Жаңалықтар

Алматы қалалық мәслихатының экс-депутаты Қайрат Құдайберген Қаңтар оқиғасы кезіндегі іске байланысты кінәлі деп табылып, 8 жылға сотталды.

Алматы қалалық мамандандырылған ауданаралық қылмыстық соты істі 2023 жылдың қыркүйегінен бері қарап келген. Экс-депутат Махатов қылмыстық тобына қатысы бар әрі Қаңтар оқиғасы кезінде бүлікке қатысы болды деп айыпталған. 

Қайрат Құдайбергеннен бөлек, сот 40 адамға үкім шығарды. Бұл іске қатысы бар деген күдіктілер қатарында «Дикий Арман» атымен белгілі Арман Жұмагелдиев және Ұлттық қауіпсіздік комитетінің бесінші департаментінің экс-бастығы Руслан Ысқақов бар.

Негізгі күдіктілерден бөлек қылмысқа қатысы бар өзге азаматтар амнистияға тап болған. Себебі олар 1-2 жылға сотталып, тергеу мен сот ісі қаралған уақытта бұл...

2025 жылы 20 қаңтарда жаңадан сайланған Америка құрама штаттарының президенті Дональд Трамп өзінің алғашқы жарлықтарының бірінде шетелдерге даму мақсатында көрсетілетін қаржылай көмекті 90 күнге тоқтату туралы шешім қабылдады.

Бұл қадам жаңа әкімшіліктің сыртқы саяси басымдықтарын қайта қарау мақсатында жасалды.

Жарлықтың негізгі талаптары

Трамп қол қойған құжатта АҚШ-тың Мемлекеттік департаменті мен USAID секілді агенттіктерге, сондай-ақ халықаралық ұйымдарға бөлінетін барлық қаржылай көмекті тоқтату міндеттелді. Құжатта бұл көмекті үш ай ішінде қайта тексеру қажеттілігі көрсетілген.

Барлық бағдарлама АҚШ-тың сыртқы саясатына сәйкестігі мен тиімділігі тұрғысынан бағаланады.

Бұл тексерудің нәтижесінде бағдарламаларды жалғастыру, жаңарту немесе тоқтату туралы шешім қабылданады.

Жарлықта мынандай негізг...

Уолл-стрит Дональд Трамптың иммигранттармен күрес және импорттық тарифтерді көтеру жоспарын толығымен жүзеге асыратынына сенбейді. Қытай жергілікті қор нарығын ынталандыратын жаңа шараларды жариялады. Өткен демалыс күндеріне арналған әлемдік БАҚ шолуына зер салыңыз.

«Таңдаулы жетілік» төртінші тоқсандағы табысын жариялайды

Осы аптада «Таңдаулы жетілікке» кіретін төрт компания төртінші тоқсан бойынша есеп береді. Олар: Meta, Microsoft, Tesla және Apple. Бұл есептер нарық үшін өте маңызды. Себебі инвесторлар мен сарапшылар жасанды интеллектіге салынған инвестициялар қаншалықты жылдам пайда әкелетініне көз жеткізіп, толғандырған көп сұраққа жауап іздеуі керек. Сонымен қатар бұл есептер Дональд Трамптың Stargate инфрақұрылымдық жобасын жүзеге асыруға әсер етуі мүмкін.

FactSet деректеріне...

Қазақстанда соңғы үш жылда денсаулық сақтауға жұмсалатын қаражат 2,8 есе артқан. Бірақ шығыс артқанымен, емдеу сапасына еш әсер етпеген. Бұл туралы парламентте өткен Үкімет сағатында Мәжіліс вице-спикері Дания Еспаева айтты.

«Өкінішке орай, денсаулық сақтауға шығыстардың айтарлықтай ұлғайғанына қарамастан, азаматтардың медициналық қызметтердің көрсетілуіне қанағаттану деңгейі төмендеп барады. Мәселен, соңғы 3 жылдың өзінде денсаулық сақтауға шығыстар 2,8 есе артты, ал халықтың қызметтердің сапасына қанағаттану деңгейі 47 пайызға дейін төмендеген», – деді вице-спикер.

