Жаңалықтар

Аналитиктер күрт қымбаттап жатқан Tesla акцияларының мақсатты бағасын көтерді. Ал Еуропада Дональд Трамптың талаптарына байланысты қорғаныс компанияларының құнды қағаздарына сұраныс арта түсті. S&P 500 индексі бойынша жаңартылған болжамдар оптимизмге толы. Бірақ АҚШ қор нарығы шамадан тыс қызып кетуі де мүмкін. Осы және өзге де тақырыптарды 11 қарашадағы әлемдік БАҚ шолуынан оқи аласыз.

Tesla акциялары төртінші сессия қатарынан өсіп, аналитиктер мақсатты болжамды 400 долларға дейін көтерді

Tesla акциялары алдыңғы күні 7%-дан аса – 344 долларға дейін өсім көрсетті, ал Дональд Трамп жеңісінен кейін жалпы өсім 38,1%-ды құрады, деп хабарлады Market Watch. Құнды қағаздар 2022 жылдың сәуір айынан бергі ең жоғары...

Қазақстанда өрт сөндіру деполарын тез тұрғызу әдісі енгізіліп жатыр. Бұл туралы ҚР Төтенше жағдайлар министрі Шыңғыс Әрінов Үкімет отырысында мәлімдеді.

Министрдің мәліметінше, Астанада тамыз айында 3,5 айда тұрғызылған жаңа өрт сөндіру бөлімі іске қосылды, сондай-ақ бұл бастама барлық өңірлерде жүзеге асырылмақ.

Елімізде 121 өрт депосы жетпейді екен. Қысқы жылу маусымы кезінде өртке қарсы қызметтерді, құтқарушыларды және медицина қызметкерлерін біріктіретін әмбебап бөлімшелер де құрылады.

Сонымен қатар, министрдің айтуынша бұрын деполар 2 жылда 2,5-3 млрд теңгеге салынса, жаңа шетелдік жоба бойынша 1 млрд теңгеге 3,5 айда жаңа деполар салынады.

Еске сала кетейік, бұған дейін премьер-министр Олжас Бектенов екі күнн...

Жоғарғы сот халықаралық кеңесінің отырысында интернет алаяқтық құрбандарына қатысты мәселені талқыға салды.

Кеңес отырысы кезінде алаяқтардан зардап шеккен азаматтардың несиелерін кешіру туралы ұсыныс айтылды. Себебі 2023 жылы 2022 жылмен салыстырғанда интернет қылмыстардың 270% өскен.

«Жоғарғы соттың судьялары Мәдениет Омарбекова мен Баян Тоқтарова интернеттегі алаяқтыққа қатысты істердің жыл сайын артып келе жатқанын атап өтті.  Биыл 2022 жылмен салыстырғанда мұндай азаматтық істердің өсімі 270 пайыздан асты», – делінген хабарламада.

Сот кеңесінің ақпаратына сүйенсек, дәл қазір елімізде интернет-алаяқтық құрбандарының мүдделерін қорғайтын бап жоқ. Алайда дропперлер мен микроқаржы ұйымдарына қарсы талап қойып, шығынды өтеу мүмкіндігі бар.

Судьялар бірнеше ұсыныс...

Қазақстанда жылыту маусымы басталғалы бері екі күннің бірінде өрт. Сонымен бірге газ баллондарының жарылу жағдайы да жиілеген. Бұл мәселені үкіметте премьер-министр Олжас Бектенов көтерді.

«Жылу беру кезеңі енді ғана басталды. Ал, еліміздің тұрғын үй секторында екі күннің бірінде өрт шығады. Пеш жағу кезінде қарапайым қауіпсіздік талаптарының сақталмауынан бір айда 130-дан астам өрт тіркелген. Сондай-ақ иіс тиіп уланған жағдайлар жиілеп кетті. Қаза тапқандар да бар. Оқыс жағдайларды барынша азайтпасақ болмайды»,- деді премьер-министр.

Бектенов жылу беру кезеңінде өрттердің 50%-ға жуығы пештер мен мұржалардағы ақаулардың кесірінен болатынын айтты. Ал өрттің шығуына көп жағдайда өрт қауіпсіздігі ережелерін сақтамау себеп болып жатады.

Осы орайда Төтенше жағдайлар...

