Жаңалықтар

Ұлттық банк базалық мөлшерлемені өзгеріссіз қалдырғаны дұрыс. Экономикалық сұраныстың төмендеуі, негізгі капиталға инвестицияның баяу өсуі және басқа да қауіптерді ескерсек, осы шешім орынды болады. Бұл туралы Halyk finance сарапшылары жазады.

Бірақ реттеуші басқаша шешім шығаруы мүмкін.

«Қазіргі кезде базалық мөлшерлеме 15,25%-ды құрайды. Ақпанда инфляцияның күрт өсуіне байланысты Ұлттық Банк мөлшерлемені 0,25-0,50 пайыздық пунктке көтеруі мүмкін», – деген болжам жасайды агенттік.

Инфляция неге күшейді?

Статистикаға сүйенсек, ақпанда инфляция 9,4%-ға дейін өсіп, қаңтардағы 8,9%-бен салыстырғанда айтарлықтай жеделдеді. Бұған екі нәрсе себеп болып отыр.

Рамазан айы келгенде ағайын-туыс, дос-жаранның басын қосып ауызашар беру – ел арасында қалыптасқан жақсы үрдіс. Алайда кейінгі кезде жайылған дастарханды әлеуметтік желіде жариялау жиіледі. Бұл сауап жинауға ниет білдіргендер арасындағы бәсеке секілді ой қалдырады. Ал ауызашарда ас та төк дастархан жаю міндет пе? Жағдайы жетпейтін азаматтар не істесе болады? Kursiv.Media тілшісі бұл сұрақтарды Қазақстанның бас мүфтиінің кеңесшісі Смайыл Сейітбековке қойды.

Әңгіме барысында мүфтият өкілі көрші елдердің той-жиын өткізуге қатысты қабылдап жатқан шешімдеріне де пікір білдірді. Сондай-ақ кісі қайтыс болған үйде қазан асып, дастархан жаю мәдениеті қашан өзгеруі мүмкін екенін айтты.

Ас та төк дастархан жаюдың қажеті жо...

Qazaq Banki-нің бұрынғы акционері марқұм Бақыт Ибрагимге тиесілі болған тағы бір зәулім үй сатылымға шығарылды. Жалпы аумағы 553,6 шаршы метрді құрайтын бұл үй Бостандық ауданындағы Қарғалы ықшамауданында орналасқан. Аукцион 2025 жылдың 26 наурызында өтеді, ал бастапқы бағасы – 1,3 млрд теңге.

Алматы әкімдігі Orda.kz сайтына Бақыт Ибрагимнің Бостандық ауданындағы зәулім үйін мемлекет қарамағына алып, саудаға шығарғанын растаған. Үйдің үлкен бақшасы, бассейні бар. Жерінің жалпы аумағы 0,14 гектарды құрайды.

Бақыт Ибрагим ісі: қылмысты істер мен жұмбақ өлім

Бақыт Ибрагим – бұрынғы Qazaq Banki-нің негізгі акционерлерінің бірі болған. Ол 2018 жылы Германияда ұсталып, Қазақстанға...

Италияның ірі Eni компаниясы ҚазМұнайГазбен бірге Каспий теңізі қайраңында Абай блогын барлау жөніндегі бірлескен жобадан шығу жөнінде шешім қабылдады.

Eni үміті ақталмады

Теңіз қайраңын барлау жұмысы барысындағы алғашқы бұрғылаудан мұнда коммерциялық мұнай қоры табылмады деп жазды Upstream.

«Исатай Оперейтинг» бірлескен кәсіпорыны «Абай-1» барлау бұрғысымен 2500 метр тереңдікке дейін бұрғылауды былтыр қыркүйекте аяқтаған. Алайда ешқандай мұнай табылмаған.

Басылым мәліметінше, бірлескен жоба аясында қайраңды бұрғылау жалғасады деп жоспарланған еді. Алайда алғашқы барлау қорытындысын алған әріптестер кен орнын игеруді доғару жөнінде шешім қабылдады.

