Жаңалықтар

Найзағай мен жаңбырға байланысты Қазақстан аумағында дауылды алдын ала ескерту жарияланды. Тек шығыста күн қатты ыстық болады деп күтілуде. «Қазгидромет» 3 маусымға арналған ауа райы болжамын ұсынды.

АҚШ ұрыс қимылдарының жалғасуы аясында Израиль мен Ливан арасындағы шиеленісті бәсеңдету бойынша делдалдық күш-жігерін жалғастыруда, деп хабарлайды The Guardian.

Сейсенбі күні Вашингтонда АҚШ-тың делдалдығымен Израиль мен Ливан арасындағы келіссөздердің төртінші кезеңі басталды. Кездесу АҚШ Мемлекеттік департаментінде өтуде және екі күнге созылады. Келіссөзге Израиль мен Ливан өкілдері қатысуда. Екі ел де 1948 жылдан бері ресми түрде соғыс жағдайында қалуда.

Ливанның NNA ұлттық ақпарат агенттігі делегациялардың Вашингтонға келіп, талқылауды бастағанын хабарлады.

Келіссөздер күн тәртібінің егжей-тегжейлері әзірге жарияланған жоқ. Консультациялардың жаңа кезеңі АҚШ президенті Дональд Трамптың Израиль мен «Хезболладан» жағдайды деэскалациялауға қатысты кепілдік алғаны туралы мәлімдемесінен кейін басталды.

Келіссөздер Израильд...

Теміртауда бес қабатты үйде болған өрт кезінде жеті адам эвакуацияланды, деп хабарлады ТЖМ. От қаланың 6-шағын ауданындағы бес қабатты тұрғын үйдің бірінші қабатындағы пәтерде шықты. Жиһаз бен тұрмыстық техника жанды.

ТЖМ қызметкерлері баспалдақ арқылы жеті адамды, оның ішінде төрт баланы эвакуациялады. Өртті сөндіру кезінде пәтерден газ баллоны шығарылды, бұл ықтимал жарылыстың алдын алды. Қызыл жалын қысқа мерзімде жойылды. Зардап шеккендер жоқ.

Алдын ала мәліметтер бойынша, өртке балалардың отпен ойнауы себеп болған. Пәтердің ас үйінде газ баллонына жалғанған электр плитасы болған. Анасының айтуынша, кіші ұлы электр плитаны қосқан, содан кейін ол қыза бастаған.

Болжам бойынша, бала отпен ойнап, қағазды немесе...

Астанада шомылу маусымының басталуына байланысты құтқарушылар су айдындарында патрульдеуді күшейтті, деп хабарлайды елорда әкімдігінің ресми сайты.

Қазіргі таңда Төтенше жағдайлар департаментінің қызметкерлері Есіл өзенінде күнделікті патрульдеу жұмыстарын жүргізуде. Қауіпті учаскелерде үш мобильді құтқару бекетінің жұмысы ұйымдастырылды.

Елорда тұрғындары мен қонақтарының қауіпсіз демалуы үшін қалада шомылуға арналған бес ресми орын белгіленді. Жабдықталмаған және қауіпті учаскелерде шомылуға тыйым салатын ескерту белгілері орнатылды.

Астана қаласы Төтенше жағдайларды жою басқармасының бастығы Бауыржан Ахметалин судағы жазатайым оқиғалардың көпшілігі шомылуға арналмаған орындарда орын алатынын атап өтті.

«Судағы жазатайым оқиғалардың көпшілігі шомылуға арналмаған орындарда орын алады. Сондықтан біз қала тұрғындары мен қонақтарын тек...

Қостанай облысында қала мектептеріне бөлінген бюджет қаражатын жымқыру дерегі бойынша қылмыстық іс тергеліп жатыр.

Қостанай облысы бойынша Ұлттық қауіпсіздік комитеті департаментінің хабарлауынша, сотқа дейінгі тергеп-тексеру басқармасының іс жүргізуінде Қостанай қаласы әкімдігінің білім бөлімінің лауазымды тұлғаларына қатысты іс қаралуда.

1 маусымда тергеу аясында лауазымды тұлғалардың тұрғылықты жері мен жұмыс орны бойынша тінту жүргізілді.

