Жаңалықтар

Ақтаудағы ұшақ апатын тексеру үшін Қазақстанға шетелден Embraer ұшағын өндіруші компанияның өкілдері келеді. Бұл туралы Көлік министрлігінің баспасөз қызметі хабарлады.

Министрліктің мәліметінше, Ақтауда болған ұшақ апатын тексеру үшін Қазақстанда мынадай ұйымдардың мамандары:

Ал Қазақстанда Көлік министрлігі жанынан Авиациялық оқиғаларды тексеру жөніндегі комиссия құрылған. «Азаматтық авиациядағы және эксперименттік авиациядағы әуе кемелерінің оқиғалары мен оқыс оқиғалары туралы мәліметтерді ұсыну және тергеп-тексеру қағидаларына» сәйкес құрылған бұл комиссия шетелден келген мамандармен бірлесіп, тексеру...

Ресейдің «Оборонлогистика» ведомствосы Жерорта теңізінде апатқа ұшыраған «Урса Мажор» жүк кемесіндегі жарылыс туралы ақпаратпен бөлісті. Бұл туралы ресейлік РБК басылымы жазған.

Жарылыстан кейін кемеде дабыл жарияланып, сыртқы тексеру кезінде олар теңіз деңгейінен 15-30 см тесік тапқан. Экипаждың екі мүшесі іс-түссіз жоғалып, 14 адам құтқарылды.

Ресейлік «Урса Мажор» кемесінің оң жағындағы үш жарылыстан кейін, 50 сантиметр тесік табылған. Тесік кемені сыртқы апаттық тексеру кезінде табылып, кемеде дабыл қағылған. Ол су деңгейінен 15-30 сантиметр биіктікте болған күннің өзінде су кемеге көтеріліп, жарылыс болған.

«Тесік біртіндеп үлкейіп, темір кеменің ішіне қарай кіре бастаған. Мұны кеме палубасындағы көп сынықтардан...

Маңғыстау облысы Ақтау қаласы маңындағы ұшақ апатында қайтыс болған Қазақстан азаматтарының тізімі жарияланды. Тізімді Төтенше жағдайлар министрлігі жария етті.

Ұшақ апатында Қазақстанның 6 азаматы қайтыс болған. Олардың ішінде 11 жастағы жеткіншек бар. Екі азаматтың «Қазмұнайгаз» компаниясында жұмыс істегені белгілі.

««Azerbaijan Airlines» әуе компаниясының апатқа ұшыраған ұшағында қаза болған жолаушылардың арасында біздің әріптестеріміз де бар екенін күйзеліспен хабарлаймыз», – деп хабарлады компания.

25 желтоқсан күні Шетелде кадрлар даярлау жөніндегі республикалық комиссияның шешімі шықты. «Болашақ» бағдарламасы бойынша 271 азамат сапалы білім алу үшін шетел асады.

«Стипендия иегерлерінің 136-сы – магистратура, 8-і докторантурада оқиды. Сондай-ақ 127 азамат әлемнің ең үздік университеттері мен орталықтарында тағылымдамадан өтеді. Сонымен қатар 170 азамат шетелдің жетекші ғылыми-зерттеу орталықтарында ғылыми тағылымдамадан өтуге стипендия алды», – деп хабарлады халықаралық бағдарламалар орталығы.

Тізімді компания сайтынан көруге болады.

Бұған дейін Kursiv Media бағдарламаға оңай құжат тапсыруға болатынын жазды. Үміткерлерді іріктеу бес факторға байланысты болады.

Желтоқсан айында Мәжіліс депутаттары жаңа заң жобасын сарапқа салды. Осы заңда...

Ақтау қаласында Үкімет басшысының орынбасары Қанат Бозымбаев мемлекеттік комиссия мүшелерімен брифинг өткізді. Журналист Бозымбаевқа «Ұшақ корпусына оқтың ізі бар деген болжам айтылып жатыр, осы рас па?» деген сұрақ қойды.

