Жаңалықтар

Өткен аптада Қазақстан кинотеатрларында бірнеше жаңа фильм көрермендерге жол тартты. Ticketon мәліметінше, 23 қаңтар күні прокатқа шыққан Рамазан Амантайдың «Мәди in China» фильмі көш бастап тұр.

1. «Мәди in China» — 198 351 647 теңге

Рамазан Амантайдың комедия жанрындағы фильмі соңғы аптада үлкен танымалдыққа ие болды. Оқиға желісі көрермендерді ерекше сюжетімен баурап, фильмнің кассалық табысы 198 миллион теңгеден асты.

Ұлттық университеттің шақыртуымен Қытайдан келген Мәди есімді қандас беделді ғылыми байқауға қатысуға ниеттенеді. Алайда жергілікті студенттер Мәдиге кедергі келтіреді.

Сонымен қатар Мәдиге әкесі жоғалған туысын табуды тапсырады. Іздеу барысында туысының бұрынғы қылмыскер екенін біледі. Мәди өзінің амбициясы мен...

Екінші АЭС Курчатовта салынуы мүмкін. Бұл мәселе Сенаттың Халықаралық қатынастар, қорғаныс және қауіпсіздік комитетінде айтылды.

«Курчатов қаласының ғылыми қалашыққа айналуға бар мүмкіндіктері бар. Қалада ядролық технологиялар паркі жұмыс істейді. Жалпы қаламыз зиялылар қаласы саналады. Қала халқы қаланың ғылыми қалашыққа айналуына асыға күітп жүр. Оның үстіне Курчатов АЭС салу үшін ыңғайлы аймақ ретінде танылып отыр. Президент Қасым-Жомарт Тоқаев та бір емес, бірнеше АЭС болатынын хабарлады. Президенттің бұл шешімін халық оң қарсы алды. Өңір халқы екінші АЭС-тің осы қалада салынуын құптайды», – деді Курчатов қаласының әкімі Болат Әбдіралиев

Еске сала кетсек, 2024 жылдың қараша айында...

Жақын арада Алматы облысында бірінші АЭС салу бойынша қажетті келіссөздер жүргізілмек. Бұл туралы премьер-министр Олжас Бектенов хабарлады.

«Жақын арада Алматы облысында бірінші Атом электр станциясын салу бойынша тиісті келісімдерге қол қоямыз. Сондай-ақ екінші және үшінші Атом электр станциясы құрылысының ықтимал орындарын анықтау үшін өңірлерді талдау жұмыстары аяқталуға жақын», – деді ол

Бұған дейін Энергетика вице-министрі Сұңғат Есімханов Қазақстанда салынатын АЭС-тің вендоры маусым айында анықталуы мүмкін деген. Оның айтуынша, вендор компаниялар келіссөз жүргізіп жатыр.

«АЭС вендорларына қоятын сұрақтардың тізімі анықталды. Қазір олар өз пікірлерін білдіріп жатыр, Бірінші жартыжылдықтың соңында...

Қазақстан экономикасы әлі күнге Ұлттық қордың қаржысына тәуелді болып отыр. Бұл туралы Үкіметтің кеңейтілген отырысында президент Қасым-Жомарт Тоқаев айтты.

Тоқаев премьер-министр Олжас Бектеновтің баяндамасын тыңдап, оны қабылдағанын айтты. Өз сөзінде президент ел экономикасының әлі күнге Ұлттық қордың қаржысына тәуелді болып отырғанын атап өтті. Дегенмен Ұлттық қордың экономиканың ажырамас бөлігі екенін де ескерте кетті.

Ол 2024 жылы Қазақстан экономикасы үшін қиындықтар болғанын ескеріп, жағымсыз факторлардың да ықпалы болғанын қосты.

«Дегенмен біз ахуалды ушықтырмай, бақылауда ұстай алдық. Нәтиже жаман емес деуге болады. Өткен жылды оң көрсеткіштермен аяқтадық. Алайда жайбарақат отыруға болмайды. Шешім табуы қажет түйткілдер әлі де...

Үкімет басшысы Олжас Бектенов Қазақстанда құрастырылатын көлік бөлшектерінің 50%-ы елімізден өндіріледі деген уәде берді. Бұл туралы Үкіметтің кеңейтілген отырысында мәлімдеді.

