Жаңалықтар

Шетел нарығына шығарылатын көмірдің заттай – 86 пайызы, бағалық мәндегі 50 пайызы Ресейге сатылады, деп хабарлайды Еnergyprom.kz.

2019 жылдың 12 айында елімізде  жалпы құны 360,1 млрд теңге болатын көмір мен лигнит өндірілген. Өнеркәсіптік өндіріс көлемі инфляция деңгейін ескере отырып, 2,2 пайызға қысқарыпты. Салыстыру үшін айтсақ, 2018 жылы бұл көрсеткіш 319,8 млрд теңгені құраған. 2018 жылдың қаңтар-желтоқсан аралығындағы нақты өсім оның алдыңғы жылмен салыстырғанда, 2,5 пайызға жоғары.   

Көмір Қазақстанның үш аймағында өндіріледі: Қарағанды, Павлодар және Шығыс Қазақстан облысы. Қарағанды облысында былтыр 192 млрд теңгенің көмірі өндірілсе, Павлодар облысында бұл көрсеткіш 136,2 млрд теңгені құрады. Ал ШҚО-да  2019 жылы қазылған көмірдің жалпы...

IBF нұсқасы бойынша орта салмақтағы әлем чемпионы атағы үшін Геннадий Головкин мен Камил Шеремета арасындағы жекпе-жек Қазақстанда өтетін болды.

Алғашында бұл кездесу 2020 жылғы 28-наурызда Чикагода (АҚШ, Иллинойс штаты) өтеді, деп жоспарланған болатын, одан кейін, жекпе-жекті өткізу датасы ретінде 11-сәуір аталған-ды. Алайда қазір кездесудің көрсетілген уақыттарда өткізілмейтіні белгілі болды. 

Головкин (40-1-1, 35 КО) мен Шеремета (21-0, 5 КО) арасындағы жекпе-жек мамыр айына ауыстырылды. Бұдан бөлек, жекпе-жектің АҚШ-та емес,Қазақстан аумағында өткізілуі әбден ықтимал.

Естеріңізге салсақ, GGG мұның алдындағы жекпе-жегін 2019 жылғы қазанда өткізген болатын. Ол кезде қазақстандық боксшы төрешілердің бірауызды шешімімен украиналық Сергей Деревянченкодан (13-2, 10 КО) басым түсіп, IBF нұсқасы бойынша...

ҚР Ұлттық экономика министрі Руслан Дәленов наурыз айынан бастап Qatar Airways әуе компаниясы Нұр-Сұлтан мен Алматы қалаларына жолаушы және жүк тасымалдай бастайды деп мәлімдеді. 

Қазақстан мен Катар арасындағы әуе қатынасының жолға қойылуы жолаушы және жүк тасымалының артуына ықпал етпек. 

Министр былтыр қараша айында Қазақстан мен Катардың авиациялық билік өкіллдері әуе қатынасы туралы Меморандумға қол қойғанын еске салып өтті:  аталмыш құжат Қазақстанда енгізілген «ашық аспан» режимі аясында катарлық компанияларға почта мен жұк тасымалдауға мүмкіндік береді.

Меморандумға сәйкес, Qatar Airways авиакомпаниясы Нұр-сұлтан мен Алматы қалаларында аптасына жеті рет жолаушы тасып, сондай-ақ Дохо мен Алматы арасында жеті жүк рейсін орындай алады. Алғашқы рейстер...

2020 жылдың тамыз айынан бастап, өзбек тілінде латын қарпімен таңбаланбаған кейбір тауарлар сәйкестік сертификатын ала алмайды. Өзбекстан президенті тиісті қаулыға қол қойды.  

Өзбекстанда міндетті сертификаттаудан өтуі тиіс тауарлар қатарына: тамақ өнімдері, алкоголь, темекі, дәрі-дәрмект, бояу, лак, парфюмерия және т.б. кіреді. Бұл тауарларды  Өзбекстан Республикасына мемлекеттік тілде таңбаланбаса да әкелуге және кедендік рәсімдеуге рұқсат етілген, алайда сатылымға тек сертификаты бар тауарлар ғана жіберіледі. 