– Әзірше алдын ала себебін анықтау мүмкін емес. Осы үшін келген мамандар бар. Олар жұмысты орындайды. Сонда түсінікті болады. Мен қазір ештеңе айта алмаймын. Адамдардың не жазып жатқанын қарадым… Ұшақ жерге құлап, аударылып түскенде, көп нәрсе болуы мүмкін еді. Сондықтан осы қазір қорытынды жасаудан аулақпын. Мамандар жұмыс істесін, – деді Бозымбаев.

Вице-премьер жұмыс тобы оқиғаның мән-жайын зерттегеннен кейін, толық мәлімет беретінін айтты.

Қоғамдық тәртіпті бұзғаны үшін 15 тәулікке қамауға алынған Қаржаубай Нұрымов Қонаев қаласының тергеу изоляторынан бостандыққа шықты. Бұл туралы KursivMedia тілшісіне құқық қорғаушы Айтбек Амангелді хабарлады.

«Қаржаубай босатылды. Оны біздің команданың адвокаты Асылбек Әбдірайымов алып кетті. Қазір Қаржау отбасымен уақыт өткізіп, демалғысы келеді. Жақын арада қосымша хабарлаймыз», – деді Айтбек Амангелді.

Шерзат Полаттың әкесі 10 желтоқсанда інісі Нұрғанат Ғайыпбаевтың жерлеу рәсімінен кейін қоғамдық тәртіпті бұзды, бұзақылық жасады және бөтеннің мүлкіне зақым келтірді деген айыппен ұсталып, сот шешімімен 15 тәулікке қамауға алынған.

Сол уақытта Қаржаубайдың туысы болып келетін Бақыт Реймова халықты митингіге шақырғаны үшін 15 тәулікке қамауға...

Қызылорда қаласында мектеп оқушысын жыныстық қатынасқа мәжбүрледі деген айып тағылған тағы бір адам сотталды. Оған Қылмыстық Кодекстің 309-бабы 2-бөлігі 2 және 3-тармақтары бойынша іс қозғалған.

«Сотталушы жәбірленушінінің кәмелет жасына толмағанын біле тұра, пайдакнемдік мақсатты көздеп, оны бірнеше рет жезөкшелікпен айналысуға тартқан», – деп хабарлады №2 соттың баспасөз қызметі.

Прокурор 5 млн теңге моральдық өтемақы төлетуді және төрт жыл түрмеде жазасын кесуді ұсынды. Талап арыз берген тарап күдіктінің кәмелетке толмаған баласы бар екенін, соған сәйкес жазаны жеңілдетуді сұрады.

Қалалық №2 сот ҚК-ның 309-бабы бойынша төрт жылға сотталушының бас бостандығын айыруға үкім шығарды. Оған қоса моральды...

Ақтау маңында құлаған ұшақ апатынан 38 адам опат болды. Бұл жөнінде мемлекеттік комиссияның жетекшісі Премьер-Министрдің орынбасары Қанат Бозымбаев мәлімдеді. Алдын ала мәлімет бойынша аман қалғандардың арасында қазақстандықтар жоқ, деп жазды Tengrinews.

Ақтау қаласында өткен брифинг барысында бұл мәліметті Көлік министрі Марат Қарабаев та растады.

«Әуе кемесі Қазақстанның әуе кеңістігіне сағат 11.02 кірген, ал, 11.28 – де әуе кемесімен байланыс үзілген. Ұшақ бортында 67 адам, 62 – жолаушы, 5 – экипаж мүшесі болған. Өкінішке орай, 38 адам опат болды, 29 адам аман қалды», – деді Қарабаев.

Айтуынша, бортта Әзербайжаннан 37 адам болған...

Биылғы оқу жылында Қазақстанда 113 ЖОО тіркелді. Елде бес жылда алғаш рет университеттер саны артып келеді.

Атырауда бір ЖОО таратылғанымен, Шымкент қаласы мен Ақтөбе облысында екі нысан ашылды.

2006 жылдан бері ЖОО-лардың саны күрт төмендеген. Елде жоғары білім беретін 63 мекеме қалды. Алматы қаласында 23 оқу ордасы жабылған. Соның өзінде шаһарда 37 ЖОО есепке алынған. Осы көрсеткішпен мегаполис озық тұр.

