Жаңалықтар

Қазақстанның Тәуелсіздік күні қарсаңында Ыстанбұлдағы Ататүрік мәдени орталығының сахнасында Абай атындағы Қазақ ұлттық опера және балет театрының «Хан Сұлтан. Алтын Орда» операсы қойылады. Қойылым 15-16 желтоқсан күндері болады.

Абай атындағы Қазақ ұлттық опера және балет театрының баспасөз қызметінің мәліметінше, бұл тарихи қойылымда Ұлы Дала тарихындағы маңызды кезең – Алтын Орданың құрылуы мен оның рухани мұрасы көркем сахна тілімен баяндалады.

Операда 300-ден астам әртіс өнер көрсетеді. Қойылымға театрдың балет бишілері, хоры және симфониялық оркестрі қатысады.

Операның кейіпкерлері мен мазмұны

Операның басты кейіпкері – Хан Сұлтан, Жошы ханның үшінші әйелі және Алтын Орданың билеушісі Берке ханның анасы. Оның ақылдылығы мен...

Дүниежүзілік банктің зерттеуі бойынша, 2016-2021 жылдары Қазақстандағы кедейлік деңгейі 49,5%-дан 8,5%-ға дейін төмендеді. Алайда осы 15 жылда кедейлікте өмір сүретін балалардың қатары 27%-дан 40%-ға дейін артқан. Олар – көпбалалы, білім деңгейі төмен, жас отбасында дүниеге келгендер.

Қазақстанның барлық аймағындағы кедейшілік деңгейі айтарлықтай төмендегенімен, диспропорция әлі де сақталып отыр. Атап айтқанда Түркістан облысындағы кедей халықтың үлесі артқан. Бұл облыста кедейлікте өмір сүретіндердің қатары 15 жылда 14,4-тен 24%-ға дейін жетті. Үш және одан көп баласы бар отбасылардың кедейлік деңгейі 82-ден 19%-ға дейін төмендегенімен, қазір олар тақыр кедейлердің шамамен 44%-ын құрайды.

Жалпы Дүниежүзілік банк 2016-2021 жылдар аралығында 5,9 млн адам кедейлік қамытынан...

Қазақстандық экологтар мен ғалымдар Каспий теңізіндегі экологиялық дағдарысты шешу үшін  «Save the Caspian Sea» (Каспий теңізін құтқарайық) атты жаңа жаһандық қозғалыс бастады.

«Жылдар бойы жүргізілген талқылауларға, өткізілген жиындарға және үкіметтік емес ұйымдардың шашыраңқы әрекеттеріне қарамастан, жағдай нашарлап барады. Каспий теңізі маңызды бетбұрыс кезеңде тұр және біздің жасайтын таңдауымыз оның болашағын анықтамақ. Мүдделі тараптардың, соның ішінде Каспий жағалауындағы ел үкіметтерінің, өнеркәсіптің және қауымдастықтардың күш-жігерін біріктіретін уақыт келді», — деді қоршаған орта және климат жөніндегі заңгер, қозғалыстың негізін қалаушы Вадим Ни.

Қозғалысты «Crude Accountability», «Глобус» және «Өндіруші салалардың ашықтығы бастамасы» ұйымдары қолдады. Олар аймақта корпоративтік жауапкершілікті, био алуандықты...

Facebook, Instagram сияқты танымал әлеуметтік желілерге иелік ететін Meta компаниясы жаңадан сайланған президент Дональд Трампты ұлықтау салтанатын қолдау үшін 1 млн доллар аударды.

Технологиялық гигант иесі Марк Цукерберг қарашада Дональд Трамппен Мар-Лагодағы курортына барып, түскі аш ішкен еді. Ондағы мақсаты – сайлаудан кейін, Трамп және оның компаниясымен арақатынасты қалпына келтіру. Өйткені 2017 жылы Трамп Цукерберг пен Facebook әлеуметтік желісін «Трампқа қарсы» деп атап сынаған. Meta 2020 жылы президент Джо Байденді, 2016 жылы Трампты ұлықтау салтанаттарына қаражат бөлмеген.

11 желтоқсанда компания 1 млн доллар аударғанын бірнеше басылымға мәлімдеді. Ең алғаш болып Wall Street Journal хабарлады, кейін ВВС пен СВS агенттіктер...

