Жаңалықтар

Жүрілген автокөліктердің бұрынғы иелеріне қатысты толық мәліметті енді eGov порталынан табуға болады. Ол үшін тек қана мемлекеттік нөмір мен техникалық төлқұжат қажет. Бұл туралы «Ұлттық ақпараттық технологиялар» компаниясы хабарлады.

«Сервисті енгізу көлікті сатып алған кезде қосымша ақпаратпен танысуға көмектеседі және сәйкессіздіктер туындаған жағдайда бірқатар проблемалардан сақтайды. Тексеру үшін сатушыдан көліктің мемлекеттік нөмірін және техникалық паспорт нөмірін білу қажет», – делінген хабарламада.

«Автокөлік тарихы» қызметі:

Орталық референдум комиссиясының мәліметінше, қазақстандықтардың 71,12%-ы АЭС салу бойынша бастаманы қолдады. ОРК төрағасы Нұрлан Әбдіровтің айтуынша, дауыс беру нәтижесінде азаматтардың 71,12%-ы келісім берді. Қарсы дауыс бергендердің саны – 2 045 271 адам. Жарамсыз деп танылған бюллетень саны – 130 267.

Референдумға барлығы 7 820 204 қазақстандық қатысты.

Қазақстан Президенті Қасым-Жомарт Тоқаев, егер референдумда қолдау тапса, АЭС-ты халықаралық консорциум құру арқылы салуды ұсынды. Бұл шешім атом саласындағы қауіпсіздік пен технологиялық жетістіктерді қамтамасыз ету мақсатында қабылданып отыр.

Айта кетейік, Қазақстанда 6 қазанда өткен АЭС салуға қатысты жалпыұлттық референдумда таңғы сағат 6:00-де басталып, кешкі 20:00-де тоқтатылды. Елдегі дауыс беру жасына жеткен азаматтардың 63,66%-ы...

2024 жылы жылу жүйелерін жаңғыртуға жалпы 93 млрд теңге қарастырылған. Оның 69 млрд теңгесі нысаналы трансферттер болса, 24 млрд теңгесі Үкімет резервінен бөлінген. Ал табиғи монополиялар субъектілерінің инвестициялық бағдарламалары есебінен 17 млрд теңгеге жаңғырту жүргізілген. Бұл жайлы Үкімет сағатында Өнеркәсіп және құрылыс министрі Қанат Шарлапаев айтты.

«Осы жылы 161 шақырым жылу желілерін жаңғыртуға республикалық бюджеттен 93 млрд теңге қарастырылған»,- деді Шарлапаев.

Нысаналы трансферттер есебінен бөлінетін қаражатқа 104 шақырым желі жаңғыртылса, Үкімет резервінен бөлінген қаржыға 57 шақырым желі жөнделеді. Ал табиғи монополиялар субъектілерінің инвестициялық бағдарламалары негізінде 69 шақырым жылу желісі жаңғыртылады.

Шарлапаев

АҚШ акциялары төмендеді. Себеп – мөлшерлемеге қатысты белгісіздік пен мұнай бағасының өсуі. Германия экономикасы тоқырап тұр. Ал Сауд Арабиясы төмен көміртекті отын өндіруге қомақты инвестиция салуды жоспарлап отыр. Осы және өзге де тақырыптар жөнінде 7 қазандағы шолудан оқыңыздар.

Brent бағасы жеткізілімдерге төнген қауіптен кейін 80 долларға дейін өсті

Market Watch басылымының хабарлауынша, 7 қазанда сауда сессиясында мұнай фьючерстері 3%-дан жоғары өсім көрсетті. Brent маркалы мұнай баррелі 80 доллардан асты. Иран мен Израиль арасындағы тікелей қақтығыстың күшеюі өңірдің мұнай жеткізілімдеріне қауіп төндіруі мүмкін.

Қарашада жеткізілетін WTI маркалы мұнайдың бағасы Нью-Йоркте барреліне 77,5 долларға саудаланды, шамамен 4%-ға қымбаттаған. Бұл тамыз...

