Жаңалықтар

Оңтүстік Кореяның көлік министрлігі  Jeju Air әуе компаниясына тиесілі Boeing 737-800 ұшағының апатын тергеу бойынша алдын ала есепті жариялады.

Ведомство алдын ала нәтижелер Халықаралық азаматтық авиация ұйымына (ICAO), сондай-ақ АҚШ, Франция және Таиландтың авиациялық органдарына ұсынылатынын хабарлады.

Алдын ала тергеу нәтижелері көрсеткендей, ұшақтың екі «қара жәшігі» де 2024 жылғы 29 желтоқсанда жергілікті уақыт бойынша 08:58-де деректерді жазуды тоқтатқан. Осыдан 4 минут 7 секунд өткен соң, ұшақ қатты қону кезінде антеннамен жабдықталған навигациялық жүйенің бетон конструкциясына соғылған. Министрлік қара жәшіктердің толық талдауына бірнеше ай қажет болатынын атап өтті.

Ұшақтың қозғалтқыштарына құстар соғылған

Есепке сәйкес, ұшақ экипажы әуежай диспетчерлерімен...

Әл-Фараби даңғылының бойында талай жылдан бері құрылысы аяқталмай тұрған көлік тұрағы сүріледі. Бұл туралы Алматы әкімдігінің баспасөз қызметі хабарлады.

«Алматының Қала құрылысын бақылау басқармасы әл-Фараби даңғылының солтүстігінде, Меңдіқұлов бульварының батысында аяқталмаған көп деңгейлі паркингтің бұзылатыны жөнінде хабарлайды», – делінген баспасөз хабарламасында.

Баспасөз қызметінің хабарлауынша, «СЕРТ» АҚ бұл учаскеде паркинг салуға 2007 жылы кіріскен. Бірақ 2 жыл өткен соң, құрылыс жұмыстары күрт тоқтап қалған. 2009 жылдың аяғына қарай паркингтің небәрі 2 деңгейі ғана салынған.

Ал 2015 жылы компанияның жер пайдалану жөніндегі құқығы тоқтап, «Сейсмостройзащита» ЖШС мамандары объектінің тірек және қоршау конструкцияларына тексеру жүргізген...

2025 жылы дәрігерлерге қол көтеру және олардың денсаулығына қауіп төндіру бойынша жазаны күшейту нормасы Қазақстанның Қылмыстық кодексіне енгізілуі мүмкін. Бұл туралы Денсаулық сақтау министрі Ақмарал Әлназарова мәлімдеді.

Министрдің айтуынша, бұл бастамаға Бас прокуратура қолдау білдіріп, қазіргі таңда ол ішкі мемлекеттік келісімнен өтіп жатыр.

«Парламент депутаттарының қолдауымен, олар бізбен бірге бұл норманы талқылап, толықтай мақұлдады. Менің ойымша, осы жылдың ішінде Қылмыстық кодекске медицина қызметкерлерінің қызмет барысында денсаулығына қауіп төндірген азаматтарға қылмыстық жауапкершілікті күшейту бойынша арнайы бап енгіземіз,» – деді Ақмарал Әлназарова Мәжіліс кулуарында.

Министрдің мәліметінше, бұл қылмыс үшін айыппұлдан бастап, бас бостандығынан айыруға дейінгі жазалар қарастырылады.

Ауыл шаруашылығы министрлігіне қарайтын агрофирма Алматы облысындағы алма бақтарын сатылымға шығарды. Лот e-kazyna сайтында жарияланған.

Аукционға шығарылған алма бағының құны 10 млрд теңге деп бағаланып отыр. Ол «NurAgro» ЖШС-ға тиесілі. «NurAgro» ЖШС-ның құрылтайшысы – толығымен Ауыл шаруашылығы министрлігіне қарайтын «Азық-түлік келісімшарт корпорациясы» ұлттық компаниясы.

Алма бағымен бірге Mitsubishi Pajero, ауылшаруашылық техникалары және көкөніс сақтайтын қоймалар сатылады. Алма бағының жалпы аумағы – 1 460 га. Аукцион 28 қаңтардан басталады.

2022 жылы ұлттық компания алма бақтары консорциумы үшін инвестор іздеген еді.