Қазақстандағы цифрлық сыртқы жарнама нарығының көшбасшысы Citix франшизасын іске қосатынын хабарлайды.

«Бұл қадам сыртқы жарнама саласының кәсіпқойларына және кәсіп иелеріне компанияның ерекше экожүйесіне қосылуға мүмкіндік береді. Сол арқылы құрал-жабдықтар, бағдарламалық қамтамасыз ету, сараптамалық құралдар, клиенттер базасы мен креативті шешімдеріне де қолжеткізе алады», – деп жазылған компания мәлімдемесінде.

Жарнама нарығында белсенді түрде цифрлық трансформация жүріп жатқанда Citix-тің жеке әзірлемелері, автоматтандырылған софт және сараптама жүйесі серіктестерге тиімділігі жоғары жарнамалық кампанияларды іске қосуға көмектеседі.

Франшиза алған серіктестердің 350-ден аса клиенттен тұратын жүйеге қосылуына мүмкіндігі бар. Сондай-ақ бизнестің барлық кезеңіне қолдау көрсетеді. Компанияның цифрлық экожүйесі Қазақстанда ғана емес халықаралық нарықта да өзінің табысты екенін...

Алматы әкімдігі «Алматы жастары» жеңілдетілген несие беру бағдарламасына қатысу үшін өтінімдерді қосымша іріктеу басталғанын хабарлайды.

Іріктеудің бұл кезеңінде 2024 жылдың 29 шілдесі мен 7 тамызға дейінгі аралықта бағдарламаға қатысуға өтініш беріп, бірақ құжаттарды дұрыс толтырмаған себепті іріктеуден өте алмаған азаматтарға екінші мүмкіндік беріледі.

«Редакциялауға жіберілген өтінімдер туралы ақпарат бағдарлама сайтының басты бетінде «Қайта өңдеуге жіберілген азаматтар тізімі» бөлімінде қолжетімді», – делінген баспасөз хабарламасында.

Редакциялау процедурасы бағдарламаның ресми сайтында өтеді. Жеңілдетілген несиеге үй алуға ниетті жастар 23-31 желтоқсан аралығында құжаттарға түзетулер мен жаңартулар енгізуі керек.

Еске сала кетсек, «Алматы жастары» бағдарламасының жеңімпаздар...

Грузия парламенті президенттік сайлауды халықсыз өткізіп, можаритарлық жолмен таңдауды жөн деп санаған. Елдің қазіргі президенті Саломе Зурабишвили биліктен кетуден бас тартқан.

Грузияда президенттік сайлау 14 желтоқсан күні өтпек. 2024 жылғы сайлау жаңа жүйе бойынша өтеді. Президентті алғаш рет халық емес, 300 адамнан тұратын сайлау алқасы таңдайды. Алқаға жаңа шақырылған Парламенттің 150 депутаты және ел өңірлерінен 150 делегат кіреді. 

Қазіргі президент Саломе Зурабишвили отставкаға кетпейтінін мәлімдеп, сайлауды мойындамайтынын айтты. Ол жаңа парламенттік сайлау өткізу керек деген ойынан айнымайтынын атап өткен. 

Оппозиция да парламенттің жұмысына бойкот жариялады. Сондықтан президенттікке үміткерді тек «Грузин арманы» партиясы ұсынды. Сайлаудағы жалғыз үміткер экс-футболшы Михаил Кавелашвили болды...

Ақтауда бұрынғы резиденцияның орнына стадион, үлкен мешіт және балалар алаңы салынады. Бұл аумақ қаланың бас жоспарына енгізілген.

Lada хабарлауынша, бұл жөнінде Маңғыстау облысы Нұрдәулет Қилыбаев мәлімдеме жасаған. Аймақ басшысының айтуынша, бұл жер телімінің ауданы – 225 гектар. Ол жерге он мың адамға арналған стадион, мешіт, балалар алаңын салу жоспарланып отыр. Сонымен қатар жағалауда шағын және орта бизнестің дамуын көздейтін нысандар да бой көтермек.

