Жаңалықтар

Қазақстандағы көппәтерлі тұрғын үйлерде тұратын азаматтар үшін ортақ ережелер мен тыйымдар бар. Бұл ережелер көршілер арасындағы сыйластықты сақтауға және тұрғындардың қауіпсіздігін қамтамасыз етуге бағытталған. KursivMedia негізгі тыйымдар мен оларды бұзған жағдайда қолданылатын айыппұлдар туралы жазды:

Қоқысты кіреберіске шығару

Пәтер есігінің алдына немесе кіреберіске қоқыс пакеттерін қоюға тыйым салынады. Бұл әрекет «Қоғамдық орындарды ластау» бабы бойынша әкімшілік құқық бұзушылық болып саналады. Айыппұл мөлшері 10-нан 20 айлық есептік көрсеткішке (АЕК) дейін, яғни 39 320 теңгеден 78 640 теңгеге дейін болуы мүмкін.

Темекі қалдықтарын лақтыру және кіреберісте темекі шегу

Темекі қалдықтарын терезеден немесе балконнан лақтыру, сондай-ақ кіреберісте темекі шегу...

Әртіс Айгүл Иманбаева басы қосыла бермейтін достарын шақырып, соғымбас берген. Ет желініп, ән айтылған әдемі отырыс көпті сүйсінтті. Алайда кешті полиция қызметкерлері бұзған.

«Сонау 1994 жылдан, студенттік кезден бірге келе жатқан жақын достарым, жекжаттарым. Жылдағы сағынысып көрісетін «Соғым party-ға» шақырдым»,– дейді әртіс желідегі парақшасында.

Қонаққа келген аттасы дәстүрлі әнші Айгүл Елшібаева болмаса, достар шашырап жүре беретінін айтып, өнердегі әріптесіне алғыс білдірді.

Әзіл-қалжың айтылып, ән шырқалған жарасымды отырысты көршілердің шағымы бойынша келген полиция бұзады. Олар думанды кешті тоқтатып, қонақтар тарауға мәжбүр болған.

Айгүл Елшібаева «бір айтуымыз кем болып қалды» деп жазады кештің уақытынан бұрын тоқтатылғанына өкініш...

Қасым-Жомарт Тоқаев Ресей қауіпсіздік кеңесінің хатшысы Сергей Шойгуды қабылдады. Ол бауырлас халықтар арасындағы қарым-қатынас өте жоғары деңгейде сақталатынын айтады.

Кездесуде Қазақстан мен Ресейдің түрлі бағыттағы екіжақты серіктестігі мен өңірлік қауіпсіздік бойынша ынтымақтастық мәселелері талқыланды. Президент Ресей Қазақстан экономикасының негізгі инвесторларының біріне айналғанын атап өтті.

«Бүгінде Ресей Қазақстан экономикасының негізгі инвесторларының біріне айналды. Мемлекеттеріміздің құқық қорғау органдары, әскери ведомстволарының арасындағы байланыс та ойдағыдай өркендейді деп санаймын. Менің ойымша, сіздің сапарыңыз екіжақты ықпалдастығымызға шолу жасап, өзара іс-қимылдың жаңа бағыттары бойынша келісімге келуге оңтайлы мүмкіндік береді«, – деді Қасым-Жомарт Тоқаев.

Қасым-Жомарт Тоқаев Ресей Президенті Владимир Путинге...

Лифтіде пышақталған баланың анасы Айнұр оқиғаның егжей-тегжейін баяндап берді.

Жетінші арнаның ақпаратына қарағанда, анасы бес жасар Батырды картоп алуға жіберіп, өзі терезеден бақылап тұрған.

Анасы есік алдында күткен

«Баламды картоп алуға жібергенмін. Біздің үш баламыз бар. Кішкентайым – алты айлық. Барып келе жатқанын терезеден көріп тұрдым. Батыр үйге кіріп келе жатыр. Анау бір жақтан жүгіріп кірді. Мен есікті ашып, кіреберістен қашан келеді деп күтіп тұрдым. Видеодан көрсеңіздер, ол басқа қызбен сөйлесіп келді», – дейді анасы.