«Eni қазақстандық кәсіпорыннан шықты. Біз қосымша бұрғылау жұмысын жүргізбейтін болдық», – деп мәлімдеген...

Қаржы министрлігі Ұлттық қордың есебін жариялады. 2025 жылдың қаңтар-ақпан айында қорға 520,3 млрд теңге түскенімен, осы уақыт аралығында қордан 1 трлн теңге алынған. Нәтижесінде, Ұлттық қор қаржысы 480,5 млрд теңгеге немесе 1,45%-ға азайып, 32,58 трлн теңгені құрады.

Мұнай өндірісі өссе де, неге түсім азайды?

2025 жылы Теңіз кен орнын кеңейту жобасы іске қосылып, мұнай өндірісі тарихи максимумға жетті. Бірақ бұл өсім Ұлттық қорға түсімдерге оң әсер етпеген. Былтырғы осы кезеңмен салыстырғанда, мұнай-газ секторынан түсетін салық едәуір төмендеген:

Банктер бизнеске кредит бермейді деп айқайлай берудің қажеті жоқ. Олар,ең бірінші, акционерлер мен салымшылар үшін жұмыс істейді. Алматыда өткен CFO Summit жиынында Қазақстан қаржыгерлер қауымдастығы кеңесінің төрағасы Елена Бахмутова осындай ойын айтты.

Сарапшы өз сөзінде Ұлттық банк статистикасынан мәлімет келтірді.

«2024 жылы экономикаға бөлінген кредит 20,8%-ға өскен. Оның 2023 жылы 21,7% болған, шамамен бір деңгейде. Енді нақты бизнеске қанша бөлінгенін қарайық. Олар 17,9%-ға артқан, оның ішінде банктер үлесі 16,3%-ға көбейді. Сондықтан құрметті әріптестер, банктер экономикаға кредит бермей жатыр, бізде бәрі нашар деген идеяны айналдыра беруді қояйық. Міне, цифрлар. Бизнес кредит берілмей жатыр деген сөз шындыққа сай...

Қытайдың автоөндіріс саласындағы әлемдік алыбы BYD Қазақстанда ресми түрде ұсынылды. Астана мен Алматыда BYD-дің 4 дилерлік орталығында бір уақытта өткен брендтің таныстырылымын 600-ден астам қонақ тамашалады.

Елдің автомобиль нарығында инновациялық және экологиялық көліктерге қызығушылық артып келе жатқандықтан, аталған оқиға көпшілік күткен жаңалық болды. Дистрибьюциядағылар BYD таныстырылымының қарсаңында өткен баспасөз жиынында брендтің артықшылықтары мен Қазақстандағы даму жоспарлары туралы айтып берді.

Қарқынды даму мен Қазақстан нарығына бейімделу

30 жыл бұрын құрылған BYD өз жолын аккумуляторлы батарея өндірісінен бастаған. Компания 2003 жылы автоөнеркәсіп саласына кіріп, екі жылдан кейін өзінің алғашқы автокөлігі – бензинді седан F3-ті шығарды. Ал...

ШҚО-дағы Тарбағатай, Зайсан, Күршім және Самар аудандары жаңа жұмыс кестесіне ауысты, деп хабарлады жергілікті Buqara.kz сайты.

Енді аталған аудан тұрғындары 08:00-17:30 аралығында жұмыс істейді. Түскі үзіліс уақыты 12:00-ден 13:30-ға дейін.

«Бұл жаңашылдық өңірдің табиғи ерекшеліктерімен – таң ерте атып, күннің ерте бататынымен байланысты. Жаңа кесте халыққа күндізгі жарықты тиімді пайдалану мүмкіндігін береді» деп хабарлаған өңір әкімдігі.

Өзгерістер мектептерге, балабақшаларға және медициналық мекемелерге әсер етпейді. Себебі олар бұған дейін де осы кесте бойынша жұмыс істеп келген.

Зайсан ауданының әкімі Аэлита Ахметсəлімқызы шешім жергілікті тұрғындардың пікірі ескеріле отырып қабылданғанын атап өтті.