Еспаеваның айтуынша, диагностикалық қызметтер тұрақты өсіп жатыр. Мысалы, консультациялық – диагностикалық қызметтер саны, компьютерлік және магниттік-резонанстық томография қызметтерінің саны 7 есе өскен...

АҚШ-тағы Қазақстан елшілігі Америка Құрама Штаттарында көші-қон саясатының қатаңдауы мен ел шекарасын қорғау және заңсыз миграцияны азайтуға бағытталған шараларға байланысты мәлімдеме жасады.

Елшілік AҚШ аумағында жүрген қазақстандықтарға америкалық билік талаптарын қатаң сақтауға шақырды.

«Құрметті Америка Құрама Штаттарындағы Қазақстан Республикасының азаматтары!

Қабылданып жатқан шаралар елге заңсыз кірген шетел азаматтарына (қолданыстағы виза немесе грин-картасы жоқ тұлғалар) және АҚШ аумағында заңсыз жүрген мигранттарға қатысты.

Бұл шаралар аясында қамауға алу, елден шығару, елге қайта кіруге тыйым салу, сондай-ақ әлеуметтік жәрдемақылар мен жұмысқа рұқсат құжаттарын тоқтату секілді санкциялар салынады.», – делінген хабарламада.

AҚШ билігі заңсыз жүрген (виза немесе...

Ливан мен Израиль арасындағы атысты тоқтату келісімі 18 ақпанға дейін ұзартылды. Осы келісім аясында Ливан, Израиль және АҚШ үкіметі бірігіп, 2023 жылдың 7 қазанынан кейін тұтқынға алынған ливандық тұтқындарды қайтару туралы келіссөз жүргізеді.

Екі тарап 2024 жылдың 27 қарашасында атысты тоқтату туралы келісімге келген. 60 күнге созылған келісім аясында Израиль үкіметі өз әскерилерін Ливанның оңтүстігінен шығаруы қажет болған. Ең соңғы мерзім 2025 жылдың 27 қаңтары деп бекітілген. Алайда Израиль премьер-министрі Биньямин Нетаньяху Ливан тарапының келісімнің шарттарын сақтамағанын алға тартып, өз әскерін осы міндеттемелер орындалған соң ғана шығаратынын мәлімдеген.

Бұл келісім аясында Біріккен Ұлттар Ұйымының Ливандағы уақытша күштерінің қолдау...

Биліктен шеттетіліп, қамауға алынған Оңтүстік Корея президенті Юн Сок Ёльге елде әскери жағдай енгізу арқылы «бүлік» шығарды» деген айып тағылып отыр. Бұл туралы елдегі Yonhap агенттігі жазды.

26 қаңтар күні прокурорлар президентке ресми айып тағып, сот отырысы басталғанға дейін 6 ай бойы қамауда қалдыру туралы шешім шығарған.

«Президент елдің бұрынғы қорғаныс министрі Ким Ён Хён және басқа азаматтармен 2024 жылдың 3 желтоқсанында қарулы қақтығыс белгілері болмаса да, елде заңсыз әскериі режим енгізу арқылы бүлік шығарды», – деп айыптады прокурорлар.

Юн Сок Ёл «әскери режимге қарсы дауыс береді» деген күдікпен әскер жіберген. Сондай-ақ, оппозицияның негізг...

Беларусь Республикасының Орталық сайлау комиссиясының алдын ала мәліметтеріне сәйкес, Александр Лукашенко кезекті президенттік сайлауда 86,82% дауыс жинады. Бұл туралы ОСК төрағасы Игорь Карпенко мәлімдеді.

Сайлауда Лукашенконың өзге қарсыластарының арасында ең көп дауыс жинаған Сергей Сыранков небәрі 3,21% дауыс жинаса, басқа үміткерлердің көрсеткіштері 1,74%-дан 3,21%-ға дейінгі аралықта болды. Жалпы сайлауға қатысу белсенділігі 85,7% құрады.

Мерзімінен бұрын дауыс беру 21-25 қаңтар аралығында өтті, бұл кезеңде сайлаушылар тізіміне енген азаматтардың 41,81%-ы өз дауыстарын берді.

Беларусь президенті сайлауының соңғы қорытынды нәтижелері 3 ақпанда жарияланады.

