Жаңалықтар

Қазақстанның ЕАЭО бойынша кедендік түсімнен алатын үлесі артуы мүмкін. Мәжілісте Қаржы вице-министрі Ержан Біржанов бұл мәселенің биік мінберлерде талқыланып жатқанын, оның соңы оң нәтижемен аяқталуы мүмкін екенін айтты.

Жиында депутат Ерлан Барлыбаев соңғы геосаяси жағдайларға байланысты ЕАЭО аумағына кіретін импорттық тауарлардың логистикалық тізбегі өзгергенін, Қазақстанның нарықтағы салмағы арта түскенін атап өтті.

«Еуразиялық экономикалық одаққа мүше елдер арасында импорттық кедендік баж түсімдерінен ең көп үлесті Ресей алып отыр. Қазіргі таңда одаққа мүше елдердің экономикалық құрылымы өзгерді. Импортталатын тауарлар жеткізілімінің географиялық тізбегі өзгерді. Белгілі жағдайларға байланысты сыртқы экономикалық айналымның басым бөлігі Қазақстан арқылы жүзеге асырылып...

Ақтау маңында Azerbaijan Airlines әуе компаниясының ұшағы құлағаннан кейін, Әзербайжан президенті Ильхам Әлиев ТМД саммитіне қатыспай Бакуге оралады. Бұл туралы Риа Новости басылымы жазды.

Әлиев ТМД елдері басшыларының саммитіне қатысу үшін Ресейдің Петербор қаласына келген. Алайда Қазақстандағы ұшақ апатынан кейін еліне оралатын болған. Әзірге Әлиев апатқа байланысты пікір білдірген жоқ.

Әлиевтің тапсырмасымен ұшақ апаты болған аймаққа Әзербайжан мемлекеттік органдардың өкілдерінен құрылған делегация келеді.

«Цифрлық даму және көлік министрі, төтенше жағдайлар министрі, бас прокурордың орынбасары, денсаулық сақтау министрінің орынбасары, мемлекеттік азаматтық авиация агенттігі директорының орынбасары, AZAL компаниясының вице-президенті және басқа да бейінді мемлекеттік органдардың өкілдері жолға шықты», — делінген...

Жаңа жылға қай аймақ көп қаражат жұмсағанын білу үшін KursivMedia облыс және ірі қалалардың әкімдіктеріне сауал жолдады.

Маңғыстау облысының әкімдігі жаңа жылға қанша қаражат бөлінетіні әлі нақтылау қажет екенін алға тартып, биылғы қаржы көлемін көрсетпеді. Өйткені, қаржы бюджетті нақтылау барысында белгілі болмақ. Десе де, былтыр, яғни 2024 жылға жаңа жыл мерекесін тойлауға жергілікті бюджеттен 120 млн 318 мың теңге қаражат бөлінген. Соның ішінде, Ақтау қаласы – 76 млн, Жаңаөзен қаласы – 20 млн, Қарақия ауданы – 17 млн 500 мың теңге, Мұнайлы ауданы – 2 млн 100 мың, Бейнеу ауданы – 4 млн 718 мың теңге бөлген.

Маңғыстау облысы Ақтау қаласының маңында құлаған ұшақта алты Қазақстан азаматы болған. Қазақстандықтардан бөлек, ұшақта Әзербайжан, Ресей мен Қырғызстан азаматтары да бар.

Көлік министрлігінің ақпаратына сүйенсек, алдын ала ақпаратқа сәйкес бортта 37 Әзірбайжан, 6 Қазақстан, 3 Қырғызстан, 16 Ресей азаматы болған.

Төтенше жағдайлар министрлігі жария еткен соңғы ақпаратқа сәйкес, 25 адам тірі қалған. Оның ішінде 22 адам ауруханаға жеткізілген.

Маңғыстау облысы денсаулық сақтау басқармасы таратқан соңғы ақпаратқа сәйкес, 28 адам ауруханаға жеткізілген. Әзірге тірі қалғандар арасында кәмелеттік жасқа толмаған 2 бала бары белгілі.

Басқарманың хабарлауынша, апат орнынан 4 адамның денесі табылған. Олардың нақты қай елдің азаматтары екені белгісіз. Ұшақ бортында...