Былтыр 1000 адамға шаққанда Қазақстанда 58 адамның ЖОО-ларда оқитыны белгілі болды. Еуропада бұл көрсеткіш 48 болған.

QS World University Rankings 2025 рейтинг агенттігі үздік университет тізімін жариялады. Оған Қазақстандағы 10 ЖОО енген.

Ал QS Asia University Rankings...

Премьер-Министрдің орынбасары Қанат Бозымбаев бастаған үкіметтік комиссия Ақтауға келіп, жұмысын бастап кетті. Ең алдымен ұшақтың құлаған орнына және зардап шеккен адамдар емделіп жатқан ауруханаға барды. Бұдан кейін шетелдік әріптестерімен кездесу және штаб отырысын өткізбек.

Оқиға орнында қазір Төтенше жағдайлар өкілдері, криминалист-сарапшылар, эксперттер шұғыл режимде жұмыс істеп жатыр.

Төтенше жағдайлар министрі Шығыс Әрінов те Ақтауда жүр. Құтқару жұмыстарына 482 адам, 97 техника, 2 тікұшақ және 4 кинолог жұмылдырылған.

Қазақстан, Ресей және Әзербайжан төтенше жағдайлар қызметі өзара бейнебаланыс арқылы ақпарат алмасып жатыр.

Айта кететін жайт, 25 желтоқсан күні Ақтау әуежайы маңында Azerbaijan Airlines компаниясының Бакуден Грозныйға ұшып бара жатқан Embraer 190 ұшағы...

Сыбайлас жемқорлыққа қарсы іс-қимыл агенттігі «Спортты дамыту дирекциясы» директоры мен оның орынбасарына қатысты тергеуді аяқтады. Бұл мекеме Туризм және спорт министрлігі Спорт және дене шынықтыру комитетіне қарайды.

Агенттіктің ақпаратына қарағанда, екі шенеунікке кәсіпкерлік субъектілерімен бірігіп, 584 млн теңге бюджет қаражатына қол салды деп күдік келтіріліп отыр. Бұл ақша спорт құрал-жабдықтарын сатып алуға бөлінген. Олар туристік операторлармен аса жоғары баға көрсетіп келісім-шарт жасасқан.

«Бұдан бөлек, кәсіпорын директоры жекеменшік компанияның директоры болған кезінде 2021 жылы Батыс Қазақстан облысында футбол мен хоккейді дамытуға бөлінген 161 млн теңге бюджет қаражатын ұрлаған», – делінген агенттіктің хабарламасында.

Агенттік заңға сәйкес, басқа...

Астана білім басқармасының жетекшісін Indigo жүйесін айналып өтіп, балаларды кезектен тыс балабақшаға қабылдаған деп күдіктенеді. Бұл туралы Сыбайласа жемқорлыққа қарсы күрес агенттігінің төрағасы Данияр Биғайдаров хабарлады.

«Мекеме басшысы бірнеше рет пара алып, Indigo цифрлық жүйесін айналып өтіп, мемлекеттік балабақшаларға балаларды қабылдаған деп күдік бар. Сондай-ақ ол лауазымын пайдаланып, өзі жұмыс істемеген жекеменшік балабақшаға баласын орналастырған», – деді Биғайдаров. Қазір күдіктінің ісі сотқа жіберілді.

Indigo — мектепке дейінгі білім беру жүйесіндегі үйден шықпай онлайн түрде балабақша немесе арнайы орталық таңдауға мүмкіндік беретін сервис.  Оның көмегімен арыз беріп, мобильді телефон арқылы кезекке тұруға болады.

Білім беру саласындағы заңсыздықтар...

Антикор қазақстандық жемқорлар мен олигархтардан шетелде заңсыз алынған активтердің қаншасы тәркіленгенін жария етті.  

Сыбайлас жемқорлыққа қарсы іс-қимыл агенттігінің мәлімдеуінше, активтердің басым бөлігі шетелден қайтарылған. Жалпы бүгінге дейін мұндай активтердің сомасы 670,5 млн долларды құрайды. Бұл шамамен 300 млрд теңгеге жуық қаржы.

