Жаңалықтар

Бүкіл әлем АҚШ президенті Дональд Трамптың жаңа салық тарифтерінің әсерін есептеуге кірісіп кетті. Қазақстандағы мамандар да тақырыптан тыс қалған жоқ. Себебі Құрама Штаттар Қазақстан үшін кедендік баж салығы тарифін 27% деп белгіледі.

Жанама әсері бар

Қазақстандық экономист Сапарбай Жобаевтың пікірінше, Трамптың салық саясаты Қазақстан экономикасына тікелей болмаса да, жанама түрде әсер етеді.

«Себебі Құрама Штаттар Канада, Мексика, Қытай, Еуропа және басқа да елдердің тауарларына салықты өсіретін болса, онда дүние жүзіндегі сауда айналымы әлсірейді. Біздің басты сауда әріптестеріміз – Ресей, Қытай және Еуропа экономикасы сәл төмендесе, біздің өнімдерге де сұраныс азаяды. Негізгі әсерін осыдан...

Мәжіліс депутаты Асхат Аймағамбетов еліміздегі мектеп қауіпсіздігіне қатысты пікір білдірді. Депутаттың айтуынша, соңғы жылдары вахтерлердің орнына кәсіби күзет ұйымдарын енгізу бастамасы жүзеге асқанымен, шынайы өзгеріс орын ала қойған жоқ.

Аймағамбетов бұл туралы өзінің әлеуметтік желідегі парақшасында жазды. Экс-министр мектептердегі күзет қызметінің қазіргі ахуалын шынайы түрде сипаттап, бірқатар нақты ұсыныс айтты.

«Біз «вахтер» деген сөзді «күзетшіге» ауыстырдық. Ал іс жүзінде – сол баяғы адамдар. Көп жағдайда – жасы алпыстан асқан апа-аталар. Кейде тіпті бұрынғы вахтерлерден де алшақ, мектептің ішкі өмірінен бейхабар адамдар күзет қызметін атқарып жүр», – деп жазды депутат.

Аймағамбетовтің пікірінше, басты себеп...

Сенатта журналистер Қаржылық мониторинг агенттігі төрағасының орынбасары Жеңіс Елемесовтен заңсыз шығарылған қаржыны заңдастыру қылмысы бойынша сотталғандар қанша, олар кім екені туралы сұрақ қойды.

Елемесов сандардан жаңылуы мүмкін екенін айтып, нақты статистиканы келтірмей, жазбаша жүгінген жағдайда толығырақ жауап беруге уәде берді.

Алайда ол мұндай қылмыстарды тергеп-тексеруде заңсыз шығарылған мүлікті толық көлемде анықтап, тәркілеуге мән берудің маңызына тоқталды.

«Мұндай қылмыстарда, халықаралық қауымдастықтар да істерді ақырына дейін – сот шешімі шығып, заңсыз алынған мүлікті тәркілегенге дейін жеткізуге шақырады. Өйткені кейде заңсыз алынған қаржыны заңдастырып, ол үшін белгілі бір мерзімге отырып, босаған соң ауқатты адамға айналып шығу дейін баратын адамдар...

Перизат Қайратқа қатысты қылмыстық іс бойынша тергеу аяқталды. Бұл туралы Қаржылық мониторинг агенттігі төрағасының орынбасары Жеңіс Елемесов Сенаттың кулуарында мәлім етті.

«Перизат Қайратқа қатысты қылмыстық іс аяқталды. Қазіргі уақытта процестің қатысушылары қылмыстық іс материалдарымен танысу сатысынан өтіп жатыр», — деді Елемесов.

Жеңіс Елемесов тергеу барысында залал көлемі бірнеше рет өзгергенін айтып өтті. Қазір нақты сома 3,5 млрд теңге деп белгіленіп отыр.

«Тергеу барысында әртүрлі залал сомалары айтылған еді. Қазіргі таңда біз 3,5 млрд теңге залал келтірілген деген қорытындыға келдік»,

Сонымен қатар, ҚМА қылмыстық жолмен табылған ақшаны заңдастыру фактілерін де...