Ішкі істер министрлігі ұрып-соғу және денсаулыққа жеңіл зиян келтіру туралы баптар бойынша Астана мен Алматы тұрғындары жиі жауапқа тартылатынын хабарлады. Елімізде ұрып-соғу бойынша барлығы 3388 іс қозғалып, оның ішінде 387 адам ғана жазаланған. Бұл туралы министрліктің KursivMedia сауалына жіберген жауабында жазылған.

Маусым айында Қазақстанда тұрмыстық зорлық-зомбылық үшін жазаны күшейтетін түзетулер күшіне енді. 

Денсаулыққа қасақана жеңіл зиян келтіргені үшін қазір 200 АЕК (738 мың теңге) айыппұл, қоғамдық жұмыс істеу немесе 50 тәулікке дейін қамауға алу жазасы тағайындалады. Бұған дейін 15 АЕК (50 мың теңге) айыппұл немесе 15 тәулікке дейін қамауға алу болған. 

Денсаулыққа орташа зиян келтірген үшін екі жылға дейін, ауыр...

Қазақстан ағайынды Статилермен арадағы дауды реттеу нәтижесінде Ұлттық қордың бұғатталған 80 млн доллар активін қайтып алған. Бұл туралы 25 желтоқсандағы Мәжіліс кулуарында Ұлттық банк төрағасы Тимур Сүлейменов мәлімдеді.

«Бұл соңғы күндердегі ең жағымды жаңалық деп санаймын. Осыдан 10 жыл бұрын Статимен арадағы дау салдарынан Ұлттық қордың 80 млн доллар активі бұғатталған болатын. Дауды реттеу нәтижесінде Ұлттық қор активтері бұғаттан шығарылып, Қазақстанның Ұлттық қорына қайтарылды. Ұлттық қордағы активтер валютада сақталғандықтан, доллармен санаймыз», – деді Сүлейменов.

Жақында Қазақстан үкіметі мен Ұлттық банк молдован кәсіпкерлері Анатол мен Габриель Статимен арадағы дауға түпкілікті нүкте қойылғанын хабарлаған. Бұл дау...

Ақтауда ұшақ құлады. Желіде жария болған видеоға сүйенсек, ұшақ Ақтау әуежайына жақын жерде құлаған болуы мүмкін.

Қазақстан Көлік министрлігі ұшақ Azerbaijan Airlines авиа компаниясының Әзербайжан астанасы Бакуден Ресейдегі Шешенстан астанасы Грозныйға ұшып бара жатқан рейсі екені жайында ақпарат берді.

Төтенше жағдайлар министрлігі таратқан ақпаратқа сәйкес, Ақтаудағы ұшақ апаты болған жерге 52 құтқарушы мен 11 төтенше жағдайлар техникасы жеткізілген. Құтқарушылар келгенде, әуе кемесі жанып жатқан. Олар отты сөндіруді бастаған.

«Қазіргі уақытта зардап шеккендер туралы ақпарат нақтылануда, тірі қалғандар бар екендігі алдын-ала хабарланды», – делінген министрлік ақпаратында.

ҚР Денсаулық сақтау министрлігінің ақпаратына сүйенсек, бортта 106 адам болған...

Алматының рекреациялық аймақтарында биіктігі 12 қабаттан асатын ғимараттар салынбайды. Бұл туралы Алматы қалалық мәслихатында  Ұлттық экономика вице-министрі Азамат Әмрин айтты.

«Мегаполистің сейсмикалық қауіпті орналасуын ескере отырып, біз қатаң шектеулер мен құрылыс талаптарын енгіземіз. Негізгі жаңашылдық – нүктелік құрылысқа, аула мен рекреациялық аумақтарда және 12 қабаттан жоғары құрылысқа тыйым салынады», – деді Әмрин.

Вице-министр жаңа Қала құрылысы регламенті бекітілетінін айтты. Регламент 2040 жылға дейін Алматы қаласының бұрын бекітілген Бас жоспарына сәйкес енгізіледі. Жаңа регламентке сәйкес, қалада 5 полицентр орталығы бір деңгейде дамып отырады. Сондай-ақ су қорғау аймақтарының, ерекше қорғалатын қала нүктелерінің карталары әзірленеді.

