Жаңалықтар

Иранның Golden Line кеме қатынасымен айналысатын компаниясы Қазақстанды Бендер-Аббас портында терминал салуда ынтымақтастық орнатуға шақырды. Бұл туралы ҚР Премьер-Министрінің орынбасары Серік Жұманғарин мен аталған компания президенті Әли Акбар Эхсанимен кездесуі барысында айтылды.

Жеке компания тауарлардың транзитімен және экспортымен айналысады. Сонымен қатар контейнерлік тиеу және түсіру, сақтау қызметтерін, сондай-ақ Иранның Каспиан портында көлік-логистикалық қызметтердің басқа түрлерін көрсетеді. Бүгінгі таңда компания Қазақстаннан және Орталық Азияның басқа елдерінен, Ресей мен Әзербайжаннан Парсы шығанағы, Үнді мұхиты, Азия және Африка елдерінің порттарына түрлі жүктердің экспорты мен транзиті бойынша өз қызметтерін кеңейтуге мүдделі.

Кездесу барысында Әли Акбар Эхсани жақында компанияның негізгі тиеу-түсіру қуаттары мен кемелер...

Қазақстанда мұнай мен ашық түсті мұнай өнімдерінің экспорттық баж салығы шілдеде маусым айымен салыстырғанда 4%-ға төмендеп, тоннасына 86 доллардан 82 долларға дейін белгіленді, деп хабарлайды Reuters.

20 мамыр мен 20 маусым аралығындағы мониторинг кезеңінде әлемдік нарықтардағы KEBCO және Brent маркалы мұнай бағасының орташа бағасы барреліне 82 долларды құрады.

Жеңіл мұнай өнімдеріне баж 1 түзету коэффициентін пайдалана отырып, қазіргі айдағы мұнайға экспорттық кедендік баж мөлшерлемесі негізінде айқындалады.

Мазуттың экспорттық салық 1 мамырдан 31 тамызға дейін тоннасына 15 еуроны, 1 қыркүйектен 30 сәуірге дейін тоннасына 30 долларды құрайды. Битумға экспорттық салық 1 маусым мен 30 қыркүйекті қоса алғанда тоннасына 60 доллар...

S&P рейтингтік агенттігі Freedom Holding Corp. еншілес ұйымдары «Фридом Финанс» АҚ, Freedom Finance Еurope Ltd., Freedom Finance Global PLC  және «Фридом Банк Қазақстан» АҚ рейтингін «В/В» деңгейінде қалдырып, болжамын екі деңгейге – «оңға» дейін көтерді.

Freedom Holding Cor. рейтингі «В-» деңгейінде расталды, болжам тұрақты.

S&P Қазақстандағы экономикалық тәуекелдердің азайғанын және банктік қадағалаудың күшеюін атап өтті. Бұл холдингтің несиелік қабілетіне оң әсер етеді.

S&P сарапшылары Freedom 2024-2025 жылдары қомақты кірісін сақтап қалады деп болжап отыр.

«Бұған Қазақстандағы банктік және сақтандыру қызметінің көлемін ұлғайту арқылы кірістерді әртараптандыру ықпал етеді», – деп жазылған хабарламада.

Агенттік сәйкестікті жақсартуды...

Қызылорда, Қарағанды және Абай облыстарында «Найза-Антитеррор-2024» кешенді республикалық терроризмге қарсы оқу-жаттығу аяқталды.

Іс-шара 31 мамырдан бастап өткізілген. Оған Ұлттық қауіпсіздік комитеті, Ішкі істер, Қорғаныс, Төтенше жағдайлар министрліктері және жергілікті атқарушы органдар қатысты.

«Оқу-жаттығу шеңберінде террористік қатерлерге қарсы іс-қимыл жасау біліктері мен дағдылары бекітілді, төтенше сипаттағы дағдарысты ахуалдарға ден қою тетіктері мен төтенше жағдай кезеңіндегі іс-қимыл пысықталды. Сонымен қатар мүдделі мемлекеттік органдарды хабардар ету және ақпараттық өзара іс-қимыл жүйелерін тексеру жүзеге асырылды», – деп хабарлады ҰҚК.

Жауынгерлік іс-қимылдарға жақын жағдайларда диверсиялық-террористік актілердің алдын алу, сондай-ақ олардың салдарларын азайту және жою жөніндегі күштік құрылымдардың тренингтер...

