Жаңалықтар

Алматыда балалар үйірмелері мен секциялар бағасы 60-80%-ға қымбаттайды. Бұл туралы Алматы қаласының әкімдігі жаңа қаулы қабылдауы мүмкін. Коммуналдық мемлекеттік кәсіпорындар ұйымдастыратын балалар үйірмелері мен секцияларына қатысу ақысын 60-80%-ға көтеру туралы құжат Ашық НҚА порталына жарияланды. Құжаттың қоғамдық талқылауы 6 қарашада аяқталған.

Қалалық білім басқармасының басшысы Сайран Сайфеденов бағаның өсуін инфляциямен түсіндірді. Оның айтуынша, 2016 жылдан бастап 2024 жылға дейін инфляция деңгейі 70%-дан асып кеткен.

2016 жылдың 22 желтоқсанында Алматы қаласының әкімдігі қабылдаған «Алматы қаласының білім басқармасының коммуналдық мемлекеттік қазыналық кәсіпорындары көрсететін қызметтерге баға белгілеу туралы» қаулысы күшін жояды. Осы қаулыға сәйкес, музыка теориясы, ән айту және домбыра үйрету бағасы...

Бір жыл бұрын павлодарлық тұрғынға қарақшылық шабуыл жасап, артынша 200 мың теңге мөлшеріндегі мүлкін ұрлап кеткен қазақстандық ұсталды. Күдікті осы уақытқа дейін халықаралық іздеуде болған.

Бас прокуратура Қазақстан азаматын қарақшылық шабуыл жасағаны үшін қылмыстық жауаптылыққа тарту мақсатында Ресей Федерациясынан экстрадициялағанын  хабарлады.

Ер адам былтыр тамыз айында Павлодарда біреудің мүлкін күш қолдану арқылы иемденіп алмақшы болған. Бұл іске ол өзінің танысын да тартып, екеуі  бірігіп жасауға келіседі.

«Жоспарларын жүзеге асыру үшін күдіктілер түнгі уақытты пайдаланып, мас күйінде бұрын таныс болған жәбірленушіні қараңғы жерге апарып, есінен танып қалғанша ұрып-соғып, 200 мың теңге мөлшердегі мүлкін жымқырған. Көптеген дене жарақаттарының салдарынан жәбірленушінің денсаулығына...

Шешенстан президенті Рамзан Қадыров Өзбекстан президентінің бұрынғы баспасөз хатшысы Комил Алламжоновқа жасалған қастандыққа «шешендердің қатысы жоғын» айтып, «арандатушы ақпараттың» артында кім тұрғанын анықтауға уәде берді. 

«Тергеу нәтижелерін күтпестен, елдегі кейбір оппозициялық БАҚ» «шешен ізі» туралы ақпаратты өршітіп, кінәні бізге әкеліп тіреді», — деп жазды Қадыров Telegram-арнасында. 

Шешенстан басшысы тараған ақпаратты саяси ойындардың құралы, сондай-ақ, Шешенстан мен Өзбекстан арасында алауыздық туғызу әрекеті деп атады. 

«Қандай жағдай болмасын, мен және Өзбекстандағы қымбатты бауырларым осы арандатушы ақпараттың артында кім тұрғанын міндетті түрде анықтаймыз», – деп атап өтті Қадыров. 

Комил Алламжоновқа шабуыл...

ҚазМұнайГаз ұлттық компаниясы 2024 жылдың 9 айында ілеспе және табиғи газ өндіру көлемін 2,8% ұлғайтқан. Бұл туралы компанияның баспасөз қызметі хабарлады.

Компания ақпаратына сүйенсек, тоғыз ай ішінде 196 млн м³ газ өндірілген.

«2024 жылдың тоғыз айында ілеспе және табиғи газды өндіру көлемі (кері айдау көлеміне дейін) 2,8%-ға ұлғайып, 7 202 млн м³ жетті (2023 жылы 7 008 млн м³ өндірілді)», – делінген компания хабарламасында.

Ақпаратқа сай көрсеткіштің артуына компанияның технологиялық процестерінің дамуы әсер етіп, ресурстарды тиімді басқару өз септігін тигізген. 

