Жаңалықтар

Алматы қаласының Мирас ықшам ауданында құны 9 млрд теңгеден астам тұратын зәулім сарай сатылымға шығарылды. 

«Крыша» іздеуі жүйесінде пайда болған ақпаратқа сүйенсек, тұрғын президент саябағы мен Мирас мектебінің жанында орналасқан. Әйгілі «Жайлау» гольф-клубына да жақын тұр. 

Айта кетейік, хабарламада тұрғын үйдің картадағы болжамды орны ғана көрсетілген, нақты мекенжай туралы ақпарат жоқ. Алайда тұрғын үйдің аумағы туралы ақпарат бар: 2300 шаршы метр болатын 3 қабатты тұрғын үйдің жер учаскесі 290 соток.

Жария болған суреттерді іздеу жүйесіне салған кезде осы тұрғын үйдің сәулетімен, безендіруіне қатты ұқсайтын ғимарат табылды. Ресей архитекторларын іздеу жүйесінде жария болған суреттерге арнайы түсініктеме берілген.

Түсініктемеде тұрғын үйдің ресейлік сәулетші Александр...

Президент Қасым-Жомарт Тоқаев Ұлттық экономика министрі Нұрлан Байбазаровты қызметінен босатты. Бұл туралы Ақорда хабарлады.

«Мемлекет басшысының Жарлығымен Нұрлан Серікұлы Байбазаров Қазақстан Республикасы премьер-министрінің орынбасары – Ұлттық экономика министрі лауазымынан босатылды», – делінген Ақорда хабарламасында.

Желтоқсан айында Үкімет үйіндегі отырыстан кейін журналистер Байбазаровтан «экономикадағы жағдайға, теңгенің құлдырауына байланысты отставкаға кету туралы» сұраған. Алайда министр «өзінің мақсаты отставкаға кету емес, жағдайды тұрақтандыру екенін» айтқан.

Айта кетейік, Байбазаров бұл қызметке жыл басында ғана тағайындалған. Ол «ҚазМұнайГаз», «Қазақстан теміржолы» және «Өзенмұнайгаз» компаниялары мен «Қазақстан даму банкінде» және «Бәйтерек» холдингінде лауазымды қызметтер атқарған.

2024 жылдың ақпан айында...

Шығыс Қазақстан облысы Риддер қаласында Жылу электр станциясында жарылыс болып, алты адам зардап шекті. Бұл туралы облыс әкімі Ермек Көшербаев хабарлады.

Ақпаратқа сүйенсек, төтенше жағдай 21 желтоқсан таңғы 4:39 болған. Қызметкерлер жоспарлы жөндеу жұмыстарын жүргізіп жатқанда газ-ауа қоспасы жарылған. Жөндеу жұмыстары көмір жағу аумағында жүргізілген.

«Жарылыс кезінде алты адам зардап шекті, барлығы ауруханада, жағдайлары тұрақты», – деді ШҚО әкімі.

Әкімдік мәліметінше, ол «Риддер ЖЭО» кәсіпорнының басшысымен бірге электр станциясын бір аралап, жұмыс барысымен танысқан. Қазір станция штаттық режимде жұмыс істеп тұр. Үйлердегі температура қалыпты деңгейде.

«Қазіргі таңда станса қалыпты режимде жұмыс істеп тұр, жабдықтарда ақау байқалмайды. Сондықтан...

Әне-міне дегенше жылдың ең қарбаласқа толы апталарының бірі келіп қалды. Жылдың соңғы 10 күні – хронометражы ұзақ шытырман оқиғаға толы бір фильм секілді. Себебі бұл аптада барша жақынымызға сыйлық алып үлгеруіміз керек, баратын жер де, өтетін түрлі концерттік шара да көп. Қарбаластан шаршап кетсеңіз, қамықпаңыз. Біз алдағы аптада өтетін мәдени кештердің тізімін жасап қойдық. 

«Щелкунчик» қойылымы

Орал қаласы

23 желтоқсан

Жаңа жыл өзгелермен жарысып, «Щелкунчикке» билет алып үлгеруге тырысу, осы бір тамаша қойылымды көру – желтоқсанның соңғы аптасының айнымас дәстүріне айналғалы қашан. 