Анасы терезеден Батырдың домофон арқылы есікті ашып жатқанын көреді, ал басты мәселе, лифтіде пышақталған баланың кейінгі оқиғасы...

ББР Банк Қазақстанға ақша аудару қызметін қайта іске қосты. Бірақ әзірге жеке кәсіпкерлер мен жеке тұлғалар үшін ғана қолжетімді.

Кәсіпкерлер Ресей мен Қазақстан арасында 1800-25 000 рубль арасында қаражат аудара алады, комиссия 0,3%.

ББР Банк – Ресей нарығында 30 жылдан бері жұмыс істейтін қаржы ұйымы. Қазақстандағы Еуразия банкінің ресейлік рублімен операция жасайтын корреспонденты болған.

Былтыр АҚШ санкциясына байланысты ресейлік банктердің Қазақстанға ақша аударымы қиындай түсті. Оның арасында ББР Банк те бар еді. Қазақстандық банктер ресейлік қаржы ұйымдарымен байланыстарын азайтты. Себебі оларға да қайталама санкция қаупі төнуі мүмкін еді.

Армения парламенті ЕО-ға кіру туралы заң жобасын бірінші оқылымда мақұлдады. Бұл туралы Аrmenpress басылымы хабарлады.

Басылымның хабарлауынша, заң жобасын қабылдауға 63 депутат дауыс беріп, жетеуі қарсы болған. Нақтырақ айтқанда, жобаға «Честь имею» партиясы фракциясы қарсы дауыс берген. Ал «Армения» фракциясының депутаттары қалыс қалса, «Азаматтық келісім» партиясының депутаттары қолдау білдірген.

9 қаңтарда Армения үкіметі Еуропалық одаққа кіру туралы жобаны әзірлеп, парламентке жіберетіні хабарланды. Арменияның сыртқы істер министрі Арарат Мирзоян ЕО қаншалықты маңына жақындатса, елдің соншалықты жақындай түсетінін мәлімдеген болатын. Армения премьер-министрі Никол Пашинян елдің тіпті 2024 жылы ЕО-ға мүше бола алатынын айтқан.

Бұдан кейін Ресей президентінің бас хатшысы...

Mega Center Managment Қазақстан қор биржасындағы акцияларынан ерікті түрде бас тартты және оған компанияның болашақ жоспарлары себеп. Бұл туралы баспасөз қызметі таратқан хабарламада жазылған.

«Mega Center Management» АҚ Қазақстан қор биржасындағы қарапайым акцияларын ерікті түрде делистинг жасағанын жариялады. Компанияның ұзақ мерзімді жоспарында жаңа инвесторлар тартуды және IPO-ға шығу деген мақсат жоқ. Себебі өзінің стратегиялық мақсатын жүзене асыру үшін қаржылай және операциялық ресурсы жеткілікті. Осыны ескере отырып, «Mega Center Management» АҚ биржа тізімнен компания акцияларынан алып тастауға шешім қабылдады», – деп жазылған баспасөз хабарламасында.

Бүгін Қазақстан қор биржасында Mega Center Managment-тің акцияларына делистинг жасағаны туралы...

Қосылған құн салығына байланысты өзгерістер азық-түлікпен байланысты емес қырыққа жуық кәсіп түріне әсер етпейді. Бұл туралы Ұлттық экономика вице-министрі Азамат Амрин мәлім етті.

Оның сөзінше, бөлшек саудамен шұғылданатын азық-түлікке қатысты, қатысты емес салалар жұмысты қазіргі салық тәртібі бойынша істей береді.

«Жеміс-жидек сататын дүңгіршектер, үй жанындағы дүкендер жұмысын бұрынғыдай жалғастыра береді. Олар алаңдамаса да болады», – дейді ол.

Ұлттық экономика министрі Серік Жұманғарин тізімді толықтыра кетті.

Министрдің айтуынша, базарда сауда жасайтындар, мейрамхана, қонақүй саласында қызмет көрсететін кәсіпкерлер үшін өзгеріс болмайды. Олар бұған дейін қалай бөлшек салық бойынша жұмыс істеп келсе, ары қарай да солай істей береді.

Бүгін...

