Жаңалықтар

Алдын ала тергеу мәліметі бойынша, Грозный қаласы үстінде ұшқан ресейлік зымыран Ақтаудағы апаттың себебі болған. Бұл туралы Euronews хабарлады.

Атап салдарынан 38 жолаушы қаза болды. Ақтау әуежайы маңында «Әзербайжан әуе жолдарына» қарасты 8432 рейстің ұшағы апатты жағдайда қонуға ұмтылып, жерге құлаған еді.

Әзербайжан үкіметіндегі дереккөз бейсенбі, 26 желтоқсан күні Euronews-ге «жер-ауа» санатындағы ресейлік зымыранның ұшаққа зақым келтіргенін растаған.

Ұшақ Грозный қаласының үстінде ұшақсыз ұшатын аппараттардың әрекеті кезінде әзербайжандық ұшаққа зымыран ұшырылған. Ұшақтың маңында жарылып, жарықшақтары жолаушылар мен бортсеріктерге тиген.

Әзербайжан үкіметіндегі дереккөздің айтуынша, ұшқыштардың өтініш жасағанына қарамастан, зақым келген ұшақтың әуежайға қонуына рұқсат бермеген. Оларға Каспий...

Қазақстанда 1,4 млн адам eGov арқылы несие рәсімдеуге шектеу қойған. Бұл туралы Үкімет өткен жиында Цифрлық даму, инновациялар және аэроғарыш өнеркәсібі вице-министрі Асхат Оразбек айтқан.

«eGov-тағы «СТОП-несие» деп аталатын функцияда банктік қарыздарды алудан ерікті түрде бас тарту жасалды. Бұл алаяқтарға азаматтардың сыртынан несие рәсімдеуге мүмкіндік бермейді. Ал несие алу қажет болған жағдайда азамат оны өшіре алады. Бұл функцияны 1,4 миллионнан астам азамат пайдаланды», – деді Асхат Оразбек.

Сонымен бірге вице-министр Қазақстанда азаматтардың деректерін қорғау және ақпараттың ұрлануын болдырмау үшін азаматтардың дербес деректерін таратқаны үшін жауапкершілікті күшейту жоспарланып отырғанын хабарлады. Жеке деректердің таралып кетуіне...

Қазақстандық жария компаниялар арасында ең қымбаты – Kaspi болса, ең арзаны – Air Astana. Қазақстан миноритар акционерлерінің қауымдастығы (QAMS) биржа индекстеріне сүйене отырып, отандық 10 компанияның нарықтық құнын есептеген.

Индекске енген компаниялырдың жалпы нарықтық құны 57.3 млрд долларды құрайды. Нарықтың 91,5%-ы үздік төрттікке тиесілі:

Жеке акционерлер қауымдастығының есебінше, жария компаниялардың арасындағы ең қымбаты Kaspi. Оның нарықтық құны – 20 млрд доллар. Kaspi финтех тобы Halyk. компаниялар тобынан 3,8 есе қымбат. Сарапшылар оған бірнеше себеп бар екенін жазады.

Біріншіден, Kaspi акциялары өтімділігі жоғары NASDAQ биржасында саудаланады. Ал Halyk тобының бағалы қағаздары Лондон...

Елімізде «Ортақ есеп жүйесі операторы» құрылады. Букмекер мен ойыншылар арасындағы барлық төлем сол ұйым арқылы өтеді.

2024 жылы 20 желтоқсанда Үкімет «Ортақ есеп жүйесі операторы» ЖШС құру туралы»  қаулыны қабылдады. Жарғылық капиталында 100 пайыз мемлекеттік қатысуымен құрылғандығы жазылған, яғни мемлекетке тиесілі. Нақты айтқанда Туризм және спорт министрлігнің балансына қарайды.

Ортақ есеп жүйесі операторы елдегі букмекерлер мен құмар ойын ұйымдарының жұмысын бақылау үшін қажет.  Енді Қазақстанда букмекер мекемесі немесе тотализатор мен ойыншылардың арасындағы барлық ақша айналымы, оның ішінде электронды ақша болсын, осы компания арқылы өтуі керек.