Қырғызстанның Ош облысының Ноокат ауданында сел жүріп, 5 адам қаза тапты, деп хабарлайды 24.kg.

Бұл туралы Қырғыз Республикасының Төтенше жағдайлар министрлігі Дағдарысты басқару орталығы басшысының орынбасары Байзақ Оторбеков растады.

«Жергілікті тұрғындарға Әбшыр-Ата ауданындағы өзен жағасында 6 адам тапшанда демалып жатқан. Барлығын су алып кеткен. Кейін жергілікті тұрғындар бес адамның мәйітін тауып алды», – деді Байзақ Оторбеков.

Толассыз жауған жаңбырдың салдарынан сел он ауланы басып, Әбшір-Ата ауылындағы екі көпірді зақымдады.

«Тескей-Қожоқ ауылында 15 шаруашылық пен жергілікті мектеп зардап шекті. Қара-Бұлақ ауылында сел көлік пен көпірді алып кеткен. Тәжі-Қыштақ ауылында сел...

Qalam порталында жарияланған материалдардың апталық топтамасы: ұлт поэзиясының жампозы Ілияс Жансүгіров – «Жыр құлагерінің» жұмбаққа толы ғұмыры, ежелгі заманның ең жұмбақ індеті – Обаның тарихы және Диор мен Ив Сен-Лоранның музасы болған, сән өнерінде ізі қалған қазақ қызы кім? Қосымша: өткен аптада жарық көрген Ұлы Литов Кінәздігіне арналған дәрістің соңғы бөлімі.

«ЖЫР ҚҰЛАГЕРІНІҢ» ЖҰМБАҚҚА ТОЛЫ ӨМІРІ

Ол бүгінгі «Жас Алаш», «Егемен Қазақстан», «Қазақ әдебиеті» газеттерінің құрылуына ықпал етіп, алғашқы авторларының бірі болған. Қазақстан Жазушылар одағын құрған әрі алғашқы төрағаларының бірі. Қазақстанда баспа саласының қалыптасуында ерен еңбегі бар. 20 ғасырдың басындағы «тұңғыштардың» ішінде есім ерекше аталады. Небәрі 44 жыл өмір сүрген...

Былтырғы жылы InDrive көш басында болған облыстар саны қысқарып, жеті облыстан біреу ғана қалған. Бес облыста «Яндекс» бірінші орынға шығып кетті. Бұл сервис InDrive үшін басты сегмент болып тұрған  – қалааралық сапарларды да қолға алып жатыр. Қазақстанда такси нарығы қалай жұмыс істейтіні жайлы «Курсив» материалынан таныс болыңыз.

Қазақстанда такси нарығының көлемі ұлғаюда.  Ұлттық статистика бюросының мәліметі бойынша, 2024 жылдың бес айында жолаушылар тасымалынан түскен табыс 2023 жылдың осындай кезеңімен салыстырғанда екі есе артқан. Ал тап осы уақыт ішінде тасымалданған жолаушылар саны төрт есе өскен.

ҰСБ мәліметтерінен жекелеген ойыншыларды ерекшелеп көрсету мүмкін емес. Дегенмен нарық қатысушыларының өздері де, сауалнама нәтижелері де...

Әуе транспортының халықаралық қауымдастығы (IATA) мәліметінше, Қазақстандық ұшу қауіпсіздігі стандарттарына сәйкестік деңгейі 82%-ды құрайды. Бұл ТМД елдері арасындағы ең жоғары көрсеткіш. Қазақстан Дания және Польша сияқты Еуропалық одақтың елдерімен бір қатарда.

Қазіргі уақытта ішкі әуе тасымалын 6 қазақстандық тасымалдаушы жүзеге асырады. Олар: «Air Astana», « FlyArystan», SCAT, Qazaq Air, Southern Sky, Жетісу). Аптасына 56 ішкі рейс бойынша 500 рейс орындалады

Азаматтық авиация: тіркелген  ұшақтар саны мыңға жуықтады

Бүгін Қазақстан Республикасы Азаматтық авиациясының мемлекеттік тізілімінде 941 ұшақ бар. Оның ішінде 55 қазақстандық оператор жұмыс істейді. Тұрақты жолаушылар тасымалымен 5 әуе компаниясының 90 ұшағы айналысады.