Санкт-Петербургтік балет жұлдыздары Орал қаласына жол тартты. Сергей Кононенконың жетекшілігімен классикалық балет театры 1999 жылдан бер...

Демалысты пайдалы әрі қызықты өткізу үшін, ғылыми-танымдық Qalam порталында жарияланған материалдар топтамасын ұсынамыз. Демалысты пайдалы әрі қызықты өткізу үшін ғылыми-танымдық Qalam порталында жарияланған материалдар топтамасын ұсынамыз. Осы аптада редакция Тәуелсіздік мерекесіне орай «Желтоқсан оқиғасы туралы Батыс баспасөзі не жазды?» атты зерттеу мақаласын ұсынды. Мариам Новикованың «Кореяның тұрмыстық ырымдары» атты материалы да оқуға тұрарлық өзгеше тақырып. Ал Ольга Гумированың «Ежелгі граффити құпиясы» зерттеуінен Жетісудың Арқарлы тауларындағы тек таңертең ерте немесе күн батар шақта ғана көруге болатын құпия петроглифтердің сырлы да тылсым құпиясына қанығасыз. Фотоархив айдарында XX ғасырдың басындағы Самарқандағы сарт мектебінің суреттерімен таныс боласыз.

Желтоқсан оқиғасы туралы Батыс...

«Қазақмыс» корпорациясы кеншілер наразылығы аяқталғанын хабарлады. Яғни Оңтүстік Жезқазған кенішінің (65 шахта) жұмысшылары тоқтамға келгенін айтқан. Корпорация мәліметіне сенсек, тараптар татуласқан.

«Өз кезегінде жұмысшылар Оңтүстік Жезқазған кенішінің штаттық жұмысын қалпына келтіруге дайын екендерін жеткізді», – деп мәлімдеді «Қазақмыс».

«Қазақмыс» корпорациясы» ЖШС басқарма төрағасы Нұрахмет Нуриев ереуілге шыққан шахта кеншілеріне басы артық талап қоймайтынын, олармен мәміледе болатынын мәлімдеген.

«Компания бұл келісім жұмысшылар мен жұмыс беруші арасындағы серіктестік қатынасты нығайтуға жасалған маңызды қадам екеніне және корпорация кәсіпорындарының одан әрі дамуына ықпал ететініне сенімді», – делінген үздіксіз ақпарат беріп отырған корпорация сайтында.

«Қазмұнайгаздың» еншілес компаниясы – «Ембімұнайгаз» Тайсойған полигоны аумағында барлау жұмысын жүргізеді. Компания мұнай мен газ қорын табуды мақсат етіп отыр. Оған уәкілетті орган экологиялық рұқсат берген.

Биыл «Ембімұнайгаз» ескі полигон аумағын тексерген. Тереңдігі 50 метрден болатын сегіз ұңғыманы қазған. Соның нәтижесінде жерасты суына зара болмайды деген қорытындығы келген.

Тайсойған тарихы

КСРО кезінде 1949 жылы Атырау аумағында сынақ алаңы бекітілді. Қаладан 250 шақырым жерде осы жерге зымырандар жарылды. 1966 және 1977 жылдары 25 жерасты ядролық жарылыс сынақтан өтті.

Полигон аумағы үкіметаралық келісім нәтижесінде 2015 жылы Қазақстанның құзіретіне өтті. Геопортал арқылы бұл жерде мұнай өндіретін 25 нысан анықталған.

Қыркүйект...

Сәтбаев кеншілері ҰҚК қысым жасап жатқанын айтып, Тоқаевтан араша сұрағаны мәлім. Оңтүстік Жезқазған кенішіндегі  №65 шахтадағы жұмысшылар корпорация талаптарымен келіспей тұрғанын бейнеүндеуде айтты.

«Қазақмыс»  копорациясы жұмысшыларға басшылық тарапынан қысым болмағанын хабарлап, ақпарат жариялады. Соған сәйкес күштік құрылымдар да тиіспегенін атап өтті.

Холдинг кеншілердің орташа жалақысы 730 431 теңге екенін алға тартты. Корпорация ереуілшілердің кейбір талабымен келіскенін де айтып отыр.

«Ұсынылған шарттарды қызметкерлердің басым көпшілігі, 40 мыңға жуық адам, қолдады. 65 шахта (ЮжР) жұмысшыларының шағын тобы ғана ымыраға келмей отыр», – деп түсіндірді корпорация.