Негізінен газ өндіру деңгейінің өсімі «Өзенмұнайгаз» және «Маңғыстаумұнайгаз» компанияларына тиесілі болған. 2023 жылдың соңында өндірістік иегерілуі басталған Рожков кен...

АҚШ-тың жаңа сайланған президенті Дональд Трамп 7 қарашада Ресей президенті Владимир Путинмен телефон арқылы бейресми түрде тілдескен. Бұл туралы 10 қарашада The Washington Post (WP) басылымы жазды.

Басылымның жазуынша, американдық саясаткердің өзі Флоридадағы курортынан Ресей президентіне қоңырау шалған. Әңгіме барысында Ақ үйдің болашақ басшысы «Ресей президентіне Украинадағы соғысты өршітпеуге» кеңес берген. 

Трамп Путинмен соғыстың «тез тоқтатылуын» талқылау үшін тағы сөйлесуге дайын екенін айтқан. Ол Ресей басып алған аймақтардың тағдыры туралы да сөз қозғаған. Украина-Ресей шекарасының қазіргі қалыпта немесе 2014 жылғы қалыпта туралы талқылаған.

WP қоңыраудың бейресми болғанына назар аударған. Себебі Трамп әлі президенттік билікті алған жоқ және ел басшысы ретінде...

10 қараша әлеуметтік желіде азаматтық некедегі жарын өлтірген бұрынғы ұлттық экономика министрі Қуандық Бишімбаев түрмеден қашып кетті деген ақпарат тараған. Ішкі істер министрлігінің жанындағы қылмыстық-атқару жүйесі комитеті ақпаратты жоққа шығарды.

«Әлеуметтік желіде сотталған Қуандық Бишімбаев түрмеден қашты деген жалған ақпарат тарап жатыр. Бұл шындыққа жанаспайды. Сотталған азамат жазасын қауіпсіздігі барынша жоғары мекемеде өтеп жатыр», – делінген комитет жауабында.

Комитет жалған ақпарат тарату фактісі бойынша қылмыстық іс қозғалғанын атап өтті. Азаматтарды тек ресми дереккөздерге сенуге шақырды.

«Жалған ақпарат тарату бойынша қылмыстық іс қозғалғанын хабарлаймыз. Кінәлілер жауапқа тартылады», – делінген хабарламада.

Айта...

Қазақстандықтар Бразилияда жасөспірімдер арасында (U14-U18) шахматтан өткен әлем чемпионатында үш күміс пен бір қола медаль алып келді. Open 14 санатында халықаралық шебер IM Эдгар Мамедов, Girls 18-де WIM Амина Қайырбекова,  Open 18-де IM Алдияр Ансат күміс жүлдеге ие болды. Сондай-ақ Open 14 санатта халықаралық шебер IM Сауат Нұрғалиев қола медаль иеленді. Биылғы көрсеткіштерімен шахматшыларымыз өткен жылғы нәтижелерді жақсартты. 

U14–U18 әлем чемпионаты (FIDE World Youth Chess Championships 2024) 29 қазан мен 9 қараша аралығында Атлант мұхитының жағалауындағы Флорианополис қаласында өтті. Чемпионатта әлемнің 63 елінен келген 500-ден астам шахматшы сынға түсті. Командада 1 гроссмейстер (GM), қыздар арасында 1 гроссмейстер (WGM), 22 халықаралы...

Шығыс Қазақстан облысында автожолдар жабылды. Күн райы бұзылып, трассаларды көлікпен жүруге тыйым салынды. Бұрқасын жүріп, түтек болғасын, жолаушылар әуре-сарсаңға түсті.

«Қазавтожол» 10 қараша күні сағат 17:00-де мына учаскелер жабық болатынын хабарлады:

– Алматы – Өскемен – Шемонаиха – РФ шекарасы, 1123-1191 шақырым аралығы (Предгорное ауылынан Шемонаиха қаласына дейін);

– Алматы – Өскемен – Шемонаиха – РФ шекарасы, 1194-1212 шақырым, (Шемонаиха қаласынан РФ шекарасына дейін);

– Өскемен – Риддер – РФ шекарасы автожолының 15-105 шақырымы аралығы (Белоусовка ауылынан Риддер қаласына дейін).