NASDAQ индексі бойынша Tesla, AppLovin және Netflix 2025 жылы негізгі аутсайдерлерге айналуы мүмкін. Америкалық банктер стресс-тестерге байланысты Федералды резерв жүйесіне қарсы сотқа шағым түсірді. Әлемдік экономиканың баяу өсуі ФРЖ-ны пайыздық мөлшерлемелерді төмендетуге мәжбүр етуі мүмкін. 24 желтоқсандағы әлемдік БАҚ шолуына зер салыңыз.

NASDAQ-тың 2025 жылғы басты аутсайдерлері

CNBC мәліметінше, келесі жылы Tesla, AppLovin және Netflix секілді компаниялардың акциялары төмендеуі мүмкін. Өйткені олар айтарлықтай жоғары бағаланған.

NASDAQ индексі бойынша ең көп шығынға ұшырауы мүмкін компания – Tesla. LSEG сауалнамасына қатысқан сарапшылар оның акциялары 35%-ға төмендеуі мүмкін екенін айтты. Компания акциялары Дональд Трамп АҚШ президенті болып сайланғаннан кейін...

17 жасында муай-тайдан әлем чемпионы атанған спортшы Әли Серік бұзақылар қолынан қаза тапты. Бұл туралы QAZAQSTAN MUAYTHAI FEDERATION парақшасында хабарланды.

«Алматы қаласынан қаралы хабар келді. Муайтайдан ересектер арасында әлем чемпионы Серік Али бұзақылар қолынан қаза тапты», – делінген федерация хабарламасында.

Бұл ақпаратты Алматы қалалық полиция департаментінің баспасөз қызметі де растады.

«Наурызбай аудандық полиция Басқармасы 20 жастағы жігітті өлтіру дерегі бойынша қылмыстық іс қозғады. Күдікті «ізін суытпай» ұсталып, уақытша ұстау изоляторына қамалды», – деп хабарлайды департамент.

Баспасөз қызметінің мәліметінше, таныстар арасында жанжал туындаған. Төбелес кезінде спортшыға...

2025 жылдан бастап жүкті және босанған әйелдерге берілетін декреттік төлем көлемі өзгереді. Бала күтімі үшін жәрдемақы қандай болады? Kursiv Media шолу дайындады.

Елімізде босанғаннан кейін берілетін екі жәрдемақы түрі бар. Біріншісі – сүйіншіпұл. Оны тек босанғаны үшін ғана бір рет қана төлейді. Ал екінші түрі – 1,5 жыл бойы бала күтімі үшін ай сайын төлейтін жәрдемақы. Оның мөлшері әр әйелдің босанғанға дейінгі жалақысына байланысты өзгереді. Жұмыс істемейтіндерге берілетін жәрдемақы тұрақты бекітілген. Келесі жылы АЕК көлемінің өзгеруіне байланысты декреттік төлемдер де басқаша болады.

Бала туғаны үшін мемлекет беретін бір реттік төлем. Бірінші, екінші және үшінші бала туылса 149 416 тенге (38 АЕК...

2025 жылдың 1 қаңтарынан бастап кейбір ескі модельдегі смартфондарда WhatsApp мессенджері жұмыс істемейді. Бұл туралы Gsmarena басылымы жазады.

Басылым ақпаратына сүйенсек, Meta ескі Android телефондарында WhatsApp мессенджерінің жұмыс тоқтатады.

Өзгеріс Android KitKat жүйесінде жұмыс істейтін құрылғыларға қатысты. Ол шыққанына 10 жылдан асқан телефондарға әсер етеді. 

Операциялық жүйенің ескі нұсқасында жұмыс істейтін телефондар 2025 жылдың 1 қаңтарынан бастап WhatsApp-қа кіре алмайды. 

Компания өзгерістің себебін WhatsApp мүмкіндіктерінің кеңеюімен түсіндірді. Ал ескі операциялық жүйедегі смартфондар бұл өзгерістерді қондыра алмайды.