Дәл осы күні ҚР Қылмыстық кодексінің 190-бабы 3-бөлігінде көзделген қылмыстық құқық бұзушылықты жасады деген күдікпен Қостанай қаласы әкімдігінің білім бөлімінің басшысы Гүлсім Оразбаева ұсталды.

Ведомство тергеу амалдарының жалғасып жатқанын атап өтті. Қылмыстық іс жүргізу кодексінің 201-бабына сәйкес өзге де ақпарат жария етуге жатпайды.

Алматы мен Гонконг арасындағы тікелей рейстер 2027 жылы ашылады, деп хабарлады Қазақстанның Азаматтық авиация комитеті.

Гонконгтың флагмандық авиакомпаниясы Cathay Pacific рейстерді келесі жылдың бірінші тоқсанынан бастап орындауды жоспарлап отыр. Жоспарға сәйкес, ұшу жиілігі аптасына үш рейсті құрайды. Бағытты Airbus A330-300 кең фюзеляжды әуе кемелері арқылы жүзеге асырады.

«Рейстердің ашылуы Қазақстан, Гонконг және Азия-Тынық мұхиты аймағы арасындағы сауда-экономикалық, инвестициялық және туристік байланыстарды одан әрі нығайтуға, сондай-ақ елдің халықаралық бағыттар желісін кеңейтуге ықпал ететін болады», – делінген хабарламада.

Айта кетейік, осыған дейін қазақстандық FlyArystan лоукостері Астана – Батуми бағыты бойынша алғашқы рейсін орындағанын жазған едік.

Қазақстан құрамасының бұрынғы қақпашысы Давид Лория Қазақстан футбол федерациясының бас хатшысы қызметінен кететінін мәлімдеді. Бұл туралы спортшы өзінің Instagram парақшасында жазды.

Федерациядағы мансабын аяқтау туралы шешімді ол бүгін, 2 маусымда қабылдады.

«ҚФФ президенті Марат Омаров федерацияның вице-президенті қызметінде жұмысты жалғастыруды ұсынды, алайда футболды дамытудағы көзқарастарымыз бен өмірлік құндылықтарымыз кейбір тұрғыда сәйкес келмейді», – деп жазды Лория.

Ол әріптестеріне, клубтарға, аймақтық федерацияларға, бапкерлерге, функционерлерге, футболшыларға және жанкүйерлерге алғыс айтты. Сондай-ақ, Лория спорт игілігі үшін жұмысын жалғастыратынын және ҚФФ-да алған тәжірибесін саланың дамуына пайдаланатынын қосты.

2025 жылдың қаңтарында Давид Лория Қазақстан футбол федерациясының вице-президенті қызметіне тағайындалды...

Ауыл шаруашылығы министрлігінің баспасөз қызметі сәуір-мамыр айларындағы қой еті бағасының өсуі уақытша және маусымдық сипатта болғанын хабарлады.

«Бағаның өсуіне негізгі фактор ретінде биыл мамыр айының соңына сәйкес келген Құрбан айт мерекесін дайындау және өткізу кезеңіндегі сұраныстың дәстүрлі артуы әсер етті», – деп хабарлады министрлік.

Ауыл шаруашылығы министрлігі мал шаруашылығы саласында тұрақты оң динамика сақталып отырғанын атап өтті. 1 мамырдағы жағдай бойынша ірі қара мал басы 9,8 млн басқа, қой – 23,5 млн басқа, жылқы – 5,1 млн басқа жетті.

Сондай-ақ, мал шаруашылығы өнімдерін өндіру көлемі де артты. Қаңтар-сәуір айларында сойыс салмағындағы барлық түрдегі ет өндіріс...

Мемлекет басшысы Алматы агломерациясын дамыту және көлік кептелісі мәселесін шешу үшін бірнеше маңызды міндеттерді жүктеді. Соның ішінде өңірде мүлдем жаңа қоғамдық көлік жүйесі – «Skytrain» пайда болуы мүмкін.

