Жаңалықтар

Ислам даму банкі Қазақстандағы инфрақұрылымдық жобаларды қолдауға шамамен 2 млрд доллар қаржы бөледі. 

Үкімет ақпаратына сүйенсек, OPEC халықаралық даму қоры ұйымдастырған форумда ұлттық экономика министрі Нұрлан Байбазаров Араб координациялық тобына кіретін ислам даму институты өкілдерімен кездесу өткізді. Кездесу барысында Қазақстан Үкіметі мен Ислам даму банкі арасында бірқатар келісімге қол қойылды.

«Келісім биыл су шаруашылығы және көлік салаларындағы инфрақұрылымдық жобаларды жүзеге асыру үшін ұзақмерзімді инвестициялар тарту туралы бұған дейін қол жеткізілген келісімдерді бекітті. Осы мақсатта Ислам даму банкі 2 млрд долларға дейін қаржы бөледі», – делінген Үкімет хабарламасында.

Су ресурстары және ирригация министрлігі биыл қаржыландыруға дайын 16 жобаны дайындаған. Атап айтқанда, су...

Садыр Жапаров «Қырғыз Республикасының кейбір заңнамалық актілеріне өзгерістер мен толықтырулар енгізу» және «Қырғыз Республикасында уран және торий кен орындарын іздеу, барлау және игеру мақсатында жер қойнауын геологиялық зерттеуге байланысты қызметке тыйым салу туралы» Заңға қол қойды.

Экологиялық қауіпсіздікті қамтамасыз ету, ел үшін стратегиялық маңызды ресурстарды пайдалану және Қырғызстан экономикасын дамыту арасындағы тепе-теңдікке қол жеткізу мақсатында заңмен жер қойнауын геологиялық зерттеумен байланысты қызметке тыйым салу алынып тасталатыны атап өтілді.

Бұған дейін Қырғыз Республикасы парламенті үшінші оқылымда уран кен орындарын игеруге мораторий күшін жою туралы заңды қабылдады.

Еске сала кетсек, Ыстықкөл маңындағы Қызыл-Омпол кен орны төңірегінде жанжал болды. Кейін уран...

Блогерлерді дайындау, оларға жарнама тартумен айналысатын Qamalladin Media компаниясының негізін қалаушы Абылайхан және Диана Камалладиндер Kursiv Media KZ подкастында қонақ болды. Сұхбатта блогерлер мектебі, жарнама саласы мен креативті экономиканың дамуы және басқа тақырыптар сөз болды.

QM Meta Communication жеті жыл бұрын құрылған. Бүгінде агенттік 1000-нан аса блогермен жұмыс істейді.

«Алғашында өзіміз блогер болып, жеті жыл бұрын блогерлерге арналған Qamalladdin Media деген агенттік аштық. Қазір бұл кәсіп QM Meta Communication деп аталады. Халықаралық компаниялармен жұмыс істейміз, олар біз арқылы елдегі блогерлерден жарнама сатып алады. Жеті жыл бойы бұл сала халықаралық деңгейде қалай жұмыс істеп жатқанын, қандай мамандар...

Мидың және орталық жүйке жүйесінің қатерлі ісігіне қарсы дәрі жасайтын CNS Pharmaceuticals компаниясының акциялары сәрсенбі, 26 маусымда, арзандап кетті. Бұл бүкіл сауда бойына бағаның 35%-ға құлдырағанын көрсетті. Компания өз қағаздарын жеке инвесторларға қаншаға сататынын хабарлады. Жаңа баға – бұған дейін ұсынылған бағаның үштен біріне тең. Бұл жайт қазіргі акционерлердің үлесін айтарлықтай кеміте түсті.

Толығырақ

CNS Pharmaceuticals компаниясының бағасы 26 маусым, сәрсенбіде, NASDAQ-та бірден 35,2%-ға төмендеп, бір қағаз үшін 1,84 долларға дейін құлдырады. Бұл – компания акциясы биржаға түскен кезден бергі ең төменгі баға. Сауда жабылғаннан кейін де құлдырау жалғасып, тағы 3,8%-ға төмен түсті. Бейсенбідегі премаркетте...

