Жаңалықтар

Әлемге әйгілі жапондық автокөлік бренді Toyota Қытайда жеке кәсіпорын салады. Зауытта өзінің премиум сегментіне кіретін Lexus брендінің электромобильдерін шығаратын болады. Бұл туралы Nikkei Asia басылымы хабарлады.

Дереккөз ақпаратына сүйенсек, зауыт Шанхайда орналасады және шамамен 2027 жылы іске қосылады. Осы арқылы Toyota әлемдегі ең ірі автомобиль нарығындағы позициясын нығайтпақ. 

Қазіргі уақытта Toyota Қытайда автокөліктерді тек жергілікті өндірушілермен бірлескен кәсіпорындарда шығарады. Мысалы, оның FAW компаниясымен бірлескен кәсіпорны бар. Зауыт жазда Чэндуде жаңа Land Cruiser Prado өндірісін бастады. Toyota-ның қытайлық серіктестеріне GAC және BYD кіреді.

Осылайша, Шанхай зауыты Toyota-ның дербес жұмыс істейтін алғашқы жергілікті зауыты болмақ. Компанияның өзі инсайдерлердің ақпаратын әлі растаған...

Бірыңғай уақыт белдеуінің қазақстандықтардың денсаулығына әсерін зерттеуге кететін шығын екі есеге қысқарды. Осыған дейін үш жылдық зерттеуге 160 млн теңге жұмсалуы мүмкін деген Ғылым және жоғары білім министрлігі соманы 54 миллион теңгеге дейін қысқартып тастады. Бұл мәлімет министрліктің конкурстық құжаттамасында көрсетілген.

 «Бағдарламаның жалпы сомасы 2025 жылға – 54 млн теңге», – делінген құжатта.

Құжатта уақыт белдеуінің ауысу тиімділігі туралы ғылыми негізделген қорытынды жасалғаны туралы айтылған. Сондай-ақ зерттеу нәтижелері бойынша халықтың  психикалық және физикалық денсаулығына әсері туралы ғылыми негізделген тұжырымдар ұсынуылуы тиіс.

«Бұл аймақтық ерекшеліктерді анықтап, теріс салдардың алдын алуға бағытталған нақты ұсыныстар...

Ғылыми дәреже алу үшін оқуға келетін шетелдіктердің арасында қытайлықтардың үлесі басым. Бұл туралы Бірінші кредиттік бюро хабарлады.

Бюро мәліметінше, Қытайдан Қазақстанға ғылыми дәреже алу үшін келетін азаматтардың саны осы жылы екі есе артқан. Мәселен, 2024-2025 оқу жылында 89 Қытай азаматы Қазақстанға докторантура оқуға келген. Бұл өткен жылдың көрсеткішінен 2,2 есе көп.

Сонымен бірге жалпы шетелден келіп, докторантура оқитындардың арасында қытайлықтардың үлесі басым. Олардың үлесі 65%-ды құрайды.

Соңғы бір жылда Қазақстанда докторантура оқитын шетелдік азаматтардың үлесі 1,5 есе артып, 137 адамға жеткен. Бұл 15 жылдан бергі ең жоғары көрсеткіш саналады. Қазақстан Болон декларациясын қабылдағаннан бері докторнаттар саны...

Алматыда жетім және ата-анасының қамқорлығынсыз қалған балалар, аз қамтылған және көпбалалы отбасынан шыққан балалар мен ерекше қажеттілігі бар балалар мен спорттық және шығармашылық жетістікке жеткен балаларға арналған президенттік шырша өтті. Оған ұйымдастырушы ретінде қала әкімі Ерболат Досаев келген.

«Таңғажайып жаңа жыл» аталын мерекелік шараға қаланың әр ауданынан 400 бала жиналған.

Балаларға ертегі кейіпкерлері квесттер мен ойындар ұйымдастырып, арнайы сыйлық таратты.

Бүлдіршіндерге Абай атындағы Қазақ ұлттық опера және балет театры артистері «Щелкунчик» ертегілік қойылымын көрсетті.

Аяз Ата мен Ақшақардың дәстүрлі байқауларынан кейін танымал әнші SADRADDIN ән шырқады.