2024 жылы Қазақстанда отандық фармацевтикалық өнім өндіру көлемі 22%-ға ұлғайды. Алматыда фармацевтер форумында lенсаулық сақтау вице-министрі Ержан Нұрлыбаев осылай деп мәлімдеді.

Шенеуніктің айтуынша, былтыр отандық дәрі өндірісінің үлесі 171,6 млрд теңгеге ұлғайған. Бұған қоса кейінгі 7 жылда осы салаға тартылған инвестиция көлемі 9,5%-ға артқан.

Алматыда кешелі бері өтіп жатқан екі күндік форумға жергілікті фармкомпаниялардың 200-ден аса өкілі, халықаралық фармөндірушілер қауымдастығының басшылары қатысты.

Басқосуда республикада дәрі-дәрмекпен қамтамасыз ету жүйелері мен фармацевтика саласын дамыту, дәрі-дәрмек нарығына шығу мәселелері талқыланды.

Айта кетерлік жайт, осыдан төрт жыл бұрын – 2021 жылы Қазақстанда 121 млрд теңгенің отандық дәрі-дәрмегі өндірілген. Сол кезде Үкімет оны...

Qarmet (бұрынғы «АрселорМиттал Теміртау») ArcelorMittal компаниясы алдындағы жоспарланған міндетті транштың бірінші бөлігін төледі. Бұл туралы 2024 жылдың төртінші тоқсанындағы қаржы есебінде жазылған.

Құжатта мәміле құны жазылмаған. Бірақ Qarmet төрт жыл ішінде үнді кәсіпкері Миттал компаниясына 450 млн доллар төлеуі керек.

2023 жылы 8 желтоқсанда ArcelorMittal өзіне тиесілі «АрселорМиттал Теміртау» (АМТ) компаниясына иелікті Қазақстан үкіметіне қайтарып берді. Өз кезегінде мемлекет кәсіпорынды қазақстандық бизнесмен Андрей Лаврентьевтің Qazaqstan Steel Group компаниясына басқаруға берді.

Qarmet-тің қарызы жайлы жаңалық ArcelorMittal-дың Қазақстандағы активтерін Лаврентьевке сату кезінде-ақ белгілі болған. Мәміле сомасы 286 млн долларды құрады, ал Qarmet өз мойнына алған AMT мен «АрселорМиттал...

12 ақпанда Қазақстан қор биржасындағы (KASE) күндізгі сауда нәтижесінде ұлттық валютаның долларға шаққандағы бағамы бірден 4,94 теңгеге нығайып, бір доллар 501,31 теңге болды.

Осылайша теңгенің нығаюы бүгін де жалғасты. Бір күн бұрын ұлттық валюта 3,48 теңгеге арзандап, 1 доллар 506,43 теңге болған еді.

Бір айдың ішінде ғана төл теңге шамамен 30 теңгеге нығайды. 2025 жылғы 10 қаңтарда 1 доллар 530 теңге тұратын.

Теңге қаңтардың аяғынан бері үздіксіз күшейіп келеді. Ақпанның басында доллар аздап көтерілгені болмаса, ұлттық валюта бағамы 2024 жылғы қарашадағы көрсеткішке жақындап қалды. Теңге былтыр қарашаның аяғынан бастап екі ай көлемінде қатты құлдыраған.

Бұған дейін Kursiv.Media доллардың әлсіреп, теңгенің нығаю себептерін түсіндірген еді.

Ақтау қаласында бала күнінен мүгедек 18 жасар жігітті зорлап кеткен. Оқиға адвокат Ажар Әбділдің айтуынша, 2024 жылы 27 желтоқсанда болған.

«Сараптама жасалмаған»

Жәбірленушінің анасы Ақтау қаласының Полиция басқармасына дереу арызданған.

«Осы уақытқа дейін қажетті сараптамалар тағайындалған жоқ. Бейнежазба камераларының жазбасы алынбады. Ол жерде ақ джиптің қорғансыз адамды қала орталығында әкетіп бара жатқаны көрінеді. Бұл көліктің бағытын анықтау оңайға түседі», – деп жазды адвокат.

«Күдіктілер анықталмады»

Адвокаттың сөзіне қарағанда, Маңғыстау облысы прокуратурасы 2 ай бойы бейнежазбаны сақтап келген. Ажар Әбділ осы іспен айналысып жүрген тергеушіге қоңырау шалып ала аламай жүргенін алға...