Егер ауа райы жақсарса, автожолдар 11 қарашада, сағат 06:00-де ашылады.

9-10 қараша күндері Ақмола облысында бұрқасын салдарынан көлік қозғалысы қиындаған...

Дональд Трамп кезекті саяси науқанда басым дауыс жинады. Трамп «құбылмалы штаттардың» соңғысы – Аризонада 11 сайлаушының дауысына ие болды. Ол бұған дейін Пенсильвания, Мичиган, Висконсин, Солтүстік Каролина, Джорджия және Невада штаттарында Камала Харристі жеңді.

APNews хабарлағандай, Трамп жеті штат бойынша бас аяғы 312 дауыс жинады. Негізінен бұл жүйеде 270 дауыс жеткілікті. АҚШ-тағы Сайлау алқасы жүйесіне 538 сайлаушы қатысады.

Осылайша, кәсіпкер «құбылмалы штат» болып есептелінетін  Аризона, Джорджия, Мичиган, Невада, Солтүстік Каролина, Пенсильвания, Висконсинда қарсы кандидаттан басым түсті. АҚШ-тың 47-ші Президентінің инаугурациясы 2025 жылдың 20 қаңтарында өтеді.

10 қарашаға қараған түні Ресей әскерлері Украинаға 145 Shahed 131/136 дрондармен және белгісіз ұшқышсыз ұшақтармен шабуыл жасады. Әуе қорғанысы күштері 62 әуе нысанын атып түсірді. Бұл туралы Украина қарулы күштерінің Әскери-әуе күштері хабарлады.

Осылайша, оккупанттар уақытша басып алынған Қырымда орналасқан Приморско-Ахтарск, Орел, Брянск және Чауда мүйісі сияқты төрт бағытта дрондарды ұшырды.

Әуе шабуылына зениттік-зымырандық күштер, авиация, радио-электронды соғыс бөлімшелері, Әскери-әуе күштері мен қорғаныс күштерінің мобильді атыс топтары тойтарыс берді.

Сағат 09:30-дағы жағдай бойынша Әскери-әуе күштері Одесса, Киев, Житомир, Харьков, Полтава, Сумы, Винница, Хмельницкий, Чернигов, Днепропетровск, Николаев, Запорожье және Донецк облыстарында 62 ұшқышсыз ұшақтың құлатылғанын растады.

Тағы  ресейлік 67 ұшқышсыз ұша...

Алматының «Қайрат» футбол клубы ұзақ жылдар бойы көпшіліктің көзқуанышына айналған команда ретінде тағы бір мәрте биік белесті бағындырды. Биылғы маусымның соңғы турында «Қайрат» Атырауда жергілікті командаға қарсы ойнап, 0-1 есебімен жеңіске жетті. Бұл жеңістен кейін алматылық ұжым турнирлік кестеде 47 ұпаймен бірінші орынға ие болып, чемпион атанып отыр.

Сонымен қатар соңғы турда чемпиондыққа үміткер болған тағы бір кұрама «Астана» футбол клубы «Жетісуға» қарсы ойында 5-0 есебімен жеңіске жеткенімен, 46 ұпаймен екінші орынға тұрақтады. Ал, үздік үштікті «Ақтөбе» командасы түйіндеді.

Осылайша, былтырғы маусымда шымкенттік «Ордабасы» чемпион болса, биыл футболдан Қазақстан премьер-лигасының чемпионы «Қайрат» атанды.

Айта кетейік, «Қайрат» соңғы рет...

Қазақстанның халық әртісі Димаш Құдайберген Парижде салтанатты фототүсірілімге қатысты. Сән-салтанатты, маңғаз шаһар Димашты еліне жібергісі жоқ.

ҚР Президентінің жұмыс сапарынан кейін әнші Франция астанасында қалып қойған. Оның Schiaparelli сән үйінің өтініші бойынша фототүсірілімдерге қатысып жатқанын жанкүйерлері хабарлады.

Schiaparelli сән үйін 1927 жылы  аристократ отбасында тәрбиеленген Эльза Скиапарелли ашқан. Алғашқы кезде шағын шеберханада жұмыс істейді. 1934 жылы Париж маңындағы Вандом алаңында алғашқы дүңгіршегін ашады. Осыдан кейін сән әлемінде даңқы шартарапқа...