Бұған дейін депутат Бақытжан Базарбек ауыл шаруашылығы министрлігіне сауал жолдап, «Алматыдағы алма бағының 70%-нан айырылдық» деген.

Кейінірек Kursiv. Мedia...

Қазақстан мұсылмандар діни басқармасы мәйіттік донорлыққа рұқсат беру мәселесін халықаралық тәжірибеге сүйеніп зерттеп көрмекші. Мүфтият  Денсаулық сақтау министрлігімен бірлесіп осы жұмысты қолға алмақ. Бұл жайлы министр Ақмарал Әлназарова айтты.

Министр ішкі ағзаны ауыстыру бойынша кезекте 4 мыңнан астам қазақстандық тұрғанын айтады. Алайда донорлық органды күтпей бақилық болып жатқан науқастар саны да артқан.

 «Бүгінгі таңда 4 мыңнан астам қазақстандық трансплантация  кезегінде тұр. Оның 70%-дан астамы мүгедек трансплантациясына байланысты. Жылына 300-ден астам  азаматтар тиісті органын күтпей қайтыс болып  жатыр. Осының барлығын талқылау үшін Бас мүфтимен осы мәселені талқыладық. Ол кісілер өз тараптарынан қосымша  халықаралық тәжірибені  зерттеп көреміз деген ұсыныстарын айтты», – деді министр Мәжіліс...

Қазақстан Түркіменстан-Ауғанстан-Пәкістан-Үндістан (TAPI) газқұбырын салу жобасына қатысуға мүдделі. Энергетика министрлігінің хабарлауынша, еліміздің атынан «Туркменгазбен» QazaqGaz келіссөз жүргізіп жатыр.

«Интерфакс-Қазақстанның» жазуына қарағанда, тараптар арасында ақпаратты жарияламау туралы келісім бар.

«Қазіргі таңда «QazaqGaz ҰҚ» АҚ және «Түркіменгаз» АҚ арасында келіссөз жүріп жатыр. Екі елдің шаруашылық субъектілері арасындағы келіссөз аясында үшінші тарапқа ақпаратты жарияламау міндеті қарастырылған. Осыған орай, толық ақпарат беру мүмкін болмай тұр», – делінген Энергетика министрлігінің хабарламасында.

Қазақстанның Энергетика министрінің орынбасары Ерлан Ақкенжанов 2024 жылдың 4 қазанында өткен «Қазақстан-Ауғанстан» бизнес-форумында Қазақстанның TAPI құрылысына қатысуға мүдделі екенін, түркімен тарапымен келіссөз өтіп жатқанын мәлімдеген болатын.

Қылмыстық топ «Qarmet»-тен не ұрлаған?

Qarmet мүлкін ұрлап, билік өкілдеріне зиян келтірген қылмыстық топ мүшелеріне қатысты сот үкімі шықты. Бұл туралы Астана қаласының қылмыстық істер жөніндегі мамандандырылған ауданаралық сотының баспасөз қызметі хабарлады.

«Қарағанды облысында ұйымдасқан қылмыстық топты құру және басшылық ету фактісі бойынша үкім шығарылды», – делінген баспасөз хабарламасында.

Соттың хабарлауынша, 24 адам ұрлау, бопсалау, билігін асыра пайдалану баптары бойынша сотқа тартылған. Оның ішіндегі екі азамат 2022 жылдың маусымы мен 2023 жылдың наурызы аралығында ұйымдасқан топ құрып, оған басшылық еткен. Топтың мүшесі саналатын екі адам күзет агенттігінің қызметкері бола тұра...

Ресей полициясы Жоғарғы соттың «халықаралық ЛГБТ қозғалысын»  «экстремист» деп тану туралы қаулысы күшіне енген сәттен бастап осы топ өкілдерінің есебін жүргізіп келеді. Бұл туралы «Медуза» басылымына «Единая Россия» партиясының өкілі Дмитрий Чукреев айтып берген.

«Барлығының деректері қайта жазылып, бақылауда болады», — деді ол. 

Басылымның жазуынша, 2024 жылдың көктемінде Ресейдің Ішкі істер министрлігі ЛГБТ өкілдерін есепке алу үші ауқымды жүйе іске қосуды жоспарын талқыға салған.