«Бұл...

Мәжіліс депутаты Жарқынбек Амантайұлы Қазақстанда әлеуметтік желілерді пайдаланудың жас шектеуін енгізуді ұсынды. Арнайы заң жобасын әзірлейтін уақыт жетті деп санайды.

Депутат Премьер-министрдің бірінші орынбасары Роман Скляр мен вице-премьер Ермек Көшербаевқа сауал жолдап, әлеуметтік желі бойынша мәселені шешуді сұрады. Өйткені Қазақстандағы балалардың 88%-ында жеке смартфон бар. Ал оның 28%-ы барлық бос уақытын гаджетте өткізеді деген мәлімет келтірді. Жасөспірімдердің 74%-ы TikTok-ты, 59 %-ы YouTube-ты, 57% Instagram желісін белсенді пайдаланады.

“Ата-аналардың 62%-ы балаларының экран алдындағы уақытын бақылау үшін ешқандай арнайы бағдарлама мен шектеу қолданбайды. 4-6 жас аралығындағы балалардың 17 пайызы интернет арқылы тауар сатып алады. Бұл ата-аналарға қаржылық шығын келтіріп қана қоймай...

Қазақстанда жеке кәсіпкерлердің 85%-ы жеңілдетілген декларация режимінде жұмыс істеп, жылдық табысы 15 млн теңгеден аспайды. Бұл туралы ҚР Ұлттық экономика министрі Серік Жұманғарин мәлімдеді. Елде 2,4 млн кәсіпкер тіркелген, олардың 1,8 миллионы – жеке кәсіпкерлер, ал 530–550 мыңы – заңды тұлғалар.

Министрдің айтуынша, 1,8 млн жеке кәсіпкердің 1,7 миллионы жеңілдетілген декларация режимінде жұмыс істейді. Олардың 85%-ы салық есебінде жылына 15 млн теңгеден аспайтын табыс көрсетеді. Бұл – ресми дерек. Демек шағын кәсіпкерлердің басым бөлігі осы шекте қалып тұр.

«Бұл – өзін-өзі жұмыспен қамтып отырған азаматтар. Олардың орташа айлық табысы шамамен 1,2 млн теңгені құрайды. Егер оларды...

5 сәуірде Астанада өтетін бокс кешіне билеттер сатылымға шықты. Бұл кештің басты жекпе-жегінде орта салмақтағы әлем чемпионы Жәнібек Әлімханұлы француз боксшысы Анауэль Нгамисенгуемен қолғап түйістіреді.

Билеттердің бағасы қанша?

«Яндекс Афиша» сайтында жанкүйерлер үшін әртүрлі билет бағалары жариялаған:

Жәнібек Әлімханұлының жекпе-жегінен бөлек, бұл кеште Сұлтан Заурбек, Батыржан Жүкембаев қазақстандық үздік боксшылар да өнер көрсетеді.

Бұл бокс кеші Қазақстандағы жылдың ең үлкен спорттық оқиғаларының бірі болмақ. Билеттер сатылымға шыққандықтан, жанкүйерлер алдын ала қамданып, билеттерд...

Ұлыстың ұлы күні — Наурыз мейрамы жаңарудың белгісі іспеттес. Күллі Орта Азия халқына ортақ болғандықтан, бұл күнді олар ерекше күтіп, айрықша қарсы алады. Бес мың жылдан астам уақыттан бері тойланып келе жатқан бұл мерекені әлем халқы қалай өткізеді? Қандай ұқсас үрдістер бар? Kursiv.Media тілшісі шолу әзірледі.

Наурыз басқа ұлттарда қалай аталады?

Түбі түркі елдердің басым бөлігінде бұл мейрам «Наурыз», «Невруз», «Наврус», «Новруз байрам» деп аталады. Ал тәжіктерде — «гүл гардон», «гүлнаурыз», татарларда — «нардуган», буряттарда — «сагаан сара», ежелгі гректерде — «патрих», бирмалықтарда — «су мейрамы», чуваштарда — «норис ояхе», хорезмдіктерде «наусарджи» деген атаулар кездеседі екен.