2025 жылы Ақтау қаласы Түркі әлемінің мәдени астанасы мәртебесіне ие болды. Осыған орай, 5 сәуір күні Маңғыстау облысының орталығында салтанатты ашылу рәсімі өтпек.

Аталған мәртебе — түркі халықтарының ортақ мәдениетін ұлықтап, ынтымақтастығын арттыруға бағытталған маңызды жоба. Бұл мәртебе жыл сайын Түркі мемлекеттері ұйымы тарапынан бір қалаға беріліп отырады. Биыл бұл құрмет Ақтауға бұйырып отыр.

Салтанатты ашылу рәсімінде түркітілдес елдерден келген мәдениет майталмандары, өнер ұжымдары мен ресми делегациялар қатысады деп күтілуде. Бағдарлама аясында концерттер, көрмелер, ғылыми-мәдени форумдар мен ұлттық дәстүрлерді дәріптейтін түрлі іс-шаралар ұйымдастырылады.

Маңғыстау облысының әкімдігі 5 сәуір күні тұрғындарды теңіз жағалауында өтетін
«Ақтау – Түркі әлемінің мәдени астанасы» жылыны...

Алматы тұрғыны Әуезов ауданы әкімінің орынбасарынан қоқан-лоққы көргенін мәлімдеді. Бұл туралы Алматы әкімі Ерболат Досаевтың Әуезов ауданы тұрғындарымен кездесуі кезінде айтылды.

«Біздің ауданда Зейтаев Жарас атты әкімнің орынбасары бар. Ол маған қоқан-лоққы көрсетті. Менде оның жазбасы да бар. Қазір көрсете алам. Ол маған «прокуратура арқылы «түрмеге отырғызам» деп қоқан лоққы көрсетті. «Я же двигаюсь, Женя, двигаюсь» дейді. Бұл не жаргон? Ол мені түрмеге тоғытпақшы», – деді аудан тұрғыны Сәкен Әбілов.

Ерболат Досаевқа тұрғынға полицияға шағым түсіруге кеңес берді.

«Бұл жер үкім шығаратын орын емес. Өтініш түсіріңіз. Міндетті түрде қарастырам...

Қазақстанның АҚШ-қа 2024 жылғы экспортында мұнай мен уран үлесі 73%. Тауарлардың дәл осы санатына АҚШ президенті Дональд Трамп жариялаған баж салығы салынбауы да мүмкін. Ақ үй сайтында жарияланған Трамп жарлығына қосымша болатын құжат пайда болды. Онда баж салығы салынбайтын тауарлар берілген.

Атап айтқанда, құжатқа уран кені және концентраты, табиғи металл уран, табиғи уранның қосындысы және байытылған U235 ураны енген. Жарлық қосымшасында мұнай сөзі 127 рет қайталанған. Қазақстан мұнайы мен уранына америкалық баж салығы салынады-салынбайды деп нақты айтуға болмайды. Олай дейтініміз, құжат қосымшасында АҚШ тауарларды сыртқы экономикалық қызметіне қарай сегіз белгімен белгілеген. Қазақстан Қаржы министрлігі Мемлекеттік кірістер комитетін...

Қазақстан темір жолы компаниясы ревизорлар пойыздарда тексеріс жүргізу барысында билетсіз жолаушыларды анықтағанын хабарлады.

2025 жылдың наурыз айының соңында №85/86 «Астана – Шымкент» және №3/4 «Астана – Алматы» бағыттарындағы пойыздарға жүргізілген тексеріс барысында алты жолаушының билетсіз жүргені анықталған.

«Қазіргі уақытта аталған фактілерге байланысты қызметтік тексерулер жүргізілуде. Нәтижесінде кінәлі пойыз бригадаларының қызметкерлері тәртіптік жауапкершілікке тартылып, жұмыстан босатылады» делінген ҚТЖ хабарламасында.

Жыл басынан бері билетсіз жолаушыларға қатысты 14 факті тіркелді. Мұндай ішкі бақылау шаралары Ұлттық тасымалдаушының барлық бағыттары бойынша тұрақты негізде жүзеге асырылуда.

ҚТЖ азаматтарды билетсіз тасымал және билеттердің заңсыз қайта сатылу жағдайлары туралы хабарлап, бұзушылықтардың алдын...

