Жаңалықтар

Алдағы мерекелік күндерге орай жолаушылардың жоғары сұранысына байланысты қосымша теміржол пойыздары мен әуе рейстері ұйымдастырылмақ. Бұл туралы Көлік министрлігі хабарлады.

Министрлік мәліметінше, қосымша пойыз бен әуе рейстері 13 желтоқсан мен 2025 жылғы 9 қаңтар аралығында жүзеге асырылады.

Теміржол көлігі

Ұлттық тасымалдаушы мереке күндері халыққа қолайлы жағдай жасау үшін әртүрлі бағыттарда қосымша пойыздар қосады. Бұл 43 мыңнан астам жолаушыны тасымалдауға мүмкіндік береді.

Қосымша пойыздар кестесі:

Қазақстанның солтүстігінде оншақты ауыл жойылады. Қоғамдық кеңес 45 елдімекенді таратуды мақұлдаған.

Заңнама бойынша бір ауылда 50 адамнан кем тұрмауы керек. 45 ауылдың 38-інің әрқайсысында оншақты адам тұрады. Осы ауылдарда тұрғандардың саны 260-қа да жетпейді.

Солтүстік Қазақстан облысының экономика басқармасының басшысы Қуанышбек Қалижанов жергілікті басылымға аталған елдімекендерде инфрақұрылым сапасы сын көтермейтінін айтқан.

СҚО-да  жалпы 141 ауылды тарату жоспарда бар екенін айтылған. Облыс әкімдігі солтүстікке көш-қонды белсенді жүргізбек. Осы өңірдегі ауылдарға көшіп келгендердің әрқайсысына 55 380 теңге өтемақы қарастырылған.

16-17 желтоқсан күндері Қазақстан мен Қытай арасындағы шекара бекеттерінде автокөлік қозғалысы тоқтайды. Мемлекеттік кірістер комитеті  жолаушыларды ескертті.

Екі елдің келісіміне сай мереке күндері өткізу пункттері уақытша жабылады. Шекарадан көліктермен өтуге немесе жүк тасымалдауға, адамдардың да қатынауына тыйым салынады.

Қытайға пойызбен баруға болады. Комитет шекара тұсында жел күшейіп, ауа райы қолайсыз болуы мүмкін екенін қаперге салды.

«Тәуелсіздік күнін атап өтуге байланысты 2024 жылғы 16-17 желтоқсан аралығында Қазақстан-Қытай шекарасындағы автомобиль өткізу пункттерінде адамдарды, көлік құралдарын және жүктерді өткізу жүзеге асырылмайды. Осыған байланысты комитет тасымалдаушыларға маршруттарды алдын ала түзетіп, өткізу пункттері жұмысының кестесіндегі ықтимал өзгерістерді ескеруді ұсынады...

12 желтоқсан күні Алматы қаласында «Астана» мен «Челси» командалары алаңда кездесті. Қонақ команда алғашқы таймда басым түсті. «Челси» шабуылшысы Марк Гиу 19 минуттың ішінде екі мәрте гол салды. Одан кейін Ренату Вейга ұпайды үстемеледі. Бірінші тайм аяқталарда қазақстандық футболшы Марин Томасов қарсыластар қақпасына доп енгізіп, жанкүйерлерге үміт сыйлап кетті. Есеп 3:1 болды.

Екінші таймда астаналық клуб мүмкіндікті пайдалана алмады. Жеңіс «Челсиға» тиесілі.

Орталық стадионда орындықтарға мұздақ қатып, жанкүйерлер сынына қалды. Стадион әкімшілігі кешірім сұрап, нысан меңгерушісі Бауыржан Жұмажанов қызметінен босатылғанын хабарлады. Жалпы орталық стадион 23 804 адамға есептелінген. Екі команда тайталасын көруге 20 982 кісі жиналған.  

Мұның алдында «Челси» төрт...

12 желтоқсан күні Оңтүстік Корея Президенті Юн Сок Ёл өзіне тағылған айыпты мойындамайтыны мәлімдеді. Корея басшысы теледидар арқылы үндеу таратты.

Yonhap агенттігінің ақпараты бойынша ол доғарысқа кетуден бас таратқан. Юн Сок Ёл елден кешірім сұрап, әлі күресетінін айтты.