Жалпы...

Қазақстанда соғыс, жер сілкінісі жағдайында халық паналайтын орындар бар. Бірақ қауіпсіздік мақсатында Төтенше жағдайлар министрлігі олардың қайда орналасқанын құпия сақтайды. Депутат Ажар Сағындықова паналайтын орындардың жай-күйі туралы сұрап, ТЖМ басшысы Шыңғыс Әріновке сауал жолдады.

Депутатты қарулы қақтығыстар қатері туындаған жағдайда немесе басқа да төтенше жағдайлар болса, халықтың қайда барып паналайтынын алаңдатады. Айтуынша төтенше жағдай кезінде азаматтар қалай әрекет етуді білмейді. Сонымен бірге дабыл даусын Астана халқының көбі естімеген.

«Ешкім дабыл дыбыстарын естіген емес. Сонымен қатар, статистика бойынша, төтенше жағдайларда елорда аумағының үштен екі бөлігі дабылды дауыс шығару құрылғыларымен қамтылмаған. Бұған жаңа салынған аумақтар...

Мәжіліс депутаты Қайрат Балабиев вице-премьер Ермек Көшербаевқа сауал жолдап, зейнеткер кредитін кешіруді сұрады.

Қасақана жасалған әрекет емес пе?

60 жастағы депутат қаржы нарығын реттейтін заңнамада зейнеткер мүддесі аз қорғалатынын тілге тиек етті. Балабиевтің айтуынша, борышкерді «банкрот» деп танитын заң да, оған өтініш тапсыру тетігі де дұрыс жұмыс істеп тұрған жоқ.

«Қолда бар жалғыз ресурс – «Е-өтініш» қосымшасы арқылы жолданған өтініштер  қабылданбай отыр. Соның салдарынан өмір бойы бейнеттеніп, демалысқа шыққан зейнеткер зейнетақысынан қағылып жатыр«, – дейді депутат.

Оның айтуынша, көпшілігінің банктер алдында төленбей қалған қарыздары бар. Ал сот орындаушылары бәрінің есепшоттарын бұғаттап, шетелге шығу...

Фитнес, тренажер залы – денсаулықты күтіп, артық салмақтан арылып, сымбатты болудың бірден-бір жолы. Бұл – еліміздегі бұқаралық спорт.

Халық арасында танымалдық ие болып келеді. Фитнестің адам ағзасына пайдасы ұшан-теңіз.

Жаттығу техникасын білудің маңызы

Десе де, тән мен жанның саулығы үшін ерінбей, еңбектенуді көздеп жүрген әрбір адам білуі тиіс жайттар бар. Онсыз түрлі жарақат алу қаупі бар.

 «Аюман» спорт клубының жаттықтырушы Әнуар Иберген фитнес, тренажер залына келгісі келетіндерге былайша кеңес беріп отыр.

«Жаттығу техникасын білу өте маңызды. Спорт – денсаулық кепілі десек те, қауіпсіздікке қатты назар аударған жөн. Сондықтан жаттықтырушының қызметіне жүгіну – қауіпсіздіктің, тез...

Танымал әнші Төреғали Төреәлі денсаулығына байланысты Астана, Алматы, Шымкент және Тараз қалаларында өтетін концерттерін кейінге қалдырды. Бұл туралы оның әкесі Төреәлі Төлепов әлеуметтік желіде мәлімдеді.

Бастапқы жоспар бойынша әнші 7 наурызда Астанада, 9 наурызда Алматыда, 10 наурызда Шымкентте, 11 наурызда Таразда өнер көрсетуі тиіс болған. Алайда күтпеген жағдайға байланысты концерттер белгісіз мерзімге шегерілді.

Төреғали Төреәлінің нақты қандай сырқатқа шалдыққаны айтылған жоқ, бірақ оның әкесі әншінің денсаулығына байланысты концерттерді тоқтатуға мәжбүр болғандарын түсіндірді.

