Жаңалықтар

Келлог Зеленскийді «батыр көшбасшы» деп атады. АҚШ-тың Ресей және Украина жөніндегі арнайы өкілі Кит Келлог Украина президенті Владимир Зеленскиймен кездесуі жайында алғаш рет осындай пікір білдірді.

Келлог пікірі

«Украинаның жоғарғы басшыларымен ұзақ күнді өткіздік. Соғысып жатқан ұлттың батыр көшбасшысымен және ұлттық қауіпсіздік жөніндегі оның дарынды командасымен ауқымды әрі позитивті талқы жүрді», – деп жазды Келлог.

DW ақпаратына қарағанда, Зеленский 20 ақпанда Келлогпен кездескен болатын. Келлог Зеленскийді осы кездесуден кейін мақтаған.

Кездесуден соң тараптар БАҚ өкілдерімен тілдесіп, сұрақтарына жауап беруден бас тартқан еді. Украина президентінің баспасөз хатшысы Сергей Никифров сұрақ-жауаптың қарастырылмағанын атап...

Феминита ұйымының негізін қалаушылардың бірі Жанар Серкебаеваға 100 АЕК мөлшерінде айыппұл салынды. Бұған дейін осындай айыппұл феминистік ұйымның тағы бір төрайымына салынған болатын.

Онлайн өткен сот процесі ұйымның инстаграмдағы парақшасында көрсетілді.

Мән-жайы

Әкімшілік құқықбұзушылық туралы мамандандырылған ауданаралық сот феминисті тіркелмеген ұйым қызметіне басшылық жасағаны үшін (Әкімшілік құқық бұзушылық туралы кодекстің 489-бабы 9-бөлігі) айыпты деп тауып, 100 АЕК (393 200 теңге) айыппұл салған.

Феминита ісі

Ұйымның тағы бір жетекшісі Гүлзада Сержан 19 ақпан күні тура осы бап бойынша айыпталып, оған да осындай мөлшерде айыппұл салынған.

Оқиғаның басы

Жуырда «Феминита» ұйымы адам құқығын, оның ішінде лесбиян...

Шымкент қаласы мәслихатының шешімімен көпбалалы аналарға 8 наурыз мерекесіне орай 5 АЕК көлемінде бір реттік төлем беріледі. Бұл туралы Шымкент қаласының әкімдігі хабарлады.

«Шымкент қаласы мәслихатының шешіміне сәйкес, 8 наурыз – Халықаралық әйелдер күніне орай «Алтын» және «Күміс» алқа иегерлері, «Батыр ана» атағын алған, І және ІІ дәрежелі «Ана даңқы» ордендерімен наградталған аналарға 5 АЕК мөлшерінде бір реттік әлеуметтік төлем жасалады», – делінген баспасөз хабарламасында.

2025 жылы АЕК көлемі 3932 теңге көлемінде бекітілген. Сонда әрбір анаға 19 660 теңгеден беріледі.

Әкімдік мәліметінше, Шымкент қаласында 2025 жылдың 1 ақпанындағы жағдай бойынша...

Ұлттық экономика вице-министрі Азамат Әмриннің қызметі жоғарылады. Үкімет қаулысымен бірінші вице-министрі болып тағайындалды. Бұл туралы Үкіметтің баспасөз қызметі хабарлады.

«Қазақстан Республикасы Үкіметінің қаулысымен Азамат Кеменгерұлы Әмрин Қазақстан Республикасының ұлттық экономика бірінші вице-министрі қызметіне тағайындалды», – делінген Үкімет хабарламасында.

Қызметтік жолы

Азамат Әмрин Солтүстік Қазақстан облысының тумасы. Ақмола ауыл шаруашылығы институтында одан кейін М.Қозыбаев атындағы Солтүстік Қазақстан мемлекеттік университетінде білім алған.

Қызметтік жолын 1989 жылы Корнеев кеңшарында қарапайым жұмысшы ретінде бастаған. 1997 жылдан 2008 жылға дейін Солтүстік Қазақстан облысының Салық комитетінде түрлі қызметтер атқарған.

