Жаңалықтар

  Мемлекеттік кірістер органдарына толық қайта есептеуден кейін өсімпұлды есепке жазу мәселесі бойынша салық төлеушілер жиі арызданады. Осыған байланысты Мемлекеттік кірістер комитетінде өсімпұлдың толық қайта есептелуі қандай жағдайларда жүргізілетінін және мұндай есептеулердің негізділігін қалай тексеруге болатынын түсіндірді.

      МКК ОБЖШ АЖ-де өсімпұл Салық кодексінің 117-бабына сәйкес операциялық күнді жапқаннан кейін күн сайын автоматты түрде есептеледі және ОБЖШ АЖ-нің деректер қорында көрсетіледі (ОБЖШ АЖ – «Орталықтандырылған біріздендірілген жеке шоттар» ақпараттық жүйесі).

     Өсімпұлдың жеке шотта нақтылау «Жеке шоттан көшірме-үзінді», «Берешектің жоғы (бары) туралы мәліметтер» есептік нысандарды құру кезінде, сондай-ақ сыртқы ақпараттық жүйелерге (ІІМ, ЕжХӘҚМ, ЦДИжАӨМ және т.б.) олардың сұраулары бойынша...

Алматыда бала саудасымен айналысып, жалған куәлік жасады деген күдікпен бір топ адам ұсталды. Бұл туралы ҚР ІІМ ұйымдасқан қылмысқа қарсы күрес департаментінің бастығы Қанат Нұрмағамбетов мәлімдеді.

«Биылғы тамыз айында Алматы қаласында полиция қызметкерлері заңсыз бала асырап алу мақсатында жаңа туған балаларды сату фактілерін анықтаған еді. Өткізілген шара барысында бір топ адам, оның ішінде аудандық АХАТ қызметкерінің алдын ала уағдаласу бойынша жаңа туған баласынан бас тартқысы келетін жүкті әйелдер мен баласыз отбасыларды іздеумен, балалардың туу туралы жалған куәліктерін дайындаумен айналысқаны анықталды», – деді департамент басшысы ҚР ІІМ ұйымдастырған апталық брифингте.

Спикердің айтуынша, арадағы мәміле сомасы 1-2 млн теңге аралығында болған...

Америкалық Meta Platforms Inc. (бұрынғы Facebook) осы аптада қызметкерлерді жаппай жұмыстан шығаруды жоспарлап отыр. Бұл туралы The Wall Street Journal жазды.

Басылым дереккөздерінің мәліметінше, қысқартуға мыңнан астам қызметкер ілінбек. Мамандарды қысқарту туралы сәрсенбіде хабарланады. Бұл компанияның 18 жылдық тарихындағы алғашқы ірі қысқарту болмақ.

Әзерге Meta өкілі бас директор Марк Цукерберг бұл мәселеге қатысты ешқайда сұхбат бермеді.

Қазанның аяғында Meta акцияларының бағасы қаржылық есеп жарияланғаннан кейін шамамен 20 пайызға құлдырады.

Ақпарат kaz.tengrinews.kz сайтынан алынды

Eurasian Resources Group (ERG) пен Ақтөбе облысының әкімдігі арасындағы өзара әріптестік туралы Меморандумға биыл қоғамдық орындарды абаттандыру, желілерді жөндеу, медициналық жабдықтар мен қоғамдық көліктерді сатып алулар енді. Әлеуметтік маңызды жобаларды жүзеге асыруға Топ 2022 жылы 3 млрд 286 млн теңге бағыттап отыр.

Тізімдегі жобалардың бірқатары бүгінде толық жүзеге асқан. Мәселен, Ақтөбе мен Хромтауда 106 млн теңгеге балалар және спортр алаңдары орнатылып, Дөң ауылындағы Білім аллеясы абаттандырылды. Облыс орталығындағы тасымалды жақсартуға 5 автобус беріліп, Хромтау қаласының көшелерін тазартуға 1 арнайы көлік сатып алынды. Кеншілер шаһарындағы №4 мектепке STEM-зертхана орнатылған. Ақтөбенің Жилгородок ықшам ауданы мен Жеңіс саябағын жаңғырту жұмыстары қызу жүріп жатыр.