Шымбұлақ тау-шаңғы курортында шаңғы тебу бағасы 25-30 пайызға қымбаттаған. Шымбұлақтың Жалға беру департаментінің басшысы Елдос Курсабаев неге бағаны көтергенін айтып берді.

«Биыл Шымбұлақ тау-шаңғы курорты шаңғы тебушілер үшін абонементтерді көтеруге мәжбүр болды. Оған бірнеше себептер бар. Біріншісі, инфляцияның әсері. Барлық қызмет түрлері қымбаттап жатыр. Екіншіден, инфрақұрылымдарымызға жүктеме орасан зор», – деді Елдос Курсабаев.   

Оның айтуынша, өткен операциялық жылы Шымбұлаққа 1,5 миллион турист келіп, қонақ болған. Туристердің санының күрт артуы қанат жолдарына, мейрамханаларға, әжетханаларға ауырлық түсіреді.

«Мұның бәрін бір қалыпта ұстау, уақтылы жөндеу, профилактикалық жұмыстар өткізу қомақты қаражатты талап етеді. Сосын...

Қытайдың  Commercial Aircraft Corp of China Ltd (COMAC) компаниясы С919 ұшақтарын Қазақстан және Индонезияға сатпақшы. Бұл туралы өзінің құпия дереккөздеріне сілтеме жасап Bloomberg жазады.

Басылымның мәліметінше, қытайлық компанияның өкілдері қазақстандық SCAT Airlines, индонезиялық Angkor Air-мен келіссөздер өткізген. COMAC қарсы тарапқа С919 сериясындағы 156-190 орындық жолаушылар ұшағын сатып алуды ұсынған. Компания Гонконгте, Сингапур және Джакартада халықаралық кеңселерін ашып, әлемдік авиация нарығында белсенділігін арттырып жатыр.

Қазір ұшақ шығаратын көшбасшылар Boeing пен Airbus-тың өндірісінде және ұшақ жеткізуіне қатысты жаһандық кедергілер болып жатқандықтан, қытайлық тарап осы сәтті пайдалануға тырысып жатыр деп жазады шетелдік басылым.

СОМАС тапсырысты қаржыландыру, әуежайлардың инфрақұрылымын жаңартуға көмектесу және басқа...

Еуразиялық экономикалық одақ (ЕАЭО) елдерінің ішінде экономикасы құлдырап, ЖІӨ бойынша ең төмен өсім көрсеткен ел – Қазақстан. Елдің экономикалық өсімі Қырғызстаннан да төмен болып отыр. Бұл туралы Еуразиялық экономикалық комиссияның есебінде жазылған.

«2024 жылдың 9 айының қорытындысы бойынша Еуразиялық экономикалық одақтың барлық елінде жалпы ішкі өнім өсімінің оң динамикасы байқалады. ЕАЭО-дағы ЖІӨ-нің өсу қарқыны 4,2%-ға өсті», – делінген комиссия есебінде.

Одаққа мүше елдер арасында жақсы экономикалық көрсеткішке жеткен Қырғызстан. Бұл елдің ЖІӨ-сі 8,4%-ды құраған. Екінші орында 6%-бен Армения тұрса, үшінші орында экономикасы – 4,5%-ға артқан Беларусь мемлекеті тұр. Ал ең соңғы орындарда...

Қырғызстанда жемқорлық және өзге де қылмыстық істер үшін айыппұл салу ережесі күшін жояды. Парламенттің құқықтық комитеті Қырғызстан Ұлттық мемлекеттік қауіпсіздік комитеті ұсынған заң жобасын мақұлдаған.

Жоғарғы кеңестің құқық тәртіп, қылмысқа қарсы күрес және сыбайлас жемқорлыққа қарсы іс-қимыл комитеті екінші және үшінші оқылымда сыбайлас жемқорлық және өзгеде қылмыс түрлері үшін айыппұл салу ережесін тоқтату мәселесін талқылаусыз мақұлдаған. Комитет оның орнына бас бостандығынан айыру туралы ережелерді бекітуді ұсынды.

Құжатқа сәйкес елдің қылмыстық кодексінің 336-348-баптарына өзгеріс енгізілуі қажет. Олардың ішінде бірнеше қылмыс көзделген: сыбайлас жемқорлық, лауазымдық жағдайды теріс пайдалану, билікті асыра пайдалану, кәсіпкерлердің қызметіне кедергі келтіру, көрінеу тиімсіз келісімшарт жасасу, заңсыз баю...