«Мысалы, автомобиль өндірушілерді локализациялау биыл 30%, ал 2027 жылы 50%-ға дейін арттыру бойынша міндеттемелер белгіленді. Биыл екі автомобиль өндіру зауыты, атап айтқанда Қостанай облысы мен Алматы қаласында жалпы өндірістік қуаты жылына 160 мың автокөлікті құрайтын KIA және мультибрендті зауыттарын іске қосамыз», – деді ол.

Бектеновтің айтуынша, өткен жылы сырттан келетін тракторлар мен комбайндарды субсидиялаудан бас тартқан. Ал бұл Қазақстанда зауыттарын ашқан шетелдік өндірушілер үшін тиімді болды.

«Мәселен, Петропавлдағы неміс концернінің тапсырыс...

2024 жылдың қорытындысы бойынша Қазақстан экономикасының өсімі 4,8%-ды құрады. Үкіметтің кеңейтілген отырсында ҚР Премьер-Министрі Олжас Бектенов осылай мәлімдеді. Бұл үкіметтің 6%-дық межесінен біршама төмен.

«Ауыл шаруашылығында 13,7 пайыз, құрылыста 13,1, саудада 9,1, көлік бойынша 8,5 пайызға дейін өсім болды. Өңдеу өнеркәсібінің көлемі 5,9 пайызға ұлғайды. Аграрлық сектор мен өңдеуші салада соңғы он жыл ішіндегі ең қарқынды өсім тіркелді, – деді Бектенов.

Алайда мұнай өндіру көлемі 2 млн 400 мың тоннаға төмендеп, жалпы ішкі өнімнің өсу қарқынына кері әсерін тигізген. Оған себеп – ОПЕК+шеңберіндегі міндеттемелеріне және былтыр ірі кен орындарының күрделі жөндеуге жабылуы.

Бұған дейін...

АҚШ-та тұрғын үй нарығы дағдарысқа ұшырауы мүмкін. Ал импорттық баж салығы өссе, электроника бағасы қымбаттайды. Темір кені бағасының төмендеуі нарықты қалпына келтіруге кедергі келтіріп отыр. 27 қаңтардағы әлемдік БАҚ шолуына зер салыңыз.

АҚШ нарығында жаңа тұрғын үй көп, бірақ сатып алушы жоқ

Market Watch хабарлауынша, АҚШ-та тұрғын үй бағасы тым аспандап кетті. Тарихи тұрғыдан жоғары деңгейге жетті десе де болады. Бұған дейін клиенттер үшін тұрғын үйлер мұншалықты қолжетімсіз болмаған.

24 қаңтардағы дерекке сәйкес, елдегі ипотеканың орташа пайыздық мөлшерлемесі 7,11%-ды құрады, ал үйдің орташа бағасы – 427 мың доллар.

Santander U.S. бас экономисі Стивен Стэнли сату көлемінің төмендігін...

Электронды шот-фактура алу кезінде биометрикалық сәйкестендіру жүргізу бойынша пилоттық жоба 2025 жылдың соңына дейін созылды. Қаржы министрлігі 2025 жылдың 20 қаңтарында осындай бұйрық шығарды.

«Қазақстан Республикасы аумағында электронды шот-фактура ақпараттық жүйесінде сенімсіз жеткізушілермен өзара есеп-айырысу жүргізілмес үшін салық төлеушілерге көмек мақсатында пилоттық жоба 2023 жылдың 31 наурызы мен 2025 жылдың 31 желтоқсаны аралығына дейін жүзеге асырылады», – деп жазылған құжатта.

Бұл жоба аясында, азамат қаржы ұйымынан электронды құжат алатын кезде бір рет биометрикалық сәйкестендіруден өтеді, одан кейін сол тәулік ішінде шексіз шот-фактура ала берсе болады.

Бірақ биометрикалық сәйкестендіру бір айда тек үш рет...

АҚШ-та қытайлық ByteDance компаниясының TikTok платформасына тыйым салынғаны себепті компания өз үлесін сатуға мәжбүр. Қазіргі таңда бұл платформаны сатып алуға Американың бірнеше алпауыт компаниялары ниет білдіріп отыр. Кеше, 27 қаңтар күні АҚШ президенті Дональд Трамп TikTok әлеуметтік желісін Microsoft компаниясы сатып алу үшін келіссөздер жүргізіп жатқанын хабарлады.