Егер бір тұлғаға құмар ойындарға қатысуға шектеу қойылған болса, оператор ол адамның ақшасын қабылдамай...

Авиация сарапшысы Абыл Кекілбаев Ақтауда құлаған әзербайжандық ұшаққа оқ тиюі мүмкін деген нұсқаға байланысты пікір білдіруден бас тартты. Өйткені бұл – халықаралық азаматтық авиация ұйымының ұйымының талабы. Ол бойынша, ресми тексеру шықпайынша, қандай да бір ақпарат беруге болмайды. Десе де, сарапшы, құстардың кесірінен ұшақтың құлауын жоққа шығармады.

«Құстардың соғылуынан мұндай апаттардың болуы әбден мүмкін. Әлеуметтік желілерде әртүрлі ақпарат таратылып жатыр. Ресми тексерудің нәтижесі шықпайынша, оларға сенбеуге шақырамын. Бұл мәселе жайында бірдеңе айту қазір қиын. Сенімді ақпарат – қара жәшік. Сондағы сақталған ақпарат белгілі болғаннан кейін, сараптауға болады. Қазіргі кезде ресми тексеру нәтижелерін күтуіміз керек. Соның қорытындысы...

Қылмыстық топ Өзбекстан мен Қырғызстан шекарасында туннель қазып, Түркістан облысынан заңсыз мұнай тасымалдаған. Бұл туралы Түркістан облысы прокуратурасы хабарлады.

Ақпаратқа сүйенсек, қылмыстық топ шекарада ұзындығы 450 метр болатын туннель қазады. Туннель арқылы күн сайын көлемі 5-7 тонна мұнай өнімдерін контрабанда түрінде тасымалдайды. Бұл тасымал екі ай бойы жүргізілген.

«Арнайы іс-шара арқасында қылмыстық топтың барлық мүшелері, оның ішінде Өзбекстан азаматтары да белгілі болды. Шекараның Өзбекстан жағында да қылмыстық топ мүшелері ұсталды», – делінген хабарламада.

Құқық қорғау органдары экспортталған отын үшін көрші мемлекеттен ақша аударылғанын анықтаған. Трансұлттық қылмыстық топтың мүшелері Қазақстан аумағында да, Өзбекстан аумағында да...

Денсаулық сақтау министрлігі Ақтауда ұшақ апатынан аман қалып, ауруханаға жеткізілген адамдардың жағдайы туралы хабарлады. Министрлік мәліметінше, екі адамның жағдайы аса ауыр.

Апаттан зардап шеккен 29 адамның 27-сі Маңғыстау облыстық ауруханасына жеткізілген. Олардың алған жарақаты әртүрлі.

«26 желтоқсан күні таңертең 11 пациент реанимация бөлімшесінде, 13 – травматология бөлімшесінде, 2 – нейрохирургия бөлімшесінде, 1 – хирургия бөлімшесінде ем алды. Пациенттердің жағдайы бойынша, екеуі аса ауыр жағдайда, 11 ауыр жағдайда, 14 – орташа ауырлық дәрежесінде, 2 пациенттің шағымы жоқ, қанағаттанарлық жағдайда», – деп хабарлайды министрлік.

Жарақат алған сегіз адам өкпені жасанды желдету аппаратында жатыр.

Денсаулы...

Каспий құбыры консорциумы (КҚК) энергетика министрі Алмасадам Сәтқалиевтің сөзін жоққа шығарды.

Каспий құбыры консорциумы мәлімдеме жасады. Компания өкілдерінің сөзінше, Қазақстанда мұнай өндірісінің төмендеуіне құбырлар жүйесіндегі жөндеу жұмыстарының қатысы жоқ дейді. 

Бұған дейін министр Алмасадам Сәтқалиев үкімет отырысында мұнай өндірісі туралы есеп берген еді. Ол жерде министр елде 11 айда мұнай өндірісінің түсуін  КҚК-дағы жоспарлы-профилактикалық жұмыстардың тоқтауымен және Теңіз кен орнындағы зауытта жөндеу жұмысы болуымен түсіндірген.  

