Жаңалықтар

Алматы облысының Алатау қалалық сотында банкир Ержан Тәтішевті өлтіргені үшін 10 жыл 6 айға сотталған Мұратхан Тоқмәдидің жаза мерзімін қысқарту туралы өтініші бойынша сот отырысы өтті.

Онлайн өткен процесс барысында жәбірленушілердің адвокаты сот отырысына уақтылы әрі сапалы дайындалуға мүмкіндік алуы үшін отырысты кейінге қалдыру туралы өтініш білдірді. Олардың сөзінше, отырыс өтетінін 9 маусым күні ғана білген.

Судья өтінішті қанағаттандырып, сот отырысын 13 маусым 10:20-ға ауыстырды.

Одан бөлек отырыста Тоқмәдидің адвокаты сотқа өтініш хат сотталушының жаза мерзімін қысқарту бойынша түсірілгенін, оның жәбірленушілерге қатысы жоғын айтып, жәбірленуші тарапты процеске қатыстырмауға шақырды. Оның бұл өтініші ашық қалды.

Мұратхан Тоқмәди – «ТұранӘлем Банкі» басшысы...

Конституцияның 30 жылдығына орай рақымшылық жасалып, 4,1 мың адам бостандыққа шығуы мүмкін. Тиісті Заң жобасы мәжілісте талқыланды.

Қанша адамға рақымшылық жасалады?

Заң жобасын таныстырған депутат Абзал Құспанның айтуынша, қазіргі уақытта бас бостандығынан айыру түріндегі жазаларды орындау жөніндегі Қызметтің атқару жүйесінің 63 мекемесінде және 16 тергеу изоляторында 40 мыңнан астам адам ұсталады. Олардың 33 мыңына сот үкімі шығып, жазасын өтеп жатса, 7 мыңы тергеу изоляторларында үкім күтіп отыр.

«Алдын ала есептеулерге сәйкес рақымшылық жасауға бас бостандығынан айыру орындарында ұсталатын 6 мың сотталған және пробация қызметінің есебінде тұрған 9 мың адам, барлығы...

Конституцияның 30 жылдығына орай Қазақстан түрмелерінде отырған біраз адамға рақымшылық жасалады. Бірақ Қуандық Бишімбаев амнистияға ілікпейді. Бұл туралы Мәжіліс кулуарында Бас прокурордың орынбасары Әсет Шындалиев айтты.

«Жоқ, ол амнистияға ілінбейді. Өліммен байланысты қылмыс жасағандар бұл тізімге кірмейді. Тіпті жол апаты кезінде байқаусызда өлімге алып келген жағдайлар бойынша да рақымшылық жасалмайды. Ал қасақана өлімге әкелу жағдайлары да амнистияға жатпайды. Бұл депутаттардың шешімі», – деді прокуратура өкілі.

Бекежан Жакеев «Қазпошта» АҚ-ның басқарма төрағасы болып тағайындалды. Бұл туралы компания баспасөз қызметінен хабарлайды.

Бекежан Жакеев 1982 жылы Жезқазғанда дүниеге келген. «Әділет» жоғары құқық мектебі – Құқықтану академиясын «құқықтану» мамандығы бойынша, сондай-ақ Еуразиялық гуманитарлық институтты «экономика және бизнес бакалавры» мамандығы бойынша аяқтаған. Жалпы 22 жылдық тәжірибесі бар, оның ішінде он жыл басшылық қызметте болды.

Еңбек жолын 2002 жылы «Астық лизингтік компаниясы» ЖШС-де менеджер болып бастаған.

2005–2018 жылдар аралығында «Банк ЦентрКредит» АҚ-да заңгерден өңірлік несие басқару орталығының басшысына дейінгі қызмет жолынан өткен.

2018–2024 жылдары – «Law Partners» ЖШС-нің мүшесі. Сонымен қатар, 2024–2025 жылдары «Жасыл технологиялар мен инвестициялық жобалардың халықаралы...

Қаржылық мониторинг агенттігі Ақтөбе облысы бойынша департаменті «Harmony Rider Technology» қаржы пирамидасының қызметін тоқтатқанын хабарлады.

