Жаңалықтар

Қосылған құн салығының мөлшерлемесін көтеру кезінде бюджеттік мекеме қызметкерлерінің жалақысы мен зейнетақы, жәрдемақы мөлшері де артады. Бұл туралы Үкіметтің кеңейтілген отырысынан кейінгі баспасөз мәслихатында Ұлттық экономика министрі Серік Жұманғарин айтты.

«Егер реформа қазір талқыланып жатқандай көлемде жүзеге асырылатын болса, әрине, атаулы әлеуметтік көмекті арттырамыз. Оған мұқтаж барлық адамды қамтимыз. Барлық бюджеттік қызметкерлердің жалақысын, зейнетақыларын индексациялаймыз. Негізгі идея – бұл реформаны аз қамтылғандар сезінбейтіндей етіп жасау», – деді Жұманғарин.

Оның айтуынша, индексациялау міндеті реформаларды, әсіресе, шығындарға байланысты өзгерістерді қолға алғанда, әрдайым алға шығатынын айтады. Сондықтан бұл мәселеге Үкімет сақтықпен қарайды.

Ұлттық экономика министрі түрлі есептеулер...

Жанар-жағармай бағасы ақпан айынан бастап қымбаттайды. Бұл туралы Энергетика министрі Алмасадам Сәтқалиев айтты.

Сәтқалиевтің сөзінше, жанар-жағармай бағасын қымбаттату жөніндегі шешім Энергетикалық кеңесте қабылданып қойған.

«Жанар-жағармай бағасын либерализациялау мәселесі тұр. Бағаны өсіру кезең-кезеңімен жүреді. Сұйытылған мұнай газы мен тауарлы газдың бағасын көтеру бойынша арнайы индикаторлар бар. Ең бастысы, Үкімет бағаның нормативтік және әкімшілік бақылау тетіктерін сақтап қалады. Әлеуметтік маңызы бар тауарлардың бағасы бірден көтерілуіне жол берілмейді», – деді министр.

Десе де, жанар-жағармай мен сұйытылған мұнай газының бағасы осы бір-екі күнде, яғни ақпаннан бастап көтеріле бастайды. Ал тауарлы газ бағасы жазда көтеріледі. Сәтқалиевтің айтуынша, сұйытылған...

2025 жылы қазақстандық кино тарихында алғаш рет футболға арналған «90+1» атты фильм көрермендерге жол тартпақ. Бұл туралы Ұлттық киноны қолдау орталығы хабарлады.

Туынды жас футболшының арман жолындағы қиындықтарды жеңу тарихын баяндайды. Басты кейіпкер жас кезінен отбасының тірегіне айналып, өмірдің ауыр сынақтарынан өтеді. Өмірдегі қиын жағдайларға қарамастан, мақсатына жету үшін күреседі.

Фильмнің режиссері – Тимур Дулатов бұған дейін «Бизнес по-казахски» және «Әкім» сияқты жобаларымен елге танымал болды. Ал басты рөлдерді актер Қуаныш Керімқұлов пен Алмат Сақатов, сондай-ақ белгілі блогер Артур Асқарұлы сомдайды.

Фильм Мәдениет және ақпарат министрлігі мен Ұлттық киноны қолдау орталығының қолдауымен түсірілген. Картина тек футбол ойынының қызықты сәттерін...

Екінші АЭС салу үшін референдум өткізудің қажеті жоқ. Энергетика министрі Алмасадам Сәтқалиев Премьер-Министр орынбасары Серік Жұманғарин өткізген баспасөз конференциясында осындай мәлімдеме жасады.

«Референдум өткізудің қажеттілігі жоқ. Заңнамаға сәйкес, бұл станса, Үкіметтің шешімі бойынша салынады», – деді министр.

Сәтқалиевтің пікірінше, екінші АЭС салынатын орынды таңдауда бірнеше фактор ескеріледі. Мәселен, энергия теңгерімінің болжамы, электр қуатын тұтыну орталықтарына жақындығы, электр желілерін даму дәрежесі және тағысын тағылар.

Десе де, ол Курчатов қаласының екінші АЭС салуға қолайлы алаңның бірі екенін атап өтті.

