді.

Сонымен қатар жаңа маусымда мерекелік іс-шаралар мен спорттық жарыстар ұйымдастырылады. Келушілерге ыңғайлы болу үшін конькиді жалға беру мен жылдам тамақтану орындары ұйымдастырылады.

Спорттық нысандар дирекциясы кезектің алдын алу үшін билеттерді алдын ала Медеуд...

Өнеркәсіп және құрылыс министрі Қанат Шарлапаев Саран қаласында шығарылатын отандық тұрмыстық техниканы өз үйінде пайдаланбайды. Бұл жайлы министр Үкімет сағатынан кейін өткен брифинг барысында айтты.

Жиында журналист министрден қандай отандық тұрмыстық техниканы пайдаланатынын және мұндай техниканы қандай дүкендерден алуға болатынын сұрады.

Шарлапаев отандық өнімді өз үйінде пайдаланбайтынын, бірақ елде сыйлыққа тартуға тұрарлық техникалар шығарылып жатқанын мәлімдеді. Осы орайда ведомство өкілі осындай бір тұрмыстық техника түрін туыстарына сыйлыққа тарту еткенін атап өтті.

«Менің үйімде мұндай техника жоқ. Бірақ Dauscher өндірген пешті өзімнің туған-туысқандарыма сыйлыққа алдым»,- деді министр.

Ал техниканы қайдан алуға...

Биыл 9 айда ел бюджетіне салық жоспардан 24,4%-ға кем түскен. Қазақстан үкіметі қаңтар-қыркүйек аралығында қазынаға 10,7 трлн теңге салық түседі деп жоспалағанымен, 8,1 трлн ғана жиналған. Осылайша ел бюджетінің тапшылығы тереңдеп барады.

Қаржы министрлігінің 1 қазанға арналған республикалық бюджет туралы есебінде 2024 жылдың тоғыз айында бюджетке жалпы 13,5 трлн теңге кіріс түскені жазылған. Бұл жоспарлы 14,8 трлн теңгеден 8,7%-ға кем. Осы 13,5 трлн теңгенің 8,1 трлн теңгесі – салықтан жиналған қаржы. Есептен салыққа қатысты жоспар 75,6% ғана орындалғанын байқауға болады.

Соның ішінде корпоративтік табыс салығы жоспардан 70,9%-ға орындалған. 9 айда 3,1 трлн теңге түседі деп жоспарланса, бар-жоғы...

Өнеркәсіп және құрылыс министрі Қанат Шарлапаев жеңілдігі бар автокредиттердің неге тоқтағаны жайында пікір білдірді.

«Жеңілдігі бар автокредитке ешкім, ешқашан разы болмайды. Бұл – түсінікті жайт. Алғысы келетін адамдар тым көп, ал бұған жұмсалатын қаржы тым аз. Десе де, өндірушілер де, қаржы нарығы да бір жерде тұрып қалмайды», – деді Шарлапаев.

Оның айтуынша, Үкімет көлік сатып алуды жеңілдету үшін жеке тұлғалар үшін лизинг енгізу туралы заңнаманы аяқтауға жақын қалды. Сонымен қатар көлік сатумен айналысып жатқан компаниялардың өзі түрлі қаржы құралдарын жасап, бөліп төлеу шартымен автокөлік сатып жатыр.

«Жеңілдетілген автокредит қаржысының бағытына...

Моңғолия қазақстандық спутник жүйесіне қызығушылық танытып, оны орнату туралы келісімге қол қойды. Яғни отандық жер серігі алғаш рет экспортқа шығады.

Қасым-Жомарт Тоқаевтың Моңғолияға ресми сапары кезінде президентке еріп барған Цифрлық даму, инновациялар және аэроғарыш министрі Жаслан Мәдиев келісімге қол қойды. Оған сәйкес, Қазақстан Моңғолия үшін жер серігін құрмақ. Бұл спутник қазақ-моңғол жер серігі топтамасының құрамында болады. Инвестициялық жобаның нақты құны туралы ақпарат берілмеген.

Болашақта спутниктер топтамасын Қазақстан да, Моңғолия да дербес басқара алады. Бұл жоба екі елдің табиғи ресурстарын талдап, ауыл шаруашылығын дамытуда маңызда қадам болмақ.

