Жаңалықтар

Astana International Exchange (AIX) биржасындағы жыл басынан бері сауда айналымы 1 млрд доллардан асты. Бұл көрсеткіш AIX-тің жалпы сауда көлемін 2 млрд долларға жеткізді.

Егер алғашқы миллиард долларлық белеске жету үшін биржаға бес жыл қажет болса, екінші миллиард доллар айналымы 10 ай ішінде қалыптасқан.

Сауда көлемінің қарқынды өсуі жергілікті нарық қатысушыларының белсенділігіне, шетелдік жеке және институционалдық инвесторлардың сандық артуына байланысты болған.

Сонымен қатар құнды қағаздар қатарының артуы да сауда көлемінің күрт өсуіне ықпал етті. Қазіргі кезде биржада 230 құнды қағаз саудаланып жатыр, оның ішінде 100-і тек 2024 жылы тіркелген. AIX басқарма төрайымы Әсел Мұқажанова: «Біз болашақ дамуға...

Мәжіліс депутат Бақытжан Базарбек «Жер қойнауы және жер қойнауын пайдалану туралы» әзірленіп жатқан заңды сынға алды. Заңға өзгеріс ретінде ұсынылып отырған нормаларды ол «анти-халықтық, анти-конституциялық» деп бағалады. Сонымен бірге кей нормалардың олигархтардың мүддесін қорғайтынын жеткізді.

Депутат жаңа заң нормаларының жер қойнауын пайдаланушылардың мүддесін көздеп отырғанын айтты. Базарбек заңдағы: «Егер мұндай құжаттар мен ақпаратты бірыңғай порталда мемлекеттік ақпараттық жүйелерден алуға болатын болса, басқа тұлғаларға есеп беру және құжаттар ұсыну талап етілмейді» делінген норманы ақпарат еркіндігіне қайшы деп санайды.

«Заңда осындай бір қызық норма бар. Мен осы салада жүрген соң білем, заңгерлер қандай да бір ақпаратты...

Kcell компаниясы нарықтан тағы 30 млрд теңге тартуға ниетті. Бұған дейінгі облигациялық бағдарлама 70 млрд теңгеден 100 млрд теңгеге жетпек. Нәтижесінде ақционерлік қоғам биржадан 100 млрд теңге қарыз алады. Бұл туралы Қазақстан қор биржасына жіберген хабарламасында жазылған.

Компанияның купондық облигациялары Astana International Exchange алаңында орналастырылады. Kcell бұған дейін осы бағдарлама аясында үш траншпен 70 млрд теңгенің бағалы қағазын шығарған. Бұл қағаздың пайыздық мөлшерлемесі өзгермелі болды.

Бастапқыда Kcell нарыққа 700 облигация шығарып, сырттан 70 млрд теңге тартты. 11 маусымда компания екінші шығарылымды орналастырып, 25 млрд теңге тартуды жоспарлап отырғанын хабарлады.

Енді шығарылатын 1 купондық облигацияның номиналы – 100 млн...

Қайрат Сатыбалдының анасы, марқұм Назарбаева Светлана Мырзахметқызы Қазақстанда қандай кәсіппен айналысты? KURSIVMEDIA оның активтері туралы ақпарат іздеп көрді.

Светлана Назарбаева дара кәсіпкерлікпен айналысып, «Аружан» атты компанияға иелік еткен. Бұл компания жылжымайтын мүлікті жалға беріп, басқарумен айналысты.

Одан бөлек марқұмның атында «ИНТЕРДИЗАЙН-АС» ЖШС болған. Жалға алынған жылжымайтын мүлікті субарендаға берумен айналысып келген компания 2015 жылдан бері 374,7 млн теңге көлемінде салық төлеген.

Сонымен бірге Назарбаева «Дәуір» полиграфиялық баспа кешеніне де иелік еткен. Көпшілікке танымал бұл баспа 2003 жылдан бері жұмыс істеп келеді. Ашық деректерде компанияның баспа ісімен және басқа да нақтыланбаған көтерме саудамен айналысатыны жазылған. Баспа 2015 жылдан...

Жауын кезінде таксиге тапсырыс беретін адамдардың көбеюінен оның бағасы шарықтап кетеді. Бұл туралы Алматыда өтіп жатқан KURSIV ECOSYSTEMS форумында Қазақстандағы Яндекс Go жетекшісі Тимур Байдүйсен айтты.

