Жаңалықтар

Толассыз жауған жауын салдарынан Қырғызстанның Ош қаласы мен облысында сел жүріп өтіп, біраз елдімекенді су басқан. Салдарынан бір отбасының 4 адамы суға кеткен болатын. Қырғызстан Төтенше жағдайлар министрлігі анасы мен қыздарының денесі Өзбекстаннан табылғанын хабарлады.

Қырғызстан Төтенше жағдайлар министрлігінің хабарлауынша, 14 шілде күні 14.00 шамасында жауған жаңбырдың салдарынан Төлөйкөн ауылы мен Өзгүр ауылындағы «Бөрібай-Ата» мәдениет үйінің маңынан сел жүріп өткен.

Жауған жаңбырдың салдарынан Ақ-Бура өзені арнасынан асып, қала көшелерін, соның ішінде базарды да су басқан. Оқиға орнына құтқарушылар жеткізіліп, адамдарды қауіпсіз жерге көшірген.

Қырғызстан Төтенше жағдайлар министрлігі дүйсенбі, 15 шілде күні, таңертең Ош облысындағы селмен ағып...

Google-дің бас компаниясы өз тарихындағы ең ірі мәміле туралы келіссөз жүргізу үстінде / Фото: Shutterstock

Google-дің бас компаниясы – Alphabet израильдік Wiz стартапын сатып алу туралы келіссөз жүргізіп жатыр. Бұл стартаптың платформасы клиенттерге бұлтты инфрақұрылымды кешенді түрде қорғауды ұсынады. Технологиялық алпауыт тарихындағы ең ірі мәміле осы болмақ, себебі 23 млрд долларға бағаланып отыр.

Толығырақ

Alphabet шамамен 23 млрд долларға Wiz-ді сатып алу туралы келіссөз жүргізіп жатыр деп жазады The Wall Street Journal дереккөздерге сілтеме жасай отырып. Олардың мәліметінше, келіссөз дәл осылай жалғаса беретін болса, мәміленің де ауылы алыс емес.

2020 жылы бас директор Ассаф Раппапорт пен оның үш...

2024 жылғы маусымда KASE екінші ірі акционері Мәскеу биржасы АҚШ санкциясына ұшырады. Осы ретте Қазақстан қор биржасының басқарма төрағасы Алина Алдамберген KASE-ге қайталама шектеулер енгізу тәуекелдері туралы айтты.

«Акционерлер арасында санкциялық тұлғаның болуы бізді айырбастау қызметтерін тоқтату немесе жеке төлемдерді тоқтату қаупіне ұшыратады. Біз қазақстандық валюта нарығының орталық буыны болғандықтан, айырбас үшін мұндай жағдайларға жол берілмейді. Осыған байланысты Мәскеу биржасының Қазақстан қор биржасының капиталындағы қатысу үлесін тоқтату қажет деп танылды», – деді Алина Алдамберген.

KASE басшысы биржа акционерлерінің арасында санкция салынған тұлғаның болуы оның шетелдік қаржы ұйымдарымен және серіктестерімен қарым-қатынасына әсер ететінін айтады. Сонымен...

Ұлттық экономика министрлігінің хабарлауынша, жыл басынан бергі 6 айда ел экономикасы 3,3 пайыз өсім көрсетті. Алайда биыл экономиканың өсу қарқыны былтырғымен салыстырғанда баяулаған. Оған көктемде Қазақстанның 10 облысын жайлаған су тасқыны мен мұнай өндірісінің қысқаруы себеп.

«Ұлттық статистика бюросының жедел деректері бойынша жалпы ішкі өнімнің (ЖІӨ) нақты өсуі биылғы жылғы қаңтар-мамырдағы 3,2%-пен салыстырғанда жеделдеуді көрсетіп, 3,3%-ды құрады», – делінген хабарламада.

Динамиканың жақсаруы тауар өндірісінде (3,5%-тен 3,6%-ке дейін), сондай-ақ қызмет көрсету секторында (3,1%-тен 3,3%-ке дейін) байқалған.

Министрлік биыл экономиканың өсу қарқыны 2023 жылмен салыстырғанда баяулағанын жазады. Көктемде 10 өңірді су басып, сауда, көлік, логистика саласының дамуына кері әсер еткен. Сондай-ақ мұнай өндірудің 1,6%-ға қысқаруы...