Абхазияның Сухум қаласында жаппай наразылық акциялары басталды. «Республика» және NewsGeorgia телеграм арналарының жазуынша, бұған Ресеймен инвестициялық келісімді бекітуге қарсы шыққан оппозиционерлерді ұстау түрткі болып отыр.

Шеруге қатысу үшін адамдар Абхазияның түкпір-түкпірінен келіп жатқан көрінеді. Олар Мемлекеттік қауіпсіздің қызметі ғимаратының алдына жиналып жатыр. Наразы топ осы ғимараттың қақпасын бұзып кіруге әрекет жасаған.

Мұның алдында Абхазия күштік құрылымдары бес адамды ұстаған болатын. Оларға туыстарын кіргізбеген көрінеді.

Ұсталғандарды босатуды талап етіп, Гуминистин көпірін жауып тастаған.

Айта кететін жайт Ресей мен Абхазия келісімге қол қойған. Бұл құжат Ресей компанияларына Абхазия аумағында инвестициялық жобаларды іске асыруға мүмкіндік береді. Бұл жайт көп абхаздарға ұнамаған.

Қарашаның 22 мен 24 күндері Димаш Құдайберген Чехия астанасы Прагда және Германияның Дюсселдорф қаласында Stanger атты жеке концерттерін өткізеді. Kursiv Lifestyle Қазақстаннан Еуропадағы Димаштың концертіне бару үшін шамамен қанша қаражат кететінін санап көрді.

Алматыдан Прагаға Құдайбергеннің концертіне бару үшін ұшу, қонақ үй және концерт билеттерінің бағасын есептеп көрдік.

Ұшу билеті: Алматы – Прага бағытында Стамбул немесе Доха арқылы ұшып бару шамамен 339 628 теңге тұрады. Алайда, ұшар күнге жақындаған сайын әуе билетінің бағасы өсетінін ескеру қажет.
Қонақ үй: Чехия астанасы Прагадағы қонақ үйлердің құны Қазақстан бағасынан айтарлықтай қымбат емес. Booking.com сайтындағы бағаларға сүйенсек, Прагада тәулігіне 20-25 мың теңгеге орташа...

Азиялық акциялар құлдырап жатыр, ал биткоин бағасы Трамп жеңісінің эйфориясы тұсында рекордтық көрсеткіштерге көтерілу үстінде. Сонымен бірге сарапшылар, нарықта қалыптасқан жағдай еуроға қысым жасап жатқанын айтады.

Доллар бағамы төрт айдың ең жоғары көреткішіне келіп тұрақтады. Ал азиялық қорлар құлдырау үстінде. Осы тұста биткоин бағасы шарықтап келеді. Оған Дональд Трамптың жеңісі дем берді.

Тармптың сайлаудағы жеңісінен кейін, инвесторлардың биткоин активтеріне ставкалары артып, криптовалюта құны артты. Сарапшылар болашақта оның құны 89 637 долларға дейін жетеді деп болжайды.

Сонымен бірге мамандар Ақ үйдің жаңа әкімшілігі енгізуі мүмкін ықтимал тарифтер қаупі еуроға қысым жасап жатқанын айтады. Онсыз да еуроның бағасы...

2024 жыл метеорологтар бақылауды бастаған кезден бері тарихтағы ең ыстық жыл болуы мүмкін. Бұл туралы БҰҰ-ның Бакудегі климат жөніндегі конференциясының ашылуында ұсынылған Дүниежүзілік метеорологиялық ұйымның (ДМҰ) жаңа баяндамасында жазғылған.

БҰҰ жаңалықтарына сәйкес, ДМҰ пайдаланатын алты халықаралық деректер жиынтығын талдауға сәйкес, 2024 жылдың қаңтарынан қыркүйегіне дейінгі жаһандық жер бетіндегі орташа температура 1,54°C жоғары болды.

2024 жылғы орташа жаһандық температура тіпті 2023 жылғы ең жылы температурадан асып кетуі мүмкін. ДМҰ мәліметтері бойынша, 16 ай қатарынан (2023 жылдың маусымынан 2024 жылдың қыркүйегіне дейін) орташа жаһандық температура 2023 жылға дейін тіркелген барлық көрсеткіштерден асып түскен.

«Климаттық өзгеріс халықтың денсаулығына әсер етіп, экономикалық теңсіздікті арттырып...