АЭС салуға технология жеткізуші әлі анықталған жоқ. Президент Қасым-Жомарт Тоқаев АЭС құрылысын салуға халықаралық консорциум ат салысуы...

«Хуторский Хасан» лақапатымен белгілі Алматы облысы Талғар ауданының тұрғыны Хасан Қасымбаевқа қатысты бір қылмыстық істі қарау тоқтатылған. Оған қатысты адам денсаулығына ауыр зиян келтірді деген іс қаралып жатқан жоқ. Мұны Алматы облысы полиция департаментінің КursivMedia тілшісіне жолдаған жауабынан білуге болады.

«Сотқа дейінгі тергеу аясында сот Қасымбаевты қамауға алуды ұзарту туралы шешім қабылдады. Оған қатысты іс адам ұрлау фактісі бойынша тергелуде. Қазіргі уақытта барлық қажетті тергеу әрекеттері жүргізілуде», – делінген жауапта.

Еске сала кетейік, 2024 жылдың қараша айында Қасымбаев екі айға қамауға алынып, қазір қамау мерзімі ұзартылған. Қамауға алынған тұста полция оған қатысты екі іс...

Президент Қасым-Жомарт Тоқаев Үкіметтің кеңейтілген отырысында Қазақстанды мазақ қылатын азаматтарға ескерту жасады. Елді мазақ қылатындар тізіміне шоу-бизнес өкілдері, тіпті депутаттарды да қосып қойды.

Тоқаев, ең алдымен, бірінші басшыларға азаматтарды жеке қабылдау керек екенін айтты. Сондай-ақ Қазақстанға мұқият ойластырылған қоғамдық коммуникация стратегиясы қажеттігін атап өтті.  

 «Ақпараттық жұмыс уақтылы әрі сапалы жүргізілген жағдайда көптеген мәселені, соның ішінде қоғамда дүрбелең тудырған түйткілдерді ушықтырмай шешуге болатын еді. Сондықтан мұқият ойластырылған қоғамдық коммуникация стратегиясы қажет. Үкіметтің және әкімдердің қызметі өз халқымызға да, сыртқы әлемге де ашық әрі түсінікті болуы керек. Бірінші басшылар азаматтарды жеке қабылдауға тиіс. Бұл – өте маңызды. Әсіресе, айма...

Премьер-министр Олжас Бектенов мемлекет беретін субсидияның бизнеске айналып кеткеніне наразылық білдірді

«Субсидиялау шығындары барлық салада тоқтаусыз өсіп барады. Оның үстіне олардың нақты әсері есепке алынбайды әрі мемлекеттік органдардың тарапынан бақылау да әлсіз. Субсидия алу кейбір компаниялардың бизнес-моделінің бір бөлігіне айналды», – деді Олжас Бектенов Үкімет отырысында.

Бектеновтің сөзінше, соңғы 3 жылда жалпы сомасы 2,2 трлн теңгеге 770 жобаның сметалық құны қымбаттаған. Ал 18 трлн теңгеден астам сома әлеуметтік салаға бағытталған. Бұл – республикалық және жергілікті бюджет шығыстарының жартысынан көбіне тең.

«Бұл шығындардың тиімділігіне қатысты үлкен сұрақтар бар. 9 орталық және барлы...

2025 жылы «Жайлы мектеп» ұлттық жобасы аяқталады. Бұл туралы Үкіметтің кеңейтілген отырысында президент Қасым-Жомарт Тоқаев айтты.

«Биыл «Жайлы мектеп» ұлттық жобасы аяқталады. Барлық аймақта заман талабына сай тірек мектептер желісі құрылып жатыр. Менің тапсырмаммен үш жыл ішінде тағы 1300 мектеп жаңғыртудан өтеді. Бұдан бөлек, Үкімет заманауи мектептер салуға қолайлы жағдай жасап, орта білім беру саласына жеке инвестиция тартуы қажет», – деді президент.

Айта кетейік, 2024 жылдың қыркүйек айында Жоғары аудиторлық палата «Жайлы мектеп» жобасының кешіктіріліп жатқанын, 2025 жылы берілуі керек болған 152 мектептің іс жүзінде құрылысы әлі басталмағанын хабарлаған болатын. Аудиторлар...