Су шаруашылығы мен ирригация жүйесінде білікті кадр даярлау үшін елімізде жаңа университет құрылды. Оқу орны биыл 1 қыркүйекте төрт мыңға жуық студент қабылдап, өз жұмысын бастайды. Тараз қаласындағы Су шаруашылығы және ирригация университетін құру туралы қаулыға ҚР Премьер-Министр Олжас Бектенов қол қойды.

«Аталған міндетті іске асыру шеңберінде Үкімет «М.Х. Дулати атындағы Тараз өңірлік университеті» коммерциялық емес акционерлік қоғамын қайта құру және оның негізінде екі ЖОО — «М.Х. Дулати атындағы Тараз университеті» коммерциялық емес акционерлік қоғамын («ТарУ» КеАҚ) және «Қазақ ұлттық су шаруашылығы және ирригация университеті» коммерциялық емес акционерлік қоғамын («ҚазҰСШИУ» КеАҚ) құру туралы шешім қабылдады...

Өндірушінің кеңейтілген жауапкершілігі тұжырымдамасы аясында қалдықтарды жинау операторы болып отырған «Жасыл даму» шотына 2022 жылдың басынан бері 700 млрд теңгеден астам қаражат түскен. Бұл туралы «Жасыл даму» басқарма төрағасының орынбасары Шынасыл Ерназар айтты. Ұйым түскен қаржысын қайда жұмсайды?

«Алынған 725,2 млрд теңгенің басым бөлігі немесе 66%-ы (482 млрд теңге) Қазақстанда өндірілген немесе сырттан әкелінген ауыл шаруашылығы техникасына жұмсалады. Тауарлар мен қаптамаларды импорттаушылардан түскен түсімдер 24,2 млрд теңге. «ӨКМ операторы» жеке компаниясынан 219 млрд теңге түсті»,- деген спикер барлық қаражат Экологиялық кодексте көрсетілген мақсаттарға бөлінгенін атап өтті.

Оның 470 млрд теңгесі «Өнеркәсіпті дамыту қоры» АҚ («Бәйтерек» мемлекеттік холдингінің еншілес ұйымы) арқылы...

17 шілде күні телеарналар мен радио желілері жұмыс істемейді. Бұл күні техникалық сервистерде профилактикалық жұмыстар жүргізіледі. Бұл жайлы «Қазтелерадио» АҚ компаниясының баспасөз қызметі хабарлады.

«Қазтелерадио» АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді»,- делінген баспасөз хабарламасында.

Баспасөз қызметінің хабарлауынша, сәрсенбі күні түнгі сағат 03:00 мен күндізгі сағат 7:00 аралығында жерсеріктік, цифрлық және аналогты эфирлік желілердің техникалық құралдарындағы сервистер толық жабылып, жоспарлы-профилактикалық жұмыстар жүргізіледі. Осыған байланысты, Қазақстанның барлық аумағында телерадио арналарды ретрансляциялау уақытша тоқтатылады.

Лондонда «Үлкен Дулыға» додасы аяқталды. Жыл сайынғы теннис турнирінің 137-ші ұтыс ойыны Уимблдондағы шөп корттарында өтті. Жүлде қоры рекордтық 63 млн АҚШ долларын құрады. 2023 жылмен салыстырғанда жүлде қоры 11,9%-ға артты.
Wimbledon ресми сайты ерлер мен әйелдер арасындағы жеке турнир жеңімпаздары 3,4 млн алды деп хабарлайды.

Wimbledon мәліметіне сүйенсек, бір жыл бұрын біздің 6 ойыншымыз қоржындарын 828 945 долларға толтырса, биыл бұл көрсеткіш екі есе өсті – 1,554 млн доллар.

1.⁠ ⁠Елена Рыбакина – 929 500 доллар (2023 жылы – 442 000$)
2.⁠ ⁠Юлия Путинцева – 314 275 доллар (2023 – 80,405$)
3.⁠ ⁠⁠Александр Бублик – 196 040 доллар (2023 –269,100$)
4.⁠ ⁠⁠Александр Шевченко...

Астана қаласының полиция департаменті (ПД) әйеліне дене жарақаттарын келтіру фактісі бойынша, Марат Әйтеновтің үстінен қылмыстық іс қозғады. Бұл жайлы құзырлы органның баспасөз қызметі хабарлады.