2025 жылдың 1 қаңтарынан бастап Қазақстан БРИКС-тің ресми түрде серіктес елдерінің бірі болады. Біздің елімізден басқа, бұл санатта Беларусь, Боливия, Индонезия, Тайланд, Куба, Уганда, Малайзия және Өзбекстан да бар. Бұл туралы бірінші болып Ресей президентінің көмекшісі Юрий Ушаков мәлімдеді. Артынша мұны Қазақстанның Сыртқы істер министрлігі де растады.

«Қазан саммитінің маңызды нәтижелерінің бірі БРИКС-тің серіктес елдер категориясы енгізілді. Тізімдегі 13 ел келісілді. Бұл мемлекеттерге тиісті шақырту жіберілді», – деді Юрий Ушаков.

Серіктестік мәртебесіне келсек, 2025 жылдың 1 қаңтарынан бастап серіктес атанатын елдердің өкілдері БРИКС самиттерінің отырыстарына және сыртқы істер министрліктерінің кездесулеріне шақырылып отырады.

2024 жылы...

2024 жылдың 9 айында «Астана» халықаралық қаржы орталығы (АХҚО) арқылы 3,1 млрд АҚШ долларына тең инвестиция тартылды. Бұл туралы қаржы орталығының баспасөз қызметі хабарлады.

Бұл қаражаттың үштен екі бөлігі (2,1 млрд теңге) – Astana International Exchange (AIX) биржасындағы портфельдік инвестициялар, ал қалғаны – АХҚО қатысушыларынан түскен қаражат.

Үш тоқсанда «Астана» халықаралық қаржы орталығының қатысушылары 41,3 млрд теңге салық төлеген. Бұл 2023 жылғы көрсеткіштен 4,3 млрд теңгеге артық,

Қазіргі уақытта халықаралық орталықта АҚШ, Ұлыбритания, Қытай, Түркия, Сингапур және басқа да 85 елден келген 3500-ден астам компания тіркелген. Биыл жаңадан 1,1 мың жаңа компания келген. Былтыр бұл көрсеткіш...

Енді жасанды интеллект елдегі әкімдерге ақыл-кеңес беріп, олардың жұмысына көмектесетін болады. ЖИ халықтың толғандыратын мәселелерді қалай шешу керек екеніне кеңес беріп, әкімдікке түскен өтініштерді талдайды. Бұдан бөлек әлеуметтік осал топтағы отбасылармен қалай жұмыс істеу қажеттігіне де ұсыныстар беретін болады.

Әкімдер апта сайын жасанды интеллектінің көмегімен қазақстандықтардың проблемалары туралы нақты ақпарат алатын болады.

 «Нақты көрсеткіштерді көрсете кетейін. Тамыздан желтоқсанға дейін 276 мыңға жуық отбасы өз жағдайын жақсартып, дағдарыс санатынан шықты. Мысалы, Риддер қаласы. Қараша айындағы жағдай бойынша мұнда 3643 әлеуметтік осал отбасы тұрады. Жасанды интеллект осы отбасылардың әл-ауқатына әсер ететін 3 өмірлік факторды анықтады», — деді Еңбек және әлеуметтік...

Түркияда Кавакли ауылында оқ-дәрі шығаратын зауытта жарылыс болды. Алдын ала ақпарат бойынша 12 адам қаза тауып, тағы 5 адам жарақат алған. Бұл туралы CNN Тurk басылымы жазды.

Басылымның ақпаратына сүйенсек, жарылыс зауыттың өндірістік бөлігінде болған. Себебі әлі белгісіз. Үйінділердің астында қанша адам қалғаны әлі белгісіз.

Кавакли ауылы орналасқан Балыкесир провинциясының губернаторы Исмаил Устаоглуның айтуынша, жарылыс кезінде зауытта диверсия болмаған.

Устаоглу жария еткен ақпаратқа сәйкес, Кареси аймағында жарылғыш заттар өндірілген зауытта болған оқиға кезінде 12 адам қаза тауып, 5 адам жарақат алған. Зауытқа жақын ауыл тұрғындары жарылыстың өте күшті болғанын және сілкініс болғанын айтты. 