Комитеттегі қызметінен әкімдік қызметке...

Америкалық Meta компаниясы қызметкерлеріне акциялар түрінде беретін бонус төлемдерін қысқартып жатыр. Оған ЖИ-ді әзірлеуге жұмсалатын шығындардың артуы себеп болған деп жазады Financial Times дерекөздеріне сілтеме жасап.

Халықаралық басылымның жазуынша, ондаған мың қызметкерге берілетін жылдық акциялық бонустар шамамен 10%-ға азаяды. Бұл бонус түрі Мета жұмысшыларының жылдық сыйақысының маңызды бөлігін құрайды.

Meta 2024 жылдың төртінші тоқсанында таза пайдасын 1,5 есеге жуық ұлғайтып, 20,84 млрд долларға жеткізді. Ал табысы 21%-ға өсіп, 48,39 млрд долларға жетті.

Бұған дейін Марк Цукерберг инвесторлармен кездесуде 2025 жылды компания үшін бетбұрысты жыл деп атады. ЖИ саласында әлемдік көшбасшы болу үшін бар күшін салуы керек екенін айтқан...

ЛГБТ-ның депутаттарға шабуылын Ұлттық қауіпсіздік қызмет қарамайды. Яғни ЛГБТ-ға қарсы шығып жүрген Мәжіліс депутаттарына жасалған «ақпараттық шабуыл» жөнінде тергеу жүргізбейтін болды.

ҰҚК неге бас тартты?

Orda.kz хабарлауынша, ҰҚК басшысы Ермек Сағымбаев бұл жайттың Қылмыстық кодексте көрсетілгенін айтқан. Сондықтан депутаттарға тіл тигізу, қызметін сынау арнайы қызметтің құзыретіне кірмейді.

Ермек Сағымбаев ЛГБТ үгіт-насихатына тыйым салу туралы петицияның бұрын қаралғанын, ол кезде оны жарым-жартылай қолдау көргенін еске салған.

Ақпараттық соғыс

Айта кететін жайт, 2025 жылы қаңтар айында Мәжіліс депутаты Еділ Жаңбыршин ЛГБТ-ны қолдап, парламент өкілдеріне қарсы «ақпараттық соғыс» ашқандарды тауып, жазалауды талап еткен еді. ЛГБТ үгіт-насихатына толық тыйым...

Талантты әртіс Димаш Құдайберген Әлемдік және дәстүрлі діндер көшбасшылары съезінің «Ізгі ниет елшісі» атанды. Оған елші белгісін Сенат төрағасы Мәулен Әшімбаев табыс етті.

Сенат төрағасы фейсбуктегі жазбасында қазіргі уақытта Әлемдік және дәстүрлі діндер көшбасшыларының VIII съезіне дайындық жұмыстары қарқынды жүріп жатқанын жеткізді.

Оның сөзінше, дайындық аясында Съездің дінаралық диалогты дамытуға және бейбітшілік пен келісім мәдениетін ілгерілетуге арналған идеяларын дәріптеу ісіне баса мән беріліп келеді.

«Осы мақсатпен былтыр әлемнің әртүрлі мемлекеттеріндегі белгілі қоғам және дін қайраткерлері Съездің Ізгі ниет елшілері болып сайланған еді. Олардың қатарында талантымен дүние жүзіне танылған отандасымыз, әнші Димаш Құдайберген де бар. Осыған...

Чемпиондар Лигасының жеребесі тартылды. Былтырғы чемпион «Реал» 1/8 финалда «Атлетикомен» кездесетін болды.

Жеребе тарту арқылы анықталған жұптар мынадай:

Алғашқы ойындар 4-5 наурызда, ал қарымта матчтар 11-12 наурызда өтеді.

Ақтөбе облысында қар жауып жел тұрғанына байланысты жол бойында көру мүмкіндігі төмендеген. Соған байланысты «ҚазАвтоЖол» бірнеше учаскеде жол қозғалысын шектеді. Бұл туралы компанияның баспасөз қызметі хабарлады.