«Астана қаласы ПД өзінің бұрынғы жұбайына дене жарақаттарын келтіру фактісі бойынша азамат А.-ға қатысты қылмыстық іс қозғады»,- делінген полиция хабарламасында.

Баспасөз қызметінің хабарлауынша, қазіргі уақытта полиция тергеп-тексеру жұмыстарын жүргізіп жатыр. Оқиғаның мән-жайы тергеу барысында анықталмақ.

Марат Әйтенов Шымкенттің экс-әкімі Мұрат Әйтеновтің ағасы. Бүгін 15 шілде күні экс-шенеуніктің туысы 5 күнге қамаққа алынғаны туралы хабарланды. Астана қаласының әкімшілік құқық бұзушылық жөніндегі мамандандырылған ауданаралық соты Әкімшілік кодекст...

Грекиядан бастау алған Олимпиада алауының эстафетасы өз мәресіне жетіп, алау Францияның астанасы Париж қаласына жеткізілді, деп хабарлайды France24.

Ресми ақпаратқа сүйенсек эстафета барысында Ласко үңгірі, Алезиядағы археологиялық қазбалар, ортағасырлық Каркасонна қаласы, Версаль сарайы мен Лувр мұражайы және басқа да тарихи-мәдени әрі көрікті жерлерден 600-ге астам спортшы жүріп өтті.

Парижге жеткен алауды бірінші болып атақты француз футболшысы, 1998 жылы әлем чемпионатының жеңімпазы Тьерри Анри ұстады. Кейін даңқты спортшы алауды дзюдошы Романа Диккоға тапсырды. Олимпиада алауы дүбірлі доданың басталуына 12 күн қалғанда Франция астанасына жетіп отыр. Францияның әйгілі тұлғалары оны қаланың бас көшелерімен алып өтетін болады.

Айта кетейік, көне гректердің наным-сенімдеріне...

2025 жылы доллар бағамы 490 теңге болуы мүмкін. Ұлттық банктің сарапшыларының кезекті макроэкономикалық сауалнамасына қатысқан нарық қатысушылары осындай пікір білдірген.

Сарапшылардың мұнай бағасына қатысты болжамы мамырдағы сауалнама нәтижесімен салыстырғанда айтарлықтай өзгермеген. Мамыр айында нарық қатысушылар мұнай бағасы барреліне 83,3 доллар болады десе, маусым айында 83,7 доллар деңгейінде қалыптасады деп пікір білдірген.

Сауалнамаға қатысқандар ел экономикасының өсімі сәл баяулайды деген пікірде. Бір ай бұрын жалпы ішкі өнім 4,3% өсім көрсетеді десе, өткен айдағы сауалнамаға қатысқанда жыл соңына қарай өсім 4,1 пайыз құрайтынын айтқан.

Инфляцияға қатысты болжам да төмендеген. Мамыр айындағы сауалнамада нарық қатысушылары инфляция 8,5%-ды болады деп...

Қазақстан ЕАЭО мүшелеріне үшінші елдерден тізгінделгеніне жеті жылдан асқан көліктерді әкелуге тыйым салуды ұсынбақ. Бұл туралы Өнеркәсіп және құрылыс министрлігінің өкілі Әділбек Бектібаев утильалымына қатысты петицияны қоғамдық талқылау барысында мәлімдеді. Оның айтуынша, утильалымы елге ескі көліктерді әкелуге кедергі келтіретін фактор болғандықтан, тарифті төмендету мүмкін емес.

«Жұмыс тобының мүшелері тарапынан ұсыныс болды. Біз мұны қуана жасар едік, материалдарды ЕЭК отырысына талқылау үшін шығаруға тырысамыз. Бізді бес мемлекет қолдаса, жалпы одақ аумағына мұндай көліктер әкелінбейді», – деп уәде берді министрлік өкілі.

Бектібаев утильалымының басты мақсаты – ескі көліктердің елге кіргізуді тоқтату ​​функциясы екенін түсіндірді. Егер ол болмағанда, ЕАЭО-дан...

Отау құрып жатқанын жеті ай бұрын тойлап бастап кеткен Анант Амбани мен Радика Мерчанттың негізгі үйлену тойы өткен жұмада Мумбайда салтанат құрды. 