Ақтөбенің қоғамдық көлік паркі 10 жаңа автобуспен толықты. Бүгін  облыс әкімі Ералы Тоғжанов «Автопарк» ЖШС-нің сыйымдылығы 110 орындық 10 жаңа автобусын қарап шықты. Кәсіпорын №19 бағыттағы автобустарын жаңартуды жоспарлап отыр. Бұл туралы Ақтөбе облысы әкімінің баспасөз қызметі хабарлады.

  «Биыл осымен 55 автобус әкелдік. Келесі жылы тағы да 50 автобус әкелуді жоспарлап отырмыз. Барлық автобустар жайлы, заманауи. Автобус ішінде мүмкіндігі шектеулі жандардың отыруына арналған орындар, пандустар және әр автобуста 5 бейнекамера, 8 жылытқыш қондырғы (печка)  орнатылған. Әрқайсысына 110 жолаушы сыяды»,- деді «Автопарк» ЖШС директоры Ақарыс Тілеулесов облыс әкіміне.  

Аймақ басшысы Ералы Тоғжанов қоғамдық көлік қызметін пайдаланатын тұрғындарымызға сапалы...

2022 жылдың қаңтар–қыркүйек айларында елімізде адам саудасына қатысты 81 құқық бұзушылық тіркелді, бұл бір жыл бұрынғыдан бірден 37,2% аз.

Қылмыстың басым бөлігі жезөкшелік айналысу үшін притондарды ұйымдастыру немесе ұстау және жеңгетайлыққа қатысты: 44 іс, бір жыл бұрын 75 іс болған (минус 41,3%).

Тағы 11 іс адам саудасына, 9 іс кәмелетке толмағандарды сатуға, 8 іс кәмелетке толмағандарды жезөкшелікпен айналысуға тартуға, 6 іс жезөкшелікпен айналысуға, 3 іс қанау мақсатында заңсыз бас бостандығынан айыруға қатысты.

Өңірлер бойынша адам саудасына қатысты құқық бұзушылықтар көбіне Шымкент қаласында тіркелді: 17 құқық бұзушылық — бір жыл бұрынғыдан 2,1 есе көп.

Одан кейін Астана (13 құқық бұзушылы...

2022 жылдың 1 қарашасындағы жағдай бойынша 2021 жылдың қаңтарынан бері БЖЗҚ салымшылардың (алушылардың) тұрғын үй жағдайын жақсарту үшін жинақталған зейнетақы қаражатын пайдалану туралы 1 336 516 өтінішін орындады. Уәкілетті оператор-банктерде ашылған қазақстандықтардың арнайы шоттарына БЖЗҚ 3,2 трлн теңгеден астам қаржы аударды. Біржолғы зейнетақы төлемдерінің орташа сомасы – 2,4 млн теңге. Айта кету керек, зейнетақы жинақтарын алу қарқыны төмендеп келеді. Мысалы, 2022 жылдың қазан айында 7,5 млрд теңге сомасына 2 993 өтініш орындалды. Салыстыру үшін, 2021 жылдың қазан айында 87,8 млрд теңге сомасына 35 434 өтініш орындалды.

Орындалған өтініштердің ең көбі Алматы қаласының (17,61%), Астана қаласының (14%), Маңғыстау облысының (10,33%) тұрғындары тарапынан...

Еурокомиссия басшысы Урсула фон дер Ляйен Еуропалық Одаққа Киевке қаржылық қолдау ретінде айына 1,5 миллиард еуро бөлуді ұсынады. Ол Берлинде Украинаны қалпына келтіруге арналған халықаралық конференцияда осындай мәлімдеме жасады.

Бұған дейін Брюссельде хабарланғандай, фон дер Ляйен Украина президенті Владимир Зеленскиймен телефон арқылы осы мәселелерді талқылаған. Оның айтуынша, еуропалық көмек көлемі 2023 жылы шамамен 18 миллиард еуроны құрайды. Бұл сома сонымен қатар, ЕО-ға кіру жолындағы реформаларды қаржыландыруды қамтиды.