«2024 жылы КҚК жұмысында мұнай тасымалы көлемінің төмендеуіне себеп болатын шектеулер болмағанын хабарлаймыз. Штаттан тыс жұмыс тоқтауы да болған жоқ», – деп жазылған консорциум хабарламасында.

Компания мәліметінше, 2024 жылы жүк тасушылар Теңіз-Новосібір...

 Ұшақ апатының себебіне қатысты ақпараттарды Қазақстан, Әзірбайжан, тіпті Ресейде жасырып қалуға мүдделі емес. Осындай мәлімдеме айтқан Сенат төрағасы Мәулен Әшімбаев қайғылы оқиғаға қатысты түрлі саяси болжам мен мәлімдеме жасап жүргендерге жауап берді.

Жоғары палата спикері тек ресми ақпарат пен мамандардың сөзіне сенуге шақырды. Сенатор Андрей Лукин де бұл пікірді қолдайды.  Депутат қазақстандық мамандардың шетелдік әріптестердің көмегінсіз-ақ тергеу жүргізуге қабілеті мен тәжірибесі жеткілікті екенін айтады.

Мәулен Әшімбаев қазіргі уақытта әуе апатының себептері мен зақымдану сипаты әзірге белгісіз екенін еске салды. Сөзіне сенсек, оқиға орынында Қазақстан, Әзербайжан және Ресей өкілдері қатысқан арнайы комиссия жұмыс істеп жатыр. Тергеу әлі бастапқы кезеңде екенін ескертті. Ал бейресми мәліметтер...

Маргарита Симонян «Эхо» радиостансасында «Ресей Қазақстанға тағы да әскер жіберсе қуана қабылдайтынын» айтты.

«Украина да, Сирияда да, егер біреулермен есеп айырысу үшін тағы да шақырса, Қазақстандағы қандай да бір бармалейлермен (соғысуға) мүмкіндік берілсе, мен бақытты болар едім. Өкінішке қарай, бұл бізде жоқ», – деді Симонян.

Маргарита Симонян және отбасының Қазақстанға қатысты мұндай агрессиялық пікір білдіруі бірінші рет емес. Оның күйеуі Тигран Кеосаян қазақстандықтарға «Украинаға бір қарап қоюға» кеңес берген еді.

Ол – Ресейдің басты үгіт-насихатшыларының бірі. АҚШ Украинаға қарсы соғысты қолдағаны, үгіт-насихат жүргізгені және АҚШ-тағы сайлауға араласқаны үшін бірқатар бұқаралық ақпарат құралдарына сакция салды. Оны...

Қырғызстандағы қоғамдық орындарда никаб кигені үшін 20 мың сомға (119 мың теңгеге) жуық айыппұл салынады. Бұл туралы ел парламентінде талқыланып жатқан «Діни сенім бостандығы және діни бірлестіктер туралы» заң жобасында жазылған.

Мемлекеттік органдардың ғимаратында және қоғамдық орындарда азаматтың жеке басын сәйкестендіру мүмкіндігі болуы қажет. Депутаттарға осы мақсатта әкімшілік кодекске 127.1-бап қосу ұсынылды. Оған сәйкес, жоғарыда аталған орындарда азаматтардың никаб киюіне тыйым салынады.

Жоғары кеңестің депутаты Дастан Бекешев айыппұл сомасы тым жоғары екенін алға тартқан.

«Бетіңізді жасыру үшін никаб немесе паранжа кигенге 20 мың сом айыппұл салады. Никабты халықтың әлеуметтік осал топтарынан шыққан әйелдер киеді. Бай...

Alibaba, Aliexpress, Apple, Google, Huawei, Netflix, Pinduoduo және Temu сынды ірі компаниялар Қазақстан бюджетіне кейінгі 3 жылда 70 млрд теңге салық төлеген. «Google салығы» деген атаумен белгілі салық Қазақстанда 2022 жылы енгізілген.

Мемлекеттік кірістер комитетінің дерегінде, Қазақстанда электронды саудамен айналысатын 98 шетелдік компания тіркелген.

