Жаңалықтар

Қазақстанға қарсы сәтсіз ойын көрсеткен «Манчестер Сити» шабуылшысы Эрлинг Холанд әлемдегі ең қымбат футболшы атанды. Бұл туралы Transfermarkt хабарлады.

Transfermarkt мәліметінше, Англия премьер-лигасындағы жаңартулар аясында норвегиялық футболшының нарықтық құны 20 миллион еуроға өсіп, 200 миллион еуроны құрады. Осылайша, Холанд мадридтік «Реалдың» үштігінен – Джуд Беллингем, Винисиус Жуниор және Килиан Мбаппеден алға шықты, олардың әрқайсысының құны 180 миллион еуроға бағаланып отыр.

Футболшылардың нарықтық құн тарихында 200 миллион бағадан тек француз ойыншысы Мбаппе (2018 жылы) асқан еді.

2018 жылы Мбаппе «ПСЖ» сапында бұл бағаға жеткеннен кейін, араға алты жыл салып Эрлинг Холанд 200 миллион еуроға бағаланған екінші футболшы...

Қазақстанда табиғи апаттардан сақтандыру қоры құрылуы мүмкін. Бұл туралы Kazakhstan Insurance Forum 2024 барысында ҚР ҚНРДА Сақтандыру нарығы және актуарлық есеп айырысу департаменті директорының орынбасары Елена Филимонова айтты.

Жиын барысында сарапшылар Түркияда халықтың 60%-ы сақтандырылғанын атап өтті. Бұл ретте олар газ, су сынды коммуналдық жүйелерді қосу кезінде апаттық жағдайлардан сақтандырудың болуы міндетті. Алдағы жылдары аталған елде табиғи апаттардан сақтандыру қоры құрылуы мүмкін. Осы ретте «Курсив» тілшісі Елена Филимоновадан «Қазақстанда да мұнай қор құрылуы мүмкін бе?» деп сұрады. Сұраққа жауап берген Қаржы нарығын дамыту агенттігінің өкілі бұл мәселе қазір талқыланып жатқарнын жеткізді.

«Шын мәнінде табиғи апттардан...

Грузия президенті Саломе Зурабишвили «ЛГБТ-ны насихаттауға және гетеросексуалды емес адамдардың бала асырап алуына тыйым салу» туралы өзгерістері бар «отбасылық құндылықтар және кәмелетке толмағандарды қорғау туралы» заң жобасына қол қоюдан бас тартты.

Заң жобасындағы негізгі өзгерістер:

Сондай-ақ, заң жобасына сәйкес, 17 мамыр ата-аналарға құрмет күні ретінде белгіленуі тиіс.

Зурабишвили өзінің шешімі туралы түсініктеме берген жоқ. Civil Georgia басылымының жазуынша, президент гомофобияны басты проблемаға айналдырмауға тырысып келеді.

Грузия парламенті 17 қыркүйекте осы заң жобасының пакетін қабылдады. Қазір президент оған қол...

Депутат Азат Перуашев бөлшек салық мөлшерлемесін 2% деңгейінде қалдыруды ұсынды. Айтуынша, мөлшерлемені осы деңгейде қалдыру елдегі орта және шағын бизнеске оң ықпал етеді.

2023 жылы «Ақ жол» партиясының бастамасымен, жергілікті маслихаттар бөлшек салық мөлшерін 4%-дан 2%-ға дейін төмендеген.

«Ақ жол» Демпартиясы сол жылдың сәуірінен бастап, Мәжіліс пен маслихаттардағы фракцияларымыздың бұл мүмкіндікті пайдаланып, өз аймақтарында бөлшек салықты 2%-ке дейін төмендету туралы ұсыныспен 30-дан астам сауал жолдады. Біздің жарты жылдық күресіміздің нәтижесінде, Алматы қаласынан басқа, барлық дерлік аймақтарда аталмыш салық мөлшерлемесі төмендетілді»,- дейді депутат.

Алайда қолданыстағы Салық кодексіне сәйкес, бөлшек салықты төмендету туралы...

Қазақстанда қала аумақтарындағы саябақтардың жерін жеке меншікке өткізу туралы қаулыға қол қойған бір де бір әкім жауапқа тартылмаған. Бұл туралы Мәжіліс кулуарында «Курсив» тілшісіне депутат Бақытжан Базарбек айтып берді.