Компания мессенджер жұмысын тоқтататын смартфондардың модельдерін атаған:

Түркия Дамаскіде тұрақты үкімет құрылғаннан кейін, Сириямен теңіз шекараларын белгілеу туралы келісім жасамақшы. Бұл туралы елдің көлік министрі Абдулкадир Уралоглу айтты.

Reuters ақпаратына сүйенсек, Түркия Сирияның жаңа әкімшілігімен теңіз шекараларын белгілеу туралы келісімге келу үшін жақын арада кездесулер өткізуді жоспарлап отыр. 

Министрдің сөзінше, теңіз кеңістігін демаркациялау туралы келісім халықаралық құқыққа сәйкес келеді және екі елге мұнай мен көмірсутектерді барлау өкілеттіктерін бөліп алуға мүмкіндік береді.

Уралоглу Сирияның қазіргі уақытша Үкіметімен тығыз байланыста екенін айтқан. Ал Түркия президенті Тайып Ердоған Анкара Сириямен, оның ішінде сауда, энергетика және қорғаныс саласындағы байланыстарды жақсартуға ниетті екенін айтты.

Turkiye басылымының жазуынша, Түркия Сирияның қазіргі Үкіметімен...

Соңғы аптада кинотеатрларда бірнеше фильмдер жоғары табысқа жетті. Әсіресе, көрермендер арасында Disney студиясының туындылары мен отандық фильмдер үлкен сұранысқа ие болды. Ticketon билет операторының мәліметінше, ең көп касса жинаған фильмдердің көшін «Арыстан патша: Муфаса» бастап тұр.

Муфаса: Арыстан патша – 333 574 228 теңге

Disney компаниясының танымал «Арыстан патша» мультфильмінің тарихи желісі ретінде түсірілген бұл фильм көрермендердің жүрегін жаулап алды. Бұл туынды Симбаның әкесі Муфасаның өмір жолын баяндайды. Сондай-ақ, фильм қазақ тіліне дубляждалған.

Қазақ әлемі – 274 690 039 теңге

Отандық киноиндустрияның тағы бір жемісі – «Қазақ әлемі». Ұлттық құндылықтарды дәріптеген бұл...

«Қазгидромет» болжамына сәйкес 25 желтоқсанда Қазақстанның басым бөлігінде тұман мен үскірік аяз болады.

Дауылды алдын ала ескерту 13 облыс пен Астана қаласында тіркелген. Әсіресе елдің шығысында қатты аяз тұрады. Дегенмен республика аумағында қар мен жауын-шашын болмайды.

«ҚазАвтожол» ақпаратына сүйенсек, ауа райына байланысты Жетісу облысында көлік қозғалысын шектеледі.

«2024 жылғы 25 желтоқсанда сағат 08:00-де Жетісу облысында ауа райы жағдайына байланысты «Үшарал-Достық» автожолыны...

24 желтоқсан күні Туризм және спорт министрлігінің ұйымдастыруымен Астана қаласында үздік спортшыларды марапаттау шарасы өтті.  «Үздік – 2024» кезеңіне саңлақтар іріктелген.

Жыл қорытындысы бойынша спорт сыйақысы табысталған шарада министр Ербол Мырзабосынов Олимпиада мен Паралимпиадада спортшылардың жүлделі оралғандарын атап өтті. 2025 жылдың ақпан айында Қазақстан спортшылары қысқы Азия ойындарына қатысады.

Сонымен Елдос Сметов пен Давид Дегтярев «Жылдың үздік спортшысы», Ғалымжан Жылгелдиев пен Юрий Колесников «Жылдың үздік жаттықтырушысы» атанды.  

Грек-рим, еркін және әйелдер күресі федерациясы «Жылдың үздік аккредиттелген спорт федерациясы», «Дзюдо» федерациясының президенті Қуанышбек Есекеев «Үздік аккредиттелген спорт федерациясының президенті» аталымдарын иеленді.

«Жамбы ату» ұлттық спорт ойыны федерациясының президенті Еркебұлан Ілиясов...

Қазақстанда Tengrinews.kz сайты DDOS шабуылына ұшырағанын хабарлады. Бірақ қорғаныс жүйесі сыр берген жоқ. Мұндай шабуыл желтоқсан айының басында да болды деп жазды басылым.

