Жаңалықтар

Мемлекет басшысы Қасым-Жомарт Тоқаев Қазақстан Халық Кеңесінің бірінші сессиясында өзінің басты мақсатын атады,  деп хабарлайды Kursiv.Media.

«Біз алдағы уақытта да халықтың әл-ауқатын жақсарту үшін табанды еңбек ете береміз.Халықаралық ынтымақтастықты тереңдетіп, елімізге келетін инвестиция көлемін ұлғайтуымыз қажет. Өздеріңізге мәлім, мен мемлекетіміздің басшысы ретінде халықаралық жиындарға жиі қатысып, көп елдің көшбасшыларымен, инвесторлармен кездесулер өткізіп жүрмін. Астанада да жоғары деңгейдегі іс-шараларды өткізіп, мемлекет басшыларымен және халықаралық ұйым жетекшілерімен келіссөздер жүргізіп жатырмын», – деді мемлекет басшысы.  

Президент Қазақстанды орта держава ретінде бүкіл дүние жүзіне паш ету мақсаты алдында тұрғанын айтты.

«Алдымда тұрған мақсат...

Бұрынғы Мәжіліс депутаты Аманжол Әлтай Құрылтайға өтпегеніне өкінбейтінін жеткізді,  деп хабарлайды Kursiv.media.   

Бұл туралы ол Халық кеңесінің ашылу сессиясының кулуарында айтты.

«Жұмыс табылады»

Оның пікірінше, алдына мақсат қойған адамға қашанда жұмыс табылады.

«Мен Мәжілістен кеткелі бос жүрген жоқпын. Өздеріңізге белгілі, Мәжілісте жүрген кезде де мен университетте педагогикалық жұмысымды үзген жоқпын. Парламентте депутат болып жүріп, докторанттар шығардым. Магистранттарым бар. Ғалым адам болған соң, біздің жұмысымыз ешқашан үзілмейді. Құрылтайға өтпей қалдым деген өкініш жоқ», – деді Аманжол Алтай.

«Ешкім жалғыз шауып бәйге алмайды«

Оның пікірінше, Халық кеңесі – жоғары консультативті орган да өте жауапты, маңызды құрылым. Жаңадан...

FlyArystan Алматы мен Чунцин арасында тікелей әуе қатынасын іске қосты деп хабарлайды Kursiv Media FlyArystan-ға сілтеме жасап.

Чунцин әуе компаниясы рейс орындайтын Қытайдағы төртінші қалаға айналды. Бұған дейін FlyArystan Үрімші, Інин және Сиань қалаларына рейстер орындаған.

Бұл бағыт бойынша рейстер аптасына екі рет орындалады. Алматыдан рейстер сәрсенбі және сенбі күндері сағат 20:55-те ұшып, Чунцинге келесі күні сағат 04:55-те қонады.

Чунциннен кері рейстер бейсенбі және жексенбі күндері сағат 05:55-те ұшады. Алматыға сағат 08:25-те жетеді.

FlyArystan президенті әрі бас атқарушы директоры Йохан Эйдхагеннің айтуынша, Чунцин Батыс Қытайдағы маңызды экономикалық, өнеркәсіптік және логистикалық орталықтардың бірі саналады.

Қазақстанда банк тұтынушыларының құқығын қорғауға арналған FinOtinish платформасы пилоттық режимде жұмысын бастады , деп хабарлайды Kursiv.media.

Қаржы нарығын реттеу және дамыту агенттігі тұтынушылардың өтініштерін қарауға арналған FinOtinish цифрлық платформасын пилоттық режимде іске қосты.

«Платформа қаржы ұйымдарының тұтынушылармен өзара іс-қимылын жетілдіруге, сондай-ақ адал мінез-құлық пен жауапты кредиттеу қағидаттарын дамытуға бағытталған», – деп хабарлайды ведомство.

FinOtinish тұтынушыларға қаржы ұйымдарымен өзара әрекеттесудің бірыңғай цифрлық арнасын ұсынады.

Платформа арқылы өтініш жіберіп, оның өңделу мәртебесі мен қарау мерзімдерін бақылауға болады. Түскен өтініш тиісті қаржы ұйымына автоматты түрде бағытталады. Егер мәселе шешімін таппаса, өтініш өзінің құзыреті шегінде банк...

