Жаңалықтар

АҚШ актрисасы, «Эйфория» сериалының жұлдызы Сидни Суини SYRN атты жеке іш киім брендін ресми түрде таныстырды. Актриса жаңа топтаманың алғашқы жарнамалық кампаниясын әлеуметтік желіде жариялап, сатылымның басталғанын хабарлады. Жоба Amazon негізін қалаушы Джефф Безостың қолдауымен жүзеге асқан.

SYRN бренді өткен жылдың жазында шығуы тиіс болған. Алайда American Eagle брендімен байланысты джинсы төңірегіндегі даудан кейін іске қосу мерзімі кейінге шегерілген. Жоба бір жылдан астам уақыт бойы Coatue атты жеке инвестициялық компанияның қолдауымен әзірленген. Бұл компанияға Джефф Безос пен оның серіктесі Майкл Делл шамамен 1 млрд доллар инвестиция құйған. Аталған тұлғалар актрисаның алғашқы ірі бизнес жобасының басты инвесторлары саналады.

Брендтің басты ерекшеліг...

Жетісу облысы Алакөл ауданында әкімнің орынбасары 5 жылға сотталды.

Бас прокуратураның мәліметінше, Арқарлы ауылында электр желілерін салу және қайта жаңғырту кезінде аудан әкімінің орынбасары қызметтік өкілеттігін асыра пайдаланып, іс жүзінде орындалмаған жұмыстар туралы актілерге қол қойған. Соның салдарынан бюджет есебінен 189 млн теңгеден астам сома заңсыз аударылған.

Прокурорлар оған қылмыстық кодекстің 361-бабы 4-бөлігі 3-ші тармағы (ауыр салдарға әкеп соққан қызметтік өкілеттіктерді асыра пайдалану,) бойынша айып таққан.

«Алакөл аудандық сотының үкімімен аудан әкімінің орынбасары мүлкін тәркілемей, 5 жылға бас бостандығынан айырылды. Сондай-ақ мемлекеттік қызметте, мемлекеттік ұйымдарда және квазимемлекеттік сектор субъектілерінде лауазым атқару құқығынан өмір бойына айырылды...

Еңбек және халықты әлеуметтік қорғау министрлігі Электрондық еңбек биржасындағы бос жұмыс орындарын талдау қорытындысы бойынша сұранысқа ие және ең жоғары жалақы төленетін мамандықтар атады.

2025 жылы Enbek.kz порталында 1 млн 328 мың бос жұмыс орны жарияланып, 1 млн 453,8 мың түйіндеме орналастырылған. Осылайша, жұмыс іздеушілер тарапынан ұсыныс жарияланған сұраныстан 125,8 мыңға асып түсті. Барлық бос жұмыс орындарының жартысына жуығы жұмысшы мамандықтарға тиесілі.

Жыл бойы ең жоғары сұранысқа ие болған мамандықтар:

Ал жұмыс...

2023-2025 жылдары елімізде шағын қалаларда, аудан орталықтарында және ауылдық елдімекендерде орналасқан 3 008 мектепке ауқымды жаңғырту жұмыстары жүргізілген.

Оқу-ағарту министрлігінің хабарлауынша, модернизация қала және ауыл мектептері арасындағы алшақтықты азайтуға, сондай-ақ балаларға білім мен тәрбие беру үшін жайлы жағдай жасауға, материалдық-техникалық базаны күшейтуге бағытталған.

«Осы жұмыстар аясында мектептерге күрделі және ағымдағы жөндеу жүргізіліп, заманауи пәндік кабинеттер сатып алынды. Мектеп жиһаздары жаңартылды. Кітапханалар мен асханалар жаңғыртылды. Сондай-ақ қауіпсіздік жүйелері күшейтілді», – делінген хабарламада.

Қанша мектеп жөндеуден өтті?