Күдіктілер өздерін АҚШ-та тіркелген электр самокаттарын өндіретін ірі компания ретінде таныстырып, азаматтарға жоғары табыс уәде еткен.

Іс жүзінде электр самокаттарын сатумен айналыспаған. Салымшыларға төлемдер тек жаңа қатысушылардың есебінен жасалған.

Салымшыларға салым сомасына байланысты күніне 12-ден 690 долларға дейін төлемдер ұсынылған. Жаңа қатысушыларды тартқаны үшін қосымша бонус уәде еткен.

 Нәтижесінде 115 адам пирамидаға 197 миллион теңгеден астам қаражат салған.

«Тергеу кезінде күдіктілер салымшылардың ақшасын OKX крипто әмиянына аударып, одан кейін фиаттық ақшаға айырбастап, банк шоттарына шығарғаны анықталды. Заңсыз кірістер есебінен Ақтөбе...

Осы уақытқа дейін қауіпсіз деп танылған Telegram-ның ресейлік арнайы қызметпен байланысы бар боп шықты. «Важные истории» басылымының журналистері зерттеу жүргізіп, Дуровтың әлі де Ресеймен байланысы бар екенін анықтаған.

Тelegram-ның ресейлік арнайы қызметпен байланысы қандай

Telegram – әлемдегі танымал әлеуметтік желілердің бірі. Көпшілік арасында ол қауіпсіз, жеке деректер қорғалған сервис деген сипатқа ие. Бірақ іс жүзінде басқаша.

«Важные истории» редакциясы тілшілерінің жазуынша, Telegram серверлері мен трафигіне Global Network Management (GNM) компаниясы жауап береді. Ал ол компанияның иесі – Владимир Веденеев 2018 жылдан бері Telegram-ның қаржы директоры ретінде көрсетілген.

Веденеевтің ресейлік мемлекеттік кәсіпорындарға қызмет көрсететін «Глобалнет» компаниясына...

Абай облысында мектеп оқушыларына арналған жазғы кәсіби бағдарлау лагерлері ашылды. Оқу-ағарту министрлігінің мәліметінше, өңірде колледждер базасында 10 жазғы лагерь іске қосылды, онда оқушылар түрлі кәсіби бағыттар бойынша алғашқы практикалық тәжірибе алып жатыр. Биыл шамамен 600 баланы қамту жоспарланған.

Жаңа форматтағы лагерьлердің бірі — Бесқарағай колледжінің базасындағы экологиялық-аграрлық «ЭКОorman» лагері. Мұнда балалар ландшафттық дизайн, жылыжай шаруашылығы, флористика, ауыл шаруашылығын механизациялау негіздерімен танысады.

«SmartKriS» цифрлық лагері IT және жаңа технологиялар Жоғары колледжінің базасында істейді. Ол екі ауысымда ұйымдастырылған. Оқушылар робототехника, бағдарламалау, веб-дизайн, CAD-графика бағыттарын меңгеруде. Оқыту WorldSkills стандарттарына сай практикалық тапсырмалар мен ойын кейстері арқылы өтеді.

Политехникалық колледжде шығармашылық бағыттағы «Summer...

Мәжілісте «Қазақстан Республикасының Конституциясының отыз жылдығына байланысты рақымшылық жасау туралы» Заң жобасы талқыланып жатыр. Заң жобасына сәйкес, аса ауыр емес қылмыс жасаған азаматтарға амнистия көзделген. Бұл жоба қабылданса, бюджеттің 5 млрд теңге қаражаты үнемделеді. Бұл туралы Заң жобасын таныстырған депутат Абзал Құспан айтты.

Амнистия есебінен үнемделген қаражатты оңтайландырып, елдің қылмыстық атқару жүйесі қызметін жақсартуға жұмсау көзделіп отыр. Атап айтқанда, қаражатты елдегі түрмелерді халықаралық стандарттарға сәйкестендіріп, камералық түрмелерге көшіруге жұмсау көзделген.