Айта кетейік, Моңғолияға ресми сапары кезінде президент Тоқаев Алтай аймағындағы туризмді екі ел...

Мұнай бағасының құлдырауы әлемдегі ірі мұнай компанияларын 15 млрд долларға акциялар сатып алу үшін қарызға батыруы мүмкін, деп жазды Bloomberg басылымы.

Exxon Mobil Corp., Chevron Corp., Shell Plc, TotalEnergies SE және BP Plc осы аптада нәтижелері туралы есеп бермек. Сарапшылар болжамынша аталған компаниялардың кірісі өткен тоқсанмен салыстырғанда 12%-ға немесе 24,4 млрд долларға төмендеуі мүмкін.

«Бұл олардың барлығына (Shell-ден басқа) дивидендтер төлеп, акция сатып алу үшін еркін ақша ағынымен қамтуға мүмкіндік бермейді. Көрсеткіш бір жыл бұрынғыдан 30% төмен болады деп болжануда», – деп Bloomberg басылымы да атап өтті.

Акцияларды сатып алу Big Oil...

Кино нарығында «Веном: Соңғы би» фильмі үлкен табысқа жетіп, бір аптада 866 миллион теңге касса жинады. Бұл туралы Ticketon билет операторы хабарлады.

Алайда бұл киноның орыс тілі мен қазақ тіліндегі жалпы көрсеткіші. Меломанның мәліметінше, кино жарыққа шыққан күні 141 миллион теңгеден астам (шамамен 292 мың АҚШ доллары) табыс тапты. Оның ішінде 18 миллионын ғана қазақ тіліндегі дубляжы алып келді.

Сонымен қатар алдын ала мәліметтер бойынша, фильмнің Орталық Азия мен Закавказье елдерінде жалпы жинағы прокатқа шыққан алғашқы күнде шамамен 380 мың АҚШ долларын (180 миллион теңгеден астам) құрады.

Бірінші күннің, яғни 24 қазандағы қорытынды бойынша Орталық Азия мен Закавказье елдері (елдер...

Ресей Украинаға басып кірген соң, соғысқа қарсы ресейліктерді депортациялап, тұтқындау үшін Мәскеу көрші елдермен байланысын пайдаланып жатыр. Бұл туралы The guardian басылымы хабарлады.

Қырғызстанда туып өскен 29 жасар Алина Горшина былтыр Алматыға келіп, Балаларды қорғау күнін тойламақ болады. Бірақ Ресейдің сұрауы бойынша қырғыз-қазақ шекарасында ұсталған. Бұл әйел Ресейге өмірінде екі рет қана барған. Десе де Алексей Навальныйдың командасында ерікті болыпты. Әлеуметтік желілерде Путиннің саясатына қарсы ойларын ұдайы жазып жүрген.

Алина Қазақстанда екі ай темір тордың арғы жағында отырған. Сосын босатып, үйіне қайтуға рұқсат берген.

23 жастағы ресейлік Лев Скорякинге 2023 жылы қаңтар айында Мәскеудегі арнайы қызмет ғимаратының маңында наразылық акциясын...

Қазақстан президенті Қасым-Жомарт Тоқаев Моңғолия президенті Ухнаагийн Хурэлсухке Алтай аймағының туризмін бірлесіп дамытуды ұсынды.

«Қазақстандық туроператорлар моңғол туристеріне Қожа Ахмет Ясауи кесенесі орналасқан ежелгі Түркістан қаласын таныстыра алады. Шыңғыс ханның үлкен ұлы Жошы ханның мазары тұрған Ұлытау облысын және басқа да туристік орындарды көрсетуге болады. Сондай-ақ біз Моңғолиямен Алтай туризм кластерін дамытуға және ортақ туристік бағыттарды қалыптастыруға мүдделіміз», – деді Тоқаев моңғол президентімен Ұлан-Батырда кездесу кезінде.

Бұған қоса, Қазақстан президенті елорда да өткен Көшпенділер ойынына келген моңғол спотшыларына алғыс атап өтіп, осы елден келетін студенттерге квотаны арттыра алатынын айтты.

Моңғолия президенті Тоқаевқа 60 мыңнан...

