Жаңалықтар

Бәріміз таңертең тұрған бойда тіс жуып, душқа түсеміз. Барынша пайдалы тамақтанып, денсаулығымызға көңіл бөлуге тырысамыз. Бірақ гигиена деген кезде тән ғана емес, жан мен ақыл-ойдың да тазалығын есте ұстау керегін ескере бермейміз. Бүгінгі материалда эмоциялық гигиена деген не, оны тазарту неліктен маңызды екенін талдаймыз. Оған қоса, ғылыми деректерге сүйене отырып, психикаға қамқор болудың жолдарына тоқталамыз.

XXI ғасырда «сезім тазалығы» қаншалықты маңызды?

Қазіргі адам бір күнде кемінде он шақты стрессормен бетпе-бет келеді. Өйткені әлеуметтік желі, негатив жаңалықтар, әріптестермен келіспеушілік, жұмыстағы тақап тұрған дедлайн, шамадан тыс жүктемеден шаршау адамды қажытпай қоймайды. Бұл көңіл-күйге әсер етіп қана қоймай, иммунитетке, когнитив функцияларға...

Таразда Кеңес Одағының Батыры, Екінші дүниежүзілік соғыстың даңқты жауынгері, әскери қолбасшы, жазушы Бауыржан Момышұлының мұражайы ашылды. Ғимараттың лентасы Ұлы Жеңістің 80 жылдығы мен Бауыржан Момышұлының 115 жылдығына орай салтанатты түрде қиылды.

Жамбыл облыстық тарихи-өлкетану мұражайына батырдың өзі тарту еткен жеке маузері, Кеңес Одағының Батыры Алтын Жұлдызы мен Ленин орденінің көшірмелері, айдаһар бейнеленген қылышы, сондай-ақ сирек кітаптары мен фотосуреттері де қойылған. Батырдың балалық шағы, әскери қызметі, отбасы жайлы тың деректер, сондай-ақ жеке заттары мен құжаттарын да көруге болады.

Полковник шеніндегі шинелі, батырдың өзі сызған әскери карта, сондай-ақ «Ұшқан ұя» мен «Артымызда Мәскеу» шығармаларын жазған қаламы мен сиясауыты да көрермен назарына...

Үндістан Қорғаныс министрлігінің мәлімдеуінше, 10 мамырға қараған түні Пәкістан Джамму мен Кашмир штатындағы тұрғын аудандарға шабуыл жасаған. Мектеп, аурухана тәрізді азаматтық нысандар зардап шекті. Бірақ Үндістан әскері Пәкістанның әуе шабуылын тойтарып үлгерген.

«Қарсы тараптың дрондары дереу әуе шабуылынан қорғану жүйесі арқылы жойылды», – деп жазылған министрлік хабарламасында.

Дели үкіметі Пәкістан қақтығысты ушықтырып, Үндістанның егемендігіне қол сұғуға тырысты деп айыптады. The Times of India басылымының жазуынша, Пәкістан шекара маңына қосымша әскер тартып жатыр, ал Үнді армиясы жоғары әскери дайындық жағдайында тұр.

Екі ел арасындағы қақтығыс сәуірдің 22-нен басталды. Джаммудың үндістандық аумағындағы Пахалгам туристік қаласында болған...

Дональд Трамп АҚШ пен Ұлыбритания арасындағы сауда келісіміне қол жеткізілгенін мәлімдеді. Ол туралы президент Truth Social атты әлеуметтік желісіндегі парақшасында хабарлады.

«Біз Ұлыбританиямен – мықты одақтасымызбен тарихи сауда келісіміне қол жеткіздік», – деп жазды ол.

Оның айтуынша, бұл – АҚШ көптеген сауда серіктестеріне қосымша баж салығын енгізгелі бері жасалған алғашқы келісім. Дегенмен жаңа шарт Ұлыбритания тауарларына салынатын барлық баж салығынан толық бас тартады дегенді білдірмейді.

«Бұл келісім аясында АҚШ 10% баж салығы есебінен 6 млрд доллар табыс табады. Сонымен қатар ауыл шаруашылық, өнеркәсіп және өзге де өнім өндірушілеріміз үшін жаңа...