Күн сайын орташа деңгейдегі интернет-қолданушы ақпараттың орасан көлемін қабылдайды. Ericsson сарапшыларының болжамы бойынша, 2023 жылы тек бір смартфон иесіне айына 19GB онлайн-контенттен келгенін жариялады. Ал 2028 жылға дейін бұл сан 46 GB-қа дейін өседі. Бұл адамдарға шамадан тыс ақпаратты қабылдауға тура келеді деген сөз. Ал digital-маркетинг тұрғысында бұл – әлеуетті клиент назарын аударуда жарнама берушілердің арасындағы шайқас. Nielsen Norman Group зерттеулері үздіксіз ақпараттық шу мен шектелген назар ресурсы жағдайында, баннерлік соқырлық қолданушылардың интернет-әрекетінің ажырамас бөлшегі болғанын көрсетті.

Компаниялар жалпы ақпарат ағыны арасында өздерінің жарнамалық хабарларына назар аударту мүмкіндігін іздейді. Бұл сұраныстарға жауап ретінде қысқаша бейнероликтерге арналған TikTok платформасы...

Британдық The Economist журналы әлемдегі өмір сүруге ыңғайлы және жайлы қалалардың жыл сайынғы рейтингін жариялады. Рейтингте әлемнің 173 мегаполисі бар. Олар бірнеше көрсеткіш бойынша жіктелген.

Жаһандық өмір сүруге ынғайлы қалалар индексінде Қазақстанның бір ғана қаласы – Алматы бар. Оңтүстік астана бірнеше жылдан бері тұрақты түрде Мәскеу мен Ыстамбұлдан (96-98 орын) кейін, рейтингтің бел ортасынан табылып келеді. Бұл ретте Алматы әлемдегі ең арзан жүз қаланың қатарына енді.

Алматы рейтингте 65-тен жоғары балл жинады. Бұл ретте тұрақтылық бойынша – 75 балл, денсаулық сақтау – 67 балл, мәдениет және экология бойынша- 58 балл көрсетілген. Бұл ретте The Economist сарапшылары Қазақстанның болашағына қатысты...

Белгілі трейдер Пьер Андюран шикі мұнайдан гөрі, мыс пен какаоны жөн көреді. Жасанды интеллектіге негізделген Windows жүйесіндегі жаңа ноутбуктер Apple Mac-тың алдын орамақ, Қытай Еуроодақтың автомобиль өнеркәсібіне инвестиция салуға уәде береді. Осы және басқа да тақырыптар туралы 26 маусымдағы әлемдік БАҚ шолуынан оқыңыз.

Пьер Андуран мұнай саудасынан бас тартып, мыс пен какаоға ауысады

Энергетикалық нарықтағы саудасымен танылған атақты трейдер Пьер Андюран шикі мұнайдан бас тартып, мыс пен какаоға ауысатыны туралы хабарлады. Ол бұл заттардың бағасы өсетініне сенімді деп жазады Bloomberg.

Andurand Capital Management соңғы ралли кезінде бағасы төмендесе де, мыс пен какао фьючерстеріне қатысты әлі оптимистік көзқарасынан айнымай...

Мемлекеттік немесе әскери қызметкерлердің құмар ойын ойнағаны белгілі болса, қызметінен босатылады. Бұл туралы Спорт және туризм вице-министрі Мирас Төлебаев айтты.

«Мемлекеттік немесе әскери қызметкердің құмар ойын ойнағаны туралы факт анықталса, ол бірден қызметінен босатылады. Мемлекеттік қызметкерлерге қатысты ескерту жасалмайды. Бірден қызметтен босайды», – деді Төлебаев

Сенат Қазақстандағы лудоманияға қарсы күрес жөніндегі заң жобасын мақұлдады. Заңға сәйкес, мемлекеттік қызметшілерге, әскери қызметшілерге және 21 жасқа толмаған адамдарға құмар ойын ойнауға тыйым салынады. Құжат сонымен қатар букмекерлік кеңселердегі ставкаларды есепке алу жүйесін реформалап, шотты толтыру және ұтыс алу кезінде биометриялық сәйкестендіруді енгізеді.

«21 жасқа...

Қазақстандықтар тарапынан Air Astana рейстерінің жиі кешігуіне байланысты шағымдар көбейді. Бұл мәселеге қатысты әуе компаниясы түсініктеме берді.