2024 жылы Ұлттық қордан жалпы 6,3 трлн теңге қаржы алынған. Оның 5,6 трлн теңгесі – қордан тікелей алынған трансферттер болса, 467 млрд теңгесіне акциялар сатып алынған. Инфрақұрылымдық жобаларды қаржыландыру үшін 238 млрд теңгеге квазимемлекеттік сектордың облигациялары сатып алынды. Бұл туралы Үкімет отырысында Ұлттық банк төрағасы Тимур Сүлейменов мәлімдеді.

Қазір Ұлттық қор валюталық активтерінің жалпы көлемі 58,8 млрд долларды құраған. Ұлттық банк басшысы Үкіметпен бірлесіп қаражатты Қазақстандағы жобаларға инвестициялаудың оңтайлы тәсілін тапқанын айтты.

Осыдан ондаған жылдар бұрын Ұлттық қордың қаражатына облигациялар ұзақ мерзімге және нарықтық емес мөлшерлемемен сатып алынған. Бұл Ұлттық қордың тікелей және қомақты шығын шегуіне әкеп соқты.

Сүлейменов...

Қасым-Жомарт Тоқаев АЭС құрылысын тездету керек екенін айтып, елде ядролық кластер құру ісін қолға алуды тапсырды. Сондай-ақ тағы бір АЭС салынатын орынды ұсынуды тапсырды.

«Энергетиканы дамыту және ядролық кластер құру. Еліміз өзін өзі электр энергиясымен толық қамтамасыз етіп, 15-20 пайыз шамасында резерв қалыптастыруға тиіс. Бұл – Үкіметтің алдында тұрған міндет. Сондықтан алдағы екі жылда кемінде 3 гигаваттық жаңа қуат көздерін іске қосу қажет. Бұл – алдыңғы жылдардың көрсеткішінен 2,5 еседей артық меже»,- деді Президент.  

Тоқаев көміртегі бейтараптығына қол жеткізу туралы стратегиялық бағдар өзгермейтінін атап өтті. Сондай-ақ қолда бар табиғи байлықтар мен мүмкіндіктерді ұтымды пайдалану қажеттігін...

Осы жылы Қазақстанда алғашқы тақтатас мұнай өндірілуі керек. Бұл туралы Үкіметтің кеңейтілген отырысында премьер-министр Олжас Бектенов мәлімдеді.

«Биыл алғашқы қазақстандық тақтатас мұнайы өндіріледі деп күтілуде. Бұл мұнай мен газ саласына инвестициялар тарту үшін қосымша серпін береді. Шикізат қоры шамамен 19 млрд текше метр газды құрайтын «Батыс Прорва» және «Барханная» кен орындарында газ өндіру басталады», – деді.

Қашаған мен Жаңаөзенде газ өңдеу зауыттарының құрылысы жалғасып жатқанын да атап өтті.

«Қашағандағы екінші газ өңдеу зауыты мен Қарашығанақтағы газ өңдеу зауытының жобалау жұмыстарын бастау үшін инвестициялық шешімдердің қабылдануын күтіп отырмыз» – деп мәлімдеді Бектенов.

Президент Қ.Тоқаев цифрландыру дамыған сайын алаяқтық көбейіп бара жатқанына назар аударып, арандатушылық сипаттағы ақпарат таратқаны үшін жауапкершілікке тартуды заңмен бекіту мәселесін ойластыру керектігін айтты.

Президенттің айтуынша, қоғамдық пікірге теріс ықпал ету, биліктің беделін түсіру және ел ішінде алауыздық тудыру үшін жалған мәлімет таратып, ақпараттық шабуыл жасау әрекеттері белең алып келеді.

«Мұндай әрекеттер азаматтардың қауіпсіздігіне және елдегі тұрақтылыққа үлкен қатер төндіреді. Сондықтан интернет-платформаларда арандатушылық сипаттағы ақпарат таратқаны үшін жауапкершілікке тартуды заңмен бекіту мәселесін ойластыру керек» деді президент үкіметтің кеңейтілген отырысында сөйлеген сөзінде.

Қ.Тоқаев киберқауіпсіздікті күшейту шаралары цифрландыру үдерісіне тосқауыл болмауға тиістігін ескертті.