«Қазіргі уақыттың шындығын ескере отырып, рақымшылық жасау мемлекеттік шығыстарды оңтайландыруға, жылына шамамен 5 млрд теңге деп күтіліп отыр. Жүктемені азайту есебінен қылмыстық атқару жүйес...

Nintendo бар болғаны төрт күннің ішінде 3,5 миллион Switch 2 ойынын сатып, рекорд жаңартты. Жапон компаниясы сегіз жылда бірінші рет жаңа консоль шығарып отыр. Бұл туралы Bloomberg жазды.

Сауда қалай өтіп жатқаны туралы мәліметті компания сәрсенбі күні жариялады. Nintendo бір жылдың ішінде 15 млн ойыншық сатуды жоспарлап отыр. Switch 2 консолін төрт күннің ішінде талап әкеткеніне қарағанда, мақсат артығымен орындалатын сияқты. Сауда сарапшылары да солай дейді.

Енді жапон компаниясын бір ғана қиындық күтіп тұр: Nintendo өсіп бара жатқан сұранысты дер кезінде өтей алуы тиіс. Тіпті компания президенті Шунтаро Фурукава ойыншық жетпей қалған тұтынушылардан кешірім сұрауға мәжбүр болған. Киотода орналасқан...

Қазақстандағы компанияларды 5 млрд теңге шығынға батырған Түркия азаматы Черногориядан ұсталды. Бұл туралы Ішкі істер министрлігінің баспасөз қызметі хабарлады.

«Ішкі істер министрлігінің Интерпол Ұлттық орталық бюросының сұрауы бойынша Черногорияның Будва қаласында аса ірі көлемде алаяқтық жасағаны үшін халықаралық іздеуде жүрген Түркия Республикасының азаматы ұсталды», – деп хабарлайды баспасөз қызметі.

Бұл азамат 2022 жылдың қазан айынан 2024 жылдың маусымына дейін бірнеше ЖШС-ға иелік ететін қазақстандық компанияны басқарған. Осы аралықта ол өзінің қызметтік өкілеттігін асыра пайдаланып, алаяқтықпен бірнеше ЖШС-ның ақшасын жымқырған. Нәтижесінде еншілес компанияларға 5 млрд теңге көлемінде шығын келтірген.

Бейжіңдегі аукционда Labubu ойыншығының адам бойындай мүсіні 150 мың долларға сатылды. Бұл – ойыншықтар әлеміндегі жаңа рекорд деп жазады Reuters агенттігі.

Көкшіл түсті, биіктігі 131 сантиметр болатын Labubu мүсіні сатып алушылар арасында үлкен қызығушылық тудырып, аукциондағы ең қымбат лот атанды. Аукцион ұйымдастырушысының айтуынша, бұл – әлемдегі жалғыз осындай мүсін.

Сондай-ақ шамамен 40 сантиметрлік үш Labubu мүсінінен тұратын жиынтық 70 мың долларға сатылды. Бұл топтама 2017 жылы «Үш дана Labubu» деп аталатын шектеулі сериямен 120 дана болып шығарылған. Жуырда дәл осы жиынтықтың бір данасы Гонконгтағы Sotheby’s аукционында 25 мың долларға саудаланған еді.

Аукционды әдетте заманауи өнер мен зергерлік бұйымдармен...

Қытай Халық Республикасының төрағасы Си Цзиньпин 16 маусымда Қазақстанға келеді. Бұл туралы Ақорда хабарлады.

Ресми мәлімет бойынша, көрші елдің басшысын президент Қасым-Жомарт Тоқаев шақырған. Си Цзиньпин сапары екі күнге созылады.

«Сапар барысында жоғары деңгейдегі екіжақты кездесулер өткізу жоспарланып отыр. Сонымен бірге екі ел арасындағы жан-жақты стратегиялық серіктестікті одан әрі нығайту мәселелері талқыланады», – деп хабарлады Ақорда.

17 маусымда Астанада аймақтағы мемлекеттер басшыларының қатысуымен екінші «Орталық Азия – Қытай» саммиті өтеді. Си Цзиньпин осы форумға қатысады.