Еуропалық Одақ АҚШ-тың еуропалық тауарларға енгізген импорттық тарифтеріне лайықты жауап беруге дайын. Бұл жайлы Еурокомиссия төрайымы Урсула фон дер Ляйен мәлімдеді.

«АҚШ президенті Дональд Трамптың бүкіл әлемге, оның ішінде Еуроодаққа да ортақ тариф енгізуі – жаһандық экономикаға ауыр соққы,» – деді ол.

Фон дер Ляйеннің пікірінше, кедендік тарифтердің енгізілуі инфляцияның өсуіне, жеткізу тізбектерінің бұзылуына, АҚШ-пен бизнес жүргізу шығындарының артуына әкеліп соғады. Бұл, әсіресе, дамушы елдер мен әлеуметтік осал топтарға кері әсер етеді.

ЕО өз мүдделері мен бизнесін қорғау мақсатында жауап ретінде жаңа кедендік баж салықтары пакетін дайындап қойғанын ескертті.

«Дегенмен...

OPEC+ ұйымына мүше сегіз ел бейсенбі, 3 наурызда Қазақстанның мұнай өндірісін квотадан асырып жіберу мәселесін талқылайды.

Бұл туралы Reuters агенттігіне екі делегат хабарлаған.

Қазақстанның ұйым квотасын орындамай, мұнай өндірісінде қайта-қайта рекорд орнатуы осы топтың мүшелерін, соның ішінде Сауд Арабиясын ашуландырды деп мәлімдеді дереккөздер. OPEC+ Қазақстанды мұнай өндірісін қысқартуға, артық өндіріс есесін қайтаруға шақырып отыр.

«Бейсенбідегі кездесу Қазақстанның жаңа министріне өндіріске қатысты талаптарды орындаудың, артығының есесін қайтарудың маңызды екенін түсіндіру үшін керек», – дейді делегаттардың бірі.

Өткен айда Қазақстан энергетика министрлігінің басшысы қызметіне Ерлан Ақкенженов тағайындалған.

OPEC+ елдері мамыр айында мұнай өндірісін тәулігіне...

Миллиардер Джеф Безосқа тиесілі Amazon компаниясы соңғы сәтте TikTok-тың америкалық бөлімшесін сатып алу бойынша ұсыныс жасады. Бұл туралы дереккөздеріне сілтеме жасап, The New York Times жазады.

Әңгіме компанияның АҚШ-тағы барлық активін толық сатып алу туралы болып отыр. Басылым дереккөзінің айтуынша, Amazon ұсынысын АҚШ вице-президенті Джей Ди Вэнс пен Сауда министрі Говард Лютникке хат түрінде жолдаған.

АҚШ президенті Дональд Трамп TikTok-тың қытайлық ByteDance компаниясынан бөлініп, өзге меншік иесіне өтуі бойынша мәміле 5 сәуірге дейін аяқталатынын мәлімдеді. Reuters агенттігінің хабарлауынша, егер TikTok-тың қытайлық иесі белгіленген мерзімге дейін Қытайдан тыс сатып алушы таппаса, АҚШ-та бұғатталуы мүмкін.

АҚШ билігі ByteDance қолданушыларды...

2 сәуір – Дүниежүзілік аутизм туралы ақпарат тарату күні. Соған орай Астанадағы Ұлттық балаларды оңалту орталығында флешмоб ұйымдастырылды. Іс-шара барысында KursivMedia тілшісі орталық мамандарымен тілдесіп, аутизмге қатысты елдегі жағдай жөнінде білді.

Орталықтың невролог дәрігері Эльмира Жанғозиеваның айтуынша, 2024 жылы орталыққа аутизм диагнозымен 350 бала түскен. Одан бөлек сөйлеу қабілеті тежелген 250 бала тексеруден өткен.

«Невролог дәрігерлер қарағаннан кейін сөйлеу қабілеті тежелген 250 балаға да аутизм диагнозы қойылды. Демек, бір жылда орталыққа 600 бала келген. Кейінгі мәліметтерге қарасақ, аутизм диагнозы қойылған балалар саны 5 есе көбейген. Ресми ақпарат бойынша, Қазақстанда 12 мыңнан аса балада анықталған. Бұдан...