«Қазгидромет» болжамына сәйкес, алдағы бірнеше күнде циклондар Қазақстанға жауын-шашын әкеледі. Салдарынан батыста, солтүстік – батыста жаңбыр мен қар түрінде қатты жауын-шашын болады деп болжанады.

Осыған орай Батыс Қазақстанда жол қозғалысы шектелген болатын. Енді Ақтөбе облысында да көлік қозғалысы нашарлап, шектеу енгізілген.

«2025 жылғы 21 ақпан сағат 16:30-да ауа райының бұзылуына байланысты «Ақтөбе – Қандыағаш – Доссор – Атырау – РФ шекарасы» автожолының 14-255 шақырым аралығындағы учаскесінде (Ақтөбе қаласы...

Әйгілі рэпер Канье Уэст өзінің YEEZY брендінің ішкі валютасы ретінде қолданылатын YZY криптовалюталық токен шығармақшы.

Токеннің 70 пайызы Уэсттің өзінде қалады, деп жазды Coindesk. Басылым мәліметті жобаға қатысы бар үш дереккөзге сүйене отырып таратқан.

Рэпер соның көмегімен Shopify секілді платформаларды басып озғысы келеді, өйткені ол кезінде сол жерден дөрекі сөйлегені үшін қуылған.

Токеннің нақты қашан жарыққа шығатыны әзірге белгісіз. Бірақ қазірдің өзінде криптовалютаға болжам жасаумен айналысатын Polymarket бәс қабылдап жатыр. YZY ақпанның аяғына дейін шығады/шықпайды бәсіне тігілген ақша 10 млн доллардан асып кеткен.

Қытайлық зерттеушілер жарқанаттан коронавирустың жаңа түрін анықтады. Ғалымдар жаңа вирус адамдарға жұғуы мүмкін екенін айтып отыр. Бұл туралы South China Morning Post басылымы жазды.

Зерттеуді Қытайдың жетекші вирусологы Ши Чжэнли жүргізген. Ол Ухань вирусология институтында коронавирус бойынша зерттеу жүргізіп аты шыққан дәріген.

Басылым мәліметінше, жаңа вирус HKU5 штамы тармағына жатады. Бұл вирус алғаш рет Гонконгте жапон жарқанаттарынан анықталып, Merbecovirus тобына кіргізілген.

Ғалымдардың айтуынша, вирус ACE2 рецепторымен араласып жасушаларды зақымдай алады. Бұл SAS-CoV-2 вирусына ұқсас.

Бұл вирус тек жарқанаттардың ғана емес, адамдар мен басқа да сүтқоректілердің ACE2 рецепторын да пайдалана алады. Жарқанаттардың мербековирусы адамдарға тікелей немесе аралы...

Ресейдің Новосібір қаласынан Қазақстанға бидай тиелген вагондар жөнелтілді. Бұл – елімізге былтырғы 21 тамыз бен 31 желтоқсан аралығында бидай импортына салынған шектеуден кейінгі алғашқы экспорт.

Сібір аймақаралық Россельхознадзор басқармасының мәліметінше, 14 теміржол вагонына тиелген 980 тонна бидай жөнелтілген.

«Жөнелтілмес бұрын  астықтың қауіпсіздігін растау мақсатында зертханалық зерттеулер жүргізілді. Фитосанитарлық сертификаттар карантиндік зиянкестердің жоқтығын көрсеткен талдау нәтижелері негізінде берілді»,— деп хабарлады Россельхознадзор.

Еске салсақ, Қазақстан билігі 2024 жылдың 31 желтоқсанына дейін бидайды республика аумағына көліктің барлық түрлерімен әкелуге тыйым салу туралы шешім қабылдаған еді. Бастапқыда Ауыл шаруашылығы министрлігі 1 тамыздан бастап бидай импортына тыйым салатынын хабарлады. Елде импортты...

Ақтауда солдаттардың денесі тексерілді. Ақтау гарнизонының әскери прокуратурасы соққы іздері бар-жоқтығын анықтамақ болған.

