Жаңалықтар

Еуропа құрлығының үздігін анықтау үшін 24 құрама биыл Германия төрінде бір айға жуық футбол «тойында»өнер көрсетті. Бұл дода несімен есте қалды, назарларыңызға Еуро-2024-тің ерекше оқиғалармен бөлісеміз.

Еуро додасында ойнаған ең жас футболшы

Биылғы маусымның басты жаңалығы болған 16 жасар Ламин Ямаль Испания құрамасының көшбасшылардың біріне айналды. Футбол тарихында бірден бірнеше рекордты бұзды.

Айта кететін болсақ. Еуро додасында ойнаған ең жас футболшы, (16 жас 338 күн). Жай ойнап қана қоймай Франциямен жартылай финал ойнында Ямаль гол салған ең жас футболшы атанып, (16 жас 362 күн) бұл көрсеткіш бойынша дәл осы Еурода тағы бір гол салған Түркияның жас футболшысы Арда Гюлерд...

АҚШ президенттігіне кандидат Дональд Трамптың Пенсильваниядағы сайлау алдындағы жиында оған қастандық жасалды. Белгілі болғандай, күдікті сахнаға қарай бірнеше рет оқ атқан.

Жиналғандардың арасында үш адамға оқ тиіп, оның бірі көз жұмды. Қалған екеуі жараланды. Трамп құлағынан жарақат алды. Бірақ оның жағдайы жақсы, деп жазды New York Post.

Оқиға орнынан түсірілген кадрларға қарағанда, Трамп АҚШ-тағы заңсыз мигранттардың саны туралы айтқан кезде көпшілік арасынан белгісіз адам оқ атқан. Болжам бойынша ол бұрынғы президенттен алыс қашықтықта орналасқан ғимаратта тұрған. Оқ Трампқа тигенге дейін күдікті терезеден секіріп, қашып кетпек болған.

Трампты қорғауға жауапты құпия қызмет өкілінің айтуынша, экс-президентке қауіп төніп тұрған жоқ және...

Tesla компаниясының бас директоры Илон Маск қол жетімді электромобиль жасау туралы арманынан бас тартып, робототакси жасауды жөн санайтынын хабарлаған еді. Жаңа көлік тамыз айында көрсетіледі деп жоспарланған болатын. Бірақ оның мерзімі кейінге шегерілді. Бұл жаңалықтан кейін компания акциялары құлдырай бастады.

NASDAQ биржасының мәліметтеріне сәйкес, Tesla акциялары 11 шілдедегі негізгі сауда сессиясының қорытындысы бойынша 8,44%-ға, бір акция үшін 241,03 долларға дейін арзандады. Бұл қаңтар айынан бергі ең үлкен құлдырау болды. 12 шілдедегі премаркетте құлдырау жалғасты. Бағалы қағаздар 1,2%-ға, 238,14 долларға дейін құлдырады.

Bloomberg компаниядағы дереккөздерге сілтеме жасап, 8 тамызға жоспарланған робототаксидің тұсаукесерін қазанға ауыстыратынын хабарлады. Агенттік осы аптада дизайнерлерден...

Қазақстандық нарықта Ресей арағы көбейіп барады. Солтүстiктегі көршiнiң үлесi негiзiнен басқа елдерден жеткiзiлетін арақ санының қысқаруы есебiнен өсіп жатыр. Алайда QazSpirits қауымдастығы РФ брендтерінің отандық өндірушілерге де қысым түсіріп жатқанын айтады.

Көршінің «шөлін» басу

Соңғы бес жылда Қазақстанға жалпы арақ импортындағы Ресейдің үлесі 2019 жылғы 55,2%-дан 2023 жылы 81,1%-ға дейін өсті. Ұлттық статистика бюросының мәліметінше, 2024 жылдың алғашқы төрт айында РФ-дан ҚР-ға 3,4 млн литр арақ әкелінген.

ҚР-да экспорттың өсуі туралы ресейлік өндірушілер де айтып отыр. РФ-дағы Алкогольді ішімдік өндірушілер одағының президенті Игорь Косарев РБК-ға ресейлік араққа АҚШ, Англия, Канада және Еуропада эмбарго қойылуына байланысты бұрын осы нарықтарда жұмыс...

