Жаңалықтар

Fitch Ratings сарапшылары Қазақстанның егеменді рейтингін төмендетуі мүмкін. Себебі халықаралық ұйым ел үкіметінің ақша-несие және фискалдық саясатын сынға алып отыр. Бұл туралы агенттік сайтында жарияланған құжатта жазылған.

2024 жылғы мамыр айында агенттік Қазақстанның егеменді рейтингін «BBB»/Тұрақты деңгейде растады. Алайда қазіргі кезде халықаралық ұйым Ұлттық қордан аударылатын трансферттердің, оның ішінде мемлекеттік сектордағы акцияларды қайта сату схемалары арқылы ұлғайғанын сынады.

«Қазақстанның макроэкономикалық саясатының әлсіз жақтары ақша-несие және фискалдық саясаттың сенімділігі мен болжамдылығын төмендетеді. Бұл Fitch-тің макроэкономикалық болжамы, саясаты үшін маңызды. Сондықтан елдің рейтингін бір саты төмен түзетуге ықпал етеді», – деп жазылған құжатта.

Сарапшылар о...

Төтенше жағдайлар министрі Шыңғыс Әрінов жойқын жер сілкінісі болса, алматылықтардың қайда паналайтыны жөнінде айтты.

Оның сөзіне қарағанда, Алматыда министрліктің жедел мақсаттағы Алатау базасы құрылған. Жойқын жер сілкінісі болған жағдайда оның аумағында зардап шеккендерге арналып, шатырлы қала орналасқан. Бұл алаң қазір дайын тұр.

Сонымен қатар гуманитарлық көмек қабылдау пунктері және басқа да қосымша құрылыстар салынбақ. Мемлекеттік материалдық резервтерді қайта қалыптастыру тәсілдері қайта қаралып жатыр.

«Зардап шеккен халыққа арналған медициналық чемодандар мен эвокуациялық рюкзактар енгізілді. Өрт сөндірушілердің жауынгерлік киімі жақсартылды. Салмағы жеңіл. Құтқару жұмыстарын орындауға ыңғайлы», – деді министр.  

Министрдің айтуынша, жыл соңына дейін республикалы...

Қырымда 2 айға қамауға алынған 19 жасар қазақстандық Тұран Устюговті Ресей Федералды қауіпсіздік қызметі «Украинадағы соғысқа аттанбақ болған» күдікті деп танып отыр. KursivMedia тілшісі оның анасы Эльмира Жаңабаевамен тілдесті.

Тұран Устюгов Ресейде террористік деп танылған «Азов» пен «РДК» (Русский добровольческий корпус) ұйымдарына соғысқа аттануға «анкета толтырғаны» үшін қамалған. 4 қазанда Қырым соты оны 2 айға, яғни 4 желтоқсанға дейін қамауға алу туралы шешім қабылдаған. Анасының айтуынша, ол қазір түрме жанындағы ауруханада жатыр.

«Балам өте сенгіш, арам ойы жоқ адам. 7-сыныпта оқып жүрген кезінде бұрынғы көршіміз оған сексуалды қысым көрсеткен. Сол кезден кейін психикасы бұзыла бастады...

Қазақстан туралы My Motherland әніне АҚШ пен Еуропа радиолары назар аударды. Бұл әнді қазақстандық әнші SANGINA қазақ және ағылшын тілдерінде шығарды.

Әншінің айтуынша, бұл жүрек тебірентерлік композиция туған жерге арналған және әлемнің түкпір-түкпіріндегі тыңдармандардың жүректерін жаулап үлгерді. Музыкалық трек АҚШ пен Еуропа радиостанцияларында шырқалып, ондаған халықаралық плейлисттер оны өз топтамаларына енгізді.

«My Motherland (Atamekenim қазақ нұсқасы) бұл әнді шығару идеясы АҚШ-қа көшіп келгеннен кейін пайда болды. Қазақстаннан алыс жерде тұрып, сағыныш сезімдерін басымнан өткірдім. Біз басқа елдерге көшіп, арманымыздың соңынан жүріп, жаңа тілдерді үйренеміз, бірақ қайда жүрсек те, мәңгілікке қалатын – біздің түп тамырымыз, мәдениетіміз, Отанымыз...