ЛГБТ өкілдерінің базасымен қатар, интим қызмет көрсететін адамдардың да тізімін жасауды қолға алмақ. Бұл базада әкімшілік бұзушылықтар жария болып отырады. Мысалы, «ЛГБТ насихат» үшін айыппұл салынғаны туралы ақпарат шығады. Сондай-ақ басылымны...

Америкалық Perplexity AI стартабы ByteDance-қа (TikTok-ты иеленетін компания) ұсыныс жасады. Бұл туралы AssociatedPress жазады.

Басылым осы келісімге қатысы бар құпия дереккөзге сілтеме жасаған. Оның сөзіне сенсек, ByteDance ұсынысты қабыл алатын болса, компанияның 50%-ын АҚШ үкіметі иеленетін болады.

Бұған дейін Perplexity 18 қаңтарға дейін ұсыныс жіберіп, инвесторлардың қатысуы арқылы TikTok операциялары мен Perplexity-ді қосу туралы айтқан еді. Бірақ оған жауап болмады.

Енді Дональд Трамп әкімшілігінің келуінен кейін ұсынысты қайта өзгертіп жіберген. TikTok жаңа ұсынысты қабыл алғаннан кейін, пайда болатын жаңа компания құны 300 млрд доллар деп бағалануы мүмкін. Ол активтің жартысына жуығын АҚШ үкіметі басқаратын болады.

Дереккөздің сөзінше, жоспар...

Қазақстандағы айырбастау орындарында рубль саудасының теріс мәні тіркелді. Ұлттық банктің мәліметінше 2024 жылы рубльдің саудасы 9,0 млрд теңгені құрады. Былтыр осылайша қазақстандықтардың Ресей валютасын сатып алуға қарағанда, сатуы әлдеқайда басым болды. 

2024 жылдың тек 5 айында рубль саудасында оң динамика байқалғанымен, қалған 7 айында теріс мәнді көрсетті. Қаңтар, ақпан, тамыз, қазан және қараша айларында оң мәнде қалыптасса, наурыз-шілде айлар аралығында және қыркүйек пен желтоқсан айларында теріс динамика қалыптасты.

Рубльге сенім азайды ма?

Ресей валютасының теріс мән көрсетуіне және оның сұранысының төмендеуіне бірнеше негізгі фактор әсер етуде.

Біріншіден, рубльдің тұрақсыздығы мен құнсыздануы. Ресейге қарсы салынған халықаралық санкциялар рубльд...

Оңтүстік-Шығыс Азиядағы табиғаты тамсандыратын, экожүйесі бай елдердің бірі — Малайзия. Құм керек болса — құм, тропик орман десеңіз орманы бар. Қыс болмайтындықтан, бұл жаққа жылдың қай мезгілінде барсаңыз да ұтылмайсыз. Әйтсе де, жағажайда күнге қыздырамын дегендер жаңбырлы маусымды ескерсе болғаны. Көршілес Таиландтың аралдарына қарағанда, бұл жақта жауын әжептәуір аз. Олай болса, Малайзияға тур сатып алмай, өзіңіз барғыңыз келсе не ескеру керек, қалай баруға болады — осы туралы айтайық.

Ел туралы жалпы ақпарат

Негізі бұл ел Шығыс және Батыс деп екіге бөлінеді. Негізгі бөлігі — Батыс Малайзияда. Астанасы (Куала-Лумпур) мен Малакка, Путраджая осы жақта орналасқан. Ал Шығысында Борнео (Калимантан...

Қанадалық инвестормен бірлесіп игеріліп жатқан «Инкай» кен орнындағы өндіріс қайта жалғасты. Бұл туралы «Қазатомөнеркәсіп» ұлттық атом компаниясының өндірістік есебінде жазылған.

Аталмыш кен орны – Қазақстандағы уранға бай ірі кен орындарының бірі. Оны «Қазатомөнеркәсіп» канадалық Cameco компаниясымен бірлесіп игеріп жатыр. 60% үлесін «Қазатомөнеркәсіп», ал 40%-на канадалық компания иелік етеді.

Канадалық инвестор неге наразы?

2025 жылдың 1 қаңтарынан бұл кен орындағы өндіріс тоқтады. Ұлттық компания оның себебін инвестор кен игеру жобасын уақтылы ұсынбады деп түсіндірді. Ал Cameco компаниясы бұл жайтқа наразы. Өйткені инвесторға өндіріс тоқтайтыны туралы алдын ала ескертілмеген.