Қазақстандық боксшы Жәнібек Әлімханұлы жаңа зеландиялық спортшы Андрей Михайловичпен болатын жекпе-жек алдында ауруханаға түсіп қалды, деп хабарлайды кәсіби бокс матчтарын ұйымдастырушы Top rank Boxing.

Боксшы қазіргі жағдайы туралы әлеуметтік желіде жазба жариялады.

«Әр қиындық артында жеңілдік бар. Салмақ қуу барысындағы сынақты да бастан өткізіп жатырмыз, ағайын. Уайымдап жатқан жанашыр жанның бәріне көп рақмет. Ауруханадан шықтық. Денсаулық бірінші орында. Біз жауынгерміз ғой. Мұндай сынақтар бізді сындыра алмайды, шыңдайды. Бұйыртса әлі талай әлемге қазақ стилін көрсетіміз. Қолдауларыңызға рақмет», – деп жазды Жәнібек Әлімханұлы.

Айта кетейік Жәнібек Әлімханұлы мен Андрей Михайловичтің жекпе-жегі Лас-Вегасте 14 шілдеге жоспарланған...

2024 жылдың мамыр айында Қазақстан Республикасының Президенті Қасым-Жомарт Тоқаев отандық жолдардың сапасыздығын атап өтті. Осыған байланысты Сыбайлас жемқорлыққа қарсы іс-қимыл агенттігі мен Үкіметке осы саладағы жемқорлық фактілерінің жолын кесу тапсырылды.

Ведомствоның кеңейтілген алқа отырысында Сыбайлас жемқорлыққа қарсы қызметтің басшысы А. Жұмағали жол саласындағы жемқорлық тәуекелдеріне сыртқы талдау басталғанын атап өтті.

Ең алдымен, жұмыстарды жоспарлаудан бастап, оларды қабылдауға дейінгі барлық құрылыс процесі зерделенетін болады. Бұл ретте жемқорлық фактілеріне тексеру жүргізілді.

Агенттіктің қылмыстық-құқықтық тәжірибесі көрсеткендей, ЖСҚ құнын асыра бағалау орын алғанын және сапасыз материалдар, жабдықтар мен технологиялар пайдаланылатынын көрсетеді.

«Жұмысты толық көлемде орындамайтын үлестес және жосықсыз компаниялар тартылған...

Мемлекеттік білім беру грантын беру жөніндегі конкурсқа қатысу үшін құжаттарды қабылдау 2024 жылғы 13-24 шілде аралығында жүзеге асырылады.

Конкурсқа қатысу үшін өтінішті жоғары және жоғары оқу орнынан кейінгі білім беру ұйымдарының қабылдау комиссиялары, сондай-ақ онлайн режимде «Электрондық үкімет» порталы арқылы беруге болады.

78219 грант бөлінді

2023-2024 оқу жылына жоғары білімнің білім беру бағдарламалары бойынша оқу үшін барлығы 78219 грант бөлінді. Оның ішінде Қазақстан Республикасының Үкіметі айқындаған өңірлерге қоныс аударатын ауыл жастары қатарынан Қазақстан Республикасының азаматтарын оқытуға 3903 грант бөлінді.

Сондай-ақ халқы тығыз орналасқан, батыс және жаңадан құрылған өңірлерден жастарды оқыту үшін 5000 нысаналы грант бөлінді. Оның ішінде...

Елдегі 1729 мектеп Илон Масктың Starlink желісі арқылы спутниктік интернетке қосылды. Бұл туралы Цифрлық даму, инновациялар және аэроғарыш өнеркәсібі министрлігі хабарлады.

«Қазіргі таңда Starlink технологиясы бойынша 1729 ауыл мектебі спутниктік интернетке қосылған. Ұлттық қауіпсіздік комитетімен талқылау және келісу шеңберінде төтенше жағдайлар кезінде ТЖМ-ның интернетке қолжетімділігін арттыру үшін пилоттық жобаны (70-ке жуық абоненттік терминал) кеңейту жоспарлануда», – деп жазылған хабарламада.