Еурокомиссия басшысы халықаралық ұйымдар Киевтің қажеттілігін ай сайын 3-5 миллиардқа бағалап отырғанын және бұл тек ағымдағы шығындар екенін атап өтті. Украина премьер-министрі Денис Шмигал үкімет келесі жылы бюджет тапшылығын жабу үшін ай сайын...

Қазақстанда 2022 жылдың үшінші тоқсанында орташа жалақы 299 782 теңгені құрады. 2021 жылдың сәйкес кезеңімен салыстырғанда өсім 23%, нақты мәнде 5,8% құрады. Бұл туралы Қазақстан Республикасының Ұлттық статистикалық бюросы хабарлады.

Еңбек статистикасы және өмір сүру деңгейі департаментінің директоры Наталья Белоносова түсіндіргендей, алдыңғы тоқсанмен салыстырғанда ІІІ тоқсандағы жалақы деңгейі әдетте төмендеп отырады. Бұл үрдіс жыл сайын байқалады және екінші тоқсан уақытына дөп түсетін маусымдық (демалыс төлемдері, маусымдық жұмыстар) жайттарға байланысты.

«Екінші тоқсанмен салыстырғанда жалақы деңгейі 3,9 пайыздық тармаққа төмендеді (2021 жылғы ІІІ тоқсандағы төмендеу – 3,1 пайыздық тармақ). Мұндай өзгерістер жыл сайын байқалады. Жалақының орташа мәнін есептеу кезінде табыс салығы...

ҚМА жүргізген жұмыстардың нәтижесінде «B2B Jewelry» қаржылық пирамидасының 197 салымшысына 123 миллион теңге қайтарылды. Бұл туралы ҚР ҚМА Баспасөз қызметі хабарлады.

Еске салайық, Агенттіктің Алматы қаласы бойынша департаменті «B2B Jewelry» зергерлік дүкендер желісінің атын жамылған қаржы пирамидасының қызметін ұйымдастыруға қатысты сотқа дейінгі тергеуді аяқтады.

Сот үкімімен қаржы пирамидасын ұйымдастырушы кінәлі деп танылып, ол 5 жыл мерзімге қаржылық қызметпен айналысу құқығынан айырумен 6 жыл 8 айға бас бостандығынан айырылды.

Қылмыстың қалған сыбайластарына қатысты сотқа дейінгі іс жүргізу аяқталуға жақын.

Бас прокуратура Ұлттық қауіпсіздік комитетінің бұрынғы басшыларына қатысты қылмыстық істі зерделеу нәтижесі бойынша тергеу органының айыптау актісін бекітті. Қылмыстық іс Астана қаласының Қылмыстық істер жөніндегі мамандандырылған ауданаралық сотына қарау үшін жолданды. Бұл туралыы Бас прокуратураның баспасөз қызметі хабарлады.

Айыпталушылар К.Қ. Мәсімов (ҰҚК-нің бұрынғы төрағасы) және А.Т. Садықұлов (ҰҚК төрағасының бұрынғы орынбасары) мемлекетке опасыздық жасау (ҚК 175-бабының 1-бөлігі), билікті күшпен басып алу (ҚК 179-бабының 3-бөлігі), ауыр зардаптарға әкеп соққан билік пен лауазымдық өкілеттіктерді өзіне және басқаларға пайда мен артықшылықтар алу мақсатында асыра пайдалану (ҚК 362-бабы 4-бөлігінің 3-тармағы) туралы баптар бойынша сотқа берілді.

Д.Е. Ерғожин (ҰҚК төрағасының бұрынғы орынбасары) билікті күшпен...

Кредиттері бар қарыз алушылар, әдетте, оны толық болмаса да, ішінара тезірек жабуға тырысады. Бұл негізгі борыш сомасын да, кредит бойынша сыйақы мөлшерін де азайтуға мүмкіндік береді. Бұл туралы Fingramota.kz-пен бірге қарастырайық.

1-қадам. Кредиттік шартты мұқият оқып шығыңыз 

Қарызды рәсімдеу алдында кредиттік ұйымның менеджерінен мерзімінен бұрын өтеу шарттары қандай екенін нақтылау қажет. Мысалы, заң бойынша банктердің негізгі борышты мерзімінен бұрын ішінара өтеу немесе мерзімінен бұрын толық өтеудің мынадай жағдайларын қоспағанда:

Қырғызстан бидай ұнын экспорттауға уақытша тыйым салды. Бұл туралы шешім министрлер кабинетінің отырысында қабылданды. Бұл туралы оның баспасөз қызметі хабарлайды.