Бұған дейін «Курсив» Өзбекстанда QR-кодтың көмегімен тауар қадағалау жүйесін кезең-кезеңмен енгізілетінін жазған еді, осы жүйенің арқасында тұтынушылар өнім туралы толық ақпаратты біліп, өзін контрафактіден қорғай алады.

Із-түзсіз жоғалған үш оқушы Алматыдағы су қоймаларанының біріне суға батып кеткен күйде табылған, деп хабарлайды Kursiv.kz. 

12-ақпанда үш бала із-түзсіз жоғалып кетті, олар сағат 13:00-де №184 мектепке кеткен, деп хабарлада алматылық волонтерлердің Instagram-дағы аккаунты.

13 –ақпанда құтқарушылар мен волонтерлердің іздеу тобы оларды өлі күйінде су қоймасынан тауып алды.

«Құтқару қызметтері Алатау ауданында жоғалған оқушыларды іздестіру шараларын тоқтатты. Өкінішке орай, Денис Мельников, Вадим Сизов, Сабыр Дүйсенғалиевтер қаза тапты. Жазым болған оқушылардың отбасылары мен жақындарының қайғыларына ортақтасып, көңіл айтамын. Полиция департаменті мен ТЖ қызметтеріне себептерді анықтау жөнінде арнайы топ құруды тапсырдым. Зардап шеккен отбасыларға көмек көрсетеміз. Тергеу барысы менің жеке...

ІІМ Қылмыстық-атқару жүйесі комитетінің төрағасы тағайындалды, -деп хабарлайды Polisia.kz.

Қазақстан Республикасы Президенті Әкімшілігімен келісе отырып, Ішкі істер министрінің бұйрығымен Қылмыстық-атқару жүйесі комитетінің төрағасы болып Жанат Болатұлы Ешмағамбетов тағайындалды.

Ешмағамбетов Жанат Болатұлы 1970 жылы туған, 1993 жылдан бері құқық қорғау саласында. Басшылық қызметтерде мол тәжірибесі бар. Әр жылдары Қарағанды және Солтүстік Қазақстан облыстарында Экономикалық және сыбайлас жемқорлық қылмысына қарсы күрес департаменттерін басқарған.

2016 жыл мен 2019 жылдары аралығында Әділет министрінің орынбасары лауазымын атқарған. 2019 жылдан бері Қазақстан Республикасы Ішкі істер министрлігі аппаратының басшысы болды.

Президент Қасым-Жомарт Тоқаев Ералы Тоғжановты ҚР премьер-министрінің орынбасары қызметіне тағайындау туралы жарлыққа қол қойды, деп хабарлайды Ақорданың баспасөз қызметі.

«Ералы Лұқпанұлы Тоғжанов Қазақстан Республикасы Премьер-Министрінің орынбасары болып тағайындалсын» делінген хабарламада.

Премьер-министрдің жаңа орынбасары 1963 жылы 13 мамырда Батыс Қазақстан облысында дүниеге келген.  Жоғары білімді: 1983-1988 жылдары  Е.А.Бөкетов атындағы Қарағанды мемлекеттік университетінде білім алса, 1991-1994 жж ҚР Ғылым Академиясының Мемлекет және құқық институтында аспирант және ғылыми қызметкер болған.

Мемлекеттік салада ұзақ жылдар қызмет етіп келе жатқан Ералы Тоғжанов әр жылдары Қарағанды облысы әкімінің орынбасары, ҚР Әділет министрлігі Дін істері комитетінің төрағасы, Маңғыстау облысының әкімі болған. 2019 жылы Кәсіподақтар ферерациясының төрағасы болып тағайындалған.

Коронавирус эпидемиясы құрбандарының саны 1068 адамға жетті, деп хабарлайды ҚХР Хубей провинциясының гигиена және денсаулық сақтау комитеті. 

33,3 мың  адам инфекция жұқтырса, ресми дерек бойынша, өлім-жітім 3,2 пайыз деп көрсетілген.

Сонымен қатар 77 мыңнан аса тұрғын дәрігерлердің бақылауында болса, 11,2 адам вирус жұқтырды деген қауіппен карантинге алынған.

Айта кетейік, Қазақстанның 300-ден аса азаматы Қытайда қатерлі індеттің таралуына қарамастан, сол елде қалуға ниет білдірген.
 

