Жаңалықтар

«Қазатомөнеркәсіп» ресейлік серіктесі «Росатомның» кейбір бірлескен кәсіпорындардың құрамынан шыққаны туралы хабарлайды.

«Росатомға» қарайтын «Ураниум Уан Груп» АҚ  өзіне тиесілі  «Заречное» БК» АҚ-ның акциясының 49,979%-ын сатты. Сатып алушы – SNURDC Astana Mining Company Limited», – деп жазылған компания таратқан хабарламада.

«Заречное» БК» АҚ Түркістанда уран өндірумен айналысатын кәсіпорын.

 «Ураниум Уан Груп» АҚ осындай тағы екі кәсіпорынды қытайлық China General Nuclear Power Corporation-ға сатуды жоспарлап отыр. Нақты айтқанда, «Хорасан-U» БК» ЖШС-ның жарғылық капиталына қатысу үлесінің 30%-ын және «Қызылқұм» ЖШС-ның жарғылық капиталына қатысу үлесінің 30%-ын қытайлық тарапқа бермекші.

 «Хорасан-U» Қызылорда облысының Жаңақорған ауданындағы Солтүстік Харасан кен орнында уран өндіреді. Ал...

2024 жылдың 11 айында Қазақстан экономикасы 4,4%-ға өскен. Бұл туралы Үкімет отырысында Ұлттық экономика министрі Нұрлан Байбазаров айтты.

«2024 жылғы қаңтар-қарашаның қорытындысы бойынша экономиканың өсуі қаңтар-қазанмен салыстырғанда 0,3 проценттік тармаққа жеделдеп, 4,4%-ды құрады. Нақты сектордағы өсу 5%-ды құрады, көрсетілетін қызметтер саласындағы өндіріс 4,5%-ға артты», – деді министр.

Бұл өсімге негізінен мұнай емес сектордың дамуы әсер еткен. Бұл сала биыл 5,1%-дық өсім көрсеткен. Атап айтқанда, ауыл шаруашылығында, өңдеу өнеркәсібінде, құрылыс пен сауда, көлік салаларында айтарлық оң өзгерістер байқалған. Бұлардың ішінде ең жақсы өсім көрсеткен сала ауылшаруашылығы мен құрылыс саласы.

Ал сауда 8,2%-ға, көлік қызметтері 8,1%-ға...

2025 жылы айлық есептік көрсеткіш (АЕК) көлемі шамамен 4 мың теңгеге жақындайды. Сәйкесінше, айыппұл көлемі де өседі.

2024 жылғы 1 АЕК – 3 692 теңге болса, 2025 жылы 1 АЕК – 3 932 теңгеге артады. Келесі жылдан бастап, мемлекеттік рәміздерді қорлағаны үшін айыппұл 11 796 000 теңгені құрайтын болады.

Ал қоқысты белгіленбеген жерге төгу, қоғамдық орындарда түкіру сияқты әкімшілік бұзушылықтар үшін 39320 теңге көлемінде айыппұл қарастырылған.

Тыныштықты бұзғаны үшін осы жылы азаматтар 18460 теңге төлеп келген болса, келесі жылы жұмыс күндері сағат түнгі 22-ден таңғы 9-ға дейін, демалыс және мереке күндері кешкі сағат 23-тен таңғы 10-ға...

Мәдениет және ақпарат министрі Аида Балаева азаматтарға алаяқтардың жасанды интеллект технологияларын қолдана отырып, оның атынан дауыстық хабарламалар жіберіп жатқанын ескертті.

«Құрметті достар! Кейінгі уақытта белгісіз біреулер менің атымнан таныс және бейтаныс адамдарға жасанды интеллект көмегімен дауыстық хабарламалар жіберу жағдайлары жиілеп кетті. Сіздерден осындай хабарламаларды елемеуді, бейтаныс нөмірлерді бұғаттауды сұраймын. Бұл – алаяқтардың әрекеті. Алданып қалмаңыздар!», – деп жазды министр.