Депутаттың сөзінше, Алматы, Шымкент, Талдықорған өзге де қалалардағы саябақ жерлерінің жеке меншікке өтуі туралы қаулыларға сол кездегі қала әкімдері қол қойып, рұқсат берген. Алайда жерлердің заңсыз берілгені белгілі болып, мемлекетке қайтарылған тұста қаулыға қол қойған шенеуніктердің ешқайсысы жауапқа тартылмаған.

«Бұл қазіргі қоғамның әділетсіздігі. Заңсыз қаулыларға қол қойған әкімдер, әкімнің орынбасарлары, жер қатынастары басшылары, сәулет құрылыс басшылары тиісті жауапқа тартылуы керек. Бірақ олар жұмыстан кетіп қалған. Алматыдағы Бутаковка...

Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов «Атамекен» ұлттық палатасының бұрынғы төрағасы Абылай Мырзахметовтен мемлекетке қайтарылған  7 млрд теңгенің қашан қолды болғанын айтты.  

«Бұл деректер тергелді. Сот шешімі де бар. «Атамекенді» басқарған кезде заңсыз алынған», – деді Ұлан Сарқұлов.

Сонымен қатар, сыбайлас жемқорлыққа қарсы іс-қимыл агенттігі төрағасының орынбасары «қайтарылған заңсыз активтер біреулерден алынып, басқа біреулерге беріліп жатыр», – деген тұжырыммен мүлде келіспейтінін мәлімдеді.

«Қайтарылған қаржының мектеп салуға және осы секілді басқада әлеуметтік мақсатқа жұмсалып жатқаны бұған дейін бірнеше мәрте айтылған. Қаржы министрлігінде тиісті бөлімшелер бар. Солар осы мәселелермен...

Мәжіліс депутаттары алдымен Астанада, кейіннен өзге өңірлерде ақылы автотұрақтар бағасын өзгертуді ұсынатын заң жобасын дайындап жатыр. Бұл туралы мәжіліс кулуарында депутат Асхат Аймағамбетов айтты.

Депутаттың айтуынша, қазір Мәжілісте «Жергілікті мемлекеттік басқару» туралы, яғни «Елорда мәртебесі мен республикалық маңызы бар қалалар мәртебесі» туралы заң жобасы дайындалып жатыр. Ақылы автотұрақтарға қатысты өзгерістер сол заң жобасына енуі тиіс.

Аймағамбетовтің сөзінше, өзгерістер қатарында ақылы автотұрақ бағасы да қарастырылады. Бірыңғай баға болмауы да мүмкін, баға сұранысқа қарай өзгереді. Мәселен, елорда орталықтарындағы, демалыс орындарындағы автотұрақ құны жоғары болса, тұрғын үйлер маңындағы тұрақ құны төмен болады. Депутат әлеуметтік маңызы бар орындарда тегін автотұрақтарды қарастыру керек екенін атап...

Алматыда сатылымға шыққан Антикор экс-басшысының зәулім үйіне қатысты тексеру басталды, бұл туралы Антикордың төраға орынбасары Ұлан Сарқұлов Мәжіліс кулуарында айтты.

Алматының етегіндегі екі миллиард теңгеге бағаланған вилла Сыбайлас жемқорлыққа қарсы агентгі төрағасының орынбасары Нұрлан Шабдардың отбасына тиесілі деген ақпарат таралған еді.

Антикордың төраға орынбасары Ұлан Сарқұловтың айтуынша, қазіргі уақытта Шабдардың меншігіне қатысты тексеріс жүргізіліп жатыр. Бұл іс бойынша тиісті бөлімше айналысып жатыр.

«Мұнда біз декларациялауға, сәйкесінше инвестицияға қатысты заңдық мәселелерді түсінуіміз керек. Біреудің бизнеспен айналысқаны немесе өзге табыс көздерінің бар-жоғы заң аясында қаралуы тиіс. Сонымен қатар, жеке меншік құқығын құрметтеуіміз керек. Әрине, бұл мәселе мұқият...