Сенат Төрағасы Мәулен Әшімбаев Сыртқы істер министрлігін қазақ тіліндегі құжатты қате дайындағаны үшін сынға алды. Министрлік мемлекеттік тілдегі халықаралық құжатта қате кетуін «ыңғайсыз» жағдай деп атады.

Сенатта «Қазақстан Республикасының Үкіметі мен Өзбекстан Республикасының Үкіметі арасындағы экология және қоршаған ортаны қорғау саласындағы ынтымақтастық туралы келісімді ратификациялау туралы» Қазақстан Республикасының  Заңы талқыланды. Жиында депутат Наурызбай Байқадамов 2022 жылы Қазақстан мен Өзбекстан президенттері қол қойған келісімнің кешіктіріліп ратификацияланғанын, жалпы халықаралық құжаттарды ресми қолданысқа енгізу көбінде кешіктіріп жүргізілетінін айтып, оның себебін сұрады.

Сыртқы істер министрінің орынбасары Ермұхамед Қонысбаев халықаралық келісімдерді ратификациялау құжаттың қазақ тіліндегі нұсқасында қате шығуына байланысты кешіктіріліп жататынын айтты.

Қазақстан нарығына TANK 500 BLACK жол талғамайтын көлігі әкелінді. Ол премиум санатындағы автолардың бірі саналады. Шетелдік сарапшылар қытайлық темір тұлпарды Жапонияда өндірілетін Toyota Land Cruiser-мен салыстырып жатады. Себебі екеуінің санаты бір.

Қытайлық көлікке тоқталсақ. Бұл TANK 500 моделінің қосымша жинақтамасы ғана емес, аталған автоның жетілдірілген нұсқасы.

Техникалық жағына келсек, көлік қос турбоүрлемі бар, 354 ат күші мен 500 Нм айналдыру моментін беретін 3 литрлік V6 бензин қозғалтқышпен жабдықталған. 9 сатылы автоматты беріліс қорабымен де қамтылған.

Бұған қоса алдыңғы осьті қосатын электрмагниттік муфтасы бар Torque-on-Demand толық жетекті интеллектуалды трансмиссиясы, төмендетілген беріліс, алдыңғы және артқы дөңгелекаралық дифференциалдардың құлпы орнатылған.

Төтенше жағдайлар министрі Шыңғыс Әрінов Мәжіліс депутаттарының сұрақтарына жауап бере отырып, тікұшақтардың жай-күйі туралы ақпарат берді.

Оның айтуынша, осы қызметке келгенде, техникалардың жай-күйі мәз болмаған. Ресейдегі тікұшақтарға қызмет көрсететін мекемелерге бәрін жөндеткенін айтты. Ал Алматыдағы тікұшақ жөндеу орны бір ұшақты 2 жылға дейін, тым ұзақ жөндейтін көрінеді. Қазіргі кезде тікұшақтардың дені жаңа.  

Депутаттардың сұрағына орай, министр жемқорлыққа қарсы күрес жүргізіліп жатқанын айтты.

 «Қазіргі таңда министрлік, аумақтық басшылар жағынан ешқандай ақша жинау жоқ. Өздеріңіз де адамдармен сөйлесіп, біліп отырған шығарсыздар. Іс-шараларға да қаражат жиналмайды. Тіпті, туған күнге де ақша жинамаймыз», – деді Шыңғыс Әрінов.

Министр...

Қауіп тудырмайтын жер сілкінісі неғұрлым жиі болған сайын, жер қыртысында көп мөлшерде энергия шоғырланбайды. Демек алапат зілзала болу қаупі төмендейді. Бұл туралы Сейсмологиялық байқау және зерттеулер ұлттық ғылыми орталық директорының ғылым жөніндегі орынбасары Елизавета Есенжігітова KursivМedia-ға баяндап берді. Оның сөзіне қарағанда, ғылыми тұрғыдан нақты дәлелденбесе де, кейбір ғалымдар жиі ұсақ жер сілкіністері ірі жер сілкінісі болмауына түрткі болуы мүмкін. 

Ғылыми орталық болашақ үшін жұмыс істейді

Елизавета Есенжігітованың айтуынша, қазір дүниежүзі сейсмикалық болжам жасаудан бас тартты. Бұған халықаралық тәжірибе түрткі болып отыр. Алпауыт Жапон және Қытай мемлекеттері де сейсмикалық ахуалды бақылап отырса да, болжам жасауға асықпайды.

