Жаңалықтар

Әнші Қайрат Нұртастың анасы, продюсер Гүлзира Айдарбекова әлеуметтік желіде теңіз жағасында серуендеп жүрген видеосын жариялап, желі қолданушыларының қызу талқысына түсті.

Видеода Гүлзира Айдарбекова «Атамыздан қаламыз ба» -деп теңіз жағасында бұрынғы президент Нұрсұлтан Назарбаевтың жүрісін қайталады.

Ал пікір жазғандар арасында:

«Атамыздың жасын, жолын берсін, осылай қыдыру бәрімізге нәсіп етсін», «Қыздар, қазір алдарыңыздан Назарбаев шығады», «Қайроштың анасы Гүл екен, жүрген жері Нұр аға кешкен су екен» деген секілді әзіл-шыны аралас пікірлер де көптеп жазылды.

Желіде тараған видео көпшілік арасында қызу талқыланып, қолданушылар түрлі әзіл пікірлерін жаудырып жатыр.

2025 жылы Қазақстанның банк секторында тұтынушылық несие беру қарқыны саябырлады. Ақшаның қымбаттауы, қатаң реттеуші талаптар мен салық жүктемесінің өсуі бөлшек несие нарығына тікелей әсер етіп, банктерді тәуекелге бармай, сақ қимылдауға мәжбүрледі.

Қазақстан Қаржыгерлер қауымдастығының шолуына сәйкес, жаңа берілген несиелердің жалпы өсімі 2024 жылғы 20,1%-дан 2025 жылы 13,4%-ға дейін баяулады, ал тұтынушылық сегменттегі өсім одан да төмендеді.

Жоғары пайыздық мөлшерлеме халықтың қарыз алу мүмкіндігін шектесе, банктер тарапынан скоринг талаптарының қатаңдауы мен реттеуші шектеулері ұсынысты қосымша тежеді.

Соған қарамастан, халыққа берілген несиелер портфелі өсімін сақтап қалғанымен, бұрынғы жылдармен салыстырғанда қарқыны баяулаған 2025 жылдың қорытындысы бойынша тұтынушыларға...

Алматы қаласының орталық ауданында орналасқан Kaisar Plaza сауда және кеңсе орталығы 61,5 млрд теңгеге сатылып жатыр. Ғимаратты кезінде Қайрат Сатыбалды мемлекетке қайтарған.

«Қайсар Плаза» Желтоқсан мен Бөгенбай батыр көшелерінің қиылысында орналасқан. Орталықты аукционға «Қайтарылған активтерді басқару компаниясы» қойды. Лот мемлекеттік электронды сауда алаңы – sauda.e-qazyna.kz порталында жарияланды.

Аукционға шығарылған ғимарат ауданы шамамен 64 мың шаршы метр. Саудаға қатысу үшін 9,2 млрд теңге кепілпұл төлеу қажет. Аукцион 7 сәуірде өтуі тиіс.

Қайрат Сатыбалды бизнес орталықты мемлекет меншігіне 2024 жылғы жазда өткізген. Сол кезде үкімет экс-президент Нұрсұлтан Назарбаевтың немере інісі мемлекетке 1,6 млрд доллар қайтарғанын жариялаған.

Қаржылық мониторинг агенттігі экономикалық қылмысқа қатысы барларды тізімге енгізу қағидаларын әзірледі. Бұйрық жобасы «Ашық НҚА» порталында жарияланды.

Құжатта экономикалық қылмыстық құқық бұзушылықтарға қатысы расталған жеке және заңды тұлғаларды тізілімге енгізу және алып тастау тәртібі айқындалған. Оның ішінде есепке қоюға не негіз болғаны, сақталатын мәліметтер тізімі мен мәліметтің қай уақытқа дейін сақталатыны да көрсетілген.

Бұл құқық бұзушылықтардың алдын алу, қоғам мен кәсіпкерлік субъектілерін экономикалық қызмет саласында бар тәуекелдер туралы хабардар етуге бағытталған. Сондай-ақ қаржылық мониторинг аясында іс-шаралар кешенін жүзеге асыру мақсатында пайдаланылады.