Қазақстанның сыртқы сауда айналымы соңғы он жылда екі есеге жуық өсті. 2015 жылы ел шетелге $46 млрд-тың тауарын сатып, сырттан $30,6 млрд-тың өнімін әкелсе, 2025 жылы экспорт $79 млрд-қа, импорт $64,8 млрд-қа жетті.

Бірақ басты өзгеріс сауда көлемінің өсуі ғана емес. Импорт экспорттан әлдеқайда жылдам көбейді, Қытай Қазақстанның ең ірі сауда серіктесіне айналды, ал сыртқы сауда бірнеше ірі нарыққа көбірек шоғырланды. Экспорттағы мұнайдың үлесі аздап төмендегенімен, елдің сыртқа сататын тауарының жартысына жуығы әлі де шикі мұнайға тиесілі. Kursiv Media 2015–2026 жылдардағы сыртқы сауда деректерін зерттеп көрді.

$76 млрд-тан $144 млрд-қа дейін

ҚР ҰСБ мәліметінше 2015 жылы...

Алматыдағы Әл-Фараби атындағы Қазақ ұлттық университетіне тиесілі Ө.А. Жолдасбеков атындағы Студенттер сарайы шатырының бір бөлігі опырылып түскені хабарланды, деп жазады Kursiv.Media.

Әлеуметтік желіде тараған суреттерден нысан шатырының едәуір бөлігі бұзылып, құрылыс конструкцияларының опырылғанын көруге болады.

ҚазҰУ баспасөз қызметі Студенттер сарайын реконструкциялауға қатысты ресми мәлімдеме жасап, ғимараттың техникалық жағдайы туралы ақпарат таратты. Алайда опырылуға қатысты нақты түсінік бермеді.

Университет студенттер сарайының құрылысы 1985 жылы басталып, 1998 жылы аяқталғанын, шамамен 30 жылға жуық пайдаланылған ғимаратта осы уақытқа дейін күрделі жөндеу немесе реконструкция жүргізілмегенін атап өткен.

Ғимараттан қандай ақаулар анықталған?

2023 жылы аккредиттелген ұйым нысанның техникалық жағдайына сараптама жүргізген. Тексеру...

Қазақстандық боксшы Төрехан Сабырхан Жапонияда өтіп жатқан 2026 жылғы Азия ойындарын жеңіспен бастады, деп хабарлайды Kursiv.Media.

70 келіге дейінгі салмақ дәрежесінде өнер көрсететін Сабырхан алғашқы кездесуінде Катар өкілі Мұхаммед Лбичимен жұдырықтасты.

Үш раундқа созылған жекпе-жекте қазақстандық боксшы басымдық танытты. Төрешілер үш раундтың қорытындысы бойынша жеңісті Төрехан Сабырханға берді.

Айта кетейік, Төрехан Сабырхан – 2022 жылы жастар арасындағы Азия чемпионы, 2024 жылы жастар арасындағы әлем чемпионы атанды. 2025 жылы ересектер арасында Қазақстан чемпионы атанып, ұлттық құраманың негізгі сапына енді. Сол жылы World Boxing ұйымдастырған әлем чемпионатында 70 келіге дейінгі салмақта алтын медаль жеңіп, ересектер арасындағы әлем чемпионы атағына қол жеткізді.

Ендіг...

24 қыркүйекте Халық кеңесі мүшелерінің алғашқы отырысы өтті. Кеңес мүшесінің бірі Мұрат Әбенов тілшілер алдына шығып, жаңа институт қалай жұмыс істейтінін түсіндірді деп хабарлайды Kursiv Media.

«Жылына кемінде бір рет сессия болады. Шамасы үш комитет болатын сияқты, бүгін шешіледі. Ал комитеттер отырыстар ортасында жұмысын жүргізе береді», – деді экс-депутат.

Оның сөзінше, Халық кеңесінің өз ерекшелігі бар, ол Парламент жұмысын қайталайды деуге келмейді.

«Қайталамайды, оның реттілігі басқаша. Бір жағы заң шығаруға мүмкіншілігі бар, екінші жағынан Үкіметке де, Құрылтайға да ұсыныс беруге мүмкіншілігі бар. Әрине, жаңа институт болған соң жұмысын бастап...