АҚШ президенті Дональд Трамп Конгрестің екі палатасына жолдаған үндеуінде Украина президенті Владимир Зеленскийден хат алғанын айтты.

Онда Зеленский Украина бейбіт келіссөзге барынша тез отыруға дайын екенін мәлімдеген. Трамптың айтуынша, Ресей тарапынан да бейбітшілікке дайын екені туралы сигналдар келген.

«Бүгін мен Украина президенті Зеленскийден маңызды хат алдым. Хатта «Украина берік бейбітшілікке қол жеткізу үшін мүмкіндігінше тезірек келіссөздер үстеліне отыруға дайын. Украиналықтардан артық бейбітшілікті ешкім қаламайды» делінген» деді ол.

Трамп Зеленский сонымен қатар кез келген уақытта пайдалы қазбаларды өндіру туралы келісімге қол қоюға дайын екенін білдіргенін атап өтті

АҚШ президенті хат үшін алғысын білдіре отырып: «Біз...

Ақпан айында Қазақстанның қызмет көрсету саласындағы іскерлік белсенділік өсімі елеусіз ғана болды. Freedom Holding Corp. және S&P Global деректері негізінде PMI индексі 50,2 деңгейінде қалыптасты. Қаңтардағы 51,3 көрсеткішінен төмен. Бұл Қазақстандағы қызмет көрсету саласында іскерлік белсенділік баяулағанын байқатады.

Бәсекелестік күшейіп, шығындар өсті

Респонденттердің пікірінше, бәсекелестіктің артуы бизнестің дамуына кері әсерін тигізген. Сонымен қатар шығындар инфляциясы жоғары деңгейде сақталып отыр

Өндірістік шығындар үш ай қатарынан өсіп, соңғы бір жылдағы ең жоғары деңгейге жеткен. Осыған байланысты көптеген компания бағаны көтеруге мәжбүр болды.

Алдағы жылға деген сенім жоғары

Жағымды жаңалық – қызмет көрсету секторының кәсіпкерлері болашаққа оптимистік көзқараспен қарайды...

Үкімет өткен аптада  BI Group және BAZIS сынды ірі құрылыс компанияларына, мейрамханалар, фитнес-клубтарға  «тапқан табыстарыңнан аз салық төлеп отырсыңдар» деп шүйлікті. Тіпті премьер-министр Олжас Бектенов оларға салықты толық төлеуге екі апта уақыт беріп, талап орындалмаған жағдайда «соңы қиын болатынын» ескерткен.

Алайда Бектеновтің сынына жауап берген қос құрылыс компаниясы да «салықты уақытылы төлеп отырмыз, кез келген тексеріске дайынбыз» деп жауап қатты.

Ал Қаржы министрлігі аталмыш құрылыс компаниялары салық төленетін кірісін 16 млрд теңгеге кем көрсетті деп мәлімдеді. Bazis компаниясы 4,6 млрд теңге кірісіне салық төлемесе, BI Group 11,9 млрд теңге табысына есеп тапсырмаған.

Мәжіліс кулуарында журналистер...

Қазақстанда маркетплейстерден түсетін салық мөлшері артып келеді. Бұл туралы Мәжіліс кулуарында журналистердің сұрақтарына жауап берген Премьер-министрдің орынбасары Серік Жұманғарин мәлімдеді.

Қытайлық Temu мен Pindoudou салық төлеушілер қатарына қосылды

Министрдің айтуынша, Қытайдың Temu және Pindoudou платформалары Қазақстанда тіркеліп, қосымша құн салығы (ҚҚС) төлеушілер қатарына енді.

«Біз ешкіммен арнайы келіссөз жүргізбейміз, тек ортақ ережелерді орнатамыз. Маркетплейстер сол ережелерді орындауы керек немесе біздің нарықтан кетеді. Қазіргі уақытта Temu мен Pindoudou шартты тіркеуден өтіп, ҚҚС төлеушілер тізімінде», – деді Жұманғарин.