«Google салығы» электронды саудамен айналысатын және жеке тұлғаларға электронды түрде қызмет көрсететін шетелдік ұйымдарға салынады. Қазақстанда кейінгі 2 жылда шетелдік интернет-компаниялардың қызметін бақылау күшейтілген. Осы мақсатта Салық кодексіне өзгерістер енгізілді. Егер шетелдік компания Қазақстанда заңды түрде тіркелмесе, ел аумағында оның жұмысына тыйым салынуы мүмкін.

2022 жылы «Google салығы» есебінен бюджетке 13 млрд...

Қазақстандағы ең ірі жылы электр станцияларының бірі – Екібастұз МАЭС-1-де жаңа №1 энергоблок іске қосылды. Жаңа энергоблоктың қуаты 500 МВт. Бұл туралы Энергетика министрлігі хабарлайды.

«Екібастұз МАЭС-1 станциясының №1 энергоблогы толық қуатта 72 сағат бойы сәтті жұмыс істеп, пайдалануға енгізілді. Қуаты 500 МВт жаңа энергоблок еліміздің энергетикалық қуаттарын айтарлықтай арттырып, экономика мен халықты тұрақты және сенімді электрмен жабдықтауды қамтамасыз етеді»,– делінген хабарламада.

Екібастұз ГРЭС-1 қазір «Самұрық-Энерго» меншігінде. Компания №1 энергоблокты 2023 жылдың желтоқсанында іске қосуды жоспарлаған. Алайда оның мерзімі бірнеше рет кейінге қалдырылған. Оған себеп құрылысқа қажетті жабдықтардың Украинадан кешігуі. Кейіннен құрылысты Ресейден келген...

Жаңа құрылған Алатау қаласын қаржыландыруға Алматы облысының бюджетінде қаражат жоқ. Бұл туралы Сенат отырысында депутат Жанболат Жөргенбаев айтты.

Депутат 2023 жылы кірістер жоспары орындалмай, облыс 16,7 млрд теңгенің кредиттік берешегін төлей алмай қалғанын айтты. Бұл қарыз 2024 жылдың шығынын қысқарту арқылы жабылған. Салдарынан осы жылға жоспарланған біраз шаралар кейінге қалдырылған. Енді 2025 жылға жоспарланған өңір дамуына қажетті қаражат тағы жетпейін деп тұр. Бұдан бөлек, биыл өңірге бөлінген нысаналы трансферттер көлемі де айтарлықтай қысқарған. Осының бәрін ескере келе, депутат қаржы тапшылығына байланысты Алатау қаласын дамытуға қатысты жоспардың орындалмай қалуы мүмкін деп алаңдайды.

«Жаңа бастамалар көлемд...

Еуразиялық экономикалық одақ елдерінің басшылары (ЕАЭО) 2025 жылдан бастап газ нарығын ортақ деп тануы мүмкін. Жоғары Еуразиялық экономикалық кеңестің осы жоба бойынша шешімі Еуразиялық экономикалық комиссия (ЕЭК) сайтында жарияланған.

«2025 жылдың 1 қаңтардағы жағдай бойынша мүше елдердің заңнамаларын және мүше елдер арасындағы халықаралық келісімді ескере отырып мүше елдердің газ сферасында қалыптасқан қарым-қатынас жүйесінде одақтың газ нарығын ортақ деп тану» , – деп жазылған ЕЭК сайтындағы құжатта.

Құжатты талқылау 2025 жылдың 4 қаңтарына дейін жалғасады. Сондай-ақ Жоғары Еуразиялық экономикалық кеңес ЕЭК-ке 2030 жылға дейін мүше елдермен бірге газдың ортақ нарығын дамыту туралы жоба дайындауды тапсырды...

2024 жылы Қазақстан қарулы күштері әскери базасы испандық әскери ұшақ және түрік бронемашиналарымен толықты. Бұл туралы Қорғаныс министрлігі хабарлады.

«2024 жылы Қазақстан қарулы күштерінің әскери базасы 100-ден астам техника және ұшақтармен толықты», – делінген министрлік хабарламасында.

Министрлік алған қару-жарақ қатарында әуе қорғанысы үшін «Бук М2э», «Тор M2k» зениттік зымыран кешендері, «Роса РБ», «Платформа» және «Нұр» радиолокациялы станциялары бар.