Маусым айында Цифрлық даму, инновациялар және аэроғарыш өнеркәсібі министрлігі телекоммуникациялар комитетінің төрағасы Ержан Мейрамов осы туралы баяндаған. Оның айтуынша, 2 мың ауыл мектебін Илон Масктың спутниктік интернетіне қосу Қазақстанға 5 млн долларға түседі.

Бір Starlink терминалының құны...

Қазақстандық түлек Ерасыл Уәлиев өзінің TikTok парақшасында ұлттық бірыңғай тестілеуден (ҰБТ) «рекордтық» бір балл жинағанын айтты. Көп уақыт өтпей, Ерасыл желі жұлдызына айналды. Kursiv Media тілшісі Ерасылдың өзіне хабарласып, мән-жайды сұрады. 

Жас түлек 30 маусым күні ҰБТ тапсырып, одан тек бір балл жинаған. Ол бұл туралы өзінің TikTok парақшасында айтты. Дәлел ретінде талапкер ҰБТ нәтижесі жазылған бланктің суретін жариялаған.

Фотодәлелге сенсек, түлек бір балды оқу сауаттылығы бойынша алған. Қалған пәндер бойынша – 0 балл. Оның таңдау пәні – гееография және ағылшын тілі. Жас жігіттің TikTok-тағы видеосы қазірдің өзінде миллионнан аса қаралым мен мыңдаған пікір жинаған.  Желі қолданушыларының кейбірі оны...

Алматы облысы, Балқаш ауданы, Бояулы ауылының сауда орталықтары 5 жылдан бері алкоголь сатпайды. Нәтижесінде «мас күйде» жасалған қылмыс саны жоқ.

Ішімдік сату мен тұтынудан бас тарту идеясын ақсақалдар ұсынып, елдімекеннің барлық тұрғыны бірауыздан қолдаған. Полицейлердің айтуынша, осыдан кейін Бояулы ауылында заңсыз әрекеттер сап тыйылған.

«Бес жыл бұрын ауыл тұрғындары жергілікті атқарушы және құқық қорғау органдарымен бірігіп, спирттік ішімдіктерді сатудан бас тарту туралы бірыңғай шешімге келді. Көп күтпей-ақ нәтижесін бере бастады, бұл қылмыстар мен құқық бұзушылықтардың, сондай-ақ отбасылық қақтығыстардың болмауына әкелді. Осы уақыт ішінде Бояулы ауылында бірде-бір қылмыс тіркелген жоқ. Сонымен қатар учаскелік полиция инспекторының құқық бұзушылықты...

Демалысты пайдалы әрі қызықты өткізу үшін тарих пен мәдениетке арналған Qalam порталында жарияланған материалдар топтамасын ұсынамыз. Осы аптада: адам шифрды қалай және не үшін ойлап тапқан, Британ патшайымынан мұраға қалған бриллианттың қарғысы бар ма, жартасқа салынған асатаяқ петроглифінің мәні қандай деген сұрақтарға жауап алып, жақсы күйеу болудың жолын көрсететін қытай философы Конфуцийдің өмір сүру салтын оқыңыздар.

Адам шифрды қалай және не үшін ойлап тапты?

2008 жылғы 31 қазанда Сатоши Накамото деген лақап аты бар анонимді пайдаланушы бірнеше жүздеген энтузиастар мен криптография мамандарына «Bitcoin: A Peer-to-Peer Electronic Cash System» деген атаумен құжат жіберген сәттен бастап, биткоин әлемді тұтас жаулап алды. Биткоин...

НАТО басшылары 2025 жылдың маусымында Гаагада және 2026 жылы Түркияда кездеседі.

Түркияда 2026 жылы НАТО саммиті өтеді. Вашингтонда болған Солтүстікатлантикалық альянс саммитінің қорытынды декларациясында ұйым жоспары жарияланды. Yeni Safak басылымы осы жөнінде жазды.

Биыл АҚШ-та әскери одақтың 75 жылдығына арналған саммит өтуде. НАТО-дағы екінші үлкен армияға ие Түркия альянстағы ең жоғары лауазымды анықтауға қатысты. Түркия Голландия премьер-министрі Марк Рюттенің Солтүстікатлантикалық альянстың бас хатшылығына кандидатурасын қолдады.