Осыдан 7 жыл бұрын Астана қаласында өткен EXPO-2017 көрмесіне дайындалуға Ұлттық қордан 76,10 млрд теңге облигациялық қарыз берілген. Ұлттық қорды басқару жөніндегі кеңес қор қаржысына мемлекеттік «Бәйтерек» ұлттық басқарушы холдингінің облигацияларын сатып алу туралы шешім шығарған. Яғни қарыз қаржыны «Бәйтерек» холдингі қайтарады. Бұл туралы Ұлттық банктің kursiv.media сауалына берген ресми жауабында жазылған.

«Қазақстан Республикасының Ұлттық қорын басқару жөніндегі кеңестің шешімдеріне сәйкес EXPO-2017 көрмесіне дайындалуға жалпы сомасы 76,10 млрд теңгеге мерзімділік, ақылылық және қайтарымдылық шарттарымен «Бәйтерек «ҰБХ» АҚ-ның облигациялары Ұлттық қорға сатып алынды», – делінген жауапта.

Ұлттық қордан көрме құрылысына бөлінген қарыз әлі өтелмеген...

Мұнай өнімдерінің көлеңкелі айналымы 900 млн теңгені құраған. Тек қазақ-қырғыз шекарасының өзінен айына 10 мың тоннаға жуық жанар-жағармай заңсыз шығарылады. Бұл жайлы Қаржы мониторингі агенттігінің баспасөз қызметі хабарлады.

Баспасөз қызметінің хабарлауынша, шекара маңындағы өңірлерде жанар-жағармайды елден шығаруға қарсы бірлескен бақылауды күшейту бойынша ведомствоаралық кездесу өткен.

ІМ, Көлік министрлігінің көлігі және көліктік бақылау комитетінің басшылығы, сондай-ақ Энергетика министрлігі, ТЖМ, ҰҚК Шекара қызметі, ҚМ Мемлекеттік кірістер комитеті және «ҚазМұнайГаз» компаниясының өкілдерінің қатысуымен өткен кеңесте мұнай өнімдерінің заңсыз айналымы мәселісі қаралған. Агенттік мәліметінше, қуаты аз мұнай өңдеу зауыттарында өңделген жанар-жағармай өнімдерінің «сұр» экспорты артқан.

«Тек Қазақстан-Қырғыз шекарасында...

Алматы облысы, Талғар ауданында кісі қолынан қаза тапқан 16 жастағы жасөспірімнің өліміне қатысты қылмыстық іс қозғалып, күдіктілер уақытша ұстау изоляторына қамалды. Ал әділ тергеуді талап етіп, аудандық әкімдікке жиналған туыстарына тергеу әділ және жан-жақты өтеді деген уәде берілген.

Алматы облысының полиция департаменті кәмелетке толмаған баланың өліміне қатысты қылмыстық іс қозғалып, тергеу жүріп жатқанын хабарлайды.

«Қазіргі уақытта істің барлық мән-жайларының толықтығын, жан-жақтылығын және объективтілігін қамтамасыз ету үшін қажетті тергеу іс-шаралары жүргізілуде», – деп жауап берді полиция департаментінің баспасөз қызметі.

Бұл істі Ішкі істер министрі Ержан Сәденов жеке бақылауына алған.

Алаяқтар қазақстандықтардың жеке деректерін DarkNet және Telegram арқылы 5 мың теңгеден сатқан, бұл туралы Ішкі істер министрлігі хабарлады.

Министрліктің мәліметінше Қостанай қаласының 24 жастағы тұрғыны зиянды бағдарламалар арқылы интернет қолданушыларының жеке деректерін – логиндер, құпиясөздер, IP мекенжайларын жинап, оларды DarkNet және Telegram арқылы криптовалютаға сатқан. Мұндай файлдардың бағасы көлеміне қарай 5000 теңгеден басталған. Анықталғандай, қылмыскер осы әдіспен 1,5 миллион теңгеден астам табыс тапқан. Сонымен қатар «кардингпен» айналысып, яғни банктік карталардың мәліметтерін ұрлап, сатумен айналысқан, компьютерлік вирустарды жасау және тарату бойынша ақылы түрде сабақ берген.

Полицияның Алматы қаласында жүргізілген операциялар барысында төрт call-орталық жойылып, 47 шетелдік ұсталды. Олар шетел азаматтарына...