Жұманғариннің мәліметінше, Қазақстанда электронды сауда платформалары үшін бірыңғай талаптар бар. Атап айтқанда, 200 еуродан және 31 келіден...

Астана қаласында бірнеше азаматтың бір пәтерге тіркелуіне шектеу енгізіледі. Вице-премьер – ұлттық экономика министрі Серік Жұманғарин осылай деп мәлімдеді.

Тіркеу мәселесін Астана мәслихаты шешеді

Мәжілістің сәрсенбідегі жалпы отырысында Астана және республикалық маңызы бар қалаларды дамыту мәселелері туралы заң жобасы талқыланды. Құжат авторлары азаматтарды тұрғын үй көлеміне қарай тіркеуге алу тәртібін жергілікті мәслихаттардың құзыретіне қалдырған.

Жұманғариннің айтуынша, қалалық мәслихат қарайтын өзекті мәселенің пәтер иесінің жақын туыстарын тіркеуге алуға ешқандай қатысы жоқ. Заң бір тұрғын үйге басқа бір ондаған адамның тіркелуін шектеуді көздейді.

«Астана үлкен болғаны сонша, полицияның, көші-қон қызметінің үйдің бәрін тексеріп...

Бұрынғы әділет министрі Марат Бекетаев 10 наурызға дейін қамауда болады. Ақпаратты KursivMedia тілшісіне бас прокуратураның баспасөз қызметі растады.

«Тергеу сотының шешімімен күдіктіні қамауда ұстау мерзімі 2025 жылдың 10 наурызына дейін ұзартылды», – делінген ақпаратта.

Бұған дейін Марат Бекетаевқа қатысты қылмыстық істі тергеу аяқталғаны, тараптардың іс материалдарымен танысып жатқаны хабарланды.

Экс-министр 2023 жылдың қазанында жеке компания басшылығымен бірге бюджет қаражатын аса ірі мөлшерде жымқырды, алаяқтық жасады және кәсіпкерлік қызметке заңсыз қатысты деген күдік негізінде қамалды. Содан кейін Бас прокурордың орынбасары Әсет Шындалиев экс-министр Марат Бекетаевтың елден қашпақ болғанда ұсталғанын мәлімдеді.

Марат Бекетаев 2016-2022 жылдары Әділет министр...

«Болашақ сәулетшілері» қорының негізін қалаған Марат Әбиев қылмыстық топ құрып, экономикалық контрабандамен айналысқаны үшін 9 жылға сотталды. Бұл туралы Қаржы мониторингі агенттігінің баспасөз қызметі хабарлады.

«2025 жылы 14 ақпанда Астана қаласының мамандандырылған ауданаралық сотының үкімімен «Болашақ сәулетшілері» қорының негізін қалаушы Марат Әбиев пен оның сыбайластары сотталды», – делінген баспасөз хбарламасында.

Қандай айып тағылды?

Марат Әбиев Қылмыстық кодекстің бірнеше баптары бойынша жауапқа тартылған. Олар мынадай:

Жеңілдетілген салық режимі тек шағын бизнеске ғана арналған еді. Бірақ қазір оны орта және ірі кәсіпкерлік те пайдаланып кетті. Нәтижесінде қосылған құн салығының базасы жоғала бастады. Бүгін, 5 наурыз күні, Алматыда өткен CFO Summit шарасында Visor инвестициялық компаниясының басқарушы серіктесі Алмас Чукин баяндамасында осылай деп мәлім етті.

«Өздеріңіз білетін шығарсыздар, жеткізушілердің 70%-ға жуығы жеңілдетілген режимдегілер. Олардан электронды шот-фактура ала алмаймын, есеп ала алмаймын, ары қарай тізбек үзіліп кетеді, оның бәрі бизнеске әсер етеді», – дейді ол.

Енді жаңа өзгерістерден кейін сол шағын бизнес те, орта бизнес те жаппай ҚҚС төлеуге көшеді.