Өзбекстан сыртқы істер министрлігі Ресейде жүрген ел азаматтарына қысым көрсетіліп жатқанына алаңдайды. Соған байланысты Ташкент Мәскеуден еңбек мигранттарын құрметтеуді сұрады.

10 маусым күні Өзбекстан СІМ Ресейдегі көші-қон мәселелері бойынша кезекті ай сайынғы кеңесін өткізді.

«Біз Ресей аумағында заңсыз тексерулерді, Өзбекстан азаматтарына құрметсіздік пен дөрекілік көрсеткені туралы мәліметтерді атап өттік. Біз мұндай жағдайдың екі ел арасындағы достық қарым-қатынасқа қайшы екенін, дөрекі әрекетке жол бермеудің нақты шаралары қажет екеніне назар аудардық. Өзбекстан шетелде тұратын азаматтарының құқықтары мен мүдделерін қорғайды», – деп мәлімдеді СІМ.

Бұған қоса, Өзбекстан елшілігі Ресей сыртқы істер министрлігіне наразылық нотасын жолдап, Мәскеудег...

АҚШ-тың Лос-Анджелес қаласында комендант сағаты енгізілді. Мұнда бірнеше күннен бері Дональд Трамп әкімшілігінің көші-қон саясатына қарсы наразылық акциялары өтіп жатыр.

Шектеу 10 маусымда кешкі сағат 20:00-де (Астана уақытымен 11 маусым сағат 08:00) басталып, сәрсенбінің таңына дейін созылады. Комендант сағаты қала орталығында іске асады.

Лос-Анджелес қаласының мэрі Карен Басстың айтуынша, наразылық акциялары барысында қаланың ондаған инфрақұрылым нысаны зардап шекті. Осының алдында орталықтағы 23 сауда нүктесі тоналғаны айтылған. Билік қауіпсіздік шараларын күшейтіп жатыр.

Калифорния штатының орталығындағы жаппай тәртіпсіздік 6 маусымда басталды. Бұған федералдық агенттердің заңсыз мигранттарға қарсы рейді себеп болды. Тексеру кезінде 44 адам ұсталған.

Наразылық акциясы басталған уақыттта АҚШ президент...

Шымкенттегі «Айкөркем» жекеменшік балабақшасының қызметкері үш жасқа толмаған балаларды кезекпен ұрған видеосы әлеуметтік желіде тарап кетті. Оқиғаның болғанын балабақша меңгерушісі растады.  Ал қалалық полиция департаменті балабақша қызметкерінің үстінен қылмыстық іс қозғалып, оның қамалғанын мәлімдеді.

Желіде тараған видеоға қарағанда, балаларының денесінен көгерген іздерін байқаған ата-ана балабақшадағы бейнебақылау камерасын аштырған. Онда балабақшаның шамамен 3 жасқа толмаған тобын көруге болады. Кей балалар еденде жатқанын, енді бір тобы отырғаны байқалады. Арасында балаларға бас-көз болып отырған балабақша қызметкері балаларды ұрып-соғады. Оны көрген ата-ана эмоциясын жасыра алмай: «Не деген сұмдық мынау, апай? Мен бір ұрды, мақұл деп кешіремін деп отыр едім. Енді кешіре алмаймын» дейді. Балабақша қызметкерлер...

Тарихта алғаш рет қытайлық автокөлік өндіруші Жапониядағы ең көп сатылатын шетелдік брендтер ондығына енді. BYD компаниясы Peugeot және Land Rover секілді танымал маркаларды басып озып, Jeep-ке жақындады, деп хабарлады өндіруші.  Бұл көрсеткіш BYD Sealion 7 электрлік кроссоверіне сұраныстың артуы арқасында тіркелді. Ол Tesla Model Y көлігіне тікелей бәсекелес саналады.

BYD ең консервативті нарықта өз орнын тапты ма?

Жапония автомобиль импорттаушылары қауымдастығының (Japan Automobile Importers Association, JAIA) мәліметінше, 2025 жылдың мамыр айында BYD компаниясы Жапонияда 416 жаңа электромобиль сатқан. Бұл көрсеткіш брендке ең танымал шетелдік көліктердің рейтингінде тоғызыншы орын алуға мүмкіндік берді. Компания Peugeot (382 дана) және Land...

