Жаңалықтар

Елде тұрғын үй нарығына сұраныс күрт өскені байқалады. Бұл жағдайға құрылыс компанияларының әсері болуы мүмкін. Өнеркәсіп және құрылыс министрі Ерсайын Нағаспаев осылай деп мәлімдеді.

Үкімет кулуарында журналистер сарапшылардың баға өсімі туралы болжамын айтып, жыл соңына дейін баспана алған дұрыс па деп сұрады. Ерсайын Нығаспаевтың айтуынша, министрлік жекеменшік құрылыс компанияларына ықпал ете алмайды және нарықтағы сұраныс пен ұсыныс негізінде қалыптасатын бағаны реттемейді.

«Бағаны болжау – менің тарапымнан орынсыз болар еді. Қазіргі нарықтағы көріп отырғаным, белгілі бір деңгейдегі дүрлігу. Мұны, мүмкін, құрылыс компаниялары әдейі жасап отыр. Олар пәтерлерін тезірек сату үшін нарықта дүрлікпе сұраныс қалыптастыруы ықтимал...

Алдағы 7 жылда электр энергиясы тарифі өспеуі мүмкін. Энергетика министрлігі тарифті 2026–2032 жылдары 2025 жылғы деңгейде сақтауды ұсынады.

Министрлік арнайы бұйрық жобасын дайындап, оны «Ашық НҚА» порталында жариялады.

«…осы бұйрықпен 2026-2032 жылдарға арналған электр энергиясына шекті тарифтерді 2025 жылғы электр энергиясына шекті тарифтер деңгейінде бекіту көзделген», – делінген түсіндірме жазбада.

Бұл ретте, шекті тарифтерді на 2026-2032 жылдарға бекіту шекті тарифтердің 2025 жылғы деңгейінде бекітілуіне байланысты бірыңғай сатып алушының бағасына әсер етпейтінін атап өткен.

«Электр энергетикасы туралы» заңға сәйкес шекті тарифтер әр жеті жыл сайын бекітіледі. Қазірг...

Әлеуметтік желіде блогер Гүлнәр Оразалинаның ерекше қажеттілігі бар балалардың ата-аналарына бағытталған қорлайтын әрі әдепсіз сөздері түсірілген видео тарап кетті. Аталған жағдай анықталғаннан кейін, Астана қаласының полицейлері әкімшілік іс қозғады.

Полиция мәліметінше, видеоны жариялаған әйел ұсталып, бөлімшеге жеткізілген. Оған қатысты «ұсақ бұзақылық» бабы бойынша материалдар жинақталып, жақын күндері сотқа жіберілмек.

Ведомство өкілдері интернетте адамның ар-намысы мен қадір-қасиетін қорлайтын контент тарату заңмен жауапкершілікке әкелетінін ескертті.

«Мұндай құқықбұзушылықтар заң аясында қатаң тоқтатылады. Азаматтарды контент жариялау кезінде жауапкершілік танытуға, өзге адамдардың құқығы мен сезімін құрметтеуге, сондай-ақ қоғамдық мораль мен этика нормаларын сақтауға шақырамыз», – делінген хабарламада.

Бұған...

1 желтоқсанда қазақстандық медиа кеңістікте елеулі екі оқиға болды. Таңертең мәдениет және ақпарат министрі Аида Балаева премьер-министрдің орынбасары деп тағайындалды. Екі сағаттан кейін Orda.kz сайтының құрылтайшысы Гүлнәр Бажкеноваға қатысты қылмыстық іс қозғалғаны белгілі болды. Оның үйінде, редакция кеңсесінде тінту басталды. Кейбір журналистерді полиция тергеді. Ал кешке Бажкенова екі айға үйқамаққа алғаны жарияланды. Бұл тәуелсіз БАҚ-қа жасалған қысым ба? Қазақстандық медиа қандай реакция білдірді? Kursiv Media шолуында ұсынамыз.

«Жалған ақпарат таратты»

Гүлнәр Бажкеноваға қарсы қылмыстық іс қозғалғаны жайлы алдымен Алматы полиция департаменті хабар таратты. Құзырлы орган дерегінше, Orda.kz сайтында полиция қызметкеріне қатысты жалған...