Инвестор өндірістің тоқтауы компания әлеуетіне, қаржы жағдайына кер...

Қазақстан халықаралық бәсекелестікке қабілеттілік рейтингінде 35-орынға тұрақтап, Жапония мен Түркияны басып озды. Бұл туралы Швейцариядағы Халықаралық менеджментті дамыту институтының сайтында жазылған.

Рейтингке жалпы 67 ел енген. Орталық Азия елдері қатарынан тізімге тек Қазақстан енген. Еліміздің бәсекелестік қабілеті 66 балға тең болған. Былтырғымен салыстырғанда 2 сатыға жоғарылаған. Бизнестің дамуы жағынан алға жылжып 28-орынға көтерілсе, инфраструктура жағынан төмендеп 49-орынға түсіп қалған.

Үздіктер қатарында өзгеріссіз Сингапур (100 балл), Швейцария (97,5 балл) мен Дания (97,1 балл) тұр. Ал, мәселен, Жапония (38-орында, 65 балл), Италия (42-орында, 61,4 балл) Түркия (53-орында, 52,4 балл) Қазақстаннан кейін қалған.

Кеңес Одағы құрамында болған елдердің ішінде тізімге тек төрт ел енд...

Енді кредитке өтініш бергенде оны растау уақыты ұзаруы мүмкін. Қазір Қаржы нарығын реттеу және дамыту агенттігі осындай ұсынысты талқылап жатыр. Бұл туралы Бірінші кредиттік бюро директоры Руслан Омаров айтты.

«Мәселен, сізге несие береді. Бірақ ол несиенің ақшасын белгілі бір уақыттан кейін ғана аласыз. Бұл алаяқтықты азайту үшін де қажет. Алаяқтар несие алып, тез арада оған қол жеткізіп, өзіне аудара салады. Екіншіден – лудомандардың қаржыландыруға қолжеткізуін шектеу. Себебі оларға да тез, шұғыл ақша керек болады. Жалпы адамдар кредитті дәл қазір керек деп алуы керек емес, ойланып, салыстырмалы түрде шешім шығаруы үшін керек», – деп түсіндіреді мұны...

Калифорния штаты АҚШ-тың құрамынан шығуы мүмкін. Калифорнияның Мемлекеттік хатшысы Ширли Вебер Calexit бастамасын мақұлдаған.

New York Post жазуынша, қол жинау басталып кеткен. Calexit –  Brexit деп аталған Ұлыбританияның Еуроодақтан бөліну үрдісіне ұқсас етіп алынған атау. Бұл шара қабылданса, 2028 жылы дауыс беруге шығарылып, сайлаушыларға «Калифорния Құрама Штаттардың құрамынан шығып, еркін және тәуелсіз ел болуы керек пе?» деген сауал қойылады.

22 шілдеге дейін сайлау кезінде тіркелген сайлаушылардың кем дегенде 50%-ы қатысып, жоқ дегенде 55%-ы (500 000 мың адам) қолдап  дауыс беруі қажет.   

Бұлай болған жағдайда, «Америка Құрама Штаттарына сенімсіздік вотумына» әкеп соғады. «Калифорния халқының ерік білдіруінен» бұл штат тәуелсіз елге...

Қазақстанға келетін туристердің басым бөлігі ер азаматтар екен. Бұл туралы «Kazakh Tourism» ұлттық компаниясы хабарлады.

Компания іске қосқан «eQonaq» жүйесінің деректеріне сәйкес,  туристердің қатарында ер адамдардың жалпы үлесі – 70,5%. Компания елге келетін шетелдік туристерді жас ерекшелігімен саралаған.

«2024 жылғы мәліметтерге сүйенсек, елімізге келген ең белсенді саяхатшылардың жасы – 35-39 аралығында. Екінші орында 30-34 жас аралығындағы келушілер, ал үшінші орынды 40-44 жастағы шетелдік туристер иеленді», – делінген хабарламада.

2024 жылы елімізге 30-44 жас аралығындағы 653 мыңнан астам турист, 25-29 жас аралығындағы 174 мың турист, 45-49 жас аралығындағы 156 мыңнан астам турист  келген.