Сондай-ақ ол қоғамда...

Мойынты – Қызылжар бағытында жаңа теміржол салынбақ. Бұл туралы Қасым-Жомарт Тоқаев Үкіметтің кеңейтілген отырысында мәлімдеді.

Президенттің айтуынша, Қазақстанның географиялық орналасуы оны Еуразия құрлығының транзиттік орталығы ретінде ерекшелейді. Бұл әлеуетті толық пайдалану үшін елдің көлік-логистика инфрақұрылымын заманауи талаптарға сай дамыту маңызды. Осы орайда темір жол мен әуе қатынастары саласындағы ауқымды жобаларды іске асыру қажеттігін баса айтты.

Темір жол саласындағы ірі жобалар

Президенттің айтуынша, Қазақстанның транзиттік мүмкіндіктерін арттыру үшін темір жол дәліздерін кеңейту және жаңғырту маңызды қадам болмақ. Осы мақсатта президент бірнеше тапсырма берді.

Президент Қасым-Жомарт Тоқаев Үкіметтің кеңейтілген отырысында мемлекеттен қаржылай көмек алған екінші деңгейлі банктердегі ақшаны кері қайтаруды Ұлттық банкке тапсырды.

«Бір нәрсені атап өткім келеді: банктер Үкіметтің, соның ішінде халықтың жауы емес. Бірақ диалог негізіндегі әділ серіктестік орнауға тиіс. Кезінде сіздерге көмектестік, енді сіздердің кезектеріңіз келді», – деді президент. 

Тоқаевтың айтуынша, 2017 жылдан бастап 2020 жылға дейін бірнеше банк Ұлттық қор есебінен 15 жылға қаржылай көмек алған. Бұл қаржыға банк акционерлері де жауапты болады деген талап қойылған. Президент бірқатар банктердің шығындарын өтеп алғанын, алайда мемлекетке тиесілі қаржыны қайтармай, тіпті сол ақшаны кепілге беріп, пайда тауып отырғанын айтты. Бұл...

Президент Қасым-Жомарт Тоқаев «Самұрық-Қазына» қорын реформалау керек деп мәлімдеді. Өйткені қорды жетілдіру жұмысы баяу жүріп жатыр Бұл бағытта бірқатар шаруа атқарылғанымен, оны сәтті деп атамады.

Қор жұмысын реформалау мәселесі ақпан айында талқыланбақ.

«Бұл маңызды міндет. Жұмыс жақсы жүріп жатыр деп айту қиын. Қордың қызметін ақпан айында арнайы талқылайтын боламыз», – деді ол.

«Самұрық-Қазына» әл-ауқат қоры 2008 жылы құрылған. Қордың жалғыз акционері – Қазақстан үкіметі. Қазір қор иелігінде мұнай-газ, әуе тасымалы, энергетика және өнеркәсіп саласындағы ірі 26 компанияның үлесі бар.

Олардың қатарында «ҚазМұнайГаз», «Қазатомөнеркәсіп», ҚТЖ, QazaqGaz, Самұрық Энерго», KEGOC, Қазпочта, «Қазақтелеком» мен...

Қасым-Жомарт Тоқаев Маңғыстау облысындағы Бозжыра туристік орнына қатысты пікір білдірді. Президент кез келген бастамаға қарсы шығатын адамдардың жетегінде кетпеу керек деп санайды.

Үкіметтің кеңейтілген отырысында президент туризм саласының тұралап қалғанын, жұмыстардың мардымсыз жүргізіліп, елдің артта қалып бара жатқанына тоқталды.

«Еліміздің әр аймағында көрікті жерлер бар. Шетелден және ел ішінен келген туристер біздің қайталанбас қорықтарымызды аралап көргісі келеді. Бірақ белсенді және ауқымды туризмді дамыту үшін жағдайымыз жеткілікті емес. Сондықтан жеке инвесторларды да тарта отырып, қажетті инфрақұрылым салу жұмысын дереу бастау қажет. Туризм саласының инвестициялық әлеуетін күшейтуге арналған кез келген бастамаға қарсы шығатын адамдардың жетегінде кетпеу...