Ақпаратқа сүйенсек, бұл бірнеше объективті факторларға байланысты.

«Олардың ішінде: ұшу кестесіне түзетулер енгізуді талап ететін әуежайдың немесе ұшу-қону жолағының уақытша жабылуы; ақаулық болған жағдайда, мысалы, құстардың соғылуына байланысты әуе кемелеріне техникалық қызмет көрсету және тексеру бар. Сондай-ақ мәселені бағалау және ақаулықты жою үшін белгілі бір ұшақ түріне қызмет көрсететін инженерлік персоналдың қалаға жетуі. Рейстің кешігу уақыты себепке байланысты өзгереді және басқа рейстердің ұқыптылығына каскадты әсер етеді», – деп хабарлады компания.

Әуекомпаниясы баспасөз қызметі, жолаушыларды...

Байқоңырдағы «Бәйтерек» ғарыштық зымыран кешенінде Қазақстан мен Ресейдің ең ірі бірлескен жобасын іске асыруға 14,7 млрд теңге берілді. Бұл туралы Үкімет басшысы Олжас Бектеновтің өңірге барған сапары кезінде хабарланды.

Ақпаратқа сүйенсек, ғарыштық зымыран кешенінің құрылысы «Союз-5» жаңа зымыран тасығыштарын ұшыруға арналған «Зенит-М» ҒЗК инфрақұрылымы базасында жүргізіліп жатыр. 2018 жылы ресейлік тарап алаңды жалға алуды тоқтатқаннан кейін, нысанды қазақстандық мамандар пайдалануда. Жұмыстың аяқталу мерзімі 2028 жылдың мамырына жоспарланған, ал алғашқы ұшу сынақтарын 2025 жылы бастау жоспарланып отыр.

Үкімет басшысы «Бәйтерек» ғарыштық зымыран кешені бүгінде посткеңестік аумақтағы Қазақстан мен Ресейдің ең ірі бірлескен жобасы және екі мемлекет басшыларының ерекше бақылауында екенін атап өтті. Биыл...

«Қазақтелеком» Phoenix Fund Limited Partnership инвестициялық қорының 49,98% үлесін сатып алды. Бұл туралы Қазақстан қор биржасының сайтында жарияланған ақпаратта жазылған.

Phoenix Fund Limited серіктестігі Астана халықаралық қаржы орталығында 2024 жылдың 12 маусымында тіркелді. АХҚО ақпаратына сәйкес, қордың негізгі қызметі цифрлық технологиялар мен медиаға инвестиция салу. Бұл ретте «Қазақтелеком» АҚ-ға Kursiv тілшісі инвестициялық қорға қатысты сауал жолдады.

«Қазақтелеком» АҚ өзінің даму стратегиясының бір бөлігі ретінде компания экожүйелік модельге трансформацияға, цифрлық активтерді дамытуға, TV+ мультимедиялық платформасының жоғары сапалы контент мазмұнына және т.б. басымдық береді. Осыған байланысты, компания Директорлар кеңесінің шешіміне сәйкес жаңадан құрылған Phoenix Fund...

Бәсекелестікті қорғау және дамыту агенттігі (БҚДА) жыл соңына дейін жекешелендірілетін мемлекеттік активтер тізімін қалыптастырады. Одан соң тізім жекешелендіру жөніндегі кешенді жоспарға енгізілуге тиіс. Бұл туралы Жекешелендіру жөніндегі ұлттық кеңсенің бірінші отырысында Агенттік төрағасының орынбасары Болат Самбетов мәлімдеді.

Одан бөлек, тауар нарықтары мен квазимемлекеттік сектордағы компанияларға талдау жасалмақ. Жекешелендіру жөніндегі ұлттық кеңсенің бірінші отырысында 2024-2028 жылдарға арналған Жекешелендірудің стратегиялық бағыттары мен тәсілдері бекітілді.

Сонымен қатар кеңсе қызметінің бағыттары, мемлекеттің экономикадағы үлесін азайту мақсатында атқарылатын іс-шаралар мерзімі талқыланды. Бастамалар экономикалық ырықтандыруды жеделдету, мемлекеттің экономикадағы үлесін азайту және инвестициялар тартуға бағытталған.

Жекешелендіру жөніндегі ұлттық кеңсенің жұмысын БҚДА үйлестіреді. Кеңсе құрамына парламент...