2020 жылдан бері тасымалданған жолаушылар саны...

Қаржы әлемі ұдайы өзгеріп отырады. Оған бірден-бір әсер ететін  — заманауи технологиялар. Оған қоса блокчейн секілді технологиялар қолданылатын Web3 бар кезде төлемдер мен қаржы әлемінің болашағы орталықсыздандыруда екеніне күн өткен сайын көз жеткізіп келеміз. Кейінгі он жылда бұл саладағы жаңалықтың бірі — орталықсыздандырылған қаражат (DeFi). Мұндайда қаражат көзі криптовалюта мен дижитал активтер болатыны белгілі. Олай болса, бұл құралдың қалай жұмыс істейтініне және жаңа технологиялардан не күтуге болатынына тоқталайық. Сонымен бірге DeFi деген не және оның орталықтандырылған қаражаттан айырмашылығы неде деген сұрақтарға да жауап іздейміз.

Қазір барлығы дерлік банк қызметтерін қолданады. Біреуінде кредит бар, біреуі айлығын карта арқылы алады, енді бір...

Статистика бюросы 2023 жылы Қазақстанда IT қызметтер көлемі 1,4 триллион теңгеден асқанын мәлімдеді. Бұл көрсеткіш 2022 жылмен салыстырғанда 48,0%-ға, ал соңғы 3 жылда 216,7%-ға өскен. Осылайша IT қызметтер көрсету көлемі елімізде жоғары қарқынмен өсіп келеді.

Әрбір екінші IT қызмет Алматыға тиесілі

Елімізде IT қызметтің 87,5%-ы Астана мен Алматы қалаларында тіркелген. Ал, Алматы қаласының республикадағы үлесі 51,8% құрап отыр. Көптеген елде IT қызметтің бір немесе бірнеше  өңірде шоғырлануы қалыпты үрдіс. Астана қаласы киберқауіпсіздік саласына республикадағы қызметтің 64%-ын немесе 12,5 млрд теңгеге қызмет көрсеткен. Сондай-ақ бас қала қауіпсіздіктен бөлек еліміздегі  компьютерлік ойын өндірісін 80% қамтамасыз етіп отыр. Екі мегаполистен бөлек Қарағанды...

Nazarbayev University баспасөз қызметі ЖОО-ға жаңа президент тағайындалғанын хабарлады. Доктор Ахмад Вакар – Ұлыбритания азаматы. Бұл туралы шешімді университеттің қамқоршылық кеңесі қабылдаған.

NU баспасөз қызметінің ақпаратына сәйкес, Ұлыбританияның Брэдфорд университетінде PhD докторы дәрежесін алған ғалымның 90-нан астам ғылыми еңбегі бар.

Ол Ұлыбританиядағы бірнеше ЖОО-да, Йорк университеті мен Лондон университеттік колледжінде профессор болған және Мидлсекс университетінің проректоры қызметін атқарған.

2001-2004 жылдарда Ахмад Вакар Ұлыбритания Премьер-Министрі канцеляриясының Ғылым департаментін басқарған.

Ол сондай-ақ 2017 жылдан бастап Абу-Даби университетінің ректоры болған.

NU баспасөз қызметі, доктордың дәл осы қызметтегі жетістігін ерекше атап өтіпті.

«Ол басшылық еткен...

Forbes тізіміндегі бай қазақстандықтар Александр Клебанов пен Сергей Канға тиесілі «Павлодарэнерго» компаниясы 2023 жылы шығынын 22 есе қысқартқан. Компания 2022 жылы 22 млрд теңге шығын шеккен болатын. Былтырғы шығыны 1 млрд теңге көлемінде қалыптасқан.

Қазақстан қор бижасында жарияланған аудиттелген қаржы есебіне сүйенсек, 2023 жылғы шығын 1 млрд теңгені құраған. Ал жиынтық кіріс 31 млрд теңге деп көрсетілген.

Кәсіпорынның бір жылдағы түсімі 23 пайыз өскені байқалады. «Павлодарэнерго» 2022 жылы 88,5 млрд теңге түсіс алса, 2023 жылы бұл көрсеткіш 109,1 млрд теңгеге жеткен. Бұл ретте сатылған өнімнің өзіндік құны қымбаттаған: 69,5 млрд теңгеден 89,9 млрд теңгеге жеткен. Нәтижесінде жалпы пайда...