14 желтоқсанда оның тағдыры шешіледі. Корея парламенті сенімсіздік вотумын қайтадан дауысқа салады.

Юн Сок елді дағдарыс жайлағанын, оның бетін қайтаруға күш салатынын хабарлады. «Маған импичмент жариялансын, тергесін, мен күресте әділет жолын таңдаймын», – деді ол.

Президенттің елде әскери жағдай жариялауы сәтсіз болды. Оппозиция күштері демде күш алып, қатаң режимді болдырмай тастады.

Одан кейін Юн Сок Ёлді тергеу басталды. Бірқатар лауазымды адамдарға...

«Келешек» бағдарламасы бойынша кем дегенде банк жүйесіндегі ең төмен деңгейдегі сыйақы есептелген. Екінші деңгейлі банктер Ұлттық банк бекіткен тарифтен сыйақы ставкасын кеміте алмайды. Ғылым және жоғары білім министрінің орынбасары Талғат Ешенқұлов «Келешектің» тиімділігін түсіндірді.

«Жыл сайын мемлекеттік сыйақы түсіп тұрады. Оның ішінде 5 пайыз жылдық сыйақы барлық салымшыға, 7 пайыз сыйақы көпбалалы отбасыларға арналған», – деді Ешенқұлов.

Сондай бастапқы капитал айлық есептік көрстекішке негізделген. Мемлекеттік сыйақы мен банк ставкасы бойынша өзара құнды есептесе, жинаққа 20% өсім қосылады.

«Басқа депозиттермен салыстырғанда мемлекеттік жылдық сыйақы мөлшері 5-7% деңгейінде болады. Сондай-ақ инфляциядан қорғау қарастырылған», – дед...

Бұл жөнінде «Альянс» заң консультациясы палатасының және халықаралық полиграфологтар қауымдастығының мүшесі Ержан Наурызбай хабарлады.

Оның айтуынша, жаңа партия саяси-құқықтық бастамаларымен көзге түсуге тиіс. Саяси ұйым бағдарламасында Еуразиялық экономикалық одақ аясында ынтымақтастық жайына көңіл бөлінетіні көрсетілген.

– Біз негізгі фактор еуразиялық интеграция болуы керек екеніне сенімдіміз. Бұл географиялық орналасуына байланысты, сондықтан біздің периметрлі көршілес елдер аумақтық және ұлттық қауіпсіздік тұрғысынан басымдыққа ие болуы керек, – деді ол.

Ержан Наурызбай Ресей және Қытай секілді алпауыттармен келісім арқылы жұмыс істеу керек екенін айтты. Оған тарихи себептер мен қазіргі заман ахуалы әсер ететінін алға тартты.

Орталық Азиялық жарнама қауымдастығының (ОАЖҚ) сарапшылар комиссиясы 2024 жылдың 9 айы бойынша Қазақстандағы жарнама нарығын бағалау нәтижелерін ұсынды.

Қауымдастық өкілдері бірінші жартыжылдықтың деректері кейбір сегменттерді бағалау бойынша комиссияның бірыңғай ұстанымының болмауына байланысты жарияланбағанын ескертті.

Үш тоқсанның мәліметтерін дайындауда көп жұмыс атқарылды. Нәтижесінде комиссия мүшелері жарнама нарығының барлық сегменті үшін бағалау үлгілері мен алгоритмдерін қабылдады.

Теледидар, интернет, сыртқы жарнама, радио, баспасөзде жарнаманың жалпы көлемі қосымша құн салығын қоса есептегенде, шамамен 85,5 млрд теңгені құрады. Бұл 2023 жылдың 1-3тоқсандарымен салыстырғанда 16%-ға көп.

 «Жарнама нарығының дамуы оң тенденцияда және + 16%-ға өсу жалпы экономиканың өсу қарқынының аздап баяулауымен сәйкес...