Мәжілісте шенеуніктерге кәсіпкерлікпен айналысуға рұқсат беретін нормалар талқыланып жатыр. Өзгеріс енгізілсе, шенеуніктерге өздеріне тиесілі мүлікті жалға беру арқылы немесе басқа да мемлекет мүддесіне қайшы келмейтін кәсіп түрімен айналысып табыс таба алады. Жобаны депутаттар бірінші оқылымда мақұлдады.

«Қазақстан Республикасының кейбір заңнамалық актілеріне оларды Қазақстан Республикасы Конституциясының нормаларына сәйкес келтіру мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы мемлекеттік шенеуніктер арасындағы жемқорлық тәуекелдерін азайтуды көздейді.

Конституциялық сот мемлекеттік қызметкерлерге теңестірілген адамдардың кәсіпкерлікпен айналысуына тыйым салу туралы нормаларды конституцияға қайшы деп таныған.

«Конституциялық Соттың нормативтік қаулысына сәйкес, «Сыбайлас жемқорлыққа қарсы іс-қимыл туралы» Қазақстан...

Биыл күзде қор нарығындағы қандай компаниялардың акцияларына назар аударған жөн? Freedom Finance Global сарапшылары Данияр Оразбаев пен Елдар Шакенов инвесторларға тартымды боларлық компаниялар тізімін ұсынады. Сарапшылардың пайымдауынша қазақстандық ҚазмұнайГаз, Қазақтелеком, Қазатомөнеркәсіп акцияларының өсу әлеуеті жоғары.

2024 жылдың І жартыжылдығында ҚазМұнайГаздың ақша ағыны жоғары қалыптасқан. Бұл қаржыны компания дивиденд төлеуге жұмсауы ықтимал. Сондықтан сарапшылар ҚМГ акциялары құнын жоғалтпайтынына сенімді.

Ал Қазақтелеком Алтел-Теле2 еншілес мобильді операторын қатарлық инвесторға сатып, өз ақша қорын молайтып алды. Бұл ақша қоры компанияның ағымдағы құнын айтарлықтай арттырады. Сарапшылар Қазақтелеком еншілес компаниясын сатудан түскен қаржымен өз қарызын түгел өтеп, тіпті арнайы дивиденд төлеуге мүмкіндігі бар деп тұжырымдайды...

Bolashak Consulting Group компаниясының бас директорының үстінен қылмыстық іс қозғалғанын Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов растады. Аталған компания Қазақстанның мүддесін халықаралық соттарда қорғаған еді.

Сарқұлов істің құпия екенін хабарлады.

«Арбитраждық істер бойынша миллиондаған доллар шығындар ел мүддесіне шешілмей жатқандықтан, қосымша сұрақтар туындады. Қазіргі уақытта тиісті тергеулер жүргізіліп жатыр», – деді Антикор төрағасының орынбасары.

Сонымен Сарқұлов экс-Әділет министрі Марат Бекетаевқа қатысты іс пен «Болашақ» компаниясының бас директорына қатысты істің бір немесе екі түрлі екенін нақтыламады.

Еске сала кетейік, 2024 жылдың шілде айында Сыбайлас жемқорлыққа қарсы іс-қимыл агенттігі Бекетаевқа қатысты тергеу аяқталғанын мәлімдед...

Сақтандыру секторының активтері соңғы төрт жылда 2 еседен астам өсіп, 2,8 трлн теңгеге жетті. Бұл туралы Kazakhstan Insurance Forum 2024 барысында Қазақстан Республикасының Қаржы нарығын реттеу және дамыту агенттігі төрағасының орынбасары Мария Хаджиева айтты.

«Көрсеткіштерге негізінен сақтандыру сыйлықақылары мен инвестициялық кірітің өсуі ықпал етті», – деді спикер.

Мария Хаджиеваның айтуынша, төрт жыл ішінде сыйлықақылар көлемі мен сақтандыру шарттарының саны да 2 есе өскен. Сыйлықақылар көлемі 966,4 млрд теңгеге жетті.

«Сақтандыру шарттарының саны 14,8 млн шартқа дейін артты. Оның 88,7%-ы жеке тұлғалармен жасалған. Шарттардың өсуі жазатайым оқиғалардан сақтандыру және өмірд...

Bloomberg-тің хабарлауынша, қыркүйек айында әлем бойынша компаниялар мен үкіметтер қарыз нарығына белсене араласты. Олар АҚШ президентін сайлау алдындағы белгісіздік жағдайында пайыздық мөлшерлемелердің төмендеуін пайдаланды.