«Балыкесирдің Кареси...

2025 жылы Орал қаласында Қазақстан мен Ресей арасындағы өңірлік ынтымақтастықтың XXI форумы өтеді. Бұл туралы қала әкімі Мұрат Байменов келесі жылға арналған бюджет бекітілген қалалық мәслихат отырысында мәлімдеді.

Орал апталығының жазуынша, бұл халықаралық шараға дайындық үшін қомақты қаржы қарастырылып отыр. Қаланың тұрғын-үй коммуналдық шаруашылығын жаңартуға 16,4 млрд теңге бөлінген. Қасбеттерді жөндеп, көппәтерлі үйлердің шатырын қайта жабуға тағы да 228 млн теңге жұмсалуы тиіс.

Орал қаласы үшін бұл өте көп шығын. Айталық, қаланың Экономика және бюджетті жоспарлау бөлімінің жетекшісі Азамат Қадыров Орал қаласының 2025 жылғы бюджеті 46 млрд теңге болғанын мәлімдеп отыр. Оның 4,4 млрд теңгесі республикалық бюджеттен және ұлтты...

2024 жылдың үшінші тоқсанында ұлттық компания қызметкерлерінің жалақысы өскен. ІІ тоқсанда жалпы 96,5 млрд теңге жалақы төленсе, ІІІ тоқсанда 105 млрд теңгеден асқан. Бір тоқсандағы өсім 9%-ға тең.

Ұлттық статистика бюросының мәліметінше, Қазақстандағы ұлттық компаниялар қызметкерлерінің жалақы қоры І тоқсанда 100,5 млрд теңгені құраған.

Сондай-ақ ұлттық компаниялар өз қаражаты есебінен қызметкерлеріне ақшалай жәрдемақы төлейді. Шілде-қыркүйек айларында бұл көрсеткіш 624,7 млн теңгені құраған.

Ұлттық компаниялардың өндірістік емес шығыстары да артқан. Мәселен І тоқсан нәтижесінде өндірістік емес шығыстар 191,3 млрд теңгені құраса, ІІ тоқсанда 2,5 есе өсіп, 484 млрд теңгеге жеткен. Ал ІІІ тоқсанда өндірістік емес шығыстар 383,6 млрд теңге болған.

Халықаралық валюта қорының болжамынша, 2024 жылдың соңында әлемдік мемлекеттік қарыз 102 трлн долларға жетеді. Оның ішінде Қазақстанның мемлекеттік қарызы да көбейе түседі.

2024 жылдың көрсеткіші бойынша, елдің ЖІӨ үлесіндегі мемлекеттік қарыз көлемі 24,8%-ды құрайды. 2029 жылы бұл көрсеткіш 36,6%-ға жетуі мүмкін. Қазір Қазақстанның мемлекеттік қарызы, 2024 жылғы 1 қазандағы есеп бойынша, 30,5 трлн теңге немесе 63,6 млрд долларды құрады.

Жалпы бір жыл ішінде әлемдік мемлекеттік қарыз 5 трлн долларға ұлғайды. Мамандар сөзінше, болашақта бұдан да тез өсуі мүмкін. Оған халықтың қартайып, денсаулық сақтауға кететін шығындардың көбеюі себеп болып отыр. Оның үстіне геосаяси жағдай шиеленісе түсуіне байланысты қорғанысқа...

Авиабилеттерді сатып алу сервисіндегі қазақстандықтардың жеке деректері Ресейдің «Сирена-Трэвел» атты компаниясынан ұрланған. Бұл туралы ҚР ЦДИАӨМ Ақпараттық қауіпсіздік комитетінің төрағасы Руслан Әбдіқалықов айтты.

Комитет басшысының айтуынша, азаматтардың жеке куәлігіндегі аты-жөні мен құжат нөмірі ұрланған. Енді комитет деректері ұрланған азаматтардың атын анықтап, оларға арнайы хабарландыру жіберуді көздеп отыр.

«Деректер Ресей федерациясының аумағында орналасқан «Сирена–Трэвел» деген компаниясынан ұрланып отыр. Бұл авиабилеттерді броньдау қызметін ұсынатын сервис. Біздің әуекомпанияларының бұл жерде ешқандай кінәсі жоқ. Олар да деректері ұрланған азаматтар секілді зардап шеккен тарап саналады», – дейді Әбдіқалықов.