Әзірленіп жатқан салық кодексіне сай, екінші деңгейлі банктер мен құрылыс компанияларына қосылған құн салығын салу көзделіп отыр. Бұл туралы Премьер-министрдің орынбасары – Ұлттық экономика министрі Серік Жұманғарин мәлім етті.

«Жаңа салық кодексінің жобасы қазір парламентте жатыр. Біздің беріп жатқан ұсыныстарымыз қосымша болады. Жаңа салық кодексінде қосылған құн салығы да, жаңа салықтар да көзделген. Бұл бүкіл қаржылық ұйымдарды қамтиды», – дейді ол.

Сондай-ақ жаңа норма құрылыс компанияларына да қатысты екенін атап өтті. Алайда кей депутаттар құрылыс компанияларын қосылған құн салығынан босатуды ұсынып отырған көрінеді.

Бүгін, 12 ақпанда, Алматыда Үкімет өкілдері ҚҚС мөлшерлемесін арттыру мәселесі бойынша кәсіпкерлермен...

2024 жылы елімізде 8 000-нан астам есірткі қылмысы анықталды. Олардың арасында қылмыскерлер бейтаныс адамдардың, әсіресе қыздардың ішімдік немесе басқа да сусындарына есірткілік заттар қосу фактілері жиі кездеседі. Осыған байланысты елордалық полиция департаментінің есірткі қылмысына қарсы іс-қимыл басқармасы арнайы ескерту жасады.

Мамандар бұл мәселеге бейжай қарамау керектігін айтып, өз қауіпсіздігін қорғау үшін арнайы тест-жолақтарын пайдалануды ұсынды. Бұл жолақтар есірткі заттарын анықтауға көмектеседі.

Мұндай тест-жолақтарды дәріханалардан алуға болады, шағын көлемді және қолдануға ыңғайлы. Ең бастысы – олар сусынға есірткі қосылған-қосылмағанын бір минут ішінде анықтауға мүмкіндік береді.

Назарбаевтың немересі інісі Қайрат Сатыбалдының мемлекетке қайтарған активтері қайда жұмсалып жатыр? Бұл сұраққа Сыбайлас жемқорлыққа қарсы іс-қимыл агенттігі төрағасының бірінші орынбасары Ұлан Сарқұлов жауап берді.

Антикор не дейді?

Сарқұловтың айтуынша, Сатыбалдының және өзге де жемқорлардың активтері әлеуметтік саладағы жобаларға жұмсалған. 

«Қаражат әлеуметтік жобаларға пайдаланылды. Кеше ғана қайтарылған қаражат есебінен мектеп құрылысына қаржы бөлінгенін көрдім. Менің білуімше, Ұлытау облысының Қаражал қаласында мектеп құрылысына ақша бөлінді. Мен өзім де есептей бастадым: Қаражалда 27 мың оқушы білім алады, ал облыс небәрі 2–3 жыл бұрын ғана құрылды. Мұнда жаңа мектепке деген қажеттілік өте жоғары, өйткені сыныпта балалар толып...

Қостанай қаласының әкімдігі көпбалалы анаға үй кезегі бойынша баспана беріп, 3 ай өткенде кері қайтарып алған. Нәтижесінде, 5 балалы ана үйден де, тұрғын үй кезегінен де айырылып қалған. Бұл туралы Жоғарғы соттың баспасөз қызметі хабарлады.

Мәселенің мән-жайы

Жоғарғы соттың хабарлауынша, 5 балалы отбасы 2009 жылы аз қамтылған және халықтың әлеуметтік қорғалатын топтары санаты бойынша мемлекеттік тұрғын үй қорынан баспана алуға кезекке тұрған. Ол кезде отбасындағы балалардың жасы 1 мен 22 жас аралығында болған. Арада 10 жыл өткен соң, отбасының кезегі келіп, әкімдіктен үй берілген.

Әкімдік неге үйді қайтарып алды?

Баспана берілген со...