«Ол [қорғаушы] күдіктеніп, Астанадағы «Қазақтелеком» абоненттерінің (және олардың ұялы байланыс операторларының) мекенжайларын жауып тастады», – деп баяндады басылым өзінің Telegram-каналында.

«Қазақтелекомның» техникалық мамандары мәселені шешуге көмектесті, Tengrinews.kz оның себептерін анықтауды жалғастыруда.

2023 жылдың соңында басқа интернет-басылымдарға да шабуыл жасалды. Kursiv Media оқырмандары серверлерге сұраныс санының күрт өсуіне байланысты медиа-сайттарға кіруде қиындықтарға тап болды. 2023 жылдың 6 желтоқсаны мен 11 желтоқсаны аралығында сұраныстардың көлемі 1,3 миллиардқа жетті. Былай күндерде қаралым саны 0,6–1 миллион болатын. Сол себепті тиіст...

Алматы қаласында Қаңтар оқиғасы кезінде қираған нысан орнына мультифункционалды бизнес-парк ашылады. 2022 жылы «Променад» сауда үйі тоналған.

Promenade ЖШС қала құрылысын жоспарлау және урбанистика басқармасына бұл жерді қалай түлететіні туралы ақпарат берген. Орталықта коворкинг ашылады. Алты мәжіліс залы, екі зал және 46 кеңсе жабдықталады деп жазды Tengrinews.kz.

Сауда үйі Абай даңғылы мен Байтұрсынұлы көшесінде тұр. Қаңтар оқиғасы кезінде ғимарат іші өртенді. Оның үстіне бейсауат жүргендер тонаған.

Қаладағы бүлік кезінде 335-тен астам ғимарат қираған. Оның 10-ы мемлекеттік мекемелер деп есептелінеді.

Қызылордада қызды жезөкшелікке тартқан күдіктінің ісі жабық сот отырысында қаралды. Қалалық №2 сот оны 4,5 жылға бас бостандығынан айырды.

Сотталушы заңсыз жолмен пайда табуды көздеген. Қаршадай қызды интимдік қызмет көрсетуге бірнеше рет тартқан. Қорғаушы айыпталушының баласы бар екенін айтып, жазаны жеңілдетуді сұраған.

Қалалық сот материалдары бойынша жәбірленушінің өкілі күдіктіні кешіретінін айтқан.

«Сот үкімімен сотталушы ҚР ҚК 309-бабы 2-бөлігінің 2),3)-тармақтары бойынша кінәлі деп танылып, 4 жыл 6 ай мерзімге бас бостандығынан айыру жазасы тағайындалды», – деп хабарлады №2 соттың баспасөз қызметі.

Бұған дейін 16 жастағы оқушы қызды қатарластары зорлады деген ақпарат тарады. Жыныстық құлдықта болған қызды...

Қазақстан футбол құрамасының бас бапкері, ресейлік тренер Станислав Черчесов әлеуметтік желіде қазақша жаза бастады.

Ол шабуылшы Абат Айымбетовті түрік клубы «Адана Демирспордағы» жетістігімен құттықтаған.

«Ойыншыларымыздың еуропалық чемпионаттардағы жетістіктерін ұдайы бақылап отырамын. Кеше шабуылшы Абат Айымбет Түркиядағы чемпионатта «Адана Демирспор» үшін гол салды. Бұл – оның үшінші матчтағы үшінші голы. Міне бүгін Абатқа қоңырау соғып, жетістігімен құттықтадым. Осы қарқынды төмендетпеуіне тілектестік білдірдім. Ол дарынды жігіт, болашағы алда. Жарайсың, бауырым!», – деп жазды Станислав Черчесов.

Мұның алдында құраманың бас бапкері қазақша сауал қойған журналисті келеке етіп, французша жауап беруге ұмтылған болатын. Бірақ ол кейіннен мұнысын әзілге жорыған...

Қостанайда ERG-ге қарасты қарасты мекемеде бір жұмысшы қаза болды. Бұл туралы Соколов-Сарыбай тау кен байыту өндірістік бірлестігінің баспасөз қызметі хабарлады.

«Вагон төңкергішті жөндеу кезінде слесарь өмірге сәйкес келмейтін жарақат алды», – делінген хабарламада.