Қазақстанның Халық жазушысы, Мемлекеттік сыйлықтың лауреаты, «Құрмет» және «Парасат» ордендерінің иегері, көрнекті ақын Темірхан Медетбек ауыр науқастан кейін, 81 жасында өмірден өтті. Қаралы хабарды оның әріптесі Қасымхан Бегман әлеуметтік желіде жария етті.

Ақынның өмірден өтуіне орай Президент Қасым-Жомарт Тоқаев оның отбасы мен жақын-жуықтарына көңіл айтты.

«Темірхан Медетбек ғибратты ғұмырын ұлт руханиятына арнаған, төл әдебиетіміз бен өнеріміздің жанашыры болған тегеурінді ақын еді. Көне түркі сарынын жаңғыртқан рухты шығармалары оқырман тарапынан жоғары бағаланды. Қазақ баспасөзінің өркендеуіне елеулі еңбек сіңіріп, нағыз шығармашыл тұлға ретінде өнегелі өмір сүрді. Соңына әдеби бай мұра қалдырған Темірхан Медетбектің жарқын бейнесі мен есімі ұмытылмайды...

Damas микроавтобусы – кәсіпкерлер мен қарапайым халық үшін сенімді серікке айналған. Өзбекстан жолдарында жылдар бойы жүріп келген шағын әрі қолжетімді көлік. Енді бұл танымал модельдің дәуірі аяқталды. Өзбекстан Үкіметі шешімімен оның өндірісі тоқтатылады. Бұл оқиға Орта Азия автокөлік нарығындағы бүтін бір дәуірдің аяқталғанын білдіреді.

Damas: халықтық көлікке айналған аңыз

UzAuto Motors (бұрынғы GM Uzbekistan) зауытында өндірілген Damas моделі ел тұрғындарының арасында аса танымал болды. Ыңғайлы, шағын әрі арзан бұл көлік кәсіпкерлердің, үлкен отбасылардың, курьерлер мен мемлекеттік мекемелердің сүйікті құралына айналды. Қалада да, ауылда да жолаушы мен жүк тасуға таптырмас «еңбекқор» көлік еді.

1996 жылдан бері Өзбекстанда оңтүстіккореялық Daewoo...

Димаш Құдайберген Лара Фабианның Лондонда өтетін концертіне арнайы қонақ ретінде қатысып, бірге ән шырқайды. Бұл туралы шара өтетін  OVO Arena Wembley парақшасында жазылған.

Лара Фабиан осы жылы «Voices» атты әлемдік турын бастаған. 3 маусымда Лондондағы Wembley аренасында кезекті концертін береді. Оған Димаш Құдайбергенді арнайы қонақ ретінде шақырған.

Лара Фабиан – бельгиялық әнші, композитор, әлемнің түкпір-түкпіріндегі тыңдармандардың жүрегін жаулаған ерекше дауысқа ие. Оның Димаш Құдайбергенмен бірген ән шырқайтын концерті жанкүйерлері үшін жіберіп алуға болмайтын нағыз музыкалық оқиға болғалы тұр.

Еске салайық, Димаш Құдайберген жақында ғана «Тау ішінде» атты әнге жаңа бейнебаян түсірді. Тыңдармандар жаңа бейнебаянды Алматыда өтетін фан-кездесуде көре алады...

Көктемгі егіс және күзгі жиын-терін жұмыстарын жүргізуге жалпы 700 млрд теңгеге дейін қаражат бөлінеді. Оның ішінде шамамен 560 млрд теңге нарықтан алынбақшы деп жазылған Ауыл шаруашылық министрлігінің сайтында.

Осы уақытқа дейін 6 100 ауыл шаруашылығы өндірушісі 382,5 млрд теңгеге несие берілді. Әсіресе, Ақмола, Ақтөбе, Алматы, Батыс Қазақстан, Қостанай, Қызылорда, Павлодар және Солтүстік Қазақстан облыстарының әлеуметтік-кәсіпкерлік корпорациялары белсенді қатысып жатыр.

