Жаңалықтар

Ұлттық банк сарапшылар арасында сауалнама жүргізіп, олар инфляция мен экономиканың өсіміне қатысты болжамдарын қайта қарады. Мамандар Қазақстан экономикасы өсуі баяулайды, ал инфляция әлі де өсе түседі деген пікірде.

Ұлттық банк сарапшылары Brent маркалы мұнай бағасы 2025 -2026 жылдары 75-72 доллардан сатылады деп болжайды. Ал 2027 жылы қара алтын бір баррелінің бағасы 72,5 долларға өсуі мүмкін.

Ал ел экономикасы 2025-2027 жылдары өсімін баялатуы мүмкін. 2025 жылға арналған болжам 4,9%-тен 4,7%-ке, ал 2027 жылға – 4,5%-тен 4,3%-ке дейін қайта қаралды. 2026 жылға арналған экономика өсімі 4,5% деңгейінде сақталды.

Инфляция бойынша болжамдар да мәз емес. Ұлттық банк сауалнамасына қатысқан сарапшылар 2025-2027 жылдар аралығында инфляция...

Президент Қасым-Жомарт Тоқаев Өзбекстанның Самарқан қаласына барды. Мемлекет басшысын әуежайда Өзбекстан Премьер-министрі Абдулла Арипов қарсы алды.

 «Орталық Азия – Еуропа Одағы» саммиті мен «Жаһандық климат сын-қатерлері кезеңіндегі Орталық Азия» халықаралық конференциясына қатысу үшін Самарқан қаласына келді,- делінген Ақорда хабарламасында.

Сондай-ақ бүгін мемлекет басшысы Еуропалық кеңес президенті Антониу Коштамен және Еуропалық комиссия президенті Урсула фон дер Ляйенмен кездесу өткізеді.

Саммит аясында Орталық Азия елдері мен Еуропалық Одақтың саяси экономикалық байланысын арттыру, Транскаспий халықаралық орта дәлізінің мүмкіндігін кеңейту мәселелері талқыланбақ.

Бес күн бұрын Тоқаев бейресми кездесуге келген Өзбекстан басшысы Шавкат Мирзиёевті Алматы әуежайында қарсы алған

Алматы көшелерінің бірінде сағатына 300 шақырым жылдамдықпен жүйткіп, жарысқан көліктердің иелері іздестіріліп жатыр.

Полиция жауапкершілікке тартуға уәде берді. Әлеуметтік желілерде Алматы қаласының Әл-Фараби көшесінде таңсәріде жарыс ұйымдастырғандардың бейнежазбасы тарады.

Онда белгісіз автокөлік жүргізушілері сағатына 200,230 шақырым жылдамдықпен жүргені көрінеді. Кейде тіпті жылдамдықты 300 шақырымға дейін жеткізген.

Айта кететін жайт, бұл көшеде сағатына 60-80 шақырым жылдамдықпен жүруге ғана рұқсат етілген.

«Бұл адамдарға не көрінді? Бұл жаңа қауіпті челледж бе? Немесе хайп қуу ма? Әлде бақылау жоқ екенін біліп, жазаға тартылмаймын деп ойлай ма?» – деп, тұрғындар наразылығын білдіріп жатыр.

Алматы қалалық полиция бұл бейнежазбаға...

Атырауда миллиардер Тимур Құлыбаевқа тиесілі «Кипрос» компаниясының өзен жағалауындағы жері мемлекетке қайтарылды. Жоғарғы сот жер дауына байланысты түпкілікті шешім шығарды.

«Кипрос» компаниясы 2014 жылы Жайық өзені бойында орналасқан демалыс саябағынан 0,3 га жерді алған. Алайда 11 жыл бойы ол жерге ештеңе салынбаған. Соның өзі жерді мемлекетке қайтаруға себеп болды, өйткені жер телімін пайдаланбау заңнамаға қайшы.

Жер дауы қалай өрбіді

2022 жылы прокурорлар Құлыбаевтың жерін тексеріп, жер телімі пайдаланбай жатқанын анықтаған. «Кипрос» компаниясына оны пайдалануға бір уақыт берілген. Алайда қайта тексеру кезінде компания ешқандай әрекет жасамағаны анықталған. 2024 жылғы маусымда экономикалық сот жер телімін мемлекетке қайтару жөнінде шешім шығарды.