Дәл қазір зейнетақы активі 22,4 трлн теңгеге жетті. Бұл 2024 жылдың 1 қаңтарымен салыстырғанда 26%-ға көп. 2014 жылы зейнетақы активтерін БЖЗҚ-ға шоғырландыру аяқталған сәттен бастап 10 жыл ішінде активтер 5 есе өскен. Бұл туралы Ұлттық Банктің Монетарлық операциялар департаментінің директоры Нұржан Тұрсынхан мәлімдеді.

Теңгедегі портфел қайда жұмсалады?

2025 жылдың 1 қаңтарындағы есеп бойынша, теңгедегі портфель көлемі 13,4 трлн теңгені құрады. Бұл БЖЗҚ зейнетақы активтерінің шамамен 60%-ына тең.

«Теңгелік портфель құрылымында Қазақстан Республикасының мемлекеттік бағалы қағаздары – шамамен 70%, квазимемлекеттік сектор субъектілерінің облигациялары шамамен – 15%, екінші деңгейлі банктердің облигациялары – 7%«, – деп жазылған...

Әулие Валентин күні – сезіміңізді білдіруге және сүйіктіңізге ерекше сыйлық жасауға тамаша мүмкіндік. Қазақстанда бұл мереке дәстүрлі саналмаса да, көпшілік жақындарына сыйлық жасап, көңіл бөлуге тырысады.

OLX аналитикалық қызметі 2024 және 2025 жылдары қазақстандықтардың ең көп іздеген сыйлықтарын сараптап, қандай тауарлар ең жоғары сұранысқа ие болғанын анықтады.

Әйелдерге арналған сыйлықтар

14 ақпанда ер адамдар сүйіктілеріне ерекше сыйлық жасауға тырысады. Сондықтан бұл мерекенің ең дәстүрлі сыйлықтарының бірі – гүл шоқтары. 2024 жылы OLX-те гүл сатуға байланысты 5 534 хабарландыру жарияланып, оған 31 215 рет жауап берілсе, 2025 жылы олардың саны 5 818-ге жетіп, сұраныс 23 451-ге азайған.

Ал зергерлік...

Мәжілісмен Асхат Аймағамбетов Астанада 5 жасар балаға лифт ішінде жасалған шабуылға қатысты пікір білдірді. Депутат психикалық ауытқуы бар адамдардың теріс қылықтары үшін кім жауапты екенін айтты.

Аймағамбетов мұндай жағдайда қоғамның дұрыс қорытынды жасауы маңызды деп санайды. Ал психикалық ауытқуы бар адамдарды қамауға алу, мәселені түбегейлі шешпейтінін, керісінше кешенді тәсіл қажет екенін айтады.

«Біріншіден, қазір қылмыстық іс қозғалды. Екіншіден, мемлекеттік органдар мен үкімет жұмыс істеп жатыр, мен олардың кешенді шаралар қабылдайтынына сенемін. Себебі бұл мәселені тек қылмыстық қудалау арқылы немесе нақты бір оқиға бойынша шешу мүмкін емес, өйткені ол жалпы жүйелі сипатқа ие. Осындай мәселелер туралы айтқанда, біз оларды анықтау, бақылау...

Мәжіліс депутаты Ирина Смирнова Қазақстанда «шетелдік агенттер» туралы заң қабылдауды ұсынды. Ол шетелден келген қаржыны медианы қолдау және адам құқықтарын қорғау ретінде жасырады деп саналатынын айтқан.

Ұсыныс қашан айтылды?

Депутат Смирнова премьер-министр Олжас Бектеновтің атына берген өтінішінде шетелдік агенттер туралы заң қабылдаған елдер – Израиль, Қытай, Аустралия, Ұлыбритания және Франция туралы айта кетті. Оның пайымдауынша, Қазақстанға осындай тәжірибені қолдап, БАҚ-қа таңбалауға міндеттейтін заң жасау керек екенін айтқан.

Шетелден қаржы алатын ұйымдар

Қазақстанда шетелдік қаржыландыруды 200-ге жуық ҮЕҰ алады. Олардың 70%-ы АҚШ-тан қаржыландырылады. Негізінен бұқаралық ақпарат құралдарында, сөз бостандығы, белгілі бір топтардың құқықтары мен мүдделерін қорғау, демократия...