«Аймақ қаланың бас жоспарына кіргізілді. Мелекеттік сараптамаға дайындық және келісу кезеңі жүріп жатыр. «Самал» ықшам ауданында орналасқан жер телімі 2023 жылдың жазында мемлекет меншігіне өтті. Бұрын бұл аумақтың құны бір миллиард теңге...

19 жыл ішінде Қашаған мұнай жобасынан түскен жалпы табыс 58 млрд долларды құрады. Сол уақыт аралығында Қазақстан пайдасына 5,4 млрд доллар төленген. Бұл туралы Energy Insights&Analytics сарапшылары жариялаған талдауда жазылған.

2004-2023 жыл аралығында кен орнындағы капиталдық шығындар 58 млрд доллар, ал операциялық шығындар 28 млрд доллар болды. Нәтижесінде жобадағы қаржы айналымы – 30,6 млрд долларды (теріс нәтижеде) құраған.

Жобадан түсетін салық жүктемесі де көп емес, 2023 жылы көрсеткіш 5% көлемінде болды.

«Бірақ бұл уақытша. Ол құбылыс компанияның салық жүктемесін көтеретіндей деңгейге жете қоймауынан болып отыр. 2024 жылы консорциум мүшелері табыс салығын да төлей бастайды...

Қазақстандықтардың депозитте жинаған ақшасы жыл басынан бері 2,3 трлн теңгеге (11,1%) өскен. Қазір екінші деңгейлі банктердегі депозиттерде халықтың 22,6 трлн теңгесі жатыр. Биыл он айда банктен жаңадан есепшот ашқандардың қатары 9,7%-ға көбейген.

Қазақстанның депозиттерге кепілдік беру қорының дерегі бойынша, қазір теңгедегі депозиттердің пайыздық сыйақысы жоғары. Пайыздық сыйақысы жоғары болғандықтан, теңгедегі салымдар 1,5 есе өскен. Ал депозит нарығындағы үлесі 10,6%-ды құрады. 22,6 трлн теңге жинақтың жартысына жуығы – 15 млн теңгеге дейінгі депозиттер. Есепшотта 50 млн теңгеге дейін қаржы жиналған депозиттердің үлесі – 18,0%. Ал 50 млн теңгеден асатын салымдардың үлесі 32,5%-ды құрайды.

Қандай депозит тиімді?

Қазақстанда АЭС салуға Қытай тарапы көмек көрсетуге дайын, сонымен бірге АЭС салуға үміткер елдер арасында қысқа тізімге енген қытайлық компания елге ядролық технологиялар жеткізуі мүмкін. Бұл туралы Энергетика министрлігінің баспасөз қызметі хабарлады.

Баспасөз қызметінің хабарлауынша, Энергетика министрі Алмасадам Сәтқалиев Қытайға жұмыс сапарымен барған. Министр Бейжіңде мемлекеттік энергетика басқармасының басшысы Х.Ванмен және ҚХР Атом энергиясы агенттігі төрағасының орынбасары Ц.Люмен кездескен. Екі тарап өкілдері атом энергетикасы, мұнай-газ жобалары және жаңартылатын энергия көздері саласындағы ынтымақтастық мәселесін талқылаған.

«Қытай тарапы Қазақстанға АЭС құрылысы жобасын жүзеге асыруда қолдау көрсетуге жоғары деңгейде дайын екенін білдірді», – делінген баспасөз хабарламасында.

Қазақстан мен Ресей шекарасында жүк көліктерінің ұзын-сонар кептелісі пайда болды. Мемлекеттік кірістер комитетінің дерегінше, 500-ге жуық көліктер сарылып тұр. Өйткені Ресей тарапы жолды жауып тастаған. Құзырлы орган мұның себебін қолайсыз ауа райымен байланыстырып отыр.

«Мемлекеттік кірістер комитеті 2024 жылғы 13 желтоқсанға қараған түннен бастап «Сырым» автокөлік өткізу пунктінде Ресей Федерациясына қарай 450-500 жуық жүк көлігінің жиналғанын хабарлайды», – делінген мемлекеттік кірістер комитетінің хабарламасында.

Комитеттің дерегінше, 2024 жылдың 12 желтоқсанынан бастап Батыс Қазақстан облысы мен Ресей Федерациясының Самара облысының аумағында ауа райы нашарлаған. Қалың қар, боран, көктайғақ. Соған байланысты кептеліс пайда болған.  