Лада ақпаратына қарағанда,  бұл жолы №6656 әскери бөлімінде әскери борышын өтеп жатқан солдаттар назарға алынып отыр.

Зорлық-зомбылық нышандары

Медициналық тексеріс кеше, 20 ақпанда, Ақтауда Ұлттық гвардиядағы заңдылықты сақтауды жоспарлы бақылау аясында өткен.

Оның барысында терінің саулығы, зорлық-зомбылық нышандары және жалпы денсаулығы тексерілген. Десе де, қорытындысы туралы ақпарат берілмеді.

Оққа ұшқан солдат

Ақтауда әскери бөлімдерде медициналық тексерулердің жүруі бекер емес. Мұның алдында Маңғыстау облысында қыркүйек айында солдат опат болды. «Оймаш» полигонында солдат Марат Барқұловтың басына оқ тиген еді. Анасының айтуынша, қазасынан бұрын ол...

Теңіз кенішінен Каспий құбыр консорциумы арқылы мұнай үздіксіз айдалып жатыр. Бұл туралы «Интерфакс» басылымына кеніш операторы хабарлаған.

«Теңізшевройл компаниясы шикі мұнай өндірісі мен оны Каспий құбыр консорциумы арқылы айдау жұмыстарын үздіксіз жүргізіп жатыр», – деп хабарлаған компания.

Қазақстан мұнайының 80%-ы осы Каспий құбыр консорциумы арқылы тасымалданады. Бірақ 17 ақпан күні консорциумның Кропоткинская сорғы станциясына дрондар шабуыл жасап, зақымдалғаны туралы ақпарат тарады. Салдарынан консорциум құбыр арқылы мұнай айдау көлемі азайған болатын. Бұл оқиғадан соң Ресей премьер-министрінің орынбасары Александр Новак мұнай айдау стансасы жөндеуден өткізілетінін, оған бірнеше ай кететінін мәлімдеді. Сонымен бірге жөндеу...

Мемлекеттік кірістер комитеті (МКК) 594 блогердің 93-іне қате хабарлама жіберген. Блогерлерге жіберілген салық есебі жайлы ескертулер әлі де күшінде қала береді. Бұл туралы комитет сайтында жазылған.

«2025 жылғы 19 ақпанда жалпы сомасы 9,8 млрд теңгеге 93 блогерге жіберілген 169 хабарламаны кері қайтарып алу жүргізілгені туралы хабарлайды.      Хабарламалардың күшін жоюдың себебі оларды жіберу және өңдеу процесінде техникалық ақаулардың пайда болуынан», – деп жазылған ведомство хабарламасында

Қазір салық органдары кері қайтарылған хабарламалармен жұмыс істеп жатыр.

Салықшылар неден қателесіп жатыр?

13-14 ақпанда МКК 600-ге жуық әнші, кәсіпкер, журналист тәрізді танымал тұлғаларға салық ескертуін...

Қазақстан Ұлттық Банкі валюталық операцияларға қатысты жаңа өзгерістер енгізді. Бұл туралы реттеушінің сайтында жазылған.

Реттеушінің мәліметінше, 2024 жылы Ұлттық қордың валюталық активі 58,8 млрд доллар немесе 30 трлн теңгені құрады. Ал инвестициялық кіріс 4,6 млрд доллар немесе 7,6%-ға тең.

Қор құрылғаннан бері жинақталған кіріс 128%-ды құрайды, ал жылдық мәнде 3,55%-ға тең.

Жаңа банкноталар шығарылады

Сондай-ақ банк басқармасының шешімімен осы жылы 28 наурыздан бастап дизайны өзгертілген жаңа 1000 теңгелік банкнота айналымға шығарылатын болды. Одан бөлек «GRIFFIN...

Қарағанды облысының Шет ауданында электр энергиясында күрделі ақау шығып, төтенше жағдай режимі енгізілді.

Қарағанды облысы әкімдігінің мәліметінше, ауданды электр қуатына жауапты «Шет-Энерго»компаниясы «Жезқазған электр тарату желісі» АҚ-ның электр энергиясын тасымалдау туралы талаптарын орындамай келген. Осыған байланысты ауданда электр қуатын беруге шектеу қойылды.