Соңғы уақытта Қазақстанда TikTok өте баяу жұмыс істей бастады. Платформадағы видеолар ұзақ жүктеледі. Мұның себебін Мәдениет және ақпарат министрі Аида Балаева түсіндірді.

Заңсыз контент

Министр TikTok платформасынан көп заңсыз контент анықталғанын айтады. Ал заңсыз контент көп болған сайын, министрлік мұндай әлеуметтік желінің трафигін азайта түседі.

«TikTok трафигін Мәдениет және ақпарат министрлігі реттейді. Жалпы трафикке әлеуметтік желі әкімшілерінің жұмысы әсер етеді. Біз әлеуметтік желіге үнемі мониторинг жүргізіп отырамыз. Егер заңға қайшы контент анықталса, сол компания әкімшілігіне хабарлама жіберіп, мұндай контентті жоюды талап етеміз. TikTok әлеуметтік желісінен біз көптеген заңға қайшы келетін контентті анықтап...

Белгілі журналист, тележүргізуші Динара Сәтжан жеке өмірінде маңызды қадам жасап, ресми түрде некесін қиды. Бұл жаңалықты Cәтжан өзінің Instagram парақшасында бөлісіп, алғаш рет жұбайының суретін жария етті.

Instagram-дағы сторис бөлімінде Динара Сәтжaн неке қию рәсімінің сәттерін көрсетіп, жақындарымен бірге түскен суреттерді жариялады. Рәсім мұсылман шарттарына сай өтіп, некені Нұрлан имам киды. Сонымен қатар шектеулі қонақтар қатысқан шағын отбасылық той ұйымдастырылған. Тойға продюсер әрі Динараның жақын құрбысы Баян Алагөзова мен дизайнер Аида Кауменова қатысқан.

Алайда Сәтжан жұбайының кім екенін сатты. Тележүргізуші күйеуінің тек сырт жағынан түсірілген суретін ғана көрсетіп, оның тұлғасын көпшілікке әзірге құпия ұстауды жөн көрген. Бұл жайт әлеуметтік жел...

Қазақстанда әрбір үшінші жасөспірім құрдастарының тарапынын қысымға ұшырап, буллингтің құрбаны болады. Ең қиыны, мұның соңы адам өлімімен аяқталған фактілер де кездеседі. Мектеп оқушылары арасындағы буллингке кім жауапты? Буллинг мәселесін қалай тоқтатуға болады? Бұл сұрақтардың жауабын Kursiv.Media тілшісі, Мәжіліс депутаттарынан сұрап, олардың пікірін біліп көрді.

Буллингке ұшыраған бала қайда хабарласа алады

Жуырда ғана Мәжіліс мінберінде ант қабылдап, депутаттардың қатарын толықтырған Екатерина Смолякова елде бірнеше көмек көрсету орталықтары ашылып жатқанын айтады. Сол себепті қиындыққа тап болғанда бірден сондай орталықтардың көмегіне жүгінуге кеңес берді.

«Жедел қоңырауларға бірден жауап беретін орталықтар ашылған, олар 24/7 жұмыс жасайды. Сондай орталықтарға хабарласса, олар тиісті көмекті көрсетед...

АҚШ президенті Дональд Трамптың рейтингі төмендеп жатыр. Reuters басылымы жүргізген сауалнамаға сенсек, президент рейтингі 43%-ға дейін түскен. Бұл – екінші мерзімге сайланғаннан бергі ең төменгі көрсеткіш.

Сауалнама 3 күнге созылған. Сауалнама нәтижесінен Америка халқына Дональд Трамптың атқарып жатқан жұмысына көңілі толмайтынын аңғаруға болады. Көпшілікке әсіресе, әскери құпияны сақтауда жіберген президент әкімшілігінің олқылықтары ұнамаған. Сонымен бірге соңғы уақытта АҚШ-та енгізіліп жатқан тарифтік шараларды да халық көп қолдамайтынын аңғаруға болады.

