Жаңалықтар

Үкіметттің төтенше резервінен көктемгі су тасқынынан зардап шеккен білім беру мекемелері мен ұйымдарын қалпына келтіруге 7,5 млрд теңге бөлінеді. Үкімет үйінің баспасөз қызметі тиісті қаулыға премьер-министр Олжас Бектеновтің қол қойғанын хабарлады.

Бұл қаражатқа еліміздің үш өңіріндегі білім ошақтары қалпына келтірілмек. Яғни тасқын судан қатты залал келген Қостанай, Ақмола және Ақтөбе облыстарында жөндеу жұмыстары жүргізіледі. Ал кейбір жерлерде қираған нысандардың орнына жаңа мектептер мен балабақшалар салынады.

«Бөлінген қаражаттың жалпы сомасы – 7,5 млрд теңге. Бұл қаражат бүлінген нысандарды қалпына келтіруге, сондай-ақ қираған нысандардың орнына жаңа білім беру мекемелерін салуға жұмсалады», – делінген хабарламада.

2024 жылдың бірінші жартыжылдығында Қазақстан қосылған құн салығы мен корпоративтік табыс салығының үштен бірін жинай алмады. Бұл жайында Қаржы министрлігінің есебінде жазылған.

Республикалық бюджет кірісі осы кезеңде 10,4 трлн теңгені құрайды деп жоспарланған. Алайда кіріс 8,6 трлн теңгені құрады. Осы 8,6 трлн теңге құрамында салық түсімдері – 5,18 трлн теңгеге жеткен. Жоспар бойынша осы кезеңде 6,8 трлн теңге салық жиналуы тиіс еді.

Салықтардың ішінде 1,5 трлн теңге корпоративтік табыс салығы болса, 2,2 трлн теңгесі – ҚҚС. Алайда бюджет жоспарында 6 айда 2,1 трлн теңге корпоративтік табыс салығы түсуі керек болған. Жоспар тек 71 пайызға орындалған. Ал ҚҚС бойынша...

Бәсекелестікті қорғау және дамыту агенттігі (БҚДА) «ҚазМұнайГаз» ұлттық компаниясына 539,4 млн теңге айыппұл салды. Бұл жайлы БҚДА баспасөз қызметі хабарлады.

Баспасөз қызметінің хабарлауынша, Бәсекелестікті қорғау және дамыту агенттігінің Астана қаласы бойынша департаменті прокуратура органдарымен бірлесіп «ҚазМұнайГаз» ҰК» акционерлік қоғамында 2023 жылдың өткен кезеңіне монополияға қарсы заңнаманың сақталуына қатысты тексеріс жүргізген.

Тексеру нәтижесінде компанияның іс-әрекеттерінен мұнай өнімдерін өткізуді шектеу бөлігінде өзінің үстем жағдайын теріс пайдаланғаны анықталған.

Атап айтқанда, ҚМГ 2023 жылдың қаңтар-сәуір аралығында мұнай өнімдерін сату туралы өтінімдерді ескермеген. Тіпті кейбір жағдайларда мұнай өнімдерін өткізу мүмкіндігі бола тұра, мұнай өнімдерінің көлемін қысқартып, қасақана кемсітуді қолдан жасаған.

Азаматтық некедегі жұбайы Салтанат Нүкенованы өлтірді деп айыпталған бұрынғы ұлттық экономика министрі Қуандық Бишімбаев қауіпсіздігі барынша жоғары түрмеге жіберілді.

«Сотталған адам сот үкіміне сәйкес қауіпсіздігі барынша жоғары мекемеге жіберілді», – делінген Қылмыстық-атқару жүйесі комитетінің хабарламасында. 

Сонымен қатар қылмыстық-атқару кодексінің 88-бабына сәйкес сотталғандар тіркеуге сәйкес жазасын өтеу орындарына жіберілетінін хабарланған.

Қылмыстық-атқару кодексінің 93-бабына сәйкес өзге ақпарат жарияланбайтыны ескертілген.

2023 жылы 9 қарашада Bau мейрамханасында экс-министр Қуандық Бишімбаев әйелі Салтанат Нүкенованы өлтірді деген айыппен ұсталды. Президент Бишімбаевтың ісін ерекше бақылауға алуды тапсырған болатын.