Халықаралық S&P Global Ratings агенттігі «Фридом Финанс» АҚ, Freedom Finance Global PLC, Freedom Finance Europe Ltd-нің және «Фридом Банк Қазақстан» АҚ-тың ұзақ мерзімді кредиттік рейтингтерін «В»-дан «В+»-ға дейін көтерді. Қысқа мерзімді кредиттік рейтингтері «В» деңгейінде расталды. Ұлттық шкала бойынша «Фридом Финанс» АҚ пен «Фридом Банк Қазақстан» АҚ-тың рейтингтері де жоғарылады. Нақты айтқанда, «kzBBB-»-тен «kzBBB»-ға дейін көтерілді. Сонымен бірге Freedom Holding Corp. компаниясының рейтингі «В-» деңгейінде расталды.

«Біз баланстың өсуінің жоспарланған орташа қарқыны дереккөздер бойынша және географиялық тұрғыдан әртараптандырылған күшті кіріс көрсеткіштерімен бірге Freedom компанияларының капиталдандыру көрсеткіштерін қолдайды деп күтеміз. Топ әртүрлі юрисдикцияларда жұмыс істейтін көптеген еншілес...

Қазақстанның бұрынғы Президентінің денсаулығы мен жеке өмірі туралы мәліметтер енді мемлекеттік құпияларға жатқызылады және оны таратуға тыйым салынады. Бүгін, 12 желтоқсанда Парламент Сенаты «Мемлекеттік құпиялар туралы» түзету енген заңды мақұлдап, Қасым-Жомарт Тоқаевтың қол қоюына жіберді.

Мұндай норма «ҚР кейбір заңнамалық актілеріне Мемлекеттік білім беру жинақтау жүйесі, ақпарат, қоғамдық даму, мәдениет және архив ісі салаларында артық заңнамалық регламенттеуді болғызбау» мәселелері бойынша өзгерістер мен толықтырулар енгізу туралы Заңына енгізілген.

«Мемлекеттік құпиялар туралы» Қазақстан Республикасының Заңына барлаушылық, қарсы барлаушылық, жедел-іздестірушілік және өзге де қызметті мемлекеттік құпияларға жатқызудан басқа, Қазақстан Республикасы Президентінің және оның отбасы мүшелерінің қауіпсіздігін қамтамасыз етудің ұйымдастырылуы...

«Келешек» бағдарламасымен ашылған жинаққа мемлекеттік бастапқы білім беру капиталы тек ақша салынып отырған есепшоттарға түседі. Есепшотқа жылына ең кемі 24 АЕК-ке тең ақша түсуі тиіс. Бұл туралы Ғылым және жоғары білім вице-министрі Талғат Ешенқұлов айтты.

2025 жылы 1 айлық есептік көрсеткіш 3 932 теңге теңгеге тең. Яғни баласының болашақ білімі үшін ақша жинайтын ата-ана есепшотын 2025 жылы 94 368 теңгеге толықтыруы шарт.

«Бұл ақшаны ай сайын 1 АЕК-тен немесе жинап, жыл соңында бірақ салуына болады. Егер жыл сайын толтырылмаса, мемлекет қаржысы қайтарылады», – түсіндірді вице-министр.

«Келешек» бағдарламасы 2025 жылдың 1 наурызында іске...

Сенатор, бұрынғы Ішкі істер министрі Марат Қожаев Шерзат Болаттың әкесі Қаржаубай Нұрымовтың қамалуына байланысты пікір білдірді. Журналистер мұның қаншалықты әділетті екенін сұраған еді.

«Бұл іске қатысты барлық ақпарат қолжетімді. Түрлі дерек көздерінен оқыдым. Бұл адам құқық бұзды. Сол үшін жауап береді. Заң бәріне бірдей. Заң қатал. Бірақ заңның аты – заң. Бір адам заң бұзса, материал сотқа жіберіледі, сот істі қарап, объективті шешім шығарады. Ол істеген ісі үшін жазаға тартылды», – деді сенатор.

Марат Қожаевтың айтуынша, Қаржаубайдың әрекетінен келтірілген зиян зерттелген. Көліктің дөңгелегін тесіп тастаған.

«Келтірген зиянның құны 200 АЕК-тен асса, ол...

Air Astana компаниялары тобы ESG Awards марапаттау рәсімін өткізді. Осылайша  тұрақты даму саласындағы бастамаларына қолдау білдірген серіктестерін атап өтті.