Экономистер Дональд Трамптың реформалары көптеген сауда «соғысын» туындатып, АҚШ-тың экспортын қысқартып, жаһандық жеткізу тізбектерін бұзуы мүмкін деп ескертті. Бұл процесс қазірдің өзінде басталып кетті. Қытай компьютер чиптерін және «жасыл» энергетикаға арналған компоненттерді өндіруге қажетті минералдарға бақылауды күшейтіп жатыр. Осы және өзге де тақырыптар туралы 28 қазан күнгі әлемдік БАҚ шолуынан оқи аласыз.

Трамптың жоғары тарифтері әлемдік бизнесті шайқалтып, одақтарды бұзады

Дональд Трамптың жоспары халықаралық сауда жүйесіне «лақтырылған граната» болмақ деп жазды NYT. Ол жариялаған тарифтік шаралар АҚШ-қа әкелінетін тауарлардың басым бөлігін қамтиды. Бұл 3 трлн доллардан астам импортқа әсер етеді. Аталған әдіс кейбір АҚШ компанияларына көмектесуі мүмкін, біра...

Қазақстанда Changan, Haval, Chery, Geely, Exeed, КAIYI, KIA сынды көліктерді шығаратын бірнеше зауыт ашылады. Бұл жайлы Үкімет сағатында Өнеркәсіп және құрылыс министрі Қанат Шарлапаев айтты.

Министр өзі есебінде осы жылдың басынан бері, яғни 9 ай ішінде елде 82 мыңнан астам жеңіл автокөлік шығарылғанын айтты. Алдағы уақытта бұл көлемді ұлғайтып, оның ішінде отандық компоненттермен шығарылатын автокөліктер санын артыру көзделіп отыр.

Атап айтқанда, Алматыда мультибрендті зауыт ашылып, онда жылына 90 мың автокөлік шығарылатын болады. Бұл кәсіпорын 3600 адамды жұмыс орнымен қамтиды. Екіншісі, Қостанайда салынып жатқан KIA зауыты. Мұнда жылына 70 мың автомобиль шығарылып, 1500 адамды жұмыспен қамтиды. Бұл...

НАТО әскери ұйымының бас хатшысы Марк Рютте Солтүстік Корея әскерінің Ресейдің Курск облысына келгенін растады.

«КХДР әскерлерінің Ресейге жіберілгенін және Солтүстік Кореяның әскери бөлімдері Курск облысына орналастырылғанын растай аламын», — деп келтірді Рюттенің сөзін Рolitico.

Альянстың бас хатшысы Солтүстік Кореяның қақтығысқа қатысуын «айтарлықтай шиеленісу» және «соғыс қаупінің артуы» деп бағалады.

Ол блоктың ішінде, сондай-ақ Украина және Үнді-Тынық мұхиты аймағындағы серіктестерімен «белсенді консультациялар» жүргізіп жатқанын хабарлады. Оңтүстік Корея президенті Юн Сок Елмен және Украинаның Қорғаныс министрі Рүстем Модеровпен жақын арада тілдескенін айтты.

Қазан айында Украина мен Оңтүстік Кореяның барлау қызметі КХДР әскерінің Ресейге жеткенін туралы...

Ақтөбеде 60 млн теңгеге жуық шығын келтірген қаржы пирамида ұйыдастырушылары сотталды. Бұл туралы Қаржы мониторинг агенттігі хабарлады.

ҚЖА мәліметінше, қаржы пирамида ұйымдастырушылары өздерін Қазақстанда ресми тіркелген халықаралық инвестициялық компания өкілдері ретінде таныстырып, Ақтөбеде презентациялар өткізген. 

Жиындарда күдіктілер қаржылық  инвестициялар, тиімді пайызбен несие рәсімдеу, әлемнің кез-келген жерінен пәтер және жаңа көлік сатып алу жайлы ақпараттармен азаматтарды қызықтырған. Осы арқылы олар жаңа салымшыларды тартып, оларға ай сайын ақша салып одан сыйақы алатынына сендірген.Күдіктілердің заңсыз әрекетінен 60 млн теңгеге жуық шығын келген.

Сот үкімімен екі азамат кінәлі деп танылып, бес жылға шартты түрде бас бостандығынан айырылды. Жәбірленушілерге келтірілген залал толық көлемде өтелді.

Қазақстан мен Ресей арасындағы сауда-экономикалық байланыстар тұрақты түрде дамып келе жатыр, әсіресе Ресейдің Қазақстанға жасаған импорты тұрғысынан. Бұл байланыс географиялық жақындық, экономикалық өзара тәуелділік, сонымен қатар Еуразиялық экономикалық одақ шеңберіндегі келісімдер арқылы нығаюда. 