Қарқаралы ауданында дала өрті 45 мың гектар жерді шарпыды. Аудан әкімі Әділжан Арғынов Instagram желісіндегі парақшасында тұрғындарға үндеу жолдап, өртке қатысты жалған ақпаратқа сенбеуге шақырды.

Оның айтуынша, қазір Теректі ауылында өртті сөндіру бойынша жедел штаб ұйымдастырылған. Оқиға орнында аудан әкімінен бөлек облыс әкімінің орынбасары да жүр. Өрт сөндіруге 386 адам және 64 бірлік техника, Төтенше жағдайлар министрлігі мен Қорғаныс министрлігінің ұшақтары жұмылдырылған.

«Қазіргі кезде әлеуметтік желілерде көмек көрсету немесе қаржы жинау бойынша әртүрлі үндеулер таралып жатыр. Осыған орай жауапты мамандар үйлестірмеген немесе ұйымдастырмаған көмек дұрыс емес екенін ескерткім келеді. Қазіргі кезде қажетті күш-құралдарымыз жеткілікт...

Пхукет туристік қауымдастығы қазақстандық туристерге қаржылық тұрғыдан еш шектеу жоқ екенін хабарлады. Бұған дейін Таиландта саяхаттайтын туристердің шоттарында шамамен 4,4 млн теңге болуы керек деген хабар тараған.

«Туристер үшін ақпараттың растығын тексеру үшін тиісті органдарға хабарластық. Пхукет губернаторы Софон Суваннарат пен Иммиграциялық бюро қазіргі уақытта елге барған туристерден банктің шот көшірмелерін (выписка) ұсынуды талап ету үшін ереже қабылдау немесе шектеу қою жоспарда болмағанын нақтылады. Тиісінше, бұл жайында ақпарат жалған екенін мәлімдейміз», – делінген туристік ассоциация ұсынған құжат мәтінінде.

Бір апта бұрын Phuket News Пхукет губернаторы Сопхон Суваннарат туристерге қаржылық шектеулер енгізуді ұсынғаны туралы жазды. Егер шотында...

7 қазанда Қасым-Жомарт Тоқаев Ресей Федерациясының Президенті Владимир Путинді туған күнімен құттықтады. Ақорданың баспасөз қызметі Тоқаевтың ресми түрде құттықтау жеделхатын жолдағанын хабарлады.

Путин биыл 72 жасын атап өтеді. Осымен Ресейді басқарғанына да 20 жыл толады. Туған күн қарсаңында РФ Президентінің баспасөз хатшысы Дмитрий Песков 7 қазан күні кешке Ресей президенті Владимир Путин ТМД-ға мүше елдердің басшыларымен бейресми түрде сөйлесетінін мәлімдеген.

«Президент кешке ТМД елдері жетекшілерінің ертеңгі кеңесіне қатысу үшін Мәскеуге келетін мемлекет және үкімет басшыларымен бейресми сипатта сөйлеседі», – деді қысқа ақпарат таратқан Песков.

7 қазан күні одан бөлек Путин жұмыс кезінде жабық кездесулер өткізген.

Ұлттық банктің 8 қазанға бекіткен доллардың ресми бағамы 484,37 теңгені құрады. DATA HUB арнасының жазуынша, бұл – 2022 жылдың наурызынан бергі ең жоғарғы деңгей. Яки доллар бағамы айтарлықтай өсті.

«Соңғы айларда доллар 480 теңге шартты түрдегі психологиялық межесінен жиі асатын болған, бірақ техникалық тұрғыдан қазіргі көрсеткіші 2022 жылдың наурызынан бергі ең жоғарысы болып тұр», – деп жазды DATA HUB арнасы.

DATA HUB талдауы бойынша Еуроның ертеңгі бағамы – 531,06 теңге. Бұл бағам қыркүйектің ортасынан бергі ең үздік нәтиже болып есептелінеді. Рубль де әлсіреп барады (5,05 теңге). Шамамен 4 айдағы, яғни маусымның ортасынан бері алғанда...