2025 жылғы күзде құзырлы орган талабымен жұмысын уақытша тоқтатқан Робокэш.кз микроқаржы ұйымы (Займер) несие беруді қайта бастағанын мәлімдеді. Бұл туралы Kursiv.Media Қазақстан қаржы орталығы (KASE) мәліметіне сүйене отырып хабарлады.

Бұған дейін Қаржы нарығын реттеу және дамыту агенттігі (ҚНДРА) қаржы ұйымының жұмысынан кінәрат тауып, олқылықты реттеуді талап еткен. Енді, екі ай уақыт өткенде, ұйым құзырлы мекеменің ескертулерін орындағанын мәлімдеп отыр.

«Қадағалаушы органның барлық талаптары орындалып жатыр. Сонымен бірге микрокредит беру толық жүзеге асырыла бастады», – деп хабарлады «Робокэш».

Бұған қоса, компания «клиенттермен жұмыс істеудің жаңа стандарттары енгізілгенін» атап өтті.

Forbes тізімінде 27-орында тұрған миллиардер Махмұдовтар отбасы көлік зауытын салу үшін мемлекеттен арзан несие алуға ниетті. Оларға тиесілі Orbis Manufacturing компаниясы «Қазақстан Даму банкінен» қаржылай қолдау алуға өтінім берген.

Жоба – «Көлік құралдарын өндіру бойынша толық циклді автомобиль зауытын салу және пайдалану» деп аталды. Зауыт Алматы қаласында салынады.

Қазіргі кезде компания «банктік сараптама» кезеңіне құжат жинап жатыр.

«Orbis Manufacturing» ЖШС-ның түпкі иегерлері: Фаррух Махмұдов, Сухраб Махмұдов, Рашида Махмұдова мен «Supreme Management» ЖШС. Бұл компания да Рашида Махмұдоваға тиесілі.

Жаңадан салынатын зауытта қытайлық Kaiyi және Exeed брендтерінің автомобильдері өндірілмек. Қытай тарапымен тиісті меморандум...

Энергетика министрі Ерлан Ақкенженов 2040 жылға қарай заманға сай отын-мұнай-химиялық конфигурацияда қуаты 10 млн тонна мұнай өңдейтін ірі зауыт іске қосылатынын мәлімдеді.

Министр 2024 жылдың қорытындысы бойынша мұнай өңдеу көлемі 17,9 млн тоннаны құрап, бәрі жоспармен келе жатқанын айтты. Сөзінше, бүгінгі таңда мұнай өңдеу зауыттары америкалық және жапондық технологиялық процестерді басқарудың ең жақсы Honeywell және Yokogawa автоматтандырылған жүйелерін пайдалана отырып, цифрландырудың жоғары деңгейімен ерекшеленеді.

«Өңдеу қуатын кеңейту жобалары бойынша, мұнай өңдеу саласын дамытудың тұжырымдамасына сәйкес 2025 – 2032 жылдар аралығында мұнай өңдеу көлемін жылына 18-ден 30 млн. тоннаға дейін ұлғайту жұмыстары басталды. 2040 жылға қарай заманауи...

«Болашақпен» Америкада оқып келген Айгүл Иманбаева Қазақстанда дәмхана ашып, кәсіп бастады. Дәмхана – «Қазан Лағман» деп аталады.

Ол бұл жаңалығын әлеуметтік желі арқылы бөлісті.

Әншінің айтуынша, бұл – ерекше форматта ашылған кәсіп. Ғимараттың бұрышында сахна қойылған. Бейнежазбада бұл жерде Айгүл Иманбаева мен жас таланттар өнер көрсетіп жатқаны көрсетілген. Өлең-жырларын оқып, келушілерді тәнті етеді.

Сонымен қатар әнші дәмхана атауын неге «Қазан Лағман» деп аталғанын түсіндіріп берді.

