Жаңалықтар

Қазіргі уақытта тұрғындар қала әкімі лауазымына кандидатурасын ұсынған азаматтарға дауыс беруде. Талғар қаласы бойынша 42 770 сайлаушы тіркелген.

– Қазіргі уақытта қалада 26 сайлау учаскесі бар. Оның төртеуі – жабық учаскелер. Түсіндіре кетейін, ол учаскелер уақытша ұстау абақтысы, орталық аурухана, наркологиялық орталық, туберкулез диспансерінде орналасқан. Сайлау учаскелерінде сайлау комиссиясының 192 мүшесі қызмет атқарады. Оған қоса аумақтық сайлау комиссияның құрамында жеті адам да жұмыс істеп жатыр, – деді Талғар аудандық сайлау комиссиясының төрағасы Дәулет Батталғазиев.

Түске дейін 3 мыңға жуық адам дауыс берді. Дауыс беру процесі кешкі сағат 20:00-де аяқталады. Комиссия төрағасы санақ қорытындысы әкімдік сайтында жарияланатынын...

Mango киім дүкендер желісінің негізін қалаушы, әлемдегі ең бай адамдардың бірі Исак Андик Каталония тауында серуендеуге шыққан кезде қаза тапты деп жазды El País. Ол 71 жаста еді.

Андик Монсеррат маңындағы тау жотасындағы шатқалға құлаған. Ол отбасы мүшелерімен демалуды ұйғарған. Олар бірге Барселонадан 50 шақырым жерде орналасқан танымал туристік орын – Сальнитра үңгірлеріне барған.

Исак Андик пен оның ағасы Начман 1984 жылы Mango әйелдер киімінің алғашқы дүкенін ашты. Қазір желіге 120 елдегі 2700-ге жуық дүкен кіреді. Андик пен оның отбасының байлығын Forbes журналы 4,5 миллиард долларға бағалаған.

Кәсіпкер Испанияда ауқатты адамдардың бірі болды. Ол 1969 жылы Ыстанбұлда дүниеге келген. Кейін...

15 желтоқсан күні Алматы облысы Талғар ауданында әкім сайланады. Amanat партиясы 41 жастағы «Талғар тұрғын үй» ЖШС басшысы Арыстанбек Әбілхаирұлына, Қазақстанның халық партиясы Талғар ауданы әкімі апаратының қаржы-шаруашылық бөлімінің бас маманы 33 жастағы Жәнібек Кәденовке дауыс беруге шақырды. Қала басшылығына «Бесағаш» ауылдық округі әкімінің орынбасары, 42 жастағы Әлібек Рамазанов өз-өзі ұсынған.

Аудандық аумақтық сайлау комиссиясы 19 қараша тоғыз үміткер тіркелгенін хабарлады. Комиссияға дейін үш-ақ қана кандидат қалған. Бұған дейін Kursiv.media тілшісіне халық кандидаттар туралы әртүрлі пікір айтқан. Кейбір қала әкімі сайланатыны туралы ақпаратты естімеген.

4 қазан күні Талғарда адам өлімі орын алды. Дүкендегі жанжал кезінде 16 жастағы Шерзат Болат...

«Майқайыңалтын» АҚ шахтасында тағы да қайғылы оқиға болды. 32 жастағы мотор жөндеушіні техника жаншып кетті. Шахтадағы жұмыс 142 метр тереңдікте жүргізілді.

«Қауіпсіздік ережелерін бұзу фактісі бойынша адамның абайсызда өліміне әкеп соқтырған қылмыстық іс қозғалды. Жүргізуші ұсталып, полиция бөліміне жеткізілді. Оқиғаның мән-жайы мен себептері тергеу барысында анықталады», – деп хабарлады болған оқиғаны растаған Павлодар облыстық полиция департаменті.

Кәсіпорында да тексеру жұмысы басталған. Еңбек инспекторлары оқиғаның мән-жайын анықтап жатыр. Ауыр жарақат салдарынан жұмысшы қаза тапты.