Еске сала кетейік, бұған дейін Шығыс Еуропаны зерттеу орталығының сарапшысы Роза Тұрарбекова Беларусьтің Ресейге тым тәуелділігі оның егемендігін жоғалтып...

Қазақстанның басым бөлігінде қалың тұман түсіп, автожолдарда жүру қиындайды. Оңтүстік пен шығыста жел күшейіп, қарлы боран болады. Бұл туралы «Қазгидромет» агенттігінің болжамында жазылған.

27 қаңтарда елдің басым бөлігінде жауын-шашынсыз ауа райы сақталады. Батыстан келетін антициклонның әсерінен елдегі аяз әлі де сақталады.

Синоптиктер болжауынша, елдің батысында, солтүстік-батысында және оңтүстігінде тұман тұрады. Орталық Қазақстанда, оңтүстікте, оңтүстік-шығыста және шығыста жел күшейіп, қарлы боран соғады.

Автожолдармен жүру тұманның әсерінен әлі де қауіпті.  Әсіресе Алматы облысының таулы аудандарында абай болу қажет. Себебі күндізгі ауа райының сәл жылып, кешке қатты суық болғанының әсерінен жол көктайғақ болады.

Астанада көшпелі бұлт, жауын-шашынсыз, түнде температура –16 -18 °C, күндіз...

Ресей мен Қытайдың жаһандық белгісіздік жағдайында экономикалық қауіпсіздікті қамтамасыз етуге деген ұмтылысы Қазақстан үшін маңызды энергетикалық жобалардың іске қосылуын жеделдетуі мүмкін.

2025 жылға арналған болжамдарда ең көп көздесетін сөз – белгісіздік. Оны қаңтар айында жарияланған Дүниежүзілік экономикалық форумның «Жаһандық тәуекелдер – 2025» атты есебінен де жиі кездестіруге болады. Сондай-ақ бұл сөз БҰҰ-ның Сауда және даму жөніндегі конференциясының (ЮНКТАД) дүниежүзілік саудаға арналған желтоқсандағы есебінде және Қоғамдық экономикалық мәселелер департаментінің 2025 жылға арналған «Дүниежүзіндегі экономикалық жағдай және болжамдар» есебінде де маңызды орын алған.

Жаһандық ойыншылар әлемді ықпал ету аймақтарына бөліп, белгісіздікті азайтуға тырысып жатыр. АҚШ-та Монро доктринасы еске алынса, Ресейде «Еуразиялық қауіпсіздік...

2025 жылы 3000 әскери міндетті әскери жиынға шақырылады. «2025 жылы әскери міндеттілерді әскери жиындарға шақыру туралы» Қорғаныс министірінің бұйрығының жобасы «Ашық НҚА» порталында жарияланды.   

Әскери жиындардың негізгі мақсаты – бейбіт уақытта қысқартылған құрамда ұсталатын әскери бөлімдердің жауынгерлік және жұмылдыру әзірлігін арттыру. Соғыс уақытында жасақтау аудандарында жұмылдыру және жасақтау кезінде Қазақстан Республикасының Қарулы Күштерін, басқа да әскерлері мен әскери құралымдарын өрістетуге қажетті әскери оқытылған ресурсты даярлау және запаста жинау.

Бұл жиындар 2007 жылдан бастап жыл сайын 30 күндік мерзіммен өткізіледі.

Әскери жиындар кезінде әскери міндеттілердің жұмыс орны және атқаратын лауазымы сақталады. Оларға мемлекет есебінен орташа жалақы, ал жұмыс істемейтін...

Қаржылай қор дегеніміз не? «Айлықтан міндетті түрде ақша алып қойып, қор жинау керек» деген кеңесті жиі естиміз. Әлдене бола қалса бір жыртықты жамау үшін қажет болады. Ақшалай қор керек дейтін себебі сол. Жинақтың басқа түрлерінен айырмашылығы — ол қол астында тұрады. Яғни керек бола қалса алу оңай. Қорды қалай жинауға болады? Егер қанша тырыссаңыз да жинай алмай жүрсеңіз, назарыңызға бірнеше тың тәсіл ұсынамыз.

Қаржылай қор не үшін керек?