Мәдениет және ақпарат министрлігі азаматтарды сақ болуға және күмәнді хабарлама жіберушілермен байланысқа түспеуге шақырады. Осындай жағдайларда келесі шараларды қабылдауды ұсынады:

Қостанай облысы әкімдігі «Ахмет Байтұрсынұлы атындағы халықаралық әуежайдың» 49% акциясын сатып алу құқығымен сенімгерлік басқаруға беруге ниетті. Әуежай аукционға осымен үшінші рет шығарылған. Сауда-саттық 19 желтоқсанда өтеді.

Облыс әкімдігі әуежайды бұған дейін 2 рет саудаға шығарған. Алайда сатып алушы инвестор табылмай, аукцион өтпеді. Бастапқыда әкімдік мекеменің 49% акциясын 4,7 млрд теңгеге сатуға ниеттенгенімен, қазір баға 1,2 млрд теңгеге дейін төмендеген.

Әкімдік әуежайдың 49% үлесін 5 жыл сенімгерлік басқаруға бермек. Инвестор кейіннен сатып алу құқығына ие болады. Сол бес жылда әуежайдың қызмет бейінін, штат қатарын сақтауы тиіс. Одан бөлек, өз қаржысына әуежай аймағында жүк қоймасы мен халықаралы...

Қарағанды облысында 2025 жылы алғашқы жел станциясы салынады. Бұл туралы «Куда смотрит акимат» ютуб-арнасына Қарағанды облысы әкімінің бірінші орынбасары Азамат Тайжанов хабарлады.

Аймақта бұған дейін жұмыс істеп тұрған бес күн станциясы бар, енді оның қатарына екі жел станциясы қосылмақ.  

«Осакаров ауданында қуаты 150 МВТ болатын жел электрстанциясының құрылысы бойынша жаңа жоба басталады. Құрылыс 2025 жылы аяқталуы керек. Пайдалануға берілгеннен кейін, қызмет көрсету үшін тағы 20 жұмыс орны ашылады. Алда Теміртауда қуаты 500 МВт және Қарқаралы ауданында қуаты 200 МВт болатын жел станцияларын салу жоспарда бар. Екі жоба да әзірленіп жатыр», – деді Азамат Тайжанов.

Вrother Gold компаниясы Жетісу облысындағы Керімбек кен орнында геологиялық барлау жұмыстарын жүргізуді жоспарлап отыр. Компанияның жалғыз иесі және басшысы Хуан Лин есімді Қытай азаматы. Бұл туралы KursivMedia редакциясына тап болған құжатта жазылған.

«Барлау жоспарында бұрын өткен тау-кен қазбаларын – 640 текше метр көлемінде арықтарды тазарту көзделеді, 2000 шаршы метр ұңғымаларды бұрғылау жұмыстары 2025-2027 жылдары күн жылы уақытта (маусымдық жұмыстар 1 сәуір мен 31 қазан аралығында) жүргізілетін болады», — делінген құжатта.

Керімбек кен орны Жетісу облысының Кербұлақ ауданында орналасқан. Бұрғылау бұрыннан белгілі кен аймақтарын қадағалау және кен орындарының тереңдігін бағалау мақсатында перспективалы учаскелерде жүргізілетін болады. Ұңғымалар...

Қыс мезгілінде ауа райының қолайсыздығына байланысты алыс жолға шығып, жолда қалып қоятын жағдайлар жиі кездеседі. Осыған орай Төтенше жағдайлар министрлігі сақтық шараларын естен шығармау қажет екенін ескертеді.

ТЖМ төтенше жағдайлардың жою департаментінің бас маманы Бауыржан Ахметалин жолда қалып қойған жағдайда адамның аман қалуына көмектесетін бірнеше тәсілді айтты.

«Алыс жаққа жолға шыққан адамдар қарлы боранда қалып қойған болса, бірінші кезекте 101 немесе 112 нөміріне хабарласып, көмекке шақыруы керек. Көмекке шақырғанда барынша сабырлық сақтап, өзіңіз орналасқан жердің нақты геолокациясын айтуыңыз керек. Ал егер телефон байланысы болмаса, кез-келген көлікті тоқтатып көмек сұрау керек немесе жақын маңдағы жанармай...