Бұдан бөлек, елге келетін...

Қазақстанда микронесие алатындар саны азайды. 2025 жылдың 1 қаңтарындағы жағдай бойынша, жалпы несие портфеліндегі үлесі 36%-ға азайып, 89,2 млрд теңгені құрады. Бұл туралы Бірінші кредиттік бюро басшысы Руслан Омаров мәлімдеді.

Омаровтың сөзінше, бұған Ұлттық Банктің кейбір ойыншылардың лицензиясын тоқтата тұруы немесе лицензиясын алып қоюы тәрізді қатаң шаралары әсер еткен.

Микронесие – 45 күнге дейін ғана берілетін борыш түрі. Бір жыл ішінде «жалақыға дейін» онлайн-несие алушылар саны 20,9%-ға азайып, 652,4 мың адамды құрады. Қазақстандықтар алатын микронесие көлемі орта есеппен – 72,3 мың теңге.

2024 жылдың ІІ жартысында нарықта микронесие ұсынатын ойыншылар саны 23%-ға азайған. Кейбір компаниялар бір жыл...

Мәжіліс депутаты Нартай Арайлбайұлы Міндетті әлеуметтік медициналық сақтандыру (МӘМС) жүйесін 100% ретке келгенше тоқтата тұруды ұсынды. Депутат өйткені бұрынғы да, қазіргі жүйе де тиімді жұмыс істемей тұрғанын айтады. Ал Асхат Аймағамбетов мұны популистік ұсыныс деп атады.

Мәжілісмен міндетті әлеуметтік медициналық сақтандырудың іске қосылғанына 6 жыл уақыт өтсе де, әлі реттелмегенін атап өтті.

«3-4 айлық балалардың да тісін емдедік деп қор ақша алып отырғанын көріп отырмыз. Былтыр Президент тапсырған медициналық көмектің бірыңғай топтамасы да жасалған жоқ. Оған қоса Мемлекет басшысы айтқан «жергілікті билік өкілдері, әкімдіктер әлеуметтік осал топтардың кейбірінің медициналық сақтандыруын жергілікті бюджеттен төлесін» бастамасы да жүзеге асқан жо...

Футболдан Қазақстан құрамасының бапкері Станислав Черчесов қызметінен кетті. Бұл туралы Қазақстан футбол федерациясы хабарлады. Федерацияның мәлімдеуінше, екі тарап келісім бойынша еңбек шартын тоқтатқан.

Станислав Черчесов Қазақстан құрамасының тізгінін 2024 жылдың маусымында алған болатын. Оның басшылығымен ұлттық құрама УЕФА Ұлттар лигасында 6 ойын өткізіп, Норвегия құрамасымен тең түскен және турнир кестесінде 1 ұпай жинаған.

Бапкерлер құрамы да қызметінен кетті

Бас бапкермен бірге ұлттық құраманың барлық бапкерлер штабы да қызметінен кететіні белгілі болды. ҚФФ мәлімдемесінде:

«Қазақстан футбол федерациясы Станислав Саламұлына және оның командасына атқарған еңбектері үшін алғыс білдіріп, болашақтағы мансабына табыс тілейді!», – деп атап...

Бірнеше жерде жұмыс істейтін адамның МӘМС жүйесіне төлеген жарнасы мемлекет бекіткен нормадан асып кетсе, артық қаражатты қайтаруға құқы бар. Бұл туралы Мәжілісте өткен Үкімет сағатында Денсаулық сақтау министрі Ақмарал Әлназарова айтты.

Депутат Ерлан Саиров министрден екі немесе үш жұмыста қызмет ететін адамдардың жарна төлеу тәртібі туралы сұрады.

«Егер азамат екі жерде жұмыс істесе, жарна екі жерден төленеді. Бірақ ол бір жыл ішінде емханаға жүгінбесе, ақшасы сол күйі пайдаланылмай қалады. Бұл әділетсіз ғой. Меніңше, әр адамға МӘМС бойынша төлемдерді бақылап, басқару әрі қандай қызмет алатыны жөнінде ақпарат алу құқы берілуі керек. Бұл ақшаны азаматтар...

Қазақстан 2024 жылы уран өндірісін 10% арттырды. Бұл туралы «Қазатомөнеркәсіптің» өндірістік есебінде жазылған.