«Неге «Қазан Лағман» дәмханасы? Білесің бе? Келе жатқанда не жейтініңді білуің керексің. Лағман жейсің, палау жейсің», – деп түсіндірді Айгүл Иманбаева.

Әнші мұның алдында күйеуінің анасы, яғни енесімен жылы...

Денсаулық сақтау министрі Ақмарал Әлназарова дәрі-дәрмек бағасы 50%-дан 300%-ға дейін төмендегенін мәлімдеді.

Әлназарованың айтуынша, дәрі-дәрмекпен қамтамасыз ету реформасы шеңберінде министрлік баға белгілеудің жаңа жүйесін енгізді.

«Бағаны тіркеудің бірыңғай тәсілі, маркетингтік және көлік үстемелерін алып тастау, генериктерге бағаны 30%-ға төмендету, сондай-ақ халықаралық рефераттау объективті шекті бағаларды қалыптастыруға және негізсіз қымбаттауды болдырмауға мүмкіндік береді. Нәтижесінде 2026 жылғы сатып алуларда 2025 жылмен салыстырғанда көптеген препараттардың бағасы 50%-дан 300%-ға дейін төмендеді, ал жалпы үнемдеу 36 млрд теңгеден асты», –  деді ДСМ басшысы Үкімет отырысында.

Қандай дәрі препараттары арзандады

Миллионер Қайрат Итемгеновтің кезінде криптовалюта жанжалына ұшыраған Greenhouse-Qaztomat компаниясы Павлодар облысында қызанақ пен қияр өсіретін ең үлкен жылыжай салады. Жоба құны – 10,7 млрд теңге. Бұл туралы Kursiv.Media облыс әкімдігінің мәліметіне сүйене отырып хабарлады.

Орталық Азиядағы ең үлкен жылыжай

2025 жылғы желтоқсанның басында Greenhouse-Qaztomat компаниясы мен облыс әкімдігі ынтымақтастық туралы меморандумға қол қойған.

«Құжат көкөніс өнімдеріне бағаның негізсіз өсуіне жол бермеу және қыс мезгілінде үздіксіз жеткізілуін қамтамасыз етуге бағытталған», – деп сипаттады өңір әкімдігі.

Компания облыста жылыжай кешенін 10,4 гектарға ұлғайту бойынша ірі инвестициялық жобаны жүзеге асырады. Оған 10,7 млрд...

Ресейлік Lit Energy медиафутбол клубының президенті, блогер Михаил Литвин YouTube арнасында жаңа видео жариялады. Ол өзге блогерлер ұсынған бірнеше тапсырмаларды орындаған. Сол челлендждердің бірі: бұрын ешкім сынап көрмеген әлемдік рекорд орнату болды.

Блогер командасымен бірге футбол ойнауға арналған арнайы алаң дайындап, оны әуе шарының көмегімен 1700 метр биіктікке көтерді. Конструкцияның өзі 36 метрлік әуе шарына бекітілген.

Жобаға 30 млн рубльден астам қаржы жұмсалғаны айтылады.

Литвин рекордты ресми тіркеу мақсатында Ресей рекордтар кітабының өкілін шақырған. Сарапшының айтуынша, дәл осындай биіктікте футбол ойнау талпынысы әлемде бұрын-соңды болмаған.

Ауыл шаруашылығы министрі Айдарбек Сапаров 2026 жылы жалпы сомасы 394 млрд теңгені құрайтын 50 жоба іске асырылатынын мәлімдеді.

Сапаровтың айтуынша, осының арқасында 2,5 мың жаңа жұмыс орнын ашу жоспарланған.

«Соның ішінде 6 ірі жобаға тоқталғым келеді. Жамбыл облысында «Фуфенг Груп» жобасының бірінші кезеңінде 300 мың тонна жүгеріні терең өңдеу жоспарлануда. Алматы облысында «Fruit Art» компаниясы 25 мың тонна жеміс-жидектерді өңдеу бойынша үшінші кезеңін іске асырады, «Шин-Лайн» балмұздақ өндірісін 35 мың тоннаға дейін ұлғайтады және «Қапшағай Бидай Өнімдері» жобасы 250 мың тонна шамасында астық және майлы дақылдарды өңдейді. Қостанай облысында «Баян Сұлу» кондитерлік өнімдер өндірісін 13 мы...