АҚШ президенті Microsoft компаниясының платформаны сатып алуға қызығушылық танытып отырғанын растап, бұл іске Қытайды араластырмайтынын мәлімдеген.

«Не болатынын көрейік. Сауда-саттыққа қатысқысы келетіндер көп болады Қытай араласпайды, біз Қытайдың араласуын қаламаймыз», – деді Трамп.

Айта кетейік, америкалық Perplexity AI стартапы да TikTok әлеуметтік желісін сатып алуға ниетті. 27 қаңтарда AssociatedPress...

Үкімет «KazSat-3» спутнигін ауыстыру үшін ғарыштық байланыс жүйесін құру және пайдалануға беру» бойынша жобалау алдындағы жұмыстар жүргізіп жатыр. Бұл туралы премьер-министр Олжас Бектенов депутаттардың сауалына берген жауабында айтты.

Бектеновтің сөзінше, қазіргі уақытта «KazSat-3R» жобасын жасауда түрлі еуропалық және азиялық ғарыш техникасын өндіруші компаниялардың техникалық-коммерциялық ұсыныстары қаралып жатыр. Олардың негізінде инвестициялық ұсыныс жасалып, экономикалық сараптамадан өтуде.

«KazSat-3»-ті алмастыратын спутиниктің ықтималды құны 87,2 млрд теңгені құрайды. Оның 40,3 млрд теңгесі республикалық бюджет есебінен, 46,9 млрд теңгесі «РҒБО» АҚ меншікті қаражаты есебінен жұмсалмақ.

Үкімет басшысы бұл сома спутниктік байланыс арналары мен теле-радио хабарларын тарату қажеттілігін ескере отырып, жобаның инвестициялық тартымдылығы мен экономикалы...

Интернетте көптен күткен «Чужой: Земля» сериалының жаңа тизері жарық көрді. «Чужой» франшизасының приквелі осы жылдың жазында шығатыны белгілі болды.

Оқиға 2090 жылы Жер планетасында өрбиді. Басты кейіпкер — Венди есімді гибрид-метаадам, онда баланың ақылымен қатар толыққанды ересек адамның денесі бар.

Сериалдың авторы ретінде «Фарго» жобасымен танымал Ноа Хоули жұмыс істеген. Басты рөлдерді Сидни Чандлер, Тимоти Олифант, Алекс Лоутер және Эсси Дэвис сомдайды. Ал негізгі «Чужой» фильмінің авторы Ридли Скотт продюсерлік қызметті атқарды.

Франшизаның соңғы фильмі «Ромул» 2024 жылдың тамызында шыққан болатын. Бұл жоба әлемдік прокатта 350 млн доллар жинап, «Үздік визуалды эффектілер» номинациясы бойынша «Оскарға» ұсынылған еді. Disney мен...

Алматы облысында тұратын Айлин Шәудірбаева президент Қасым-Жомарт Тоқаевтан Денсаулық сақтау министрі Ақмарал Әлназарованы отставкаға жіберуді сұрады.

10 жасар қыздың үндеуін «Письма к президенту» телеграмм-арнасы жария етті. Оның айтуынша, 7 ай бұрын оған тыныс демікпесі диагнозы қойылған. 2024 жылдың желтоқсан айында Педиатрия институтының пульмонологі демікпенің 4-деңгейі деп бекітіп, ремиссияға 3 ай уақыт берген. 

Қыз баланың айтуынша, ремиссия кезеңінде дәрігерлер оған аурудың өзімен күресетін дәрілер емес, демікпе талмасын уақытша тоқтататын дәрілер тағайындаған. Денсаулығы нашарлағаннан кейін, қант деңгейі біресе түсіп, біресе көтеріліп жатқанын, соның салдарынан қол-аяғы, мойны істемей қалатынын айтып, бұл дерттен емделуі қажет екенін атап өткен.

«Бірақ Ақмарал Әлназарова...

АҚШ президенті Дональд Трамп ел әскеріне қатысты жаңа бұйрыққа қол қойды. Оған сәйкес Израильдің зымыранға қарсы қорғаныс жүйесі тәрізді Америкада да «Темір күмбез» орнатылады. Бұл туралы NBC News жазады.