ESG Awards марапаты алғаш рет компанияның серіктестеріне ESG қағидаттарын (экология, әлеуметтік жауапкершілік, корпоративтік басқару) іске асыруға қосқан үлесі үшін беріледі.

 «Біз ESG құндылықтарын ортақтасатын және оларды жүзеге асыруға көмектесетін серіктестерімізді шын жүректен мақтан тұтамыз. Бұл ESG Awards құруға негіз болды – тек марапаттар ғана емес, ESG қағидаттарын ілгерілетуге және орнықты болашақ қалыптастыруға қосқан үлесіміз үшін біздің ризашылығымыздың нышаны», – деді Air Astana компаниялар тобының бас атқарушы директоры Питер Фостер.

Марапатталған серіктестердің арасында EY Kazakhstan,  «Вита Пром...

Қазіргі таңда Қазақстанның сыртқы қарызы 7,2 трлн теңгені құрайды. Ал Азия Даму Банкі, Азия инфрақұрылымдық инвестициялар банкі және Халықаралық қайта құру және даму банкінен алынатын 600 млрд теңгеден астам қарызды қосқанда, мемлекеттің жалпы сыртқы қарызының көлемі 7,8 трлн теңге болады. Бұл жайлы Сенат кулуарында Қаржы вице-министрі Дәурен Кеңбейіл айтты.

Министрлік өкілі бұл қарыздың жеңілдетілген шарттармен берілетінін айтып, не себепті жапон йенасында алынатынын түсіндірді.

«Бюджеттік заңнамада бюджет тапшылығы туралы ұғым бар. Бюджет тапшылығы көрсеткіші жалпы ішкі өнімге шаққанда 2,7%-ды құрап отыр. Бұл үш қарыз бізге жеңілдетілген шарттармен, жапон йенасымен беріліп отыр. Бізге қолжетімді валюталар арасында...

«ҚазМұнайГаз» ұлттық компаниясының акциялары жыл басынан бері 25%-ға өскен. Қазір ҚМГ бір акциясының құны 14 400 теңгені құрайды.

Төленген дивиденд мөлшерін ескерсе, акцияның табыстылығы 30%-ды құраған. «ҚазМұнайГаздың» нарықтағы қазіргі капиталы 8,8 трлн теңгеге жеткен.

Бұл ретте, 2022 жылы желтоқсанда IPO өткізілген уақыттан бері ҚМГ акцияларының құны 71%-ға өсті, ал төленген дивиденд көлемін қоса есептегенде, жиынтық табыстылығы 83%-ды құрады. IPO-ға шыққан сәттен бастап ҚМГ акцияларының құны бір акция үшін 8,4 мың теңгеден 14,4 мың теңгеге жетті.

Қаржы есебіне сәйкес, ҚМГ 2024 жылдың қаңтар-қыркүйек айларында 867 млрд теңге таза пайда алған. Биыл компания акционерлеріне 350 млрд теңге көлемінде дивиденд төлемекші.

Алматы қаласының Қала құрылысын бақылау басқармасы Қарағайлы шағын ауданында орналасқан «Француз үйі» тұрғын үй кешенін бұзу басталғанын хабарлады. Бұл шара тапсырыс берушінің құрылыс нормаларын өрескел бұзуына байланысты қабылданған.

Жүргізілген жоспардан тыс тексеру барысында тұрғын үй кешенінің құрылыс жұмыстары СЖТ-сыз (сәулет-жобалық тапсырма), жобаның эскизін келісусіз, құрылыс жұмыстарының басталғаны туралы хабарламасыз және қажетті сараптамаларсыз басталғаны анықталды. Осы заң бұзушылықтарға байланысты тапсырыс берушіге әкімшілік шаралар қолданылып, ғимаратты сүру туралы талап арыз сотқа жолданған.

Сот шешімі және атқару жұмыстары

2023 жылдың 26 шілдесінде Алматы қаласының Мамандандырылған ауданаралық экономикалық соты ғимаратты сүру туралы шешім қабылдады. Бұл шешім 2023 жылдың 26 қазанында Алматы қалалық сотында...