2024 жылдың сегіз айында Қазақстандағы ресейлік табиғи газ импорты екі есе өсті.

Қаңтар-тамыз айларында Ресей жалпы сомасы 353 млн 400 мың доллар болатын көгілдір отын жіберді. Бұл көрсеткіш, былтырғы сәйкес кезеңімен салыстырғанда, 2,1 есе көп. Осы жолы ресейлік газ импортының жалпы көлемі сауда айналымы тарихы бойынша ең жоғары деңгейге жетті.

Қазақстан қаңтар-тамыз айларында Мәскеуден мұнай өнімдерін сатып алуды 2,5 есеге – 191,5 млн долларға дейін қысқартты. Автобензин импорты 587 мың долларға, ал дизельдік отын 9 миллион долларға жуықтаған.

Ресейдің кокстың импортын 15,4%-ға ұлғайып, 103,5 млн долларға жеткізді. Көмір тасымалы 1,6 есе артты.

Ресей импорт бойынша Қазақстан үшін басты серіктес. Сегіз...

Астана халықаралық әуежайынының баспасөз қызметі рейстердің кешіктіріліп жатқанын хабарлады.

10 қараша күні әуежайда 75 рейс бойынша ұшу-қону кестесі жарияланды. Бірақ соның алтауы бойынша ұшақтар кешігіп жатыр. Бірақ баспасөз қызметі оның себебі ауа райына байланысты емес екенін хабарлады.

«Ауа райының қолайсыздығына байланысты рейстердің кешігуі немесе тоқтатылуы орын алған жоқ», – делінген хабарламада.

Елордадан Мәскеу, Атырау, Франкфурт, Алматы, Қызылорда, Шымкетке жолаушыларды алып баруы тиіс ұшақтар орнынан қозғалмаған:

Жолаушылар рейстер туралы ақпаратты www.nn-airport.kz сайтынан біле...

Еуропа Одағы (ЕО) Ресейге қарсы санкциялардың 15-ші пакетін әзірлеп жатыр. Бұл туралы 9 қарашада Киевте өткен баспасөз мәслихатында Еуропа Одағының дипломатия басшысы Жозеп Боррелл мәлімдеді.

«Мен алғашқы кезде санкциялар туралы айттым. Иә, біз Ресейге қарсы 15-ші санкциялар пакетін дайындап жатырмыз. Біз санкциялардан жалтаруға жол бермеу мақсатында күресті күшейтуіміз керек», – деді ол Киевте өткен баспасөз мәслихатында.

Еуропалық комиссияның баспасөз қызметі Борреллдің Америкадағы Президент сайлауынан кейін Украинаны қолдауды күшейту маңызды екенін туралы айтқанын жариялаған.

Бұдан бұрын, 21 қазанда Politico Ресей Федерациясынан энергия экспортына тыйым салу 15-ші санкциялар пакетінің негізіне айналады деп жазды.

Санкция аясында Брюссель ЕО-ға мүше елдерд...

Үш ірі мұнай компаниясының басшылары бірігу туралы келіссөздер жүргізуде.  The Wall Street Journal дерегі бойынша жаңа корпорация әлемдегі екінші ірі мұнай өндірушіге айналуы мүмкін.

Ресей билігі үш ірі мұнай компаниясын – Роснефть, Газпром Нефть және Лукойлды біріктіру жоспарын әзірлеуде. Біріккен корпорация Сауд Арабиясының Aramco компаниясынан кейінгі әлемдегі екінші ірі мұнай өндірушіге айналуы мүмкін.

Компанияларды біріктіру туралы келіссөз бірнеше ай бойы жүргізілуде.

Жаңа компания Кремльдің әлемдік мұнай нарығын бақылауын күшейтеді деп жазды WSJ.

Сарапшылар болжамы бойынша «Роснефть» мемлекеттік корпорациясы «Газпром нефть» пен Ресей Федерациясындағы ең ірі мемлекеттік емес мұнай өндіруші «Лукойл» компаниясын қарамағына алады. Жаңа корпорация Ресей...