Прокурорлар Қылмыстық  кодекстің 313-1 бабы бойынша Telegram-арналардағы суицидке итермелейтін күмәнді контенттер бойынша сотқа дейінгі тергеуді бастады. Қазақстанның Бас прокуроры Берік Асылов жағдайды бақылауға алып, арнайы прокурорларға тапсырма бергенін мәлімдеді. Балаларға қауіпті ойын ұсынатын желілер сүзгіден өтеді. Бірнеше Telegram-арнаның қатысушылары мен әкімгерлері тексеріледі. Бас прокурор қадағалауымен үш іс бойынша сотқа дейінгі тергеу жүргізіледі.

«Тергеу амалдарын жүргізіп, бірқатар сараптама тағайындаймыз. Қылмыстық  кодекстің 313-1 бабына сай Ішкі істер министрлігіне ел бойынша суицидке үгіттеу белгісі барлық фактіні тексеруді тапсырдым. Тергеу барысын жеке бақылаймын.  313-1 бапта көрсетілген қылмыс белгілері бар басқа әлеуметтік желілерді жіті тексеріп шығамыз», – деп жазды Берік Асылов...

Жыл басынан бері Astana International Exchange (AIX) биржасында сауда-саттық көлемі айтарлықтай өсіп, соңғы жылдардағы рекордтық көрсеткіш – 922 млн долларға жетті.

Astana International Exchange мәліметі бойынша 2024 жылдың үшінші тоқсанында AIX-тегі сауда көлемі өткен жылдың осындай кезеңімен салыстырғанда 2,7 есе өсіп, 217 млн долларға жетті.

AIX ресми тізіміне 41 жаңа құрал қосылды. Соның нәтижесінде AIX-тегі бағалы қағаздар шығарылымы 131 эмитенттің 219 шығарылымына дейін ұлғайды.

Қыркүйек айында 18 жаңа листинг тіркелді. Бұл – рекордтық көрсеткіш. Биржаның сауда мүшелері мен депозитарий қатысушыларының жалпы саны 56-ға жетті, оның 22-сі – Еуропа, ТМД, араб елдері мен Қытайдың шетелдік компаниялары.

Шетелдік инвесторлардың акциялармен...

Solidcore Resources plc (бұрынғы Polymetal) компаниясы Мәскеу қор биржасында орналастырылған акцияларын Қазақстанның AIX қор биржасына шығарылған бағалы қағаздарына алмастыруды толық аяқтады. Бұл туралы компанияның баспасөз қызметі хабарлады.

Компания есебі бойынша, санкцияға байланысты тыйым салынған 45 440 241 акцияны кері сатып алған. Бұл – айналымдағы бүкіл бағалы қағаздың 9,59%-ы.

Бағалы қағаздарын алмастырғаннан кейін де Solidcore дауыс беретін акцияларының саны өзгеріссіз қалды: номиналды құны 0,03 долларды құрайтын 473,6 млн акция.

Одан бөлек, компанияның иелігінде дауыс беру құқығы мен экономикалық құны жоқ 87 млн акция бар. Компания Ресейдің ұлттық депозитарийіне салынған санкция жеңілдетілген кезде, бұл акцияларынан бас тартпақшы. Осы...

Қазақстанда халықаралық әуежайларда, мемлекеттік шекарада Марбург індетіне қарсы санитарлық-карантиндік бақылау күшейтілді. Бұл туралы Денсаулық сақтау министрлігі Санитариялық-эпидемиологиялық бақылау комитетінің басқарма басшысы Жасұлан Алпысбаев мәлімдеді.

«Шетелден келіп жатқан жолаушыларды термометриялық әдіс арқылы скринингтен өткізуді жалғастырып жатырмыз. Бұл құрал қызу көтеріліп тұрған адамды бірден анықтап береді. Ол адамды ішкі кіргізбей, бірден оқшаулау бөлмесіне апарамыз. Аса қауіпті ауруларға күдік болса, жедел жәрдем шақырып, инфекциялық ауруханаға жеткізіп, толық зерттеу жүргізіледі», – деді ол.

ДДСҰ мәліметі бойынша, Марбург вирусымен ауырған адамдардың арасында өлім-жітім деңгейі 25-тен 90%-ға дейін жетеді.

«Мұның қаншалықты қауіпті вирус екенін осыдан аңғаруға болады...