Ринат Зайытов алаяқтық жолмен рәсімделген несиені банктердің өзіне жүктеуді ұсынды. Депутат мұндай талап қойылса, банктердің киберқауіпсіздікке мүдделі болып, алаяқтық жағдайлар азаятынын айтты.

«Бұған қатысты міндетті банкке жүктеп қойшы, шешімін өздері-ақ табады. Банктер киберқауіпсіздікті қамтамасыз етуі керек. Бірақ оған ақша шашқысы келмейді. Тиісті маманды жалдағысы келмейді. Неге? Өйткені алаяқтардың әрекетінен банктер зиян шегіп жатқан жоқ, керісінше пайда көріп жатыр. Аялақтардан жапа шеккен адам ол ақшаны көрген жоқ, жаратқан жоқ. Әділі сол, олар мұндай несиені төлеуден босатылуы керек», – деді депутат.

Мәжіліс отырысында Зайытов осы мәселені көтеріп, Бас прокурорға да сауал жолдады. Онда депутат...

«Солдаттардың өлімі әлімжеттіктен жиілеп жатыр» деген пікірді Қорғаныс  министрінің  орынбасары Шайх-Хасан Жазықбаев жоққа шығарды. Оның сөзіне сенсек, былтыр тек 3 солдат қана опат болған.

«Әлімжеттік анықталмады»

«Мерзімді әскери қызметкерлердің қазасына қатысты істердің ешқайсысында да жарғыдан тыс қарым-қатынасты бұзу анықталған жоқ», – деді министрдің орынбасары.

Жазықбаев әскердегі өлім-жітімнің көптігін де жоққа шығарды.

«Қазір нақты цифрлар менің қолымда жоқ. Қателесуіміз мүмкін. Меніңше, былтыр әскери қызметшілердің арасында 3 суицид болды. Ал әлеуметтік желілерде 90-нан бастап 272 суицид болды деген цифрлар жүр. Бұл бұрмаланған сандар», – деді Жазықбаев.

«Нөлге жеткіземіз!»

Оның сөзіне...

Егер қосылған құн салығы төмендемесе, ішкі туризмге үлкен қауіп төніп тұр. Жүздеген кәсіпкерлер қайта көлеңкеге кетуі мүмкін. Ұлттық экономика министрі Серік Жұманғаринмен кездесуде сала мамандары осындай пікір білдірді.

«Өткен жылы біз үлкен жұмыс атқардық, көлеңкеде жүрген қаншама кәсіпкерлерді анықтадық. Қазір 300-ге жуық кәсіпкермен жұмыс істеп жатырмыз. Егер салық шегін түсіретін болса, қайтадан кәсіпкер көлеңкеге кетеді. Біз басқа елдермен салыстырғанда, бәсекелестікті жоғалтамыз. Ішкі туризм қауіптің алдында тұр», – деді Еуразиялық туризм қауымдастығының мүшесі Әсем Қозбағарова .

Қозбағарованың сөзінше, қазір кірме туризм үшін қосылған құн салығы 0% деңгейінде. Ішкі туризм үшін дәл сол мөлшерлемені сақтап қалу керек...

Астанада «LIVEGOOD» атты қаржы пирамидасын анықталды. Қаржылық мониторинг агенттігінің мәліметінше, бұл ұйым 6 мың азаматқа жалған уәде беріп, қаржысын алған. Күдіктіні Астана әуежайынан Түркияға ұшқалы тұрған жерінен ұстады.

Қаржы пирамидасын құрды деген күдікті биологиялық белсенді қоспа (БАД) сататын желінің атын жамылған. 2023-2025 жыл аралығында мыңдаған азаматпен жұмыс істеп үлгерген. Оларға «LIVEGOOD» компаниясынан «ай сайын 50 долларлық жазылым сатып алсаңыз, 2 000 долларға дейін бонус ұсынады» деген уәде берген.

Жазылушыларынан шамамен миллиондаған жуық қаражат жинап алған. Агенттік мәліметінше, ол ақшаға авто тұрағы бар екі пәтер сатып алып, өз атына және сенімді тұлғалардың атына рәсімдеген. Сондай-ақ тергеу кезінде «Binance» биржасында...