2022 жылдан бері жеңілдікпен несиелеу тетігі арқылы өңдеу өнеркәсібіндегі 116 жоба қаржыландырылған. Бұл мәліметті Үкімет отырысында Өнеркәсіп және құрылыс министрі Ерсайын Нағаспаев мәлімдеді.

Министр мемлекеттік даму институттары жаңа өндірістерді қолдауда маңызды рөл атқаратынын атап өтті.

«2022 жылдан бастап жеңілдетілген несиелеу тетігі арқылы 116 жоба қаржыландырылды. Бұл мақсаттарға бюджеттен 500 млрд теңгеден астам қаржы бөлінді, ал нарықтан қосымша қаржы тарту және аралас қаржыландыру тетігін қолдану есебінен жалпы сома 700 млрд теңгеге дейін ұлғайтылды», – деді Ерсайын Нағаспаев.

Осының нәтижесінде радиаторлар, автокомпоненттер, шұлық-шұлғау бұйымдары, лак-бояу және геосинтетикалық материалдар мен басқа да тауарлар өндірісі іске қосылған.

Алматы облысы Іле ауданының бұрынғы әкімі Бағдат Қарасаев 3 жыл 3 айға бас бостандығынан айырылды.

Kazinform ақпаратына қарағанда, Іле аудандық соты Бағдат Қарасаевқа және басқа да қатысушыларға қатысты қылмыстық істі қараған.

Сот Қарасаевты лауазымдық өкілеттігін теріс пайдаланып, жеке шаруашылық серіктестігіне жер учаскесін заңсыз бергенін, тұрмыстық қатты қалдықтар полигонын басқару кезінде аталған кәсіпорынға қамқорлық көрсеткенін, сондай-ақ заңсыз түрде кәсіпкерлік қызметпен айналысқанын анықтады.

«Сот үкімі бойынша:

• Қ. 361-баптың 3-бөлігі және 364-баптың 3-бөлігі бойынша кінәлі деп танылып, 3 жыл 3 айға бас бостандығынан айырылды және мемлекеттік қызметтерде жұмыс істеуге өмір бойы тыйым салынды;

• Б. 361-баптың 1-бөліг...

Ауыл шаруашылығы министрі Айдарбек Сапаров Қазақстанда қайта өңделген өнімдердің экспорты бойынша оң динамика байқалатынын мәлімдеді.

Үкімет отырысында баяндама жасаған министр биыл 9 айда экспорт көлемі 2,5 млрд АҚШ долларын құрап, өткен жылдан 32,4%-ға артқанын мәлімдеді.

«Өсімнің едәуір бөлігін ұн және май өндірісі салалары қамтамасыз етіп отыр. Аталған кезеңде ұн өндірісі 2,8 млн тоннаға жетіп, өткен жылдан 7%-ға ұлғайды, өсімдік майы – 21,7%-ға өсіп, 726 мың тонны құрады, сүт өндірісі – 4,7%-ға өсіп, 550 мың тоннаға жетті, жарма 10%-ға, шұжық өнімдері 7,8%-ға өсті», – дейді ол.

Сапаров саланы ынталандыру шаралары қабылданып жатқанын, қайта өңдеу саласы Солтүстік...

Алматы – Бішкек трассасында сұмдық жол апаты болды. Honda Odissei мен  HOWO соқтығысып, жеті адам қаза тапты.

Алматы – Бішкек тас жолының 129-шақырымында болған жол-көлік оқиғасы фактісі бойынша қылмыстық іс қозғалды.

«Полиция қызметкерлері Алматы – Бішкек автожолының 129-шақырымында болған жол-көлік оқиғасы фактісі бойынша қылмыстық іс қозғады. Алдын ала мәліметтер бойынша, «Honda Odissei» автокөлігінің жүргізушісі алдында келе жатқан «HOWO» жүк көлігінің тіркемесімен соқтығысқан», – деп хабарлады Алматы облыстық полиция департаментінің баспасөз қызметі.