Үкіметтің кеңейтілген отырысында Қасым-Жомарт Тоқаев ірі кен орындарының өнімін бөлу жөніндегі келісімді ұзарту бойынша тапсырма берді.

«Ірі кен орындарының өнімін бөлу жөніндегі келісімді іске асыру нәтижесінде Қазақстан жаһандық нарыққа қуат көзін сенімді жеткізушіге айналды. Бұл жобалар еліміздің әлеуметтік-экономикалық дамуына айтарлықтай үлес қосады. Сонымен қатар қомақты инвестициялар ұзақмерзімді жоспарлауды талап етеді. Сондықтан Үкімет өнімді бөлу жөніндегі келісімдерді елімізге анағұрлым тиімді әрі жаңа шарттармен ұзарту үшін келіссөздерді жандандыруы қажет», – деді ол жиында.

Тоқаев дәл қазір Үкімет алдындағы басты міндет инвестиция тарту болуы керек екенін атап көрсетті.

«Бұл стратегия еліміздің ұзақ мерзімге...

Қасым-Жомарт Тоқаев көршілес Қытай су үнемдейтін технологияларының тәжірибелерімен бөлісуге дайын екенін, алайда қазақстандық шенеуніктер оған құлық танытпай отырғанын айтты.

Мемлекет басшысы қоғамда ресурстарды үнемдеп пайдалану мәдениетін қалыптастыру маңызды екені талай жылдан бері айтылып келе жатқанын атап өтті. Алайда үндеу тастау жеткіліксіз, сол себепті ресурстарды тұтынудың әлеуметтік нормаларын енгізу қажет екенін айтады.

«Үлгі етуге болатын жақсы мысалдар бар. Мысалы, дәл осындай ұстаным ай сайын суды сегіз пайызға жуық үнемдеуге мүмкіндік берді. Бұл – аса маңызды. Себебі Қазақстанда ғана емес, бүкіл Орталық Азияда су тапшылығы күшейіп тұр. Сондықтан суды үнемдейтін технологияларды пайдалану мәселесі өте өзекті,- деді Тоқаев Үкіметт...

Президент Қасым-Жомарт Тоқаев Үкіметке бюджет қаражатын үнемдеп, тек өзекті мәселелерге жұмсауға тапсырма берді. Бұл туралы Үкіметтің кеңейтілген отырысында айтты.

«Үкімет қаншалықты қиын болса да, жаппай үнемдеуге көшіп, бюджет қаржысын тек қана аса өзекті мәселелерді шешуге жұмсауы керек. Көрпеге қарай көсілетін уақыт келді. Орынсыз шығынды тоқтатып, аяғымызды тартып басу қажет», – деді Тоқаев.

Президент білікті мемлекеттік қызметкерлер ел экономикасын тұралап қалудан сақтауы керек екенін атап өтіп, қазір күрделі кезеңде мемлекеттік аппараттың тиімділігі алғы шарттың бірі екенін алға тартты.

Тоқаев өз сөзінде әлемдегі күрделі саяси ахуалға қарамастан, Қазақстан экономикасы өсіп жатқанын атап өтті. Дегенмен шешімін таппаған түйткілді мәселелерге...

Испандық icij.org сайтының журналистері Қазақстандағы ең бай азаматтардың бірі, экс-президент Нұрсұлтан Назарбаевтың күйеубаласы Тимур Құлыбаевқа тиесілі өте жақсы қорғалған қымбат виллаларды тапқанын жазды. Басылым мәліметінше, аумақтың жеке иелікке өтуі жергілікті тұрғындарды жағажайлардың бірінен айырған.

Иеліктің ауқымы

Виллалар Барселонадан бір жарым сағаттық жолдағы Льорет-де-Мар қаласында орналасқан.

Басылым қаланың солтүстік бөлігінде орналасқан сәулетті виллаларда Құлыбаевтар отбасы шамамен 2010 жылдан бері жаздың бір бөлігін өткізетінін, әдетте Динара Құлыбаеваның туған күнін атап өтуге келетінін жазады. 2024 жылы Құлыбаевтар отбасы екі айдан астам уақыт осы жерде өткізген.

Иеліктің жалпы аумағы шамамен 40 мың шаршы метрді құрайды. Бұл шамамен 80 америкалық футбол алаңыны...