Құжат жобасы 19 ақпанға дейін ашық талқылауға шығарылған.

Денсаулық сақтау министрлігі жаңа Салық кодексі бойынша дәрі-дәрмек пен медициналық бұйымдарға қосылған құн салығының (ҚҚС) қалай қолданылатынын түсіндірді.

«Үкіметтің қаулысына сәйкес, тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде ұсынылатын медициналық қызметтер мен дәрілік препараттарды қосылған құн салығын төлеуден босату көзделген», – делінген хабарламада.

ҚҚС-тан босатылған дәрілердің тізімінде 3 мыңнан астам атау бар. Оның ішінде 1200-ден астамы сирек кездесетін және әлеуметтік маңызы бар ауруларды емдеуге арналған. Бұл дәрілерге өндіруден бастап дүкен сөресіне дейінгі барлық кезеңде салық салынбайды.

Сондай-ақ сирек және әлеуметтік маңызы бар ауруларды емдеу, тексеру, алдын...

Шымкент қалалық соты үй тазалауға шақырған келіншекті пышақтап өлтіріп, денесін қоқыс жәшігінің жанына тастап кеткен оқушының қылмысына қатысты апелляциялық шағым жабық қаралып жатыр.

Шағымды жәбірленуші тарап түсірген. Жәбірленушілер қалалық қылмыстық істер жөніндегі мамандандырылған ауданаралық сотының үкімімен келіспейді. Сот 17 жастағы Асан Анарды «Адам өлтіру» және «Ұрлық» бабымен кінәлі деп танып, бас-аяғы 7 жыл 6 айға түрме жазасын кескен еді.

«Өмір бойына түрмеге жабу»

«Бұл өте аз жаза. Тергеуде, сотта да әділдік көрмедік. Сотталушының жазасын қатаңдатуды, өмір бойына түрмеге жабуды не өлім жазасына кесуді сұраймын», – дейді марқұмның анасы Қарлығаш Оңғарбаева.

Жәбірленушінің сөзінше, қылмысқа тек...

Елдегі вокзалдарда мүгедектігі бар жолаушыларға арналған жаңа сүйемелдеу қызметі іске қосылды.

Көмек қалай рәсімделеді

Көлік министрлігінің хабарлауынша, бұған Ұлттық тасымалдаушы «ҚТЖ» ҰК» АҚ-ның «Магистральдық желі дирекциясы» филиалымен бірлесіп қол жеткізіліп отыр.

Бұл сервис вокзал қызметкерлерінің көмегін алдын ала рәсімдеуге мүмкіндік береді. Жолаушыны автокөліктен – вагонға, вагоннан автокөлікке дейін, сондай-ақ вокзал аумағында толық сүйемелдеуді қамтамасыз етеді.

Теміржол көлігімен сапарлау кезінде көмек алу өтінімін bilet.railways.kz сайтында рәсімдеуге болады.

Қазіргі таңда қызмет арнайы арбалармен жабдықталған 57 вокзалда қолжетімді. Егер таңдалған вокзалда қызмет уақытша көрсетілмесе, билет рәсімдеу кезінде тиісті опциялар көрінбейді.

Қызметті қалай алуға болады

Қызметті рәсімдеу үшін:
1. bilet.railways.kz сайтынан билет...

Жаңа Конституция жобасының мемлекеттік тілге байланысты 9-бабы талқыланып жатқан тұста белгілі тіл маманы Назгүл Қожабек бір мәселе көтерді. Ол елде аударма ісімен айналысатын агенттіктер Қазақстаннан болмаса, мәтін аударатын мамандар әбден әуреге түскенін айтып жазба жариялады.

Назгүл Қожабектің сөзінше, мемлекеттік органдармен жұмыс істейтін агенттіктердің арасында шетелдік компаниялар көп.