Жеті ай бойы «тойдың өзі қандай болады» деп күткен көпшілік кешегі салтанатты жиынды «ғасыр тойы» деп атады. Әлемді мойындатқан кәсіпкерлер, әртістер мен жұлдыздар жаһанның түкпір-түкпірінен Мумбайға ағылып, бас-аяғы мыңға жуық қонақ келді. 

Тойға дейінгі салтанаттардан бөлек, той алдында бірқатар дәстүрлі іс-шара атап өтілді. 11 шілдеде «халди» өтті. Дәстүр бойынша халди кешінде үйленгелі жатқан жұпқа жын-періден сақтау үшін куркумадан жасалған паста жағады. Радика Мерчант:«Қуаныш пен аз-маз хаосқа толы кеш болды. Халди – мен үшін бәрінен қымбат кеш», – дед...

Құрылысы 2018 жылы басталған Қарағанды-Балқаш тас жолының алғашқы төрт жолағы ашылды. Бұл туралы Көлік министрлігінің баспасөз қызметі хабарлады.

Ведомствоның мәліметінше, Астана мен Алматы қалаларын қосатын Орталық-Оңтүстік дәлізінің учаскелерінде қозғалыс ашылып, жолды қолданысқа тапсыру жұмыстары жүріп жатыр.

«Бүгін Қарағанды-Балқаш күре жолының алғашқы төрт жолағы ашылды. Қарағанды қаласынан Ақбастау ауылына дейінгі аралықта жаңа асфальт төселіп, төрт жолақты жол толығымен ашылды. Жол қозғалысы қауіпсіздігін қамтамасыз ету үшін тосқауыл қоршауы орнатылды», – деп жазылған министрлік хабарламасында.

Айта кетейік, Қарағанды-Балқаш күре жолының жалпы ұзындығы – 363 шақырым. Күре жол I санатқа ие және төрт жолақтан тұрады. Қайта құру жұмыстары аясында...

АҚШ-та жеке медициналық клиникалар желісі мен ет өнімдерін өндірушілердің IPO-сы, сондай-ақ миллиардер инвестор Билл Экман қорының листингісін өткізу жоспарланып отыр. Үндістанда келісімшарттық фармкомпания биржаға дайындалып жатыр. Бразилиялық майлау материалдарын өндіруші, Филиппиндегі сумен жабдықтау қызметтерін ұсынушы және Таиландтың ірі музыкалық компаниясы да жария компанияға айналуды жоспарлап отыр. Қысқасы, шілде айының ортасына қарай IPO әлемінде не өзгеріс болып өткенін әңгімелейік.

Кімдер биржаға акцияларын орналастырмақ болып жатыр?

— Ardent Health жекеменшік медициналық клиникалары желісінің көздегені – IPO арқылы шамамен 3,15 млрд доллар тарту. Компания 20 доллардан 22 долларға дейінгі бағамен 14,3 млн акциясын сатып, 314,6 млн доллар жинап алмақ. Қағаздарын Нью-Йорк...

Кейінгі 10 жылда БЖЗҚ активтерінің орташа нақты жылдық инвестициялық кірісі небәрі 0,1%-ды құраған. Болашақта қор жыл сайын 2% табыс алуды көздеп отыр. Алайда бұл көрсеткіш Солтүстік Еуропа, Солтүстік Америка және Азия елдеріндегі зейнетақы қорларының қазіргі кірісінен 2,5 есе төмен. Halyk Finance басқарма төрағасының кеңесшісі Мұрат Темірханов БЖЗҚ активтерінің инвестициялық кірісін арттыру үшін басқару саясатына өзгеріс енгізу қажет деп тұжырымдайды.

2014–2023 жылдары БЖЗҚ активтерінің орташа жылдық нақты кірістілігі дамыған елдердегі 4,5%-бен салыстырғанда, 0,1%-ды ғана құрады. Halyk Finance сарапшылары БЖЗҚ кірістілігін арттыру үшін аса консервативті емес инвестициялық стратегияларға көшу қажет деген пікірде. Ол үшін мемлекеттік және квазимемлекеттік сектордың тиімді кірісті қамтамасыз...