Анкара 10 жыл бойы бас хатшы қызметін атқарған Рюттенің Йенс Столтенбергтің ұстанымын жоғары бағалады. Өйткені кейінгі онжылдықта НАТО одақтастарының ішінде Түркияның терроризмнен ең көп зардап шекті.

Столтенберг Түркияға бағытталған қорғаныс санкцияларына да қарсы шыққанын...

Маңғыстауда жалпы қуаты 40 ГВт болатын күн және жел станцияларын салу жоспарланған. 2023 жылы ауқымды жобаны Svevind Energy Group компаниясы қолға алды. Маңғыстау облысының Қарақия ауданында «жасыл» сутегі өндіретін зауыт салынады.

Еуропалық Кеңес Президенті Шарль Мишельдің былтыр Қазақстанға жасаған сапары барысында инвестициялық келісімге қол қойылған. Соған сәйкес алдын ала жобалау-іздестіру жұмыстары (Pre-FEED) жүргізіле бастады. 2023 жылдың маусым айында Германия Федералды Президенті Франк-Вальтер Штайнмайер бұрғылау жұмысын қосуға арналған шараға қатысты.

Былтыр Svevind Energy Group компаниясының бас директоры Вольфганг Кропп Қазақстан Президентіне жобалық құжаттаманы жасақтау 2026 жылы аяқталатынын айтты.

Жоба аясында су тұшыту зауытын, 40 гигаваттық жел, күн станцияларын, қуаты 20ГВт болатын...

2024 жылдың бірінші жартыжылдығында темекі өнімдеріне акцизден бюджетке 122 миллиард теңгеден астам қаражат түсті. Оның ішінде өндірілген темекі өнімдерінен 78 миллиард теңге, импортталатындардан 44,7 миллиард теңге түсім есептелінді, деп хабарлайды ҚР Қаржы министрлігінің баспасөз қызметі.

Ведомство темекі өнімдерінің өндірісі мен айналымын тұрақты түрде бақылап отырғанын атап өтті. Мәселен, 2024 жылдың 6 айында жалпы құны 5,8 миллиард теңгеден асатын 7 миллион қорап заңсыз темекі өнімдері тәркіленді. Бұл ретте төленбеген акциз сомасы 2 миллиард теңгеден асты.

2024 жылы Қазақстанда 4 миллиард данадан астам темекі өндірілді. Оның  ішінде 2 миллиардтан астам данасы импортталды. Шетелге шығарылған тауарлар қатарында 700 мыңнан астам қыздырылған темек...

Зейнетақы жүйесіне қатысты өзгерістер туралы нақты шешім жыл соңына дейін қабылданады. Бұл жөнінде Ұлттық банк төрағасы Тимур Сүлейменов хабарлады.

Ұлттық банк, Еңбек және әлеуметтік қорғау министрлігі, бұрын Қаржы министрі болған Болат Жәмішев пен аталған банктің экс-төрағасы Григорий Марченко құрамына енген жұмыс тобы бір тұжырымға келмек.

 «Қазақстанның зейнетақы жүйесі жетілдіруді қажет етеді. Бұл туралы Үкіметтің әлеуметтік блогының өзі айтады, сарапшылар да айтады, мұны біз де білеміз. Қазіргі жүйе тұрақты, бірақ алдағы уақытта біраз қадамдар жасамасақ, белгілі бір мәселелер туындауы мүмкін. Қазір үшеуміз – Еңбек және халықты әлеуметтік қорғау министрлігі, Ұлттық банк және бір топ мамандар жұмыс істеп...

2023-2024 оқу жылына ЖОО-да оқу үшін барлығы 78 219 грант бөлінді. Оның ішінде Үкіметі айқындаған өңірлерге қоныс аударатын ауыл жастарына 3903 орын арналады.

Ұлттық тестілеу орталығының ақпараты бойынша мемлекеттік білім беру грантын беру жөніндегі конкурсқа қатысу үшін талапкерлер 13-24 шілде күндері құжат тапсырады.

Конкурсқа қатысу үшін өтінішті жоғары және жоғары оқу орнынан кейінгі білім беру ұйымдарының қабылдау комиссиялары, сондай-ақ онлайн режимде «Электрондық үкімет» порталы арқылы беруге болады.