Ал аудан әкімдігі болса «Шет-Энерго» компаниясымен жағдай әлі де күрделі болып отырғанын хабарлады. Көптеген жылдар бойы компания электр желілерін жаңғыртуға инвестиция салмаған. Осының нәтижесінде бұл электр энергиясының жүйелі үзілістеріне әкеп соғып отыр.

«Адамдар жиі жарықсыз қалудан ғана емес, сонымен қатар жылусыз да қалады. Аудан тұрғындарынан бұл компанияның жұмысы туралы үнемі көптеген шағымдар...

Мемлекеттік кірістер комитеті Ұлттық банкпен бірге цифрлық теңге және цифрлық ҚҚС бойынша пилоттық жобаны жүзеге асырып жатыр.

Цифрлық теңге деген не

Цифрлық теңге – төл валютамыздың сандық форматтағы түрі. Ол блокчейн технологиясымен жұмыс істейді. Әзірге экономиканың барлық салаларына енген жоқ, тек пилоттық жоба ғана.

Цифрлық теңгені кім пайдалана алады?

Бұл жобаға экспорттаушы-компаниялар қатыса алады. Сандық валюта экспортерлерге салық режимін жеңілдету үшін керек. Компаниялар ҚҚС таңбаланған цифрлық теңгені екінші деңгейлі банктердің қатысуы арқылы Ұлттық банктен сатып алады.

«Цифрлық теңгенің таңбаланған ҚҚС бөлігі тек бюджет және жеткізушілермен есеп айырысу төлемдеріне бағытталған, одан өзге...

ШҚО Катонқарағай ауданының мемлекеттік және әлеуметтік мекемелерінің қызметкерлері жаңа жұмыс кестесін ыңғайлы деп санайды деп хабарлады altainews.kz.

Мән-жайы

2025 жылғы 5 қаңтардан бастап ауданда жұмыс уақыты сағат 08:00-де басталып, 17:30-да аяқталатын пилоттық жоба қолға алынған. 12:00-13:30 аралығында түскі үзіліс. Жаңа жұмыс тәртібіне ауданның 40 мекемесі көшкен. Арада бір жарым ай өткенде, тұрғындар жаңашылдықты оң бағалап отыр.

Талқы

Желтоқсан айында ауданға екі күндік жұмыс сапарымен өңірлік басқарма басшыларының тобы келген. Олар аудандағы елдімекен тұрғындарымен кездесіп, жұмыс күнінің басталу уақытын ауыстыру ұсынысын талқылаған..

Кездесулер Өрел, Аршаты, Берел, Жамбыл, Қайыңды, Қызыл Жұлдыз, Аққайнар, Еңбек, Шыңғыстай, Жаңаүлгі, Қабырға, Белқарағай, Өрнек...

Америкалық жазушы Стивен Кинг X әлеуметтік желісіне қайта оралып, Дональд Трамп пен Илон Маскті «есалаңдар» деп балағаттады.

«Мен қайтып келдім. Сағынып қалдыңдар ма?», – деп сұрады әйгілі жазушы.

X әлеуметтік желісінің қожайыны Илон Маск «шынымен сағынып қалдым» деп жауап берген.

Алайда Стивен Кингтің одан кейінгі твиті миллиардерді қуанта қоймағаны анық. Жазушы АҚШ президенті Дональд Трампты «сатқын», «есалаң» деп балағаттап, Маскті «одан екі есе өткен есалаң» деп тілдеді.

Миллиардер бұл жолы жазушы твитіне жауап қатқан жоқ.

Стивен Кинг 2024 жылғы қарашада, Трамп билікке келгеннен кейін, X әлеуметтік желісінен кететінін жазған. Жазушы бұған дейін де...

Ордалықтардың жеңісі бейнеленген картина Ресейде бір аптадан бері дау-дамай тудырып отыр. Мәселе – картинаның мазмұнында ғана емес.

Lenta ақпаратына қарағанда, бар гәп – бұл өнер туындысының Ресейдегі Мұсылмандардың діни басқармасы ғимаратында ілінуінде.