Қазақстан құрамасының қоржыны Жапонияда өтіп жатқан 2026 жылғы Азия ойындарында тағы екі медальмен толықты. Қазақстандық спортшылар ескек есуден күміс және қола жүлдеге қол жеткізді, деп хабарлайды Kursiv.Media.

Ольга Шмелева мен Татьяна Токарницкая екілік байдаркамен 500 метрге жарыста мәреге 1 минут 48,140 секундта жетіп, екінші орын алды. Бұл сында алтын медаль Қытай құрамасының спортшыларына бұйырды.

Сондай-ақ Сергей Емельянов пен Тимофей Емельянов екілік каноэмен 500 метр қашықтықта жүлдегерлер қатарынан көрінді. Қазақстандық дуэт 1 минут 44,972 секунд нәтиже көрсетіп, қола медаль иеленді.

Бұған дейін академиялық ескек есуден Қазақстан құрамасының өкілдері Владислав Яковлев пен Иван Чернухин Азия ойындарының чемпионы атанған еді.

Шымкент полициясы қоғамдық орындарда тіленіп жүрген қаңғыбастар мен қайыршыларға қарсы іс-шара өткізіп жатыр, деп хабарлайды Kursiv.media.  

Бұл туралы Шымкент қаласы полиция департаменті хабарлады.

Департаменті бастығының бұйрығына сәйкес, 22-27 қыркүйекте «Қайыршы» жедел-профилактикалық іс шарасы өтуде.

«Мақсаты – қаңғысбастықпен,  қайыршылықпен айналысып жүрген тұлғаларды анықтап, заң аясында тиісті шаралар қабылдау. Сондай-ақ, көші-қон заңнамасын бұзып, қайыршылықпен айналысып жүрген шетел азаматтарын ел аумағынан аластату», – деп мәлімдеді полиция өкілі.

Сонымен қатар, тұрғылықты мекен-жайы жоқ азаматтарды бейімдеу орталықтарына орналастырылмақ. Полицияның пікірінше, қаладағы қоғамдық қауіпсіздік пен тәртіпті қамтамасыз етуге ықпал етпек.

Айта кететін жайт, Алматы полициясы тұрғындарға таспен, таяқпен шабуыл...

Халық кеңесінің мүшесі Наталья Дементьева кеңестің алдағы жұмысы, халықпен байланыс және Құрылтайда көтерілген бастамаларды жалғастыру жоспары туралы айтты, деп хабарлайды Kursiv.Media.

Оның сөзінше, Халық кеңесінің алғашқы сессиясына Президент Қасым-Жомарт Тоқаевтың қатысуы кеңестің маңызын арттыра түсті.

«Жалпы, кеше Қазақстан Халық кеңесінің бірінші сессиясы өтті. Оған Президент Қасым-Жомарт Тоқаевтың өзі қатысты. Президенттің Халық кеңесінің отырысына қатысуы біз үшін үлкен қуаныш болды. Меніңше, Мемлекет басшысының келуі Халық кеңесінің мәртебесін арттырады», – деді Наталья Дементьева.

Оның айтуынша, кеңес мүшелерінің әрқайсысының өз саласында тәжірибесі бар. Сондықтан алдағы уақытта бұл тәжірибені халықтың мәселелерін шешуге бағыттау маңызды.

«Ең бастысы...

Ақтөбе облысында «Kazenergy» жеке кәсіпкерлігінің басшысы сапасыз пеш отынын өндіріп, одан 778 млн теңге заңсыз пайда тапқан, деп хабарлайды Kursiv Media.

Ол заңсыз кәсіпкерлікпен айналысып, қылмыстық жолмен алынған ақшаны заңдастырғаны үшін 3 жыл 9 айға бас бостандығынан айырылды.

Қаржы мониторинг агенттігінің тергеуінше, сотталған адам аумағы 10 мың шаршы метр өндірістік базада қауіпті қалдықтарды заңсыз өңдеуді және пеш отынын өндіруді ұйымдастырған.

Шикізат ретінде пайдаланылған майлар, мұнай шламдары және құрамында мұнай бар өзге де қалдықтар қолданылған. Олар нафтамен араластырылып, айналым әдісімен өңделген.

Алайда кәсіпкерге қауіпті қалдықтарды өңдеуге, залалсыздандыруға және кәдеге жаратуға қажетті лицензия мен экологиялық рұқсат берілмеген.