Десе де, жеке деректері ұрланған азаматтар отандық әуе компанияларының үстінен шағым...

 Эмоциялық интеллект адамның бойында бар-жоғы бірден біліне бермейтін дүние. Алайда соңғы кезде оған жиі назар аударылатын болып жүр. Ол қабілет бізге қалай көмектеседі? Оның деңгейін қолдан көтеруге бола ма? Өзіңізде EQ жоғары не төмен екенін қалай біле аласыз? Осының бәрін талдап көрейік.

Эмоциялық интеллект һәм EQ деген не?

         Эмоциялық интеллект деп өзінің де, өзгенің де эмоциясы тани алатын, қалауы мен импульстерін басқара алатын қабілетті айтады. Егер адамда EQ дамыған болса, онда ол оқуда да, жұмыста да мол жетістікке жетеді, келісімге келуге шебер болғандықтан келіссөздерді сәтті өткізеді, басқалардың сезіміне атүсті қарамайтындықтан көпшілік оны жақсы көреді, өзін іштей де...

Ресейлік «Урса Майор» лайнері Жерорта теңізінің Испания мен Алжир арасындағы аумағында батып кетті. Лайнердегі он алты теңізшісінің екеуі жоғалып кеткен. Бұл туралы Испанияның La Verdad басылымы жазды. 

Басылымның жазуынша, оқиға жергілікті уақыт бойынша 24 желтоқсанға қараған түні Испанияның Агилас қаласы мен Алжирдің Оран қаласының ортасында болған. Борттағы 16 теңізшінің 14-і Картахена портына жеткізіліп, екеуі әлі табылмаған.

La Verdad дереккөздерінің хабарлауынша, түнгі сағат 12.30-да кеменің «қозғалтқышы жарылып» кеткен. Құтқару операциясын Ресей әскери кемесімен сол аймақта жүрген испан және алжир кемелері жүргізген. Кейін құтқару жұмыстарына Испания Әскери-теңіз күштерінің патрульдік қайығы қосылды.

Ресми түрде «Урса Майор» жүк лайнері Санкт-Петербургтен Владивостокқа бағыт алған...

Энергетика министрі Алмасадам Сәтқалиев АЭС салатын елді қалай анықтайтынын айтты. Министрдің сөзінше, қазір Үкімет қаулысымен арнайы ведомствоаралық комиссия құрылған.

«Комиссия сұрақтар тізімін жасап, вендор елдерге жіберді. Оның ішінде құрылыстың мерзімі, қаржысы, болашақ тарифтер деген негізгі сұрақтардан бөлек халықаралық консорциумға қатысу мүмкіндігі сұралады. Сол сұрақтар нәтижесі бойынша сараптама жасалған соң, көпшілікке АЭС құрылысына қатысты соңғы шешімді жариялаймыз», – деді журналистерге.

Ведомство басшысының сөзінше, АЭС құрылысы өте ұзақ уақытты алады. Бірақ Қазақстан үшін оңтайлы мүмкіндіктерін қарастырып жатыр.

«Базалық әдістеме бойынша, жобалау уақытының өзі ұзақ, 3 жылға дейін болады. Одан кейін статистикалық мәліметке сүйенсек...

16-17 желтоқсан күндері Қазақстандан интернет дұрыс істемеді. Әсіресе, әлеуметтік желілердің жұмысы баяулап кетті. Мұның себебін Үкімет сағатынан кейін өткен брифингте журналистер Жаслан Мәдиевтен сұрап көрді.

«16-17 желтоқсан күндері интернет дұрыс істемеді. Интернетті митингтен қорыққандықтан, билік әдейі бұғаттап жатыр деген әңгімелер де айтылды. Дәл осындай жағдай Жаңа жыл мерекесінде қайталанбай ма?», – деп сұрады журналист.

Мәдиев интернеттің сол күндері жәй жұмыс істегенін митинг болады деген қорқынышпен еш байланыстырмады. Бірақ нақты сол күндері байланыстың неге нашар болғанының себебін де түсіндіре алмады.

«Біздің елімізде көптеген дерек базасы бар. Техникалық ақаулар кез-келген ұйымда...