«Мен басқа бір бәленің шетін шығарайыншы. Қазақ тілі аударма тіл болып кеткенінің кесірінен, жұрттың бәрі аударма агенттіктерінің қызметіне жүгінеді ғой. Сол қызмет көрсететін аударма агенттіктерінің қатарында Ресей агенттіктері өте көп. Ұзақмерзімді келісімшарт алады, сосын осы жақтан аудармашы жалдайды да, қызмет көрсете береді. Біздің аудармашыға тиын-тегеш төлейді», – дейді ол.

Қазақстанда жыл сайын екі мыңға жуық әйелден жатыр мойны ісігі табылады. Мұны KursivMedia тілшісі сұхбаттасқан Ұлттық онкология орталығының онкогинеколог дәрігері Ақмарал Мұхтарқызы айтты.

Жиі кездесетін ісік

Маманның сөзінше, әйелдің жыныс мүшесі сыртқы және ішкі болып бөлінеді. Жыныс мүшесінің бәрінде қатерлі ісік кездесуі мүмкін. Ішінде ең жиі кездесетіні – жатыр мойны ісігі. Одан кейінгі орында жатыр денесі ісігі мен аналық без ісігі тұр.

«Жатыр мойны ісігі бастапқы сатыда скрининг барысында жиі анықталады. Ал аналық без ісігін ерте анықтау қиын. Себебі оның алдын ала белгілері болмайды, бастапқы сатыда ештеңе сезілмейді. Тек арнайы тексеруден өту қажет...

Мәжіліс депутаты Айдос Сарым Қазақстанда бақсы-балгерлердің қызметін лицензиялауға қатысты пікір білдірді.

Депутаттың наным-сенімі қандай

Мәжіліс кулуарында журналистер депутаттан «өзіңіз балгерлерге жүгіндіңіз бе» деп сұрап көрді. Айдос Сарым бал ашуға мүлде сенбейтінін айтты. Алайда, оның пікірінше, қоғамның белгілі бір бөлігі мұндай қызметтерді әлі де пайдаланады.

Осыған байланысты депутат бұл салаға мүлде тыйым салғаннан гөрі, ақылға қонымды шектеулер енгізіп, бақылауға алған дұрыс деп есептейді.

«Ең болмаса, бұл қызмет белгілі бір ақылға қонымды шектеулер аясында жұмыс істесін, адамдарға зиян келтірмесін. Заңды түрде тіркеліп, салық төлесе, мемлекет қазынасына да пайдасы тиеді», – дейді ол.

Бал ашу

4 ақпанда доллар бағамы 2025 жылғы наурыздан бері алғаш рет 500 теңгеден төмендеді. Қазақстан қор биржасында (KASE) 1 доллар 498,65 теңге болды.

Осылайша ұлттық валюта бір тәуліктің ішінде 4,4 теңгеге нығайды. Соңғы рет доллар бағасы 500 теңгеден төмен бағамен 2025 жылғы 10 наурызда сатылған. Былтыр жазда көк қағаз құны 550 теңгеге дейін көтерілген.

Сәрсенбі күні сағат 16:00-дегі мәлімет бойынша қор биржасында шамамен 310 млн долларға валюта саудасы жасалды.

Елдегі ақша айырбастау мекемелерінде де доллар арзандап жатыр. Kurs.kz мәліметінше, Алматы қаласында 1 доллар 499 теңгеден қабылданып, 499,9 теңгеден сатылып жатыр. Астанада, әдеттегідей, бағам сәл жоғары...

Төреғали Төреәлінің қарындасы – Дина үлкен ұлына көңіл бөлу үшін бөлек уақыт арнағаны туралы айтты. Үш жылда үш сәбиді өмірге әкелген жас ана арасында «балаларыма тең махаббат бере алып жатырмын ба?» деп уайымдайтынын жеткізіп, оқырманға сауал тастады.    

Дина Төреәлі Instagram-дағы парақшасына өзекті мәселені көтеріп, оқырманның ойын сұрады.

«Бүгін Ибекемнің өзін ғана алып шықтым. Алғаш рет екеуміз ғана уақыт өткіздік. Бір қарасаң жай ғана ұсақ нәрсе сияқты. Ал мен үшін аналық жүректегі бір бос орынды толтырып, мазалап жүрген ойдан арылған сәт болды. Әр балам менің махаббатыма тойып өссе екен деймін. Кейде іштей өзімді кінәлап та аламын, жеткілікт...