2025 жылғы наурыздан бастап коллекторлардың заң бұзғаны үшін айыппұл мөлшері екі есе артты деп хабарлайды Қаржы нарығын реттеу және дамыту агенттігі (ҚНРДА). Аталған шара борышкерлердің құқықтарын қорғау және коллекторлық агенттіктердің қызметін реттеу мақсатында енгізілді.

Агенттіктің мәлімдеуінше, коллекторлық қызметті жүзеге асыру кезінде жосықсыз әрекеттер жасағаны үшін салынатын айыппұл 2 есе ұлғайды. Нақты айтқанда:

Ал коллекторлы...

Тасмағамбетовтың қызы мен күйеубаласы Шымкентте «Фосфоршылар мәдениет сарайын» салады. Әсел Тасмағамбетова мен Кеңес Рақышев құрылыс басталған жерде капсула салу рәсіміне қатысқан.

Бұрынғы «Фосфоршылар мәдениет сарайы» жарамсыз деп танылып, 2024 жылы сүрілген. Енді ескі ғимараттың орнына жаңа нысан бой көтереді. Бұл жобаны Шымкент әкімдігі «Сәби» қорының қолдауымен жүзеге асырмақшы.

«Бұл нысанның құрылысы болашаққа жасалған маңызды инвестиция болмақ. Жаңа мәдениет сарайы қаланың дамуына серпін беретін жаңа мәдени орталыққа айналады, – деп мәлімдеген салтанатты шараға қатысқан шаһар басшысы Ғабит Сыздықбеков.

Ал Әсел Тасмағамбетова жаңа «Фосфоршылар мәдениет сарайы» – Шымкенттің мәдени дамуының жаңа кезеңіне жол ашатынын айтқан.

Азаматтық некедегі әйелін өлтіріп, 24 жылға сотталған экс-министр Қуандық Бишімбаевтың отбасы оның бұрынғы некесінен туған балаларына алимент төлеуден бас тартты. Бұл туралы оның бұрынғы әйелі Назым Қаһарман желідегі парақшасында айтты.

Ол жаңалықты экс-күйеуінің адвокатынан естіген. Заңгердің сөзінше, Бишімбаевтың анасы күйеуінің шығыны көп әрі балалар олармен араласпайтындықтан, алимент төлеуден бас тартатынын айтқан.

Бишімбаев адвокаты арқылы бар мүлкі анасының атына рәсімделгендіктен, алиментті төлеу соның мойнында екенін, енді алимент төлеу үшін түрмеден жұмыс тауып алуын күте тұруды сұраған.

Назым Қаһарман Бишімбаевтың әулетін «тозақ әулет» деп атап, олармен арадағы мәселеге тезірек нүкте қойғысы келетінін, оны Жоғарғы сот қойып қалар деп үміттенетінін жеткізді.

Бишімбаевты...

Porsche нағыз танкке айналуы мүмкін. Былтыр компания миллиардтаған шығынға ұшыраған соң, Porsche SE жаңа бизнес салаларға көз тігіп жатыр.

Еsut ақпаратына қарағанда, енді Porsche нағыз танкке айналуы мүмкін. Компания қорғаныс өнеркәсібіне қайта оралу мәселесін қарастырып отыр.  

Былтыр неміс автокөлік индустриясы сәтсіздікке ұшырады. Porsche SE холдингі 20 млрд еуро көлемінде таза шығын көрсетті. Оған Volkswagen-нің 31,4%-ы және Porsche-нің 25%-ы қарайды. Менеджерлер қатаң үнемдеу шараларын талап етіп отыр. 

Бұрын Leopard-1 танкісін жасаған

Шынтуайтында, Porsche нағыз танкке айналамын десе, кедергі көп емес. Тәжірибесі де бар. Германия қарулы күштері – Бундесвер бұрыннан таныс ұйым. 1958 жылдан бастап Dr. Ing. h.c...