Нәтижесінде 11 миллион...

Астанада әйел адамға жасалған шабуыл өліммен аяқталды. Оқиға 23 қыркүйек күні кешкі уақытта болған, деп хабарлайды Kursiv.Media.

Полицияның хабарлауынша, сағат 20:00 шамасында әйелге шабуыл жасалғаны туралы хабарлама түскен. Оқиға орнына келген полиция қызметкерлері әйелдің пышақталғанын анықтаған. Ол алған жарақаттарынан оқиға орнында көз жұмған.

Полицияның мәліметінше, әйелге пышақ жарақатын оның бұрынғы күйеуі салған. Күдікті көп ұзамай ұсталып, уақытша ұстау изоляторына қамалған.

Осы дерек бойынша адам өлтіру фактісімен қылмыстық іс қозғалып, тергеу амалдары жүргізіліп жатыр.

Әлеуметтік желілерде күдікті полиция қызметкері екені туралы ақпарат тараған, алайда полиция оны терістеп отыр.

Қылмыстық істің тергеу барысы Астана қаласы полиция департаменті басшылығының бақылауында болады.

Осыған дейін Семейде...

Пәкістан армиясы Ауғанстанның оңтүстігіндегі Кандагар қаласына шабуыл жасады, деп хабарлайды Kursiv.media.  

Tolonews ақпаратына қарағанда, Ауғанстан билігінің өкілі Забихулла Муджахид зардап шеккендер мен материалдық шығын болмағанын мәлімдеген.

«Пәкістан әскери күштері Кандагардың тоғызыншы ауданындағы шөлді аймақта шабуыл жасады», – делінген хабарламада.

Кандагардың барлық аудандарынан қатты жарылыс естілген. Бұған қарамастан, құқық қорғау органдары тұрғындарды алаңдауға негіз жоқ деп сендірген.

Ал Пәкістанның ақпарат министрі Атаулла Тарар Ауғанстан аумағындағы дрондарды ұшыру және сақтау орындарының он нысанына әуе соққылары жасалғанын мәлімдеді.

Ауғанстан мен Пәкістан арасындағы қарым-қатынас былтыр қазан айында шиеленісе түскен еді. Сол кезде Пәкістан әскери-әуе күштері Кабулға...

Жапонияның Аичи мен Нагоя қалаларында өтіп жатқан Жазғы Азия ойындарында ушу–саньда шебері Абдурашид Абдуллаев Қазақстан қоржынына күміс медаль сыйлады, деп хабарлайды Kursiv.Media.

Отандық спортшы 75 келіге дейінгі салмақ дәрежесінде жүлдеге таласып, финалдық кезеңге дейін сәтті жетті.

Абдурашид Абдуллаев шешуші кездесуде Иран өкілі Сохейл Мусавимен шеберлік байқасып, тартысты өткен бәсекеде қарсыласына жол берді.  

Осылайша, ұлттық құраманың қоржыны тағы бір күміс жүлдемен толығып, Абдурашид Абдуллаев Азия ойындарын екінші орынмен аяқтады.

Бұған дейін, ескек есуден Қазақстан алтын алған еді.

ҚХР басшысы Си Цзиньпин үш күндік сапармен Вашингтонға барды. Оны және жұбайы Пэн Лиюаньді Дональд Трамп әуежайда қызыл кілеммен күтіп алды деп жазады Kursiv Media.

АҚШ Әскери-әуе күштерінің оркестрі ұшу-қону жолағында өнер көрсетіп, АҚШ пен Қытай тулары желбіреді. Одан әрі Трамп пен бірінші ханым Мелания Трамп Си Цзиньпин мен оның әйелін Мэриленд штатындағы Эндрюс бірлескен әскери базасында қарсы алды.

Екі тарап та бұл кездесуге үлкен үміт артып отыр. Си Цзиньпин Қытай мен АҚШ-тың «ұлы мемлекеттер», ал олардың халықтары «ұлы халықтар» екенін айтты деп жазады Қытайдың мемлекеттік ақпарат агенттігі Xinhua.

Си Цзиньпиннің делегация құрамында Қытай Коммунистік...

Жамбыл облысында шекара бекеті арқылы өтетін көлік жүргізушілерінен жүйелі түрде ақша бопсалады деген күдікпен қылмыстық топтың әрекеті тоқтатылды. Операцияны облыстық полиция департаменті Ұлттық қауіпсіздік комитетінің департаментімен бірлесіп жүргізген, деп хабарлайды Kursiv Media.