Morgan Stanley агенттігінің сарапшылары коронавирус індетінің таралуына байланысты мұнай бағасы мен қара алтынға деген сұраныс төмендейді деп болжам жасап отыр. Бұл індеттің салдарынан темір жол және әуе тасымалы 60-70 пайызға қысқарған, деп жазады Интерфакс агенттігі.

2020 жылы әлемдік нарықтағы артық мұнай көлемі күніне 300 мың баррельге жетуі мүмкін. Ал тұтынушылық сұраныс 15 пайызға кемиді.

Сарапшылар Brent маркалы мұнай баррелінің бағасы бірінші тоқсанда 55 доллар болатынын айтады, бұған дейін 67,5 доллардан сатылады деген болжам жасалған еді. Ал екінші тоқсанда сәл-пәл қымбаттап, 57,5 долларға сатылуы мүмкін. WTI сортының да бағасы арзандайды, 62 доллардан сатылады деген мұнай бағасы 50 долларды құрауы ықтимал. 

Қасым-Жомарт Тоқаев Қорғаныс министрі Нұрлан Ермекбаевты қабылдап, министр  еліміздің қарулы күштерін қалыптастыру және дамыту, қорғаныс саласының шығындарын оңтайландыру жұмыстары туралы баяндады, деп хабарлайды Ақорда.

Сонымен қатар, мемлекет басшысы Қорғаныс министріне халықаралық әскери-техникалық ынтымақтастықты нығайту, армияны тиімді әрі бәсекеге қабілетті қару-жарақпен жабдықтау, әскери білім беру ісінің және әскери дайындық үдерісінің сапасын арттыру, сонымен қатар, әскери парадқа дайындық барысы жөнінде бірқатар тапсырма берген.

Нұрлан Ермекбаев Қасым-Жомарт Тоқаевқа армияны заманауи қару-жарақпен жабдықтау, әскери техникаларды жөндеу және жаңғырту жөніндегі жоспары, сондай-ақ, электронды әскери комиссариат жобасын енгізу үдерісі туралы айтқан.

Министрдің айтуынша, жүргізілген талдау жұмыстары мен штабтық-ұйымдастыру шаралары биыл 10 миллиард теңге үнемдеуге мүмкіндік...

Қытайда жүрген отандастарды елге әкеліп жатқанына қарамастан, Қазақстанның 343 азаматы ҚХР-да қалуға ниет білдірген. Бұл туралы 11 ақпан күні үкімет отырысында ҚР Сыртқы істер министрі Мұхтар Тілеуберді мәлімдеді. 

«11 ақпан күні Қазақстанның 217 азаматы «Эйр Астана» ұшығымен Қытайдың Бейжің қаласынан Нұр-Сұлтан қаласына жеткізілді, ал 155 кісі 12 ақпанда осындай рейспен елге әкелінеді», – деді ол.

10 ақпан күні осы борт Қазастанда жүрген 43 қытай азаматы мен Алматыдағы ҚХР консулдығының коммерциялық емес жүгін көрші елге жеткізген еді.

 «Азаматтарды елге эвакуациялау жұмыстары аяқталғаннан кейін ҚХР аумағында Қытайда қалуға ниет білдірген Қазақстанның 343 азаматы қалады», –деді Тілеуберді.  Қытайда қалатындардың ішінде сырқы...

Президент Қасым-Жомарт Тоқаев  Жамбыл облысы әкімінің әлеуметтік мәселелер жөніндегі орынбасарын, Қордай ауданының әкімін, Жамбыл облысы полиция департаментінің бастығын және Қордай аудандық полиция бөлімінің бастығын қызметінен алуды тапсырды, деп хабарлайды Ақорданың баспасөз қызметі. 

«ҚР Президенті Қасым-Жомарт Тоқаев Жамбыл облысының әкімі А.Мырзахметовке Жамбыл облысы, Қордай ауданында кісі өліміне, тұрғын үйлердің қирап, азаматтардың дүние-мүліктерінің бүлінуіне әкеп соқтырған оқиғаға байланысты облыс әкімінің әлеуметтік мәселелер жөніндегі орынбасары С.Құрманбекованы және Қордай ауданының әкімі Б.Байтөлені жұмыстарына салғырт қарағаны үшін қызметінен босатуды тапсырды», –делінген хабарламада. 