Ресеймен шектесетін барлық өңірлер Ресей импортына тәуелді болып отыр

Әлемдегі ең құрлықтық шекара Қазақстан мен Ресей шекарасы екені бәрімізге мәлім. Еліміздегі 7 облыс көрші Ресеймен шекаралас аймақта орналасқан. Мәселен, солтүстік өңірдегі Ақтөбе, БҚО, СҚО, Павлодар және Абай облыстарының әрбір екінші импорты Ресейден жөнелтіледі. Сондай-ақ биылғы жылдың 8 айындағы ресми ақпаратқа назар аударсақ, Ресейге шекаралас Қостанай облысында Ресей импортының үлесі 30,1% және ШҚО-да бұл көрсеткіш 42,5%-ды  құрап...

Грузияда өткен Парламент сайлауының нәтижесіне келіспеген халық Тбилисидің орталық алаңына жиналды. Наразылық акциясына қатысушылар халықаралық ұйымдардың бақылауымен жаңа сайлау өткізуді талап етті. 

Наразылық білдірушілер саны артқаннан кейін оппозициялық партиялар Парламентке бойкот жариялап, оның жұмысына қатысудан бас тартты.

Елдің орталық сайлау комиссиясы шығарған мәліметтерге сәйкес,  ЕуроОдаққа кіруге қарсы, Еуразиялық Одаққа кіруді қолдайтын «Грузин арманы» партиясы сайлаушылардың 54,8% дауысын алған.

Грузия президенті Саломе Зурабишвили дауыс беру нәтижелерін «заңсыз» деп атап, халықты көшеге шығуға шақырған. Оның бұл сөзін қазір түрмеде отырған бұрынғы президент Михаил Саакашвили қолдаған.

Премьер-министр Ираклий Кобахидзе оппозицияның дауыс беру нәтижелерін мойындаудан бас тартқанына қарамастан, ел Үкіметі бекітілетінін айтқан.

ЕуроОдақ елдег...

Испания ұлттық құрамасының және «Манчестер Сити» клубының жартылай қорғаушысы Родри 2024 жылғы «Алтын доп» жүлдесінің иегері атанды. Бұл марапат футбол әлемінде ең жоғары бағаланатын награда.

Родри бұл жеңіске клубтық деңгейдегі және халықаралық жарыстардағы тамаша көрсеткіштері арқасында жетті. Ол «Манчестер Сити» құрамында 2023 жылы Премьер-лиганы жеңіп алды. Сонымен қатар жазда өткен Испания құрамасымен бірге Еуропа чемпионы атанды.

Жүлдені алған сәтте Родри өзінің жетістігін барлық команда мүшелері мен жаттықтырушыларына арнады. «Мен үшін бұл марапат тек жеке жетістік емес, командалық жұмыстың нәтижесі. Барлық әріптестеріме алғысымды білдіремін», — деді Родри.

Родриден бөлек, үздік жас ойыншы марапатын Испания құрамасы мен «Барселона» клубының ойыншысы Ламин...

30 қазан күні Volkswagen концерні Германиядағы үш бірдей зауытын жауып, мыңдаған жұмыс орнын қысқартуды көздеп отыр. 

Euronews ақпаратына сүйенсек, Вольфсбургтегі кеңседе компания жетекшілері кем дегенде үш зауытты жабуды, ондаған мың жұмыс орындарын қысқартуды, сондай-ақ қалған қызметкерлердің жалақысын 10% қысқартуды талқылайтын болады.

Қытай мен Еуропа нарықтарындағы сұраныстың төмендеуі, қытайлық автоконцернмен бәсекелесе алмауы әрі электромобильдер шығарудағы сәтсіздіктер компанияның құлдырауына алып келген.

Жалақының 10%-ға төмендеуінен басқа, 2025 және 2026 жылдары жалақы екі жыл бойы өспеуі де мүмкін. Директорлар кеңесі қызметкерлердің арнайы бонустары үшін ай сайынғы 167 еуро сыйақысын да алып тастағысы келеді.

Volkswagen өзінің 87 жылдық тарихында көлік отаны Германиядағы зауытын алғаш рет...