«Оның ішінде Аустриядан қайтарылған ақша 36,8 млрд, Лихтенштейннен 116,7 млрд, БАӘ-ден 6,3 млрд, Түркиядан 6,5 млрд теңге»,- деп хабарлады Антикор.

Ал шетелдік бағалы қағаздарды сатудан түскен ақша көлмемі 300 млн долларды құрайды, бұл дегеніміз 135,8 млрд теңге.

«Сонымен қатар Ресей мен Францияда да активтер анықталды. Олар қазір «Қайтарылған активтерді басқару компаниясы...

Кез- келген ел үшін мемлекеттік тіл – елдің ішкі тұрақтылығы мен ұлттық қауіпсіздікті қамтамасыз ететін негізгі құралдың бірі. Қазақстанда мемлекеттік тілге қатысты ережелер 1997 жылы қабылданған «Тіл туралы заңмен» реттеледі.

Осы заңның 4-бабында мемлекеттік тіл – қазақ тілі ретінде көрсетілген.

«Мемлекеттiк тiл – мемлекеттiң бүкiл аумағында қоғамдық қатынастардың барлық саласында қолданылатын мемлекеттiк басқару, заң шығару, сот iсiн жүргiзу және iс қағаздарын жүргiзу тiлi», – делінген заңның 4-бабында.

Осы заңда «Қазақстан халқын топтастырудың аса маңызды факторы» қазақ тілін меңгеру – «Қазақстан Республикасының әрбiр азаматының парызы» екені жазылған.

Мемлекеттік тілді дамыту бағдарламалары

Алайда...

2024 жылы Қазақстан экономикасының көлік, сауда, құрылыс және ауыл шаруашылығы салалары өсім байқатқан. Ел бюджетін ұзақ жылдар қомақты салығымен толықтырып келген тау-кен өнеркәсіп саласы биыл аса өспеген. Оған биыл мұнай өндірісінің 2 пайызға қысқаруы себеп.

Қазақстан қаржыгерлер қауымдастығы сарапшыларының жазуынша, биыл осы салалар ел экономикасының негізгі драйверіне айналған. 11 айда көлік саласы 8,1 пайызға өсім көрсеткен. Сауда саласы да осы кезеңде 8,2% қосса, құрылыс саласы +10,3% өсім байқатқан. Ауыл шаруашылығы саласы 13,4% өсті.

Қазақстан экономикасы үшін 2025 жылға болжам қандай?

Халықаралық валюта қорының қазан айындағы болжамы бойынша, биыл әлемдік экономиканың өсімі 2,9%-ды құрауы ықтимал. Ал...

Әзербайжан президенті 26 желтоқсанда Ақтаудағы ұшақ құлауына байланысты қаралы күн жариялады. Бұл туралы Әзербайжанның мемлекеттік ақпарат агенттігі хабарлады.

«Қазақстанда Azerbaijan Airlines әуекомпаниясының ұшағының апатқа ұшырауына байланысты 26 желтоқсан қара күн болып жариялады», – деп мәлімдеді Ильхам Әлиев.  

Сонымен қатар Әзербайжан президенті апаттың себептерін тергеу бойынша мемлекеттік комиссия құру туралы өкімге қол қойды.

Ұшақ апатына қатысты Түрік мемлекеттері ұйымы қаза болғандардың отбасына көңіл айтты.

«Жарақат алғандарға тезірек жазылуын тілейміз. Біздің ой-санамыз бен дұғамыз қайғылы оқиғада зардап шеккен бауырларымызбен бірге. Бұл қайғы тұсында барлық зардап шеккан мемлекет халықтарына көңіл айтып, сабырға...

Қазақстан Ұлттық Банкі осы жылы 25 желтоқсанда жаңа үлгідегі 2000 теңгелік банкноталарды айналымға шығарды.  Ол – «Сақ стилі» жаңа сериясындағы үшінші банкнота.

Банкноталар 2025 жылдың екінші тоқсанында жаппай қолданысқа шығады. Себебі оларды барлық өңірге жеткізу үшін (банкоматтар, терминалдар және басқа да кассалық техника) қосымша уақыт керек деп түсіндіреді банктің баспасөз қызметі.