Отандық «Құшақташы мама» фильмі 2026 жылы бір миллиард теңге кассалық табыс жинаған алғашқы кино атанды. Бұл туралы фильмнің продюсері әрі актер Мақсат Рақмет мәлімдеді.

Бұған дейін фильм прокатқа шыққан алғашқы аптасында-ақ 265 389 696 теңге табыс тапқанын жазған едік. Ал үш апта ішінде картина табысы 1 млрд теңгеден асты.

Фильм қазіргі таңда да кинотеатрларда көрсетіліп жатыр, сондықтан көрермендер оны үлкен экраннан тамашалап үлгере алады.

Айта кетейік, бұған дейін «Құшақташы мама» фильмінің тұсаукесері кезінде актер Мақсат Рақмет өнердегі анасы, актриса Гүлжамал Қазақбаеваға Умра қажылығына жолдама сыйлаған еді.

«Қазақстан – Пәкістан» бизнес-форумы аясында екі ел кәсіпкерлері маңызды коммерциялық келісімге қол қойды. Қазақстандық Falcon EuroBus компаниясы Пәкістан нарығына 600 электроавтобус жеткізетін болды.

Алдағы жылдары экспорт көлемін 2 мың автобусқа дейін арттыру көзделіп отыр. Бұл туралы Сауда және интеграция министрлігінің баспасөз қызметі хабарлады.

Тараптар арасындағы уағдаластық Исламабадта өткен бизнес-форум барысында жасалды. Алғашқы электроавтобустарды жеткізу сәуір айында басталмақ. Коммерциялық келісімшарттың жалпы құны 108 млн АҚШ долларын құрайды.

Falcon EuroBus кәсіпорны 2018 жылы Алматы қаласында құрылған. Бүгінде зауыт еуропалық сапа стандарттарына сай келетін автобустар шығарады.

Қазіргі өндірістік қуаты жылына 1 500 автобус, ал алдағы уақытта бұл...

Алматы қаласының перинаталдық орталығында 39 жастағы әйел үшем өмірге әкеліп, алты баланың анасы атанды.

«Әйел жүктіліктің 32 апта 2 күнінде тікелей кесар тілігі арқылы босанды. Түнде акушер-гинекологтар, анестезиологтар мен неонатологтар тобы жедел жұмыс жасады. Екі ұл мен бір қыз дүниеге келді. Олардың салмағы мен бойы сәйкесінше 1840 грамм (42 см), 1680 грамм (43 см) және 1620 грамм (40 см). Сәбилерге Заңғар, Айбар және Әсел деген есімдер қойылды»,  – делінген хабарламада.

Баспасөз қызметінің мәліметінше, үшем шала туғандықтан дәрігерлердің тұрақты бақылауына алынған. Оларға арнайы жеке күтім орталығы бөлінген.

Қазіргі таңда сәбилердің жағдайы тұрақты, салмақ қосып...

Алматы қаласының полициясы мен «Eco Almaty» қызметкерлері мегаполис көшелеріндегі лас автокөліктерді тексеріп жүр. Бұл туралы Kursiv.Media шаһар әкімдігінің мәліметіне сүйене отырып хабарлайды.

Алматыдағы көліктердің экология талаптарына қаншалықты сай екені түрлі аудандарда арнайы құралдармен тексерілді. Мәселен, сейсенбі күні Саин және Дулати көшелерінің қиылысында 30 автокөлік тоқтатылып, 16 машинаның шамадан тыс түтін шығаратыны анықталды. Олардың екеуі дизельмен, ал 12-сі бензинмен жүреді.

Қосымша тексеру Сүйінбай даңғылы мен Бекмаханов көшесінің қиылысында ұйымдастырылды. Мұнда 20 автокөлік тексеріліп, алтауы лас екені анықталды.