Қытайдың Geely автокомпаниясы төртінші буынға жататын Atlas кроссоверін таныстырды. Қытайдың өзінде ол Boyue L деп аталады.

Geely Atlas кроссоверінің басты ерекшеліктері

IT Home басылымының мәліметінше, бұл кроссовердің осымен төртінші генерациясы. Автомобильдің сыртқы пішінінде өзгеріс бар, бірақ артқы жағы сол күйі қалды.

Өзгерістің көбі автокөлік салонында. Енді оған төрт спиці бар руль және екі экран орнатылған.

Geely өкілдері автокөлік медиасервисі әлдеқайда жақсарғанын, Flyme Auto операция жүйесінде жасанды интеллект барын айтып отыр. Кроссовер орындықтарына желдеткіш пен массаж орнатылған.

Қытай компаниясы әзірге жаңа буындағы кроссовердің техникалық сипатын ашып айтпай отыр. Бірақ оның қуаты 1.5T және 2.0T болатыны мәлім.

Жол...

28 жастағы кәсіпкер Раулан Жалеев – пандемия кезінде бизнес бастағандардың бірі. Ол Rol Rugs шеберханасын құрып, кілем кәсібін дөңгелетіп отыр. Раулан бала күнінен ұшқыш болуды армандап, бұл салада бірнеше жыл қызмет еткен. Алайда артынша мұның өту қажет болған меже екенін түсініп, кәсіпке бет бұрған. Kursiv.Media тілшісі жас кәсіпкердің оқиғасын тыңдап, кілем бизнесінде қанша пайда табуға болатынын білді.

«Алғашқы млн теңгені жарты жылда таптым»

«Пандемия басталған тұста шетелден Қазақстанға келдім, әрі қарай қызмет бойынша Еуропаға кетуім керек еді. Сол уақытқа дейін кәсіппен айналысамын деп армандаған да емеспін. Ойымда тек көк аспан, ұшақтар ғана болды. Әлеуметтік желіде...

АҚШ президенті Дональд Трамп Үнді мұхитының субантарктикалық бөлігінде орналасқан, адам тұрмайтын Херд және Макдональд аралдарына 10 пайыздық тариф енгізді. Бұл туралы Axios порталы хабарлады.

Херд және Макдональд – адам мекен етпейтін, Антарктидаға жақын, қар мен мұз жапқан табиғи аумақтар. Аралдар Австралияның меншігі ретінде саналады және ЮНЕСКО-ның Бүкіләлемдік мұралар тізіміне енген. Трамп әкімшілігі осы аралдардың Австралияға тиесілі екенін негізге ала отырып, оларды да кедендік баж салығына салынатын аумақтар тізіміне енгізген.

Херд аралында адамдар XIX ғасырда итбалық аулауға және 1947–1955 жылдар аралығындағы ғылыми зерттеулермен ғана барған. Ал Макдональд аралын адамдар тек екі рет қана басып өткен. Осы табиғи қорық аймағы сирек...

Премьер-министр Олжас Бектенов Ұлттық цифрлық қаржы инфрақұрылымын дамыту, цифрлық теңге арқылы бюджет қаражатын жұмсау жайлы отырыс өткізді. Ол қосылған құн салығы (ҚҚС) қайтару рәсімін жеделдету үшін  «Цифрлық ҚҚС» пилоттық жобасын іске қосқанын да атап өтті.

Үкімет басшысы Ұлттық цифрлық қаржы инфрақұрылымы ауқымын одан әрі кеңейту, сондай-ақ бюджет қаражатын біршама үнемдеуді қамтамасыз ететін цифрлық теңгені пайдаланудың маңызын атап өтті.

«Цифрлық теңге арқылы «ақшаны таңбалау және бояу» бюджет қаражатының жұмсалуын бақылау тетігі болуы мүмкін. Бизнес-үдерістер де өзгеріп, ашық болуы керек. Кәсіпкерлерге қатысты мынадай қағиданы ұстанған жөн: бюджет ақшасымен жұмыс істесеңіз – ашық болыңыз. Оны қайда жұмсайтыныңызды және жеткізушілер...