Қазақстандықтар өткен айда теңге қатты құнсызданған соң, ақшасын теңгеде емес, долларда сақтауға көшкен. Ұлттық банк статистикасы бойынша, шетел валютасында сақталған депозиттердің көлемі бір айда 800 млрд теңгеге өсті.

Қараша айында жалпы депозит көлемі рекорд орнатып, 38,6 трлн теңгеге жетті. Жеке тұлғалардың да, заңды тұлғалардың да жинағы 1,7-2% өсім байқатты.

Соның ішінде долларда сақталған депозиттер көлемі бір айда 8 трлн теңгеден 8,8 теңге жеткен. 2023 жылдың қараша айымен салыстырғанда 23% өсім көрсетті.

Ал теңгеде сақталған депозит көлемі қараша айында 29,8 трлн теңгеден сәл азайып (-0,3%) 29,7 трлн теңгені құрады. 2024 жылдың басынан бері теңгедегі депозит көлемі тек...

Дауылды ескертуді елемей, жолға шыққан жүргізуші Әкімшілік кодекстің 167-бабы бойынша «полиция қызметкерлерінің заңды талабына бағынбау» деген айыппен жазаға тартылады. Оk 15 тәулікке қамалуы немесе 10-15 АЕК көлемінде айыппұл төлеуі мүмкін.

Бұл туралы ТЖМ төтенше жағдайлардың жою департаментінің бас маманы Бауыржан  Ахметалин хабарлады. Оның сөзіне қарағанда, осы уақытқа дейін бір топ қызылордалық жүргізушіге осындай шара қолданылыпты.

«ІІМ полиция қызметкерлері блокпосттарда тұрып, жазаға тартып жатыр», – деді Бауыржан  Ахметалин.

Блокпосттардан өтіп үлгерген жүргізушілердің артынан полиция түсіп тоқтатады.  

«Жолдың жабық екенін білмей, телефоны жоқтықтан, хабар алмай, блокпостарға келген адамдар өтіп кеткісі келеді. Айналып...

Өткен аптада Қазақстан кинотеатрларында бірнеше жаңа фильм көрермендерге жол тартты. Көш басында үш апта бойы «Моана» анимациялық фильмі тұр. Алайда жаңа отандық және шетелдік картиналар да жоғары көрсеткіштерге ие болды.

«Моана 2» – 286 056 368 теңге (үшінші апта)

Әлемдік деңгейдегі танымал анимациялық туынды «Моана» үшінші апта қатарынан көш басынан түспей келеді. Көрермендер әлі күнге дейін басты кейіпкер Моананың шытырман оқиғаларына қызығушылық танытып, кинотеатрларға барып жатыр. Өткен аптада «Моана 2» «Ойжұмбақ 2» туындысынан асып түсіп, қазақ тіліне дубляждалған барлық фильмнің ішінде ең табысты жоба болды. Қазақ тіліндегі жалпы кассалық түсімі 151 миллион теңгеден асқан еді.

«Крэйвен-аңшы...

Қырғызстанда депутаттар фамилия мен әкенің атын жазудың жаңа нұсқаларын ұсынды. Әңгіме «ов», «ев» жалғауларын «тегі» деген жалғаумен өзгерту туралы болып отыр. 

24.kg ақпаратына сүйенсек, арнайы комитет ұсынған заң жобасын парламенттің төменгі палатасы бірінші оқылымда қабылдады. Жоғарғы кеңес депутаттары «тегі» префиксімен фамилияларды жазудың екі нұсқасын ұсынады. 

Мысалы, Бақтыбеков Усона Жақшылыкович дегенді Бақтыбек тегі Усон немесе Бақтыбектегі Усон Жақсылықұлы деп көрсету ұсынылды. Сондай-ақ елде Бақтыбек Усон немесе Бақтыбек Усон Жақсылықұлы есімдерінің қолданыстағы емлесін қолдануға болады.

Мемлекеттік тіл жөніндегі комиссияның өкілі ұйымның тоғыз мүшесі «тегі» префиксін, бесеуі «ұрпағы» префиксін қолдаған. Бұл ретте комиссияның алты мүшесі кездесуге келмеген.

Комиссия өкілдерінің көпшілігі «тегі» префиксін қолдаса...