11 наурызда өткен сотта Қуандық Бишімбаев өзіне тағылған айыпты мойындамайтынын мәлімдеді. Бишімбаевқа Қылмыстық кодекстік 99-бабы 2-бөлігі 5-тармағы бойынша...

Уолл-стрит сарапшылары АҚШ-та өнеркәсіп секторы алдағы екі жыл бойы қор нарығында көш бастап, «Керемет жетілікті» өкшелей бастайды деп есептейді. Дональд Трамптың жеңіске жету ықтималдығы артқаннан кейін олардың көңіл-күйі күрт өзгерді. Ал капиталдануы шағын компаниялардың қазір жүріп жатқан раллиі – капитал ағыны бар екенінің дәлелі. Осы және басқа да тақырыптар туралы 22 шілдедегі әлемдік БАҚ шолуынан оқыңыз.

АҚШ-та өнеркәсіп секторы алдағы екі жылда көш басында болады

АҚШ-та өнеркәсіп секторы алдағы екі жылда ең жоғары қарқынмен өседі деп жазады Market Watch. Бұл тұжырым FactSet сауалнамасына қатысқан сарапшылардың сараланған консенсустық бағалауынан туындады. S&P 500 барлығы 11 сектор бойынша болжам ұсынған.

Осылайша...

Сыбайлас жемқорлыққа қарсы агенттік «СҚ-Фармация» компаниясынының 315 млрд теңгеге 92 заңсыз шарт жасасқанын анықтаған.

Агенттік ақпаратына сүйенсек, 36 отандық өндірушімен жалпы көлемі 315 млрд теңгеге жасалған 92 шарттың айқын болмауы, іс жүзінде отандық фармацевтикалық өндірісті дамытуға ниеті жоқ компанияларды негізсіз байытуға ықпал еткен. Сонымен қатар 8 отандық өндірушінің қызметінде нақты өндірістің орнына шетелдік өнімдерді (қолғап, шприц, йод және т.б.) әкелу белгілері бар.

Сыбайлас жемқорлыққа қарсы күрес агенттігінің тексеруіне қатысты Денсаулық сақтау министрі Ақмарал Әлназарова да түсініктеме берді.

«Сыбайлас жемқорлық агентігі мен денсаулық сактау министрлігі бірлесіп жылдың 1-тоқсанында «СҚ-Фармация» ЖШС қызметіндегі сыбайлас жемқорлық тәуекелдеріне тексеру жұмыстарын...

Желіде банк немесе ломбардтарға берешегін өтей алмағандардан тәркіленген көлік саудасына қатысты жарнама жетерлік. «Жылы жаңа көлікті екі есе арзанға алып береміз», «Тәркіленген көлік аукционына қатыс», «Банкке тиімді бағаға өтіп кеткен көлікті сатып ал» деген жарнамалар аракідік жылт ете қалады. «Курсив» тілшісі осы хабарландырулар бойынша хабарласып, сарапшылар пікірін біліп, «жарнама шындыққа жанаса ма?» деген сауалға жауап іздеп көрді.

Банкке берешегін өтей алмағандардан тәркіленген көлікті сату реті қандай?

«Қазақстанның автокөлік одағы» қаржы ұйымдары тәркілеген автокөліктерді сату тәртібін түсіндірді. Ұйымның мәліметінше, Қазақстанда тәркіленген автокөліктерді мемлекеттік аукциондар мен аукциондық платформалар арқылы сатып алуға болады.

«Мысалы, Мемлекеттік мүлік қорының сайтында...

Qazaqgaz басқарма мүшелеріне төленетін төлем көлемін жеті есеге арттырды. Тиісті құжат Қазақстан қор биржасының сайтында жарияланды.

«QazaqGaz ұлттық компаниясы 2023 жылы атқарушы орган мүшелеріне жалақыны және барлық сыйақыларды қосқанда 505,6 млн теңге төледі», – деп жазылған құжатта.

2022 жылмен салыстырғанда бұл көрсеткіш 7,2 есеге өсті. Ол кезде басқарма мүшелеріне 69,6 млн теңге төленген.

QazaqGaz басқармасының құрамына алты адам кіреді. Атап айтқанда, басқарма төрағасы Санжар Жаркешов пен оның бес орынбасары – Мейірбек Исханов, Айдын Ақан, Акбар Төлегенов, Әнуар Битанов және Марат Қаспақов бар. Олардың әрқайсысына орта есеппен жылына 84 млн теңгеден астам...