Президент Алматы мен жаңадан бой көтеріп жатқан Алатау қаласының іргелес орналасуы экономикалық және логистикалық тұрғыдан зор мүмкіндіктерге жол ашатынын атап өтті. Алатау қаласында бизнеске қолайлы жағдай жасау арқылы жаңа жұмыс орындарын ашу көзделіп отыр. Бұл Алматыға күнделікті ағылатын халықтың санын азайтуға септігін тигізбек.

Күн сайын 400 мың автокөлік: Кептеліс мәселесі қалай шешілмек?

Бүгінде облыс аумағынан Алматыға күн сайын 400 мыңға жуық автокөлік кіріп-шығады. Көлік қатынасын реттеу үшін Президент жылдамдығы жоғары қоғамдық көлік жүйесін...

Қазақстандағы бірқатар ірі қоғамдық бірлестіктер, салалық қауымдастықтар мен кәсіби ұйымдар «Әділет» саяси партиясымен ынтымақтастық орнатуға дайын екендерін жеткізді.

Партияны қолдаушылар қатарында жұмысшылар мен жұмыс берушілердің, үкіметтік емес сектордың, волонтерлік қозғалыстың, кәсіби қауымдастықтардың, бизнес, ғылым, мәдениет, білім беру, денсаулық сақтау, экология, IT және креативті индустрия салаларының мүддесін қорғайтын ұйымдар бар.

Бүгінгі таңда «Әділет» партиясын қолдайтынын мәлімдеген ұйымдардың қатарында «PARYZ» жұмыс берушілердің ұлттық конфедерациясы, Қазақстан инвесторлары қауымдастығы, Қазақстан тау-кен палатасы, Қазақстан автомобиль одағы, Медициналық және фармацевтикалық бизнес ұлттық қауымдастығы, «Qazaq Green» жаңартылатын энергия көздері қауымдастығы, Қазақстандағы жасанды интеллектті дамыту қауымдастығы, Women in Tech Kazakhstan, Қазақстанның креативті индустриялар альянсы, Қазақстан кинематографистер лигасы, Q...

Қытайдың Шанхай қаласында «The CaoLu Cup» халықаралық робототехника турнирі өтті.

Онда Жетісу облысындағы дарынды балаларға арналған Жыланды мамандандырылған лицей-интернатының Water7 командасы табысты өнер көрсетті.

Оқу ағарту министрлігінің хабарлауынша, қазақстандық оқушылар бірден екі марапатқа ие болып, елдің робототехника саласындағы әлеуетін тағы бір мәрте дәлелдеген.

Команда Inspire Award номинациясы бойынша 3-орын алып, Judges’ Choice Award Winner арнайы жүлдесін жеңіп алды.

«The CaoLu Cup» – FIRST Tech Challenge халықаралық бағдарламасы аясында өтетін беделді робототехника турнирі. Жарыс барысында қатысушылар роботтарды өздері құрастырып, бағдарламалап, түрлі инженерлік тапсырмаларды орындады. Турнирге Азияның және әлемнің бірнеше елінен келген үздік командалар қатысты.

«Water7» командасының құрамында 10-11 сынып оқушылары...

Қостанай облысының соты өзін «Қазақстандағы №1 мобильді интернет» деп мәлімдеген Beeline операторының ролигіне қатысты азаматтық іс бойынша жеке ұйғарым шығарды.

YouTube платформасында жарияланған жарнамада «КаР-Тел» ЖШС операторының мобильді интернеті сапасы мен қамту аймағы бойынша Қазақстанда бірінші орында екені айтылған. Бұл роликке байланысты Tele2 және Altel брендтерін басқаратын «Мобайл Телеком-Сервис» ЖШС сотқа шағым түсірген.

Сот талқылауы барысында YouTube-те жарияланған жарнаманың талапқа сай емес белгілері бар екені және ол тұтынушыларды жаңылыстыруы мүмкін екені анықталды.

«Жарнамада көрсетілген мәліметтер жеткілікті әрі объективті дәлелдермен расталмаған. Қолданылған тұжырымдар тұтынушыларда оператордың телекоммуникациялық қызмет көрсету нарығында сөзсіз көшбасшы екені туралы пікір қалыптастыруы...