Сыбайлас жемқорлыққа қарсы агенттік кәсіпкерден жүйелі түрде 40 млн теңгеден астам пара алды деген айып тағылған ТЖМ-нің Өртке қарсы қызметінің төрағасына, Шымкент қаласы мен Жетісу облысы ТЖД бастықтарына қатысты тергеуді аяқтады. Сонымен қатар «Ертіс Орманына» қатысты заңсыз әрекетердің нәтижелерін жариялады. Білім саласындағы жемқорлық істері де әшкере болды.

Антикор қылмыстық топтар және жүйелі жемқорлықпен күрес туралы шараларының нәтижелерімен бөлісті. Агенттіктің мәліметінше, биыл жемқорлыққа қатысты 49 дерек анықталып, 212 адамның қылмысы әшкереленген.

«Мәселен, Агенттік ҚР ТЖМ Өртке қарсы қызметінің төрағасына, Шымкент қаласы және Жетісу облысы ТЖД бастықтарына қатысты тергеуді аяқтады. Лауазымды тұлғалар жалпы сомасы 40 млн теңгеден астам...

Кувейт мұнай корпорациясының басшысы шейх Наваф Әл-Сауд әл-Сабах үлкен әлеуеті бар, жаңа Нухата мұнай кен орнының ашылғанын жариялады. Бұл туралы Kuwait Times газеті хабарлады.

Басылым мәліметі бойынша, жаңадан табылған мұнай кен орны ел астанасынан 20 шақырым жерде Файлака аралының жанында орналасқан. Мұнда мұнай мен газ қоры шамамен 3,2 миллиард баррельді құрайды. Салыстырмалы түрде үш жыл ішінде Кувейттің барлық кен орнында осынша мөлшерде мұнай өндіреді.

Айта кетейік, кен орнын Kuwait Oil Company ашты. Компания өз мәлімдемесінде мұнайды әзірлеу Кувейттегі көмірсутектер қорын арттыруға, сондай-ақ нарықтағы ұсыныстың тұрақтылығын қамтамасыз етуге және елге ең ірі мұнай өндірушілердің бірі мәртебесін сақтауға мүмкіндік беретінін атап...

«Freedom Insurance СК» АҚ басқарма төрағасының орынбасары Александр Тулешов Қазақстандағы сақтандырушылар өнімді цифрландыру саласында серпіліс жасады деп отыр. Бұл қазақстандықтардың өмірін қауіпсіз етіп, әрі жолдағы тәуекелдерді жабуға көмектесетінін айтады маман.

Сақтандыру брокерінің лицензиясы

Көктемде ҚНРДА сақтандыру делдалдарының жұмысын реттеуді ұсынған. Оған сәйкес делдалдар сақтандыру брокерінің лицензиясын алуы керек. Өйткені заңды түрде сақтандыру брокері шығындарды өңдеу және өтеу бойынша делдалдық қызметпен айналысуға құқылы екен.

«Қазір олар мұны заңсыз істеп жатыр. Олардың табысының деңгейі еш жерде көрсетілмейді, делдал жәбірленушінің сенімхаты негізінде соманы қолма-қол алады, ал салықтар бұл ақшадан ұсталмайды», – дейді Тулешов.

Сонымен қатар...

Демалыс күндері Алматыда осымен екінші рет Toyla music festival өтті. Іс-шараға келген қала тұрғындары мен қонақтары заманауи музыка тыңдап, ырғақты әуенге билеп, шығыс базарын аралады. Kursiv Media тілшісі де көңілді кешке барып, шараның қалай өткенін көріп қайтты.

Ұйымдастырушылар – Mushrooms және Pixy агенттіктері. Ұйымдастырушылардың айтуынша, Toyla music festival – келген әрбір қонақ инклюзивтілікті, адамдардың, ерлер мен әйелдердің, нәсіл мен ұлттардың, барлық жас пен әлеуметтік статустың теңдігіне құрметпен қарай отырып, өмірді тойлайтын алаң.

Шара биыл да түрлі отандық бренд ұсынған жәрмеңке алаңын ұйымдастырып, шығыс базары стилінде өтті. Первомай тоғанында түрлі музыкалық бағыт, елдер мен қалалар, трендтер мен дәстүрлер үйлесім тапты.

Ұйымдастырушылар...

Шымкенттің экс-әкімі Мұрат Әйтеновтің ағасы Марат Әйтенов бұрынғы әйеліне шабуыл жасағаны үшін 5 күнге қамауға алынды.