Сыбайлас жемқорлыққа қарсы қызмет агенттігі 2023 жылдан бері іздеуде жүрген азаматты ұстады. Алматыда алаяқтық жасады деген күдікті Бішкекте қолға түсті.

Агенттік мәліметінше, ол бұрын сот үкімімен тәркіленген үш үй мен екі пәтер түріндегі мемлекеттік мүлікті жымқырды деген күдікке ілінген.

 «Алаяқтық әрекет Алматы қаласы әкімдігі мен ҰҚКД лауазымды адамдарының қатысуымен бақылаудағы адамдарға жалған төмен бағамен және белгіленген сауда-саттықсыз жылжымайтын мүлікті сату жолымен жасалған. 14 маусымда Бішкек қаласында У. есімді азамат ұсталғаннан кейін, Қырғыз Республикасы ІІМ қызметкерлеріне жеңілдетілген рәсімдер бойынша өз еркімен Отанына оралуға дайын екенін хабарлаған. Сол күні Алматы қаласы прокуратурасының үйлестіруімен Сыбайлас жемқорлыққа қарсы қызмет...

Қазақстан қор биржасында (KASE) 2024 жылғы 28 маусымда сағат 17:00-де доллардың орташа сараланған бағамы 471,84 теңгеге тұрақтады.

27 маусымда сағат 17:00-де 1 доллар 465,64 теңге болған еді. Осылайша ұлттық валютаның долларға шаққандағы бағамы 6,20 теңгеге әлсіреді. Бұл – 2023 жылдың қазан айынан бері төл валютаның долларға шаққандағы ең төмен құлдырауы.

Жалпы 24 маусым мен 28 маусым аралығындағы сауда аптасында ұлттық валюта 6,18 теңгеге әлсіреді. Мәселен, 24 маусымда орташа сараланған бағам 1 долларға 465 теңге деңгейінде болды. 28 маусым – бір доллар үшін 471 теңгеге жетті.

2024 жылғы 28 маусымдағы саудаға тоқталсақ, кешкі саудада доллардың орташа сараланған бағамы 471,84 теңге...

Астана халықаралық қаржы орталығының қаржылық қызметтерді реттеу жөніндегі комитеті AFSA лицензиясы бар платформаларда сауда жасау үшін Toncoin-ді (Telegram Open Network (TON) блокчейніндегі цифрлық актив) зерделеп мақұлдады. Бұл туралы сауда алаңы хабарлады.

«AFSA кешенді тексеру нәтижелері бойынша шешім қабылдады. Оның барысында Toncoin AFSA белгілеген нормативтік стандарттарға сәйкес келетіндігі анықталды. Енді инвесторлар сенімді реттеуші базаны және АХҚО белгілеген инвесторларды қорғау шараларын пайдалана отырып, AFSA лицензияланған платформаларда Toncoin сауда жасай алады», – деп хабарлады АХҚО.

Toncoin-ді қаржы орталығының реттелетін ортасына қосу қауіпсіз және ашық сауда жасауға мүмкіндік береді. Сонымен қатар ол институционалдық және бөлшек инвесторларды...

Туризм және спорт вице-министрі ұлттық команданы Олимпиада ойындарына дайындауға бюджеттен қанша қаржы жұмсалғанын айтты.

Вице-министр Серік Жарасбаевтың мәлімдеуінше, Олимпиада ойындарына дайындықты спортты дамыту дирекциясы жүргізеді. 

«Ұлттық құраманы дайындауға және оның Олимпиада ойындарына қатысуына шамамен 980 миллион теңге жұмсалды», – деді Жарасбаев орталық коммуникациялар алаңында өткен брифингте.

Сондай-ақ вице-министр Қазақстан құрамасы үшін форма толығымен дайын екенін жеткізді. Спортшыларға арналған киім демеушілердің қаражаты есебінен тігілгендіктен, оған кеткен ақшаны «коммерциялық құпия» деп атады.

«Барлық форма толығымен дайын. Қазір Астанадағы қоймаларда орналасқан»,-деді ол.

Серік Жарасбаевтың айтуынша, бүгінгі таңда қазақстандық спортшылар 25 спорт түрінен 83 лицензия...