Компанияның баспасөз қызметі ереуілге шыққандарды ыстық тамақпен қамтып жатқандарын да қаперге...

Боран салдарынан Алматыда әуе рейстері кешігіп жатыр. 20 желтоқсан күні сағат 20:45-тен 23:00-ге дейінгі аралықта әуежай ұшақтарды қабылдамайды.

«Қазіргі уақытта Алматы әуежайынан 9 рейстің ұшуы, 12 рейстің келуі кешіктіріліп, 2 рейс тоқтатылды», – деп хабарлады Азаматтық авиация комитеті.

Күн райы бұзылып, әудем жер көрінуден қалған. Жел екпіні – секундына 5 метр. Алдағы бір сағат қарлы жаңбыр толассыз жауады деп болжанған.

«Кешіккен рейстер ұшу кестесінің өзгеруіне әкелуі мүмкін. Осыған байланысты жолаушыларға өз рейстерінің мәртебесі мен ұшу уақытын әуежай мен әуе компанияларының анықтама қызметтерінен алдын ала нақтылауға кеңес беріледі», – делінген хабарламада.

Шенген визасын алу жеңілдейді. Өйткені Қазақстан мен Еуроодақ арасында ынтымақтастық артып келе жатыр. 2025 жылы Еуроодақ пен Қазақстан қазақстандықтар үшін визалық либерализация мәселесі талқыланады. Бұл жөнінде Қазақстан СІМ вице-министрі Роман Василенко мәлімдеді.

IPG-ге берген сұхбатында вице-министр келесі жылы СІМ қазақстандықтарға Шенген визасын алуды жеңілдету үшін Еуроодақ елдерімен келіссөз басталатынын айтты.

«Қазақстан 2017 жылдан бастап ЕО-ның барлық елінің азаматтарына визасыз режим берген. Сөз жоқ, өз азаматтарымыз үшін виза талаптарын жеңілдету мәселесіне ерекше назар аударып отырмыз», – дейді вице-министр.

Роман Василенконың айтуынша, 2023 жылы қазақстандықтар үшін ЕО-ға мүше елдердің визалық режимін жеңілдету және реадмисия мәселесі бойынша...

ҚР Тұңғыш Президенті Назарбаевтың қызметтік көлігі болған Mercedes 600 SEL (Sonderschutz) GUARD B7 сатылады. Kolesa.kz сайтында осындай хабарландыру жарияланды.

Хабарландыру иесінің жазуынша 1993 жылы Германияда арнайы тапсырыспен жасалған көлік «нағыз антиквариат және еліміздің бүкіл тарихының куәгері».

Сондай-ақ автокөліктің брондалғаны, Калашников автоматы мен снайперлік винтовкалардың оғына, тіпті 4 келілік тротил жарылысына төтеп бере алатыны, өрт сөндіру жүйесі бары айтылады.

«ContInental CTS 265-40 R500 шиналары оқ тиген жағдайда да қашып құтылуға мүмкіндік береді. Шанаққа оқ тиген жағдайда орны өздігінен жойылып кетеді. Дәл осындай көлік Грузия Президенті Эдуард Шеварнадзенің өмірін сақтап қалған. Ал Владимир Путиннің тура осындай көліг...

Осы аптада «Росатомпром» Қазақстандағы кәсіпорындарын Қытай компаниясына сататыны туралы жаңалық шықты. Неге ресейлік алпауыт өзіне тиесілі кен орындарын сатып жатыр? Бізге қытайлықтар келуін қалай қабылдауымыз керек? KursivМedia сала сарапшысымен сөйлесіп, осы сұрақтарға жауап табуға тырысып көрді.

«Росатом» Қазақстандағы уран кен орындарынан құтылуға тырысып жатыр ма?

Негізі үзілді-кесілді олай деуге келмейді. Ресейлік компанияның  Қазақстандағы  «Хорасан-U» БК» ЖШС және  «Қызылқұм» ЖШС кен орындарында үлесі бар еді. Оларды  «Ураниум Уан Груп» АҚ  компаниясы арқылы басқарды. Бірақ екі кен орнын сатып жіберсе де, ең ірі кен орны әлі де Кремльдің уысында. Сатылған кен орындары «Росатом» үшін аса маңызды емес. Дәл қазір ресейлік алпауыт...