Министрліктің мәліметінше, несие рәсімдеп, оны өтеуге жүгінуге болатын қаржы институттары көбейді. «Аграрлық несие корпорациясы» жылдық 5% жеңілдетілген сыйақы мөлшерлемесімен «Кең дала 2» бағдарламасы аясында қаржыландыруды жалғастырды.

Шаруаларды неғұрлым көбірек қамту үшін несие сомасының 85%-на дейін кепілдік беріледі. Осы...

Алматы облысы Талғар ауданында атыс болған. Тәртіп сақшылары бір адамды қамауға алды. Осыған қатысы бар деген тағы төрт күдікті ауруханада жатыр. Алматы облысы полиция департаменті осылай хабарлады.

Талғар ауданында атыс болғаны жайлы әлеуметтік желілерде жазылды.

«Талғарда жаппай атыс, жапа шеккендер бар. ІІМ қашан тәртіп орнатады?»,- деп жазды экс-депутат Мұрат Әбенов фейсбуктегі парақшасында

Полицияның мәліметінше, бұл оқиғаға қатысқан барлық адамдар анықталған. Төрт күдікті жарақаттанып, ауруханаға жеткізілген. Тағы бір адам изоляторға қамалды. Әлі де іздестіріліп жатқан күдіктілер бар.

«Аталған факт бойынша қылмыстық іс тіркеліп, сотқа дейінгі тергеу жүргізіліп жатыр. Қабылданған шаралардың нәтижесінде оқиғаға...

9 мамыр күні Алматыда Жеңістің 80 жылдығына арналған ауқымды дрондар шоуы өтті. Оны тамашалауға Абай алаңына 60 мыңнан астам адам жиналды деп хабарлайды Алматы қаласы әкімдігінен.

Шоудың ашылу сәтінде «80 • 1941–1945» деген жазуы бар жұлдыз пайда болды – бұл ерліктің символы әрі ұлы жеңіс жылдарын еске салатын белгі. Одан кейін аспанда жауынгер каскасы мен қызыл қалампырлар бейнеленіп, соғыста қаза тапқандарға құрмет көрсетілді. Ең әсерлі көріністің бірі – соғыстан оралмаған сарбаздардың рухын бейнелейтін ұшып бара жатқан тырналар композициясы болды.

Шоудың маңызды бөлігі қазақстандық қаһармандарға арналды. Аты аңызға айналған Мәншүк Мәметова мен Әлия Молдағұлованың кезегі келгенде, Мәншүк – пулеметпен, Әлия...

Ажырасу — тек қана отбасылық қатынастардың тоқтауы ғана емес, сонымен қатар қоғамдағы әлеуметтік, экономикалық және мәдени процестердің айнасы. 2024 жылы Қазақстанда тіркелген ажырасулар саны 40 569-ға жетіп, жалпы ажырасу коэффициенті 1000 адамға шаққанда 2,01-ді құрады.

Бұл көрсеткіш соңғы он жылда біртіндеп төмендеп келе жатқанымен, аймақтар арасында елеулі айырмашылықтар бар. Осы материалда республиканың әр өңірі бойынша статистикалық деректерді тереңірек қарастырып, себеп-салдар байланыстарын ашып, тарихи және қазіргі заманғы үрдістермен салыстырып, әлеуметтанулық тұжырымдар жасауға тырысамыз.

Қазақстанда 2024 жылы ажырасу деңгейі 1000 адамға шаққанда 2,01-ге тең болды. Бұл соңғы он жылдағы ең төмен көрсеткіштердің бірі. Бұған дейін 2019 жылы бұл көрсеткіш 3,23-ке дейін жеткен...

Ресей Президенті Владимир Путин Қазақстан президенті Қасым-Жомарт Тоқаевқа ерекше сый жасады.

Ол Ресей Федерациясының Қорғаныс министрлігі архивінен алынған Қазақстан Президентінің әкесі, гвардия сержанты Кемел Тоқаевты марапаттау парағын табыстады.

Құжатқа сәйкес, ол Кеңес Одағының Батыры атағына ұсынылған. Алайда бұл атақ берілмеген.

Кемел Тоқаев Польша аумағындағы ұрыстарда көрсеткен ерлігі үшін ІІ дәрежелі Отан соғысы орденімен наградталған.