Беларусь президенті Александр Лукашенко 2025 жылғы президенттік сайлауға өз кандидатурасын ұсынатынын растады. Бұл туралы ол 23 қазан күні ресейлік журналист Ольга Скабееваға берген сұхбатында айтқан.

Айта кетейік, Беларусь елінде президент сайлауы 2025 жылдың 26 қаңтарына белгіленген. Беларусь Конституциясының 80 және 81- баптарына сәйкес, елдің президенті 5 жыл мерзімге сайланады және үміткер 40 жастан асқан, Беларусь азаматы болуы керек. Лукашенко 1994 жылдан бастап елді басқарып келеді.

Беларуссияда соңғы президент сайлауы 2020 жылы өткен болатын. Ол кезде Александр Лукашенко ресми мәлімет бойынша 80% дауыс жинаған еді. Алайда АҚШ, Еуропалық одақ бұл нәтижені мойындаған жоқ. Сол жылы сайлауға Светлана Тихановская...

23 қазан күні АҚШ қор нарығы мемлекеттік облигацияларға деген сұраныстың өсуінен кейін төмендеді. Алайда өсіп жатқан мемлекеттік қарыз қаржы сарапшыларын алаңдатып отыр. Олар АҚШ-та қаржы дағдарысы болуы мүмкін деп ескерте бастады. Ал оптимистер келесі жылы алғашқы листингтердің өсуін күтуде. 23 қазан күнгі әлемдік БАҚ шолуынан осы және өзге де тақырыптар жөнінде оқи аласыздар.

АҚШ нарығы төмендеді: қымбат облигациялар капиталды тартады

Сәрсенбі, 23 қазанда АҚШ қор нарығы теріс нәтижелер көрсетті деп жазды CNBC. Акциялар құнсызданды. Себебі инвесторлар қымбат облигацияларға басымдық беріп, капиталдарын қарыз нарығына аударып жатыр. DOW 0,96%-ға, Nasdaq 1,6%-ға, ал S&P 500 0,92%-ға төмендеді.

Сауда сессиясы барысында...

24 қазан күні Қазақстанның 15 облысында дауылды ескерту жарияланды деп хабарлайды «Қазгидромет» кәсіпорны.

«24 қазан түнде Алматы облысының таулы аймақтарында қатты қар жауады. Түнде және таңертең облыстың таулы, тау бөктеріндегі аудандарында тұман болады. Алматы қаласында 24 қазанда түнде және таңертең тұман күтіледі», – делінген хабарламада.

Астана қаласы, Ақмола, Қостанай, Павлодар, Қызылорда, Қарағанды және Ұлытау облыстарында тұман күтіледі. Осы аймақтарда 15-20 м/с екпінімен жел соғады.

Қазақстанның батыс облыстарында ауыспалы жел екпіні 23 м/с көтеріледі. Көшпелі бұл шығады.

Түркістан, Шымкент пен Жамбыл аймақтарында су деңгейі көтеріледі. Жел екпіні – 15-20 м/с. Тау бөктерінде аудандарда жауын-шашын күтіледі.

Қазақстан президенті Қасым-Жомарт Тоқаев Анкара маңындағы жарылыстан кейін, Түркия президент Режеп Тайып Ердоғанға көңіл айтты.

Тоқаев Қазақстан халқы атынан көңіл айту жеделхатын жолдаған. Жеделхатта президент Түркия астанасы маңындағы TUSAŞ аэроғарыш корпорациясына жасалған шабуыл туралы ақпаратты ауыр қабылдағанын жазған.

«Суыт хабарды терең күйзеліспен қабылдадым. Қазақстан бейбіт тұрғындарға қарсы қастандық әрекетті қатаң айыптайды. Осындай ауыр сәтте Сізге және барша түрік халқына, сондай-ақ қайтыс болған азаматтардың жақын туыстарына қайғырып көңіл айтамын. Марқұмдардың жаны жаннатта болсын. Зардап шеккендердің тезірек сауығып кетуіне тілектестік білдіремін», – делінген Тоқаев жеделхатында.

Соңғы мәліметтерге сәйкес, 23 қазан күні кешке болған шабуылда 5 адам қаза...

Түркиядағы Turkish Aerospace Industries компаниясының кеңсесіне терроршылар шабуыл жасады. Анкара маңында болған лаңкестік оқиға салдарынан төрт адам мерт болды. 14 кісі жараланды.