Кейбір банктер мен валюта айырбастау пунктері 1996-2013 жылдары шыққан АҚШ долларларын қабылдамай жатыр. Ұлттық банк бұл мәселеге орай азаматтардан жиі шағым түсіп жатқанын алға тартты.

Қаржы реттеушісі ескерту жасап, бұл ақша төлем құралы екенін, түпнұсқалығы расталғанын айтты. Доллар бүтін болса, яғни, жыртылған, бүлінген жері болмаса Қазақстан аумағында ешқандай комиссиясыз қабылдану тиіс. Өйткені бұл жайт қолма-қол шетел валютасын айырбастау операциялар жасау тәртібінде нақты көрсетілген.

Комиссия тек қана төлем жасауға болмайтын, жарамсыз доллар үшін ғана алынуы мүмкін.

«Егер айырбастау пункті комиссия алса немесе шетел валютасын шыққан жылына қарай қабылдаса, валюта айырбастаудан негізсіз бас тартса, сол айырбастау пункті орналасқан...

Өткен аптада доллар/теңге жұбындағы валюта бағамы біршама құбылды. Тәуелсіздік мейрамынан кейін6 сәл қымбаттаған көкқағаз құны апта соңына қарай қайта түсті. 13 желтоқсандағы сауда-саттықта орта есеппен 522,8 теңге сатылған. Доллардың 20 желтоқсан күнгі бағамы 523,9 теңгені құрады.

Валюта бағамы қалай құбылды?

17 желтоқсан күні доллар бағамы біршама өскен болатын. Қор биржасындағы кешкі саудада АҚШ валютасы бірден 1,86 теңгеге қымбаттап, орташа бағамы 524,66 теңгені құраған. Ал айырбастау пункттері 523 теңгеден сатып алып, 527-529 теңгеден сатты. 19 желтоқсанда доллар бағамы 524 теңге болса, 20 желтоқсан күнгі кешкі саудада 523,9 теңгеден сатылды.

Бұл ретте Freedom Broker сарапшылары доллардың 525 теңгеден төмен...

Түркістан облысында биыл Жаңа жыл мерекесін тойлауға бюджеттен бір теңге де бөлінбеген. Түркістан облысы әкімдігінің мәліметінше, үш жылдан бері бұл мақсатқа қаржы жұмсалмаған. Десе де, бұл мереке тойланбайды деген сөз емес.

«Жаңажылдық шырша Түркістан қаласында орналасқан «Керуен-сарай» кешені аумағында және «Жеңіс» саябағына қойылады. Ал бас шырша әкімшілік-іскерлік орталыққа орнатылады», – делінген Түркістан әкімдігінің жауабында.

Жаңа жылға ақша шығармау түркістандықтар үшін дағдыға айналып кеткенге ұқсайды. Қажет болған жағдайда демеушілер тартылады екен.

Ал Қызылорда Жаңа жылды тойлауға қызу кірісіп жатыр. Облыста жаңа жылға арнайы 9,4 млн теңге бөлініп отыр. Қызылорда қаласы мен аудандық бюджеттерден қосымша 36,5 млн...

Талай жылдан бері құрылысы аяқталмай тұрған Астанадағы LRT желісі 2026 жылдың басында пайдалануға беріледі. Бұл туралы Орталық коммуникациялар қызметінде өткен брифингте қала әкімі Жеңіс Қасымбек айтты.

Әкім LRT құрылысы осы жылы белсенді жүргізілгенін және бірқатар жұмыстардың аяқталғанын атап өтті.

«Біз эстакадаға қатысты жұмыстардың барлығын аяқтадық. Инфрақұрылымы келесі жылы жазда дайын болып қалады. Дәл қазіргі уақытта рельстер салынып жатыр. Бірінші пойыздар тамызда жеткізіле бастайды. Күзге қарай жалпы, 15 пойыз құрамы жеткізілмекші. Пойыз құрамдары техникалық мақсатта келесі жыл соңында іске қосылып, тексеріле бастайды. Ал 2026 жылдың басында LRT желісі пайдалануға беріледі», – деді әкім.

Кеншілерге қысым көрсетті

ҰҚК мен ішкі істер органдарының қысымы тоқтағанын сұраймыз. «Қазақмыс корпорациясы» басшылығы бізбен санаспай отыр. Сәтбаев шахтерлері бүгін осындай мәлімедеме жасап, президент Қасым-Жомарт Тоқаевқа үндеу жасады.