Астана қаласының әкімшілік құқық бұзушылық жөніндегі мамандандырылған ауданаралық соты Әкімшілік кодекстің 73-бабының 1-бөлігі бойынша Мұрат Әйтеновке қатысты істі қарады.

«Істің мән-жайы бойынша, құқық бұзушы үйдегі отбасылық жанжал кезінде бұрынғы жұбайының абыройы мен қадір-қасиетін қорлап, оның атына дөрекі сөйлеген. Осылайша оған құрмет көрсетпей, басқа адамдардың тыныштығын бұзған», – делінген сот хабарламасында.

Әйтеновтің бұрынғы әйелі Дана Атешованың айтуынша, Әйтенов үйден көшіру кезінде оған шабуыл жасап, денесіне зақым келтірген. Сот құқық бұзушылықтың мән-жайлары әкімшілік құқық бұзушылық туралы хаттамамен, бейнежазбамен, жәбірленушінің түсіндірмелерімен...

ҚР Жоғары аудиторлық палатасы Денсаулық сақтау министрлігіне тексеріс жүргізіп, нәтижесінде дәрілер бағасының орынсыз көтерілгенін, оларға лайықты деңгейде бақылау жүргізілмейтінін анықтаған. Бұл жайлы Жоғары аудиторлық палатаның баспасөз қызметі хабарлады.

Баспасөз қызметінің хабарлауынша, Жоғары аудиторлық палата төрағасы Әлихан Смайылов халықты дәрі-дәрмекпен және медициналық бұйымдармен қамтамасыз ету бөлігінде Денсаулық сақтау министрлігі мен оның ведомстволық бағынысты ұйымдары қызметінің тиімділігіне жүргізілген аудит қорытындысы бойынша отырыс өткізген.

Жүргізілген аудит барысында фармацевтикалық өнім айналымы саласында 36 жүйелік кемшілік анықталған. Атап айтқанда, министрлік бағдарламалар әзірлеу кезінде отандық фармацевтикалық өндірісті дамытуға басымдық бермейтіні, дәрілік заттарды шығару кезінде қазақстандық шикізат іс жүзінде пайдаланылмайтыны белгілі болған. Солайша отандық дәрілік...

Қазақстан даму банкі (ҚДБ) агроөнеркәсіптік кешен мен тағам өнекәсібін дамытуға 500 млрд теңге бөледі. Бұл қаржы 2024-2029 жылдары АӨК , тағам және сусын өндірісі секторындағы инвестициялық жобаларды қолдау бағдарламасы аясында бөлінбек. Бағдарламада АӨК-тегі өңделген өнім үлесін 70%-ға дейін арттыру міндеті қойылған.

Бағдарлама аясында бөлінетін қаржы 500 млрд теңгені құрайды. Фермерлер 5-20 жылға 3 млрд теңгеден бастап қаржы ала алады.

«Бағдарламаның негізгі мақсаты – импортты алмастыру және экспортты кеңейту мақсатында ауыл шаруашылығы өнімдерін қайта өңдеуге бағытталған инвестициялық жобаларды қолдау. Осы бағдарлама аясында екі инвестициялық жоба мақұлданды – бұл ет өндіретін құс фабрикасы және қапталған...

Ресей Орталық Азиядан келген еңбек мигранттары үшін бейімделу курсын әзірледі. 70 минутқа созылатын курста азаматтар РФ еңбек заңнамасы, мінез-құлық ережелерімен танысады. Оның ішінде әйелдер мен ерлерге ысқырмауға және «ағасы» немесе «әпке» деп шақырмау туралы кеңестер ұсынылады.

Ресейдің «Коммерсантъ» басылымының хабарлауынша, шетелдік мигранттарға тарихқа қысқаша экскурсия да жасалады. Онда «КСРО бюджетінен бөлінген қыруар қаржы Орталық Азия республикаларының серпінді дамуына мүмкіндік берді» деген мәліметтер айтылады.  

Орталық Азия аймағынан келген мигранттарды әлеуметтік-мәдени бейімдеу бойынша курсты Ұлттық істер жөніндегі федералдық агенттік әзірлеген. Бүгінде курс Ресейдің төрт аймағында, соның ішінде Мәскеуде де сәтті сынақтан өткен.

«Бүгінде Ресей...