Бір тәулікте 22 әкімшілік хаттама толтырылды. Көлігі қара түтін шығаратын жеке тұлғаларға 10 айлық есептік көрсеткіш, ал заңды тұлғаларға...

Ресей, Украина және АҚШ арасындағы келіссөздердің алдыңғы раунды 23–24 қаңтар күндері өткен болатын.

АҚШ президенті Дональд Трамптың айтуынша, Украинадағы қақтығысты реттеу мәселесі жақсы жүріп жатыр.

РБК ақпаратына қарағанда, Абу-Дабиде Ресей, Украина және АҚШ арасындағы келіссөздердің екінші кезеңі басталды. Келіссөздер екі күнге созылады деп күтіліп отыр.

Бастапқыда делегациялар 1 ақпан, жексенбі күні кездесуі тиіс болған. Алайда Кремль кездесудің кейінге шегерілуін «үш тараптың жұмыс кестелерін үйлестіру қажеттілігімен» түсіндірді.

Екінші раундта Ресей делегациясын Бас штабтың бас басқармасының бастығы, адмирал Игорь Костюков басқарады.

2 ақпанда Украина президенті Владимир Зеленский келіссөздер тобының құрамымен кеңес өткізді.

АҚШ мемлекеттік хатшысы Марко Рубио келіссөздер бастапқыда Ресей мен...

Президент Қасым-Жомарт Тоқаев пен Пәкістан премьер-министрі Шахбаз Шариф шағын құрамда келіссөз өткізді. Бұл туралы Ақорда хабарлады.

Кездесу барысында тараптар екі ел арасындағы көпжоспарлы ынтымақтастықтың соңғы жылдары қарқынды дамып келе жатқанын атап өтті.

Келіссөздер кезінде саяси, сауда-экономикалық, инвестициялық және мәдени-гуманитарлық байланыстарды одан әрі нығайту перспективалары талқыланды. Сонымен қатар сауда, көлік-логистика, энергетика, ауыл шаруашылығы, цифрландыру, ғарыш және қаржы салаларындағы серіктестікті тереңдету мәселелеріне ерекше назар аударылды.

Сондай-ақ Қасым-Жомарт Тоқаев пен Шахбаз Шариф өңірлік және халықаралық күн тәртібіндегі өзекті мәселелер жөнінде пікір алмасты.

Келіссөздер алдында Пәкістан Премьер-министрінің резиденциясында Президент Қасым-Жомарт Тоқаевты ресми қарсы алу рәсімі өтті.

2026 жылдың қаңтарынан бастап Қазақстанда көлік жүргізушілеріне сұранысы жоғары, бірдей немесе қайталанатын сандары бар мемлекеттік нөмірлерді ғана емес, сонымен қатар VIP санатына жатпайтын кез келген комбинацияға тапсырыс беруге алады. Осы орайда Kolesa.kz тағуға тыйым салынған мемлекеттік нөмірлердегі әріп комбинацияларын ұсынды.

2018 жылдан бері елде Мәдениет және ақпарат министрлігіне қарасты Тілдерді дамыту комитетінің шешімімен мемлекеттік нөмірлерде қолдануға тыйым салынған әріптік комбинациялар тізімі бар. Бұл комбинациялар сөйлеу мәдениетіне жат, айтуы мен оқылуы жағымсыз деп танылған.

2026 жылдың басындағы жағдай бойынша, ІІМ ҚР баспасөз қызметінің мәліметінше, жеке тұлғаларға келесі әріптік белгілеулері бар мемлекеттік нөмірлерді беруге тыйым салынған:

GEI...

Ауғанстанның Жоғары білім министрлігі елде алғаш рет пайғамбарлық дәстүрлі медицина факультеті ашылатынын мәлімдеді.

Ол Кабул медициналық ғылымдар университеті базасында жұмыс істейді. Бұл туралы Amu.tv хабарлады.