Қостанайда ERG-ге қарасты қарасты Соколов-Сарыбай тау кен байыту өндірістік бірлестігі ERG тобына кіреді. Темір кенін өндіріп, өңдеумен айналысады.

Мұның алдында, 30 қазанда Ақтөбе облысы Хромтау ауданындағы Дөң тау-кен байыту комбинатында апат салдарынан екі қызметкер опат болған еді. «Қазхром» ТҰК» АҚ филиалы қаза болған жұмысшылардың отбасына көмек беретінін айтқан. Бұл компания да ERG-ге қарайды.

Бұл оқиғадан кейін хром, марганец, ферроқорытпалар өндіретін «Қазхромды» еңбек...

Банк ЦентКредит артықшылығы бар акциялары үшін 2023 жылға дивиденд төлемек. Биыл сәуір айында қаржы ұйымы қарапайым акциялар бойынша дивиденд төлемейтінін хабарлаған.

Акционерлердің кезекті шешімі бойынша, «қарапайым акцияға айырбасталатын артықшылығы бар акцияға» 42 теңге есептеледі. Дивиденд төлеу 30 желтоқсаннан басталады.

Қор биржасының мәліметі бойынша, банктің CCBNp тикерімен 295 414 дана артықшылығы бар акциясы айналымда жүр. Әр акцияға 42 теңгеден есептегенде 12,4 млн теңге дивиденд төленбек. 2022 жыл үшін де артықшылығы бар акциялары үшін 12,3 млн теңге аударылған.

Былтыр банктің таза пайдасы 2022 жылмен салыстырғанда 10 млрд теңгеге қысқарып, 135 млрд теңгені құраған болатын. Сол кезда қаржы ұйымының былтырғы пайдасы банктің өзінде...

Tesla электромобильдерінен ақау шығып, қайтарып алып жатыр. Кері қайтарылатын Model 3, Model Y, және  Cybertruck электропикаптарының ұзын-саны – 700. Оған дөңгелектерінің қауіпсіздігіне қатысты түйткіл шыққаны түрткі болып отыр.

 Интерфакстың хабарлауынша, компания дөңгелектеріндегі қысымды бақылау жүйесінен кілтипан табылғанын мойындап отыр. Оны дер кезінде жоймаса, апат қатерін күшейтеді. Бұл түйткілді бағдарламалық қамтамасыз етуді қашықтан жаңарту арқылы кетіруге болады.

Tesla электромобильдерінен шыққан кемшілікке тоқталсақ, дөңгелектегі қысым жүйесіндегі бақылау лампасы жанбай қалуы ғажап емес. Жүргізушіге қысымның төмендегенін ескертпей қалады. Суық мезгілде дөңгелектердің қысымының түсіп кетуі жиі кездеседі.

13 желтоқсандағы жағдай бойынша, Tesla электромобильдерінен шыққан ақауға қатысты компанияға 76 кінәрат талап түскен. Сондай-ақ дөңгелектер...

Алматылық ЖЭС-ті газға көшіру 2026 жылы аяқталу керек. Бұл туралы Алматы тұрғындарымен кездесуінде Алмасадам Сәтқалиев мәлімдеді.

Оның айтуынша, қаладағы экологиялық мәселелерді шешу үшін ЖЭС-ті газға көшіру жоспарланып отыр.

 «2024 жылы өткен мемлекеттік талдаудың нәтижесі бойынша, жоба құны 388 млрд теңгеге жетті. Қазіргі уақытта жоба аясында құрылыс алаңы бойынша геологиялық барлау жүргізілді. 1-кезеңдегі барлау жұмысында 22 ұңғыма бұрғыланды, 2-кезеңдегі барлау жұмысында 111-ден 111 ұңғыма бұрғыланды.  Релелік қалқан ғимараты үшін қадаларды құю жұмыстары аяқталды», – деп түсіндірді Сатқалиев.

Жоба аяқталса, ЖЭС-2 арқылы қалада зиянды заттардың бөлінуін 37,3 тоннадан 2,7 тоннаға дейін азайтуға болады.

ЖЭС-ті көмірден газға көшіру...