Американдық миллиардер және кәсіпкер Илон Маск АҚШ-тың жаңа президенті Дональд Трамптың кадрлық шешімдеріне әсер етуі мүмкін. Бұл туралы ABC News басылымы сенімді ақпарат көздеріне сүйеніп жазған.

Басылым жазуынша, Маск күн сайын Флоридадағы Трамптың Мар-а-Лаго резиденциясында барады. Сондай-ақ, жаңа президент Украина президенті  Владимир Зеленскиймен және Түркия президенті Режеп Тайып Ердоғанмен телефон арқылы сөйлескенде жанында болған. 

Сондай-ақ, Маск Трамптың кадрлық шешімдеріне баға беріп отырады. Мәселен, Трамп Элис Стефаникті БҰҰ-дағы АҚШ өкілі ретінде таңдаған тұста, кәсіпкер X әлеуметтік желісіндегі парақшасында бұл шешім өкілдер палатасындағы республикашылар позициясына қалай әсер ететіні туралы сұраған.

«Элис мықты! Бірақ оны палатадан алып тастау өте...

Қызылорда қаласында сот жыныстық құлдыққа болған 16 жасар мектеп оқушысының ісі бойынша алғашқы үкімді шығарды. Айыпталушы ретінде қыз баладан ірі көлемде қаржы бопсалаған өзін өңірлік қылмысқа қарсы күрес басқармасының қызметкері деп таныстырған азамат танылған. 

«НеМолчи.kz» қорының ақпаратына сүйенсек, прокуратура айыпталушыны 7 жыл бас бостандығынан айыруды сұраған. Ол қыз баладан 700 мың теңге бопсалаған. Бұл ақшаның 50 мыңын өзі алып, қалғанын қылмысқа қарсы күрес басқармасының қызметкерлеріне беретінін айтқан. Бұдан бөлек, қор ақпаратына сәйкес, айыпталушы оқушы қыздың сөмкесінен 35 мың теңгесін алып алған.

«Сот оны қылмыстық кодекстің 194-бап бойынша кінәлі деп тапты (бопсалау – авт.). Және 4,5 жылға...

Кейінгі жылдары елімізде қоғамдық тамақтану орындары көптеп ашылып келеді. Жастар үшін де, ересек буын үшін де бұл – тек тамақ ішіп, қуаттанып алатын жер болудан әлдеқашан қалып қойды. Қазір бұл мекемелер сонымен қатар бейресми іскерлік кездесулер өткізу үшін де керемет нұсқа. Бұған қоса қала тұрғындары өзге де түрлі кездесу үшін қоғамдық тамақтану орнын жиі тамақтанып жатады. Ал сіз сол қоғамдық тамақтану орнындағы құқығыңызды білесіз бе? Мейрамхананың шотқа 10% қосып есептеуі қаншалық заңды? Даяшының жұмысы көңіліңізден шықпаса, не істеуге болады? Тамағыңыздан қыл шықса, не істеу қажет? Осы және өзге сұрақтарға бүгінгі материалымызда жауап береміз.

 1. Қоғамдық тамақтану орнында қазақша жазылған...

Қазақстандағы әлеуметтік желілерде кең танымал болған Asarume қайырымдылық қорына қатысты түрлі пікірлер пайда бола бастады. Қор аз қамтылған отбасыларға тұрғын үй алуға көмек ретінде қаржы жинаумен айналысады. Алайда соңғы кездері блогерлер мен қоғам белсенділері тарапынан қордың қызметіне күмән келтірген пікірлер айтылып жатыр.

Asarume қайырымдылық қорының басшысы Асхат Нұрмашев Instagram-да айыптауларға жауап ретінде бейне жазба жариялап, қордың қызметі ашық екенін және қаржылық есептер мен аудит тексерістері жылдар бойы жариялы түрде қолжетімді болғанын айтты.

Әлеуметтік желіде таралған пікірлерге байланысты қор мен Асхат Нұрмашевтің атына қатысты жалған айыптауларды жоққа шығарды. Сондай-ақ, Салтанат Нүкенова қатысты пікір білдірген азамат қордың қызметкері емес, өңірдег...