Павлодар облысының Баянауыл ауданында 10 мың гектар аумақта болған дала өрті сағат 14:30-да оқшауланды. Бұл туралы Төтенше жағдайлар министрлігі хабарлады.

Министрліктің мәліметінше өртті сөндіруге Павлодар облысының құтқарушылар тобы, Астана қаласының ТЖД, Абай облысының және ҚР ТЖМ 68303 әскери бөлімшесі, орман шаруашылығы қызметтері мен жергілікті атқарушы органдардың ерікті өрт сөндірушілері қатысты.

Өртті оқшаулау үшін 236 адам, 42 техника, 2 әуе кемесі және 3 пилотсыз ұшу аппараты жұмылдырылды. Барлығы 29 су ағызу операциясы жасалып, 64 тонна су төгілді. Су Шалқаркөл көлінен және Желтау елді мекеніндегі ұңғымадан алынды.

Қазіргі уақытта шөпті жану ошақтарын толық жою жұмыстары жүргізіліп жатыр.

Еске сала кетейік...

Қазақстандағы ірі алтын өндіруші компаниялардың үштігіне енетін «Алтыналмас» акционерлік қоғамы 2025 жылдан Ақбақай кен орнында алтын өндіруді арттыруға ниетті. Бұл туралы компанияның экологиялық порталға орналастырған хабарламасында жазылған.

Ақбақай кен орны – Жамбыл облысының Мойынқұм ауданында орналасқан. Ең жақын елдімекен – Ақбақай ауылы кен орнынан 1 шақырым жерде жатыр. 110 шақырым жерде Қияқты темір жол стансасы орналасқан. Кен орнының оңтүстік, оңтүстік-батыс жағынан «Мойынқұм-Бірлік» тас жолы өтеді.

Компания Өнеркәсіп және құрылыс министрлігінен 2023 жылдың 24 қазанында Ақбақай кен орнында алтын өндіру құқығына тау-кен лизингін алған. Тау-кен учаскесінің ауданы – 2618 шаршы км (261,8 га), тереңдігі – 795 метр.

Бұған...

Ресейдің ауыл шаруашылық бақылау қызметінен қауындарға фитосанитарлық сертификаттарды беруді тоқтатуға өтініш білдірген хат келіп түскен жоқ. Агроөнеркәсіптік кешендегі мемлекеттік инспекция комитеті өкілдері көрші елде қазақстандық ауыл шаруашылығы өнімдеріне фитосанитарлық сертификат беруді тоқтатуына қатысты осындай пікір білдірді.

«Қазақстандық қауындарды жинау мезгілі өтіп кеткен. Ресейге тек қана Өзбекстан мен Қырғызстанның қауындары реэкспорт ретінде өтпесе», – деп түсініктеме берді комитет.

Агроөнеркәсіптік кешендегі мемлекеттік инспекция комитетінің хабарлауынша, сайттағы жарияланым Ресейге Қазақстан өнімдерін тасымалдауға ресми түрде тыйым салу болып танылмайды. Сондықтан Қазақстан Ресейге экспортталатын карантинге іліккен өнімдерге фитосанитарлық сертификат беруді жалғастырып жатыр.

Қауындарға қатысты жағдайды Агроөнеркәсіптік кешендегі мемлекеттік инспекция комитет...

Қазақстандықтар енді үйге азық-түлікке тапсырыс беру, киноға билет алу, сақтандыруды рәсімдеу секілді күнделікті сатып алулар үшін 30%-ға дейін кэшбэк ала алады.

Freedom Bank жаңа адалдық бағдарламасын іске қосты. Бағдарламаға қатысу үшін Freedom SuperApp қосымшасында тіркеліп, банктің картасын тегін ашуға болады. Содан кейін Freedom холдингінің компанияларында транзакциялар жасау және ай сайынғы есепшотта белгілі бір қалдық сомасын сақтау арқылы кэшбек алуға болады.

Кэшбэк Freedom Insurance, Freedom Ticketon, Freedom Life, Aviata, Freedom Drive, Freedom Mobile, Naimi.kz, Arbuz.kz және Choco сияқты платформаларда сатып алулар жасағанда беріледі.

Адалдық бағдарламасында төрт негізгі деңгей бар: Standard, Silver, Gold және Platinum, олар үшін берілетін кэшбэк 1%-дан...