Банк баспасөз қызметінің жазуынша, жаңа банкнота көшпенділердің бірегей мәдениеті мен бүгінгі Қазақстанға дейінгі ел мұрасын бейнелейтін «Сақ стилі» негізінде безендірілген.

«Банкноталардың түсі – жасыл.  Бет жағында  көкте қалықтап ұшқан құспен «Өмір ағашының» бұтағы бейнеленген. Арғы жағында ою-өрнекпен безендірілген қалқанның фонында ақбөкендер,  «Қалқанды» бейнелейтін дөңгелек...

Mudarabah Capital қаржы пирамидасына қатысты іс бойынша сотталған блогер Мейіржан Төребаев қалған жазасын жеңілдетуді сұрап, сотқа өтініш білдірген. Алайда Алматы қаласының Түрксіб аудандық соты сотталушының өтінішін қанағаттандырмады. Бұл туралы Алматы қалалық сотының баспасөз қызметі хабарлады.

«Алматы қаласы Түрксіб аудандық соты М.Төребаевтың Қазақстан Республикасы Қылмыстық кодексінің 73-бабында көзделген жазаның өтелмеген бөлігін неғұрлым жеңілірек жазамен ауыстыру туралы өтінішін қарады. Барлық мән-жайларды ескере отырып, сот М.Төребаевтың жеке ісінің материалдарын жан-жақты зерттеп, сот қаулысымен өтініш хатты қанағаттандырусыз қалдырды», – деп хабарлайды баспасөз қызметі.

Айта кетейік, Төребаев Алматы қаласы Алмалы аудандық сотының 2023 жылғы 23 маусымдағы үкімімен...

Мемлекеттік кіріс комитеті төрағасының орынбасары Сейілжан Ахметов журналистерге берген сұхбатында келесі жылы кімдер декларация тапсыратынын мәлімдеді.

2025 жылдың 1 қаңтарынан бастап мемлекеттік қызметкерлер, квазимемлекеттік сектордың жетекшілері мен олардың жұбайлары, банктер, құнды қағаздар нарығы, сақтандыру ұйымдарының ірі қатысушылары және олардың жұбайлары, жеке практикамен айналысатын тұлғалар декларация тапсырады. Сондай-ақ шетелдік банктерде 1000 АЕК-тен артық сомада қаражаты бар тұлғалар және өз-өзін жұмыспен қамтушылар кірісі жайлы құжат өткізуі керек.

Тағы өзгерістің бірі – 2025 жылдан бастап мемлекеттік қызметкерлердің декларациясы жарияланады. Олар – «А» санатындағы саяси және әкімшілік қызметкерлер, соттар, Парламент депутаттары. Декларация келесі жылдың 31 желтоқсанына дейін тапсырылуы керек.

Кәсіпкерлігін тоқтатқандар немесе бұрын мемлекетте...

Маңғыстау облысы Ақтау қаласы маңындағы ұшақ апатына байланысты қалада Жаңа жылдық шырша шамдарын жағу салтанатты шарасы кейінге қалдырылды.

«Ақтау маңындағы ұшақ апатына байланысты бүгін жоспарланған облыс орталығындағы жаңа жылдық шыршаны жағу рәсімі кейінге қалдырылды», – делінген қала әкімдігінің хабарламасында.

Айта кетейік, 25 желтоқсан күні Ақтау қаласы маңында Azerbaijan Airlines компаниясының Бакуден-Грозный бағытында ұшып бара жатқан Embraer 190 ұшағы апатқа ұшыраған.  Денсаулық сақтау министрлігінің ақпаратына сүйенсек, бортта болған 69 азаматтың ішінде 29 адам Маңғыстаудағы ауруханаларға жеткізілген. 11 адам ренимацияға түсіп, 2 бала операцияға дайындалып жатыр. Әзірбайжан көлік министрлігі экипаж мүшелерінің қайтыс болғанын хабарлады. Ресейлік Baza басылымыны...

Ринат Зайытов жыл қорытындысы бойынша жоспарлаған мақсаттары қалай орындалғанын айтып берді.  Депутат іске аспай, түйіні шешілмей қалған мәселелердің де барын жасырмайды. Үкіметпен атқарылған жұмысқа өз бағасын берді. Осы тұрғыда ол Үкіметпен жұмысты тасбақа жүріске теңеп отыр.