Түркияның ішкі істер министрі Али Ерликая шабуыл жасаған екеудің – ​​ер мен әйел адамның оққа ұшқанын хабарлады. Үш күдікті ауыр жарақат алды.

Владимир Путинмен кездескен Ердоған «жиркенішті лаңкестік әрекетті» айыптап, Ресей президентіне көңіл айтқаны үшін алғыс айтты.

«Төрт адам қаза тауып, 14 адам жарақат алды. Терактіні айыптап, шейіттерімізге рақым тілеймін», – деді Ердоған.

BBC-дің жазуынша, НАТО-ның бас хатшысы Марк Рютте Ердоғанмен сөйлескенін және альянстың Анкараға қолдау көрсететінін мәлімдеді. Оның пікірінше, Түркиядағы теракт...

Қазақстан кейбір мұнай өнімдерін Еуразиялық экономикалық одақ аумағынан тыс жерге тасымалдауды шектемек. Мұнай өнімдері экспортына тыйым салу мерзімін тағы екі жыл ұзартуға қатысты құжат 23 қазан күні «Ашық НҚА» порталында жарияланды. Соған сәйкес ҚР Энергетика министрінің 2023 жылғы 24 наурыздағы № 118 бұйрығына өзгеріс енгізіледі.

Энергетика министрлігінің түсіндіруінше, елде халық тұтынатын АИ-92 бензині мен дизель отынына сұраныс көбейген. Ал жанар-жағармай «сұр» экспортының бір айдағы көлемі 10 мың тоннаға жуықтайды. Ведомство Қазақстанмен шекаралас мемлекеттерде бензин бағасы әлдеқайда арзан (17-ден 107%-ға дейін) деп есептейді. Осының салдарынан бензин мен дизель отынын жасырын жолмен тасымалдау көбейген.

Заңсыз экспорт ағынын қадағалау мақсатында Энергетика, Ұлттық экономика, Сауда...

Үкімет басшысы Олжас Бектенов Президент Жарлығы бойынша қоғам қайраткерлер мен мемқызметшілерге және кәсіпкерлерге  мемлекеттік наградаларды табыс етті. Премьер-министр Республика күнінің маңызы жөнінде айтып, жиынға қатысқандарды құттықтады.

 II дәрежелі «Барыс» ордені Қазақстан Машина жасаушылары одағының басқарма төрағасы М. Пішембаев, III дәрежелі «Барыс» ордені ҚР Үкіметінің Парламенттегі өкілі Е. Аманшаевке берілді.

Бектенов Еңбек және халықты әлеуметтік қорғау министрлігі Еңбек және әлеуметтік қорғау комитетінің төрағасы Т. Оспанқұлов, Ауыл шаруашылығы министрлігі Жер ресурстарын басқару комитетінің төрағасы М. Теміржанов, «ҚазМұнайГаз» ҰК» АҚ басқарма төрағасының бірінші орынбасары Қ. Исқазиевке  «Парасат» орденін табыстады.

Үкімет Аппараты басшысының орынбасары Э. Толғанбаев, Оқу-ағарту бірінші вице-министрі Н. Жұмаділдаева, Экология және табиғи ресурстар вице-министрі Ж. Әлиев...

Алматы қаласының Бостандық ауданындағы ADK ойын-сауық орталығының жанындағы бір қабатты ғимаратта өрт шықты. Қаланың төтенше жағдайлар департаменті өрт 19:17-де сөндірілгенін хабарлады. Зардап шеккендер туралы мәлімет жоқ.

«23 қазанда сағат 18:15-те Түркебаев, 257 мекенжайы  бойынша шақырту келіп түскеніне байланысты өрт бригадалары жолға шықты. Қарбалас уақытта көлік кептелісі салдарынан техникалардың қозғалысы қиындады. Оқиға орнына жеткенде бір қабатты ғимараттың шатыры жанып жатқаны анықталды. Әзірге зардап шеккендер туралы ақпарат жоқ», – деп хабарлады ТЖД баспасөз қызметі.

Өртті сөндіруге 30-дан астам  қызметкер мен 9 техника жұмылдырылды. Төтеншеліктер өртті бір сағат шамасында сөндірді. Жалын 200 шаршы метр алаңға жайылған.

Түркияның Анкара провинциясында орналасқан Turkish Aerospace (TUSAŞ) аэроғарыш компаниясының штаб-пәтерінде күшті жарылыс болды. Мұны Түркия билігі теракт деп бағалады.