Қасым-Жомарт Тоқаев Ұлы Жеңістің 80 жылдығына орай Мәскеудегі Қызыл алаңда өткен әскери парадқа барды.  

Ол жерде белгісіз жауынгердің бейітіне гүл шоғын қою рәсіміне қатысты. Парадқа Қазақстан Республикасынан Кеңес Одағының Батыры, генерал-майор Иван Панфилов атындағы Десанттық-шабуылдау әскері 37-ші бригадасының сарбаздары қатысып, сап түзеп өтті.

Мемлекет басшысы Қасым-Жомарт Тоқаев және Ресей Президенті Владимир Путинмен бірге мінберден парадты тамашалады. Сондай-ақ Қытай Халық Республикасының Төрағасы Си Цзиньпин, Өзбекстан Президенті Шавкат Мирзиёев, Қырғызстан Президенті Садыр Жапаров та болды. Бұдан өзге жиырма шақты елдерді басшылары мен халықаралық ұйымдардың жетекшілері де салтанатты әскери парадты көрді.

Президент Қасым-Жомарт Тоқаев қазақстандықтарды Жеңіс күні – 9 мамырмен құттықтады.

Қазір «бір минутың да бос кетпесін» дейтін заман. Соған байланысты көбіміз әр секундты пайдалы өткізуге тырысамыз. Жетістікке жеткен, табысты адамдардың синдикаты, бітпейтін to-do-list — бәрі қапылып өмір сүру керек дегенді миға құятын сияқты. Яғни «нәтижеге жету үшін жүгіру керек», «тынықпастан жұмыс істеу керек» деген ой санада жаңғырып тұрады. Бірақ бұлай жалғаса берсе, адам бір күн болмаса, бір күні қажып, таусылады. Сөйтіп созылмалы стреске шалдығады. Бүгінгі материалымызда адам неге дұрыс демала алмайтыны туралы айтамыз. 24/7 өнімділік синдромы деген не? Соны талдаймыз. 

24/7 өнімділік синдромы деген не?

24/7 өнімділік синдромы деп адамның үнемі жемісті жұмыс істеп, қолым тимей жүруім керек...

Дина Төлепберген Георгий лентасын неге тақпау керек екенін айтты. Оның пікірінше, бұл – соғыстың өзін қолдаумен пара-пар.

Танымал журналист Георгий лентасының тарихына көз жүгіртіп өтті.

«Қазақ қашанда символға мән берген халық. Бірақ мына символ бізді адастырып жатыр. Оны әлі де кей адамдардың көлігінен көкірегінен, күмбезінен көреміз. Лента- Жай жолақ емес. Ол – символ һәм саясат. Оның астарын түсіні үшін тарихқа үңілейік. 1769 жылы императрица Екатерина ІІ Ресей мен Осман империясының соғысы кезінде өз әскерін мотивациялау үшін орден шығарады», – дейді ол.  

Төлепберген бұл лентаның христиан әулиесі, айдаһарды өлтірген әулие Георгийдің атымен аталғанын алға...

Дижитал технология дамып жатқан заманда көп нәрсеге таңғалмайсыз. Соның ішінде жасанды интеллектіні жеке психологқа, қала берді досқа айналдырғандар аз емес. Өміріміздің ажырамас бөлігіне айналғаны сонша — адамдарға қарағанда ЖИ эмоцияны дөп тауып, керек сөзді айта алатыны тағы бар. Бүгінгі материалымызда ЖИ-мен достықтың психикасы әсері, табиғаты туралы айтамыз.

Жолдас болып жүрген жасанды интеллектілер

ЖИ-дос деп адаммен диалог орнатып, дос сияқты әңгіме-дүкен құра алатын бағдарламаларды айтамыз. Олардың мүмкіндігі жай ғана чат-боттан басталып, әжептәуір күрделі эмоциялық интеллект пен машинаны оқытатын элементтері бар жүйелерге дейін жалғасады. Қазіргі таңда мына ЖИ-дос бағдарламаларының қолданушысы көп:

Ресей нарығында қытайлық автокөліктердің бағасы күрт төмендеді. Сатылмай қалған көліктерге толып кеткен қоймалар мен тұтынушылық сұраныстың азаюы аясында дилерлер жеңілдіктерді 1 млн рубльге (5 млн теңгеге дейін) жеткізіп, көліктерді жаппай арзан бағамен сатуда. Сарапшылардың болжауынша, бұл үрдіс маусым айында да жалғасады. Қоймалар толы, ал Қытайдан жеткізіліп жатқан автолардың тасымалы тоқтаған жоқ.