Оның үстіне Ресейд...

S&P Global Rating агенттігі елдің банк секторына талдау жүргізіп, тұрақты дамып келеді деген байлам жасады. Осылайша елдегі бірнеше банк рейтингі көтерілді. Бұл туралы  агенттік есебінде жазылған.

 «Соңғы жылдары аймақтағы геосаяси жағдай шиеленіскеніне қарамастан, Қазақстандағы банк секторы макроэкономикалық тәуекелдерге тұрақтылық танытып келеді. Ал банк жүйесіндегі қаржылай көрсеткіштер мен актив сапасы біз ойлағаннан да жоғары болып шықты», – деп жазылған рейтинг ұйымы таратқан құжатта.

Осыған байланысты S&P елдегі жеті банк рейтингін көтеріп, тағы төрт қаржы ұйымының несиелік деңгейін нақтылады. Нақтырақ айтқанда, «Халық Банк Қазақстан» АҚ-ның ұзақ мерзімді және қысқа мерзімді рейтингін «ВВ+/В» деңгейден «ВВВ-/А-3» деңгейіне, сондай-ақ ұлтты...

Үндістандық 18 жастағы гроссмейстер Гукеш Доммараджу шахматтан тарихтағы ең жас әлем чемпионы болды. Ол қазіргі әлем чемпионы қытайлық Дин Лиженді ойсырата жеңді.

Ақ тастармен ойнаған Лижен қате жүріс жасап, өзінің мықты фигурасынан айырылып қалғаннан кейін, Доммараджу жақсы ойын көрсетіп, партияда жеңіске жетті. Дәлірек айтқанда, 55-ші жүрісте Дин ладьяның орнын ауыстырып, қате жіберген.

2024 жылы World Chess Championship Сингапурда өтті.

«Ойын тең нәтижемен аяқталуы керек еді, бірақ қысым күшейген кезде Дин қателік жіберді», – деп түсіндірді Chess.com ойынға шолуында.

Дин Лижен жылдың көп бөлігінде депрессиямен күресіп, психикалық жағдайын реттеу үшін ем де алған. Сарапшылар оның осы жағдайы финалдағы...

«Ақбақай Голд Ресорсиз» компаниясы Қазақстан қор биржасынан ерікті делистинг жасайды. Бұл кәсіпорын – ірі алтын өндірушілердің бірі «Алтыналмас» компаниясының еншілес ұйымы. Кәсіпорын соңғы жылдары табыс таппады.

Жалғыз акционердің шешімі негізінде қор биржасы тізімінен тұрған қарапайым акциялары алынып тасталады.

«Ақбақай Голд Ресорсиз» компаниясы 2023 жылы 9,3 млн шығын шеккен. Ал алдыңғы жылғы шығыны 223 млн теңгені құраған. Одан бөлек кейінгі жылдары компанияның жалпы активі де азайған. 2022 жылы 1,2 млрд теңгені құраған активі 240,8 млн теңгеге дейін қысқарды.

Соңғы жылдары тек шығын шеккен компания акционеріне дивиденд төлемеді.

«Алтыналмас» холдингі қазақстандық алтын өндірушілердің алғашқы үштігіне кіреді. Компания...

Қазақстандық боксшы Абылайхан Жүсіпов Таиландтың Чианг Мэй қаласында өткен Азия чемпионатында 71 келі салмақ дәрежесінде чемпион атанды. Жекпе-жек нәтижесі IBA және ASBC ұйымдарының шешімінен кейін қайта қаралды.

11 желтоқсанда өткен финалда Aбылайхан Жүсіпов өзбекстандық Хавасбек Асадуллаевпен кездесті. Қазақстан бокс федерациясының мәліметінше, жекпе-жек кезінде қарсылас тарапынан спорттық ереженің өрескел бұзылғаны анықталды. Шаршы алаңдағы төреші, сербиялық Джована Угренович, ережені бұзғанына назар аудармаған.

Қазақстан тарапы осы жағдайға байланысты IBA (Халықаралық бокс қауымдастығы) мен ASBC (Азия бокс конфедерациясы) ұйымдарына ресми шағым хат жолдады. Федерация өз дәлелдерін фото және видео материалдармен растады.