2024 жылы шетелден тартылған инвестиция көлемі 36%-ға төмендеген. Бұл туралы Үкіметтің кеңейтілген отырысында президент Қасым-Жомарт Тоқаев айтты.

Президент Үкіметке инвестиция саласындағы жұмысты күшейтуді тапсырып, инвестиция нарығындағы бәсекелестік қызып тұрған шақта, заман ағымынан қалып қалмауға шақырды.

«Бізге сапалы инвестиция қажет екені анық. Озық технологияға негізделген және сыртқы нарыққа арналған жобаларды әдетте шетел инвесторлары ұсынады. Былтырғы 9 айда елімізге 12,7 миллиард доллар тікелей шетел инвестициясы тартылды. Бұл 2023 жылдың дәл сондай кезеңімен салыстырғанда 36 пайызға кем», – деді президент.

Сонымен бірге инвестиция тарту бойынша Ақтөбе, Алматы, Атырау, Шығыс Қазақстан, Жамбыл, Павлодар, Солтүстік Қазақстан облыстары...

Астанада LRT құрылысы жазда аяқталып, алғашқы пойыздар қыркүйек айында іске қосылады. Бұл туралы Астана қаласының әкімі Жеңіс Қасымбек Үкіметтің кеңейтілген отырысында мәлімдеді.

Әкімнің мәліметінше, LRT құрылысы 2025 жылдың жазында аяқталады. Қыркүйек айында алғашқы пойыздар іске қосылып, сынақтар жүргізіледі. Бұл жобаның іске қосылуы қала тұрғындарының қатынасын жеңілдетуге және көлік жүктемесін азайтуға бағытталған маңызды қадам болмақ.

Президенттің тапсырмасы: жол кептелісі мәселесін шешу

Қасым-Жомарт Тоқаев Үкіметтің кеңейтілген отырысында Астана қаласындағы көлік кептелісі мәселесіне назар аударып, қала әкіміне шұғыл шаралар қабылдауды тапсырды.

Астана қаласының бас жоспарына сәйкес, 2035 жылға қарай қала халқының саны 2,5 миллион адамға жетеді деп болжанып отыр. Осыған...

Қытай жасанды интеллекті дамытуға 1 трлн юань (138 млрд доллар) жұмсамақшы. Бұл туралы Constellation Research компаниясының негізін қалаған Рэй Ванг хабарлаған.

«Қытайдың жасанды интеллекті дамыту бойынша жоспарына сәйкес, алдағы бес жылда AI индустриясын қолдауға 1 триллион юань (138 миллиард доллар) жұмсалады. Бұл Қытайдың жасанды интеллекті дамытуға бағытталған ең маңызды бағдарламасы болуы мүмкін», – деп жазған Ванг.

Бұл қаражат Қытайдың Baidu, ByteDance, Alibaba және DeepSeek сияқты жергілікті технологиялық алпауыттарын қолдауға жұмсалады.

Айта кетейік, жақында АҚШ президенті Дональд Трамп жасанды интеллекті дамытуға арналған StarGate бағдарламасын іске қосып, оған 500 млрд доллар көлемінде қаражат бөлетінін...

Қазір валюта бағамының тұрақтылығын қамтамасыз ету – ең маңызды міндет. Бүгін Үкіметтің кеңейтілген отырысында Тоқаев осылай деп, Ұлттық Банкке арнайы тапсырма берді.

«Жұмыс қалыпты режимде жүргізіліп жатыр, бірақ, әрине, сұрақтар бар. Бірінші кезекте ұлттық валютаның құбылмалылығын көріп отырмыз. Сарапшылар америкалық доллардың нығаюына байланысты теңге курсы қысым жасалады деп күтеді. Валюта тұрақтылығын қамтамасыз ету және жалпы инфляцияны тізгіндеу – қазіргі ең маңызды, тіпті басты жұмыс десек болады. Ол Үкіметпен тығыз байланыста атқарылуы керек», – деді ол.

Бұған дейін Қасым-Жомарт Тоқаев теңге бағамын ұстап тұру үшін резервтерді босқа жұмсауға қарсы екенін мәлімдеген.

Қазіргі ресми статистика бойынша, долларға...