Полиция мәліметінше, күдіктілер ауыр жүк, жолаушылар, жеңіл және транзиттік көлік жүргізушілерінен ақша талап еткен.

23 қыркүйекте күдіктілердің әрекетін тоқтату үшін өңірде 27 тінту жүргізілді. Нәтижесінде суық қару, байланыс құралдары, ірі көлемдегі ақша және автокөліктер тәркіленді.

Қазір аталған факті бойынша бір топ адам жасаған бопсалау дерегіне қатысты тергеу жүріп жатыр. Құқық қорғау органдары қылмыстық схемаға қатысушылардың әрқайсысының рөлін, заңсыз әрекеттердің барлық мән-жайын және ықтимал басқа эпизодтарды анықталу...

Қазақстандық ескек есушілер Владислав Яковлев пен Иван Чернухин Жапонияда өтіп жатқан 2026 жылғы Азия ойындарында алтын медаль жеңіп алды.

Қазақстандықтар академиялық ескек есуден ерлер арасындағы рульсіз қос ескекті қайық жарысының А финалында сынға түсті.

Шешуші жарыста Яковлев пен Чернухин қашықтықты 6 минут 25,13 секундта бағындырып, бірінші орынға ие болды.

Күміс жүлдені Қытай спортшылары Чуан Цао мен Мэншуай Ян иеленді. Олар қазақстандықтардан 2,09 секундқа қалып қойды. Ал Өзбекстан өкілдері Максим Голубев пен Алишер Турдиев 6:32,34 нәтижесімен қола медаль алды.

Осылайша Владислав Яковлев пен Иван Чернухин Қазақстан құрамасының қоржынына Азия ойындарының кезекті алтын медалін салды.

Семейден Астанаға шұғыл медициналық көмекке мұқтаж бала санитарлық авиация ұшағымен жеткізілді, деп хабарлайды Kursiv.Media.

Төтенше жағдайлар министрлігі хабарлауынша, 2026 жылы туған бала L-410 ұшағымен тасымалданған. Әуе кемесі «Қазавиаспас» авиакомпаниясына тиесілі.

Санитарлық рейс Семей – Астана – Семей бағыты бойынша орындалды. Ұшу штаттық режимде өткен.

Рейс кезінде санитарлық авиацияның медициналық бригадасы баланың жағдайын үздіксіз бақылап, қажетті медициналық сүйемелдеу көрсетті.

ТЖМ мәліметінше, ведомство авиациясы науқастарды жедел тасымалдау үшін санитарлық рейстерді тұрақты түрде орындайды.

Айта кетейік, осыған дейін Алматыда құтқарушылар 3,5 мың метр биіктікте қалған ресейліктерді эвакуациялаған еді.

Алматыдағы «Алатау» метро станциясында жолаушыдан өсімдік тектес зат салынған бума табылды, деп хабарлайды Kursiv.Media.

Қалалық полиция ақпаратына сүйенсек, оқиға шамамен сағат 23:00-де болған. Метрополитен полициясы көлік қауіпсіздігі қызметімен бірлесіп, жолаушыларды тексеру кезінде күдік тудырған ер адамды тоқтатқан. Оның күртесінің қалтасынан жасыл түсті зат салынған бума табылған.

Оқиға орнына жедел-тергеу тобы шақырылды. Табылған зат тәркіленіп, сараптамаға жіберілді.

Осы факті бойынша қылмыстық іс қозғалды. Қазір тергеу амалдары жүргізіліп, оқиғаның мән-жайы анықталып жатыр.

Айта кетейік, осыған дейін қоғамдық ғимараттарға жазу жазып, суреттер салуға заңмен тыйым салынуы мүмкін екенін жазған едік. ІІМ бұл есірткі жарнамасымен күресу жолын екендігін айтқан.

Қазақстанның батысында шаңды дауыл соғып, оңтүстікте ыстық, шығыс пен солтүстікте жауын күтіледі. «Қазгидромет» 24 қыркүйекке арналған ауа райы болжамын ұсынды, деп хабарлайды Kursiv.Media.