Денсаулық сақтау министрі Ақмарал Әлназарова Қарағандыдағы YDD Corporation ферроқорытпа зауытындағы жарылыстан кейін күйік шалған жұмысшылар неге ауруханаға жедел жәрдем көлігімен жеткізілмегеніне қатысты пікір білдірді. Оның айтуынша, жұмыс көлігімен жеткізу – сол сәтте қажеттіліктен туындаған шара.

«Бүгін зардап шеккендердің бірі қайтыс болды. Отбасына көңіл айтамыз. Жедел жәрдем қызметкерлері оқиға орнында бүкіл қажетті көмекті көрсетті. Бірақ, шын мәнінде, мұндай күйіктен кейін адамның тірі қалуына мүмкіндік аз еді», – деді Әлназарова.

ДСМ басшысы адам денесіндегі күйік 60 пайыздан асса, өте қауіпті саналатынын айтып өтті. Министрдің пікірінше, науқастың ауруханаға жай көлікпен жеткізілуі оның жағдайына еш әсер етпеген. Жұмыс...

Қазақстан президенті Қасым-Жомарт Тоқаев мемлекетке сатқындық жасағаны үшін сотталған Ұлттық қауіпсіздік комитетінің бұрынғы төрағасы Кәрім Мәсімовке рақымшылық жасаудан бас тартты. Бұл туралы Informburo хабарлайды.

«Мәсімовке кешірім жасау актісін қолдану мүмкіндігін зерделеу қорытындысы бойынша комиссия президентке ұсыныс енгізіп, ол ұсыныспен келісті», – деп жазады басылым.

Айта кетейік, бұған дейін президент жанындағы комиссия Тоқаевқа ҰҚК-нің бұрынғы төрағасына рақымшылық жасаудан бас тартуды ұсынған болатын. Комиссия мүшесі, мәжіліс депутаты Марат Башимов «Курсивке» берген ақпаратында бұл ұсынысты президент қарап, келісу немесе келіспеу туралы шешім шығаратынын айтқан.

Тоқаевтың шешімі туралы өтініш авторы Мәсімовке хабарланған.

2024 жылдың 10 маусымында ұлтты...

Әлемдегі қылмыс көп болатын елдер тізімінде Қазақстан Ресей мен Өзбекстаннан төмен позицияға орналасты. Еліміз 146 елдің ішінен 75-орынға жайғасқан. 

Numbeo порталының 2024 жылдың ортасына арналған деректеріне сәйкес, қылмыс жасау бойынша Қазақстан 45 балл алған, қауіпсіздік рейтингі 54 балл.

Орта Азиядағы ең нашар көрсеткіш Ауғанстанда тіркелген – төртінші орын. Елдегі қылмыс индексі 75 балдан асқан. Қырғызстан 43-орында, қылмыс индексі 54 балл.

Аймақтағы ең қауіпсіз ел Өзбекстан 120-орында, қылмыс индексі небәрі 29 балл. Ресей 38 балмен 97-орынға жайғасқан. Тәжікстан мен Түрікменстан бұл тізімге кірмеген.

Әлемдегі ең қауіпті елдер: Венесуэла, Папуа Жаңа Гвинея мен Гаити. Ал Қатар, БАӘ және Андорра ең қауіпсіз...

Жетісу облысының қылмыстық істер жөніндегі мамандандырылған ауданаралық соты бюджеттің 4,5 млрд теңгесін жымқырған Талдықорған қаласының 21 бухгалтеріне қатысты үкім шығарды. Оларға 7 жылдан 15 жылға дейін бас бостандығынан айыру жазасы кесілген. Бұл жайлы Жоғарғы соттың баспасөз қызметі хабарлады.

«Жетісу облысының қылмыстық істер жөніндегі мамандандырылған ауданаралық сотында бюджет қаражатын аса ірі мөлшерде жымқырғаны, заңсыз заңдастырғаны, ұйымдасқан топ құрып, оған басшылық жасап және оған қызметтік бабын пайдалана отырып қатысқаны үшін айыпталған Талдықорған қаласы білім бөлімінің және мектептерінің 21 бухгалтеріне қатысты қылмыстық іс қаралды», – деп хабарлайды баспасөз қызметі.