Осы ай бойына 1226 эмитент облигацияларды 600 млрд доллардан астам сомаға сатқан. Бұл кейінгі жиырма жылда болған қыркүйек айындағы ең жоғарғы көрсеткіш.

Өткен айда АҚШ қор нарығында рейтингі жоғары облигациялар көп шығарылғаны сонша, бұл – тарихтағы ең белсенді кезең ретінде тіркелді. Еуропалық несие берушілер де рекордтық көлемде бағалы қағаздар сатты. Юаньмен сауда жүргізетін қытайлық оффшорлық облигациялар нарығы бір ай ішінде рекорд орнатты.

Ал TikTok-тың иесі ByteDance 10,8 млрд доллар несие алуды қарастырып жатыр...

Астана мен Алматыдан Дубайға ұшатын рейстердің бағыты өзгеріп, ұшу уақыты ұзарды. Бұл туралы Air Astana әуе компаниясы хабарлады.

Әуе компанияның хабарлауынша Таяу Шығыстағы шиеліністі жағдайға байланысты Алматы мен Астанадан Дубайға ұшатын рейстер Ирак пен Иранның әуе кеңістігін айналып өтеді.

Бұл жағдайда ұшу уақыты төмендегідей ұзарады:

Алматы – Дубай 20 минутқа

Дубай – Алматы 10 минутқа

Астана – Дубай 55 минутқа

Дубай – Астана 35 минутқа

Таяу Шығыстағы жағдайға байланысты азаматтық авиация комитеті қазақстандық әуе компанияларына Иран әуе кеңістігін айналып өтуге кеңес берді.

«Таяу Шығыстағы жағдайдың шиеленісуіне байланысты қазақстандық авиакомпанияларға Иранның әуе кеңістігін айналып өтуге немесе...

Қашаған кен орнын игеріп жатқан инвесторлар консорциумы – North Caspian Operating Company (NCOC) Қазақстан үкіметімен 5 млрд доллар экологиялық айыппұлға қатысты келіссөзді қайта бастады. Бұл туралы Bloomberg басылымы жазады.

Басылымның жазуынша, Eni, Shell, Exxon Mobil мен TotalEnergies Қазақстандағы әлеуметтік жобаларға 110 млн доллар ивестиция салуды ұсынып отыр. Сонымен қатар «әлеуметтік даму» арнайы қорын құрып, ішкі нарыққа сұйытылған газ жеткізуге жеңілдік жасауға ниетті. Есесіне Қазақстан үкіметі Қашаған кен орнында күкіртті артық сақтап, қоршаған ортаға келтірген залалды өтеу туралы талабын қайтарып алуы керек.

Одан бөлек, инвесторлар мұнай компанияларына қарсы бұндай шағымдардың алдын алу үшін экологиялық заңнамананы өзгертуді ұсынады.

Шухрат Ибрагимов бұрын бас атқарушы директордың бірінші орынбасары болды/Коллаж: kursiv.media, бильд-редактор Ахтам Зиперов

Eurasian Resources Group СЕО (бас атқарушы директоры) болып Шухрат Ибрагимовтың тағайындалғанын жариялады.

«Бенедикт Соботка он жылдан аса уақыт білек сыбанып жұмыс істеді. Әлі де ERG командасымен байланыста қала береді. Шухрат Ибрагимов бұрын бас атқарушы директордың бірінші орынбасары болды. Оның СЕО болып тағайындалуы ERG басқармасындағы жаңа межеге сәй келеді», – делінген Eurasian Resources Group баспасөз қызметінің хабарламасында.

Шухрат Ибрагимов – Алиджан Ибрагимовтың ұлы. Ол ERG-дің Басқарушы компаниясы Бақылаушы кеңесінің төрағасы,  ERG S.à r.l. директорлар кеңесінің мүшесі, таяуда Директорлар кеңесінің төрағасы болды.

Eurasian Resources Group – табиғи...

Россельхознадзор Қазақстанның Ауыл шаруашылығы министрлігіне Ресей Федерациясына экспортталатын астық, қызанақ, бұрыш және күнбағыс тұқымдарына фитосанитарлық сертификат беруді тоқтататынын мәлімдеді.