Венада тұратын танымал жапон блогері және полиглот Юдзи Натсума Қазақстан туризмінің елшісі атанды. Бұл мәртебе оған еліміздің мәдениеті мен табиғатын әлемге насихаттауға қосқан үлесі үшін табысталды деп хабарлайды Kazakh Tourism.

Юдзи қазақ тілін меңгерген, сондай-ақ өзінің әлеуметтік желілеріндегі миллиондаған оқырмандарын Қазақстанның бай мұрасымен және табиғи сұлулығымен танысуға ынталандырады.

Қазақстанға деген ерекше махаббат

Юдзи Нaтсума ұлттық дәстүрді, мәдениет пен қазақстандық өнімді, әсіресе, шоколадты ерекше насихаттап жүреді. Ол Қазақстанға үш мәрте келіп, Kazakh Tourism ұйымдастырған ақпараттық турларға қатысты. Осы сапарлар блогерге еліміздің табиғатын, тарихын және мәдениетін жақыннан тануға мүмкіндік берді.

«Мен үшін Қазақстан туризмінің елшісі болу...

2025 жылдан шенеуніктер мен депутаттардың шетелден қандай мүлікті қаншаға сатып алғаны ашық жарияланбақ. Сыбайлас жемқорлыққа қарсы іс-қимыл агенттігі (Антикор) табыс декларациясындағы ашық жарияланатын мәліметтер тізбесін жасады. Құжат 27 желтоқсанға дейін ашық талқыда болады.

2025 жылғы 1 қаңтардан «Сыбайлас жемқорлыққа қарсы іс-қимыл туралы» Заңның 11-бабының 9-тармағы қолданысқа енеді. Соған сәйкес, келер жылдан «А» корпусындағы шенеуніктер, Парламент депутаттары, судьялар, квазимемлекеттік компаниялардың топ-менеджерлері мен жұбайлары тапсырған декларация ашық жариялануы тиіс. Олар табыс декларациясында шетелдегі мүлкі, бағалы қағаздары, инвестициялық алтын жəне басқа да активтерін көрсетеді.

Шенеуніктердің шетелдегі дүние-мүлкі жайлы ақпарат ашық болады

Ең алдымен декларация иесінің аты-жөні, кіріс пен дүние-мүлік туралы...

Қазақстандықтар Қытай инвестициясымен жасалған жобалардың елімізге пайда алып келетініне күмәнмен қарайды. Бұл туралы Talap орталығының «Қазақстандағы Қытайды қабылдау индексі» зерттеуінде жазылған.

Зерттеуге сүйенсек, Қытай қолдауымен іске асатын Қазақстандағы энергетикалық және инфрақұрылымдық жобалар өскенімен, халық арасында олардың пайдасына деген сенім төмен.

«Экономикалық және әлеуметтік қабылдау арасындағы алшақтықты азайту үшін инвесторларға жергілікті қоғамдастықпен неғұрлым белсенді байланыс қажет», – дейді зерттеушілер.

Бұған қоса, Қазақстан жері Қытайға жалға берілуі мүмкін деген қорқыныш әлі де бар. Ал қытайлық тауарлардың сапасына қатысты күмән сейілген.

2017 жылдан 2023 жылға дейін Ресейге деген қарым-қатынас нашарласа, 2022 жылдан бастап Қытайға деген сенім артқан. Сарапшыларды...

Қарағандыда солдаттарға ұлының үйін салдырып, құрылысқа әскери бөлімнің техникасын пайдаланған вице-министр Ибрагим Күлшімбаевтың ісі бойынша тағы да екі командир қызметінен кетті.  

«Командирлердің бәрі қызметінен алынды», – деп жауап берді Қарағанды облысы Төтенше жағдайлар департаменті бастығының орынбасары Роллан Есмағанбетов.

ҚазТАГ мәліметінше, Күлшімбаевқа қатысты қылмыстық іс бойынша бұл командирлер куәгер ретінде тартылды. Олардың бірі оған қарсы әшкерелеуші куәлік берген еді.

ТЖ департаменті сотқа жәбірленуші тараптың бірі болып қатысты. 2020 жылы күзде төтенше жағдай вице-министрі қызметіне тағайындалған Күлшімбаев Қарағанды облысындағы 52859 әскери бөліміне және ТЖД басшылығына куратор болған-ды.  