Желіде Қуандық Бишімбаевтың әкесі Уәлихан Бишімбаевтың Қызылорда қаласында жекеменшік университет ашатыны туралы ақпарат тарады. Бұл ақпаратты Ғылым және жоғары білім министрлігі растамады.

Ғылым және жоғары білім министрлігінің баспасөз қызметінің мәліметінше, Қазақстан Республикасының «Білім туралы» Заңының 5-3-бабына сәйкес, мұндай оқу орындарын ашу үшін арнайы лицензия керек. Ал бұл құжатты тек Ғылым және жоғары білім саласындағы уәкілетті орган, яғни Ғылым және жоғары білім министрлігі ғана бере алады.

Қазақстан Республикасының «Рұқсаттар және хабарламалар туралы» Заңына сәйкес, жеке және заңды тұлғалар бұл рұқсат құжатын алмай немесе хабарлама жібермей оқытуға қатысты қызметтерді жүзеге асыра алмайды.

«Жоғары және жоғары...

2040 жылға қарай Қазақстанда су тапшылығы 50%-ға жетуі мүмкін. Өйткені гидротехникалық құрылыстар тозған және білікті мамандар жетіспейді. Осындай мәліметтер келтірген сенатор Сәкен Арубаев елдегі су саласына қатысты  алаңдаушылық білдірді.

Депутаттың пайымынша, Қазақстанды су тапшылығы қаупі күтіп тұр.

«БҰҰ болжамы бойынша, 2040 жылға қарай елдегі су ресурсының тапшылығы 50%-ға жетуі мүмкін. Бұл жағдайды гидротехникалық құрылыстардың тозуы, ауыл шаруашылығы саласында судың 40 пайызы жоғалуы, сондай-ақ білікті мамандар жетіспеушілігі одан сайын қиындатады», – деді сенатор Үкімет басшысына жолдаған сауалында.

Сәкен Арубаев су шаруашылығы саласында  жұмыс істейтін мамандардың 70%-ның білімі сәйкес келмейтінін айтады. Тіпті арасында мамандығы мүлдем жоқтары да бар...

Қаржы мониторингі агенттігі төрағасының орынбасары Жеңіс Елемесов QirSabyn Telegram-арнасының әкімшілерін ұстау жайлы журналистер сұрағына жауап берді.

Қаржы мониторингі агенттігі өкілінің сөзінше, агенттік күмәнді қаржылық операцияларды тұрақты түрде қадағалайды.

«Егер біз белгілі бір транзакциялардың қылмыс жасауға қолданылуы мүмкін екенін анықтасақ, терең талдау жүргізіп, істі тиісті құқық қорғау органдарына тапсырамыз. Бұл да сондай жағдайлардың бірі, әрі қарай тергеуді басқа органдар жүргізеді», – деді Елемесов.

Қазақстанда қылмыстық жолмен алынған кірістерді заңдастыруға қарсы заң бар.
Оған сәйкес, қаржы мониторингінің субъектілері белгіленген шектен асатын немесе күмән тудыратын транзакциялар туралы ақпарат беруге міндетті.

Еске салсақ, 2024 жылғы 20 желтоқсанда Бас прокуратура...

Тик-ток желісінде алғашқы жарнасыз, бөліп төлеп алуға болатын көліктердің жарнамасынан көз сүрінеді. Kursiv.media сондай жарнама арқылы көлік алған Алматы тұрғынымен сөйлесіп, мәселенің мәнін ұғуға тырысып көрді.

Асан көлік аларда түрлі ұсыныстарды қарап, тик-токтағы жарнамаларға кезіккен. Тыңдаса, машинаны құдды өз бағасына беретіндей. Қызықпау мүмкін емес. Алғашқы жарнасы аз немесе мүлде жоқ адамдар үшін де үлестіріп жатыр.

Сондай салондардың біріне барады да су жаңа Chevrolet Monza-ны тізгіндеп қайтады. Кейіпкеріміз бір күнде аз ақшамен көлік алу жағы тиімді демесең, мұндай жарнамалардағы көліктерде ешқандай да бөліп төлеу жоқ екенін айтады.

8 млн-дық көлік алдымен 10,8 млн, кейін 14,5 млн-ға айналады

Сонымен...