Үкіметпен жұмыс- тасбақа жүріс…

Депутат жыл бойы өзінің көздеген жоспары қаншалықты орындалғанын айтты. Шешімін таппаған мәселелер де барын жасырмайды.

«Орындалғаны да, орындалмағаны да бар. Мысалы, 1 жылдан астам уақыт ҰБТ орталығы, тестілеу бойынша көп келіспеушілік болды. Жуырда 2025 жылы барлығы қайтадан тестілеу орталығына қайтарылады деген жауап алдық, бұл да  жетістік. Сондай тасбақа жүрістер бар. Иә, негізінде солай бағалаймын...

Депутат Ермұрат Бапи Ресейдің экспансиясы күшейгенін мойындау қажет екенін айтты. Бірақ бұл мәселеге қатысты ұлттық қауіпсіздікке төнетін қауіп-қатерлерді бақылайтын органдар бар екенін алға тартты.

Мәжілістің дәлізінде журналистер депутатқа: «Кейбір сарапшылардың айтуынша, соңғы бір жылда Мәскеудің Астанаға ықпалы күшейген. Кіріптарлық артқанымен келісесіз бе?», – деген сауал қойған болатын.

«Мұны геосаяси жағдайға байланысты мұқтаждық дегеннен гөрі амалсыздық шаралары деп қабылдаған жөн деп ойлаймын. Әлем теңселіп тұрғанда, іргеміздегі елдерде соғыс жүріп жатқанда, бүкіл әлем агрессиялық соғыс деп қабылдап жатқан жағдайда, өзімізді қауіп-қатерге ұшыратуға болмайды», – деді Ермұрат Бапи.

Депутат қоғамда бұл мәселеге қатысты алаңдаушылыққа түсіністікпен қарайтынын айтты.

1 желтоқсандағы дерек бойынша, Бірыңғай жинақтаушы зейнетақы қорында 22,1 трлн теңге жинақталған.

Соның 22 трлн теңгеден астамы Ұлттық банктің сенімгерлік басқаруында. 11 айда бұл қаржыға 2,82 трлн теңге инвестициялық табыс есептелген. Ал жұмыс берушінің міндетті зейнетақы жарнасы бойынша 14,4 млрд теңге инвесттабыс түскен. Жыл басына бергі табыстылық 14,85%-ды құрады.

Жеке басқарушы компаниялардың табыстылығы қандай?

Қазақстандықтар қазіргі кезде жеке басқарушы компанияларға 63,3 млрд теңге жинағын сеніп тапсырған. 63,3 млрд теңгенің 41,16 млрд теңгесін «Қазақстан Халық банкінің» еншілес ұйымы «Halyk Finance» басқарып отыр. 11 айда бұл қаржыға 5,11 млрд теңге инвест табыс есептелген. Зейнетақы активтерінің 2024 жылдың басынан берг...

Қазақстан президенті Қасым-Жомарт Тоқаев Ақтау маңында Әзербайжан ұшағы құлауына байланысты Ильхам Әлиевке көңіл айтып жеделхат жолдады. Бұл туралы Ақорда хабарлады.

Тоқаев ұшақтың апатқа ұшырауы мен экипаж мүшелері, жолаушылардың қайтыс болғаны туралы суыт хабарды терең күйзеліспен қабылдаған.

«Орны толмас ауыр қайғыға ортақтаса отырып, сізге, қаза тапқан азаматтардың туған-туыстарына және барша Әзербайжан халқына көңіл айтамын. Менің тапсырмаммен Қазақстан Үкіметі мемлекеттік комиссия құрды. Комиссия құтқару операциясы аясында тиісті шаралар қабылдап, Әзербайжан тарапына қажетті көмек көрсетеді», – делінген жеделхатта.

Осыған дейін Әзербайжан президентінің Петербордағы ТМД елдері басшыларының саммитіне қатыспай Бакуге оралғаны туралы жазған едік.

Әзербайжан президентінің тапсырмасымен Үкіметі жанынан...