Оның айтуынша, ауа райының құбылуына байланысты такси бағасының шарықтап кетуі екі факторға байланысты болады. Біріншісі, таксиге тапсырыс беруші адамдардың күрт артуы, екінші сол маңдағы такси жүргізушілерінің аз болуы.

«Мәселен, өтіп жатқан форум айналасында жүрген жүргізушілердің шамамен 5%-ы бос делік. Форум аяқталғаннан кейін бәріміз жаппай тапсырыс берсек, сұраныс 20-30% артады да такси жүргізушілері жетпей қалады. Сол үшін бағаны көтеру арқылы сұранысты қалыпты ұстау мүмкін болады», – дейді Яндекс Go жетекшісі.

Ол...

Егер Ресей FATF-тың (Халықаралық ақша жылыстатуға қарсы күрес тобы) қара тізіміне енсе, бұл Қазақстан банктерінің Ресей қаржы ұйымдарымен байланысын едәуір қиындатады. Екі ел арасындағы ақша аударымдары қымбаттап, комплаенс-процестер қайта қаралуы керек, сондай-ақ бизнес жүргізу қиындай түседі. KPMG Кавказ және Орталық Азиядағы серіктесі, форензик департаментінің басшысы Фаррух Абдуллаханов осылай деп тұжырымдайды.

2024 жылдың 15 қазанында Ресейді FATF қара тізіміне енгізу мәселесі қаралатыны белгілі болды. Бұл тізімге ақша жылыстату мен терроризмді қаржыландыруға ден қойған мемлекеттер кіреді.

Тексеріс неге күшейді?

Егер Ресей қара тізімге енсе, ол FATF-тың нысанасына іліккен төртінші ел болады. Қазіргі кезде бұл тізімде Иран, КХДР және Мьянма бар...

Әуе билеттерінен ақша үнемдеудің көптеген тиімді жолдары бар. Соңғы уақытта әуе компаниялар акциялар, жеңілдіктер және арнайы ұсыныстарды жиі жариялайды. Алайда арзан билеттерді табу үшін белгілі бір ережелерді ұстану маңызды.

Әуе компаниялардың акцияларын қадағалау

Әуе компаниялар көбіне арнайы акциялар ұйымдастырып, белгілі бір бағыттарға жеңілдіктер ұсынады. Мысалы, FlyArystan, Air Astana, SCAT сияқты компаниялар жыл сайын бірнеше рет үлкен жеңілдіктер жариялайды. Бұл акциялар кезінде билеттер 30-50%-ға дейін арзандауы мүмкін.

Қазақстандық және халықаралық әуе компаниялар арзан билеттерге арналған акциялар мен жеңілдіктерді жиі жариялап отырады. Мысалы, FlyArystan төмен бағалы тасымалдаушы ретінде белгілі бір уақыттарда өте тиімді ұсыныстар жасайды. Олардың белгілі уақытта жарияланған...

SAP Cloud бағдарламалық жасақтамасын жасаушы германиялық компания «бұлтты» технологиялардан түскен кірістің 25%-ға өскенін мәлімдеді. Бұл компанияның жергілікті бағдарламалық жасақтамадан бас тартып, «бұлтты» шешімдерге ойысуымен және жасанды интеллектіні (ЖИ) бизнеске енгізуімен байланысты.

Компанияның акциялары Франкфурт биржасында 5%-ға өсіп, тарихи тұрғыдан ең жоғары деңгейге жетті деп хабарлады CNBC. Бұған дейін Нью-Йоркте компанияның депозитарлық қолхаттары 3,5%-ға көтерілсе, сейсенбі күні премаркетте тағы 5%-ға артты.

Дәлірек айтсақ, үшінші тоқсандағы есебінде SAP Cloud кірісі 4,35 млрд еуроға жеткен. SAP бас директоры Кристиан Кляйннің айтуынша, үшінші тоқсанда компанияның «бұлтты» қызметтер бойынша келісімдерінің шамамен үштен бірі ЖИ шешімдерін қамтыған.

SAP-тың «бұлтты» технологиялардан түскен кірісінің өсуі аналитиктердің болжамдарына...