Тергеу мәліметіне қарағанда, әскери бөлімнің жеке құрамы...

Дәл қазіргі жағдайда Шерзат Болаттың жақындарына психологтың көмегінен бұрын әділдік қажет. KursivMedia тілшісі белгілі отбасылық психолог Ержан Мырзабаевқа хабарласып, осы отбасының психологиялық жағдайына қатысты маман ойын білді.

«Қазір фокус, концентрация психологта болып тұрған жоқ. Оларға психолог емес, әділдік керек. Әділдік жоқ жерде психолог көмегінің пайдасы шамалы. Адам жан айқайын айтып, баласын жоғалтып алғанда, тек жауаптылардың қатаң жазаға тартылуын қалайды. Әділдікке қол жеткізгеннен кейін ғана психологиялық травманы емдеу үшін психотерапияға бару керек болады», – дейді.

Маманның айтуынша, психологтың жұмысы бір жақты болмайды. Психолог бұл жалпы процеске қосымша қолдау, көмек. Егер процесс дұрыс жүрмесе, психологтың көмегі де шамалы болуы...

Қазақстанда 76 млрд тонна болжамды отын ресурсы бар 15 кен орны анықталған. Бұл туралы Орталық коммуникациялық қызметте өткен брифинг барысында Өнеркәсіп және құрылыс министрлігінің Геология комитетінің төрағасы Ерлан Акбаров айтты.

«Қазіргі уақытта шамамен 76 млрд тонна болжамды отын ресурстары бар 15 шөгінді бассейн бар екені белгілі. Бүгінгі таңда мұнай өндірудің барлық көлемі игерілген 5 бассейнге тиесілі. Олардың ішіндегі ең ірісі – Каспий маңы, ол елдің ресурстық базасының шамамен 80%-ын құрайды. Сонымен қатар қосымша 5 аз зерттелген шөгінді бассейні айтарлықтай перспективаларға ие. Бұл Солтүстік Торғай, Арал, Сырдария, Шу-Сарысу және Ертіс маңы шөгінді бассейндері. Бұл бассейндерд...

Желтоқсан айында бірнеше қызықты кинопремьера шығады. Kursiv LifeStyle солардың топтамасын назаларыңызға ұсынады.

«Сен маған керексің»

12 желтоқсан күні көрерменге жол тартқан бұл туынды – ерекше қабілетке ие қарапайым электрик Бөлекбайдың тағдыры туралы драма. Жұмыс кезінде найзағайдың әсерінен Бөлекбай магниттік қабілетке ие болады. Алғашында ол қабілетті көңіл көтеру мен жеке мақсаттарына пайдаланса, кейіннен мемлекеттік құрылымдардың назарына ілігеді. Бірақ ерекше қабілет оны қауіпті саяси ойынның құрбаны етеді.

«Әнел»

Қазақ киноиндустриясында көп түсіріле бермейтін хорор жанрындағы туынды. Отбасылық құпиялар мен ананың баласын қорғайтыны туралы психологиялық драма. Басты кейіпкер Әнел өзінің 12 жасар қызына төніп тұрған тылсым қауіптің белгілерін байқайды...

2023 жыл қорытындысы бойынша, екінші деңгейлі банктер арасында мемлекетке көп салық төлегендер қатарында Halyk Bank, Kaspi Bank және Центркредит Банк бар екен. Бұл жайлы Мемлекеттік кіріс департаментінің сайтынан анықтадық. Шолуға тек банктер төлеген салық мөлшері алынды, еншілес ұйымдарының қаржысы есептелген жоқ.

Қазақстандық банктер арасында ең көп салық төлеген – Halyk Bank. Былтыр қаржы ұйымы қазынаға 203 млрд теңгеден аса салық төлеген. 2022 жылмен салыстырғанда салық көлемі 2 есеге жуық көбейген. 2 жыл бұрын банк мемлекетке 137 млрд теңге аударған еді.  Айта кету керек, банктің кредит портфелі де ең жоғары, 2023 жылы бұл көрсеткіш 9,05 трлн теңгені құраған.

Екінші орында...