«Түркияның аэроғарыш өнеркәсібіне қарсы лаңкестік шабуыл жасалынды. Өкінішке қарай, қаза болғандар бен жараланғандар бар», — деп жазды ішкі істер министрілігнің басшысы Али Ерликая X әлеуметтік желісінде.

Лаңкестік оқиға салдарынан үш кісі қаза болған, 14 қызмкеткер жарақаттанған. NTV телеарнасы терроршылар компания ғимаратын басып алмақ болғанын хабарлады. Қарулы топ такси көлігімен келген.

Turkish Aerospace Industries – жойғыш ұшақтар мен ұшқышсыз ұшақтардың дизайнері және өндірушісі. Сонымен қатар TUSAŞ түрік Kaan ұшағының түпүлгісін жасаушылардың бірі болып табылады.

Шетелдік ақпарат құралдары...

Қасым-Жомарт Тоқаев БРИКС-ке мүше мемлекет басшыларының XVI саммитіне қатысу үшін Ресей Федерациясының Қазан қаласына келді. РФ Президенті Владимир Путин Тоқаевты осы жиынға шақырған.

Қазанда Қазақстан басшысын орыс және татар дәстүріне сай қарсы алды. Әуежайда қарсы алған топ Тоқаевқа тұз, нан және чак-чак тағамын ұсынды.

Ақорда ақпараты бойынша Президент  маңызды кездесулер өткізеді. БРИКС-тің «аутрич»/«БРИКС+» үлгісінде ұйымдастырған пленарлық отырысында өз пікірін ортаға салады.

Қазақстанның халықаралық ұйым құрамына кіру мәселесі кеңінен талқылануда. Президенттің баспасөз хатшысы Берік Уәли бұл ұсынысты Тоқаев ұлт мүддесі тұрғысынан қарастыратынын айтты.

Премьер-министрдің орынбасары Серік Жұманғарин БРИКС-ке мәжбүрлеп кіргізу туралы ақпараттың шындыққа сай келмейтінін хабарлаған. Жұманғарин Ресейдің бидай тасымалын шектеуінің бұл іске...

Елімізде сақтандырудан тек компаниялардың иелері ғана пайда тауып отыр. Бұл туралы Мәжіліс депутаты Елнұр Бейсенбаев депутаттық сауалында айтты.

Оның сөзіне қарағанда, жол апаты кезінде қаза болған адамның жұмысқа жарамсыз туысы болса ғана, сақтандыру төленеді. Бірақ кредит бойынша қарызын мұрагерлері төлейді. Еңбекке қабілетсіз туысы мүлде ескерілмейді.

Елнұр Бейсенбаевтың мәлімдеуінше, жол апаты кезінде бала өлімі үшін сақтандыру заңнамасында ешқандай құқықтық салдар көрсетілмеген. Ұзақ жылдардан бері 600 АЕК көлемінде міндетті сақтандыру қарастырылған.

Депутаттың айтуынша, бұл қаражат қазіргі көлікті жөндеу ақысына мүлде сәйкес келмейді. Қымбат көліктің жарығының өзі миллион теңге тұрады. Сондықтан апатқа кінәлі адам көлікті жөндетіп бере алмайды. Бұл оның отбасының, балаларының жағдайын...

2025 жылдың 1 қаңтарынан бастап InDriver және ЯндексТакси компаниялары оң рульді және екі есікті автокөлік жүргізушілерімен келісімшартқа отырмайды. Бұл жайлы Мәжіліс кулуарында Қазақстан Республикасы Ішкі істер министрінің орынбасары Игорь Лепеха айтты.

«Көлік министрі Марат Қарабаев оң рульді автокөлік иелеріне жолаушы тасымалдауға тыйым салынғаны туралы айтты. Осы орайда ІІМ ондай көлік иелерінің жұмысын қалай бақылайды?», – деп сұрады журналист.

Лепеха Көлік министрлігінің оң рульді автокөлік иелеріне жолаушы тасымалдауға тыйым салатыны туралы бұйрығы шыққанын, соған сәйкес, жолаушы тасымалы қызметімен айналысқан оң рульді автокөлік иелеріне әкімшілік жаза қарастырылғанын мәлімдеді.

Бірақ ІІМ өкілі мұндай автокөлік иелері тыйымға...