«Единая Россия» төрағасы, РФ Қауіпсіздік кеңесі төрағасының орынбасары Дмитрий Медведев Ресей құрамында жаңа аймақтардың пайда болуы мүмкін деп санайды. Бұл жөнінде «Интерфакс» басылымы жазды.

Медведев Ресей басып алған өңірлерді дамытуға көңіл бөлінетінін айтты.

«Біз бұл аймақтардың (ДХР, ЛПР, Запорожье және Херсон облыстары) әлеуетін толық іске асыруды қамтамасыз етуіміз керек. Халыққа арналған бағдарламада «Жаңа аймақтарды дамыту» бөлімі бар. Айтпақшы, егер біздің елдің құрамына өте жақын орналасқан жаңа аймақтар қосылса, бұл тәжірибе сұранысқа ие болуы мүмкін. Бұлай болуы әбден мүмкін», – деді ол сенбі, 14 желтоқсан күні Мәскеуде өткен партия конгресінде.

Бірақ Ресей Федерациясына «жаңа аймақтар...

Green Car Reports халықаралық басылымы жылына бір рет нарықтағы ең жайлы және ең «жасыл» көліктердің тізімін жасайды. 2025 жылы сарапшылар тобы сатып алуға ұсынған көліктер бестігі қандай? Неге тап осы брендтер? «Курсив» тілшісі талдап көрді.

Америкада шығарылған авто көш бастап тұр

Chevrolet Equinox EV – 2024 жылдан бастап Chevrolet брендімен General Motors шығарған шағын кроссовер. Equinox EV іштен жану қозғалтқышымен жұмыс істейтін Equinox-қа қарағанда ерекше. Авто 2022 жылдың қаңтарында Тұтынушылық электроника көрмесінде көрсетілді. 2023 жылдың күзінде компания темір тұлпарды 2024 жылы сатылымға шығаруды жоспарлап отырғанын хабарлады. Авто дилерлер сөзінде тұрып, «жасыл» көлікті биылғы жылдың мамырында нарыққа шығарған...

Қарағанды – Астана жолында  700-ден астам көлік жиналып қалды деп хабарлады ҚР ІІМ баспасөз қызметі.

«Қазіргі уақытта облыста 1000-нан астам автокөлік жинақталған. Әсіресе, күрделі жағдай Қарағанды – Астана бағытында байқалады, онда көктайғақ салдарынан 700-ден астам көлік жиналып қалды», – деп хабарлады ведомство.

Тәртіп сақшылары Қарағанды облысы аумағынан Ақмола облысына дейін көлік тізбегін алып жүруді ұйымдастырды.

Ауа райының қолайсыздығына байланысты республикалық және облыстық маңызы бар жолдарда көлік қозғалысы шектелді.

«ҚазАвтоЖол» 15 желтоқсан күні таңертең кейбір өңірде жолдар ашылғанын хабарлады.

Фармацевтика өндірісіндегі державалар әлемдік денсаулық сақтау саласындағы технологиялық даму мен инновацияның қозғаушы күші. Бұл елдер жоғары ғылыми-технологиялық базасы, озық инфрақұрылымы және фармацевтикалық нарықтағы күшті компаниялары арқылы ерекшеленеді. Дәрі-дәрмек өндірісінде АҚШ, Германия, Дания, Қытай, Үндістан, Жапония  және Ұлыбритания сияқты елдер фармацевтикалық индустрияны дамытумен қатар, жаһандық денсаулық сақтау саласында шешуші рөл атқарады.

Нарықтық капиталы бойынша ірі 20 фармацевтикалық компаниялар

Бұл компаниялар инновацияға, жаңа дәрілерді әзірлеуге және денсаулық сақтау саласын жетілдіруге ерекше үлес қосуда. 2024 жылдың қараша айындағы мәліметтер бойынша төмендегі компаниялардың нарықтық капиталы мынадай:

Eli Lilly and Company

Нарықтық капитализация: 710 млрд доллар

Компания диабет, қатерлі ісік, иммундық жүйе және...