Шешім:

2022 жылғы 1 қарашадан бастап 31 желтоқсанды қоса алғанда, бидай ұнын Еуразиялық экономикалық одаққа мүше емес мемлекеттерге Қырғыз Республикасының аумағынан тысқары жерлерге әкетуге сандық шектеу белгіленсін. 100 мың тонна көлемінде;

Кедендік экспортқа сәйкес Қырғызстаннан Еуразиялық экономикалық одаққа мүше болып табылмайтын мемлекеттерге экспортталатын бидай ұнына) қатысты сыртқы сауда қызметіне қатысушылар арасында экспорттық квоталарды бөлу қағидаларын бекітсін;

Шешім ресми жарияланған күнінен кейін жеті күн өткен соң қолданысқа енетіні атап өтілді. Ол елдің азық-түлік қауіпсіздігін қамтамасыз ету және азық-түлік тауарларының нарықтық бағасын...

Қазақстандық жас таланттарды анықтау және фортепиано өнері саласындағы жас музыканттардың шығармашылық өсуіне жағдай жасау мақсатында Қазақстан Республикасы Мәдениет және спорт министрлігі тарапынан «Astana Piano Passion» жас пианистер байқауы ұйымдастырылды.

Ұйымдастырушылар атап өткендей, байқаудың міндеті – Қазақстандағы ұлттық «фортепиано мектебін» дамыту және балалар музыкалық және мамандандырылған мектептерінің, өнер мектептерінің, сондай-ақ басқа да қосымша білім беру ұйымдарының оқушылары арасында орындаушылық өнер деңгейін арттыру.

Конкурсқа қатысуға өтінімдерді қабылдау 2022 жылғы 19 қыркүйектен 25 қазанға дейін жүргізілді. Қазіргі уақытта еліміздің барлық өңірлерінде іріктеу туры жүріп жатыр.

Байқау Қазақстанның 7 жастан 17 жасқа дейінгі жас пианистері арасында келесі жас санаттарында өткізіледі:

– 7 жастан...

Жапонияның Окаяма және Ибараки префектураларының билігі құс тұмауының өршуіне байланысты 1,5 миллион тауықты жоюға бұйрық берді. Бұл жұма күні Окаяма әкімшілігі мен Жапонияның ауыл шаруашылығы, орман шаруашылығы және балық шаруашылығы министрлігінің сайттарында жарияланған хабарламада жазылған, деп хабарлайды ҚазАқпарат.

Окаямада құс тұмауының өршуіне байланысты Курасики қаласындағы фермада 510 мыңға жуық тауық сойылады. Жұмыс көлемі үлкен болғандықтан, індеттің салдарын жоюға Жапонияның өзін-өзі қорғау күштерінің жауынгерлері тартылуда. Касумигаура қаласында (Ибараки префектурасы) бірден 1 миллион тауықты сою жоспарланып отыр.

Осы маусымда осымен үшінші және төртінші рет ауру өршіді. Қазан айының соңында Хоккайдо мен Окаяма префектураларындағы екі эпидемияға байланысты 340 мың тауық жойылды.

2022 жылғы қаңтар-тамыз айларында Қазақстан мен Солтүстік Македония арасындағы тауар айналымы $8,9 млн құрады, бұл өткен жылдың сәйкес кезеңімен салыстырғанда 7,8 есе жоғары. Бұл туралы ҰЭМ ресми телеграм-каналы хабарлады.

Қазақстаннан Солтүстік Македонияға экспорт 2022 жылғы қаңтар-тамызда 73,6 есеге өсіп, $7,3 млн құрады.

Экспорттың өсуі металл бұйымдары мен зығыр тұқымдарын жеткізудің артуымен байланысты.

Солтүстік Македониядан Қазақстанға импорт 2022 жылғы қаңтар-тамызда 55,1%-ға өсіп, $1,6 млн құрады.