Германияның Raiffeisen Waren GmbH компаниясы Қазақстанға ауыл шаруашылығы техникасын жеткізуі мүмкін. Сонымен қатар Fendt және Valtra техникаларын Қазақстанда құрастыратын зауыт пен сервис орталығын құру мәселесі талқыланып жатыр.

Осы мақсатта «Бәйтерек» холдингі мен Raiffeisen Waren GmbH ауылшаруашылық техникасын құрастыру саласындағы ынтымақтастықты дамытпақ.

«Бәйтерек» холдингінің асқарма төрағасы Рустам Карағойшин мен Raiffeisen Waren GmbH компаниясының Бас атқарушы директоры Марио Зосе кездесіп, агроөнеркәсіптік салада стратегиялық әріптестік орнату және бірлескен инвестициялық жобаларды жүзеге асыру мүмкіндігін қарастырған.

Кездесу барысында тараптар «ҚазАгроҚаржы» АҚ арқылы серіктестікті кеңейту мүмкіндіктерін, Қазақстан фермерлеріне заманауи ауыл шаруашылық техникасын жеткізу және қаржыландыру мәселелерін талқылады. Әсіресе, Fendt және Valtra техникасын Қазақстанда құрастыратын...

Кейінгі бес жылда қазақстандықтардың азық-түлік өнімдерін тұтыну бойынша талғамы қалай өзгерген? Бұл туралы Freedom Finance Global сарапшысы Аңсар Абуевтің «Қазақстандағы азық-түлік ритейлі» туралы зерттеуінде жазылған.

Жұмыртқа мен етке сұраныс артты

Зерттеуге сүйенсек, жұмыртқа мен етті тұтыну тиісінше 4%-ға және 1,5%-ға өскен. Ал сүт және сүт өнімдерін тұтыну керісінше 10%-ға азайды. Көкөністер, нан-тоқаш өнімдері, жармалар, майлар 9%-ға, картоп 7% -ға төмендегені байқалады.

Балық пен теңіз өнімдерін тұтыну 4% -ға төмендеді

Бірақ жеміс-жидек, қант және кондитерлік өнімдерді тұтыну көрсеткіші өзгерген жоқ. Зерттеуге сүйенсек, азық-түлік өнімдерінің көпшілігін тұтыну артқан кезең 2020 жылға келді.

«Одан кейін...

Қазақстанда жолаушы тасымалы саласында өзін-өзі реттейтін ұйым – Автотасымалдаушылар палатасы құрылады. Бұл жайлы Мәжілісте Көлік министрі Марат Қарабаев айтты.

Көлік министрлігі осыған орай арнайы заң жобасын әзірлеген. Бұл заң жобасы негізінде жолаушыларды автомобильмен тасымалдау саласындағы кейбір мемлекеттік функциялар міндетті мүшелікке негізделген өзін-өзі реттеу ұйымына беріледі.

Өзін-өзі реттеу ұйымына мынадай функциялар беріледі:

Сонымен бірге автомобиль көлігімен жолаушылар тасымалы саласында өзін-өзі реттеуді енгізу – кәсіпкерлік субъектілердің қызметін реттеу мен ұйымдастыруда мемлекеттің қатысуын азайтуға, заман талаптарын ескере отырып, қажетті стандарттар мен...

Алматы қаласының тұрғыны М.Жалелова TikTok әлеуметтік желісінде орыс тілі туралы жағымсыз пікірлер айтып, ұлттық араздықты қоздырғаны үшін екі жылға бас бостандығынан айырылды. Тергеу барысында оның өз әрекеттері арқылы орыс ұлтының өкілдерін қорлап, олардың ұлттық намысы мен ар-намысына тіл тигізгені анықталды.

Сот материалдарына сәйкес, Жалелова «Vendetta» лақап атымен тіркелген TikTok аккаунтынан тікелей эфирге шығып, аудиториясына орыс тіліне және орыс ұлтына қатысты жағымсыз, қорлайтын пікірлер білдірген. Оның тікелей эфирін 1000-нан астам адам көрген, ал оның айтқан сөздері ұлттық араздықты қоздыруға бағытталған деп танылды.

Тергеу барысында сараптама нәтижелері мен тікелей эфир жазбалары да зерттелді. Сараптама қорытындысы бойынша, Жалелованың сөздері ұлттық араздықты тудырғаны...