Сот барысында Талдықорған білім бөлімінің бас бухгалтер...

Биыл елімізде бидай алқабы 450,3 мың гектарға қысқарды. Күріш, мақта егу көлемі де азайды. Дегенмен майлы дақылдарға басымдық беріліп отыр. Бұл жөнінде Ауыл шаруашылығы министрі Айдарбек Сапаров Үкімет отырысында айтты.

Министрдің айтуынша, биылғы жылы жалпы егіс алаңы 23,8 млн гектар. Майлы дақылдар мен қант қызылшасының алқаптары 608 мың және 9,4 мың гектарға ұлғайған. Айдарбек Сапаров суды көп қажет ететін  дақылдарды егу көлемі де азайғанын жеткізді. Мәселен, күріш 6,9 мың гектарға, мақта 16 мың гектарға қысқарған.

Ведомство басшысы егіс жұмыстары үшін берілетін жеңілдетілген несие жайына да тоқталды.

«Алғаш рет көктемгі егіс жұмыстарына берілген жеңілдетілген кредит көлемі жылдық «таза...

Дүние жүзінде электр энергиясының ең үлкен әрі негізгі көзі – көмір болып отыр. Энергия өндіруде көмірдің үлесі 2014 жылы 40,45% болса, 2023 жылы  35,51%-ға дейін түскен. Алайда үлесі түскенімен, оның электр энергиясын өндірудегі қуаты жылдан-жылға артып келеді. Мәселен, адамзат баласы 2013 жылы көмірдің күшімен 9427 ТВт/сағ  электр энергиясын алса, 2023 жылы 10 468 ТВт/сағ алды. Егер бұл көрсеткішті 1990 жылдан бергі алынған электр қуатымен салыстырсақ, онда көмірден алынған энергия көзі 2,2 есе артқан.

OurWorldInData ақпаратына назар аударсақ, дүние жүзінде 2023 жылы түрлі көздерден 29 479 ТВт/сағ электр энергиясы өндірілген. Соның ішінде 35,51%-ы – көмірден, 22,47% – газдан, 14,28% – гидро энергетика...

«Қазатомөнеркәсіп» Ұлттық атом компаниясы» АҚ акционерлерінің құрылымындағы өзгерістер туралы хабарлады.

«2024 жылғы 20 шілдеде «Қазатомөнеркәсіптің» акцияларын Қазақстан Республикасының Ұлттық қорына сатып алу бойынша Қазақстан Республикасының Ұлттық Банкі мен «Самұрық-Қазына» АҚ арасында биржадан тыс мәміле жасалды. Осы транзакция нәтижесінде «Самұрық-Қазына» АҚ үлесі 75% – дан 62,99336549% – ға дейін төмендеді. Қазақстан Республикасы бағалы қағаздар орталық депозитарийінің ресми деректері бойынша «Самұрық-Қазына» АҚ сатқан 12,00663451% үлесі Қазақстан Республикасы Қаржы министрлігінің иелігіне өтті», – деп жазылған компания таратқан хабарламада.

ҚР Орталық депозитарийінің ресми мәліметі бойынша, «Самұрық-Қазына» АҚ-ның 12,00663451% көлеміндегі сатылған үлесі ҚР Қаржы министрлігінің иелігіне өткен.

Дәрігер Арай Төлемісова Кәрім Мәсімовтің ұйғыр емес, қазақ екенін мәлімдеді. Ол емделушісінің медициналық картасындағы мәліметтерге сүйенген. Осыған орай журналист Үкімет сағатынан кейін өткен брифингте Денсаулық сақтау министрі Ақмарал Әлназароваға сұрақ қойды.

«Арай Төлемісова деген дәрігердің YouTube арналарында сұхбаты тарады. Онда дәрігер Мәсімовті бәрі ұйғыр деп айтатынын, шын мәнінде, оның құжаттарын көргенін, онда руы найман екені жазылғанын айтты. Жалпы медициналық құжаттарда адамның руы жазыла ма? Содан кейін жеке деректерді бұлайша жариялау қаншалықты заңды?», – деп сұрады журналист.

Ақмарал Әлназарова бұл сұхбатты YouTube арнасынан көрмегенін, ал медициналық құжаттарға қатысты нақты талаптар бекітілмегенін айтты.