Жекпе-жек материалдары қайта қаралып, комиссия өзбекстандық боксшының тәртіп бұзғанын растады. Нәтижесінде: Абылайхан...

Сақтандырушыға сақтандыру сыйлықақылары ретінде берілген зейнетақы жинақтары сақтандыру компанияларының меншігіне жатқызыла ма? Бұл мәселе Конституциялық сотта қаралады.

«Конституциялық Сот Азаматтық кодекстің сақтандыру ұйымдарының зейнетақы аннуитеті шарты бойынша алынған сақтандыру сыйлықақыларына меншік құқығына қатысты нормасын тексереді»,- деп хабарлады Конституциялық соттың баспасөз қызметі.

Конституциялық Соттың азаматтың өтініші бойынша Азаматтық кодекстің (Ерекше бөлім) 818-бабы 1-тармағының екінші абзацын Конституцияға сәйкестігін тексеру туралы отырысы өтті.

Азаматтық кодекстің 818-бабы 1-тармағының екінші абзацына сәйкес, сақтандырушы алған сақтандыру сыйлықақылары оған меншік құқығымен тиесілі болып саналады.

Ал конституциялық сотқа жүгінген азамат бұл норманың Конституцияға сәйкестігін анықтауды талап еткен. Ол сақтандырушыға сақтандыру...

Алматы облысының полицейлері сапасы сын көтермейтін және жөнделмеген жол үшін «ҚазАвтоЖолға» 16 миллион теңге айыппұл салды.

ІІМ мәліметінше, «ҚазАвтоЖол ҰК» АҚ-ның Алматы облысындағы филиалы полицияның берген нұсқамалары мен жолдың қауіпсіздігіне қатысты талаптарын ескерусіз қалдырған. Сот шешімімен аталған ұйым әкімшілік жауапкершілікке тартылып, 738 400 теңге көлемінде айыппұл арқалады.

«Осы жылдың басынан бастап Алматы облысы полиция қызметкерлері жалпы пайдаланымдағы автожолдарға 1 579 зерттеу жүргізді. Жұмыс қорытындысы бойынша жолдарды күтіп ұстаудың көптеген кемшіліктері анықталды, оларды жоюға жол-пайдалану ұйымдарына 1 579 нұсқама жіберілді»,- делінген хабарламада.

Жалпы Заң талаптарын өрескел бұзған 321 лауазымды және заңды тұлға әкімшілік жауапкершілікке тартылған. Олардың арасында...

Алматы қаласындағы Орталық стадионда «Астана» мен «Челси» арасындағы футбол матчында тазаланбаған қар үлкен дауға айналды. Жанкүйерлердің шағымынан кейін, стадион басшылығына қатысты шара қолданылып, жауапты тұлға қызметінен босатылды.

12 желтоқсан күні өткен матч кезінде жанкүйерлер стадиондағы орындықтар арасындағы қардың дер кезінде тазаланбағанына шағымданды. Әсіресе, батыс секторының алты қатарында қардың болуы жанкүйерлерге жайсыздық туғызған. Бұл жалпы орын санының 2,7%-ын ғана құраса да, футболсүйер қауымның көңілінен шықпады.

Қаланың спорттық нысандар дирекциясы бұл жағдайға байланысты ресми мәлімдеме жасап, жанкүйерлерден кешірім сұрады:

«Батыс сектордың алты қатарындағы қардың уақтылы тазаланбауы салдарынан келушілерге қолайсыздық туындағаны үшін кешірім сұраймыз. Мұндай жағдайлардың қайталанбауы үшін тексеру...

Алматы облысы прокуратурасы Шерзат Болатты өлтіруге қатысты сотқа дейінгі тергеу аяқталып қалғанын хабарлады. Құзырлы органның мәліметінше, қажетті тергеу әрекеттері өткізілген. Барлық күдікті қамауда.

Қазіргі кезде сараптама нәтижелері ғана күтіліп отыр. Содан кейін іс танысуы үшін процеске қатысушыларға берілмек.

«Бұдан бөлек, Нұрымовтың үйін өртеуге және Ғайыповтың суицид жасағанына қатысты қылмыстық іс Бас прокуратураның бақылауында», – делінген хабарламада.