Продюссер Баян Алагөзова жеке басты қорлау ісі бойынша танымал тележүргізуші Дана Орманбаеваны сотқа берді. Істі Медеу аудандық қылмыстық істер бойынша соты қарап жатыр.

Алагөзованың адвокаты Анна Чернованың ақпаратына сүйенсек, 28 мамырда алғашқы сот отырысы болған. 

«Қорғаушы тарап бірнеше өтінім берді. Біз қарсылық көрсеттік. Сот өтінімдерді қанағаттандырмады», – деп жазды Чернова.

Адвокаттың ақпаратына сүйенсек, сот шамамен бір сағат бойы кітаптардан, бұқаралық ақпарат құралдарынан үзінділерді, фильмдерден дәйексөздерді тыңдаған. Кейіннен сот адвокаттардың сөзін бөліп, процесті 1 шілдеге ауыстырған.

«1 шілде сағат 10:00-де Медеу аудандық сотында істі қарау жалғасады. Қорғаушы тарап үлкенірек зал сұрады...

Әзербайжан президенті Ильхам Әлиев республиканың алтыншы шақырылған Милли межлисті (парламент) таратып, кезектен тыс сайлау өткізу туралы жарлыққа қол қойды, деп хабарлайды «Әзертаж» мемлекеттік агенттігі.

«Әзербайжан Республикасы Констиуцияның I бөліміндегі 109-бабының 1-тармағын басшылыққа ала отырып, қаулы етемін: алтыншы шақырылымдағы Милли межлис таратылсын», – деп келтіреді агенттік құжаттан.

Кезектен тыс парламент сайлауы 1 қыркүйекке белгіленген.

21 маусымда биліктегі «Жаңа Әзірбайжан» партиясының депутаттары кезектен тыс парламент сайлауын өткізу туралы Әлиевке жүгінді.

Талқылау барысында депутаттар кезектен тыс парламент сайлауын өткізуді мақсатқа сай деп санап, маңызды халықаралық шаралар Әзербайжанда өтетінін айтты. Талқылаудан кейін өтініш дауысқа салынып қабылданды.

Еске сала...

Атырау мен Маңғыстау облыстарына су жеткізетін «Магистральдық Суағызғысы» компаниясы «Астрахань – Маңғышлақ» магистральды су құбыры қызметінің тарифін орташа 36,9 пайызға қымбаттатады. Бұл жайында компанияның Қазақстан қор биржасына жолдаған хабарламасында жазылған.

Тарифтер 2024 жылдың 1 шілдесінен көтеріледі. Халыққа, шаруа қожалықтары, мұнай кен орындары мен басқа да өнеркәсіп кәсіпорындарына су жеткізу тарифі әртүрлі. Халыққа, бюджеттік және коммуналдық мекемелер үшін су жеткізу ақысы өзгеріссіз қалған: 1 текше метр су үшін – 30 теңге. Ауыл шаруашылық өнімін өндірушілерге де тариф өзгермейді.

Өнеркәсіп кәсіпордары мен басқа коммерциялық ұйымдар үшін тариф 1400 теңгеден 1600 теңгеге көтеріледі. Ал мұнай-газ өндіруші кәсіпордарға су жеткізу тариф...

Алтын өзінің сұлулығы мен тұрақтылығы үшін ежелгі заманнан бері бағасын жоғалтқан емес. Бүгінгі таңда өндірілетін алтынның көп бөлігі зергерлік бұйымдарды өндіруге кетеді. Дегенмен оның жоғары электр өткізгіштігі мен коррозияға төзімділігі және физикалық және химиялық қасиеттерінің басқа да қажетті комбинациялары болғандықтан, алтын да 20 ғасырдың аяғында маңызды өнеркәсіптік металл ретінде пайда болды. Алтын компьютерлерде, байланыс құралдарында, ғарыш аппараттарында, реактивті ұшақ қозғалтқыштарында және басқа да көптеген өнімде маңызды функцияларды орындайды. Алтын өнеркәсiп пен өнер үшiн маңызды болғанымен, ол ұзақмерзiмдi құндылық қоймасы ретiнде барлық тауарлар арасында ерекше мәртебесiн сақтайды. Соңғы кездерге дейін ол негізінен ақшалай металл болып саналды және жыл сайын өндірілетін құймаларды...