«Россельхознадзор» мәліметінше, бұл шешімге Қазақстан Республикасынан Ресей Федерациясының аумағына тасымалданатын Еуразиялық экономикалық одаққа мүше елдер үшін карантиндік объектілерге жатқызылатын өнімдер санының артуы себеп болған. Мекеме хабарламасында Ресейдің фитосанитарлық әл-ауқатын сақтау маңыздылығы да айтылған.

Бұдан бөлек, елдегі жылыжай кешендерінің және отандық селекциялық және тұқым шаруашылығының даму қарқыны мен ресейлік астық және жеміс-көкөніс өнімдерін экспорттау көлемінің артуы да елдің Қазақстаннан кіргізілетін өнімдерге шектеу қоюы туралы шешіміне әсерін тигізген.

«Россельхознадзор» ҚР Ауыл шаруашылығы министрлігінің Агроөнеркәсіп кешеніндегі мемлекеттік инспекция...

Ұлытау облысында Kazakhmys корпорациясында қымбат металл қорытпаларын ұрлаумен айналысқан қылмыстық топ ұсталды, бұл туралы Polisia.kz хабарлады.

Полицияның мәліметінше соңғы айдың ішінде Ұлытау облысында бірнеше қылмыстық топтың заңсыз әрекеті тоқтатылды. Солардың бірі Ұлытау облысындағы «Қазақмыс» корпарациясында қымбат металдар қорытпаларын ұрлаумен айналысқан қылмыстық топтың іс-әрекеті тоқтатылды. Топ құрамына кәсіпорын қызметкерлері де кірген. Күдіктілер 6,5 миллион теңгеден астам сомадағы ұрланған өнімді кәсіпорыннан шығару кезінде ұсталды. Қазіргі уақытта олардың басқа да қылмыстарға қатысы бар-жоғы тексеріліп жатыр.

Сонымен қатар, полиция қызметкерлері 2022 жылдың наурыз айында жергілікті кәсіпкерден 20 миллион теңге бопсалаумен айналысқан тағы бір қылмыстық топты анықтады. Қылмыскерлер зардап шегушіні жалға алынған пәтерге...

Израиль аумағына бір күн бұрын зымыран ұшырған Иран әуе кеңістігін жапты. Сонымен қатар, Теһрандағы Имам Хомейни халықаралық әуежайының жұмысы уақытша тоқтады. Бұл туралы Иран Азаматтық авиация ұйымының баспасөз хатшысы Джафар Язерлу мәлімдеді.

Оның айтуынша, тоқтатылған рейстер басқа уақытта ұнатын болады. Иран бұқаралық ақпарат құралдарының хабарлауынша, Иран Израиль қарымта соққы жасайды деп қауіптеніп отыр.

1 қазан күні Иран Ислам революциясының Сақшылар корпусы Израильге жүздеген баллистикалық зымыран ұшырды. Иерусалим мен Тель-Авив қалаларында жарылыс болды.

Ресми Тегеран «Хезболла» мен Хамас жетекшілерінің өліміне осылайша жауап бергенін мәлімдеді. Израильдің қорғаныс армиясы тұрғындарды сақ болуға шақырды.

Иран зымыран ұшырып, Таяу Шығыстағы шиеленістің ушыға түсу...

Иран Израиль арасындағы зымыран шабуылынан жасағаннан кейін америкалық акциялар құлдырады. Бұл туралы Market Watch жазады.

о, Spartan Capital Securities-тің нарықты талдаук жөніндегі бас маманы Питер Кардило, мұнда екі фактор бар екенін айтады: «Әдетте, қазан айының бірінші және екінші апталары акциялар үшін өте құбылмалы, ал қазір оған соғыс факторы қосылды».

Осылайша, S&P 500 0,93%-ға, Dow 0,41%-ға, Nasdaq 1,53%-ға құлдырады. Тұрақсыздық жағдайында алтын-энергетика секторының қорлары күрт қымбаттап, қару өндірушілердің үлесі өсті. АҚШ мемлекеттік облигациялары да құлдырады.

ICE АҚШ долларының индексі геосаяси шиеленістердің өсуіне байланысты екі аптадағы ең жоғары деңгейге жетті. Сейсенбіде 0,5%-ға өсті. Бұл – 18 қыркүйектен бергі ең жоғары деңгей...