Жамбыл облысы Меркі ауданында өзінен жасы кіші оқушыға қысым жасаған жасөспірімнің анасына айыппұл салынды. Бұл туралы облыстық соттың баспасөз қызметінен хабарлайды.

Ресми дерекке сүйенсек, орта мектепте оқитын 9-сынып оқушысы төменгі сыныпта оқитын балаға ұдайы қысым жасап келген. Оны түрлі жұмыс істеуге мәжбүрлеген.

Жасөспірім де, оның анасы да болған жағдайды мойындап, алда мұндай оқиғаға жол бермейтініне уәде берді. Кейіннен екі бала өзара тіл табысқан.

Бірақ әкімшілік құқық бұзушылық туралы хаттама толтырып, жеткіншектің анасына 27 мың теңге көлемінде айыппұл салды.

Буллинг, құрбы-құрдастары тарапынан қысымға ұшырау – жасөспірімдер арасындағы үлкен мәселенің бірі. Бұған дейін блогердің видеосына түсіп, сыныптастарының мазағына қалып, үйірмеге...

Енді бірнеше кредиті бар қазақстандықтарға оны қайтару жеңілдей түседі. Қаржы нарығын реттеу және дамыту агенттігі борышкерлерге бірнеше проблемалық несиені біріктіріп өтеуге мүмкіндік беретін жаңа ережелер әзірледі

Құжатқа сәйкес, бірнеше мерзімі өткен қарызы бар азаматтар өз берешектерін біріктіріп, кредиторлармен бірге реттеу рәсімінен өте алады.

Қандай жағдайда мүмкін болады?

Жоғарыдағы тізімге енген тұлғалар банкке барып, барлық қарыздарын біріктіріп, оларды бірге төлей алады немесе жаңа...

Германияның ұлттық әуетасымалдаушысы Қазақстанға баратын рейстерді тоқтатады. Бұл туралы Travel Radar жазады.

Lufthansa компаниясының Германия-Қазақстан арасындағы рейстерді тоқтатуына ұшақтар мен оның бөлшектерінің жетіспеуі себеп болған.

Әуе рейстері 2025 жылдың 26 қазаны мен 2026 жылдың 29 наурызы арасында тоқтайды.

Қазір Lufthansa аптасына бес рет Қазақстанға рейстер орындайды. Алматы мен Астананың халықаралық әуежайы мен Франкфурт әуежайы арасындағы тікелей бағыттар бар.

Осыған дейін, Шымкенттен Мюнхенге ұшатын жаңа рейс ашылғанын жазған едік. Қазақстандық «SCAT» әуе компаниясының әуе кемесі Шымкент – Мюнхен бағытында ұшады. Әуе ұшақтары аптасына 3 рет, сейсенбі, бейсенбі және сенбі күндері қатынайды.

Бүгін Қырғызстанда Freedom Broker-дің салтанатты ашылу рәсімі өтті. Шараға Қырғыз Республикасының Экономика және коммерция министрі Сыдыков Бақыт Толомушевич, Freedom Holding Corp. компаниясының бас атқарушы директоры Тимур Турлов, сондай-ақ мемлекеттік органдардың, банк секторының, ірі отандық компаниялар мен инвесторлардың өкілдері қатысты.

Қырғыз Республикасының Экономика және коммерция министрлігіне қарасты Қаржы нарығын реттеу және қадағалау қызметі мен Freedom Holding Corp. арасында ынтымақтастық туралы меморандумға қол қойылды.

Меморандумның мақсаты — бағалы қағаздар нарығын дамытуға ықпал ету, қаржылық қызметтерді цифрландыру және халықтың инвестициялық мәдениетін арттыру. Freedom Broker Қырғызстанға тек халықаралық ойыншы ретінде ғана емес, сонымен қатар жергілікті инвесторлар, бизнес және халық үшін сенімді серіктес ретінде...

Алматыда «Мир 24» телеарнасының операторы Алексей Рубежанский әріптесімен бірге редакция маңынан бірнеше жылан көргенін хабарлады.