Облыстық прокуратура көпшілікті жалған ақпарат таратпауға шақырып отыр.

«Өкілетті органның ресми хабарламаларына сенуді сұраймыз», – делінген хабарламада.

Moody’s 2025 жылы АҚШ экономикасындағы «дауыл» болуы мүмкін екенін ескертті. Көтерме бағалар АҚШ-та күтілгеннен де жоғары өсім көрсетті. Бірақ трейдерлер ФРЖ келесі аптада мөлшерлемені 0,25%-ға төмендететініне сенімді. Осы және өзге де тақырыптар туралы 12 желтоқсан күніне арналған әлемдік БАҚ шолуынан оқыңыз.

Moody’s: 2025 жылы экономиканы «дауыл» күтіп тұр

Moody’s Analytics-тің бас экономисі Марк Занди Дональд Трамптың иммиграциялық саясатты қатаңдату және сауда салықтарын көтеру жоспарлары АҚШ экономикасындағы «дауылдарға» жол ашуы мүмкін деп санайды. Бұл туралы CNBC хабарлады. Ол Трамптың сайлауалды уәделерін орындап, «өте агрессивті саясат жүргізетініне» күмәнданбайды.

Зандидің болжамдарымен басқа сарапшылар да келісіп отыр. Goldman Sachs талдаушылары бұған...

Куба және Боливия елдері БРИКС ұйымына мүше болу процесін бастау үшін 2025 жылдан бастап ұйымның серіктестеріне айналады. Бұл туралы ресейлік «Известия» басылымы жазды.

Басылымның ақпаратына сүйенсек, келіссөздер әлі аяқталған жоқ. Олар 2025 жылдан бастап-ақ ұйымға серіктес бола алады.

«Шақыру алған елдер топқа кіреді. Біз олардың серіктес ретінде қосылу тұрғысынан бәрі ойдағыдай болатынына сенімдіміз», – делінген басылымда.

Ресей Сыртқы істер министрлігі ұйымға кіруге шақыру алған мемлекеттерді серіктес мәртебесінде топқа қосу туралы келіссөздер әлі аяқталмағанын айтты. 

«Барлық шақырылған елдер үшін бұл үлкен, маңызды перспектива, бірнеше күн қалды, содан кейін тиісті тізім жарияланады», – деп...

Bizbirgemizqazaqstan қайырымдылық қорының жетекшісі Перизат Қайрат қымбат жылжымалы және жылжымайтын мүлкінен бөлек, киім-кешегінен айырылуы мүмкін. Өйткені олар тәркіленген. Бұл туралы Қаржы мониторингі агенттігінің баспасөз қызметі хабарлады.

«ҚМА қоғамдық қайырымдылық қорының тең құрылтайшысы және басшысы Перизат Қайратқа қатысты тергеуді жалғастыруда», – делінген баспасөз қызметі хабарлады.

ҚМА Перизат Қайраттың үйіне тінту жүргізген. Нәтижесінде қайырымдылыққа жиналған қаражатқа сатып алынған қымбат дүние-мүлкін анықтаған. Олардың арасында қымбат техника мен Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada және т. б. танымал әлемдік брендтердің киімі мен бұйымдары болған. Бұл қымбат заттардың барлығы...

Украина өз территориясы арқылы 2025 жылдың 1 қаңтарынан бастап Ресей газының транзитін тоқтатуға дайындалып жатыр. Бұл туралы елдің энергетика министрі Герман Галущенко айтты.

Укрінформ басылымының ақпаратына сүйенсек, Берлинде өткен 7-ші неміс-украин бизнес-форумы кезінде Галущенко Ресей газының транзитін тоқтату мәселесін көтерді.

«Біздің ұстанымымыз толығымен ашық: 1 қаңтардан бастап транзитті толығымен тоқтатуға дайындалып жатырмыз. Бұған көптен бері дайындалып келеміз. Осы жылы транзит тоқтаған жағдайда газ жүйесі қалай жұмыс істейтіні туралы бірнеше стресс-тестер жасадық», – деді Галущенко.

Бұған дейін Ресей тарапы да транзитті тоқтату туралы мәлімдеме жасаған болатын. Қазан айында Кремль басшысы Владимир Путин келесі жылы Украина...