Қазақстанның бұрынғы президенті Нұрсұлтан Назарбаевтың келіні Светлана Назарбаева қайтыс болды. Ақпаратты алғашқы болып Yedilov online телеграмм-арнасы жария етті.

Арнаның ақпаратына сүйенсек, Назарбаева 77 жасында қайтыс болған.

Айта кетейік, Светлана Назарбаева Нұрсұлтан Назарбаевтың інісі Сатыбалды Назарбаевтың әйелі болған. Сатыбалды Назарбаев 1981 жылы қайтыс болған. Олардың Қайрат Сатыбалды және Самат Әбіш деген екі ұлы бар.

Ашық дереккөздердегі ақпаратқа сәйкес, Светлана Мырзахметқызы Назарбаева Алматы облысындағы Лепсі ауылында дүниеге келген. Филолог, педагогика ғылымдарының доктор, 40-қа жуық ғылыми-методикалық еңбек пен 8 оқулықтың авторы. 2003 жылдан бері республикалық «Дәуір» полиграфиялық баспа комплексін басқарып келген. Еңбегі үшін «Парасат» және «Ерен еңбегі үшін» медальдарымен марапатталған.

Айта кетейік...

Tele2 және Altel компанияларын қатарлық инвесторға сату бойынша келісім қашан аяқталады? Бұл сұраққа KURSIV ECOSYSTEMS форумы барысында «Қазақтелеком» басқарма төрағасы Бағдат Мусин жауап берді.

«Келісімді кем дегенде жылдың соңына дейін аяқтауды мақсат етіп отырмыз. Бірақ түрлі жағдайлар туындауы мүмкін. Ондай кезде біз түсіністік танытуымыз керек», – деді Мусин

Бұл ретте ол негізгі келісім жасалып қойғанын еске салды.

«Екінші тарап шетелдік инвестор болғандықтан, ортада рәсімделуі керек құжаттар бар. Біз барлық мүдде сақталатын және тиісті төлемдер жасалатын өзара тиімді бағыттарды іздейміз. Сондықтан мерзімін айтар болсам, жыл соңына дейін мәміле аяқталады деп...

Қазақстанның бірінші ракеткасы Елена Рыбакина тағы бір халықаралық турнирде, атап айтқанда Билли Джин Кинг Кубогында ұлттық құрама сапында жоқ. Бұл ақпарат ресми түрде Билли Джин Кинг Кубогының (әйелдер арасындағы командалық әлем чемпионаты) ресми сайтында жарияланды.

Алдағы плей-офф кезеңінде Қазақстан құрамасы Оңтүстік Кореямен кездеседі. Ресми сайтта команданың құрамында Юлия Путинцева (әлемдік рейтингте 29-орында), Жібек Құламбаева (311-орын), Зарина Дияс (379-орын), сондай-ақ жұптық ойындардың 23-ракеткасы Анна Данилина бар.

Рыбакинаның турнирге қатыспау себептері әзірге белгісіз. Алайда Қазақстанның басқа ойыншылары өздерінің тәжірибесі мен дайындықтарын көрсете отырып, қарсыласқа қарсы лайықты ойын көрсететініне сенім мол.

Кореялықтармен кездесу 16-17 қарашада Астанадағы Ұлттық теннис орталығында өтеді.

Еске сала кетейік...

Өзбекстан балаларды тұрмыстық зорлық-зомбылықтан қорғайтын заң нормасын енгізді. Бұл жайлы елдің Әділет министрлігіне сілтеме жасай отырып, бұқаралақ ақпарат құралдары хабарлады.

«Президент Шавкат Мирзиёев отбасылық зорлық-зомбылықтан қорғау шараларын күшейтуге бағытталған өзгерістерді мақұлдады»,- деп хабарлаған ел басылымдары.

Өзбекстан президенті мақұлдаған бұл нормаға сәйкес, елдің Қылмыстық кодексі мен Әкімшілік жауапкершілік туралы кодексіне өзгерістер енгізіледі.

Атап айтқанда, Өзбекстанның Әкімшілік жауапкершілік туралы кодексінің 59-2-бабы отбасылық (тұрмыстық) зорлық-зомбылық және Қылмыстық кодекстің 126-1-бабы отбасылық (тұрмыстық) зорлық-зомбылық балаға тұрмыстық зорлық-зомбылық жасағаны үшін жауапкершілікті белгілейтін нормамен толықтырылады.