Ол Көк-төбе мұнарасының маңындағы редакцияның күнгей жағына қарай шылым шегуге шыққан кезде күнге қыздырынып жатқан бірнеше бауырымен жорғалаушыны байқаған.

«Олар шамамен 4-5-еу болды», – деген ол жыландар сурет-видеоға түсіріп бастаған кезде бұта арасына қарай кіріп кеткенін жеткізді. «Жыландарға тиіспедік, арнайы мамандар шақырмадық, неміз бар, жайына қоя бердік», – дейді Алексей.

Телеарна қызметкерінің сөзінше, жыландар өздеріне қауіп төндірмеген.

Биыл бауырымен жорғалаушылар адам аяғы көп жүретін жерде жиі кездесіп жүр. Жуырда Бесағашта бір үйдің ауласынан бес жылан табылған. Оның алдында...

Ақтөбеде 11 айлық қызы мен 3 жасар ұлын өлтірген әйел адам қылмыстық жауапкершіліктен босатылып, мәжбүрлі түрде арнайы емдеу орталығына жатқызылады. Осы іске қатысты Ақтөбедегі қылмыстық істер жөніндегі мамандандырылған ауданаралық соты үкім шығарды.

Судьяның дерегінше, 29 жастағы әйел адам 11 айлық қызы мен 3 жастағы ұлды көпшікпен тұншықтырған. Олардың тыныс алу жолына қан құйылған. Сот сол сәтте анасында психикалық ауытқуы болған деп тапты.

«ҚР Қылмыстық кодекстің 99-бабы 3-бөлігінде көзделген қылмыстық құқық бұзушылықты есі дұрыс емес күйде жасаған Гүлжанат Дәулетбаева қылмыстық жауаптылықтан босатылсын. ҚК 93-бабы 1-бөлігі 2-тармағына сәйкес Гүлжанат Дәулетбаеваға жіті бақыланатын мамандандырылған психиатриялық ауруханада мәжбүрлеп емдеу...

Volkswagen Golf R, Tiguan және ID.4 үлгілері жаңартылатын болды. Компания 2026 жылы 9 түрлі жаңартуды жария етті.

Қазіргі үлгі қатарындағы көліктердің барлығы да өзгереді. Біршама жетілдіріліп, жабдықталу деңгейі арттырылмақ. Соның ішінде Қазақстанда танымал Tiguan, электромобиль ID.4 және Golf үлгілері де бар. Бұл туралы америкалық Carcoops басылымы хабарлады.

Volkswagen Atlas және Atlas Sport Coupe 2026

2026 жылғы Volkswagen Atlas және Atlas Sport Coupe үлгілері бір ғана елеулі өзгеріске ие болмақ. Көліктерге HomeLink функциясы бар айна орнатылады. Бұл – гараж қақпаларын, қауіпсіздік жүйелерін және жарықтандыруды қашықтан басқаруға мүмкіндік беретін сымсыз жүйе.

Volkswagen Taos 2026

Volkswagen Taos 2026

Алматыдағы Orda City тұрғын үй кешені сот шешімімен сүрілді. Бұл туралы Алматы әкімдігінің баспасөз қызметі хабарлады.

«Бүгін Қалалық құрылыс бақылау басқармасы «Теректі» шағынауданындағы Айналма көшесі, 183-учаскеде орналасқан заңсыз нысанды бұзу басталғанын хабарлады. Бұған дейін бұл тұрғын үй кешені БАҚ-та пәтер сатып алуға ұсынылмайтын тұрғын үйлер тізімінде көрсетілген болатын», – делінген баспасөз хабарламасында.

Тұрғын үй кешенін кім салған?

Заңсыз тұрғын үй кешені құрылысын «Investment Stroy» ЖШС жүргізген. Компания нысанды қажетті құжаттарсыз салған. Бұл факт жоспардан тыс тексеру барысында анықталған.

Бұдан кейін компанияға қатысты әкімшілік шаралар қабылданып, Алматы қаласының Мамандандырылған ауданаралық экономикалық сотына шағым...