Тарихта алғаш рет биткойн құны 4,7 пайызға өсіп, 84 мың доллардан асты. CoinMarketCap онлайн-биржасының мәліметінше, биткоин бағамы 11 қараша күні 84 375,29 долларға дейін көтерілді.

Сарапшылардың ойынша, биткоинның күрт қымбаттауына Дональд Трамптың Ақ үйге оралуы және Конгреске криптовалюта жақтастарының өтуі себеп. Трамп үгіт-насихат науқанында АҚШ-ты «планетаның крипто астанасы» етуге уәде берген еді әрі биткоиннан ұлттық қор жинайтынын айтқан.

Айта кетейік, биткоин 2008 жылы пайда болған тарихтағы алғашқы криптовалюта. Алғашқы кезеңде биткоинның бағасы $0,00099 болды. 5 мың биткоин сатудан келген алғашқы келісім-шарт сатушыға $5 табыс әкелді. Содан бері биткоинның жасаушысының жеке тұлғасы туралы талқылаулар үздіксіз жалғасып келеді. Биткоинның шығу тарихы...

Бүгін, 11 қарашада Астана қаласының Азаматтық істер жөніндегі ауданаралық соты «Астана LRT»-ның бұрынғы басшысы Талғат Арданды лауазымдық өкілеттіктерін асыра пайдаланғаны үшін кінәлі деп таныды. Бұл жолы Ардан 9 жылға сотталып, 85 млрд теңге төлеуге міндеттелді.

Бұған дейін, 2023 жылы шенеунік бюджет қаражатын ысырап еткені үшін сырттай 7 жылға сотталған. Жаңа үкіммен жаза мерзімі 9 жылға дейін ұзарды.

Еске сала кетейік, 2019 жылы қозғалған қылмыстық іс аясында бірқатар жоғары лауазымды тұлғаларға айып тағылды. Олардың қатарында Астана қаласы әкімінің бұрынғы орынбасары Қанат Сұлтанбеков және «Астана LRT» ЖШС-ның бұрынғы басшысы Талғат Ардан бар. Оларға алаяқтық және қызмет бабын асыра пайдалану баптары бойынша айып тағылды. Тергеу мәліметтеріне сәйкес...

Қазан айында қайталама тұрғын үй нарығындағы пәтер бағасы мамыр айынан бері алғаш рет айлық есептеуде 0,4%-ға төмендеді. Бұл туралы Ұлттық статистика бюросы мәлімдеді.

Алайда, жылдық есептеуде (2023 жылдың қыркүйегінен 2024 жылдың қазанына дейін) қайталама нарықтағы пәтер бағасы 3,9%-ға, бастапқы нарықтағы бағалар 2,3%-ға өсті, ал жалдау ақысы 6,7%-ға артты.

2024 жылдың қазанында тұрғын үй сату бойынша 39,1 мың келісім-шарт тіркелген, бұл қыркүйекпен салыстырғанда 1%-ға аз. Дегенмен, былтырғы қазан айымен салыстырғанда жалпы келісім-шарттар саны 18,7%-ға өсті.

Атырау қаласында қайталама тұрғын үй нарығында ең жоғары жылдық баға өсімі байқалды (+24,7%), сонымен қатар, Астана да айтарлықтай өсім көрсетті (+11,3%). Жалға беру ақысы...

14 қараша күні Астана мен Витория Гимайранш ойынының билеттері сатылымға шығады. Ал бір аптадан кейін «Астана» – «Челси» ойынына билеттері сатыла басталады. Бұл туралы «Астана» футбол клубы өзінің инстаграм парақшасында жариялады.

«Астана» – «Витория»(Гимарайнш) матчы 28 қараша күні Алматының орталық стадионында өтеді. Ал Челсимен ойын 12 желтоқсанға жоспарланған.

Gismeteo мәліметі бойынша, «Челсимен» ойын күні Алматыда желтоқсан айына қарамастан, ауа райы күндіз +3° болады.

Сондай-ақ, клуб басшылығы қала әкімдігімен және стадион әкімшілігімен бірлесіп, көрермендердің стадионда қауіпсіздігін, тәртібін және жайлы жағдайда ойын тамашалауын қамтамасыз ету бойынша жұмыстар атқарып жатыр. Ойын күні қосымша ыстық сусындар мен тағамдарды сату нүктелері ашылады.

Еске сала...