«Сәрсенбіде аяқталған үш күндік сауалнама Трамптың президент ретіндегі жұмысын мақұлдау рейтингі 21-23 наурызда жүргізілген сауалнамаға қарағанда 2 пайыздық тармаққа төмен және 20 қаңтарда қызметіне кіріскеннен кейін көп ұзамай...

АҚШ президенті Дональд Трамп ондаған ел мен ЕуроОдақтан әкелінетін тауарларға «өзара» кедендік баж салығын енгізу туралы жарлыққа қол қойды. Ақ үйдің X әлеуметтік желісіндегі ресми парақшасында жарияланған кестеде Қазақстан үшін белгіленген тариф мөлшері – 27%. Бұл – Орталық Азия елдерінің ішіндегі ең жоғары көрсеткіш.

Ақ үйдің таратқан жазбасы «Тәуелсіздік күніне орай өзара баж салығы» деген сөз тіркесімен жарияланған. Кестенің сол жақ бағанында АҚШ тауарларына басқа елдерде қолданылатын баж салығының шамасы көрсетілген — оған валюта бағамына ықпал ету мен сауда кедергілері де кірген. Оң жақ бағанда Америка Құрама Штаттарының жауап ретінде енгізген баж салығы жазылған, кейбір елдерге 50 пайыздық жеңілдікпен...

«Мишлен» жұлдызы — мейрамханадағы тамақтың қайталанбас дәмі мен жоғары сапасын көрсететін марапат. Ол ең үздік аспаздарға ғана беріледі. Сондықтан бір, екі немесе үш жұлдыз алған «Мишлен» мейрамханаларында үздік аспаздардың қолынан тамақ ішу қымбат тұрады, оны екінің бірінің қалтасы көтермейді. 

Бірақ кейінгі онжылдықта «Мишлен» марапатына көше тағамдары мен Азияның мейрамханалары да ілігіп, жоғары деңгейдегі гастрономиялық тәжірибе қолжетімді бола бастады. Бүгінгі материалымызда аз ақшаға үздік дәм ұсынатын «Мишлен» мейрамханаларын тізіп шықтық.

Taquería El Califa de León, Мехико

Мехико қаласындағы Taquería El Califa de León 2024 жылы «Мишлен» жұлдызын алып, осындай мәртебелі марапатқа қол жеткізген әлемдегі тако сататын жалғыз дүңгіршек атанды...

Енді Apple Watch көмегімен жүрек қағысын бағамдап, тіпті ЭКГ жазуға болады. Денсаулық сақтау министрлігі мен Apple өкілдері келіссөз жүргізді. Соның арқасында маңызды цифрлы қызметтерге жол ашылды.

Бұған дейін қызметтердің осындай түрлері Қазақстанда істемейтін. Бірақ АҚШ, Канада, Германия, Ұлыбритания және Аустралия сияқты елдерде табысты жұмыс істейтін.

Енді қазақстандық пайдаланушылар өз денсаулығын бақылау үшін осы озық технологияларды пайдалана алады деп хабарлады денсаулық сақтау министрлігі.

Apple Watch-та ЭКГ жазу

Apple Watch Series 6 және одан кейінгі моделдердің иелері енді электрокардиограмма (ЭКГ) жазу функциясын қолдана алады. ЭКГ-ны жеңілдету небәрі 30 секундты алады және жүрек фибрилляциясының белгілерін, ауыр асқынуларға әкелуі мүмкін жүрек...

2025 жылғы қаңтар-ақпан айларында Қазақстандағы банктердің таза пайдасы 449 млрд теңге болды. Бұл 2024 жылмен салыстырғанда 15,2%-ға артық.

Қаржы нарығын реттеу және дамыту агенттігінің мәліметінше, 2025 жылғы 1 наурыздағы жағдай бойынша банк секторының активтері 0,6%-ға немесе 391 млрд теңгеге ұлғайып, 61 трлн теңге болды. Соның ішінде банктердің несие портфелі 36 трлн теңгеге дейін, яғни 1,1%-ға өскен.

Теңгемен несие беру көбейіп, басқа да валютамен несие бөлу көрсеткіші азайды.

Халыққа берілген кредиттер ақпанда 1,6%-ға ұлғайып, 21,1 трлн теңге болды.