Сонымен қатар мемлекет басшысы ҚР Ішкі істер министрі Е.Тұрғымбаевқа Жамбыл облысы Полиция департаментінің бастығы А.Оразалиевті және Қордай аудандық полиция бөлімінің бастығы...

ҚХР денсаулық сақтау мемлекеттік комитеті Қытайда тараған қауіпті инфекцияға қатысты жаңа деректерді жариялады. Қазіргі кезде бұл індеттен 908 адам көз жұмған.

Бір тәулік ішінде  3062 кісі инфекция жұқтырып, жалпы саны 40 мыңға жеткен. 632 пациент ауруханадан емделіп шыққан, сауыққандардың саны  – 3361 адам.

Бұған дейін Kursiv.kz елімізде коронавирустың алдын алу бойынша атқарылып жатқан шаруалар туралы жазған болатын. 
 

Toyota компаниясы коронавирус инфекциясының кең таралуына байланысты Қытайдағы зауыттарының жұмысын уақытша тоқтататынын жариялады, деп жазады Интерфакс агенттігі. 

Компания мәлімдемесінде зауыттарды жабу туралы шешім «бөлшек жеткізу мен логистикадағы түрлі факторларды, соның ішінде, жергілікті және аймақтық әкімшіліктің ұсыныстарын ескере отырып», шығарылғаны жазылған.

Хабарламада зауыттардың 10-ақпаннан жабылып, 17-ақпаннан «жұмысын қайта жалғастыруға дайындалатыны» айтылған. Toyota-ның Қытайда автокөлік пен қажетті бөлшектерді шығаратын 12 зауыты бар.

Бұған дейін Starbucks та коронавирус эпидемиясы салдарынан, өз сауда нүктелерін жабатынын хабарлаған еді.

Айта кетсек, Қазақстан Қытайдан тауар тасымалдауға шектеу қоймайды. Үкімет коронавирус инфекциясы таралуының алдын алу үшін бюджеттен 3,5 млрд теңге бөлді. 

«Әл-Каида» (Қазақстанда тыйым салынған) лаңкестік ұйымы көшбасшыларының бірі Йеменде жүзеге асырылған арнайы операция кезінде өлтірілді, деп мәлімдеді АҚШпрезиденті Дональд Трамп, деп хабарлайды Интерфакс.

«АҚШ президенті Дональа Трамптың нұсқауы бойынша АҚШ Йеменде терроризмге қарсы операция өткізіп, оның барысында «Әл-Каиданың» Араб түбегіндегі ұйымының  (AQAP) негізін қалаушысы және көшбасшысы – Қасым әл-Римидің көзі жойылды», – делінген таратылған хабарламада. 

Онда әл-Римидың басшылығымен AQAP «Йемен халқына қарсы теңдесі жоқ зорлық-зомбылық актілерін жүзеге асырып, Құрама Штаттарға және онң қарулы күштеріне көптеген шабуылдарды ұйымдастыруға және оларға дем беруге тырысқаны» атап өтілген.

«Оның көзінің жойылуы AQAP-ты және жалпы «Әл-Каида» тобын одан әлсірете түседі және бізді өзімізд...

«Белнефтехим» делегациясы Қазақстанда мұнай жеткізу туралы келіссөздер жүргізді, деп хабарлайды Қазақстанның энергетика министрлігіне сілтеме жасаған «РИА Новости».

«Бүгін «Белнефтехим» концерні өкілдері қазақстандық компаниялардың  басшыларымен кездесті. Кездесуге Қазақстанның энергетика вице-министрі Әсет Мағауов қатысты. Кездесу жұмыстық сипатта өтті», – деп хабарлады ведомствоның баспасөз қызметі.

Естеріңізге салсақ, 5-ақпанда Беларусьтің вице-премьері Игорь Ляшенко келісім «жоғары деңгейде дайын», деп мәлімдеген болатын.