«Біз америкалықтарды қорғайтын зымыранға қарсы қорғаныс қалқаны «Темір күмбездің» құрылысына тез арада кірісуіміз қажет», – деп мәлімдеді Ақ үй жетекшісі.

Трамптың түсіндіруінше, қазір АҚШ-қа тек ядорлық қарудың қаупі төніп тұрған жоқ. «Баллистикалық, қанатты және гипердыбысты зымырандар тарапынан» да қорқыныш бар екенін ескеру керек.

Қауіптің алдын алады деген қорғаныс қалқанының көлемі 3 800 000 шақырым мильге дейін созылады. Ол Израильдегі қорғаныс жүйесінен (8 630 шақырым...

ЕуроОдақ елдері кеңесінің отырысында Сирияға қатысты санкциялардың бір бөлігін біртіндеп жою туралы шешім қабылданды. Бұл елдің жаңа билігіне демократиялы өзгерістер енгізуге берілген карт-бланш болмақ. 

DW басылымының ақпаратына сүйенсек, Еуропалық одақ елдерінің сыртқы істер министрлері Сирияға санкциялық жеңілдіктер беруге келіскен. 27 желтоқсанда осы келісім аясында жол картасына қол қойылды. 

ЕО шектеу шараларын жеңілдету жол картасын іске асыруға дереу кірісуге келісті. Дегенмен Дамаскідегі жаңа билік репрессияны жалғастырса, келісімнің күші жойылады. Бұған қоса, одақтың Сириядағы өкілдігін қайта ашу жақын арада қарастырылатын болады.

Санкция режимін жеңілдете отырып, одақ Сирияның жаңа билігіне демократиялы қоғам құруға мүмкіндік беруді көздейді. Сонымен қатар, одақ елдеріндегі сириялық босқындар...

Беларусь президенті Александр Лукашенконы сайлаудағы жеңісімен Қазақстанның Тұңғыш Президенті Нұрсұлтан Назарбаев құттықтады. Бұл туралы Беларусь президентінің баспасөз қызметі хабарлады.

Хабарламаға сәйкес, Назарбаев Лукашенконы жеңісімен шын жүректен құттықтап, беларусь халқына ізгі тілектерін жеткізді.

«Нұрсұлтан Назарбаев Александр Лукашенконы шын жүректен құттықтап, беларусь халқына да жылы лебізін білдірді. Өз кезегінде Александр Лукашенко Назарбаевқа жылы сөздері мен тілектері үшін ризашылығын білдірді», – делінген хабарламада.

Сонымен қатар баспасөз қызметі әңгіме тек құттықтаумен шектелмегенін мәлімдеді. Екі тарап жақын арада кездесіп, маңызды мәселелерді талқылау туралы келісімге келген.

Бұған дейін Қазақстан Президенті Қасым-Жомарт Тоқаев та Александр Лукашенконы сайлаудағы жеңісімен алғашқылардың бірі болып...

Coca-Cola компаниясы Еуропаның кейбір елдерінде өз өнімдерін кері қайтарып жатқанын мәлімдеді. Себебі сусындардың құрамында хлорат химиялық затының «жоғары мөлшері» анықталған.

Компания Бельгия, Люксембург және Нидерландыдағы дүкен сөрелерінен өз өнімдерін қайтарып алу жұмысын бастап кетті. Ұлыбританияға осы партияның бес түрлі өнімі өткен жылдың соңында жеткізілген, бірақ олардың барлығы сатылып кеткені хабарланды.

Хлорат су мен тамақ өнеркәсібінде хлор негізіндегі дезинфекциялау заттарды пайдалану кезінде пайда болуы мүмкін. Coca-Cola өкілі Би-би-си арнасына берген сұхбатында: «Тәуелсіз сарапшылардың талдауы тұтынушыларға қауіптің өте төмен екенін көрсетті», – деп мәлімдеді.

Компания Ұлыбританияда тұтынушылардан ешқандай шағым түспегенін және бұл мәселеде ел билігімен тығыз ынтымақтастықты жалғастыратынын жеткізді.

Алайда хлоратты...