ҚР Стратегиялық жоспарлау және реформалар агенттігінің Ұлттық статистика бюросы 2024 жылғы қаңтар- наурыздағы жалпы ішкі өнім бойынша көрсеткіштерді жариялады.

2024 жылғы қаңтар-наруыздағы жалпы ішкі өнімнің (ЖІӨ) нақты көлем индексі (НКИ) 2023 жылғы тиісті кезеңмен салыстырғанда 103,8%-ды болды. ЖІӨ құрылымында тауарлар өндірісінің үлесі –35,1%, қызметтер – 57,9%-ды құрады.

«Ең үлкен өсімді құрылыс – 115,9%, ақпарат және байланыс – 110,1%, көрсетілетін қызметтердің өзге де түрлерін ұсыну салалары – 109,1% көрсетті», – деп хабарлады бюро.

Жалпы ішкі өнімнің нақты көлем индексіне ең үлкен салымды өңдеу өнеркәсібі – 0,82%, құрылыс – 0,62% және көтерме және бөлшек сауда...

Депутаттар екі айлық каникулға кетті. Бүгін, 28 маусымда, Парламент палаталарының бірлескен отырысы өтті, онда сегізінші сайланған Парламенттің екінші сессиясы ресми түрде жабылды. Мәжіліс төрағасы Ерлан Қошанов қос палата депутаттарының жұмысын қортындылады. Сондай-ақ Үкіметтің әдетке айналған кемшіліктерін де тізіп шықты. Мәжіліске шикі заң жобалары келіп түсетінін айтып, олардың жұмысын сынға алды.

Депутаттар 1 қыркүйекке дейін каникулға кетті

Мәжіліс төрағасы Ерлан Қошанов екінші сессиясының жабылуы және парламенттік каникул туралы қаулыға қол қойды.Осылайша депутаттар екі айлық каникулға кетті. Оның бір айында депутаттар өңірлерді аралайды.

«Дәстүр бойынша атқарылған жұмысты қорытындылаймыз, келешекке жоспар құрамыз. Мемлекет басшысы Қасым-Жомарт Кемелұлы...

Астана қаласының әкімшілік соты шоумен Тұрсынбек Қабатовты ұшақ бортында мас күйінде қоғамдық тәртіпті бұзғаны үшін бес тәулікке қамауға алды. Жоғарғы сот ақпаратына сүйенсек, Қабатов кінәсін мойындап кешірім сұраған.

Әкімшілік істі сот 25 маусымда қараған. Шоумен ұсақ бұзақылық жасады деп айыпталған. Іс материалдарында оның мас күйінде Астана әуежайында тоқтап тұрған ұшақта отырып, балағат сөздер айтып, қоғамдық тәртіпті бұзғаны туралы жазылған.

«Қоғамдық орында бола тұра былапыт сөйлеп, сонымен қатар борт серіктерін балағаттап, адамның қадір-қасиеті, имандылығына сөз келтіріп, сыйламаушылықты бiлдiріп, тыныштығын бұзатын қоғамдық тәртіпті бұза отырып, ұсақ бұзақылық жасады», – делінген сот материалдарында.

Сотта куәгер ретінде сөйлеген аға...

Қолданушы үшін күрес күшейген заманда SEO басты фактордың біріне айналды. Себебі осы құрал арқылы көптің назарын аударып, нысанаға дөп тиюге болады. Оған қоса, жасанды интеллект қолданысы артқан сайын бұл екеуінің дуэті керемет нәтижелерге жеткізеді. Өз саласында үздіктердің қатарынан табылғысы келетіндерге SEO + AI комбосынан артығы жоқ. Олай болса, бүгінгі материалымызда SEO үшін жасанды интеллект қолданғанның артықшылығы мен кемшілігіне шолу жасап көрейік. 

Мәтіннің майын тамызатын AI

Қазір мәтін жазуға жасанды интеллект қолданатындар көбейді. Себебі әрі оңай, әрі ұтымды құрал. Күрделі алгоритмдер мен машинаны үйрететін модельдер арқылы жасалғандықтан, жасанды интеллект өте ауқымды деректерді жылдам анализдеп, содан жаңа мәтінді дереу генерациялайды. Бұл...