52 «Арлан» сауытты көлігі мен түріктің Otocar компаниясы шығаратын «Cobra II» бронимашинасы, Испанияда шығарылатын «A400M» әскери ұшағы мен Ақтау портына арналған «Шапшаң» десанттық қайығы бар.

Бұдан бөлек, министрлік 85 қару-жарақ, құрлықтағы және авиациялық әскери техниканы, оның ішінде...

2025 жылдан бастап бастап әуе рейстерінің бағасы арзандайды. Келер жылдан бастап QAZAQ AIR әуекомпаниясы әлеуметтік маңызы бар бағыттар бойынша субсидияланған рейстерді жүзеге асырады. Бұл туралы компанияның баспасөз қызметі хабарлады.

«Қазақстандықтар мен ел қонақтары үшін 7 бағытта арнайы тарифтер белгіленді. Бұл қадам аймақаралық әуе қатынасының қолжетімділігін арттыруға бағытталған», – делінген хабарламада.

Әуе компанияның мәліметінше, субсидияланған тарифтер келесі бағыттар бойынша орындалады:

Ішкі істер вице-министрі Игорь Лепеха «Қазақстан айыппұлдар еліне айналды» деп сынаушылардың пікіріне, трассаларда жылдамдықты 110-ға дейін шектеуге қатысты түсініктеме берді.

«Менің ойымша, әрбір құқық бұзушылық жасаған тұлға заңға сәйкес жауапқа тартылу керек. Заң шығарушы ретінде депутаттар норма енгізсе, онда біздің міндетіміз – құқықты қолдану тәжірибесі. Әкімшілік кодексте мұндай норма болса, онда ол орындалуы тиіс. Оған жауапкершілік қарастырылады», – деді вице-министр.

Сенат дәлізінде шенеунікке «Қазақстандықтардың бәрінде қазір камера бар. Жүргізушілерді бәрін пайдаланып, ұстап, айыппұл сала бере ме? Бұл тым артық емес ме?» деген сауал қойылды. Мәселе трассаларда жылдамдықты 110-ға дейін шектеуге қатысты екені анық.

Қарағанды облысы прокуратурасының сотқа дейінгі тергеп-тексеру басқармасы азаматқа азаптау әрекеттерін жасаған полиция қызметкерлеріне қатысты қылмыстық істі тергеп, сотқа жіберді. Бұл туралы ҚР Бас прокуратурасы хабарлады.

Прокуратура мәліметінше, полиция қызметкерлері орташа ауыр деңгейде денсаулыққа зиян келтіру ісі бойынша куәгер ретінде шақырылған азаматқа қысым көрсеткен. Құқық қорғау органдарының екі қызметкері азаматты мәжбүрлі түрде мойындатқызу үшін оған психологиялық қысым жасап, дене жарақатын салған.

Қарағанды облысының қылмыстық істер жөніндегі мамандандырылған ауданаралық соты қылмыстық полиция бөлімінің аға жедел уәкілдерін ҚР Қылмыстық кодексінің 146-бабы 2-бөлігінің 1-тармағы («Азаптау») бойынша кінәлі деп танып, орташа қауіпсіздік деңгейіндегі қылмыстық-атқару жүйесі мекемесінде 3 жылға бас бостандығынан айыру жазасын тағайындады.

Сотталушылар «полиция...

Қазақстанда зиянды жерде жұмыс істеген 13 мыңнан аса азаматқа арнайы жәрдемақы төленді. Бұл туралы Еңбек және халықты әлеуметтік қорғау министрлігі хабарлайды.

 «2024 жылдың 24 қарашасындағы жағдай бойынша 13423 азаматқа арнайы әлеуметтік төлем (АӘТ)  бекітілген. Ол ұзақ уақыт бойы зиянды еңбек жағдайында жұмыс істейтіндерге арналған. Барлығы 14 195 адам өтініш берген» – деп жазылған министрлік мәлімдемесінде.

Ведомство мәліметінше, арнайы әлеуметтік төлем ең көп төлеген аймақ – Қарағанды облысы, 2472 адамға берілді. Қостанай облысында 1515 адамға, Шығыс Қазақстан облысында 1491 адамға төленген.