Жасанды интеллектіден пайда табатын бес компания қандай? Nasdaq 100 Tesla, Meta және Broadcom акцияларының салмағын азайтты. Synopsys 35 млрд долларға Ansys компаниясын сатып алуды жоспарлап отыр. Ұлыбритания экономикасының тоқсандық деректері төмендетілді. 23 желтоқсандағы әлемдік БАҚ шолуына зер салыңыз.

Жасанды интеллектіден пайда табатын бес акция

Market Watch мәліметінше, 2025 жылы бес компания жасанды интеллектінің дамуы нәтижесінде өз кірістерін арттыра алады. Baron Capital басқарушыларының пікірінше, бұлар – Duolingo, Axon Enterprise, Kratos Defense & Security Solutions, SentinelOne, Tempus AI.

Duolingo шетел тілдерін онлайн үйретуде жасанды интеллектіні белсенді қолданады. Үшінші тоқсанда компанияның белсенді пайдаланушылар саны бір жыл бұрынғы 83 млн-нан 113 млн-ға...

Kaspi Bank 2023 жыл үшін төртінші рет дивиденд төлемек. Банк акционерлерінің шешімімен бір акцияға 3450 теңге дивиденд белгіленген. Акционерлер шешімі Қазақстан қор биржасында орналастырылған.

Қаржы ұйымы қарапайым және артықшылығы бар акциялары үшін дивиденд аударады. 1 қазандағы дерек бойынша, 18,3 млн қарапайым және 372 мың артықшылығы бар акциясы айналымда жүр. Сәйкесінше, осы жолы 64 млрд теңге дивиденд төленбек. Дивиденд төлеу 23 желтоқсаннан басталған.

Банк 2023 жылы 475,8 млрд теңге таза пайда алған. Әдетте банк жылына 4 рет дивиденд төлейді. Наурыз айында 1 акцияға – 4000 теңге дивиденд төленді. Жалпы 74 млрд теңгені құрады.

Маусым айында 1800 теңге дивиденд...

Жамбыл облысы Тараз қаласында ауданаралық сотына 12 жастағы қызды «бір топ адам зорлауы» фактісі бойынша қылмыстық іс келіп түсті. Бұл туралы KursivMedia тілшісіне зардап шеккен отбасының адвокаты Әлия Арзымбетова айтып берді.

Адвокаттың айтуынша, іс қазір сот қарауында, судья әлі тағайындалмаған. Қылмыстық іс ҚК 120-бабы және 121-бабы бойынша (зорлау және сексуалды сипаттағы зорлық-зомбылық әрекеттері) қозғалған.

Арзымбетованың сөзінше, іс маусым айында болған. Сол уақытта Тараз қаласының тұрғыны 12 жасар қызын бірнеше адам зорлады деген арызбен полицияға жүгінген. Тергеу барысында іс бірнеше рет «қылмыстық құрамының болмауы» себебінен тоқтатылмақ болған. Алайда жәбірленушінің анасы президентке үндеу жасап, бұқаралық ақпарат құралдарына жүгінгеннен кейін іс жалғасын тапқан.

Қазақстанда колледждерді жан басына шаққандағы қаржыландыру екі есе артады. Бұл туралы Үкіметтің мәжіліс депутаты Таңсәуле Серіковтың депутаттық сауалына берген жауабында жазылған.

Қазіргі уақытта жұмыс тобы кадрларды даярлау сапасын арттыруды ынталандыру, колледждердің халықаралық салалық кәсіптік қоғамдастықтардың талаптарына сәйкестігін бағалау рәсімінен өту, шетелдік ұйымдармен стратегиялық ынтымақтастық мәселелерімен айналысады.

Техникалық және арнайы білім беру жүйесін қаржыландырудың сараланған әдістері әзірленді.

«Нормативтік қаржыландыру әдістемесіне жан басына шаққандағы қаржыландыруды екі есеге ұлғайту бойынша өзгерістер енгізілді (2024-2025 оқу жылында орта есеппен 437 мың теңгеден 2025-2026 оқу жылында 913 мың теңгеге дейін өсіру). Сондай-ақ жан басына шаққандағы нормативтің артуы жеке және мемлекеттік колледждер оқытушыларыны...