 Беларуське қазақстандық мұнай мен мұнай өнімдерін жеткізу туралы келіссөздер өткен жылдың ортасынан бері жүргізіліп келеді. Атап айтарлығы, осы орайда, Қазақстан принциптік тұрғыдағы бір ғана шарт қойып отыр – Минск қазақстандық мұнай өнімдерінің реэкспортына тыйым салу керек.
 

«Қазпочта» Қытаймен почта алмасуды уақытша тоқтатты, деп хабарлады ұйымның жарнама және PR директоры Дилара Зарлықова.

«Почталық алмасуды тоқтату салдарынан, Қазпочта Қытайға,сондай-ақ Қытай арқылы транзитпен  жіберілетін жеткізілетін елдерге (Бангладеш, Бруней, Бутан, Бирма, Камбоджа, Малайзия, Монголия, Непал, Лаос, Солтүстік Корея, Тайланд, Шри-Ланка, Филиппиндер, Тайвань) почталық жөнелтілімдердің барлық түрлерін қабылдауды уақытша тоқтатты», – деп жазды Зарлықова Facebook-те.

Естеріңізге салсақ, Қытайда етек жайған коронавирус эдиемиясы өршіп тұр, қазіргі таңда дерт салдарынан 563 адам қаза болды.

Кеше кешке Ыстамбұл әуежайында апатқа ұшыраған түрік ұшағының бортында Қазақстанның екі азаматы болған деп хабарлайды еліміздің Ыстамбұлдағы бас консулдығы. 

Жарақат алған қазақстандықтар  Фатих Султан Мехмет ауруханасына жеткізілген, Бас консулдық зардап шеккен азаматтарға қажетті көмекті көрсетіп жатыр. 

Айта кетсек, 5-ақпан күні  Ыстамбұлға Измирден ұшқан ұшақ Сабихи Гөкчен атындағы әуежайға қону кезінде ұшу-қону жолағынан шығып кеткен. Соңғы деректер бойынша, 157 адам жарақат алып, 1 адам қайтыс болған. 

Өзбекстан коронавирус таралуының өршуі салдарынан, Қытайдан өз азаматтарын эвакуациялауды аяқтады, деп хабарлады «Uzbekistan Airways» акционрлік қоғамының баспасөз қызметі.

Бүгін жергілікті уақыт бойынша таңғы сағат  4.40-та Өзбекстан астанасына Пекиннен чартерлік рейс келіп қонды. Оның бортындағы 251 жолаушы еліне аман-есен жетті. Келген азаматтардың барлығы уақытша орналастыру бекеттеріндегі карантинге орналастырылды. Авиатасымалдаушының баспасөз қызметі хабарлағандай, әр ұшақта биологиялық қауіпсіздік шараларының сақталуын вирусология жөніндегі мамандар қадағалап отырған.

Естеріңізге салсақ, Uzbekistan Airways авиакомпанииясы үкіметтік комиссияның шешімімен 4-ақпаннан 6-ақпанға дейінгі аралықта ел азаматтарын Қытайдан эвакуациялау бойынша үш чартерлік рейс орындады. Авиатасымалдаушы елге 585 өзбекстандықты жеткізді. Олардың барлығы Ташкент облысындағы медицина мекемелеріне 14 күндік карантинге орналастырылған. 

Қазақстан Республикасы үкіметінің 2020 жылғы 5 ақпандағы қаулысымен Динара Ринатқызы Щеглова – ҚР индустрия және инфрақұрылымдық даму вице-министрі, ал Жанат Зарубекқызы Жахметова Қазақстан Республикасының энергетика вице-министрі лауазымына тағайындалды, деп хабарлайды  Primeminister.kz. 

Динара Щеглова 1982 жылы Семей қаласында туған. 2004 жылы Гумилев атындағы Еуразия ұлттық университетін «халықаралық құқық» мамандығы бойынша, ал 2007 жылы Қазақ экономика, қаржы және халықаралық сауда университетін «менеджмент» мамандығы бойынша, 2011 жылы Қазақ экономика,  қаржы және халықаралық сауда университетін «ақпараттық жүйелер» мамандығы бойынша бітірген.

2004-2006 жылдары Қазақстан Республикасы Ақпарат және байланыс агенттігінің жобаларды басқару бөлімінің бас маманы болып жұмыс істеді. 