Ұзақ уақыт бойы денсаулыққа зиянды жерде жұмыс істегендерге берілетін төлем 2024 жылдың 1 қаңтарынан бастап...

2024 жылы әлемдік авиация қалпына келіп, короновирус пандемиясына дейінгі кезеңдегі көрсеткіштеріне жетіп қалды. Биыл жыл басынан бері әуе компаниялары акцияларының бағасы тұрақтанған. 2025 жыл әуе тасымалы саласы үшін табысты болмақ. Halyk finance сарапшылары әлемдік авиация саласының қазіргі жай-күйіне қатысты шолуында осылай деп тұжырымдайды.

Әуе компанияларының табысы қандай болады?

2024 жылы әуе комапияларының жалпы түсімі 965 млн долларды құрайды. Бұл 2023 жылмен салыстырғанда 6,2%-ға артық.

Әлемдік ірі әуе компаниялары 2025 жылғы табысына қатысты болжамын қайта қарап жатыр. Мәселен, Alaska Airlaines 2024 жылдың соңғы тоқсанына қатысты болжамын жаңартып, қарызын азайтқанын мәлімдеді. Компания Hawaiian Airlaines-ті сатып алу нәтижесінде...

Маңғыстау облысы Ақтау қаласы маңында құлаған ұшаққа байланысты Қазақстан Ішкі істер министрлігі Қылмыстық кодекстің 344-бабымен іс қозғады. Бұл туралы Сенат отырысынан кейін журналистерге ішкі істер министрінің орынбасары Игорь Лепеха айтты.

Вице-министрдің айтуынша, қылмыстық іс 344-бап, яғни «Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу» фактісі бойынша қозғалған.

«Оқиға орнында тергеуді басқару үшін министр орынбасары жүр. Тергеуді өзге елден келген әріптестермен бірге, қазақстандық қызметкерлер жүргізеді. Барлық қажетті мамандар тартылады», – деп жауап берді вице-министр.

Айта кетейік, 25 желтоқсанда Әзербайжан әуе компаниясының Бакуден Грозныйға ұшқан ұшағы Ақтау қаласы маңында құлап, 39 адам...

Үкімет мемлекеттік қызметті цифрландырып, жасанды интеллект (ЖИ) енгізуді көздеп отыр. Ал жасанды интеллект мемлекеттік штат санының қысқаруына алып келеді.Бұл туралы Сенат кулуарында Мемлекеттік қызмет істері агенттігі Төрағасының орынбасары Салауат Мүксімов айтты.

Агенттік өкілі ЖИ көмегімен мемлекеттік аппаратты оңтайландыру арқылы әкімшілік процестер автоматтандырылатынын, мұның заман талабына сай, объективті процесс екенін атап өтті.

«Егер бұл процесс жалғасса, әрине, мемлекеттік аппараттың штат саны ықшамдала түседі. Президент жарлығына сәйкес мемлекеттік штат санын ұлғайтуға 2 жылға шектеу қойылған. Яғни ЖИ қосылса, штат саны өспейді, керісінше, қысқарады. Мәселен, бір-бірімен қайталанатын және қажетсіз функацияларды атқаратын штат орындары қысқаруы тиіс. Бұл мемлекеттік...

Әлемге танымал «Игра в кальмара» (Squid Game) сериалының екінші маусымы көрерменге жол тартпақ. Алғашқы бөлімі 26 желтоқсан күні Астана уақытымен сағат 13:00-де Netflix платформасында көрсетіледі.

«Игра в кальмара» – Оңтүстік Кореяның Netflix платформасында көрсетілетін танымал сериал. Ол қарызға белшесінен батқан жандардың өмірден үміт үзіп, ақшалай сыйлық ұту үшін қауіпті ойындарға қатысатыны жайлы туралы баяндайды. Сериал барысында қатысушылар өмір үшін қауіпті, балалық шақтың ойындарына негізделген сынақтардан өтеді. Әр жеңіліс өлімге алып келуі мүмкін.

Еске сала кетейік, сериалдың бірінші маусымы 2021 жылдың қыркүйегінде көрсетілімге шыққаннан кейін, миллиондаған көрерменнің назарын аударып, платформаның ең сәтті жобаларының біріне айналды.