2023–2025 жылдардың қорытындысы бойынша:

Дубайда өткен Gulfood 2026 халықаралық көрмесі аясында Қазақстан компаниялары 335,4 млн АҚШ долларына тең экспорттық және инвестициялық келісімдерге қол қойды. Бұл туралы Сауда және интеграция министрлігі мәлімдеді.

Министрлік дерегінше, құжаттар QazTrade ұйымдастырған дөңгелек үстел барысында рәсімделген. Жалпы 19 келісім астық, майлы дақылдар, кондитерлік өнімдер, бұршақ пен күріш экспортын, сондай-ақ қазақстандық азық-түлікті БАӘ нарығында дистрибуциялауды қамтиды.

«Ең ірі келісімдер астық жеткізілімдерімен байланысты: БАӘ мен Оман серіктестерімен 800 мың тоннаға дейін астық экспорттау параметрлері бекітіліп, олардың жалпы құны 240 млн АҚШ долларынан асты», – делінген хабарламада.

Іскерлік бағдарлама аясында Сауда және интеграция министр...

28 қаңтар күні түстен кейін Шымкентте жолда кетіп бара жатқан әйел пышаққа ілінді. Ол оқиға орнында алған жарақаттарынан қайтыс болған.

Қалалық полиция департаментінің мәліметінше, «күдікті жәбірленушіге өзара жақтырмаушылық негізінде пышақ жарақаттарын салған».

Полиция оқиғаға қатысты Қылмыстық кодекстің «Адам өлтіру» бабымен іс қозғаған. Оқиға туралы полицияға куәгерлер хабарлаған.

«Полицейлер күдіктіні ізін суытпай ұстады. Ұстау кезінде қарулы күдікті қарсылық көрсеткендіктен, қолданыстағы заңнама талаптарына сәйкес полиция қызметкерлері табельдік қаруды қолдануға мәжбүр болды», – делінген полиция хабарламасында.

Күдікті қазір ауруханада. Оны полиция күзетіп тұр. Тергеу амалдары басталған.

Айта кетейік, 11 қаңтар күні кеште Шымкенттегі Төлеметов көшесі мен Өтегенов көшесін...

Алматы облысы әкімдігі 2026 жылғы 29 қаңтарда Қарасай және Іле аудандарында жер учаскелерін заңсыз өзгерту және беру деректеріне қатысты түсініктеме берді.

Бұл туралы Zakon.kz хабарлады.

Әкімдік мәліметінше, 2025 жылы Қарасай ауданында жергілікті атқарушы органдар жүргізген мониторинг барысында жердің нысаналы мақсаты заңсыз өзгертілгенін растайтын жалған құжаттар анықталған.

«Барлық материалдар жедел түрде прокуратураға жолданды. Прокурорлық қадағалау мен сот талқылауының нәтижесінде заңсыз шешімдер жойылып, жер учаскелері бастапқы қалпына келтірілді. Анықталған фактілер бойынша қылмыстық істер тіркелді», – делінген әкімдік хабарламасында.

Сондай-ақ Қарасай ауданы әкімдігі Көкөзек, Іргелі және Көксай елді мекендерінде де осындай заңбұзушылықтарды қосымша анықтаған. Жалған шешімдер мен...

Соңғы күндері әлемдік нарықта мұнай бағасы қайта көтеріле бастады. Бұған басты себеп – АҚШ-тағы мұнай қорының күтпеген жерден азаюы.

28 қаңтар күні Brent маркалы мұнайдың бір баррелі шамамен 68 доллардан асты. Ал WTI мұнайы 63 доллар деңгейіне жақындады. Бұл – соңғы айлардағы ең жоғары көрсеткіштердің бірі.

АҚШ Энергетика министрлігінің мәліметінше, өткен аптада елдегі мұнай қоры 2,3 млн баррельге қысқарған. Ал сарапшылар керісінше, қор көлемі артады деп болжаған еді. Осы жаңалық нарыққа әсер етіп, мұнай бағасының өсуіне жол ашты.

Бағаның қымбаттауына ауа райы да себеп болды. АҚШ-та қар жауып, қатты аяз болып, мұнай мен газ өндіру қиындады.

Кейбір...

Колумбияда жолаушылар ұшағы апатқа ұшырап, 15 адам қайтыс болды. Жергілікті Noticias Caracol телеарнасының дерегінше, әуе көлігі таулы аймаққа құлаған.

Кукутадан Оканьяға ұшып шыққан Beechcraft 1900 жолаушылар ұшағы әуеге көтерілгеннен кейін, 12 минуттан соң онымен байланыс үзілген. Кейінірек әуе кемесінің сынықтарын Солтүстік Сантандердің таулы аймағының тұрғындары тапты. Бортта болған 15 адамның ешқайсысы аман қалмаған деген ақпарат бар.

Әуе апатына не себеп болғаны әзірге белгісіз. Алайда жергілікті азаматтық авиация басқармасы апат болған сәтте бұл аймақта қалың тұман болғанын айтады. Бірақ ұшақ ешқандай апаттық белгі бермеген. Қазіргі уақытта тергеу жұмыстары жүріп жатыр.

Жолаушылар арасында конгресмен Диоген Кинтеро, оның командасы, сондай-ақ депутаттыққа кандидат Карлос...

Нипах вирусының өршуіне байланысты қазақстандықтар Үндістанға баруды әзірге қоя тұрғаны жөн. Санитариялық-эпидемиологиялық бақылау комитеті осындай ескерту жасады.

Жаңа шектеуге Үндістанның Батыс Бенгалия штатында вирус тарағаны себеп болған. Бұл жағдай туристер үшін де қауіпті.

«Үндістандағы Нипах вирусына қатысты эпидемиологиялық жағдайға байланысты бұл елге туристік сапарлардан бас тарту ұсынылады. Қазіргі таңда Үндістан мен Бангладешті қоса алғанда, Оңтүстік-Шығыс Азия елдеріне шығатын туристер мен республика азаматтары үшін Нипах вирусын жұқтыру қаупі бар, бірақ алдын алу шараларын сақтаған жағдайда ол бақылауда болады», – деп атап өтті ведомстводан.

Осыған дейін Денсаулық сақтау министрлігі вирус таралуына байланысты мемлекеттік шекарадағы барлық өткізу...

Айбек Смадияров президентінің кеңесшісі – президенттің баспасөз хатшысы болып тағайындалды. Бұл туралы Ақорда хабарлады.

Бұған дейін бұл қызметті атқарған Руслан Желдібай қызметінен босатылды.

Айта кетейік, 2025 жылдың желтоқсанында Смадияров президент әкімшілігінің ішкі саясат бөлімінің меңгерушісі лауазымына тағайындалған еді. Оған дейін бірнеше жыл бойы Сыртқы істер министрлігінің ресми өкілі қызметін атқарды.

Ресейдің «Сириус» орталығы Қазақстанда дарынды балаларға арналған үлкен халықаралық мектеп ашқалы жатыр. «Талант и успех» қорының жетекшісі Елена Шмелёва Кремльде президент Владимир Путинмен кездесіп, көрші елмен әріптестік қалай дамып жатқаны туралы баяндады.

Кремльдің 28 қаңтарда кешке таратқан ресми мәліметіне қарағанда, Алматыда халықаралық «Сириус» мектебі мен дарынды балалармен жұмыс істеу орталығы ашылады.

«Біз мектептің іргетасын қалап, құрылысын бастап кеттік. Осы бағдарламаларды дайындап жатырмыз. Әлбетте, Қасым-Жомарт Кемелұлы мені шақырып, мұқият тыңдап, бастамаларымыздың бәрін қолдады. Тіпті Астанада да мектеп ашуды ұсынды», – дейді Шмелёва Путинге.

Кремль қожайыны қордың Қазақстанда атқарып жатқан жұмысын мақтап, мектеп ашуға Қасым-Жомарт Тоқаев...

Лиссабонда өткен Чемпиондар лигасының шешуші матчында «Бенфика» мадридтік «Реалды» 4:2 есебімен жеңіп, испандық грандты турнирдің алғашқы сегіздіктен ығыстырды. Кездесу соңында «Реал» ойын тізгінін мүлде жоғалтып, тоғыз ойыншымен қалды.

Ерте салынған гол

Матч басында «Реал» есеп ашты. Қанаттан дәл асырылған доптан кейін Килиан Мбаппе қарсыласынан озып шығып, баспен ұрып, мадридтік клубты алға шығарды.

Алайда «Бенфика» тез арада есін жиып үлгерді. Павлидистің асырған добын Андреас Шельдеруп дәл пайдаланып, таразы басын теңестірді.

Одан кейін алаң иелері пенальтиге ие болды. Павлидис 11 метрлік айып добын сенімді орындап, «Бенфиканы» алға шығарды. Үзіліс алдындағы минуттарда «Реал» есепті теңестіруге тырысқанымен, нәтиже болмады.

Екінші таймдағы гол...

Қазақстанда жаңа автокөліктердің бағасы жиі талқыланатын тақырыптардың бірі. Көптеген азаматтар көлік бағасын Өзбекстан, Ресей, Қытай немесе Біріккен Араб Әмірліктерімен салыстырып, ішкі нарықтағы автокөліктер қымбат деген қорытындыға келеді. Алайда сала мамандары мұндай салыстырулар көбіне дұрыс емес екенін айтады. Себебі әр елде сатылатын көліктер сырттай ұқсас болғанымен, техникалық тұрғыдан бірдей емес.

Бірыңғай көлік стандарты жоқ

Қазақстан автомобиль одағының президенті Анар Макашева ZOOMIN Youtube-арнасына берген сұхбатында айтуынша әлемнің барлық елдеріне ортақ бірыңғай автокөлік стандарты жоқ. Әр елдің өз техникалық реттеу регламенты бар. Баға алшақтығы дәл осы талаптарға байланысты.

«Автокөліктің қандай опциялары болуы керек, қандай бөлшектерден тұруы тиіс...

Шолпан мен Меркурий Суқұйғышта «кездесіп», іскерлік хат-хабарлардың өзі кенеттен достық флиртке немесе мем алмасуға айналуы мүмкін. Kursiv LifeStyle Geocult.ru порталының нақты деректері негізінде жасалған астрологиялық болжамды Kursiv ұсынады.

Тоқты

Суқұйғыштағы Марс сізді алға жетелеп тұр, ал Егіздердегі Ай «жүгірмес бұрын кілтіңді, телефоныңды және не үшін бара жатқаныңды тексер» деп ескертеді. Бизнес саласында хаттарға ең жылдам жауап бергендер ұтады. Кеш шуақты әрі көңілді өтпек, жалғыз қалмаңыз.

Торпақ

Егіздердегі Ай Торпақтарды әдеттегіден асығыс қылып жіберуі мүмкін. Бизнес-жорамал құжатқа асығыс қол қоймауға кеңес береді, бір шыны кофе алып, кідіріс жасаған дұрыс. Жеке өмірде бәрі тұрақты, тек қонақ бөлмедегі перденің түсі жайлы...

28 қаңтарда Жаңаөзен қаласында 29 жастағы ер азамат кісі қолынан қаза тапты. Полиция қайғылы оқиға туралы мәліметті растады. Әлеуметтік желілерде марқұмның дәрігер болып істегені сөз болды.

Мәліметтерге қарағанда, оқиға сәрсенбі күні түскі сағат екі шамасында болған. Күдікті терапевт дәрігерге пышақпен шабуылдаған. Әріптестері оның өмірін сақтап қалуға тырысқанымен, жәбірленуші ауруханада жан тапсырды.

Маңғыстау облысының полиция департаменті әлеуметтік желілерде сөз болған оқиғаны растады. Полиция мәліметінше, күдікті уақытша ұстау изоляторында отыр. Құзырлы мекемедегілер дәрігер қазасын оның кәсіби қызметімен байланыстырмады.

«Ер азаматтар арасындағы жанжал тұрмыстағы даудан туғаны анықталды. Қайғылы оқиғадан соң күдікті Жаңаөзен қаласы полиция басқармасына өз еркімен келіп, жасаған...

Англияның астанасы Лондонда өткен Чемпиондар лигасының 8-туры аясында «Арсенал» мен «Қайрат» ойыны алаң иелерінің пайдасына 3-2 есебімен аяқталды.

Ойын барысы

Матчтың алғашқы минуттарында лондондық «Арсенал» белсенділік танытып, ойынның небәрі 2-минутында есеп ашты.

Алайда «Қайрат» бұл соққыдан тез ес жиды. Көп ұзамай алматылық команда шабуылды үдетіп, айып алаңында ереже бұзылуына қол жеткізді. Төреші 11 метрлік айып добын белгіледі.

Пегальтиді Жоржинью сәтті орындап, есепті теңестірді. Дегенмен бірінші таймның орта тұсында Кай Хаверц мергендігімен көзге түсіп, «Арсеналды» қайтадан алға шығарды. Артынша көп ұзамай Габриэл Мартинелли гол соғып, лондондық клубтың үшінші нәтижелі соққысын тіркеді.

Екінші таймда «Арсенал» шабуылдағанмен, «Қайрат» қақпасынан саңылау таба...

Трамп Иранмен келісімге келу уақыты аяқталатынын айтып, АҚШ-тың алдағы ықтимал соққысы 2025 жылдың маусымындағы шабуылдан әлдеқайда жойқын болатынын ескертті. Бұл туралы Тruth Social әлеуметтік желісінде тиісті мәлімдеме жариялады.

Трамптың айтуынша, аймаққа USS Abraham Lincoln тасымалдаушысы бастаған ірі әскери-теңіз тобы жіберіліп жатыр. Қажет болған жағдайда тапсырмаларды орындауға дайын екенін атап өтті. Ол Тегеран ядролық қару жасаудан бас тартуды көздейтін келісім жасауға келіседі деп үміттенді.

«Уақыт аяқталды. Мен Иранға: «мәміле жаса» деп айттым», — деп атап өтті Трамп.

Бір күн бұрын Иран тарапы Вашингтонмен байланысу туралы ұсынысты қабылдамаған. Иранның Сыртқы істер министрі Аббас Арагчи соңғы күндер...

Жасөспірімдер жалғыз қызды Ақтаудағы Saya Park сауда-ойын-сауық орталығында соққыға жықты. Жәбірленуші ауруханаға жатқызылды. Оқиғаның қорқынышты видеосы әлеуметтік желіде жария болды, деп хабарлайды Lada.kz.

Куәгерлердің айтуынша, бір топ ер бала келген кезде қыз фотостендте болған. Жасөспірімдер кабинаның ішіне кіріп, перделерді тартып, суретке түсуге кедергі келтірген. Нәтижесінде жәбірленушіні жасөспірімдер соққыға жықты. Желіде жария болған кадрларда балалардың жерде жатқан қызды аяғымен тепкенін көруге болады.

Маңғыстау облысының полиция департаменті жанжалға қатысушылардың барлығы ата-аналарымен бірге полицияға жеткізілгенін хабарлады.

«Кәмелетке толмағандармен және олардың заңды өкілдерімен профилактикалық әңгімелер өткізілді. Болған оқиғаның мән-жайы мұқият зерттеліп, қажетті материалдар мен түсініктемелер жиналды», – делінген хабарламада.

Елдің көп бөлігінде тұман болып, оңтүістікте қар жауып, күн суыта бастайды. «Қазгидромет» 29 қаңтарға ауа райы болжамын ұсынды.

Қырғызстаннан Ресейге бара жатқан рейстік автобус жүк көлігімен соқтығысып, Қызылорда облысындағы трассадан шығып, құлады.

Төтенше жағдай министрлігінің ақпаратынса сүйенсек, жол көлік оқиғасы Қызылорда облысы Қармақшы ауданындағы Ақжар ауылынан 10 шақырым қашықтықтағы жерде болған. Апат кезінде ешкім зардап шеккен жоқ, бірақ төтенше жағдайдан кейін жолаушылар автобусы зақымдануына байланысты қозғалысты жалғастыра алмады.

«Оқиға орнына дереу барған құтқарушылар автобуста Қырғызстанның 47 азаматын тапты, олардың арасында 1 бала болды. Барлық жолаушылар эвакуацияланып, жақын жердегі жылыту пунктіне жеткізілді», – делінген хабарламада.

Бұған дейін Маңғыстау облысында болған апат туралы жазған едік. Жолаушылар автобусының аударылып кетуіне байланысты жолда төрт адам қайтыс...

Алматы әуежайынан кейбір рейстер қолайсыз ауа райы жағдайына байланысты кешіктірілуде, деп хабарлады Air Astana әуекомпаниясы.

«Air Astana әуекомпаниясы Алматыдан Airbus A320 NEO ұшақтарында орындалатын рейстер ауа райының қолайсыздығына байланысты операциялық шектеулерге байланысты кешіктірілетінін хабарлайды», – делінген ресми хабарламада.

Компания жолаушылардан әуежайға барар алдында авиакомпанияның веб-сайтында рейстің күйін тексеруді сұрайды.

Рейстер кешіктірілген жағдайда авиакомпанияның сенім телефоны: +7 (727) 244 44 78.

Алматы әуежайының онлайн-таблосында қазір Шымкент, Санья, Қарағанды және Атырауға рейстер кешіктірілгені хабарланды.

Астанада Түркия азаматтарына еңбек визаларын заңсыз ресімдегені үшін ұйымдасқан қылмыстық топ мүшелеріне үкім шығарылды.

Астананың қылмыстық істер жөніндегі мамандандырылған ауданаралық сотының шешіміне сәйкес, 2020-2023 жылдары елорда тұрғыны қылмыстық топ құрып, оны басқарған. Қылмыстық топқа Түркия мен Қазақстан азаматтары, сондай-ақ, Алматының көші-қон қызметінің қызметкері кірді.

Мәселенің мәні

Іс материалдарына сәйкес схемаға қатысушылар жалған құжаттар мен ЭЦҚ электрондық кілттерін пайдалана отырып, С-3 санатындағы еңбек визаларын ресімдеді.

Кейбір жағдайларда шетелдіктер олардың деректерін пайдаланылып жатқанын білмеген. Схеманы іске асыру үшін ондаған ЖШС тіркеліп, олар арқылы құжаттар ресімделді және ақша аударылып отырған.

Сот үкімі

«Сот кінәні дәлелденген деп...

Шымкентте білім саласында 2 063 жұмыс орны бос. Оның 1 165-і мектептерге тиесілі. Қала әкімінің орынбасары әрі ресми өкілі Сәрсен Құранбектің «Көрме» орталығында өткен баспасөз мәслихатында айтуынша, педагогтың апталық жүктемесі – 16 сағат. Еңбек кодексімен бір жарым ставкада жұмыс істеуге рұқсат етіледі. Яғни, мұғалімнің апталық сағаты 24 сағаттан аспауы керек. Дегенмен қалада заң талаптарын белден басқан мектептер анықталған.

«83 мектепте 1286 педагогтың жүктемесі артық болған. 2 мыңға жуық жасырып және жарияланбаған бос жұмыс орны болған. Жалақысы төмен, кіші қызметкерлерге өңірлік үстеме беріледі. 211 мекемеде 2845 қызметкерге осы үстемені беру тәртібі бұзылған. Кейбіріне мүлде берілмеген, енді біріне...