Онда не бейнеленген?

Картинада 1223 жылғы Қалқа маңындағы ордалықтардың жеңісін тойлау сәті бейнеленген. Қолға түскен, мерт болған орыс князьдарын жатқызып, үстеріне тақтай қояды. Өздері тақтайға отырып, қымыз ішіп, жеңісін тойлайды.

Өнер туындысында Христостың бейнесі бар Русь әскерінің туы кілем ретінде аяқтың астына төселгені көрінеді.

Ордалықтардың жеңісі бейнеленген картина «Қалқа» деп аталады. Авторы – пензалық суретші Ильдар Акжигитов.

Картина қайда ілінген?

Атап айтқанда...

Қазақстанның халық әртісі Роза Рымбаеваның келіні, қобызшы, актриса Ақерке Бүркітбай интервьюер Тимур Балымбетовке берген сұхбатын көрермен ыстық ықыласпен қабылдап жатыр.

Балалық шақ, отбасы, өнер жолы, тұрмысқа шығу, «Құрмет» орденіне байланысты шыққан шу, халық әртісінің келіні болу, баламен үйде отыру сияқты тақырыптар төңірегінде өрбіген әңгіме барысында Ақерке көрерменді баурап алды.

Көпшілікке актрисаның ата-анасына құрметі, жарына деген көзқарасы мен қолдауы, жағдайды ақыл таразысына сала алатыны, әйгілі өнер адамының келіні атану жауапкершілігін түсіне білгені ұнады.

Сұхбатты көргендер әртістің сөз саптауы, тіл тазалығы, байсалды үні әңгіменің ажарын кіргізіп, мәнді ете түскенін айтып жатыр.

«Роза апамызға зиялы келін бұйырған екен», «Ақерке ақылды, саналы, тәрбиел...

Бүгін Жоғары аудиторлық палата төрағасы Әлихан Смайылов президент қабылдауында болып, 2024 жылға есеп берді. Аудиторлық палатаның тексерісінен кейін былтыр бюджетке 135 млрд теңге қайтқан. Бұл 2023 жылғы қаржыдан 5 есе артық

Палата мамандары жалпы құны шамамен 11 трлн теңгенің 27 аудиторлық іс-шарасын өткізген. Соның нәтижесінде 862 млрд-қа тең түрлі нормалар бұзылғаны анықталған.

Смайыловтың сөзінше, құрылыс нысандарында, өңдеу өнеркәсібі және ауыл шаруашылығын субсидиялау мәселесінде олқылықтар жиі байқалған.

Осы жылы 40-тан астам аудиторлық іс-шара жоспарланған. Оның ішінде Астана және Алматы қалалары, Солтүстік Қазақстан, Қостанай және Жамбыл облыстары, «Самұрық-Қазына» қоры, «Қазатомөнеркәсіп» ұлттық компаниясы, KEGOC кәсіпорны, Ұлттық банк, Төтенше жағдайлар министрлігі бюджеттерін...

Қазақстандағы жемқорлықпен күресуге енді әйгілі әнші Димаш Құдайберген де көмектесетін болады. Сыбайлас жемқорлыққа қарсы қызметтің төрағасы Асхат Жұмағали халық әртісімен кездесті. Ведомство басшысы мен өнер иесінің кездесуі жәй әңгіме форматында ғана өткен жоқ, олар өнердің жемқорлыққа тосқауыл қоюға қалай ықпал ете алатынын талқылады.

Димаш Құдайберген Антикор басшысымен не туралы сөйлесті?

Агенттік төрағасы өнер жұлдызына жемқорлықтың алдын алу бойынша жасалып жатқан жұмыстар және  онымен күресуде қандай замануи әдістер қолданылатыны жайлы түсіндірген. Сондай-ақ жемқорлықпен күрес мәселесінде өнер саласы оң септігін тигізеді деп санайды.

«Тараптар сыбайлас жемқорлық деңгейін төмендетуге, мәдени және білім беру бастамалары арқылы парасаттылық қағидаттарын...