Қаржылай қор деп форс-мажорға арналған ақшаны айтамыз. Әдетте қорда міндетті төлем, яки кредит, пәтерақы сияқты шығындарды 6 ай қамсыз өтеуге мүмкіндік беретіндей сома жатуы керек деп жатады. Ең кемінде...

«Ашық НҚА» порталында «Астана қаласында үй жануарларын ұстау және серуендету қағидаларын бекіту туралы» Астана қаласы мәслихатының шешім жобасы жарияланды.

Құжат үй жануарларын ұстау және серуендетудің үлгілік қағидаларымен сәйкестендіру мақсатында әзірленді. Үлгілік қағидаЭкология, геология және табиғи ресурстар министрінің 2022 жылғы 20 мамырдағы № 168 бұйрығымен бекітіліп, 2023 жылғы 19 қыркүйекте өзгерістер енгізілген болатын.

Құжатта жануардан бас тарту басқа адамның үй жануарларын сатып алғанға дейін иесінің міндеттерін тоқтатуға әкелмейтіні туралы айтылады. Тұмылдырық итке тасымалдау кезінде, адамдар бар жерде, сондай-ақ жергілікті атқарушы органдар мен ұйымдар белгілеген жерлерде киіледі, ал кейбір жағдайларда қарғыбаудың ұзындығы бір жарым метрден аспауы керек.

Сондай-ақ елдімекендерде иттерд...

Хайнань – әдемі жағажайлар және сауықтыру мүмкіндіктерімен туристерді тартатын тропикалық арал. Визасыз режим оны қысқы демалыс үшін танымал орынға айналдырды. Алайда туристер жергілікті қызметтің ерекшеліктерін, тілдік кедергіні ескеруі керек. Саяхатты жақсы өткізуге көмектесу үшін қыста Хайнаньда демалудың барлық артықшылығы мен кемшіліктерін айтатын боламыз.

Хайнаньдағы демалыстың артықшылықтарына тоқталсақ

Хайнань Гавайимен бірдей ендікте орналасқандықтан, бұл жердегі климат та жұмсақ тропикалық. Қыста ауа температурасының +22°C-дан төмендеуі сирек кездеседі. Ал жазда ол +30°C шамасында болады.

Екінші, теңізі бен жағажайлар тазалығын айтса болады. Хайнань жағалауындағы Сянхай (Оңтүстік Қытай теңізі) таза суымен және ақ құмды жағажайлармен таңғалдырады. Санья, Ялунвань курорттары (көбінесе Ялунбей шығанағы деп аталады...

«Қазақстан Темір Жолы» пойызында Eutelsat-OneWeb спутниктік интернет іске қосылды. Жолаушыларға интернетке қосылу мүмкіндігін ұсынған «Астана – Алматы» бағытындағы пойыз жолға шыққан. Бұл пилоттық жоба аясында 500 жолаушы интернетке қосыла алады деп хабарлады ҚТЖ баспасөз қызметі.

Сапар 17 сағатқа созылады. Жолаушылар жаңа қызмет арқылы WhatsApp-та бейнеқоңырау жасап, YouTube-тан бейнероликтер көріп және басқа да танымал интернет-сервистерді пайдаланды.

Дегенмен ағынды жүктеу сайттарына кіруге шектеу қойылған.

Пойыздағы ғаламтор заманауи спутниктік технологиялар арқылы іске қосылған. Локомотивке орнатылған спутниктік құрылғы бір пойыз қүрамында тұрақты және жоғары жылдамдықты интернетті қолдануды қамтамасыз етеді.

«Пойыздарда интернет қосу – жолаушылар тасымалын дамыту жолындағы маңызды қадам.Бұл...

Алматыда юниорлар арасындағы шахматтан Қазақстан чемпионаты аяқталды. Оған 950-ге жуық ойыншы қатысты деп хабарлайды Қазақстан шахмат федерациясы.

15-25 қаңтарда өткен 2025 жылғы Қазақстан чемпионатына 6-18 жас аралығындағы спортшылар қатысты. 17 облыс пен республикалық маңызы бар 3 қаладан келген 950-ге жуық қатысушы уақыт бақылаудың барлық нұсқасы – стандартты (классикалық), жылдам (рапид) және шапшаң (блиц) шахматтан жүлде алу үшін бақ сынасты.