Бағаның төмендеу себебі неде?

Негізгі себеп – нарықта арзан көліктердің артып кетуі. Еуропалық, жапон және корей брендтері Ресейден кеткеннен кейін қытай өндірушілері босап қалған орынды иеленбек болды. Алайда сұраныс бағаның көтерілуі, инфляция және халық табысының азаюы жағдайында үміттен төмен болды. Нәтижесінде қоймалар толып, дилерлер жаңа жеткізілімдерге...

Aurus Senat Long көліктері қазір Қызыл алаңда Жеңіс парадына келді. Жиынға Кремльдің бірінші корпусына 27 мемлекет басшысы келген.

Соның ішінде тек үшеуіне ғана ұзартылған нұсқадағы Aurus Senat Long көлігі берілді. Солардың бірі – Қазақстан Президенті Қасым-Жомарт Тоқаев. Ол Қазақстан мемлекеттік нөмірлері тіркелген көлікпен келген. Қалған мемлекет басшылары ресейлік тіркеу нөмірлері бар көліктерді пайдаланды.

Тоқаев мінген бұл көлік – Қазақстан Республикасының Мемлекеттік күзет қызметінің балансында. Алайда ол тұрақты түрде Ресейдегі Қазақстан Елшілігінің дипломатиялық резиденциясында орналасып, сол жерде қызмет көрсетіледі.

Aurus Motors компаниясы шығарған

Aurus Senat Long — ресейлік Aurus Motors компаниясы шығарған жоғары деңгейлі люкс-класс өкілдік лимузині. Бұл...

Жаңа сайланған Рим Папасы, америкалық Роберт Франсис Превост бірнеше минуттан кейін бала зорлығына қатысты дау-дамауға тап болды.

Оның Леон XIV деген есімді таңдаған жаңа понтифик деген атауды таңдағаны сол еді.

Тарихтағы 267-ші Рим Папасы

Бұл жолы 133 сайлаушы кардиналға бар болғаны екі күн жеткілікті болды. Олар Рим Папасын сайлау үшін жиналған болатын. Бейсенбі, 8 мамырда, олар жаңа Рим Папасын таңдады. Әлемге бұл жаңалықты Әулие Петр базиликасының балконынан француз кардиналы Доминик Мамберти жария етті. Жаңа понтифик — 69 жастағы америкалық Роберт Франсис Превост. Ол тарихтағы 267-ші Рим Папасы болып сайланды және 2024 жылдың 21 ақпанында 88 жасында қайтыс...

Қазақстандық банктер ислам шарттарымен несие бермек. Банктің қызмет және қаржы нарығын реттеу заң жобасы осыны көздеп отыр.

Қаржы нарығын реттеу және дамыту агенттігінің ақпаратынша, банктер туралы жаңа заң жобасы жария талқылауға шығарылады.

Бір лизенция бойынша іске асырылады

Жоба мақұлданса, Қазақстандық банктер ислам шарттары бойынша жұмыс істей бастайды. Яғни исламдық қаржыландыру дамытылмақ. Сонымен қатар дәстүрлі банктерге исламдық қаржы өнімдерін ұсынуға мүмкіндік беріледі. Бұл үздік халықаралық тәжірибеге сәйкес келетін бір лицензия бойынша жүзеге асады.

Жаңа заң бойынша, тұтынушылардың құқықтарын қорғауды күшейту көзделіп отыр. Өтініштерді қараудың үш деңгейлі жүйесін енгізіледі. Қаржы институттарының ашықтығы мен жауапкершілігін арттырылмақ.

Банктер бюджет ақшасын оңды-солды жұмсай алмайды

Президент Қасым-Жомарт Тоқаев қазақстандықтарды Жеңіс күні – 9 мамырмен құттықтады.