2023 жылы бұл көрсеткіш 21 112 тонна болса, 2024 жылы елімізде 23 270 тонна уран өндірілді. Алайда былтыр сатылған уран көлемі 8%- ға азайып, 16,6 мың тоннаны құраған.

Былтыр компания өндірген уранның 1 фунты нарықта орта есеппен 55 доллардан сатылды. Бір жылда уран бағасы 27% қымбаттаған.

Компанияның 2025 жылға арналған өндірістік жоспарына сай, 25-26 500 тонна уран өндіруді жоспарлап отыр. Нарыққа 17-18500 тонна уран шығарылмақ.

«Қазатомөнеркәсіп» табиғи уранды ядролық отынға қайта өңдеудегі аралық өнім – уран оксиді концентратын ұзақмерзімді келісімшарттар бойынша және спот-нарықта шағын...

Қытайлық DeepSeek компаниясы жаcанды интеллектінің қосымшасы AppStore дүкенінде Қытай, АҚШ, Ұлыбритания және БАӘ елдерінде көш бастап, танымалдылық шыңына жетті. Бұл ақпарат AppStore дүкеніндегі рейтиңінде жариялады.

DeepSeek компаниясы жасанды интеллект негізіндегі өнімдерін 2023 жылы ұсына бастағанымен, 2025 жылдың 20 қаңтарында шыққан жаңа R1 нұсқасы ерекше назар аудартты. Сарапшылардың пікірінше, бұл нұсқа танымал америкалық ChatGPT-дан асып түскен.

DeepSeek R1

Жаңартылған DеepSeek R1 нұсқасы ағылшын тілді елдерде көшбасшы орынға ие болып, Германия, Франция, Түркия, Жапония және өзге елдерде үздік бестіктің қатарына кірді. Дегенмен, Android платформасындағы қосымшаға деген қызығушылық сәл төмендеу.

DeеpSeek R1-дің басты артықшылығы – тапсырмаларды ChatGPT-ден кем орындамай, тегін...

Желтоқсан айында қазақстандықтардың долларға деген сұранысы қатты төмендеп кетті. Ұлттық банктің ресми дерегі бойынша, желтоқсанда айырбастау пункттері 176 млрд теңгеге доллар сатқан. Ал қараша айында бұл көрсеткіш 228 млрд теңгеден асқан еді.

АҚШ валютасына деген сұраныс осылайша бір айда 27%-ға құлдыраған. Ал 2023 жылдың желтоқсанымен салыстырғанда сұраныс 34,8%-ға төмендеген.

Өңірлер бойынша алсақ, Астана мен Шымкенттің тұрғындары долларды көптеп сатып алған. Алматылықтар 63,7 млрд теңгеге доллар айырбастаса, шымкенттіктер 57,5 млрд теңгеге доллар сатып алған.

Қазақстандықтар қолдағы рублін сатып жатыр

2024 жылдың соңында қазақстандықтар қолдағы рублін жаппай сатқан. Бұл айда айырбастау пункттері халықтан 4,4 млрд теңгеге рубль сатып алған...

Қазақстан президенті Қасым-Жомарт Тоқаев Беларусьтегі президент сайлауында жеңіске жеткен Александр Лукашенконы құттықтады. Бұл туралы Беларусь президентінің баспасөз қызметі хабарлады.

Ақпаратқа сүйенсек, екі ел президенті телефон арқылы тілдескен. Сайттағы мәлімет бойынша Тоқаев Лукашенконы бірінші болып құттықтаған. Әзірге Қазақстан мен Өзбекстан президенттерінің ғана құттықтағаны белгілі.

«27 қаңтарда Александр Лукашенко мен Қасым-Жомарт Тоқаев телефон арқылы тілдесті. Қасым-Жомарт Тоқаев Лукашенконы Беларусь Республикасының президенті сайлауындағы жеңісімен құттықтады», – делінген хабарламада.

Бұдан бөлек, екі елдің басшылары ынтымақтастықты дамытуды талқылап, әлемдегі жағдайларға байланысты пікір алмасқан.

Айта кетейік, Беларусьтегі өткен сайлауда Александр Лукашенко 86,82% дауыс жинап, жеңіске жетті. Бұл оның президенттік қызметтег...