Қостанайдағы авто зауыттар алаңдарында утиль алымын алып тастау мәселесі жөніндегі петицияны қарайтын жұмыс тобының отырысы өтті. Жиын барысында Қазақстан Республикасы Экология және табиғи ресурстар вице-министрі Жомарт Әлиев алымнан түскен қаржы қандай салаларға бағытталатынын айтты.

«Қазіргі уақытта барлық утиль алымы қаражаты Экология және табиғи ресурстар министрлігінің құрылымдық бөлімшесінде, «Жасыл даму» АҚ-да жинақталған. Экологиялық кодекстің 388-бабында кәдеге жарату төлемінен жиналған қаражатты бағыттау қажет 14 сала бар. Экологиялық кодексте нақты реттелген осы 14 саланың барлығы да олардың негізгі міндеті – қоршаған ортаны жақсарту», – деді вице-министр.

Бүгінде қаржы автоөндірушілерге, ауыл шаруашылығы техникасын өндірушілерге арнайы бөлінген жоқ.

Қазақстан президенті Қасым-Жомарт Тоқаев елдегі саяси жағдайдың өзгеріп, сөз бостандығы мен ашық бәсекелестік пайда болғанын айтты.

БАҚ қызметкерлерін марапаттау рәсімі кезінде елімізде жүргізілген жүйелі реформалардың нәтижесінде азаматтардың саяси мәдениетінің деңгейі едәуір өсіп, шынайы әрі аясы кең пікір алуандығы пайда болғанын айтты.

«Сөз бостандығы қоғамның мызғымас құндылығы саналады. Бүгінде Қазақстанда жүздеген тәуелсіз БАҚ пен медиаресурс бар. Ал интернеттегі көптеген түрлі блогтар мен каналдар туралы айтпаса да болады. Олар елде болып жатқан үдерістерді әр қырынан жариялап көрсетеді, билік органдарының қызметіне сын айтады», – деді президент. 

Тоқаевтың айтуынша, пікір алуандығын қалыптастыру саяси жүйенің негізгі жетістігінің бірі болған.

Болашақта Қазақстан банктері өз бөлімшелерінде ислами қаржы қағидаттарымен жұмыс істетін терезе ашуы ықтимал. Ал исламдық қаржы ұйымдары дәстүрлі банк қызметін ұсына алады. Қаржы нарығын реттеу және дамыту агенттігі заңнамаға тиісті өзгерістер әзірлеп жатыр. Еуразиялық даму банкі ұйымдастырған бизнес-форумда агенттік басшысының орынбасары Олжас Қизатов алдағы жоспар туралы айтып өтті.

«Қазіргі кезде Қазақстанда ислами қаржыландыруды одан әрі дамыту үшін шетелдік консультанттармен бірлесіп, банк қызметін реттейтін заңнамаға өзгерістер енгізу мәселесін қарастырып жатырмыз. Осы тәсілдер аясында классикалық әмбебап банктердің «ислами терезе» ашып, исламдық қаржы қағидаттарымен қызмет көрсету, ал ислам банктеріне дәстүрлі банк қызметін ұсыну мүмкіндігін беруді жоспарлап отырмыз...

Құқық қорғаушылар Грекия аралындағы орманды өртеді деп айыпталған яхта капитаны мен оның көмекшісін ұстады. Экипаждың өзге он бір мүшесі кепілге босатылды. Барлық күдікті кінәні жоққа шығарып отыр.

News Break басылымының ақпаратына сүйенсек, яхта капитаны тергеу кезінде Гидра аралында болған өртке ешқандай қатысы жоқ екенін айтқан. Яхтадан сигнал зымырандары ұшырылмағанын қайталаған. Оның айтуынша, бұл ақпаратты кемені тексерген Жағалау күзеті де растайды. Капитан өрт сөндіру туралы бірден хабарлағанын, қазақстандықтардың демалу бағдарламасында отшашу болмағанын атап өткен.

Басылымның ақпаратына сүйенсек, экипаждың өзге мүшелері оның сөздерін растады.

Капитан мен оның көмекшісі «уақытша қамауға алынды», қалған 11 экипаж мүшелері, оның ішінде офицерлер, аспаздар мен қызметшілер...