Хан тамада атымен белгілі маңғыстаулық асаба Қасым Утешев 10 тәулікке қамалды. Сот кабинетіндегі ақпаратқа сәйкес, асабаға 13 мамырда азаматтық некедегі әйеліне отыз күн бойы жақындамау туралы қорғау нұсқамасы берілген. Алайда асаба 21 мамырда әйелі тұрып жатқан үйге барып, жанжал шығарған. Әйелді балағаттап, ар-намысына тиетін сөздер айтқан.

Сотта Қасым Утешев кінәсін мойындамай, әйелге қатысты қандай да бір құқыққа қайшы әрекет жасамағанын мәлімдеді. Сөзінеше, жанжалды әйел бастайды. Артынша полиция шақырамын деп қорқытады. Әйелдің сөзінше, азаматтық некедегі күйеуі «ит, мал» деген былапыт сөздер айтқан.

Осылайша, бір айға берілген қорғау хаттамасын сақтамаған тамада 22 мамырда 10 тәулікке қамалды.

Еске сала кетейік, бұған дейін Астана...

БҰҰ-ның Бала құқықтары жөніндегі комитеті Ауғанстан билігін жаңа жарлық қабылдағаны үшін сынға алды.

Сарапшылардың пікірінше, бұл құжат балалар арасындағы некені заңдастырып, қыз баланың үнсіздігін некеге келісім ретінде қарастырады.

Комитет мамандары 18 жасқа толмағандар арасындағы кез келген неке балалар некесі болып саналатынын еске салды. Олар мұндай некелерді мәжбүрлі некенің бір түрі әрі бала құқықтарын бұзатын зиянды тәжірибе деп атады.

Әңгіме 2026 жылы «Талибан» билігі қабылдаған №18 жарлық туралы болып отыр. Құжатта жыныстық жетілу кезеңіне жеткен және некеде тұрған қыздар жеке санат ретінде қарастырылған. Комитеттің пікірінше, бұл кәмелетке толмағандардың жыныстық жетілуіне қарай некеге тұруын іс жүзінде заңдастырады.

Сондай-ақ комитет бұл...

Миллионер Қайрат Боранбаевтың бұрынғы компаниясы «ҚазМұнайГаз» ұлттық компаниясының иелігіне өтті. Кезінде істі болған кәсіпкер Маңғыстаудағы ірі активті 2023 жылы мемлекетке өткізген.

Қаражанбас мұнайын игеретін компания

«ҚазМұнайГаз» ұлттық компаниясы тағы бір активке ие болды. Бұл жолы оның меншігіне «Phystech II» мұнай-газ компаниясы өтті. Ол Маңғыстау облысындағы Солтүстік Қаражанбас кен орнында 2078 жылға дейін мұнай мен газ өндіру құқығына ие. Компанияның бас кеңсесі Ақтау қаласында орналасқан.

ҚМГ тағы бір активке ие болғаны туралы мәліметті Қаржылық есептілік депозитарийіне жолдаған. Ақпаратта «Phystech II» ұлттық компания меншігіне 2026 жылғы 29 мамырда өткені айтылған. Бірақ мәлімет бүгін ғана жарияланып отыр.

Назарбаевтың құдасы

UFC файтері Шавкат Рахмоновтың жеке өміріне қатысты соңғы уақытта желіде тараған сыбыстарға нүкте қойылды. Заңгер Мейірман Шекеев Qazaqordasy арнасына берген сұхбатында спортшының отбасылық жағдайы туралы тың ақпаратты бөлісіп, ерлі-зайыпты заңды түрде әлі де бірге екенін мәлімдеді.

Арыз берілген, бірақ…

Заңгердің айтуынша, Шавкат Рахмонов пен жары Гүлайым Рахмонованың арасында ажырасуға қатысты заңдық процестер басталғаны рас. Олар ертеректе некені бұзу туралы ресми түрде арыз түсірген.

«Иә, Гүлайым Рахмонова мен Шавкат Рахмонов ажырасуға арыз бергені рас. Басында олар бұл процесті бастады», – деді Мейірман Шекеев.

Заңгердің сөзіне сүйенсек, ерлі-зайыптылар өзара тіл табысып, сотқа берген өтініштерін...

Атырауда түнгі рейд барысында ата-анасының қарауынсыз жүрен 30 жасөспірім анықталды.