Сондай-ақ халқы тығыз орналасқан, батыстағы және жаңадан құрылған өңірлерден жастарды оқыту үшін 5000 нысаналы грант бөлінді. Гранттар педагогикалық ғылымдар, математика және статистика, жаратылыстану ғылымдары, ақпараттық-коммуникациялық технологиялар, инженерлік, өңдеу және құрылыс салаларына бағытталды:

Сонау 2005 жылы «Грузия темір жолы» АҚ (ГТЖ) тарапынан басталған сот талқысы барысында «ҚазТрансОйл» ақыры жеңіліске ұшырады. Қазақстандық компания ГТЖ алдындағы 1,43 млрд теңге сомасындағы міндеттемелерін мойындаумен қатар, Грузия елінің қазынасына айыппұлы есептелген 760 млн теңгеге жуық салық төлейтін болды.

«Тығырықтан» басталған талап

ГТЖ мемлекеттік кәсіпорнының Батуми мұнай терминалымен (БМТ) арадағы өзара текетірес-талқысы 2005 жылы, яғни «ҚазТрансОйл» АҚ («ҚазМұнайГаз» ҰК еншілесі) терминалдың 100%-ын толық сатып алғанға дейін үш жыл бұрын басталған-ды. Сотқа жүгінген ГТЖ мемлекеттік кәсіпорны сол кезде БМТ-дан 13,9 млн лари (1,39 млрд теңге) талап етті. ГТЖ есептеуінше, 2003 жылдың мамыры мен 2005 жылдың қарашасы аралығында компанияға тиесіл...

Haly Finance Мәскеу биржасына және оның құрылымдарына, соның ішінде Ресейдің Ұлттық есеп айырысу депозитарийіне қарсы санкцияларға байланысты ресейлік эмитенттердің акцияларын сату бойынша клиенттерге арналған нұсқаулық жариялады.

Ол үшін қазақстандықтар Мәскеу биржасына кіру мүмкіндігі бар брокерден есепшот ашуы керек. Айта кететіні, осы шотқа санкцияға салынбауы керек. Осыдан кейін сіз Halyk Finance компаниясына бағалы қағаздарды есептен шығару туралы бұйрықты ұсыну маңызды. Сондай-ақ, ресейлік брокердің бағалы қағаздарды несиелеуге қарсы тапсырысын беруіңіз керек. Содан кейін оларды Мәскеу биржасында сатуға болады.

«10 тамыздан кейін ресейлік эмитенттердің бағалы қағаздарымен операциялар қолжетімсіз болады», – деп түсіндірді Halyk Finance.

Бір тапсырыс бойынша...

Ұлттық банк басшысы Тимур Сүлейменов KASE мен AIX биржасындағы жеңілдіктерді алып тастап, дивиденд пен бағалы қағаз құнына 5 пайыз салық салуды қолдамайтынын жеткізді.

«АХҚО-ны құру кезінде кейбір[салық] жеңілдіктерін бергендіктен, оларды қайта қараудың қажеті жоқ сияқты. Иә, ол жерде, шынымен, жақсы ақша бар. Егер дивидендке салық салатын болсақ, біз қосымша пайда алар едік. Алайда бұл қор бижасын «сауын сиыр» болсын деп емес, қаржы құралдарын жасап, жаңа инвесторлар тартып, жұмыс орнын ашу үшін құрдық. Бұның бәрі ақырындап жүзеге асып жатыр», — деді Ұлттық банк басшысы.

Тимур Сүлейменов Қазақстанның өзіндік инвестициялық имиджі бар екенін атап өтт...

Антикор Әділет экс-министрі Марат Бекетаев пен Мәдениет және спорт вице-министрі болған Ерлан Қожағапановқа қатысты тергеудің аяқталғанын мәлімдеді. Сондай-ақ сыбайлас жемқорлыққа қатысы 107 басшылық қызметтегі лауазымды тұлғаның қылмыстары әшкереленді. Аталған лауазымды тұлғалардың заңсыз әрекеттерінің нәтижесінде мемлекетке 1 млрд теңгеден астам мөлшерде залал келтірілді.