Депутат Самат Нұртазаны бұрынғы президент Нұрсұлтан Назарбаевтың тәуелсіздік күні қарсаңында Владимир Путинмен кездесу үшін Мәскеуге сапарлап кетуі алаңдатып отыр.

«Қазақстанның бұрынғы Президенті Н.Назарбаев кеше Мәскеуде Ресей Федерациясының Президенті В.Путинмен кездесті. Шынымды айтсам, мұндай кездесулер іштей қобалжу туғызады»,- деп жазды депутат өзінің әлеуметтік парақшасында.

Самат Нұртаза 2021 жылдың желтоқсан айындағы Санкт-Петербургтегі кездесуді еске алып, соңы қазақ халқы үшін жақсы аяқталмағанын атап өтті. Артынша елдегі жағдайдың ушығып, «Қаңтар оқиғасына» ұласқанын айтты.

«Әр адам өзінің тікелей жұмысымен айналысып, қазіргі атқарып жатқан қызметіне сәйкес әрекет етуі керек. Басқа экс-президенттерге қарасаңыз, олар...

«МӘМС туралы» заңға өзгеріс енгізіледі. Осыған орай Мәжілістегі Қоғамдық палатаның көшпелі отырысында депутаттар Міндетті әлеуметтік медициналық сақтандыру (МӘМС) жүйесіндегі проблемалық мәселелерді қарады.

Депутат Айдос Сарым «МӘМС туралы» заңның 2015 жылы қабылданғанын, содан бері құжатқа шамамен 40 рет өзгеріс енгізілгенін айтты. Бірақ та қанша өзгеріс енгізілгеніне қарамастан, бұл саладағы проблемалар шешілмеген. Депутат президенттің бюджеттің мүмкіндіктері мен міндеттемелері тұрғысынан теңдестірілген базалық мемлекеттік медициналық көмектің бірыңғай пакетін қалыптастыруды міндеттегенін атап өтті.

Өз кезегінде Денсаулық сақтау вице-министрі Ардақ Амангелдиев министрліктің президент тапсырмаларын орындау үшін біраз шаралар қабылдағанын жеткізді. Министрлік өкілі медициналық көмекті пакеттер бойынша жасанды бөлу мәселесін шешу үшін 2026 жылдан бастап...

Квазимемлекеттік сектордағы жағдай

Квазимемлекеттік секторда «Бәйтерек» ұлттық холдингі қарашада облигацияларын бір ғана орналастыру болды. Орналастырудың жалпы көлемі шамамен бес тоқсанды құрайтын өтеу мерзімімен 100 млрд теңгені құрады, кірістілік 13,89% деңгейінде. Алайда бұл жолғы сұраныс қыркүйек айындағы орналастырылған сұраныстан төмендеп, 250-ден 112%-ға дейін төмендеді. Десе де, қатысушылардан түскен өтігім саны артығырақ болды.

Мемлекеттік облигациялар нарығы

Жалпы мемлекеттік облигациялар нарығындағы белсенділік төмендеді. Мәселен, Қазақстанның мемлекеттік облигациялар нарығында қарашада жалпы сомасы 47,9 млрд теңгені құрайтын үш орналастыру болды. Бұл қазан айының нәтижесінен 92%-ға және өткен жылдың қараша айының нәтижесінен 49%-ға аз.

Ұсынысқа орташа өлшенген сұраныс 175-тен 223%-ға дейін...

Грузияның алтыншы президенті болып Михаил Кавелашвили сайланды. Сайлаушылар коллегиясы «Грузин арманы» партиясының кандидаты Кавелашвилидің президент болып сайлануы үшін 200-ден аса дауыс жиналғанын мәлімдеді. Бұл туралы грузин басылымдары хабарлады.

Михаил Кавелашвилиге коллегияның 300 мүшесінің ішінен 224 адам дауыс берген. Жалпы сайлаудың өткенін растау үшін кемінде 151 сайлаушының даусы керек.

Грузия Орталық сайлау комиссиясының баспасөз хатшысы Натия Иоселиани сайлау процесі ресми түрде өткенін мәлімдеген.