Астанада көшпелі бұлт, жауын-шашынсыз, жел 5-10 м/с. Ауа температурасы түнде +5…+7°C, күндіз +19…+21°C.

Алматыда көшпелі бұлт, жауын-шашынсыз, жел 3-8 м/с. Температура түнде +12…+14°C, күндіз +25…+27°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +12…+14°C, күндіз +27…+29°C.

Ақтауда ашық, жауын-шашынсыз, жел 9-14 м/с. Ауа температурасы түнде +20…+22°C, күндіз +32…+34°C.

Ақтөбеде көшпелі бұлт, жауын-шашынсыз, жел 5-10 м/с. Ауа температурасы түнде +7…+9°C, күндіз +24…+26°C.

Атырауда көшпелі бұлт, жауын-шашынсыз, жел 7-12, екпіні 15-18 м/с. Ауа температурасы түнде +17…+19°C, күндіз +28…+30°C.

Жезқазғанда көшпелі бұлт, жауын-шашынсыз, жел...

Астанада ер адам бұрынғы әйелін өртеп жіберемін деп қорқытқаны үшін 60 сағат қоғамдық жұмысқа тартылды, деп хабарлайды Kursiv.Media.

Елорда прокуратурасының мәліметінше, ер адам қызғаныштан бұрынғы серігінің жұмыс орнына жанғыш сұйықтық құйылған бөтелкемен барған. Ол әйелмен қарым-қатынасты қайта орнатуға тырысып, оны өртеп жіберемін деп қорқытқан. Кейін әйелдің үстіне жанғыш сұйықтық төгіп, оның өміріне қауіп төндірген.

Сот отырысында мемлекеттік айыптаушы ер адамның кінәсін дәлелдейтін материалдарды ұсынды. Сот 60 сағат қоғамдық жұмыс жазасынан бөлек, сотталған адамның мінез-құлқына арнайы талаптар қойды.

Атап айтқанда, оған жәбірленушіге жақындауға тыйым салынды.

Сот үкімі әзірге заңды күшіне енген жоқ.

Прокуратура азаматтарды қауіп төнген жағдайда құқық қорғау органдарына дереу...

2027 жылдың 1 қаңтарынан бастап Мысырға кіру визасының құны қымбаттайды. Бір реттік визаның базалық бағасы 30 доллардан 33 долларға өседі, деп хабарлайды Kursiv.LifeStyle.

Мысырдың Akhbar Al-Youm басылымы елдің Туристік компаниялар мен агенттіктер палатасының циркулярына сілтеме жасап хабарлауынша, виза рәсімдеу және қызмет көрсету үшін қосымша 6 доллар алынады. Бұған банк комиссиялары мен салықтар да қосылады.

Осылайша, бір реттік визаның жалпы құны 39 долларды құрайды. Бұл 2026 жылғы қыркүйектегі бағам бойынша шамамен 17,5 мың теңге.

Транзиттік визаны рәсімдеу алымы да 3 долларға өседі. Алайда оның жаңа жалпы құны әзірге нақтыланбаған.

Мысыр үкіметі тарифтерді қайта қарау туралы шешімді 2026 жылғы 13 тамызда қабылдаған. Бұл туралы туристік нарық өкілдеріне...

Алматы облысында ер адам сталкинг жасағаны үшін сотталды. Сот оған 60 сағат қоғамдық жұмыс жазасын тағайындады, деп хабарлайды Kursiv.Media.

Қылмыстық істі Еңбекшіқазақ аудандық соты қарады. Сот анықтағандай, сотталушы 2025 жылдың күзінен бастап жәбірленуші әйелге бірнеше рет қоңырау шалып, WhatsApp арқылы хабарламалар жіберген. Ол әйелмен байланыс орнатуға тырысқан.

Алайда әйел онымен араласудан үзілді-кесілді бас тартқан. Соған қарамастан ер адам оны қудалауын жалғастырған. Салдарынан жәбірленуші өзін қауіпсіз сезінбей, күнделікті өмір салтын өзгертуге мәжбүр болған.

Сот жаза тағайындау кезінде ер адамның кінәсін мойындап, өкінгенін ескерді. Қылмыстық жауапкершілікті ауырлататын мән-жайлар анықталмаған.

Сот ер адамды Қылмыстық кодекстің 115-1-бабында көзделген қылмыстық теріс қылықты жасағаны үшін кінәл...