28 қаңтарда Қазақстанның солтүстік және батыс аймақтарында қар жауады деп күтіледі. Ел бойынша ауа температурасы өзгере қоймайды. Бұл туралы «Қазгидромет» болжамында жазылған.

Синоптиктер болжамына сүйенсек, елдің барлық аумағында тұман түсіп, жел күшейеді. Әсіресе, солтүстік аймақтарда қатты боран соғады. Оңтүстік мен шығыста көктайғақ.

Бүгінгі күнге 14 өңірде дауылды алдын ала ескерту жарияланды. Яғни Атырау, Ұлытау, Батыс Қазақстан, Қарағанды, Ақтөбе, Қызылорда, Солтүстік Қазақстан, Атырау, Қостанай, Түркістан, Павлодар, Маңғыстау, Ақмола және Жамбыл облыстарында автокөлікпен жолға шығу қауіпті болатыны ескертілді.

Астанада қар жауып, боран соғады, желдің жылдамдығы — 9-14 м/с, ауа температурасы күндіз -8 -10 °C, түнде  -8 -10 °C.

Алматыда көшпелі бұлт, жауын-шашынсыз...

АҚШ президенті Дональд Трамп трансгендерлерге әскери қызмет атқаруға тыйым салатын жарлыққа қол қоймақ. Сонымен қатар әскери күштердегі көптүрлілік, теңқұқықтық бағдарламаларын алып тастайды.

The New York Post Ақ үйдің құжаттарына сүйене отырып, Трамптың осындай екі құжатқа қол қоятынын жария етті.

Трамп президент қызметіне кіріскен алғашқы күні Джо Байден әкімшілігінің трансгендерлерге әскерде ашық қызмет етуге рұқсат беретін 2021 жылғы шешімінің күшін жойған. Бірақ Трамп мұнымен шектелмесе керек. Психологиялық және физикалық әзірлігі мәселесіне сүйеніп, мыңдаған трансгендерлерді әскерде қызмет етуге тыйым салып, әскери стандарттарды бекітпек.

«Табандылықтан, күштен және ауыр жүктемеге төтеп беру қабілетінен басқа ымыра болмауы тиіс. Бұл талаптарға...

Алматы әуежайының президенті Гокер Косе әуежайлық қызмет көрсетудің билеттердің құнына қалай әсер ететіні жайында пікір білдірді. Оның пікірінше, әуежайлар авиабилеттерге жоғары баға  қалыптастыруға қатыспайды. Бүкіл әлемде әуежай алымы әуекомпаниялардың шығынының тек қана 4%-ы болады.

«Біздің нарықта Қазақстанның ішкі авиакомпаниялары Азиядағы ең төмен әуежайлық алымдардың бірін пайдаланады. Бұл елдің авиациялық секторы үшін айтарлықтай бәсекелестікті артықшылық болып табылады. Бұдан өзге, олар үшін жергілікті авиациялық отын төмен бағада тікелей қол жетімді», – деді Гокер Косе.

Әуежай президенті «билеттердің жоғары бағасына әуежайлар жауапты» деген пікірді терістеп отыр. Оның сөзіне қарағанда, әуекомпаниялар шығынының басым бөлігі авиациялық отынға жұмсалады. Бүкіл әлемде...

Қаржы нарығын реттеу және дамыту агенттігі 2024 жылы Қазақстандық банктердің барлығының ұйғарымды бұзғанын анықтады. Микроқаржылық ұйымдар тіпті көп бұзған.

Агенттіктің есебінше, бір жылдың ішіндегі ереже бұзушылық дерегінің ұзын-саны – 835. Банктерге соның 91 тиесілі. Пайызға шаққанда –  10,9%. Жыл бойы еліміздегі әр банк кем дегенде бір рет агенттіктің ұйғарымын бұзыпты. Бұл үшін құзырлы орган 8 ереже бұзушылыққа жаза қолданса, 45-іне ескерту жасаумен шектеліп отыр. Банктерге жалпы көлемі 170,8 млн теңге болатын 38 айыппұл салынған.

Қай банк көп айыппұл төледі?

2024 жылы ереже бұзып көп көзге түскен банк Home Credit Bank болып отыр. Төрт ұйғарымды бұзғаны үшін бұл банк...