Алайда бұл сайлауды парламент ғимаратының маңына жиналып жатқан наразы топ мойындамайтынын жеткізді. Бұл сайлауды Грузияның қазіргі президенті Саломе Зурабишвили де мойындамайды. Сайлау қарсаңында Тбилисиде оппозициялық күштер ұйымдастырған жаппай наразылық шерулері басталды.

Башар Асадтың режимі құлаған соң, Аустрия билігі елді паналап жүрген сириялық босқындарға Сирияға қайтуды ұсынды. Осы орайда Сирияға қайтуға ниет білдірген әрбір сириялыққа 1000 еуро көлемінде көмек көрсетілмекші. Бұл туралы Аустрия канцлері Карл Нехаммер мәлімдеді.

«Аустрия отанына оралғысы келетін сириялықтарды 1000 еуро көлемінде қайтару бонусымен қолдайды. Бұл елге өз азаматтары керек болады», – деп жазды ол Х әлеуметтік парқшасында.

Сонымен бірге канцлер Сирия азаматтарына пана беруге қатысты бағдарламалардың тоқтатылатынын жеткізді. Бұрын Башар Асадтың режимінен қашқан сириялық босқындарға Аустрия пана беретін.

Жалпы Сирия азаматтарының Еуропаға қарай қоныс аударуына елдегі азаматтық соғыс себеп болды...

2024 жылдың қараша айында Қазақстанның автокөлік нарығында жоғары динамика тіркеліп, темір тұлпар саудасы қыза түсті.

Қазақстанның Автокөлік Одағының (ҚАО) мәліметінше, қараша айында 20 984 жеңіл автокөлік пен коммерциялық техника сатылған. Бұл өткен жылдың дәл осы айымен салыстырғанда 10,7%-ға артық. Ал жылдың басынан бері, яғни қаңтар-қараша аралығында, авто дилерлер қазақстандықтарға 179 628 жаңа көліктің кілтін табыстады. Бұл – өткен жылмен салыстырғанда 2,6%-ға жоғары көрсеткіш.

Қараша айындағы ең көп сатылған бренд – Chevrolet (4 418 бірлік) болды. Бұл көлік сатылымы өткен жылмен салыстырғанда 4,1%-ға жоғары. Екінші орынды танымал оңтүстік кореялық бренд Hyundai иеленді (3 829 бірлік), аталған автолар сатылымы 6,3%-ға...

14 желтоқсан, сенбі күні Оңтүсік Кореның Ұлттық ассамблеясы президент Юн Сок Ёлге әскери жағдай енгізгені үшін импичмент жариялады. Бұл туралы елдің Yonhap басылымы хабарлады.

Импичмент жариялауға қатысты бастаманы ассамблеяның 224 мүшесі қолдаған. Ал 85 дауыс қарсы болған, үшеуі қалыс қалып, 8 дауыс жарамсыз деп танылған. Дауыс беруге 300 адам қатысқан.

Импичмент жарияланғаны себепті Юн тергеу аяқталып, конституциялық сот қызметін қалпына келтіру немесе қызметінен босату туралы шешім қабылдағанға дейін, президент ретіндегі міндетін орындай алмайды. Ал импичмент президент кеңсесіне жеткізілген кезде күшіне енеді.

Юн Сок Ёл қызметінен шеттетілген уақытта президент міндетін премьер-министр Хан Док Су уақытша атқарады. Импичмент...

Доллар бағамының көтерілуі ірі құрылыс компанияларының сату кеңселерінде дүрбелең туғызды. Адамдар сағаттап кезекте тұрып, жылжымайтын мүлікке инвестиция салып қалуға тырысып жатыр. Әсіресе, қолдағы бюджетіне қарай көсіліп, сатылымда не бар соны сатып алып қалуға қам жасау үстінде. Бағаға бола локация мен инфрақұрылымға қатысты талаптарды елеп-ескеріп жатқан жоқ.

Доллар бағамы тұрғын үй нарығына әсер етті ме?