Қазақстанға импорттың негізгі тауарлары – дәрілік заттар, киім, жылжымалы құрамның бөлшектері, пластмассадан жасалған бұйымдар, оқшауланған сымдар мен кабельдер.

Бензин мен дизель отынын экспорттаудағы контрабандалық арналарын жою шараларын Қаржылық мониторинг органдары жүзеге асырып жатыр.

Жедел іс-шаралардың нәтижесінде Павлодар облысы бойынша департамент қызметкерлері АИ-95 маркалы бензині бар 3 вагон цистернаны «жанармай қоспасы» деген желеумен жалпы құны 54 млн теңге 165 тонна көлемінде елден заңсыз әкету фактісін анықтады.

Сондай-ақ, 89 млн теңге тұратын көлемі 280 тонна АИ-95 маркалы бензині бар 5 вагон цистерна Өзбекстанға экспорттамақ болған кезде сол компания ұсталды.

Жалпы, аталған компания Өзбекстан мен Тәжікстанға 90 миллион АҚШ доллары көлемінде 100 мың тоннадан астам жанар-жағармай экспорттауды көздеген.

Серіктестік директоры өз кінәсін толық мойындады.

Тәркіленген бензин құйылған цистерналар мемлекет кірісіне...

«Отбасының цифрлық картасы» ақпараттық жүйесін пилоттық режимде енгізудің арқасында осы жылдың 1 қыркүйегінен бастап 36 мың адамға мемлекеттік көрсетілген қызметтер белсенді көрсетілуі үшін SMS жолданды. Бұл ретте өтініш берусіз жәрдемақы немесе төлем алу мүмкіндігін 7 мыңнан астам адам пайдаланды. Бұл туралы ҚР Еңбекмин баспасөз қызметі хабарлады.

Қазіргі уақытта Отбасының цифрлық картасы мемлекеттік қолдау шараларын алуға құқығы бар қазақстандықтарға қандай да бір өтініштерсіз жәрдемақылар мен әлеуметтік төлемдердің 9 түрін ресімдеуге мүмкіндік береді. Олар жүктілікке және босануға байланысты табысынан айырылған жағдайда әлеуметтік төлем, бала күтіміне байланысты табысынан айырылған жағдайда әлеуметтік төлем, жұмысынан айырылған жағдайда әлеуметтік төлем, асыраушысынан айырылу бойынша әлеуметтік төлем, мүгедектіг...

Ағымдағы жылдың қазанында «ҚТЖ» ҰК» АҚ желісі бойынша 1,5 млн тонна астық пен астық баламасындағы ұн тиелсе, оның 1,2 млн тоннасы   экспорттық қатынаста. Бұл туралы «Қазақстан темір жолы» ҰК» АҚ баспасөз қызметі хабарлады.

Астық тиеу 1 млн тоннадан асып, 2021 жылға қарағанда 26%-ке өсті. Экспортқа 800 мың тоннадан астам жөнелтілсе, бұл өткен жылғы деңгейден 41%-ке жоғары. Ұнтақ өнімдерін (ұн) тиеу көлемі 32%-ке, 313 мың тоннаға дейін ұлғайды. Өткен жылға қарағанда экспорттық жөнелту 75%-ке, яғни 247 мың тоннаға дейін өсті. 

Ауыл шаруашылығы өндірушілерінің өнімдерін үздіксіз тасымалдау бекітілген маршрут бойынша жүк пойыздарының тұрақты қозғалысын ұйымдастырудың арқасында қамтамасыз етілді. Бұл жүктерді жөнелту пунктінен межел...

«Kaspersky»-дің мәліметтері бойынша, 2022 жылы стримингтік сервистер түрінде жасырынған трояндықтар зиянды бағдарламаның ең көп таралған түрі болды. Бұл зиянды бағдарламалар жеке мәліметтер мен ақшаны ұрлауы мүмкін. Мұндай бағдарламаның түріне байланысты функциялар айтарлықтай өзгеруі мүмкін. Зиянкестер стримингтік платформалардың атауларын зиянды файлдарға қосады және оларды желіде таратады.