Polisia.kz ақпаратына қарағанда, полиция қызметкерлері жасөспірімдердің қауіпсіздігін қамтамасыз ету бағытындағы профилактикалық жұмыстарды тәулік бойы күшейткен.

«Рейд нәтижесінде бір тәулік ішінде түнгі мезгілде заңды өкілдерінің қарауынсыз көшеде жүрген 30 кәмелетке толмаған жасөспірім анықталды. Олардың ата-аналары мен заңды өкілдері әкімшілік жауапкершілікке тартылды», – делінген хабарламада.

Жаз мезгілі басталған тұста ювеналдық полиция қызметкерлері ата-аналарға балалардың жүріс-тұрысы мен бос уақытын жіті бақылауда ұстаудың маңызын ескерткен.

Себебі жыныстық қолсұғушылық, төбелес, бұзақылық, буллинг және басқа да құқық бұзушылықтарға түрткі болатын жағдайлар көбіне түнгі уақытта орын алады.

Тәртіп сақшылары мұндай...

Соңғы уақытта қоғамда аты жиі аталып, халықтың құқықтық мәселелерін шешуде белсенділік танытып жүрген белгілі заңгер Мейірман Шекеев депутаттыққа бара ма?» деген сұрақ көп қойылып жүр. Көпшілікті мазалаған сұраққа Мейірман Шекеев Qazaqordasy арнасына берген сұхбатында жауап берді.

Заңның қисықтығымен күрес

Сұхбат барысында заңгер өзінің негізгі мақсаты мансап немесе лауазым емес екенін баса айтты. Ол үшін ең басты мәселе елдегі заңдардың әділдігі мен халықтың мүддесіне қызмет етуі.

«Мен бұрын саясатпен айналыспаймын деп айтатынмын. Бірақ мен заңның қисықтығымен күресуден шаршадым. Егер мен парламентке барсам, қазаққа, халыққа пайдасын тигізетін заңдар шығару үшін барамын», – деді Мейірман Шекеев.

Қазақстанда қате аударылған 6 млрд теңге көлеміндегі зейнетақы төлемдері бюджетке әлі қайтарылмады. Бұл туралы Үкіметте өткен брифингте Еңбек және халықты әлеуметтік қорғау министрі Асқарбек Ертаев айтты.

Бұл заңбұзушылықтарды Жоғары аудиторлық палата анықтаған. Тексеріс барысында қаржы қайтыс болған, хабар-ошарсыз кеткен немесе Қазақстаннан біржола көшіп кеткен азаматтарға аударылып келгені белгілі болды.

Ертаевтың айтуынша, аудит 2020-2024 жылдар аралығын қамтыған. Тексеру нәтижесінде 67 мың шетелдік жалпы сомасы 20,9 млрд теңге болатын зейнетақы алғаны анықталды. Бүгінде оның 57 мыңы қаржыны кері қайтарған. Қайтарылған қаржы 13,9 млрд теңгеден астам соманы құрады.

Ал қайтыс болған 120 зейнеткерге қатысты 500 млн теңгеге жуық қарызды сот есептен шығарып тастады.

Air Astana әуе компаниясы 2 маусымнан бастап Астана – Ларнака бағыты бойынша жаңа әуе қатынасын ашады.

Көлік министрлігінің хабарлауынша, халықаралық әуе бағыттарының географиясын кеңейту және қолданыстағы бағыттар бойынша рейстер жиілігін арттыру бойынша тұрақты негізде жұмыс жүргізіліп жатыр.  

Сондай-ақ 4 маусымнан бастап әуе компания Алматы – Ларнака бағыты бойынша рейстерді іске қосады.

Рейстер әрбір бағыт бойынша аптасына 2 рет жиілікпен Airbus A321LR үлгісіндегі әуе кемелерімен орындалады.

Министрліктің мәліметінше, әуе қатынасын іске қосу елдер арасындағы іскерлік, сауда-экономикалық және туристік ынтымақтастықты одан әрі нығайтуға ықпал етпек.

Айта кететін жайт, Қазақстандық FlyArystan лоукостері Астана – Батуми бағыты бойынша алғашқы рейсін орындады.