Сыбайлас жемқорлыққа қарсы қызмет биылғы бірінші жартыжылдықтың нәтижелерін жариялады. Антикор мәліметінше, ағымдағы жылы агенттік 876 қылмыстық құқық бұзушылықты тіркеген. Оның басым бөлігі парақорлықпен, жымқырумен және лауазымдық өкілеттіктерді теріс пайдаланумен байланысты.

«Әкімдіктердің, квазимемлекеттік сектордың және құқық қорғау органдарының қызметкерлері жемқорлыққа барынша бейім. Жемқорлық тәуекелдері жоғары салаларға білім беру, ауыл шаруашылығы, денсаулық сақтау және әлеуметтік...

Солтүстік Каспийге мұнайдың төгілуіне әрекет ететін «Теңіз жасағы» компаниясы құрылады. Ол 100 пайыз мемлекет меншігінде болады. Бұл туралы «Ашық НҚА» порталында жарияланған қаулыда жазылған.

«Жарғылық капиталына мемлекет жүз пайыз қатысатын «Теңіз жасағы» акционерлік қоғамы (бұдан әрі – қоғам) құрылсын», – делінген қаулыда.

«Теңіз жасағы» компаниясының негізгі қызметі:

Осы жылы шетелдік экстремистік топтың үгіт-насихатына ерген Ақтау тұрғыны мемлекеттік мекемелердің бірінде жарылыс ұйымдастыруды көздеген. Бұл жайлы Ұлттық қауыпсіздік комитетінің төрағасы Ермек Сағымбаев отандық басылымға берген сұхбатында айтқан.

Комитет басшысының айтуынша, құзырлы орган екі террорлық әрекеттің алдын алған. Соның бірі – Ақтауда, екіншісі шетелде жасалуы керек болған. Бірақ комитет қызметкерлері дер кезінде қастандықтың алдын алып үлгерген.

«Бірінші террористік акт Ақтауда тоқтатылды. Мұқият жедел зерттеудің нәтижесінде қала тұрғындарының бірі радикалды діни идеологияны ұстанушы ретінде назарға ілінді. Ол бұрын кісі өлтіргені үшін сотталған. Интернеттегі шетелдік содырлардың үгіт-насихатының ықпалымен мемлекеттік органдардың бірінің ғимаратында жарылыс жасамақ болған...

Астана полиция департаменті судьяны ұрлау туралы тергеуді бастады. Бұл туралы елорда полиция департаменті хабарлады. Бұған дейін журналист Михаил Козачков белгісіз адам судья Айдос Ордабаевты ұрлап әкетіп, 300 мың теңгеге несие алуға мәжбүрлеп, сот актісін жоймаса, өлтіремін деп қорқытқаны туралы жазған.

«Астана қаласының полиция департаменті Астана қаласының тұрғынын бопсалау және ұрлау фактісі бойынша сотқа дейінгі тергеу жүргізуде», – делінген полиция хабарламасында. 

Полиция жәбірленушінің аты-жөні мен лауазымы туралы ақпарат берген жоқ.

12 шілдеде журналист Михаил Козачков Facebook парақшасында полиция Астана қаласының азаматтық істер жөніндегі ауданаралық сотының судьясы Айдос Ордабаевты ұрлап әкеткен және одан ақша бопсалаған адамға...

Қазақстан жанамай бағасы арзан елдер қатарында 11-орында тұр. Әр мемлекеттегі бензин бағасын GlobalPetrolPrices.com есептеген.

Бүкіл әлем бойынша жанармайдың орташа бағасы литріне 1,32 (АҚШ доллары) құрайды. Соның ішінде ең арзан жанармай – Иранда. Бұл елде бензин бағасы 0,029 долларды құрайды. Сонымен қатар Ливия мен Венесуэлла елдерінде де жанар-жағармай бағасы төмен.

Ал ең қымбаты Гонконгта (3,2 доллар) сатылады. Исландия, Дания, Монако сынды елдерде де жанармай бағасы жоғары.

Қазақстанда бір литр бензиннің орташа бағасы 0,51 долларды құрайды. Әлем елдері арасында жанармай бағасында айтарлықтай айырмашылық бар. Әдетте бай елдерде баға жоғары болса, кедей елдер мен мұнай өндіріп, экспорттайтын елдерде баға айтарлықтай...