Париждегі Олимпиада ойындарының ашылу салтанатына дайындық кезінде күтпеген оқиға орын алды: бишілер өздеріне төленетін жалақының айырмашылығына наразы. Бұл туралы Championat.com хабарлайды.

CGT мәліметіне сүйінсек, бишілерге 60 еуродан 1 610 еуроға дейін төленеді, бұл әртістер және іс-шара ұйымдастырушылар арасында шиеленіс тудырды. Бишілер мұндай төлем жүйесін әділетсіз санап және оны қайта қарауды талап етіп отыр.

Францияның «Еңбек кәсіподағы» ұйымдастырушы Panama24 өкілдерімен кездесті, алайда бишілерге төлем бойынша әлі өзгерістер бола қойған жоқ.

Естеріңізге сала кетейік, Қазақстан құрамасы Париж-2024 жазғы олимпиадасына спорттың 25 түрінен 92 лицензия жеңіп алды. Ел намысын қорғауға барлығы 80 спортшы аттанды.

Сондай-ақ Париж қаласында өтетін Олимпиада ойындары...

Маусым айында бизнеске берілген кредит көлемі азайып, жеке тұлғалардың алған несиесі артқан. Қазір Қазақстанда тұтынушылық несиеге деген сұраныс жоғары. Бір айда халық 1 трлн теңгеге жуық тұтынушылық несие алған.

Бірінші несие бюросының есебінше, маусым айында қазақстандықтар 975 млрд теңге тұтынушылық несие рәсімдеген. Бір айдағы өсім 14%-ды құрады. Бұл ретте алынатын несие көлемі әртүрлі екені атап өткен жөн. Біреулер 150 мың теңге тұтынушылық несие алса, келесі біреу бірнеше миллард теңге қарыз алған.

Есесіне бизнеске берілген несие көлемі 11 пайызға қысқарған. Өткен айда кәсіпкерлер 1,5 трлн теңге несие рәсімдеген. Жылдық мәнде ірі заңды тұлғалар мен жеке кәсіпкерлер алған несие көлем...

Мемлекет басшысы Қасым-Жомарт Тоқаев қысқа мерзімді демалысқа шықты. Бұл жайлы президенттің баспасөз қызметі хабарлады.

«Мемлекет басшысы Қасым-Жомарт Тоқаев 23-26 шілде аралығында қысқа мерзімді еңбек демалысына шығады»,- делінген хабарламада.

Айта кетсек, президент жыл сайын санаулы күнге демалыс алады. Еңбек демалысын негізінен Қазақстанның курорттық аймақтарында өткізетін. Мәселен, алғаш президент болған 2019 жылы баспасөз қызметі мемлекет басшысының Қазақстан аумағында демалатынын айтқан.

Ал 2020 жылы пандемияға байланысты президент демалыс алған жоқ.

2021 жылы президент 13-16 шілде аралығында демалыс алды. Тоақев бұл күндері Шығыс Қазақстан облысының Бұқтырма су қоймасының маңында демадып қайтқан болатын.

Ал...

Қаржы министрлігінің Мемлекеттік кірістер комитеті (МКК) алаяқтардың ведомство атын жамылып, жалған хабарламалар тарата бастағаны туралы хабарлады.

Комитет хабарлауынша, бұл хабарламалар салық төлеушілердің электронды поштасына «Заң бұзушылықтарды жою туралы ескерту, банктік шоттағы ақшаны пайдаланып бюджетке берешекті өндіріп алу» деген тақырыппен келеді.

«Мемлекеттік кірістер органдары жасаған барлық хабарлама нормативтік құқықтық актілермен бекітілгенін хабарлайды. Қазақстан Республикасы Қаржы министрлігі Мемлекеттік кірістер комитетінің ақпараттық жүйелерінде хабарламаларды қалыптастыру кезінде хабарлама нөмірлері оларға енгізілген алгоритм бойынша автоматты түрде қалыптастырылады», – деп ескертеді комитет.

Сонымен бірге комитет жеке электронды поштаға хабарлама жібермейтінін, МКК ақпараттық жүйелері хабарламаларды тек «Салық төлеушінің шотына», «Электронды...