2011 жылдан бастап «Зерде» ұлттық инфокоммуникациялық холдинг...

Энергетика министрі Нұрлан Ноғаев үкімет мәжілісінің қалтарысында Беларусь Республикасына мұнай жеткізу мәселесіне қатысты пікір білдірді.

«Мұнай және мұнай өнімдері саласындағы әріптестік туралы келісімге қол қою мәселесі қарастырылуда. Қол қойылғаннан кейін беларусьтік тарап бізден мұнай сатып алу мүмкіндігіне қол жеткізеді. Біз министрлік ретінде ресурс иелерінің өтініштері бойынша кездесулер ұйымдастырамыз», – деді министр.

Оның айтуынша, «Белнефтехимнің» делегациясын осы аптада Нұр-Сұлтанда келіссөздер жүр гізу үшін күтіп отыр. Министр нақты датаны айтпады.

«Қазір келісімге қол қою мәселесі мемлекеттік органдармен келісілуде, өйткені әр министрлік бұл келісім бойынша өз ұстанымын көрсетуге тиіс», – деп қосты сөзін нақтылаған Ногаев.

Беларуське мұнай жеткізудің бағдары оның коммерциялық тартымдылығына байланысты...

Елімізде «Қазақстан Республикасының салық салу және инвестициялық климатты жетілдіру мәлелелері жөніндегі кейбір заңнамалық актілеріне өзгерістер мен толықтырулар енгізу туралы» жаңа заң жобасы дайындалды. Құжат ҚР Ұлттық экономика министрлігінің бастамасы бойынша дайындалған. Қазіргі таңда заң жобасы парламенттен жария талқылау кезеңіне кері қайтарылды.

Бұл жобаның аса маңызды жаңалығы – табыс шегінің төмендетілуі, ал одан асып кету салық төлеушіні қосымша құн салығы (ҚҚС) бойынша тіркеуге тұруға міндеттейді. Қазіргі таңда мұндай шек 30 АЕК-ті  немесе 79,5 млн теңгені құрайды. ҚР Ұлттық экономика министрлігі бұл шекті 20 мың АЕК-ке немесе 53 млн теңгеге дейін төмендетуді ұсынып отыр.

Шағын бизнеске жататын кәсіпкерлердің көпшілігі оңайлатылған мағлұмдама негізіндег...

Дүниежүзілік денсаулық сақтау ұйымының бас директоры Тедрос Адхан Гебрейесус коронавирус эпидемиясына байланысты үрейге бой алдырмауға шақырады. 
 

Осы орайда, «Интерфакс-Украина» агенттігі: «Әзірге бұның бәрі (қауіпті инфекцияның таралуы) кең етек жайған жоқ. Сондықтан үрейге бой алдырмаңыздар», – деп, Гебрейесустың сөзін келтіріп өткен. 

Сонымен қатар, ол «инфекцияның таралу қаупі жоғары екенін естен шығармай, тиімді шараларды қолға алу қажетін» де ескерткен. 

 «Дәл қазір үрейге бой алдыруға еш себеп жоқ», – деп түйіндеді ДДСҰ басшысы. 

Айта кетсек, Қытайда коронавирустан қайтыс болғандардың саны 400-ден асты. 20 мың адам инфекция жұқтырған. 
 

2020 жылғы 27-қаңтарда Қарағанды мен Таразда Ұлттық қауіпсіздік комитеті (ҰҚК) деструктивті бағыттағы діни ағымдардың ұстанушыларын құрықтады, деп хабарлайды комитеттің баспасөз қызметі.

Тергеу құрықталған топ Қазақстан аумағында лаңкестік актілерді жоспарлаған, деп санайды. Қазіргі таңда тергеу амалдары жалғасын табуда.

Ұсталғандардың барлығы бұрын ауыр және аса ауыр қылмыстарды жасағаны үшін сотталғандар. Олардың үстінен лаңкестік топты құрғаны, оған басшылық жасағаны және оның қызметіне қатысқаны үшін (Қылмыстық кодекстің 257-бабы), сондай-ақ лаңкестікті насихаттағаны үшін (Қылмыстық кодекстің 257-бабы) қылмыстық істер қозғалған.