Полицияның ақпаратына қарағанда, жол апаты салдарынан жеңіл көліктегі жеті адам қаза тапқан. Оның ішінде жүргізуші де бар.

Қазір апаттың барлық мән-жайын анықтау үшін сотқа...

Үкімет Ауыл шаруашылығы министрлігі мен «Түркістан мақта агроөнеркәсіптік кешені» ЖШС арасында Түркістан облысында шитті мақтаны өсіру және терең өңдеу бойынша инвестициялық келісімді мақұлдады. Тиісті қаулыға Премьер-министр Олжас Бектенов қол қойды.

Отырар мен Арыс аумағында 60 мың гектар суармалы жер игеріліп, Орталық Азиядағы ең ірі мақта кешендерінің бірі салынбақ. 1 400-ден астам тұрақты, 300-ден астам маусымдық жұмыс орны ашылады. Жобаның мақсаты – егістіктен дайын киімге дейінгі толық мақта кластерін қалыптастыру.

Инвестор – қытайлық Xinjiang Lihua (Group) Co., Ltd. Бірінші кезеңге 58 млрд теңге қарастырылған, жалпы инвестиция көлемі 200 млрд теңгеден асады. Бұл келісім Бектенов пен компания басшысы Чжан Цихай жүргізген келіссөздер нәтижесінде...

2025 жылдың қарашасында теңге айтарлықтай нығайып, ай соңында доллар 512,57 теңге деңгейіне дейін арзандады. Алайда Halyk Finance сарапшылары теңгенің бұлай нығаюына экономикалық негіз жоқ деп тұжырымдайды. Олардың айтуынша, теңгенің күшеюіне негізінен шетелдік инвесторлардың қысқа мерзімді алыпсатарлық операциялары, яғни кэрри-трейд (carry trade) себеп болды.

Кэрри-трейдтің мәні – шетелдік инвесторлардың долларды арзанға алып, Қазақстанда жоғары пайызбен мемлекеттік бағалы қағаздарды сатып алуы.

Шетелдік инвесторлар жақын уақытта теңге бағамы тұрақты болады немесе тіпті нығаяды деген болжам жасап, шетелде долларды төмен пайызбен қысқа мерзімге қарызға алады да, сол долларды Қазақстанда теңгеге ауыстырады. Ауыстырған теңгеге олар...

Мессенджерлерде түнгі 00:00-ден бастап рұқсат берілген ең жоғары жылдамдық 66 км/сағаттан аспайтыны көрсетілген хабарлама тарады.

«Құрметті көлік жүргізушілері! Жылдамдықты 68, 69 немесе 75 км/сағатқа дейін асырсаңыз камераға түсесіз, автоматты түрде 19 000 теңге көлемінде айыппұл салынады. Артық шығынға ұшырамау және айыппұл арқаламау үшін жылдамдық режимін сақтауды сұраймыз», – делінген хабарламада.

Ішкі істер министрлігі бұл хабарламаны жоққа шығарды.

«Рұқсат берілген ең жоғары жылдамдық 66 км/сағ» деген өзгеріс енгізілген жоқ. Жалған хабарлама тарап жатыр. Елдімекендерде жеңіл көліктер үшін бұрынғыдай стандартты норма – 60 км/сағ. Камералар жылдамдық асырғанды 70 км/сағ және одан жоғары болғанда...

Мәжіліс депутаты Ринат Зайыттың анасы қайтыс болды. Қаралы хабарды әріптесі Мақсат Толықбай Instagram парақшасында жариялап, марқұмның жақындарына көңіл айтты.

«Ринат Зайыт бауырымыздың анасы қайтыс болды. Асылынан айырылған досымның қайғысына ортақтасып, көңіл айтамыз. Жаназа намазы да, жерлеу рәсімі де Семей қаласында өтетінін айта кетейін», – деп жазды Толықбай.

Қаралы хабарды естіген өнер өкілдері мен көпшілік желіде көңіл айтып, отбасының қайғысына ортақтасып жатыр.