2025 жылғы 1 наурыздағы жағдай бойынша Қазақстанның банк секторында 21 екінші деңгейдегі банк бар. 12 банк шетелдің қатысумен жұмыс істейді. Олардың тоғызы – 9 еншілес банк.

EGov мобильдік қосымшасында жаңа қызмет іске қосылды. Енді атыңыз бен құрылғыңызда қанша SIM-карта тіркелгенін білуге болады.

Жаңа функция eGov mobile қосымшасының танымал қызметтер бетінде тұр.

Солардың ішінен «Абонеттік құрылғының IMEI-ін тексеру» дегенді таңдау керек.

Ішіне кірген соң үш қызмет ұсынылады:

Өзіңізге керек ақпаратты білу үшін жоғарыдағы үш қызметтің бірін таңдап, ЖСН немесе құрылғының IMEI нөмірін енгізу қажет.

Сервис атыңызға тіркелген нөмірлердің қай операторға тиесілі екенін әрі санын шығарып береді. Нақты нөмірді көрсетпейді.

Бұған...

2025 жылғы алғашқы үш айда Tesla Inc. саудасы 13%-ға төмендеді. Бұған Илон Масктың халықаралық беделінің түсуі мен компанияның ең танымал моделін ауыстыруы себеп болды.

Bloomberg мәліметінше, үш айда автогигант 336 681 автомобиль сатқан. Бұл 2022 жылдың екінші тоқсанындағыдай төмен көрсеткіш. Сарапшылар компания 390 мыңнан аса өнім сатады деп күткен.

Компания жетілдірілген Model Y өндіру үшін әлемдегі зауыттарының бәрін қайта жабдықтап шыққан. Сол себепті өндіріс қарқыны төмендеген.

Бұған қоса Масктың әлем саясатына белсенді түрде араласуы АҚШ пен Еуропада оған деген наразылықты күшейтті.

Сәрсенбі күні Нью-Йоркта тұрақта сауда қарсаңында Tesla акциялары 5,8%-ға төмендеді. Дональд Трамп АҚШ президенті болып сайланған уақыттан бері есептер...

Бәсекелестікті қорғау және дамыту агенттігі FlyArystan әуе компаниясының жұмысынан біршама олқылықтар анықтаған. Бұл туралы Сенат комитетінің кулуарында Бәсекелестікті қорғау және дамыту агенттігі төрағасының орынбасары Болат Сәмбетов айтты.

«Бізге тұтынушылардан FlyArystan әуе компаниясының қызмет сапасына қатысты көптеген шағымдар келіп түсті. Агенттік әуе компаниясына текесеріп жүргізді. Нарыққа талдау жасай келе, біз компанияның монополиялық жоғары баға бекіткенін анықтадық. Тергеу аяқталған соң, компанияға қатысты тиісті шаралар қолданылады», – деді агенттік өкілі.

Егер компанияның бағаларды қасақана көтергені анықталса, FlyArystan билет айналымынан түскен қаражаттың 5% көлемінде айыппұл төлеуі керек болады. Сондай-ақ негізсіз қосылған сома айырмашылығы мемлекет есебіне тәркіленеді.

Сәмбетовтің

Беларусь оппозициясының үйлестіру кеңесінің өкілі Анжелика Мельникова Польшада із-түссіз жоғалып кетті. Ол 25 наурыздан бері байланысқа шықпаған.

BBC ақпаратына қарағанда, оның алты және он екі жастағы екі қызы да жоғалған. Бір аптадан астам уақыт өткеніне қарамастан, олардың қайда екені белгісіз.

Ұлы телефоны соңғы рет Минскіде тіркелген

Оппозиция басшыларының бірі Павел Латушконың айтуынша, Мельникова Польшада тұрғанымен, оның ұялы телефоны соңғы рет Беларусь астанасы Минскіде тіркелген. Алайда оның нақты сол елде жүргені дәлелденген жоқ. Польша билігі Мельникова бірнеше аптадан бері елден тыс жерде екенін растады.

«Наша Ніва» басылымы Варшавадан Лондонға ұшып кеткеннен кейін ол байланыссыз кеткенін хабарлады. Бұл...