Арқалық пен Ақмола облысындағы апаттардан соң, Көлік министрлігі Ан-2 ұшақтары тексерілетінін хабарлады. Министрлік еліміздегі әуе апттарының жиілеп кеткеніне алаңдаулы.

«Қазақстанның авиациялық әкімшілігі ҚР Көлік министрлігі Азаматтық авиация комитетінің тапсырмасына сәйкес  авиациялық оқиғалардың қайталануын алдын алуға, оның ішінде компаниялардың қызметін тоқтата тұру, әуе кемелерінің ұшуға жарамдылығы сертификаттарының қолданылуын тоқтата тұру, заңнама талаптарын бұзған тұлғаларды әкімшілік жауапқа тарту шараларын күшейтеді», – делінген хабарламада,

Сондай-ақ ұшақ иелеріне ұшу жарамдылығын бағалау бағдарламасы бойынша Ан-2 үлгісіндегі барлық әуе кемесіне қосымша бағалау жүргізу бойынша нұсқаулар берілді. Оқиғалардың себеп-салдарын Көлік министрлігінің авиациялық оқиғаларды тергеу жөніндегі комиссиясы тексереді.

Мамыр айында Арқалықта АН...

Мемлекет басшысы Қасым-Жомарт Тоқаев Мысыр президенті Әбдел Фаттах Ас-Сисиге құттықтау жеделхатын жолдады деп хабарлайды Ақорда.

Президент жеделхатты Қазақстан халқының және жеке өзінің атынан Әбдел Фаттах Ас-Сиси мен мысырлықтарға жолдаған. 23 шілде күні Мысыр халқы ұлттық мейрам – Революция күнін тойлайды.

«Қазақстан мен Мысыр арасындағы ортақ рухани құндылықтар мен жан-жақты өзара ынтымақтастыққа негізделген дәстүрлі қатынастардың өрісі кеңейгенін зор ризашылықпен атап өтемін. Халықтарымыздың игілігі үшін екіжақты және көпжақты форматтардағы серіктестігіміз болашақта да өзінің жалғасын тауып, қарқынды дами беретініне кәміл сенемін», – деп жазылған жеделхатта.

Қасым-Жомарт Тоқаев Әбдел Фаттах Ас-Сисидің жұмысына сәттілік пен табыс, ал...

Джо Байден Украинаны қолдау туралы заң бойынша өз өкілеттігін АҚШ-тың қазынашылық және мемлекеттік департаменті басшыларына берді. Ақ үйдің хабарлауынша, өкілеттіктің бір бөлігі Ресей Федерациясының тыйым салынған активтеріне қатысты.

АҚШ президенті «Экономиканы қалпына келтіру және украиналықтардың мүмкіндіктері туралы» заңға сәйкес, өз өкілеттігін АҚШ-тың қазына министрі Джанет Йеллен мен мемлекеттік хатшы Энтони Блинкенге берген.

Джо Байденнің Ресейдің тыйым салынған активтерін тәркілеу мүмкіндігіне қатысты өкілеттіктерді беретіні белгілі болды. Онда осы құжат күші «меморандумда айтылған ережелермен бірдей немесе айтарлықтай сәйкес келетін кез келген болашақ үкімет заңдарының кез келген ережелеріне қолданылатыны» атап өтіледі.

Өткен аптада Джо Байден үшінші рет коронавирус жұқтырып алды...

Қарағандының YDD Corporation ферроқорытпа зауытындағы жарылыс кезінде күйік шалған Музафар Исмайлов ауруханада қайтыс болды. Бұл туралы зауыттың баспасөз қызметі хабарлады.

«Біздің әріптесіміз, пеш бастығы Исмайлов Музафар Имантайұлы ауруханада қайтыс болды. Біз Музафардың отбасы мен оның жақындарына осынау қиын сәтте қайғыларына ортақтасып, көңіл айтамыз. Сондай-ақ оның отбасы мүшелерінің осы қиын кезеңнен өтуі үшін қолдан келгеннің бәрін жасаймыз»,- делінген компания хабарламасында.

Мұзафар Исмаилов 31 жаста еді. Оның денесінің 85 пайызын қатты күйік шалған.

Еске сала кетсек, Қарағандының ферроқорытпа зауытында 20 шілдеде таңғы сағат 4 шамасында 8 жұмысшы жарақат алып, денелерін күйік шалғаны туралы хабар тарады...