Қазақстанның Сауда және интеграция министрлігі АҚШ-тың әлем елдеріне енгізген кеден баж салығына қатысты ресми мәлімдеме жасады. Дональд Трамп Қазақстанға 27% баж салығын белгілеген.

Сауда министрлігінің мәлімдеуінше, Қазақстанның АҚШ-қа экспортының көп бөлігі қосымша тарифтер санатына енбейді, себебі олардың дені салықтан босатылған тауарлар тізіміне кіреді.

«Қазақстан АҚШ-қа негізінен шикі мұнай, уран, күміс, ферроқорытпа және басқа да тауар экспорттайды. Олар тауарлардың 92 пайызын алады. Бәрі қосымша салықтан босатылады», – деп мәлімдеді сауда министрлігі.

Қосымша салық фосфор, феросилиций, линзалар, бидай глютені, аммоний нитраты секілді тауарларға салынады.

«Енгізілген тариф шаралары Қазақстанның АҚШ-қа экспортының жалпы көлемінің бар болғаны 4,8%-на ғана тиесілі болады...

Қызылорда облысының кәмелетке толмағандардың істері жөніндегі мамандандырылған ауданаралық сотында секс-құлдыққа түскен оқушы қызға қатысты қылмыстық іс қаралды деп хабарлайды KursivMedia.

Адамдар тобына, оның ішінде кәмелетке толмағандарға ірі мөлшерде пайда табу мақсатында қорқытып алушылық, көрінеу кәмелетке толмаған адамға қатысты азаптау, кәмелетке толмағанды жезөкшелікпен айналысуға тарту әрекеті негізінде қылмыстық іс қаралды.

Сот үкімімен кәмелетке толмаған М.Н., А.Ж., Қ.Д. кәмелетке толмағанды жезөкшелікпен айналысуға тарту, ірі мөлшерде пайда табу мақсатында қорқытып алу, кәмелетке толмаған адамды азаптағаны үшін кінәлі деп танылып, 6 жыл 8 ай бас бостандығынан айырылды.

Сотталушы Б.А. ірі мөлшерде пайда табу мақсатында қорқытып алу әрекетін жасағаны үшін кінәлі деп танылып, ...

Ұлытау облысында 2017-2018 жылдары Сирияға барып, әлеуметтік желілер арқылы Қазақстандағы туыстарын терроризмге үгіттеген әйел 7 жылға сотталды. Бұл туралы Жезқазған қалалық сотының баспасөз қызметі хабарлады.

«Жезқазған қалалық сотында телекоммуникация желілерін пайдаланыла отырып, терроризмдi насихаттау, сол сияқты көрсетілген мазмұндағы материалдарды тарату мақсатында сақтау және тарату бойынша сотқа берілген «Б.»-ға қатысты қылмыстық іс қаралды», – делінген баспасөз хабарламасында.

Мәселенің мән-жайы

Сотталушы «Б.» 2017 және 2018 жылдар аралығында Сирия Араб Республикасында болған. Сол кезеңде ол «Telegram» месенджерінде ойдан шығарылған аккаунт ашып, оны қылмыстық мақсатта пайлаланған. Ол сол аккаунт арқылы Ұлытау облысы, Сәтбаев қаласында...

АҚШ президенті Дональд Трамп әлем елдерінің тауарларына баж салығын енгізген соң, алтын бағасы күрт көтерілді. Себебі бағалы құйма салықтан босатылған санаулы тауардың бірі.

Құрама Штаттар президенті жаңа салық саясатын жариялаған сәтте Азия нарығында алтын бірден 1,1%-ға көтерілді деп жазды Bloomberg.

Инвесторлар ең бірінші кезекте алтынға көз салды, өйткені олар әлем экономикасының жағдайына алаңдайды. Бағалы металл былтыр да қымбаттаған, ал биыл оның құны 20%-ға көтеріліп үлгерген.

«Алтынға деген өте жоғары деңгейдегі сұраныс сол күйі сақталып тұр», – дейді Deutsche Bank AG сарапшысы Майкл Сюэ Bloomberg агенттігіне.