«Сіздерді Ұлы Жеңістің 80 жылдығымен шын жүректен құттықтаймын. Осы мерейлі күнді еліміздің әрбір азаматы ерекше көңіл-күймен қарсы алып, Жеңімпаз аға буынға шексіз ризашылығын білдіреді», – деді президент.

Тоқаев фашизмге қарсы сұрапыл соғыс халқымызға орасан зор қайғы-қасірет әкелгенін алға тартты.

«Біздің қаһарман жауынгерлеріміз асқан ерлік пен батылдық танытып, азаттық пен әділдік жолында аянбай күресті. Жүз мыңдаған сарбазымыз ұрыс даласында қаза тапты. Тылдағы жұрт та адам айтқысыз қиындыққа қарамастан тынымсыз тер төгіп, Жеңісті жақындатуға өлшеусіз үлес қосты. Олар егіс алқабында, зауыттар мен...

Шымкент қаласындағы БАМ шағынауданында, Мақатаев көшесінде орналасқан қоймада өрт шықты.

Төтенше жағдайлар департаментінің мәліметінше, жалын 40 шаршы метр аумақты шарпыған. Бұл жерде JET маркалы шамамен 300 электрлі самокат зарядтауға қосылып тұрған.

Өрттің тез таралуына аккумуляторлардың тығыз орналасуы мен жанғыш материалдардың болуы себеп болған. Оқиға орнына жеті өрт сөндіру тобы мен жедел жәрдем қызметі келіп жеткен. Абырой болғанда, зардап шеккендер жоқ.

Ал JET компаниясының басшысы Мусалав Әлібековтің айтуынша, зарядтау орталығында болған өрт салдарынан самокаттардың өздері бүлінбеген.

Самокаттардың батареяларында орнатылған ақылды жүйенің арқасында тек бір ғана орталықтың белгілі бір бөлігі зақымданды. Бірде-бір самокатқа зиян келген жоқ. Жалпы...

Туризм және спорт министрлігі Үкіметтің резервінен елордадағы екі ірі спорт нысанын – «Астана Арена» стадионы мен «Алау» мұз сарайын жөндеуге 20,9 млрд теңге бөлуді сұрап отыр. Бұл жөнінде министрлік 2026 жылға арналған бюджеттік өтінімде көрсеткен. Алайда әр нысанға нақты қанша қаржы қарастырылғаны нақтыланбаған.

Айта кетейік, «Астана Арена» стадионына бұған дейін де күрделі жөндеу жүргізілген. Атап айтқанда, 2023 жылдың желтоқсанынан 2025 жылдың қаңтарына дейін жүргізілген жұмыстарға 15 млрд теңге бөлінген. Бұл жөндеуден кейін 2024 жылдың жазында стадион уақытша ашылып, Көшпенділер ойындары өткізілді.

Ол кезде стадионда газонды ауыстыру, жылыту және суару жүйесін жаңарту, шатырдағы поликарбонат панельдер мен бірінші қабаттың витраждарын...

Қасым-Жомарт Тоқаев Мәскеуде Венесуэла Республикасының Президенті Николас Мадуромен кездесті. Кездесу барысында Мемлекет басшысы қонақты жылы қарсы алып, Ұлы Жеңістің 80 жылдығы қарсаңында Қазақстан халқының ерен ерлігін еске салды.

Кездесу барысында Президент Тоқаев Венесуэламен ынтымақтастықты нығайтудың маңыздылығын атап өтті.

Осыған байланысты Қасым-Жомарт Тоқаев Николас Мадуроны Қазақстанға мемлекеттік сапармен келуге шақырды. Сапар аясында екі ел арасындағы өзара байланысты нығайту перспективалары талқыланбақ.

Өз кезегінде Венесуэла Президенті Николас Мадуро екіжақты ынтымақтастықты дамытудың жолдарын талқылауға мүмкіндік туғанына қуанышты екенін жеткізді. Сондай-ақ ол Жеңістің 80 жылдығы – жаһандық маңызы бар оқиға екенін атап өтті.

Келіссөздер қорытындысы бойынша екі ел арасындағы нақты өсім нүктелерін анықтау мақсатында...