Алматы облысында шыршаны заңсыз кескендерге 3,7 млн теңгеге дейін айыппұл салынады. Бұл туралы Алматы облысы әкімдігінің баспасөз қызметі хабарлады.

«Жаңа жыл мерекесінің қарсаңында елімізде қылқан жапырақты ағаштарды (шырша, қарағай және басқалары) заңсыз кесу жағдайлары жиі кездеседі. Әсіресе, шыршалар дүкендерде және базарларда сатылатыны белгілі, бірақ оны заңсыз кесу – экологиялық қауіпті әрекет қана емес, сондай-ақ құқық бұзушылық болып саналады», – делінген әкімдік хабарламасында.

Әкімдік осы орайда орман қорына жататын ағаштарды заңсыз кесу, жою немесе зақымдау үшін қатаң жазалар қарастырылғанын ескертеді. Егер келтірілген залал 50 АЕК көлемінде болса, жеке тұлғаларға 369 200 теңге көлемінде...

Қазақстан жолдарындағы жүк көлемін есептеп отыратын автоматтандырылған өлшеу стансалары (АӨС) көбейеді. 2025 жылға дейін 220 станса орнату жоспарланған. Бұл туралы Primeminister.kz  сайтындағы есепте жазылған.

Қазір елімізде жүк тасымалдайтын 450 мыңнан аса жүк көлігі тіркелген. Бірақ олардың салмағы мен көлемі әдеттегі жеңіл автокөліктерге қарағанда ауыр, тиісінше жол сапасына теріс әсер етеді. Автожолдарға түсетін артық жүктемені азайтып, көлік жүйесін бақылау үшін АӨС жұмыс істейді.

Қазір елімізде 45 АӨС орнатылған. Біреуі Астанада, біреуі Қостанай облысында және 12-і Үлкен Алматы айналма жолдарында орналасқан. Тағы 25 стансасын «ҚазАвтожол» АҚ орнатқан. Енді олардың саны 220-ға дейін көбейеді.

«Олар тәулік бойы қызмет...

Қазақстан қаржыгерлер қауымдастығының (ҚҚҚ) сарапшылары биылғы негізгі макроэкономикалық көрсеткіштерді талдап, 2025 жылы теңге бағамы мен инфляция, базалық мөлшерлемеге қатысты болжамын жариялады.

Қазақстан экономикасының өсімі мұнай бағасына тәуелді

2024 жылы мұнайдың арзандауы ел экономикасының өсу қарқынын 5,1%-дан (2023 жыл) және жоспарлы 6%-дан да төмендетуі мүмкін. Дегенмен сарапшылар сауда, байланыс, көлік, құрылыс және ауыл шаруашылығы салаларының дамуы есебінен ЖІӨ өсімі 4%-дан асады деп күтеді. Соңғы ресми дерек бойынша, қаңтар-қыркүйек айларында экономиканың өсімі 4,1%-ды құраған.

2025 жылы мұнай өндірісінің артуы (97,2 млн тонна), ірі инфрақұрылым жобалардың іске асуы және мемлекеттік бюджет шығындары (₸33,5 трлн) экономиканың өсуіне оң ықпал етеді. Экономистерд...

16 желтоқсан күні Қазақстанның 18 жасқа дейінгі бірінші ракеткасы Әмір Омарханов теннистен жасөспірімдер арасындағы ең беделді жарыстардың бірі — ITF Juniors J500 Orange Bowl турнирінде топ жарды. Турнир АҚШ-тың Флорида штатындағы Плантейшен қаласында өтті.

Қазақстан теннис федерациясының мәліметінше, финалда қазақстандық теннисші ресейлік теннисші Тимофей Дерипаскомен жұптасып, швейцариялық Анри Берно мен словакиялық Денис Петакадан 3:6, 6:1, 10:1 есебімен жеңді. Бірінші сетте жеңіліп қалғанына қарамастан, Омарханов пен Дерипаско екінші сетте сенімді ойнап, шешуші тай-брейкте қарсыластарын айқын басымдықпен ұтты.

Orange Bowl — жыл сайын өтетін дәстүрлі турнир және жасөспірімдер арасындағы бейресми әлем чемпионаты саналады. Жас теннис жұлдыздары жасыл топырақты ашық корттарда...