Шешім «Талибан» қозғалысының жетекшісі Хайбатулла Ахундзада шығарған жарлық негізінде қабылданды. Министрліктің 2 ақпанда X әлеуметтік желісіндегі парақшасында жарияланған хабарламада жаңа факультеттің мақсаты «пайғамбарлық дәстүрлі медицина саласындағы ғылыми, білім беру және зерттеу жұмыстарын нығайту» екені айтылған. Ведомство мұндай факультеттің ашылуы «медицина ғылымының дамуына және кәсіби мамандар даярлауға» маңызды үлес қосатынын атап өтті.

Пайғамбар медицинасы – исламдағы емдеу мен гигиена жүйесі. Ол Мұхаммед пайғамбардың хадистерде келтірілген кеңестері мен ұсыныстарына негізделген. Бұл бағыт орта ғасырларда жүйеленген әр...

2026 жылдың қаңтарынан Қазақстанда салық берешегі 20 АЕК-тен (86 500 теңге) асқан азаматтардың банк шоттары бұғаттала бастаған. Ал қарыз 45 АЕК-тен (194 625 теңге) асса, мүлікті өндіріп алу мен сот арқылы банкрот деп тану шаралары қолданылуы мүмкін.

Бұл туралы Мемлекеттік кірістер комитеті Аудит департаментінің өкілі Қайсар Арын мәлімдеді.

Жаңа тәртіпке сәйкес, егер азаматтың салық берешегі 20 АЕК-ке жетпесе, оған тек хабарлама жіберіліп, өсімпұл есептеледі. Бұл жағдайда банктік шоттар бұғатталмайды және қатаң шаралар қолданылмайды.

Ал берешек 20 АЕК-тен асқан кезде, салық органынан ресми ескерту жіберіледі. Белгіленген мерзімде қарыз өтелмесе, азаматтың банк шоттары мен кассалық операциялары уақытша тоқтатылады.

Егер...

Илон Маск адамзат тарихында дәулеті 800 млрд доллардан асқан алғашқы адам атанды. Оның SpaceX компаниясы жасанды интеллект саласындағы xAI-ды сатып алған соң, кәсіпкер байлығы арта түсті. Бұл туралы Kursiv.Media Forbes мәліметіне сүйене отырып хабарлайды.

Маск байып жатыр

Басылым біріккен компанияның нарықтағы құнын 1,25 трлн долларға бағалады. SpaceX пен xAI-ды біріктірген соң Маск дәулеті 84 млрд долларға артып, оның байлығы 852 млрд доллар болды. Миллиардер бірлескен компания акцияларының 43%-ына ие (542 млрд доллар).

Осылайша, SpaceX кәсіпкердің ең құнды активіне айналды. Бұған қоса, Маск Tesla компаниясы акцияларының 12%-ын ұстап отыр. Forbes оны 178 млрд долларға бағалады. Сонымен...

Мәжіліс депутаты Бақытжан Базарбек жерді бөлу кезінде жемқорлықтың негізгі себебі, әкімдіктерде шешімді адамдардың өзі қабылдауында екенін айтты. Бірақ ол әкімдерді бірден шешім қабылдау құқығынан айыру қажет деп санамайды. Оның пікірінше, жерге қатысты барлық процесті толықтай цифрлық жүйеге көшіру жеткілікті. Егер өтініш беру мен шешім қабылдау автоматтандырылса, жемқорлық өздігінен жойылады.

Сыбайлас жемқорлық

«Жер учаскелерін беру мен алып қою процесін толық цифрландырмайынша, біз сыбайлас жемқорлықты мүлде жеңе алмаймыз. Бұл – Президенттің цифрландыру мен жасанды интеллект жөніндегі бастамалары аясында жүзеге асуы тиіс мәселе», – деді депутат.

Ол жасанды интеллектіні (ЖИ) бірнеше бағытта пайдалануды ұсынды. Мәселен, нейрожелі әрбір...

Милан және Кортина-д’Ампеццо қалаларында өтетін Қысқы Олимпиада ойындарында Қазақстан намысын 36 атлет қорғайды. Дүбірлі жарыс 6 ақпан, жұма күні басталады.

Kursiv.Media қазақстандық спортшылардың Олимпиада кестесін назарыңызға ұсынады: