Жаңалықтар

«QazIndustry» Қазақстандық индустрия және экспорт орталығы» АҚ басқарма төрағасы болып Гумаров Эльдар Мұхтарұлы тағайындалды. Бұл туралы компанияның баспасөз қызметі хабарлады.

«Қазақстан Республикасы Өнеркәсіп және құрылыс министрінің 2026 жылғы 1 маусымдағы № 281 бұйрығымен Гумаров Эльдар Мұхтарұлы «Қазақстандық индустрия және экспорт орталығы «QazIndustry» АҚ Басқарма төрағасы лауазымына сайланды», – делінген хабарламада.

Эльдар Гумаров 1988 жылы 14 қарашада дүниеге келген. Қазақстан менеджмент, экономика және болжау институтын (КИМЭП) «Іскерлік әкімшілендіру және бухгалтерлік есеп бакалавры» мамандығы бойынша бітірген.

Әр жылдары «KPMG Tax and Advisory» құрылымында, «Самұрық-Қазына» ҰӘҚ» АҚ компаниялар тобында жұмыс істеді, сондай-ақ «Қазақстан Ипотекалық Компаниясы» АҚ және...

Атырау қаласының әкімі Шәкір Кейкин ҰҚК департаментіне жауап алуға жеткізілді.

Ақ Жайық ақпаратына қарағанда, бүгін Атырау облыстық әкімдігінде өтетін жиын алдында Ұлттық қауіпсіздік комитетінің Сыбайлас жемқорлыққа қарсы іс-қимыл қызметінің қызметкерлері Атырау қаласының әкімін жауап алуға алып кеткен.

Басылымның мәліметінше, шенеунік қылмыстық іс аясында тергеу әрекеттеріне қатысу үшін жеткізілген. Алайда істің мән-жайы мен әкімнің процессуалдық мәртебесі әзірге белгісіз.

Бұған дейін Атырау қаласы әкімінің орынбасары Мейіржан Мұқасовтың ұсталғаны хабарланған болатын.

Материал жарияланған сәтте Атырау облыстық ҰҚК департаменті, Сыбайлас жемқорлыққа қарсы қызмет және облыс әкімдігі тарапынан ресми түсініктеме берілген жоқ.

Алайда жауап алу аяқталған соң Атырау қаласының әкімі Шәкір Кейкин үйіне...

Абай тұрғыны психиатриялық есепте тұрғанын жүргізуші куәлігін ауыстырғанда білген.

Noks.kz ақпаратына қарағанда, Абай облысының тұрғыны жүргізуші куәлігін мемлекеттік қызметтер порталы арқылы ауыстырмақ болған кезде күтпеген жағдайға тап болды.

Тексеру барысында оның психикалық аурулар бойынша ұлттық тіркелімде есепте тұрғаны анықталған.

Осыдан кейін азамат медициналық мекемеге жүгініп, өзін тіркелімнен шығаруды талап еткен. Медициналық ұйым өкілдері оны есепке қою қателікпен және қажетті медициналық тексерусіз жүргізілгенін мойындаған. Алайда амбулаториялық картаның жоқтығын және дәрігерлік-консультациялық комиссиядан өту қажеттігін алға тартып, мәліметтерді өшіруден бас тартқан.

Содан кейін тұрғын сотқа жүгінген. Істі қараған Абай облысының мамандандырылған ауданаралық әкімшілік соты азаматты психиатриялық есепке қою заңсыз болған деген...

Қазақстанда қауіпсіздік талаптарын бұзып, жұмыскерлердің өміріне қауіп төндірген жүздеген нысанның жұмысы тоқтатылды. Бұл туралы Төтенше жағдайлар министрі Шыңғыс Әрінов айтты.

Биылғы бес айда кәсіпорындарда 2025 жылмен салыстырғанда 2,5 есе көп тексеру жүргізілді. Нысандарда 10 мыңнан астам заңбұзушылық анықталды.

523 қызметкер әкімшілік жауапкершілікке тартылды. Айыппұлдардың жалпы сомасы 6 млн теңгеден 62 млн теңгеге дейін жетті.

«Жұмысшылардың өмірі мен денсаулығына қауіп төндіретін өрескел заңбұзушылықтар үшін 600-ден астам нысан мен техникалық құрылғының жұмысы тоқтатылды. Соған қарамастан, кейбір кәсіпорындар енгізілген шектеулерді елемей, апат қаупін арттыра отырып, жұмысын жалғастырып келеді», – деді Әрінов үкімет отырысында.

Министрлік жауапсыз кәсіпорын...

Бүгін үкімет отырысынан кейін журналистер алдына еңбек және халықты әлеуметтік қорғау министрі Асқарбек Ертаев шықты. Ол жыл басында дау болған Burger King-ке қатысты пікір білдірді.

Мәселенің мән-жайы

Еске салайық, жыл басында әлеуметтік кәсіпкер Жанат Қаратай Burger King-тің Алматыдағы бөлімі аутизм диагнозы қойылған 27 жастағы ұлы Әлібекті себепсіз жұмыстан шығарды деп шағымданған еді. Бұл оқиға үлкен шу болып, көпшілік танымал желіні сынға алды. Компания болған жағдайға қатысты екі қызметкерін жұмыстан шығарды.

Дауға еңбек министрлігі араласып, тексеру жүргізетінін мәлімдеген.

Миллион теңге айыппұл

Іске қатысты еңбек министрі Асқарбек Ертаев пікір білдіріп, сол шу кезінде Әлібектің ата-анасынан арыз...

2026 жылғы 1 маусымда ҚР Ғылым және жоғары білім министрлігі Тіл саясаты комитетінің Ш. Шаяхметов атындағы «Тіл-Қазына» ұлттық ғылыми-практикалық орталығында маңызды басқосу өтті. Жиын қазақ сөзінің бүгіні мен ертеңі, заманауи технологиялар кеңістігіндегі орны туралы салмақты ой алмасу алаңына айналды. Басқосуға Қазақстан Жазушылар одағының Басқарма төрағасы Мереке Құлкенов бастаған көрнекті қаламгерлер, ғалымдар мен жас зерттеушілер қатысып, ұлттық тіл қоры мен әдеби мұраны жасанды интеллект (ЖИ) дәуірінде сақтаудың өзекті мәселелерін талқылады.

Жиынды ашқан ҚР Ғылым және жоғары білім вице-министрі Талғат Ешенқұлов қазақ тілін цифрландыру мемлекеттік деңгейдегі стратегиялық басымдық екенін атап өтті:

«Жасанды интеллект енді тек технология саласыны...

Алматыны дүр сілкіндірген KeshYOU тобының 20 жылдық мерейтойлық шоуы енді елорда төрінде қайталануы мүмкін. Продюсер Баян Алагөзова Астанада екінші концертті ұйымдастыру мүмкіндігін қарастырып жатқанын мәлімдеді.

Жақында ғана Алматының Орталық стадионында өткен ауқымды концерттен кейін, жоба жетекшісіне елордалық тыңдармандардан сансыз өтініштер келіп түскен. Продюсердің айтуынша, Алматыдағы кеш жоғары деңгейде өтіп, келген көрермендердің 99 пайызы шоудан ерекше әсер алып, тәнті болған.

Астаналықтардың сұранысы

Алматыдағы аншлагтан кейін Астана тұрғындары мен қонақтары да осы тарихи сәтке куә болуды қалайтындарын жеткізген. Сұраныстың жоғары екенін байқаған Баян Алагөзова өзінің әлеуметтік желідегі парақшасында арнайы сауалнама жүргізді.

«Қазіргі уақытта Астанада дәл осындай мерейтойлы...

Жамбыл облысы Талас ауданының аумағында дрон оқу-жаттығу кезінде штаттан тыс жағдайда қонуға мәжбүр болған. Бұл туралы Қорғаныс министрлігі хабарлады.

«Ұшқышсыз ұшу аппараты жоспарлы оқу-жаттығу кезінде Жамбыл облысы Талас ауданының аумағына штаттан тыс қонды. Оқиға салдарынан зардап шеккендер жоқ. Жергілікті тұрғындар мен инфрақұрылым нысандарына еш қауіп болған жоқ», – деп жазылған министрлік хабарламасында.

Алдын ала мәліметтер бойынша, оқиғаға техникалық ақаулар себеп болуы мүмкін. Қазір мән-жайын анықтау үшін арнайы комиссия жұмысын бастады.

Бұған дейін елдің батыс өңіріне бірнеше рет дрон құлағанын жазған едік. Бірақ Қорғаныс министрлігі ол аппараттардың кімге тиесілі екенін айта...

2026 жылдың алғашқы бес айында Қазақстандағы ірі өндіріс нысандарында 43 оқиға мен 13 апат болды. Төтенше жағдайлар министрі Шыңғыс Әрінов адам өліміне әкеп соқтырған екі апаттың алдын ала себебін атады.

Бес айда 13 апат

2 маусымдағы үкімет отырысында еңбек қауіпсіздігі мәселесі талқыланды. Премьер-министр алдында есеп берген министр Шыңғыс Әрінов биыл 13 апат болғанын айтты. Апаттардың алтауы мұнай-газ, төртеуі тау-кен, ал үшеуі газбен қамту саласында тіркелген.

«Он апат бойынша тергеу аяқталды. «Востокцветмет» шахтасында және «Қазмырыш» зауытында бірнеше жұмысшы қаза болған оқиға бойынша тергеу жүріп жатыр. Сараптамалар мен зерттеулер тағайындалды», – дейді министр.

Шахтадағы жарылыс

Естеріңізге сала кетейік, 30 мамырда...

Ақтауда ерекше баланың анасы ұлының денесіндегі көгерген іздердің неден пайда болғанын анықтауға тырысып жүр.

Lada ақпаратына қарағанда, төрт жасқа толмаған Әмір есімді бала дамуында кешеуілдеу және аутизм спектрінің бұзылысы диагнозымен №6 түзету балабақшасына барады. Анасы Гауһар Ахмадиева 18 мамыр күні баласының арқасынан саусақ ізіне ұқсайтын көгерген жерлер мен гематомаларды байқап қалған.

Оның айтуынша, соңғы уақытта баласы мазасызданып, жиі жылай бастаған. Денесін шымшығандай әрекет жасап көрсеткен. Бұрын мұндай әдеті болмаған. Осыдан кейін анасы балабақшада балаға күш қолданылуы мүмкін деген күдікке келіп отыр.

Дәрігерлер баланы тексеріп, көгерулер сыртқы әсерден пайда болғанын растаған. Алайда рентген сүйектер аман екенін көрсеткен.

Анасы балабақшадағы бейнебақылау...

Бұл туралы Үкімет отырысында Еңбек және халықты әлеуметтік қорғау министрі Асқарбек Ертаев айтты.

Оның айтуынша, өңірлер бөлінісінде зиянды жұмыстармен айналысатындардың ең көп саны Қарағанды, Павлодар, Маңғыстау және Шығыс Қазақстан облыстарында тіркелген.

«Жұмыскерлерді жазатайым оқиғалардан міндетті сақтандыру арқылы әлеуметтік қорғау жөніндегі жұмыс шеңберінде 118 мың кәсіпорын қамтылды. 19 мың ұжымдық шарт цифрландырылды. Бұл өткен жылмен салыстырғанда екі есе көп.

Еңбек заңнамасын бұзушылықтың алдын алу мақсатында профилактикалық бақылау бойынша 170 тексеру жүргізілді. 2025 жылғы ұқсас кезеңмен салыстырғанда профилактикалық бақылаумен қамту 2,5 есеге ұлғайды», – деп атап өтті министр.

Сонымен қатар мемлекеттік еңбек инспекциясы 2,4 мыңнан...

Халықаралық балаларды қорғау күні қарсаңында әлеуметтік желі қолданушыларының жүрегін елжіреткен кішкентай Әміре Астана қаласының әкімімен кездесті. Қасым-Жомарт Тоқаевтың тапсырмасымен бүлдіршінге ерекше құрмет көрсетілді.

Жақында Астанадағы LRT желісіне алғаш рет мінген сәті таспаланған бейнеролик желіде кеңінен тараған. Бейнебаян кейіпкері – үш жасар Әміре көлік өзін тікелей ел президентімен кездесуге апарады деп ойлапты. Видеода «Тоқаевты сағындым» деп көз жасына ерік берген сәті мыңдаған қазақстандықтың жүрегін елжіретіп, оның кіршіксіз көңілі мен аңғалдығы көпшілікті тәнті етті.

Президенттің сыйлығы

Президенттің тікелей тапсырмасы бойынша Астана қаласының әкімі Жеңіс Қасымбек Әміремен кездесіп, оған Қазақстан Республикасы Президентінің Алғыс хаты мен естелік сыйлықтары салтанатты түрде табыстады.

Қазақстандағы азаматтар мен компаниялар 2025 жылдың екінші жартысында шетелден 12 млрд теңге көлемінде қаржыландыру алған. Мемлекеттік кірістер комитеті алғаш рет нақты сомалар мен шетелдік донорлар көрсетілген егжей-тегжейлі тізілімді жариялады.

Тізімде үкіметтік емес ұйымдар, қоғамдық қорлар, медиакомпаниялар мен құқық қорғау ұйымдары бар. Олар халықаралық құрылымдардан, шетелдік қордан, шетелдік институттардан қаржы алды деп көрсетілген. Басым көпшілігі құқыққорғаушылар мен журналистердің үлесінде.

Шетелдік қаржының қомақты бөлігі құқық қорғаушылар мен журналистерге бағытталған. Төменде ашық дереккөздерден алынған мәліметтерге сәйкес, белгілі тұлғалар мен ұйымдар көрсетілген:

Құқық қорғаушылар арасында ең көп қаржыландыруды «Адам құқықтары мен заңдылықты сақтау жөніндегі Қазақстан халықаралық бюросы» ҚБ (Е. Жовтис, И. Иманбай және...

Көкшетауда халықтың әлеуметтік осал топтарына арналған көппәтерлі тұрғын үйлердің құрылысы кезінде 211 млн теңге көлемінде қаржы жымқырған күдікті ұсталды.

ҚМА Ақмола облысы бойынша департаменті мен прокуратураның жүргізген тергеу жұмыстарының нәтижесінде 2021 жылы «Көкшетау қаласының құрылыс бөлімі» мемлекеттік мекемесі мен «Айдана-ИК» ЖШС арасында 1 млрд теңгеден асатын сомаға келісімшарт жасалғаны анықталды.

Бұл қаражатқа әлеуметтік осал топтарға арналған көппәтерлі тұрғын үйлер салынуы тиіс еді. Алайда мердігер аванстық төлемдерді алу үшін азаматтық-құқықтық жауапкершілікті сақтандыру бойынша жалған шарттарды ұсынған.

Кейін тапсырыс беруші тарапынан ЖШС-не 211 млн теңге көлемде қаражат аударылған. Алайда құрылыс жұмыстары толық көлемде орындалмаған.

Нәтижесінде нысандар пайдалануға берілмеген.

«Алынған...

Қазақстандық FlyArystan лоукостері Астана – Батуми бағыты бойынша алғашқы рейсін орындады.

Flyarystan_info ақпаратына қарағанда, халықаралық бағыттар желісін Қара теңіз жағалауындағы жаңа бағытпен толықтырды.

Алғашқы рейс елордадан таңғы сағат 05:45-те ұшып шығып, жергілікті уақыт бойынша сағат 09:00-де Батуми қаласына қонды. Әуежайда алғашқы рейстің жолаушыларын салтанатты түрде шығарып салу рәсімі өтті.

Астана – Батуми – Астана бағыты бойынша рейстер 2026 жылдың 29 тамызына дейін аптасына екі рет – сейсенбі және сенбі күндері орындалады. Маусымдық сұраныстың артуына байланысты 25 маусымнан бастап рейстер саны аптасына үшке дейін көбейіп, қосымша бейсенбі күнгі рейс енгізіледі.

Бұдан бөлек, 6 маусымнан бастап FlyArystan Ақтау – Батуми бағыты...

Халықаралық жолдастық кездесу аясында Өзбекстан ұлттық құрамасы Канада футболшыларымен күш сынасып, 2:0 есебімен жеңіліп қалды.

Дүниежүзілік доданың қарсаңында ұйымдастырылған матч қос ұжым үшін де маңызды дайындық кезеңі болды. ФИФА рейтингінде 30-орында тұрған Канада құрамасы кездесуде өздерінің фаворит екенін дәлелдей білді. Ал рейтингте 50-сатыға жайғасқан Өзбекстан құрамасына бұл ойын қателіктерімен жұмыс істеуге үлкен мүмкіндік берді.

Бірінші тайм

Алғашқы минуттардан-ақ алаңда тартысты әрі дөрекілеу ойын басталды. Матчтың небәрі 2-минутында өзбекстандық Ғаниев сары қағаз алса, 9-минутта оның командаласы Сайфиев те төрешінің ескертуіне ілікті. Көп ұзамай, 23-минутта Өзбекстан сапында ойыншылар ерте алмасып, Ғаниевтің орнына алаңға Файзуллаев шықты.

Бірінші таймның соңына қарай канадалықтар да...

Адвокат Джохар Өтебеков Алматыдағы әл-Фараби даңғылында үш адамның өмірін қиған қайғылы жол апатына қатысты пікір білдірді.

Оның жазуынша, кісі өлімі болған істер бойынша тараптардың татуласуы мүмкін емес. Заң жүзінде шартты мерзім тағайындауға ресми тыйым салынбаған, бірақ іс жүзінде соттар мұндай жазаны қолданбайды.

Өтебеков мұндай істер бойынша жаза мөлшері 7-ден 10 жылға дейін бас бостандығынан айыруды қарастыратынын атап өтті. Оның сөзінше, егер шығын өтеліп, ауырлататын жағдайлар болмаса, соттар әдетте 5 жыл мерзім тағайындайды.

Ал кінәлі адам жазасын қоныс колониясында өтейді. Ол жердегі жағдай кәдімгі колониямен салыстырғанда әлдеқайда жеңіл. Тергеу изоляторында өткен 1 күн қоныс колониясындағы 2 күнге тең деп...

Әнші Димаш Құдайберген шығармашылық жолындағы жаңа ауқымды кезеңді бастамақ. DimashAli шығармашылық орталығы әншінің New World Tour атты жаңа жеке концерттік турының басталатынын ресми түрде хабарлады.

Әнші өзінің әлеуметтік желідегі парақшасында алдағы концерттердің алғашқы бекітілген кестесін бөлісіп, жанкүйерлерін қуантты.

«Бүгін біз турдың алғашқы күндерін ұсынамыз. Концерттік кесте толықтырылып отырады, ал жақын арада жаңа қалалар мен концерт күндері жарияланады», – делінген ресми мәлімдемеде.

Концерттердің алғашқы кестесі

Жарияланған кестеге сәйкес, Димаштың жаңа әлемдік туры 2026 жылдың күз айларында Еуропа төрінен басталып, одан әрі Латын Америкасы елдерінде жалғасады:

Актер Рүстем Жаныаманов пен актриса Жанаргүл Жаныаманованың үлкен ұлы қайтыс болды. Қаралы хабарды продюссер Гүлнұр Мамасарипова әлеуметтік желідегі парақшасында айтты.

«Біздің Рүстем Жанаманов пен Жанаргүл тұңғыш ұлы Нұрмұхаметтен айырылып қалды. Бала бауыр еттен, бұндайда жұбататын сөз табу да оңай емес. Бекем болыңдар, біз қастарыңдамыз», – деп жазды ол стористе.

Қайғылы жағдайға не себеп болғаны белгісіз. Бұған дейін сұхбаттарында актер ұлы ауырғанын айтқан еді.

Нұрмұхамет Жаныаманның жаназасы екінші маусымда Алматы облысы, Жамбыл ауылында беріледі.

Рүстем және Жанаргүл Жанымановалар – өнердегі танымал жұлдызды жұп. Екеуі үш бала тәрбиелеп отырған. Рүстем көпшілікке «Келінжан» сериалындағы Қылышбек рөлі арқылы...

Синоптиктер атмосфералық фронтальды бөліктердің өтуіне байланысты республиканың басым бөлігінде ауа райы құбылмалы болып, жаңбыр жауып, найзағай күтілетінін хабарлады.

2 маусымда Павлодар облысында, 3 маусымда Атырау және Маңғыстау облыстарында, 3-4 маусымда Ақтөбе облысында, 4 маусымда Қостанай облысында қатты жаңбыр жауады деп болжанып отыр. Кей жерлерде бұршақ түсіп, екпінді жел соғуы мүмкін.

Республика бойынша желдің күшеюі күтіледі, ал оңтүстік-батыс пен оңтүстік өңірлерде шаңды дауыл болуы ықтимал.

Күндізгі ауа температурасы батыста +23…+28°С-қа дейін жоғарылайды. Солтүстік-батыста ауа температурасы +13…+26°С-қа дейін төмендейді. Солтүстік өңірлерде +25…+32°С-қа дейін, республиканың орталығы мен шығысында +27…+36°С-қа дейін жоғарылайды. Ал оңтүстік және оңтүстік-шығыс өңірлерде ауа температурасы сәл төмендеп, +25…+35°С шамасында...

«Алматы Су» мекемесі қала суық су желілеріндегі жоспарлы жұмыстарға байланысты кей аудандарда сумен жабдықтау уақытша шектелетінін хабарлады.

2 маусым күні сағат 08:00-ден 20:00-ге дейін Абай даңғылы – Тұрғұт Озал көшесі – Қарасай батыр көшесі – Сайран көлі аумағында орналасқан тұтынушыларға су беру шектеледі.

4 маусым күні сағат 08:00-ден 20:00-ге дейін Райымбек даңғылы – Немирович-Данченко көшесі – Рысқұлов даңғылы – Крылов көшесі аумағындағы тұтынушылардың суы өшіріледі.

Алматы су тұрғындардан уақытша қолайсыздықтарға түсіністікпен қарауды сұрайды.

Қосымша ақпарат алу үшін телефон 8-727-274-66-66 нөміріне хабарласуға болады.

Статистика бойынша, әлемде әйелдер ерлерге қарағанда орташа есеппен 5 жылға ұзақ өмір сүреді. Құбылыстың нақты себебі әлі де жұмбақ, бірақ ғалымдардың бірнеше негізгі болжамы бар. ВВС басылымы солардың бірқатарына үңіліп көріпті.

Әлеуметтік фактор мен ерлерге тән тәуекелдер

Ұлыбританиядағы Оксфорд университетіне қарасты қартаюды зерттейтін институтының директоры, профессор Сара Харпердің айтуынша, әйелдердің ұзақ жасауы барлық елде байқалады, бірақ оның айырмашылығы әртүрлі. Айталық, Ресей, Украина мен Вьетнамда әйелдер ерлерден 10 жылдан астам ұзақ өмір сүрсе, Нигерияда алшақтық өте аз.

Бұған бірінші кезекте әлеуметтік жағдай мен мінез-құлық әсер етеді. Ерлер арасында шылым шегу мен ішімдікке үйірлік, дұрыс тамақтанбау жиі кездеседі. Оның үстіне...

Заңсыз ойын бизнесін ұйымдастырғаны үшін халықаралық іздеу жарияланған блогер Қайсар Қамза Вьетнамда қамауда отыр, деп хабарлады ҚазАқпарат агенттігі СІМ-нің ресми өкілі Ерлан Жетібаевтың сөзіне сілтеп.

– Қолда бар ақпаратқа сәйкес, бұл азамат Вьетнам аумағында қамауда отыр. Қазіргі уақытта оны экстрадициялау мәселесі қарастырылып жатыр. Экстрация Бас прокуратура құзыретінде және осы органдардан тиісті мәлімдеме болады, – деген Ерлан Жетібаев брифингте.

Сәуір айында іздеуде жүрген блогер Қайсар Қамза Вьетнамда ұсталғаны хабарланған. Полиция сол кезде блогер әлеуметтік желілерде онлайн-казиноның жарнамалық бейнематериалдарын орналастырып, пайдаланушыларды құмар ойындарға қатысуға тарту арқылы 100 млн теңгеден астам мөлшерде заңсыз табыс тапты деп...

Алматыда көпфункционалды Almaty Water Garden кешенін салу жоспарланып отыр.

Қала әкімінің баспасөз қызметі таратқан ақпаратқа қарағанда, демалыс, мәдени іс-шаралар мен ойын-сауыққа арналған жаңа орталық Алатау ауданында, Бауыржан Момышұлы мен Саин көшелерінің аралығындағы 27 гектардан астам аумақта орналасады. Жобаны жүзеге асыру 2026-2027 жылдарға жоспарланған.

Су арнасы

Әкімдік кешеннің басты ерекшелігі, серуендеуге арналған жағалаулармен, демалыс аймақтарымен және көгалдандырылған қоғамдық кеңістіктермен көмкерілген ұзын су арнасы болатынын айтады. Су жүйесінің айналасында заманауи саябақ аймағы жасалады.

Заманауи фудкорт аймақ

«Кешеннің маңызды нысандарының бірі – әлем халықтарының тағамдары мен гастрономиялық тұжырымдамаларын тоғыстыратын заманауи фудкорт болмақ. Оның жанында концерттер, фестивальдер, кинокөрсетілімдер...