Алтынның бір унциясы Сингапурде 3 167,84 долларға дейін көтерілген...

Күн де күндердің бір күнінде ғаламшарын жалмаған жұлдызға айналмақ./фото: chatgpt

Ғаламшарын жалмаған жұлдыз табылды. АҚШ астрономдары Ұлу тұмандығындағы ақ ергежейлі жұлдыздың фотосын жариялады.

Олар мұның расында да ғаламшарын жалмаған жұлдыз екенін мәлімдеп отыр. НАСА мәліметінше, бұл жұлдыз маңындағы ғаламшарларды бүлдірген.

Жұлдыздардың ақыры

Астрономдар бұрын-соңды бұл құбылысты ешқашан бақылап көрмеген. Бұрын теория түрінде айтылып келгенмен, енді бұл жайт ғаламшарын жалмаған жұлдызға нақты мысал болмақ.

«Бұл – жұлдыздар өмірінің ақырғы кезеңі. Алыстан қарағанда бұл өте әдемі көрініс береді. Ғалымдар ғарыштағы ғаламшарлары бар Ұлу атты тұмандықтан осы құбылысты байқап отыр», – деп жазды НАСА сайты.

2025 жылдың қаңтар-ақпан айларында ел аумағында қазақстандық және шетелдік төлем карталары арқылы қолма-қол ақша алу бойынша 35 млн операция жүргізілген. Бұл бір жыл бұрынғыдан 9%-ға аз деп жазады Бірінші кредиттік бюро.

Соңғы рет бұдан да төмен көрсеткіш 2017 жылы тіркелген, ол кезде алғашқы екі айда 33,6 млн операция жасалған еді. Алайда сол жылмен салыстырғанда айналымдағы карталардың саны айтарлықтай өсті:

Белсенді қолданылған карталар саны да артты:

Қолма-қол ақша...

Қазақстан терроризмді қаржыландыруға қарсы шараларды күшейтті. Бүгін, 3 сәуірде, сенаторлар қылмыстық кірісті заңдастыру мен лаңкестікті қаржыландыруға қарсы әрекет жөніндегі құжатты қарады.

Сенатор Бекболат Орынбеков құжаттағы негізгі өзгерістерге тоқталды.

«2012 жылы ФАТФ ұсынымдары ауқымды түрде қайта қаралып, мандаты кеңейтілді, нәтижесінде жаппай қырып-жою қаруын таратуды қаржыландыруға қарсы іс-қимыл мәселелері қосылды. Хаттамада «ерікті жарна», «нысаналы ерікті жарна», «өзге түсімдер», «нысаналы қор» деген ұғымдық аппарат анықтамаларымен толықтырылды. Осылайша, Еуразиялық топтың бюджетін қалыптастыру көздері күшейтілді», – деді ол.

Оның айтуынша, топқа мүше 9 мемлекеттің жетеуі Хаттаманы ратификациялады. Ал, Қазақстан мен Қытай бұл құжатты ратификациялау бойынша ішкі мемлекеттік рәсімдерін жүргізіп...

Ұлытау облысы Сәтбаев қаласы әкімдігі тұрғын үй коммуналдық шаруашылық бөлімінің бұрынғы басшысы басқа адамдармен сөз байласу арқылы 91 млн теңгеге жоқ ғимаратты сатып алған.

«Ұлытау облысы прокуратурасы қоныс аудару бағдарламасы аясында бюджет қаражатын жымқыру фактісі бойынша Сәтбаев қаласы әкімдігінің ТҚШ бұрынғы басшысы мен басқа да тұлғаларға қатысты сотқа дейінгі тергеуді аяқтады», – делінген баспасөз хабарламасында.

Қандай заңсыздыққа барған?

Әкімдік шенеунігі сыбалайстарымен бірігіп, қызметтік өкілеттігін пайдаланып, іс жүзінде, жоқ ғимаратты мемлекеттік мұқтаждық үшін сатып алған. Солайша 91 млн теңгеден астам қаражат жымқырылған.

Тергеу барысында бұл іске қатысы бар барлық күдіктіге түрлі бұлтартпау шаралары қолданылып...