Алматы қаласында кәмелет жасқа толмаған балаларды түнде кіргізіп, оларға ішімдік сатқан үш ойын-сауық орны уақытша жабылды. Полиция мегаполистердегі түнгі клубтарды тексерген.

Құзырлы орган мәліметінше, ойын-сауық мекемелерінің иелері мен қызметкерлері әкімшілік жауапкершілікке тартылды.

«Заң талаптарын өрескел бұзған үш ойын-сауық орнына қатысты қатаң шаралар қабылданып, олардың қызметі уақытша тоқтатылды», – деп таратты полиция.

Мәліметтерге қарағанда, түнгі клубта ішімдікпен ұсталған жасөспірімдердің ата-аналары заң алдында жауап береді. Полиция түнгі тексеруді үнемі жүргізіп отыруды көздеп отыр.

«Жасөспірімдердің түнгі уақытта ойын-сауық орындарында болуы олардың қауіпсіздігіне тікелей қатер төндіреді. Сондықтан мұндай құқық бұзушылықтарға қатысты полиция тарапынан...

Президент Қасым-Жомарт Тоқаевтың Алматы облысына жұмыс сапары Алатау қаласының даму жоспарымен танысудан басталды.

Қазіргі кезде қала ауданы 88 мың гектарды құрайды. Шаһар 2050 жылға дейін кезең-кезеңімен дамытылатын 4 арнаулы аумаққа бөлінген.

Бүгінде Gate City тұрғын үй алабы жедел өркендеп келеді. Мұнда «жайлы мектеп» бой көтеріп, «Маревен Фуд», «КНАУФ», Fruit Art, Dolce Pharm және Алматы желдеткіш зауыты секілді кәсіпорындар жұмыс істейді.

Бұдан бөлек, 53 инвестициялық жобадан тұратын пул жасақталды. Оның жалпы сомасы 2 трлн теңгеден асады.

Атап айтқанда, PepsiCo компаниясы Орталық Азиядағы картоп өңдейтін ең ірі зауыт салып жатыр. Mars Petcare компаниясы үй жануарларына арналған азық өндіретін өңірдегі алғашқы заманауи әр...

Қазақстан азаматы Қытайда төбелеске қатысып, денсаулыққа қасақана зиян келтірді деген күдікпен ұсталған. Сыртқы істер министрлігі оқиғаны растап, қытайлық тараптан ресми хабарлама алғанын айтты.

Threads желісінде Махмұтхан Шерназаровтың туыстары оның Қытай азаматымен жанжалдасып қалғанын, кейін ол көз жұмғанын жазды. Күдіктінің отбасы төбелесті бірінші болып Махмұтхан бастамағанын айтып отыр.

Болжам бойынша, жанжал қазақстандықтың қыз балаға араша түспек болғанынан басталуы мүмкін. Дегенмен туыстарының өздері төбелестің нақты себебі әзірге белгісіз екенін айтып отыр.

Жақындарының айтуынша, Шерназаровқа бірнеше адам шабуыл жасап, оны соққыға жыққан, кетуіне мүмкіндік бермеген. Туыстары оның әрекетін өзін-өзі қорғаумен байланыстырып, бейнежазба мен оқиғаның барлық мән-жайын ескере отырып, объективті тергеу жүргізуд...

Eurasian Resources Group (ERG) тобы Павлодар облысын дамытуға 3,1 млрд теңге аударады. Қаражат жаңа әлеуметтік және инфрақұрылым жобаларын іске асыруға жұмсалады.

Ақсу қаласын дамытады

Павлодар облысының әкімі Асайын Байханов пен ERG тобының Қазақстандағы құрылымының басшысы Кудрәт Шамиев өңірді дамытуды көздейтін меморандумға қол қойды. Өңір әкімдігінің мәліметінше, компания бөлген 3,1 млрд теңгемен білім беру, спорт, экология, денсаулық сақтау, абаттандыру және халықты әлеуметтік қолдау салаларындағы жобалар жүзеге асырылады.

«Кейінгі үш жылдың өзінде компания өңірді дамытуға 15 млрд теңгеден астам қаражат бөлді», – дейді өңір әкімі.

Байхановтың айтуынша, 2025 жылы жалпы құны 3,7 млрд теңгеге...