Цифрландыру Қазақстан экономикасын және қазақстандықтардың өмірін жылдам өзгертіп келеді. БҰҰ-ның елімізді электрондық үкіметті дамыту тұрғысынан әлем бойынша 28-орынға қойғаны кездейсоқ емес. Бірақ біз мақтана алатын нәрселер тек мемлекеттік қызметтермен шектелмейді. Тауар мен қызметті онлайн-сервистер арқылы алу жиілеп келеді. Платформалық жұмыспен айналысатын адамдар саны да артуда: курьерлер, такси жүргізушілері, дәрігерлер, жөндеу компаниялары ірі платформалық сервистерге қосылып, олардың көмегімен клиент табады.

Бизнес бір жағынан жеңілдесе, екінші жағынан күрделене түсуде. Киберқауіпсіздік мәселесі аса өзекті болып тұр, заң шығару ісі де нарықтың дамуына ілесе алмай жатыр. Жаңа бизнес форматтарына салық салу мәселелері талқылануда. Осы және басқа да мәселелер нарық қатысушылары мен мемлекеттік органдар өкілдерін...

Құрамына 31 арна мен informburo.kz сайты кіретін «31» медиахолдингтің иесі ауысты. Бұған дейін кәсіпкер Болат Өтемұратовқа тиесілі болған телекомпанияның қазіргі құрылтайшысы – «Әділдік және өркендеу» қоры.

Egov мәліметі бойынша, компания қайта тіркеуден 25 қыркүйек күні өткен. Қазіргі құрылтайшы ретінде көрсетілген қор 2022 жылы құрылған. Ал қордың құрылтайшысы – әр жылдары «31 арна», «Алматы» мен «Қазақстан» республикалық телерадиокорпорациясын басқарған Нұржан Мұхамеджанова мен Гүлжан Марқабаева деп көрсетілген.

Қордың бас директоры – журналист Дана Рысмұхамедова. Ол 2013 жылдары бұрынғы «Нұр Отан» партиясының ақпараттық комитететінің басшысы қызметін атқарған.

«Әділдік және өркендеу» ұйымының сайтында қор әр саладағы белсенді азаматтардың бастамасымен құрылғаны жазылады...

2 қазанға қараған түні Иран Израиль мемлекетіне зымырандар ұшырды. Кейбір ақпарат құралдары Тегеран жүздеген зымыран атқаны туралы жазды.

Иерусалим мен Тель-Авив қалаларында жарылыстардың болғаны айтылуда.

Әлеуметтік желілерде зымырандардың Ираннан ұшып, Иорданияның үстінен асып түсіп, Израиль аумағын бомбылағаны жайында бейнежазбалар таралуда.

Тегеран «Хезболла» мен Хамас жетекшілерінің өліміне осылайша жауап бергенін мәлімдеді. Израильдің қорғаныс армиясы тұрғындарды сақ болуға шақырып жатыр.

ВВС-дің жазуынша, АҚШ президентінің әкімшілігі президент Джо Байден АҚШ әскеріне Израильге шабуылды тойтаруға көмектесуді бұйырды деп мәлімдеді. Америка Құрама Штаттары мен басқа одақтастар Израильге осы жылдың 13 сәуірінде Иранның жаппай соққысын тойтаруға көмектесті.

Осының алдында ғана АҚШ-тағы Ақ үй өкілі

LVMH конгломераты Off-White-ті портфолиосына Tahari, Bebe және Scotch & Soda кіретін америкалық Bluestar Alliance LLC холдингіне сатты. Компаниялар мәміленің егжей-тегжейін жарияламады, деп жазды Profashion басылымы.

Компания проблемалық брендтерді сатып алып, содан кейін олардың атауларын лицензиялаумен танымал.

 «Вирджил әлемдік сән индустриясы мен шығармашылық қауымдастыққа терең әсер еткен талантты тұлға болды. Off-White сатып алу біз үшін Вирджил Аблохтың мұрасын дамытуға зор мүмкіндік береді. Оның сәнге деген озық көзқарасы біздің негізгі құндылықтарымызға сай келеді», – деп түсіндірді Bluestar Alliance бас директоры Джои Габбай.

LVMH осыған ұқсас пікір білдіріп, Off-White мұрасын мақтан тұтатынын және Bluestar Alliance оны ілгерілету...