ITS халықаралық сауда алаңы сауда-саттыққа қатысушыларға Астана халықаралық қаржы орталығында (АХҚО) локализацияланған жеке биржалық инфрақұрылымын ұсынды. Сынақ форматы биржалық нарықта қаржы делдалдарына есеп жүйесіне бейімделуге мүмкіндік береді.

«АХҚО негізінде құрылған ITS-тің жеке инфрақұрылымы есеп айырысу депозитарийін және клирингті қамтиды. Бұл инфрақұрылым посттрейдингтік қызмет көрсетудің толықтай циклын қамту үшін және инвесторлардың халықаралық инвестициялық құралдардың жаһандық өтімділігіне қолжетімділігін қамтамасыз етуге, шығындарды барынша азайтуға арналған», – деп хабарлады сауда алаңы.

ITS транзакцияларды жасау кезінде орталық контрагент моделін қолданатын Қазақстандағы алғашқы платформа. ITS өзінің биржалық инфрақұрылымының бөлігі ретінде 2024 жылдың 6 маусымында AFSA лицензиясын алған ITS Central...

Шілденің 3-4 күндері елордада өтетін Шанхай Ынтымақтастық Ұйымы саммитіне байланысты қалада қауіпсіздік режимі күшейді. Әсіресе, стратегиялық нысандар, мешіт пен шіркеулерге бақылау қатаңдатылды. Дегенмен сырттан келушілерге ешқандай шектеу қойылмайды. Бұл жайында Ішкі істер министрінің бірінші орынбасары Марат Қожаев айтты.

ІІМ бірінші орынбасары елорданың барлық  кіреберісіне блок бекеттер қойылғанын, полиция күшейтілген жұмыс режиміне көшкенін мәлімдеді. Сондай-ақ мешіттер мен шіркеулерге бақылаудың не себепті артқанын түсіндіріп берді.

«Мұндай шаралар қабылданып жатыр. Бұл Қазақстанның ойлап тапқаны емес, халықаралық тәжірибе. Біз мұны халықтың қауіпсіздігі үшін жасап жатырмыз. Мұның бәрі мәртебелі меймандарды қабылдаумен байланысты екенін алдын-ала ескертеміз. Стратегиялық нысандар күзетіледі. Көрші мемлекетте болған оқиғаларға байланысты діни...

Жақында Ұлттық экономика министрлігі KASE және AIX биржасындағы салық жеңілдігін жою, дивидендке салық салу және резиденттер үшін бағалы қағаздар құнын арттыруды ұсынды. Осы орайда «Курсив» Қаржы нарығын реттеу және дамыту агенттігіне (ҚНРДА) сауал жолдап, реттеушінің ұстанымын білді. ҚНРДА салық жеңілдігін жоюды қолдамайды. Есесіне салықтан босатылған кіріс мөлшерін азайту ұсынады.

Қазіргі кезде жеке тұлғалар дивидендтен түсетін табысы 30 мың АЕК-тен аспаса (2024 жылы 110,8 млн теңге), салық төлемейді. Бұл сомадан асып кетсе, инвесторлар 10% салық төлеуі тиіс.

«Салық әділ салынуы үшін бұл соманы азайту қажет деп есептейміз. Бұл табысы төмен жеке тұлғаларға дивидендтен пайда алуға...

Президент Қасым-Жомарт Тоқаев атом электр станциясын салу мәселесі бойынша референдум күзде өтетінін мәлім етті. 

Тоқаев БАҚ саласы қызметкерлерін марапаттау рәсімі аясында референдумның нақты күнін Үкімет белгілейтінін атап өтті.

«Шын мәнінде, елімізде атом энергетикасын дамытуға зор мүмкіндік бар. Оны дұрыс, яғни тиімді пайдаланған жөн. Осы мәселеге қатысты соңғы шешімді халық қабылдайды. Референдум биыл күзде өтеді. Үкімет нақты датаны айқындайды», – деді президент.

Бұдан бөлек, Тоқаев экономиканы дамыту үшін тұрақты энергия көзі керек екендігін баса айтты. 

«Атом электр стансасын салу мәселесін пысықтау туралы нақты тапсырма бердім. Қазір жан-жақты талқылау болып жатыр. Әртүрлі пікір айтылуда. Бұл...