1 қаңтардан 30 қыркүйекке дейін стримингтік платформалар түрінде зиянды және қажетсіз БҚ-ға тап болған пайдаланушылардың 78% -на әртүрлі трояндық бағдарламалар, соның ішінде шифрлаушылар, тыңшылар, жүктеушілер шабуыл жасады. Салыстыру үшін-контент өндірушілері ретінде жасырылған жарнамалық БҚ-ға пайдаланушылардың 15% – ы тап болды. Осылайша, бағдарламаны белгісіз сайттан жүктеу арқылы адам қажетсіз жарнамаларды алудан гөрі жеке деректерді, шоттарға қол...

Қырғызстан Сыртқы істер министрінің орынбасары Азизбек Мадмаров пен ҚХР-ның Қырғыз Республикасындағы Төтенше және Өкілетті Елшісі Ду Дэвэннің кездесуі өтті. Бұл туралы Қырғызстан Сыртқы істер министрлігінің баспасөз қызметі хабарлады.

Оның айтуынша, кездесуде Қытай тарапы Тәжікстанның шекарадағы агрессиясынан зардап шеккен Баткен облысының тұрғындарына 100 мың АҚШ доллары көлемінде гуманитарлық көмек бөлу туралы шешім қабылдағанын хабарлады.

Қаражат жақын арада қырғыз тарапы көрсеткен есепшотқа аударылады. Азизбек Мадмаров Қытай тарапының шешімі Қырғызстан мен Қытай халықтары арасындағы терең достықты толық көрсететінін атап өтіп, елшіге алғысын білдірді.

Камерунда Логон өзенінде сусиыр туристер мінген каноэге шабуыл жасады. Алдын ала мәлімет бойынша, бес адам қаза тапты, – деп хабарлайды Xinhua агенттігі.

Жергілікті билік жануардың қайықты аударып алғанын хабарлады. Оқиға орнынан құтқарушылар бес адамның мәйітін тапты. Тағы екі турист ауыр жарақат алып, жергілікті ауруханаға жеткізілді.

Камерун жабайы табиғатты қорғау қоғамының мәліметі бойынша, сусиыр шабуылы аймақта жиі кездеседі, әсіресе жаңбырлы маусымда олар өте агрессивті.

ЮНИСЕФ пен ДДСҰ балаларды міндетті вакциналаудың маңыздылығы туралы ескертеді. Бұл туралы «Хабар 24» хабарлады.

Биылғы жылдың алғашқы екі айында әлемде қызылшадан ауырғандар саны былтырмен салыстырғанда 79 пайызға өсті.

Әлем елдерінде, әсіресе Еуропада COVID-19 және маусымдық тұмау көбейіп келе жатқандықтан тұрғындар сақ болуы керек. Сондай-ақ балалар вакцина қажет ететін басқа аурулардан қорғанған жөн.

Соңғы жылдары, әсіресе пандемия кезінде жеткіншектер қажетті екпелерді алмаған. Жыл сайын 25 млн-ға жуық бала түрлі індеттерге қарсы егілмеген делінген мәлімдемеде. Олардың қатарында, қызылша және полиомиелит сияқты аурулар да бар.

Мұның себебін мамандар пандемиямен және жаһандағы қарулы қақтығыстармен байланыстырады. 

Премьер-Министр Әлихан Смайылов мемлекеттік органдарға нормативтік-құқықтық актілерді талдауды жеделдетуді тапсырып, бұл жұмысты ағымдағы жылдың соңына дейін аяқтауды тапсырды, деп хабарлады Премьер-Министрдің баспасөз қызметі.

«Тездету керек. «Атамекен» ҰКП тарапынан қолдау тапқан және мақұлданған талаптар бойынша заңнаманы «тазарту» қажет: бұл нормаларды бұйрықтар мен қаулылардан алып тастау керек. Талдау жұмысы аяқталғанша күтпеңіздер. Қажетсіз талаптар анықталды ма? Жұмысын тоқтату үшін оларды жою бойынша дереу шаралар қабылдау қажет», — деді Әлихан Смайылов.

Сондай-ақ кеңесте бизнестің проблемалық, оның ішінде Отандық кәсіпкерлер кеңесінің отырыстарында көтерілген мәселелерді шешу бойынша тапсырмаларды орындау барысы қаралды.