KursivМedia редакциясына келіп түскен видеода бір топ кеншілер Оңтүстік Жезқазған кенішіндегі 65-шахта жұмысшылары екенін айтады.

«Жер астында үш күн өтті. Жезқазған кеншілерінің талабын «Қазақмыс корпорациясының» басшылары елемей, адам қатарына санамайды. Қара жұмысшыларымен санаспайды», – дейді ортада тұрған ер адам.

Оның айтуынша, жер асты кеншілерінің арасынан «мұң-мұқтажын басшылыққа жеткізу үшін» арнайы бастамашыл топ сайланған. Олар шахтерлер талабын компания басшылығына түсіндіріп отырған. «Сайланған жігіттерді КНБ тарапы...

Ағайынды Статилер тарапы Ұлттық қор активтеріне қатысты талаптарынан бас тартты. Бұл туралы Ұлттық банк мәлімдеді.

Бұған дейін Қазақстан мен молдован кәсіпкерлері Анатол және Габриэль Стати арасындағы 14 жылдық дауға түпкілікті нүкте қойылғаны хабарланған.

«Реттеу нәтижесінде Қазақстан Ұлттық Банкі Стати тараптарының Қазақстан Республикасы Ұлттық қорының активтеріне қойған талаптарынан бас тартуына және Швецияда қамтамасыз ету шараларының ықпалында болған Қазақстан Республикасы Ұлттық қорының активтерін өз иелігіне қайтаруға қол жеткізді», – делінген хабарламада.

Ұлттық банкте бұл даудың шешілуі Ұлттық қордың операциялық икемділігін арттыруға және инвесторларды тартуға жаңа мүмкіндіктер ашатынын, бұл өз кезегінде Ұлттық қордың ұзақ мерзімді табыстылығын...

Қазақстанда судьяларды жасаған қателіктері үшін тәртіптік жауапкершілікке тарту жүйесінің тәртібі өзгерді. Тиісті құжатқа президент қол қойғаннан кейін заң жобасы жарияланды.

Құжатқа сәйкес, судья сот істері мен материалдарын қарау кезінде заңдылықты өрескел бұзғаны үшін тәртіптік жауапкершілікке тартылуы мүмкін.

Оның ішінде «заңдылықты өрескел бұзу» бұзу ұғымы түсіндірілген. Бұл судья өзінің немқұрайлығы немесе салдарынан жол берген Заңның айқын және елеулі бұзылуы.

Заңдылықты өрескел бұзу фактісін жоғары тұрған сот сатысы белгілейді. Яғни аудандық соттарға жауапкершілікті облыстық, облыстық соттарға Жоғары сот тағайындайды. Алайда жауапкершілік туралы жаза тағайындамас бұрын бұл сот төменгі сатыдағы соттың үкімін тексеріп, оның күшін жоюы немесе өзгертуі қажет. 

Істі қараған судьяларды...

Маңғыстау облысында орналасқан Бозжыра шатқалы мен Айрықты шатқалында екі қонақүй салынады. Осылайша бірнеше жыл бұрын халық қарсылығына байланысты тоқтап қалған жоба қайта жаңғыртылмақ. Бұл туралы Орталық коммуникациялар қызметінде өткен брифифнгте Маңғыстау облысының әкімі Нұрдәулет Қилыбай айтты.

«Бір кездері инвесторлардың бастамасы жүзеге аспай қалған болатын. Қазіргі күні біз ол жерде қонақүй салуды жоспарлап отырмыз. Тек Бозжырада ғана емес, сонымен бірге дәл сондай Айрақты деген жер бар. Сол жерде де қонақүй саламыз», – деді әкім.

Әкім мәліметінше, құрылыс жүргізетін компания нақты қай жерде қонақүй салынатынын белгілеп қойған. Қазіргі күні жобалық-сметалық құжаттама әзірленіп жатыр.