Қазақстандық «Феминита» ұйымы Алматыда өтіп жатқан «Лесбиан құрылтайға» қала әкімдігі кедергі келтіріп жатқаны туралы мәлімдеді.

Ұйым өкілдерінің айтуынша, олар құрылтай өткізуге 4 қонақүйге және 1 ко-воркинг орталыққа өтініш білдірген. Алайда қонақүй иелері құрылтайды өткізуден бас тартқан.

«Біздің құрылтайымызға қала (Алматы) кедергі жасап жатыр. Дәлірек айтқанда, Алматы қаласының әкімдігі. 4 қонақүй және 1 ко-воркинг орталық құрылтайымызды өткізуден бас тартты. Олардың айтуынша, «Феминита» Алматы қаласы әкімдігінің «қара тізімінде» екен», – деді ұйымның жетекшісі Жанар Секербаева.

Ұйым қазір құрылтай өтіп жатқан орында әкімдіктің жарықты сөндіріп тастағаны туралы да ақпарат таратты. Kursiv.мedia Алматы қаласы әкімдігіне осы айыптауларға қатысты...

Үкімет бүгін экспортқа астық шығаруды арттыру мүмкіндігін тағы да бір мәрте пысықтады. Вице-премьер Серік Жұманғариннің төрағалығымен өткен егін жинау бойынша жедел штаб отырысында Қазақстан бидайды негізінен Қытайдың шекаралас және орталық провинцияларына жеткізетіні, Қазақстанның арпасы мен жемшөбі Қытайға экспортталатыны айтылды.

Десе де қазір қазақ бидайын экспорттау мәселесінде түйткілдер аз емес. Ресей жақында Қазақстан бидайынан бас тартты. Қытай да тамыз айында елімізден келетін астыққа шекарасын жапқан. Әзірге басты сенімді өткізу көзі – Орталық Азия елдері болып тұр. Оның үстіне, қазақ бидайының көлемі де жыл сайын азайып келеді.

Қытай неге қазақ бидайынан бас тартты?

Жедел штаб отырысын қорытындылай отырып, вице-министр Серік Жұманғарин Қытайға...

Қарағанды облысындағы Шахтинск қаласында мейрамхана иесіне 46 млн теңге залал келтірген азамат Ресейден экстрадицияланған. Бұл туралы Бас прокуратура хабарлады.

«Күдікті 2015 жылы таныстарымен алдын ала сөз байласып, Қарағанды облысы Шахтинск қаласындағы мейрамханалардың біріне қарақшылық шабуыл жасаған. Қылмыстың нәтижесінде мейрамхана иесіне 46 млн.теңгеден астам материалдық залал келтірілген», – делінген хабарламада.

2015 жылы оқиға болған кезде оның серіктестері жауапқа тартылған. Дегенмен күдікті жазадан қашып кеткен. Ол 2024 жылдың мамыр айында Ресейдің Ростов облысында ұсталып, елге қайтарылып, изоляторға қамалған.

Айта кетейік, күдікті заңға сәйкес, 10 жылдан 15 жылға дейін қамауға алынуы мүмкін.

Мұның алдында 167 млн теңгені қолды етіп...

Қарағанды әуежайының иелері Ыстанбұл, Дубай, Бейжің мен Үрімжі қаласына ұшатын рейс ашу ойлары бар. Бұл туралы әуежайдың тең иесі Ерлан Оспанов блогер Ерлан Сәкеновке берген сұхбатында айтқан.

Қазіргі кезде Қарағанды ​​әуежайынан Мәскеу мен Анталияға ұшуға мүмкіндік бар. Оның үстіне Түркияға ұшатын рейстер тұрақты емес. Ерлан Оспанов халықаралық жолаушылар тасымалын кеңейтуге қатысты нақты жоспар туралы айтуға әлі ерте екенін жеткізген.

«Біздің осындай ниетіміз бар, нақты жоспар деп айтуға әлі ерте. Бұл тікелей бізге байланып тұрған мәселе емес. Халықаралық тасымалдаушылармен көп жұмыс істеуге тура келеді. Оларды бұл бағыттың тиімді екеніне сендіруі керек. Бұл біздің қолымыздан келед...