Осыдан бір жыл бұрын O10 жас тобында Әлімжан Жауынбай ғана үш жарыста да жеңімпаз атанған болатын. Бұл жолы бірден төрт чемпион уақыт бақылаудың барлық үш нұсқасында да алтын медаль жеңіп алды. Макар Чернышов (O6), Данис Қуандықұлы (O12), Жансая Шолпанбек (G12) және...

Қазір экономикалық ахуал тұрақсыз. Сондықтан инвестиция салғанда жеті рет өлшеп, бір кеспесе болмайды. Қолда бар ақшаны 2025 жылы қайда салған жөн? Қазақстандықтар нені ескеруі керек? Қандай инвестиция құралдары сенімді? Бүгінгі материалымызда осы тақырыпты қозғаймыз.

Елдегі экономикалық жағдай қалай болып жатыр?

Ең алдымен осы сұраққа жауап іздеуіміз қажет. Өйткені қолда тұрған қаражатты қалай болса солай жұмсай алмаймыз. Алдымен айналаға қарап, не болып жатқанынан хабардар болып алу керек. Ұлттық банк биыл базалық мөлшерлемені 15, 25 пайыз деңгейінде болады деп бекітті. Проинфляциялық қатер бар. Өйткені сырттан Ресейдегі жоғары инфляция әсер етсе, іштен баға белгілеу, теңгенің әлсіреуі, тұтынушылық кредиттердің өскені сынды факторлар әсер...

Беларусь президентін сайлау басталды. Дауыс берудің негізгі күнінде 5,3 мыңнан астам сайлау учаскесі жұмысқа кірісті. Қазіргі президент Александр Лукашенкоға қарсылас болып төрт адам сайлауға түсті. Бұл туралы ТАСС хабарлады.

Беларусь Орталық сайлау комиссиясы 6,9 млн – ға жуық сайлаушылары 5 325 сайлау учаскесінде дауыс бере алатынын, оның 207-сі ауруханаларда, санаторийлерде, демалыс үйлерінде және басқа да уақытша орналасқан жерлерде, ал тағы 12-сі әскери бөлімдерде ұйымдастырылғанын нақтылады.

«Дауыс беру сағат 20: 00-де аяқталады. Егер дауыс беруге дауыс беру тізіміне енгізілген сайлаушылардың жартысынан көбі қатысса, сайлау өтті деп есептеледі. ОСК мәліметтері бойынша, 21-25 қаңтарда өткен мерзімінен бұрын дауыс...

Әлем көшбасшылары мінетін автолар тек қана көлік емес, олар ұлттық мақтаныштың, технологиялық жетістіктердің және бірінші тұлғалардың қауіпсіздігін қамтамасыз етудің символы болып есептеледі. Дональд Трамп, Владимир Путин, Си Цзиньпин, Қасым-Жомарт Тоқаев, Шавкат Мирзиеев және Эммануэль Макрон, Ким Чен Ын. Әлем көшбасшыларының таңдауы мен саяси аренадағы автосимволика туралы толығырақ Kursiv.media тілшісінің талдауында. 

Дональд Трамп және оның таңдауы – «Құбыжық»

АҚШ-тың жуырда қайта сайланған президенті Дональд Трамп (2017–2021 жылдары) «The Beast» («Құбыжық») деп аталатын брондалған лимузинмен жүргенді ұнататын. Бұл көлік арнайы президент үшін жасалған Cadillac үлгісінің модификациясы. Бұл жолы да Трамп осы көлікті таңдады. 20 қаңтарда екінші мерзімге АҚШ президент...

Петропавл қаласындағы  Ж.Қизатов көшесінде ағаш материалдарын сататын кәсіпорын аумағында өрт шықты. Тілсіз жау екі жүк көлігі тұрған гаражда тұтанған.

ТЖМ қызметкерлері кәсіпорын аумағындағы өртті оқшаулады.

«252 шаршы метр алаңдағы өрт оқшауланды. Зардап шеккендер туралы ақпарат түскен жоқ», – деп хабарлайды ТЖМ баспасөз қызметі. .

Кәсіпорындағы материалдардың тез жанатыны да өртті ауыздықтауда қиындық тудырды. Алайда өрт сөндірушілердің шапшаң қимылының арқасында тез сөндірілді.