Ұлттық банк басшысының ақшаны долларға емес, баспана мен депозитке салуға кеңес беруі (Тимур Сүлейменов бұл пікірді желтоқсан айының басында базалық мөлшерлемені көтеру туралы брифингте айтқан-ды) қазақстандықтардың жүрегінде жатталып қалған сыңайлы. Енді олар нақты іс-әрекетке көшті.

«Құрылыс компанияларының кеңселерінде қазір дүрбеле...

2027 жылы Астанада бокстан әлем чемпионаты өтеді. Бұл туралы World Boxing халықаралық федерациясы хабарлады.

Бұл чемпионат 2028 жылы АҚШ-тың Лос-Анджелес қаласында өтетін жазғы Олимпиада ойындары қарсаңында ұйымдастырылады, сондықтан халықаралық жарыс күнтізбесіндегі маңызды оқиға ретінде бағаланады.

«2027 жылы Олимпиада алдында өтетін бокстан әлем чемпионатын өткізу – Қазақстан үшін үлкен мәртебе, әрі жауапкершілік. Біздің ел ірі халықаралық спорттық жарыстарды жоғары деңгейде өткізуде мол тәжірибеге ие және бұл турнир де сол дәстүрден тыс қалмайтынына сенімдімін. Олимпиада алдындағы бұл чемпионаттың маңыздылығын түсіне отырып, World Boxing ұйымына білдірген сенімі үшін алғысымды айтамын,» – деді Қазақстан Ұлттық Олимпиадалық комитетінің президенті, World...

Президент Қасым-Жомарт Тоқаев «2024 – 2026 жылдарға арналған республикалық бюджет туралы» заң жобасына қол қойды. Бұл туралы Ақорда хабарлады.

«Мемлекет басшысы «2024 – 2026 жылдарға арналған республикалық бюджет туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды», – делінген хабарламада.

Айта кетейік, Сенат бұл заңды 2024 жылдың 5 желтоқсанында мақұлдаған болатын. Бірақ бұл заң қабылданбай тұрып, бір рет Мәжіліске қайтарылған. Сенаторлар Үкімет ұсынған бюджет жоспарынан сәйкессіздіктер тауып, жобаға түзетулер енгізді.

Сенат жанындағы Қаржы және бюджет комитеті бұл заңға 136 ұсыныс енгізген. Осы ұсыныстар негізінде салыстырмалы...

Демалысты пайдалы әрі қызықты өткізу үшін, ғылыми-танымдық Qalam порталында жарияланған материалдар топтамасын ұсынамыз. Апталық шолуымыздың бүгінгі бөлімінде бірнеше мыңжылдық тарихы бар Сирияның әлемдік қақтығыстар орталығына қалай айналғаны туралы шолу, Зайсан Алатауының етегінен табылған қолын көкке жайған адам бейнесі бар петроглиф туралы мақала, қазақ әйелдері таққан зергерлік бұйымдар және олардың қандай мағына білдіргені туралы Гүлнар Танқаеваның материалы, сонымен қатар XIX ғасырдың соңындағы қазақ қалыңдығының фотосуреті бар. 

11 күнде құлаған Дамаск

Соңғы 4000 жылдың ішінде Сирияны жаулап алғысы келмеген әмірші кемде-кем. Тарихтағы тұңғыш император Саргон да, Ескендір Зұлқарнайын да, моңғол ханы Құлағу да бұл аймақты бағындырғысы келіп, тырысып бақты. Сан...

Қазақстанның барлық өңірінде полиция жұмысы күшейтілген режимге көшірілді. Бұл туралы Ішкі істер министрлігінің баспасөз қызметі хабарлады.

«14 желтоқсаннан бастап ішкі істер органдарының жеке құрамы толық қызмет атқарудың күшейтілген нұсқасына көшті», – делінген хабарламада.

Тәуелсіздік күні қарсаңында құзырлы орган қоғамдық тәртіпті, азаматтардың тыныштығы мен қауіпсіздігін қамтамасыз ету үшін күзетті күшейтпек. Әсіресе, мерекелік іс-шаралар өтетін жерлер мен азаматтар көп жиналатын орындар бақылауға алынады. Ал мемлекеттік қорғауға жататын маңызды нысандарға полиция нарядтары қойылады.