10 қараша күні Мысырда автобус апатынан 41 адам жарақат алды. Шетелдіктер арасында үш қазақстандық  бар. Жол-көлік оқиғасы Рас-Сидра қала маңында болды, деп жазды Cairo24.

Жолаушылардың көбі – Ресей мен Украина азаматтары. Жергілікті тұрғындар да автобуста болған.

«Ресей мен Украинадан келген 31 турист зардап шеккен, одан бөлек үшеуі Қазақстаннан, үшеуі Әзірбайжаннан, тағы төртеуі мысырлық екені анықталды», – деп жазды аталған ақпарат құралы.

Әртүрлі деңгейде жарақат алған барлық адам ауруханаға жеткізілді.

Суэц каналына жақын жерде автобус аударылып қалған. Оқиғаның мән-жайы анықталуда.

Қорғаныс министрлігінің баспасөз қызметі Ақтөбе облысындағы тікұшақ апатында қаза тапқан офицер туралы мәлімет берді.

«Ақтөбе облысындағы оқу-жаттығу ұшуы кезінде болған авиациялық апат салдарынан 1988 жылы туған Әуе қорғанысы күштері әскери институты авиациялық эскадрильясының офицер-нұсқаушысы майор Батыр Қайратұлы Оразымбетов қайғылы жағдайда қаза тапты»,- делінген министрлік хабарламасында.

Баспасөз қызметінің хабарлауынша, Батыр Оразымбетов Әуе қорғанысы күштері әскери институтын 2009 жылы тәмамдаған. Мамандығы – ұшақтар, тікұшақтар және авиациялық қозғалтқыштар саласымен байланысты.

Өзінің қызмет жолында Әуе қорғанысы күштерінде түрлі лауазымдарды атқарған. Офицердің МИ-8 тікұшағын пайдалануда үлкен тәжірибесі бар екені айтылады. Оның жалпы ұшу уақыты 500 сағаттан асады.

Қазақстандық сауда және ойын-сауық орталықтары біртіндеп, бірнеше қызмет түрлерін ұсынатын коммерциялық нысандарға айналып жатыр. Бұл кешендерден тамақтандыру залдары мен қонақүйлер, кітапханалар мен коворкинг орталықтары ашылып жатыр. Алайда мұндағы қызмет түрлерінің барлығы да тікелей кіріс әкеліп жатыр деп айта алмаймыз. Десе де, мұндай шаралар әлеуетті тұтынушыларды тартуға мүмкіндік бермек. Ойын-сауық орталықтарының бұлайша өзгеруі салаға қалай әсер етіп жатқанын KURSIVMEDIA редакциясы зерттеген болатын.

Өсіп келе жатқан тұтынушылық сұраныс және жаңа халықаралық брендтердің келуі сауда алаңдарға сұраныстың артуына жол ашты. IBC Real Estate мәліметтері бойынша бүкіл ел бойынша жоғары сапалы сауда орталықтарындағы бос орындар деңгейі 3%-дан аспайды. Ал халықаралық сатушылар кейбір сауда...

Әр ата-ана баласын уайымдайтыны белгілі. Әсіресе, гаджет көбейген заманда «қайтсем жаман нәрседен қорғаймын» деп ойлайды. Мұндайда «Ата-ана бақылауы» деген функция көмектеседі. Қосып қойсаңыз, балаңыздың көретін контентін бақылап, уақытын смартфон мен компьютерге үңіліп өткізбеуін қадағалайсыз. Мұндай бағдарламаларды қалай орнатып, баптауға болады? Функцияның жұмыс істеу тәртібі қандай? Осы туралы айтайық.

Ата-ана бақылауы деген не?

Ата-ана бақылауы — балаларға зиян контент көрсетпейтін және гаджет, интернет не белгілі бір мобайл қолданбаларды ұзақ қаратпайтын функцияларды атқаратын бағдарламалар. Егер осы функция қосулы болса, онда бастауышта оқитын балаңыз боқтық сөзі, жаман сахналары бар контентті көре алмайды. Ал жасөспірім кезге таяп қалғандарына 18+ видеолар кез болмайды. Жалпы...

Ұлттық қауіпсіздік комитеті Орал сотының төрағасы Руслан Жұмағұловқа қатысты қылмыстық іс қозғалғанын растады. Бұл жайлы ҰҚК-нің баспасөз қызметіне сілтеме жасай отырып, КазТАГ агенттігі хабарлады.