Қазақстанда көліктердің алдыңғы әйнектерін қараңғылауға рұқсат берілуі мүмкін бе? Бұл сұраққа Сенат кулуарында Ішкі істер министрінің орынбасары Марат Қожаев жауап берді.

Спикер кезінде бұл тыйым жүргізушілер мен жолаушыларды анықтаудағы қиындықтарға байланысты енгізілгенін айтады.

«Бірнеше күннен бері тонирование мәселесі көтеріліп жатыр. Қазір Ішкі істер министрлігі алдыңғы және алдыңғы терезелерді қараңғылауға тыйым салудың тарихын зерттеп жатыр. Кедендік одақтың алдыңғы терезелері қаншалықты тонировкалануы керек екені туралы ережелері бар. Бұл талапты бекітуге жол ережесін бұзған жағдайда жүргізушілер мен жолаушыларды анықтауда белгілі бір қиындықтардың туындауы ықпал етті. Қазір құқық бұзушылықтарды тіркеудің жаңа техникалық құралдары пайда болды. Сондықтан біз оның қаншалықты...

Қонаев қаласында атыс болып,  21 жастағы жігіт көз жұмды. Ішкі істер министрінің бірінші орынбасары Марат Қожаев аталған іске қатысты пікір білдірді.

Министр орынбасары Қонаев қаласында атыс болғанын растады.

«Мұндай дерек болғанын растаймын. Қонаевта осындай оқиға болды. Ауруханаға оқ тиген 2 адам түсті, бір адам көз жұмды. Бұл дерек бойынша қылмыстық іс қозғалды. Конфликтіге қатысқандардың барлығы анықталды. Қазір оларды ұстау шарасы жүргізіліп жатыр», – деді Марат Қожаев Сенат кулуарында.

Сондай-ақ Алматы облысының полициясы қылмыстық іс қозғалғанын, күдіктілерге іздеу жарияланғанын хабарлады. Атыс салдарынан 2003 жылы туған жігіт қайтыс болған. Зардап шеккен тағы бір адам ауруханада, ал 1995 және...

Синоптиктер Қазақстан тұрғындарына қолайсыз ауа райы туралы ескертті. Мамандардың айтуынша. Астана, Алматы, Шымкент пен еліміздің тағы екі қаласында ауа сапасы нашарлайды.

«2024 жылғы 27 маусымда Астана, Алматы, Шымкент, Павлодар, Балқаш қалаларында ауаның ластанып, қолайсыз метеорологиялық жағдай күтілуде», – деп жазылған «Қазгидромет» хабарламасында.

«Қазгидромет» болжамынша, елімізде аптап ыстықтың беті 27 маусым күні солтүстік-батыста, 28-29 маусым – оңтүстікте, 29 маусым – солтүстік пен орталықта қайтады. Еліміздің шығысы мен оңтүстік-шығысында  +40+43°С  градусқа дейін қатты ыстық сақталады.

27 маусым күндіз Абай, Жетісу, Ұлытау, Алматы, Ақмола, Павлодар, Қарағанды, Жамбыл, Шығыс Қазақстан, Қызылорда, Түркістан, Қостанай облысының оңтүстігінде, Ақтөбе облысының оңтүстік-шығысында...

Алакөлге апаратын жолдар ашық, асфальт төселді. Бұл туралы ҚР Көлік министрлігі хабарлады.

Алакөл көліне оңтүстік жағынан бару үшін «Талдықорған – Өскемен» автомобиль жолынан Жетісу облысындағы Үшарал кентіне жетіп, содан кейін іргелес жатқан «Үшарал-Достық» жолына өту қажет. Көл жағасымен Жетісу облысының Достық ауылына қарай өтетін бұл учаскенің ұзындығы 180 шақырымды құрайды.

Ал «Талдықорған – Өскемен» автомобиль жолынан Алакөлдің солтүстік жағалауына бару үшін республикалық маңызы бар «Таскескен – Бақты» автомобиль жолына өту қажет. Ұзындығы 133 шақырымды құрайтын бұл учаске Абай облысының Мақаншы ауылына апарады. Одан әрі Мақаншы ауылынан көлге жету үшін облыстық маңызы бар «Мақаншы – Жалаңашкөл» автомобиль жолымен жүруге болады.

Айта...