ADCB ислам банкі Өзбекстан мен Әзербайжан нарығына кіруді жоспарлап отыр. Содан кейінгі меже –  Орталық Азиядағы басқа да елдердің нарығы.

Бұл туралы Қазақстандағы ADCB ислам банкінің СЕО-сы Гордон Хаскинс Интерфакс-Казахстан-ға хабарлаған.

«Біздің бизнесімізді барлық өңірлерде – бүкіл Кавказ бен Орталық Азияда кеңейту ниетіміз бар. Сондықтан осы өңірдегі басқа елдердегі мүмкіндікті қарастыра бастадық», – деді Қазақстандағы ADCB басшысы.

Гордон Хаскинстің айтуынша, Өзбекстан мен Әзербайжан елдері – бастапқы нысана. Қазірдің өзінде аталған қаржы институты бірқатар мәмілелермен жұмыс істеп жатыр.

«Қазақстандағы бір ұлттық компания үшін ірі мәміле жасауға небәрі бірнеше апта қалды. Біз...

2024 жылдың 9 айында «ҚазТрансОйл» (ҚТО) компаниясы 31,6 млрд теңге таза пайда тапқан. Бұл 2023 жылдың сәйкес кезеңімен салыстырғанда, 4,9% төмен. Былтыр 9 айда 33,3 млрд теңге таза табыс тапқан болатын.

ҚТО-ның 9 айдағы шоғырландырылған есебіне сәйкес, қаңтар-қыркүйек айларында 230,6 млрд теңге түсім түскен. Бұл 2023 жылғы көрсеткіштен 9,8% жоғары.

Компанияның жиынтық активі 1,3 трлн теңгеге тең. Міндеттемелері 376 млрд теңгені құрайды.

ҚТО Қазақстан аумағында мұнай тасымалдаумен айналысады. Оның меншігінде 5338 шақырым мұнай құбыры магистралі мен 2307 су құбыры желісі бар. 2024 жылдың қаңтар-қыркүйек айларында «ҚазТрансОйл» АҚ магистральдық мұнай құбыры жүйесі арқылы 33,6 млн тонна мұнай тасымалданды. Бұл...

Астана қаласының Азаматтық істер бойынша ауданаралық соты Мәдениет және ақпарат министрлігінің үстінен түсірілген талап-арызды қарады. Онда бір топ елордалық журналист министрліктің бірқатар құқықтық актілерін, яғни бұйрықтарын заңға қайшы және жарамсыз деп тануды сұраған болатын.

Атап айтқанда, журналистердің аккредитациялаудың типтік ережесін бекіту туралы министр бұйрығының 4 тармағы, 11 тармақтың 1) тармақшасы дау тудырып отыр.
2024 жылдың 20 тамызында аталған ереже бекітілген болатын. Талап-арыз иелерінің пікірінше, бұл бұйрық заңсыз енгізілген. Ережеде аккредиттелген журналистердің міндеттері қарастырылған. Соның ішінде журналистке аккредитация алынған БАҚ-та ғана ақпарат таратуға рұқсат етілген. Осы талап бірнеше мәрте бұзылса, журналист тұрақты аккредитациядан айырылады.

Талап арыз берушілердің ойынша, бұл жайт сөз бостандығын...

Ұлттық банк 2011 жылғы және 2023 жылғы өзгертілген дизайндағы 5 мың теңгелік банкноталардың айналымда қатар жүру мерзімін 2025 жылдың 24 қыркүйегіне дейін ұзартты.

«Айналымда қатар жүру кезеңі аяқталған соң, 2025 жылғы 25 қыркүйектен бастап барлық банк пен Қазпоштада 3 жыл ішінде, ал ҚҰБ филиалдары ескі үлгідегі банкноталарды жаңа үлгідегі банкноталарға мерзімсіз айырбастайды»,- деп хабарлады Қазақстан Ұлттық Банкі.

Реттеуші банк айналымда қатар жүру кезеңінде жаңа үлгідегі және ескі үлгідегі банкноталар заңды төлем құралы болып қалатынын еске салды. Бұдан бөлек, төлемдер мен аударымдар жасала береді, банк шоттарына аудару үшін елдің бүкіл аумағында олардың атаулы құны сақталады және қабылдауға жатады.

Айта кетейік...