Сонымен бірге өзгеріске сәйкес, тұрмыстық зорлық-зомбылыққа байланысты істер бойынша екі тараптың татуласу процесі тек...

Ресейлік JSC Raiffeisenbank Астана халықаралық қаржы орталығында тіркелді. Сонымен қатар ол AIX биржасында кастодиан-банк ретінде тізімде тұр.

JSC Raiffeisenbank – аустриялық Raiffeisen Bank International AG-дің Ресейдегі еншілес ұйымы. Қаржы ұйымының 100% акциясы халықаралық қаржы тобына тиесілі.

Алайда Ресей сотының шешімімен 2024 жылдың қыркүйегінде бұл акцияларға қатысты бүкіл операцияларға тыйым салынған. Шешім Ресейде Rasperia Trading Limited компаниясының STRABAG SE, оның аустриялық негізгі акционерлері және Raiffeisenbank-ке қарсы басталған сот процестеріне байланысты шыққан. «Райффайзенбанк» АҚ шағымда басқа жауапкерлерге қатысты ұйым ретінде көрсетілгенімен, бірақ ешқандай айып тағылмаған.

Bloomberg басылымының жазуынша, Ресей батыс елдерінің санкцияларына байланысты шетелдік банктердің елдегі активтерін...

Мемлекеттік реттеуші органдардың маркетплестер жұмысына шамадан тыс араласуы Қазақстандағы электронды коммерцияның дамуына кедергі келтіреді. Бұл туралы KURSIV ECOSYSTEMS форумы кезінде Ozon компаниясының Қазақстандағы басшысы Мөлдір Рысалиева айтты.

«Мемлекеттік реттеу туралы айтатын болсақ, қазір электронды коммерцияның даму қарқыны аса жоғары екенін ескеру қажет. Ол күнделікті дамып отырады. Мемлекеттік органдардың шамадан тыс реттеуге тырысуы электронды коммерцияның дамуына кедергі келтіреді», – дейді ол.

Рысалиеваның айтуынша, мемлекет электронды коммерцияның артуына мүдделі бола тұра реттеуші болғысы келеді және бірінші кезекте маркетплейстерді бақылау тетігіне ие болуды көздейді.

«Реттеуге қатысты талқылаулардың сорақы тұсы мұны заң жүзінде бекіткісі келед...

Астана мәслихаты кондоминиум объектілерін күтіп ұстауға кететін шығыс көлемін 1 шаршы метр үшін 57 теңге көлемінде бекітті. Бұл жайлы «Ашық НҚА» порталына орналастырылған құжатта жазылған.

Құжат 2025 жылға кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең аз мөлшерін қолдануды көздейді

«Астана қаласында 2025 жылға арналған кондоминиум объектісін басқаруға және кондоминиум объектісінің ортақ мүлкін күтіп-ұстауға жұмсалатын шығыстардың ең төменгі мөлшері 1 шаршы метр үшін 57 теңге сомасында бекітілсін»,- делінген құжатта.

Бұл көлем «Тұрғын үй қатынастары туралы» Қазақстан Республикасы Заңы 10-3 бабының 1-тармағына, Қазақстан Республикасы Индустрия және инфрақұрылымдық даму министрінің міндетін атқарушысыны...

Qazaq Bank-тің бұрынғы акционері және Алматының экс-әкімі Бақытжан Сағынтаевтың күйеу баласы болған Бақыт Ибрагимнен тәркіленген коттедж қайтадан сатылымға қойылды. Алматы қаласы мемлекеттік активтер басқармасы мүлікті осы жолы 380 миллион теңгеге сатпақшы.

«Тұрғын үйдің жалпы ауданы 272,5 шаршы метр, 2003 жылы салынған және Медеу ауданындағы Керей мен Жәнібек хан көшесінде орналасқан. Үйдің жағдайы қанағаттанарлық. Бағалау құны — 380 323 243 теңге, бағалау күні: 2024 жылдың 21 тамызы», — деп жазылған хабарландыруда.

Сауда-саттық 5 қарашаға жоспарланған. Аукционға қатысушылар 57 млн теңге кепілдік жарнасын құюы шарт.

Дәл осы үйді екі жыл бұрын 270 миллион...