Марқұмның жаназа рәсімі мен жерлеу уақыты Семей қаласында өтетіні белгілі болды.

Түркістан қаласында бірнеше киіз үйден тұратын қонақүй салынады. Сонымен бірге шаһар көшелеріне жабайы жүзім отырғызылады. Бұл туралы Kursiv.Media өңір әкімдігінің мәліметіне сүйене отырып хабарлады.

Жергілікті әкімдіктің баспасөз қызметі жариялаған суретте қазақы қонақүй Шәуілдір тас жолы бойында салынатын туристік кешен деп сипатталған. Құрылыс макетінен қаз-қатар орналасқан 11 ақ түсті киіз үйді көруге болады.

Кешен облыста жүзеге асырылатын сәулет жобаларын талқылайтын кеңесте көрсетілді. Жиналысты Түркістан облысының әкімі Нұралхан Көшеров өткізді.

Әкімдік мәліметінше, жиында Арыс, Кентау қалаларындағы сәулеттік жобалар және Түркістан қаласында жүзеге асыру көзделіп отырған бастамалар талқыланған. Өңір басшысы жобаларды жүзеге асыру барысында заманауи әрі соңғы үлгідегі тәсілдер...

Белгілі спортшы, дзюдодан олимпиада чемпионы Елдос Сметов келіншегіне қымбат сый жасады. Ол Instagram парақшасында жұбайына Hyundai Palisade жол талғамайтын көлігін тарту еткенін жариялады.

Желіге жүктелген видеода Сметов жұбайына жаңа көлік кілтін салтанатты түрде табыстаған сәті көрсетілген. Жанында спортшының ата-анасы, туыстары бар.

Елдостың жұбайының есімі – Балауса. Екеуі үш қыз, екі ұл тәрбиелеп отыр.

Осыған дейін Сметов Париж Олимпиадасындағы жеңісі үшін сыйлаған көлікті сатылымға шығарған еді.

Қазақстандық дзюдошы 2024 жылы 27 шілде күні Олимпиада чемпионы атанды. Енді ол 2028 жылы Лос-Анджелесте өтетін келесі Олимпиадаға қатысуға ниеттеніп отыр.

Танымал әнші Айқын Төлепберген мен жары, әнші әрі актриса Жұлдыз Өмірғали сәбилі болды. Қуанышты жаңалықты Айқын өзінің Instagram парақшасында бөлісті.

Өнер жұбының жаңа туған перзенті – қыз бала. Әке болған Айқын жазбасында:

«Бүгін 1.12… Нұртан Ару Айқынқызы дүниеге келді. Жұлдызыма үлкен алғыс. Мен сені жақсы көремін», – деп жүрекжарды лебізін жеткізді.

Желі қолданушылары мен әріптестері әншіні жаппай құттықтап, жылы тілегін арнап жатыр.

Айта кетейік, Айқын Төлепбергеннің бірінші некесінен бір ұл, бір қызы бар. Жұлдыз екеуінің арасында енді бір ұл, екі қыз болды.

2 желтоқсан, сейсенбі күні Samsung үш бүктелетін Galaxy Z TriFold смартфонын бүкіл әлемге таныстырды. Компания «жаңа өнімді мобильді инновацияның болашағы» деп атады.

Қазақстанға қашан келеді

Оңтүстік Кореяда өндірілген жаңа модель 12 желтоқсанда ішкі нарықта сатыла бастайды. Жыл аяғына дейін Қытай, Сигапур, Тайвань және Біріккен Араб Әмірліктеріне шығады. 2026 жылдың алғашқы жартысында АҚШ-та саудаға түседі.

Смартфон Қытай мен БАӘ-ге жеткен уақытта, Қазақстанда да сатыла бастауы тиіс.

Бағасы

Galaxy Z TriFold шамамен 3,59 млн вон, яғни 2440,17 доллар тұрады. Қазіргі бағаммен есептер болсақ, оны кем дегенде 1 млн 255 мың теңгеге сатып ала аласың. Иә, қымбат, себебі корпусы титаннан...