Павлодар қаласындағы Halyk bank филиалына қарашаның 10-нан 11-іне қараған түні ұры түсіп, тонап кеткен. Оқиғаға қатысты банктің баспасөз қызметі мәлімдеме жасады.

«11 қараша күні таңертең банкке Павлодар қаласы, Естай көшесі 40 мекенжайында орналасқан Halyk bank филиалына қарашаның 10-нан 11-іне қараған түні ұры түскені туралы хабар келді. Оқиға орнында жедел тергеу тобы жұмыс істеп жатыр. «Халық» банк филиалының қызметкерлері істің мән-жайын анықтау үшін жүргізіліп жатқан тергеуге көмек көрсетіп жатыр»,- делінген банк хабарламасында.

Осы орайда банк ақпарат таратуға жауапкершілікпен қарауды, полицияның жұмысына кедергі келтірмеуді сұраған.

Айта кетейік, Halyk bank филиалы тоналғанын Павлодар облыстық полиция...

Қытайда Jetour Traveller  кроссоверінің жаңартылған түрі таныстырылды. Жаңа кроссовердің тек қана сыртқы түрі ғана өзгеріп қоймай, қуатты арттырылған қозғалтқышқа да ие болып отыр. ТМД нарығында көліктің бұл үлгісі T2 деген атпен танылған. Көліктің сыртқы түрі, әсіресе, алдыңғы бөлігі қатты өзгерген. Бұл туралы CarNewsChina басылымы хабарлады.

Жаңартылған Jetour Traveller радиатордың торы өзгертіліп, металл жолақтармен көмкерілген. Пошымы тік төртбұрыш емес, кәдімгі көлік пішінінен өзгешелеу. Алдыңғы фарларына аздап қара реңк беріліпті. Jetour деген жазу капотқа шығарылған. Мұнысы британдық бренд Land Rover-ді еске түсіреді.

Автокөліктің артқы бөлігі көп өзгеріске түспеген. Шанағы шаршы кескінін сақтап қалыпты. Жүк салғышы жанына қарай ашылады. Артқы шамдары тіктеу келсе...

Қазан айында Қазақстанның жалпы халықаралық резерві $106,615 долларды құраған. Соның ішінде Ұлттық банктің жалпы халықаралық резерві 2,97%-ға артып, $45,915 миллиардты құраса, Ұлттық қордың валютадағы резерві 3,05% азайып, 60,7 млрд долларды құраған.

ҰБ-ның дерегіне сүйенсек, бір айда Қазақстанның халықаралық резерві 0,5 пайызға төмендеген. Қыркүйек айында Қазақстанның халықаралық резервтері 107,203 млрд долларға тең болған. Бұған Ұлттық қордың валютадағы резервінің 3 пайызға азаюы себеп.

Ұлттық банктің жалпы халықаралық резервтері қазан айында 2,97%-ға артып, $45,915 миллиардты құрады, оның ішінде валютадағы активтер $19,987 миллиард долларға тең.

Ал алтын қоры $25,928 миллиардқа жетіп, 6,42%-ға өсті. Ұлттық банктің таза халықаралық резервтері 3,24%-ға артып...

Мәскеу соты Украинаның Қазақстандағы бұрынғы елшісі Петр Врублевскийге қатысты сот үкімінің күшін жойды. Бұл жайлы ресейлік басылымдар хабарлады.

Басылымдардың хабарлауынша, Мәскеу қалалық соты өшпенділік немесе араздықты қоздырды деп айыпталып, сырттай 6 жылға сотталған Украинаның Қазақстандағы бұрынғы елшісі Петр Врублевскийге қатысты сот үкімінің күшін жойған. Басылым хабарлауынша, іс қайта қаралады.

Сот барысында Врублевскийдің қорғаушысы экс-елшінің мәлімдемелеріне қатысты қылмыстық жаза қарастырылмайтынын алға тартқан. Ал мемлекеттік айыптаушылар бұрынғы үкімнің заңды екенін мәлімдеген.

Бұрынғы елші соғыстың алғашқы күндері «орыстарды көбірек қыруымыз қажет» деп мәлімдеген. Бұдан кейін оның үстінен Ресейде қылмыстық іс қозғалған болатын.

Елші мәлімдемесінен кейін Қазақстанның Сыртқы істер...