Бостандығы екі жылға шектелген Нұрасыл Болат ақыры қамалды. Енді ол 1,5 жыл бойы жазасын түрмеде өтейді. Алматы соты депутаттың баласын 17 айға қауіпсіздігі орта колонияға жіберуге шешім қабылдады.  

Сот барысында Нұрасылдың 12 қазанда таңғы сағат 4-те караокеге барғаны анықталып отыр. Мұны айыпталушы «досымнан бақылаушы-браслеттің қуаттағышын алуға бардым» деп түсіндірген.

Осы уақытқа дейін Нұрасыл Болат жазасының алты айын өтеп үлгерді. Енді бір жыл бес ай 10 күн қалған еді. Пробация қызметінің өкілі соттан қалған мерзімін бас бостандығынан айыруға ауыстыруды сұрады.

Қуандық Бишімбаевтың ісі бойынша танылған адвокат Назкен Құсайынова болса, Дәулет Тұрлыхановтың ұлын бас бостандығынан айырмауды өтінді.

Сотталушының әкесі Дәулет...

«Қазақтелеком» 1 млн қазақстандықты талшықты-оптикалық интернетпен қамтамасыз ету үшін шамамен 400-500 млрд теңге жұмсауды жоспарлап отыр. Бұл туралы KURSIV ECOSYSTEMS форумы барысында «Қазақтелеком» басқарма төрағасы Бағдат Мусин айтты.

Оның айтуынша, Қазақстанда 1,8 млн-ға жуық отбасы «Қазақтелекомның» талшықты-оптикалық және сымды интернетін пайдаланады. Оның 1 млн-ға жуығы Кеңестік кезеңде, яғни мыс сымдармен тартылған инфрақұрылымды пайдаланады. Бұл жүйенің қызметі талшықты-оптикалық сымдарға қарағанда шектеулі.

Ал қалаларда тұратын 800 мың абонент бар. Оларға оптикалық желі тартылған. Ал оның 580 мыңы интернетті сапалы дей алмайды. Себебі құрылғылары ескірген. Өйткені 5-10 жыл бұрын орнатқан құрылғылардың мүмкіндігі шектеулі.

«Сондықтан жыл соңына дейін...

Саран қаласындағы тұрмыстық техника шығаратын зауыт құрылысына Ұлттық қордан 5 млрд теңге бөлінген. 2023 жылы іске қосылған кәсіпорын Қарағанды облысындағы Саран индустриалды аймағында РТИ зауытының орнында орналасқан. Қазір зауыт шығарған өнім Artel брендімен шығып жатыр, алдағы уақытта Samsung брендімен теледидар мен кір жуғыш машина шығармақ.

Ұлттық экономика министрлігінің КursivМedia сауалына жолдаған жауабында зауытқа қаржы Президент жарлығымен және 2022 жылғы инвестициялық келісімдер мен сауда келісімшарттарын іске асыру жөніндегі жол картасы негізінде бөлінгені жазылған.

«Саран қаласындағы тұрмыстық техника өндіру жөніндегі жобаны іске асыруға 5 млрд теңге мөлшерінде нысаналы трансферт бөлінді», – делінген министрлік жауабында.

БҰҰ жанындағы КХДР өкілеттілігі солтүстіккореялық солдаттардың Ресейге жіберілгені туралы ақпаратты «негізсіз қауесет» деп атады. Солтүстік Корея «Ресеймен қарым-қатынас заңды және ынтымақтастыққа негізделген» деп есептейді.

«Ресеймен әскери ынтымақтастыққа келсек, менің делегациям негізсіз, стереотипті қауесеттерге түсініктеме берудің қажеті жоқ деп біледі. Мұндағы мақсат – КХДР-ді қаралау, екі мемлекет арасындағы заңды, достық және серіктестік қатынасқа сызат түсіру», – деді Солтүстік Корея өкілі Нью-Йоркте орналасқан Бас ассамблеяның Қарусыздану және халықаралық қауіпсіздік жөніндегі бірінші комитетінің отырысында.

Бұл – осы мәселеге қатысты солтүстіккореялықтар тарапынан берілген алғашқы түсініктеме. Оңтүстік Кореяның барлаушылары КХДР-дың 1,5 мың солдаты Қиыр Шығыстағы ресейлік әскери базаға келгенін хабарлаған...