Зейнетақы жинағындағы қаржыны тек зейнет жасына толғанда, шетелге кеткенде немесе мұрагерлік үшін алуға болады. Заңда бекітілген жағдайдан басқа себеппен қаржыны шешіп аламын деу алаяқтық деп ескертеді зейнетақы қорының баспасөз қызметі

Қор өкілдерінің жазуынша, соңғы уақытта әлеуметтік желілерде, онлайн-хабарландыру платформаларында ең төменгі жеткіліктілік шегінен (ТЖШ) асатын зейнетақы жинағын алуға көмектесемін деген ұсыныстар тарап кеткен. Бірақ ондай қызметке келіссеңіз, ақшаңызды айырылып қаласыз. Тіпті сіздің жеке дерегіңізді басқа алаяқтық мақсатта қолданып кетуі мүмкін деп ескертті зейнетақы қор мамандары.

Заң бойынша, зейнетақы қорындағы қаржыны зейнет жасына толғанда, 1 немесе 2 топ мүгедектігі болғанда, шетелге тұрақты көшіп кеткенде немесе мұрагерлік үшін алуға болады. Ал зейнетақы...

Қазақстан Денсаулық сақтау министрлігі 2027 жылға дейін медициналық-санитариялық алғашқы көмек (МСАК) қызметтерін міндетті әлеуметтік медициналық сақтандыру (МӘМС) пакеті аясында ұсынуды көздеп отыр.

Тегін медициналық кепілдендірілген көмекке қандай қызметтер кіреді?

Министрліктің мәліметінше, МӘМС жүйесіне енгізілетін өзгерістерге қарамастан, барлық азамат медициналық көмектің мынадай түрлеріне тегін қол жеткізе алады:

Жедел жәрдем қызметтері; инфекциялық ауруларды диагностикалау және емдеу; әлеуметтік маңызы бар аурулар (туберкулез, онкология, АИТВ, созылмалы гепатиттер және т.б.) кезінде емдеу және дәрі-дәрмекпен қамтамасыз ету, өмірге қауіп төндіретін жағдайларда шұғыл стационарлық көмек, паллиативтік көмек және қан препараттарымен қамтамасыз ету.

Мемлекет балалар, жүкті әйелдер, зейнеткерлер, студенттер, жұмыссыздар және мүгедектігі бар адамдар сияқты...

Қазақстандықтар жылу және электр тарифтерінің төмендеуіне байланысты коммуналдық шығындардың бір бөлігі қайтарып алуға болады. Бұл туралы Ұлттық экономика министрлігі Табиғи монополияларды реттеу комитетінің (КРЕМ) 108 табиғи монополия субъектісі үшін уақытша өтемақы тарифтерін (ЖКТ) бекіту бұйрығында жазылған.

Азаматтарға қайтарылатын шығынның (5,4 млрд теңге) 4,2 млрд теңгесі жылумен жабдықтауға, ал 1,2 млрд теңге электрмен жабдықтауға тиесілі. Қаражат өтелмеген инвестициялық бағдарламалар аясында қайтарылады. Бұл қаржы бұған дейін тарифтік міндеттемелердің орындалуын бақылау инфрақұрылымды жаңғырту және коммуналдық қызметтердің сапасын арттыру үшін көзделген. 

Өткен жылмен салыстырғанда жылу және электрмен жабдықтауда ЖКТ төмендегеніне қарамастан, күрделі инвестициялардың өсуі байқалады. 2024 жылдың он айында салымдар көлемі 871,2 млрд...

Қазақстандағы банк конгломераттарының активтері 2024 жылдың ІІІ тоқсанында 4,2 трлн теңгеге (9,8%) артып, 45,9 трлн теңгені құрады. Бөлінбеген табысы 5,6 трлн теңге жеткен. Бұл туралы Қаржы нарығын реттеу және дамыту агенттігінің (ҚНРДА) статистикасында жазылған.

Банк конгломерттары берген несие 9 айда 12,1%-ға өскен. Жалпы 25,5 трлн теңге несие рәсімделген. Әсіресе, «АЛМЭКС» холдинг тобы (430 млрд теңгеге) мен Kaspi.kz (387,4 млрд теңгеге) банк конгломератының көрсеткіші жоғары.

Бағалы қағаздар портфелі 12,9 трлн теңгеге жетті. Бұл көрсеткіш өсімі «Еуразиялық қаржылық компания» (212,3 млрд теңгеге) және First Heartland Securities (200,3 млрд теңгеге) банктік конгломераттарында байқалған.

Ірі банк конгломераттары қандай?

ҚНРДА...