«Ұлттық қауіпсіздік комитеті бұл факті бойынша сотқа дейінгі тергеп-тексеру жүргізіп жатыр», – деп хабарлаған комитеттің баспасөз қызметі.

Айта кетейік, 6 қарашада Астана қаласының арнайы ауданаралық тергеу сотында Ұлттық қауіпсіздік комитетінің осы іс бойынша өтініші қарастырылғаны туралы хабар тарады. Алайда Астана тергеу соты «ақпаратты БАҚ-қа беру құзырына кірмейтінін» айтып, қабылданған шешімге қатысты мәлімет беруден бас тартқан болатын.

Еске сала кетсек, Астананың тергеу соты 7 қарашада Орал қалалық сотыны...

Елге контрафактілік iPhone 16 және компанияның басқа да жасанды құрылғылары кіргізілмейді. Әділет министрлігі «Apple» компаниясымен ынтымақтастық туралы келісімге келген. Министрліктің «Apple» компаниясымен контрафактіге қарсы күресте ынтымақтастықты күшейтетіні туралы ведомствоның баспасөз қызметі хабарлады.

«Әділет вице-министрі Ботагөз Жақселекова «Apple» Europe Ltd компаниясының өкілі Х.Смит ханыммен кездесті. Кездесу барысында зияткерлік меншік құқықтарын қорғаудың және контрафактілік өнімдермен күрестің өзекті мәселелері талқыланды»,- делінген хабарламада.

Ботагөз Жақселекова Әділет министрлігінің Дүниежүзілік зияткерлік меншік ұйымымен (ДЗМҰ) бірлесе отырып, салада кешенді жұмыстар атұарылып жатқанын атап өткен. Нарықтардың тұрақты тексеріліп, құқық бұзушылықтардың алдын алу шаралары жүргізілетінін атап өткен министрлік өкілі мамандарды оқыту және...

Жекешелендірудің екінші толқынының мақсаты мемлекеттік сектордың ЖІӨ-дегі үлесін 15%-ға дейін қысқарту болған. Мұны формальды түрде орындаған үкімет жекешелендіру үрдісін жалғастырып жатыр.

10 жыл бұрын жекешелендірудің екінші толқыны басталғанда, бұл процестің мақсаты ЖІӨ-дегі квазимемлекеттік сектордың үлесін азайту болған. 2014 жылдың ақпан айында Қазақстанның Тұңғыш Президенті Нұрсұлтан Назарбаев үкімет пен «Самұрық-Қазына» Ұлттық әл-ауқат қорының алдына Yellow Pages ережесінің принциптері негізінде мемлекеттік кәсіпорындарға талдау жүргізу, жекешелендіруге арналған активтер тізбесін айқындау және жекешелендіруді шоғырландыру жөніндегі стандарттар жобаларын әзірлеу міндетін қойды.

«2020 жылға қарай мемлекет меншігінің үлесін ЭЫДҰ елдерінің деңгейіне – ЖІӨ-нің 15%-ына жеткізу керек», – деді Назарбаев. Мемлекет басшысыны...

Ақтөбе облысында Қорғаныс министрлігінің МИ-8 тікұшағы құлап, 1 адам қаза тапты. Бұл жайлы Төтенше жағдайлар министрлігі хабарлады.

«Бүгін, 9 қарашада сағат 11:40-та 112 нөміріне Ақтөбе облысы, Мәртөк ауданы Сарыжар ауылының ауданында тікұшақтың қатты қарқынмен қонғаны туралы хабарлама келіп түсті. Әуе кемесі, болжам бойынша, ҚР Қорғаныс министрлігіне тиесілі»,- делінген хабарламада.

Министрліктің хабарлауынша, оқиға орнына ТЖД жеке құрамынан 23 адам мен 5 бірлік техника жіберілген. ТЖМ құтқарушылары өртті сөндіріп, бортта болған азамттарды құтқару шараларын жүзеге асырған. МИ-8 тікұшағының бортында 3 адам болған. Олардың біреуі оқиға орнында қаза тапқан.

Ал апатта жарақаттанған екі адам жедел...