Ресейдің Сыртқы істер министрлігі Молдова елшісі Лилиан Дарийді шақыртты. Оған Молдова саясаткерлерінің Ресей елшісін елден қуып, ресейлік елшілік қызметіне шектеу туралы мәлімдемесі түрткі болған.

«Молдованың саяси партияларының бірі жақында Кишиневтегі Ресейдің елшісіне қарата негізсіз айып тағып, оны елден қууға және ресейлік елшілік қызметіне шектеу қоюға шақырды. Бұған орай, Молдова дипломатиялық миссиясының басшысына кесімді наразылық білдірілді», – делінген Ресейдің СІМ-нің хабарламасында.  

Мәскеу Молдованың ресми тұлғаларынан жария түрде терістеме беруді талап етіп отыр. Дипломатиялық қарым-қатынас туралы Веналық конвенция міндеттемесін алға тартқан.

«Молдова Республикасының елшісіне молдова тарапының Кишиневтегі Ресей елшілігінің құпия нотасын...

Қазақстаннан ұлттық валютада кез келген соманы шығаруға рұқсат етілген. Алайда Еуразиялық экономикалық одақтан (ЕАЭО) тыс жерге шықсаңыз және қолыңызда 10 000 АҚШ долларына балама сома (теңгеде) болса, оны декларациялау керек. Бұл туралы Кедендік бақылау департаменті Саудалық емес айналым басқармасының бас сарапшысы Қуат Қалдашев «Білген абзал» бағдарламасында айтты.

Яғни, мемлекетке хабарлау керек. ҚР Кеден кодексінің 343-бабында осындай талап бар. Шетелге алып шығатын сома сол күнгі валюта бағамы бойынша есептеледі. Мәселен, 27 қаңтар күнгі доллардың ресми бағамы 517, 84 теңге. Шетелге 5,2 млн теңгеден аса алып бара жатсаңыз, декларация толтырасыз.

Ал ЕЭАО құрамындағы мемлекеттер: Ресей, Қырғызстан, Беларусь пен Арменияға бара...

Қашаған мұнайын тиеген «Taraz» танкері Ақтау портынан Бакуге шықты деп хабарлайды «ҚазМұнайГаз» ҰК баспасөз қызметі.

Әзербайжанға барған қара алтын ары қарай Баку-Тбилиси-Джейхан (БТД) құбыр жүйесі арқылы Жерорта теңізіне дейін жеткізілуі керек. Мұнайдың экспортына «ҚМГ Қашаған Б.В» компаниясы жауапты.

«Бұл қадам Транскаспий халықаралық көлік бағытын одан әрі дамытуға ықпал етеді», – деп жазады компанияның баспасөз қызметі.

2022 жылы «ҚазМұнайГаз» ҰК АҚ мен Әзірбайжанның SOCAR компаниясы арасында қазақстандық мұнай тасымалы туралы келісімге қол қойылған.

Ал 2024 жылы «ҚазМұнайГаз» бен SOCAR арасында мұнай транзитін кезең-кезеңмен ұлғайту туралы келісім жасалды. Жаңа құжатқа сәйкес, Әзірбайжан арқылы тасымалданатын мұнай көлемін...

Еуроодақ шекарасында, атап айтқанда, Беларусьтің Польшамен шекарасында қазақстандық кеніш – Теңізден шыққан сұйытылған көміртекті газ тиелген вагондар жиналып қалған.

Өйткені Польша кедені мұның қазақстандық газ екеніне күмән келтірген. Олардың пікірінше, қазақстандық газ деген сылтаумен ресейлік газ Еуропаға сатылуы ықтимал.

Польша кедені құжаттарды жіті тексеріп жатыр

«Нефть и капитал» басылымының жазуынша, Еуроодақ кеденшілері Қазақстаннан Еуропаға тасымалданып жатқан цистерналарды тоқтатқан. «Брест-Центральный», «Брест-Восточный» және «Барановичи-Центральный» атты шекара бекеттерінде Қазақстаннан келген жүздеген цистерналар кептеліп тұр.

«Бұл мұнай газын «Теңізшевройл» шығарады, бірақ ЕО оны кіргізбейді. Себебі польшалық кеденшілер газдың шынымен қазақстаннан шыққанына көз жеткізу үшін құжаттарын жіт...