Freedom Holding Corp. бас атқарушы директоры Тимур Турлов цифрлық монополияға ешбір мемлекеттік реттеушінің қарсы күресе алмайтынын, үлкен компаниялардың мемлекеттік шекараға да мән бермейтінін атап өтті. Бұл туралы Турлов KURSIV ECOSYSTEMS форумында айтты.

«Монополияға қарсы реттеу жүйесі ескі деуге болады. Ол жүз жыл бұрын классикалық инфраструктуралық монополиялар кезінде пайда болған. Қазір реттеуші органдар цифрлық монополиямен не істеу болатынын білмейді», – дейді Турлов.

Кәсіпкердің айтуынша, әлемдегі әртүрлі елдердің реттеуші органдары үлкен корпорацияларға айыппұл төлетуге тырысқанымен, бұл монополияға қарсы күш бола алмайды. Керісінше, монополияның әлсіремеуі мемлекеттің оған қарсы күресетін тетігі жоғын көрсетеді.

«Мәселен, ЕуроОдақ Apple-ге чипт...

Экономистер ЖИ төңірегіндегі дүрбелеңді тағы да «доткомдар көпіршігімен» салыстырып жатыр. АҚШ-та экономиканың алғышартты индикаторлары күтілгеннен де қатты төмендеді. Ал банктердің акциялары Дональд Трамптың сайлауда жеңіске жету ықтималдығынан туындаған оптимизмнен кейін өсе түсті.

«ЖИ көпіршігі» «доткомдар көпіршігінен» де нашар болуы мүмкін

Goldman Sachs өкілі Джим Ковелло, Citadel компаниясының өкілі Кен Гриффен және нарық стратегі Эд Ярденни «ЖИ көпіршігі» «доткомдар көпіршігінен» де нашар болуы мүмкін екенін ескертті деп жазды Market Watch. Олар 2000 жылы интернет көпіршігінің шыңындағы компаниялардың табыстарын және 2024 жылы ЖИ-мен байланысты компаниялардың табыстарын салыстырды.

Профессор Джеффри Фанктың зерттеу нәтижелері бойынша, 2000 жылы интернет индустриясы 1,5 трлн доллардан...

Сергек ITS сарапшылары жол бойындағы жолақтардың арасында біріншісінен екіншісіне жиі ауысып, газды жылдам басатын жүргізушілердің қанша уақыт ұтатынын анықтады. Интеллектуалды көліктік талдау, мониторинг және көліктік болжау жүйесінің мәліметтері бойынша агрессивті көліктердің үнемдейтін орташа уақыты небәрі 42 секундты құрайды.

Зерттеу Алматыда бір апта бойы әл-Фараби даңғылының шығыс бағыттағы 16,5 км учаскесінде жүргізілді. Агрессивті іс-әрекет ретінде келесі параметрлер алынды: жүргізуші бір жолақтан екіншісіне бір реттен көп ауысуы, орташа жылдамдығы 50 км/сағаттан жоғары және жылдамдықты 65 км/сағ-тан күрт үдетуі.

Талдау жүргізілген аптада аталған учаскеде 66 мыңнан астам көлік өтті, оның 22 мыңы агрессивті жүргізу түрін көрсетті. Бұның 6 мыңы такси жүргізушілері. Сонымен қатар...

Kaspi.kz сервистерді жасау және технологияларды қолдауға шамамен 200 млн доллар жұмсайды. Бұл туралы KURSIV ECOSYSTEMS тәуелсіз форумында компания басшысы әрі негізін қалаушылардың бірі Михаил Ломтадзе айтты.

«Біздің миссиямыз – отбасылардың, кәсіпорындардың, кәсіпкерлердің өмірін жақсарту, жұмысты тиімдірек сату, сонымен бірге адамдардың өмірін ыңғайлы ету. Екіншіден, біздің миссиямызда географиялық шектеулер жоқ», – деді Михаил Ломтадзе.

Оның айтуынша, қазақстандық финтех компания осы тәжірибесін өзге елдермен бөлісіп келеді. Бұл ретте форум модераторы Kaspi.kz шағын және орта бизнесті дамыту үшін қандай қадамдар жасап жатқанын сұрады.

«Біз әзірлейтін технологиялар мен қызметтер біздің тарапымыздан үлкен инвестиция. Сервистерді жасау және технологияларды қолдауға...