Бұдан бөлек жедел басқару орталықтары бейнебақылау камералары арқылы қалалар мен елдімекендердің көшелеріндегі тәртіпті жіті бақылап отырады.

Шариғат заңдарына сәйкес инвестициялау – халал инвестиция деп аталады. Мұсылмандар қор нарығында сауда жасай алады, бірақ нақты қағидаларды сақтау маңызды. Себебі мұндай құралдардың бағыты әдеттегі инвестициялардан мүлдем ерекше. Kursiv.Media тілшісі осы тақырыпты зерттеп, қандай құралдарға инвестиция салуға болатынын анықтап көрді.

Шариғат бойынша инвестиция тарихы

Шариғат заңына сәйкес инвестициялау ұғымының өзі ХХ ғасырдың ортасында пайда болды. Мұсылмандық діни нормалар бойынша несие алу және тұрақты ақшалай кірісі бар құралдарға, атап айтқанда облигацияларға тыйым салынған. Соған қарамастан мұсылмандарға акциялар сатып алуға рұқсат етілген. Бұл ретте бірнеше ескеретін жайт бар. Оның алғашқысы – акцияны сатып алған компания исламдық дәстүрлерді сақтай отырып жұмыс істеу...

Тәуелсіздік күні қарсаңында бұрынғы президент Нұрсұлтан Назарбаев Ресей президенті Владимир Путинмен кездесу үшін Мәскеуге барды. Бұл туралы Кремльдің баспасөз қызметі хабарлады.

«Владимир Путин Ново-Огаревода Қазақстанның Тұңғыш Президенті Нұрсұлтан Назарбаевпен кездесті», – делінген баспасөз хабарламасында.

Кремльдің баспасөз қызметі экс-президент пен Путиннің қандай мәселе бойынша кездескенін нақтыламаған.

Айта кетейік, Назарбаев пен Путин өткен жылдың желтоқсанында да Мәскеуде кездескен болатын. Ол кезде Кремль баспасөз хатшысы Дмитрий Песков екеуінің жеке кездесу өткізгенін мәлімдеген болатын.

Желтоқсан айы – жылдағы ең белсенді әрі тез өте шығатын ай. Себебі жылдың соңғы айында мереке-мейрам да көп, әрі олай болмаған күннің өзінде барлығы үшін қорытынды айы. Барлық адам желтоқсанда өзінше ойға шомып, өз-өзіне есеп береді. Дәл солай ел алдында жүрген өнер адамдары да осы айда халыққа мерекелік көңіл күй сыйлап, бір жағынан қорытынды кешін өткізіп абыр-сабыр болып жатады. Сондықтан бұл айда баратын жер көп. Әдеттегідей алдағы аптаның ең қызық іс-шараларын бір тізімге жинадық.

«Шаншар» әзіл–сықақ театрының 30 жылдық мерейтойы

Астана қаласы

16 желтоқсан

«Шаншар» әзіл-сықақ театры сахнада 30 жылға жуық уақыт бойы өнер көрсетіп, ел таныған елеулі ұжымға...

Amazon Meta-дан кейін көп ойланған жоқ. Трамптың инаугурация қорына 1 миллион доллар аударды. Бір қызығы, Трамп президент болған кезде корпорация одан қысым көрген.

Дональд оның салық саясатын сынаған. АҚШ-тың пошта қызметі Amazon-ның қолбаласына айналды деп кінәлаған.

Байден әкімшілігі де компанияны жақтыра қоймады. Қаңтар айында жасанды интеллект арқылы қызмет көрсеткен Amazon мен оның серіктестерін тексеру басталды.

Алпауыт компания жетекшісі Безос өз иелігіндегі The Washington Post газетін Трамп қарсыласы Харристі қолдауға тыйым салып, басы дауға қалды.

Дональдты ұлықтау кезінде Prime Video сервисі арқылы Amazon тікелей трансляция жүргізеді.

Amazon-ның өзі электронды коммерция және бұлттық технологиялар саласындағы әлемдік көшбасшы болып есептелінеді. Оның акцияларыны...