Қазақстанда 4 жыл ішінде заңсыз ақша айналымы төмендеп, ақшаны жылыстату және терроризмді қаржыландыру тәуекелі азайған. Бұл туралы Қаржы мониторингі агенттігі хабарлады.

«Basel AML Index» рейтингіне сәйкес, Қазақстан ақшаны жылыстату тәуекелі жоғары 110 елді артта қалдырып, 111-орынға тұрақтаған. Рейтинг бойынша ақшаны жылыстату және терроризмді қаржыландыру тәуекелі 10 балдық шкала бойынша бағаланады. Мұндағы 10 – ең жоғары тәуекел дегенді білдіреді. Ал Қазақстанның ұпайы осы жылы 4,65-ке түскен.

Бір жыл бұрын Қазақстанның ақша жылыстату тәуекелі 4,71 балды құрап, 100-ші орында тұрған. Ал биыл 10 елді басып, озып, елдегі қаржы айналымын реттеген. Артта қалған 10 шақты мемлекеттің ішінде АҚШ, Жапония, Сингапур, Қытай...

Ақшаны қалай үнемдеу керек? Бұл сұрақ қашан да өзекті. Сарапшылар «қаржыны үнемдеуді емес, көбірек табуды ойлау керек» екенін айтады. Бірақ бай болу үшін инвестиция жасауға дайын, артық капитал жинақтау маңызды. Француз философы, жазушы Мишель де Монтень «Ақша тапқаннан көрі оны жинаған қиын» деген еді. Бұл ретте Kursiv.Media тілшісі сізге қаржы  үнемдеудің 30 әдісін ұсынады. Тамақ, коммуналдық төлемдер, сауда және демалыс… Егер сіз кем дегенде бірнеше нұсқаулықты орындасаңыз, айдың соңына қарай картаңызда немесе әмияныңызда бұрыннан көп ақша қалатынына кепілдік береміз.

Жалақыңыз аз болса ақшаны қалай үнемдеу керек?

Капитал жинақтаудың негізгі ережесі – артық ақшаның болуы. Егер ай сайынғы шығыс пен...

Осы жылдан бастап Қазақстанда микроқаржы омбудсманы институты жұмыс істейді. Бұл туралы Қаржы нарығын реттеу және дамыту агенттігі хабарлайды.

Омбудсман микроқаржы ұйымдарының клиенттері, яғни жеке тұлғаларға көмек беру үшін құрылады. Қызметі тегін.

«Микроқаржы омбудсманы қазақстандықтардың микрокредиттерге байланысты дауларын, соның ішінде мерзімі өткен қарыздарды реттеп, коллекторлық агенттіктермен туындаған мәселелерді қарайды. Омбудсман тәуелсіз төреші ретінде әрекет етіп, дауларды сотқа жүгінбей шешуге ықпал етеді»,- деп жазылған агенттік хабарламасында

Назар аударатын нәрсе, омбудсман қабылдаған шешімді микроқаржы ұйымы немесе қарыз алушы орындауы тиіс және омбудсманның шешімі 30 күн ішінде орындалуы керек. Бірақ микроқаржы омбудсманы сотқа жолданған істер немесе заңды күшіне...

Құрылысы алты жылға созылған Ресей мен Қазақстанды жалғайтын жол қолданысқа берілді. 272 шақырымды құрайтын «Атырау-Астрахань» жолының құрылысы аяқталды.

Жоба 2018 жылы басталған болатын. Қаржыландыру Еуропалық қайта құру және даму банкінің несиесі есебінен жүзеге асты.

Алты жылға созылған жол: қандай жұмыстар атқарылды?

«ҚазАвтоЖол» ұлттық компаниясының мәлімдеуінше, қайта жаңарту жұмыстарынан кейін жол үшінші техникалық санаттан екінші санатқа ауыстырылған. Әр бағытта ені 3,75 метрден тұратын екі жолақты қозғалысы бар жол салынған.

«Жоба аясында 6 көпір, 1 жолөтпе, 60 су өткізгіш құбыр мен 10 демалыс алаңдары абаттандырылды. Сондай-ақ 650 жарық тірегі орнатылып, жол пайдаланушылар үшін қолайлы әрі қауіпсіз қозғалысты...