Тап кешегі күні Жезқазған қаласында орналасқан мұнай базаларының бірінің аумағында арнайы мақсаттағы 3 автокөлік өртенген.

Өрт сөндіру бөлімшелері келгенге дейін газ-ауа қаспасы жарылып, ангар қабырғалары қираған.

«Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімді ратификациялау туралы» Қазақстан Республикасы Заңының жобасы туралы» Қазақстан Республикасы Үкіметі қаулысының жобасы жарияланды.

Қаулы жобасына сай, халықаралық қайта құру және даму банкі қаржы министрлігіне 13 млрд 83 млн 100 мың жапон йені сомасында қарыз береді. Борыш 2028 жылғы 15 сәуірге дейінгі жеңілдікті кезеңді қоса алғанда, 12 жыл өтеу мерзімімен беріледі.

«Сыйақы мөлшерлемесі TONA+ айнымалы спред, біржолғы комиссия қарыз сомасының 0,25 %-ын, резервке қойғаны үшін комиссия қарыз қаражатының игерілмеген қалдығына жылдық 0,25 %-ды құрайды. Алынатын қаражат Қазақстанның инклюзивті экономикасы үшін жеделдетілген цифрландыру жобасын...

Журналист Дана Орманбаеваға ұлтаралық араздықты қоздыру ісі бойынша іздеу жарияланды. Ақпаратты Алматы қаласы полиция департаменті растады.

«Бұрын хабарланғандай, Алматы қалалық ПД тергеу басқармасы ұлтаралық араздықты қоздыру дерегі бойынша қылмыстық істі тергеп жатыр.
Сот «қамауға алу» түріндегі бұлтартпау шарасын сырттай санкциялады.
Сонымен қатар күдіктіге халықаралық іздеу жарияланды», – делінген департамент жауабында.

Журналист аталған ақпаратқа байланысты желідегі парақшасында пікір білдіріп, өзіне тағылған айыпты «адал атын кірлетіп, беделінен айыруды көздегендердің әрекеті» деп бағалады.

«Айтарым біреу және ең маңыздысы: мен – ұлтаралық араздықты қоздырушы емеспін.
Мұны менің барлық орыс достарым, серіктестерім мен пікірлестерім жақсы біледі.
Көп жылдар бойы...

Инвестиция әлеміне енді қадам басқан кезде сананы тұман басқандай белгісіздік билеуі мүмкін. Бұдан қорқудың қажеті жоқ. Өйткені бастапқыда компанияға қалай баға беру керегін, талдаудың егжей-тегжейін түсіне бермейсіз. Десе де, негізгі терминдерді ұғып алып, оны күнделікті қолданысқа енгізген кезде пазл құрала бастайды. Олай болса, жас инвесторларға компанияның тұрақты дамып келе жатқанын көрсететін белгілерін атап көрсетейік.

Компанияға жалпы талдау қалай жасалады?

Бірінші кезекте компания туралы ашық дереккөздерде бар ақпаратты шолып шығыңыз. Оның ішінде ол компанияның немен айналысатыны, өндіріс көлемі, даму стратегиясы қандай екенін, рейтиң агенттіктері қандай баға беретінін, әлдебір санкциялар салынбаған ба — осыны қарап алуыңыз керек. Мұндай...

АҚШ-тың жаңа мемлекеттік хатшысы Марко Рубио Мемлекеттік департаментке өзге мемлекеттерге, оның ішінде Украинаға қаржылық көмекті толық тоқтата тұруды тапсырды деп жазады Financial Times.

FT мәліметінше, барлық жоспарланған төлемдер 85 күн ішінде мұқият тексерілетін болады. Мақсат – олардың жаңа әкімшіліктің саясатына сәйкестігін талдау. Алайда Израиль мен Египетке әскери және ашыққандарға көмек көрсетіле бермек.

«Біз жұмсайтын әрбір доллар, қаржыландыратын әрбір бағдарлама және жүзеге асыратын әрбір саясат үш қарапайым сұраққа жауап беруі керек. Бұл Американың қауіпсіздігін арттыра ма? Бұл Американы күшейте ме? Бұл Американы әл-ауқатты ете ме?» – деп мәлімдеді Марко Рубио.

Рубионың бұл бұйрығы президент Дональд...