АҚШ-тың Висконсин штаты Мэдисон қаласында мектепте атыс болды. Полиция үш адам қаза тауып, жеті адам жараланғанын хабарлады.

DW басылымының ақпаратына сүйенсек, 16 желтоқсанда атыс жеке христиан мектебінде болған. Қарулы шабуылда үш адам қаза тапқан, оның біреуі атысты бастаған мектеп оқушысы. Кәмелетке толмаған жеті бала жарақат алған.

Полиция ақпаратына сәйкес, атысты осы мектептің оқушысы бастаған. Ол мектепке мылтық алып келген. Полиция атыстан кейін,ол өзін-өзі атып өлтірген болуы мүмкін екенін хабарлаған. Алайда тергеу қызметкерлері күдіктінің 9 мм калибрлі тапаншаны қолдануы мүмкін деп болжайды.

Атыс болған оқу орны – Abundant life христиан жеке мектебі. Онда барлығы 390 жуық бала оқиды.

1986 жылғы 17-18 желтоқсан күндері Алматыда қазақ жастарының Мәскеудің сол кездегі шешіміне қарсы бас көтеруі Кеңес Одағы тарихындағы алғашқы ұлт-азаттық сипаттағы жаппай наразылықтардың бірі ретінде тарихқа енді.

1991 жылы 12 желтоқсанда Қазақстан Республикасының тұңғыш президенті Нұрсұлтан Назарбаев «1986 жылғы 17-18 желтоқсандағы оқиғаларға қатысқаны үшін жауапкершілікке тартылған азаматтарды ақтау туралы» жарлыққа қол қойды. Осы жарлықпен Желтоқсан оқиғасына қатысқан азаматтарға құқықтық және саяси тұрғыда әділ баға берілді.

Осылайша Желтоқсан оқиғасы кезінде негізсіз қуғынға ұшырағандар толық ақталды, ал 17 желтoқсaн Қазақстанда Демократиялық жаңару күні деп жарияланды.

1986 жылы Алматы қаласында Қазақ КСР партия басшысы Дінмұхаммед Қонаевтың орнынан алынуы және...

Уолл-стрит сарапшыларының пікірінше, 18 желтоқсанда ФРЖ мөлшерлемені 0,25%-ға төмендетеді, бірақ қаңтарда үзіліс жасайды. Evercore ISI 2025 жылы S&P 500 индексі шамамен 23%-ға өседі деп күтіп отыр. Arm мен Qualcomm арасында сот процесі басталды. Бұл жасанды интеллектіге негізделген дербес компьютерлердің дамуына кері әсерін тигізуі мүмкін. 16 желтоқсандағы әлемдік БАҚ шолуына зер салыңыз.

АҚШ-та өнеркәсіп өндірісі соңғы үш жылдағы ең жылдам қарқынмен өсіп келеді

S&P Global деректері бойынша, төртінші тоқсанда өндіріс көлемі соңғы үш жылдағы ең жоғары деңгейге жетеді. Бұған қызмет көрсету және өндіріс секторларындағы белсенділікті көрсететін PMI индексі дәлел. Желтоқсанда индекс 56,6-ға жетіп, тамыздағы 54,9-дан біршама көтерілді. Экономистер индекс 55,1-ге...

Қазақстанның жылу энергетика саласын дамытуға 8 трлн теңгеден астам инвестиция тартылады. Бұл туралы Энергетика министрлігінің есебінде жазылған.

Министрлік елдің энергетика саласын дамытуға бағытталған жобаларға 720 млрд теңгеге аукциондық сауда-саттық өткенін, бұл жобалардың жақын арады іске қосылатынын хабарлады.

«Өткізілген аукциондық сауда-саттықтың және «ЖЭК бойынша РФО» ЖШС-мен жасалған шарттардың қорытындысы бойынша жиынтық қуаты 1 682,4 МВт 66 ЖЭК жобасын пайдалануға беру жоспарлануда. Тартылған инвестициялар сомасы шамамен 720 млрд теңгені құрайды», – делінген баспасөз хабарламасында.

Бұл қаражатқа: