Жаңалықтар

Әкімдік «Almaty Bike» велосипедтерін жалға беру қызметін жүзеге асыруға 188,3 миллион теңге жұмсауды жоспарлап отыр.

Бөлінетін 188 369 556,25 теңге көлеміндегі қаражат 8 айға есептелген. Әр айға шаққандағы құны 26 371 737, 875 теңгені құрайды.

Қызмет көрсетуші компания AlmatyBike автоматтандырылған велопрокат жүйесін
сүйемелдеумен айналысатын болады. Әлеуетті жеңімпаз 950 станцияларда велосипедтен тұратын белсенді велосипед паркі бар 185 автоматтандырылған велостанцияның тәулік бойы жұмыс істеуін және тұрақты техникалық қызмет көрсетуді қамтамасыз етуі тиіс. Оның міндеттеріне станцияларды тазалау, велосипедтерді жөндеу/орау, станцияларды жөндеу, монтаждау, бөлшектеу және жүйенің электрондық жабдығын жөндеу жұмыстары кіреді.

«Велосипедтер мен велосипед жабдықтарының борттық компьютерлеріне...

Қаржы министрі Мәди Тәкиев Ұлттық қордан балаларға берілетін төлемдердің көлемі қандай жағдайда ұлғаятынын түсіндірді.

Министр биылдан бастап Ұлттық қор кірісінің жартысы 18 жасқа дейінгі балаларға беріле бастағанын еске салды.

«Биыл алғаш қадам жасалып, 6,9 миллион бала 100,52 доллардан алды. Өйткені Ұлттық қордың кірісі 1,3 миллиард долларды құрады. Оның жартысы – 695 млн доллар, осы қаражат бөлінді. 2024 жылы 18 жасқа толған, не толатын балалар саны – 304 815. 1 наурыздағы жағдай бойынша айтатын болсақ 30 миллион 640 мың доллар көлемінде ақша берілді. Ұлттық қордың кірісі өскен сайын балаларға төленетін төлемдер де ұлғаяды. Бүгінде Ұлттық Қордың көлемі артуда...

Қазақстанда қымыз 2023 жыл ішінде қымыз өндірісі 236 тоннаға артып, шұбат өндірісі 61 тоннаға кеміген. Бұл туралы Ұлттық статистика бюросы хабарлады.

Бюроның ақпаратына сүйенсек, өткен жылдың 12 айында қымыз өндірісі 10,6% өсіп, 2 463 тоннаға жетті. Бұл 2022 жылмен салыстырғанда 236 тоннаға артық. 

Алайда елде шұбат өндірісі 2% төмендеп, 3003 тоннаны құрады. Бұл алдыңғы жылмен салыстырғанда 61 тоннаға аз.

Сүт өнімдерінің өндірісі азайған

Алайда осыған дейін өндіру деңгейі төмендеген өнімдердің көшін сүт өнімдері бастап тұрғанын жазған едік. Елде сары май, сүт, сыр, сүзбе сияқты өнімдердің өндірісі күрт төмендеген. Бұл, әрине, алаңдатарлық жағдай.

Жалпы сүт саласындағы проблемалар былтырдан бері жи...

Мемлекеттік құпиялар мен олардың көздерін шет мемлекеттерге және халықаралық ұйымдарға беру қағидалары бекітілді. Осыған орай үкімет басшысы Олжас Бектеновтің қаулысы жарияланды.

Бұл қаулы мемлекеттік құпиялар мен олардың көздерін шет мемлекеттерге
және халықаралық ұйымдарға беру қағидалары мен тәртібін айқындайды.

Мемлекеттік құпияларды беру Қазақстан Республикасы мен шет мемлекет немесе халықаралық ұйым арасындағы халықаралық шарттарды орындау мақсатында жүзеге асырылады.

«Мемлекеттік құпияларды беру, егер Қазақстан Республикасы
ратификациялаған халықаралық шарттарда өзгеше көзделмесе, мемлекеттік
құпияларды қорғау жөніндегі уәкілетті мемлекеттік органның оларды беру мүмкіндігі мен орындылығы туралы сараптамалық қорытындысы болған кезде Қазақстан Республикасы Үкіметінің шешімі бойынша жүзеге асырылады», – делінген құжатта.

Мемлекеттік құпияларды...

2024 жылдың қаңтар-ақпан айларында 145 мыңға жуық азамат жеке кәсіпкер ретінде тіркеліп, кәсібін заңдастырған. Бұл туралы Үкімет кулуарында Қаржы министрі Мәди Такиев айтты.

«Қаңтар айында бізде 75 мыңға жуық жеке кәсіпкер кәсібін заңдастырған. Егер бұрын (бір айда – ред.) шамамен 2-3 адам кәсібін заңдастырған болса, қазір қаңтарда 75 мың, ақпан айында шамамен 70 мың. Яғни заңдастыру және кәсіпті көлеңкеден шығару процесі жүріп жатыр. Біз бұл жұмысты жалғастырамыз», – деді министр.

Такиевтің сөзінше, қазір жылдың басында болған қарбалас тұрақталып, банктермен жұмыс жүргізіліп, кәсіпкерлер кәсібін заңдастырып, адамдар мобильді аударымдарға қайта көшкен.

Ол қазір кәсіпкерлерге 12 АЕК деңгейінде қаржы...

Жыл сайынғы Speedtest жаһандық интернет индексі жарияланды. Жаңартылған тізімде Қазақстан мобильді интернет жылдамдығы бойынша Түркіменстан мен Жапониядан артта қалды. Алайда Ресейді басып озды. 

2024 жылдың ақпанында Қазақстан мобильді интернет жылдамдығы бойынша бір позицияға төмендеді. Осылайша 35,71 Мбит/с нәтижемен 71-ші орынға ие болды. Түркіменстан Қазақстан Республикасынан (37,23 Мбит/с) озып, 69-шы орында. Жапония 60-шы орында (48 Мбит/с). Көрші елдер арасында Қазақстан интернет жылдамдығы бойынша Қырғызстан (27,25 Мбит/с, 97-орын) мен Ресейден (24,64 Мбит/с, 113-орын) алға шықты.

Индексте барлығы 155 қала бар. Оның ішінде келесі мегаполистер көш бастады:

Қазақстанда кең жолақты интернетт...

АҚШ-та сәнді спорттық автомобильдер өндірушісі тежегіш жүйесінің «өмірге қауіп төндіретін» ақауын жоймады деп айыпталып отыр.

Толығырақ

Калифорния тұрғыны Илья Нечев 18 наурызда Сан-Диего федералды сотына Ferrari-ге қарсы арыз берді. Ferrari бірнеше рет көліктерді кері қайтарғанымен, кейбір тежегіштердегі  «өмірге қауіп төндіретін» ақауды әлі жойған жоқ, деп жазды Bloomberg. Арызданушының айтуынша, бұл  «уақытша шара» нәтижесінде көптеген Ferrari көліктері жүргізушілер үшін қауіпті болып қала берді.

Нечаевтың өзі 2020 жылы сатып алған 2010 жылғы Ferrari 458 Italia спорттық көлігінде бірінші күннен бастап тежегіште ақау болғанын айтуда.

Оның айтуынша, көліктегі жылдамдықты азайту үшін, тежегішті басқан. Бірақ көлік жылдамдықты азайтқан жоқ. Нечев болған оқиға...

«Астана – Қостанай» рейсі, бойынша ұшып шыққан FlyArystan әуе кемесі жарты жолдан кері қайтқан. Бұл жайлы «Наша газета» телеграм арнасы жазды.

Басылымының хабарлауынша, жолаушылардың туыстары FlyArystan әуе компаниясының борты күтпеген жерден астанаға кері оралғанын хабарлаған. Қайту себебін, ұшақ жолаушыларына нақты түсіндірілмеген.

Әуе компаниясының тұтынушыларға қызмет көрсету қызметі рейстің «өндірістік себептерге байланысты» кейінге қалдырылғанын хабарлаған.

Кейінірек компанияның баспасөз қызметі дәл қай рейстің кері қайтқанын нақтылады.

«FlyArystan 2024 жылғы 19 наурызда Астана-Қостанай бағытындағы KS7341 рейсі Қостанайға ұшып шыққан кезде жедел себептермен Астана әуежайына қайта оралды. Әуе компаниясының рейсі жергілікті уақыт бойынша 14:15-те ұшты...

2023 жылы ауылдардың әлеуметтік, инженерлік және көлік инфрақұрылымын дамытуға республикалық және жергілікті бюджеттерден, сондай-ақ басқа да көздерден 1 трлн теңгеге жуық қаражат бөлінді. Биыл бұл мақсаттарға 900 млрд теңге бөлу жоспарланған. Бұл туралы Ұлттық экономика министрі Нұрлан Байбазаров айтты. 

Бүгінде Қазақстанда 6,2 мың ауыл бар. Оларда 7,6 млн адам тұрады. Бұл жалпы халықтың 38,4%-ын құрайды. 7,6 млн адамның 550 мыңға жуығы (7,5%) жалақысы ең төменгі күнкөріс деңгейінен төмен, яғни 43 мың теңгені құрайды. 357 мыңнан астам адам (4,7%) жұмыссыздар, 1,2 млн адам (33%) өзін-өзі жұмыспен қамтығандар.

Министрліктің мәліметінше, ауылдардың құрылыс және қызмет көрсетумен қамтылу деңгейі 64,3 пайызды құрап отыр. Е...

Ұлттық экономика министрінің орынбасары Бауыржан Омарбеков мемлекеттік органдардың ірі бизнесті аз, шағын және орта бизнесті көп тексеруінің себебін түсіндірді.

Бас прокуратураның ақпаратына сүйенсек, былтыр ірі бизнесті тексеру азайған. Ал шағын және орта бизнесті тексеру көбейіп кеткен. Осыған байланысты Үкімет кулуарында вице-министр шағын бизнесті тексеру көрсеткішінің неліктен артып кеткенін түсіндірді.

«Қазіргі таңда кәсіпкерлікті қолдаудың нәтижелері арқасында экономикада шағын және орта кәсіпкерліктің үлесі ұлғайып келе жатыр. Қазір 36,5%-ға жетті. Алдағы уақыттағы мақсатымыз 40%-ға жеткізу. Сол себепті ірі бизнестің саны шағын және орта бизнестің санына шаққанда аз болғандықтан, жалпы тексеру көлемін есептегенде шағын және орта бизнесті тексеру көп болып...

Қаржы министрі Мәди Тәкиев шенеуніктердің жалақысына бюджеттен жылына қанша ақша бөлінетінін айтты.

Үкіметте өткен брифингте БАҚ өкілдері соңғы 10 жылда елімізде шенеуніктердің саны айтарлықтай өскенін айтып, министрден мемлекеттік аппаратты ұстауға жылына бюджеттен қанша қаржы жұмсалатынын сұрады.

«Мен барлық мемлекеттік аппараттың жалақысы туралы айта аламын. Бүкіл мемлекеттік аппараттың айлығы үшін жылына 1 трлн 32 мың теңге бөлінеді», – деп жауап берді министр.

Оның айтуынша, 10 жыл ішінде шенеуніктердің саны айтарлықтай өзгермеген. Министрліктерді бөлу туралы шешім қабылданғаннан кейін де штат саны сол көлемде. Елімізде әлі де 89 мыңға жуық мемлекеттік қызметкер жұмыс істейді.

Қазақстанда қала мәртебесіне лайық 112 ауыл бар. Оларды қалаға айналуы мүмкін бе? Бұл мәселелер Үкіметте өткен жиында талқыланды.

Жиын барысында премьер-министр Олжас Бектенов адамдардың ірі елдімекендерге көшіп жатқанын, осы орайда халық тығыз орналасқан ауылдардың мәртебесін қайта қарау мәселесі тұрғанын айтты.

«Қазір осындай ауылдардың саны қанша? Бұл бағытта қандай жұмыс атқарылып жатыр?»,  – деп сұрады үкімет басшысы.

Премьер-министрдің орынбасары – Ұлттық экономика министрі Нұрлан Байбазаров бүгінде қала мәртебесіне лайық 112 елдімекен бар екенін, олардың тұрғындары мен әкімдіктері қаласа, қала мәртебесін алу құқы қарастырылатынын айтты.

«Қазір елімізде...

NVIDIA жасанды интеллект әзірлеушілеріне арналған «Вудсток» деп аталатын конференциясында ЖИ модельдерін орналастыруға арналған чиптер мен бағдарламалық жасақтаманың жаңа буынын ұсынды. Бірақ бұл жаңалық инвесторларды таңқалдырмады. Компанияның акциялары шамамен 2% – ға төмендеді.

Толығырақ

Тұсаукесерден кейін NVIDIA-ның құнды қағаздары постмаркетте 1,8%-ға, 869 долларға дейін арзандады. Бұған дейін негізгі сессия барысында акция құны 0,7%-ға өсті.

Bloomberg жазуынша, Nvidia чиптерінің жаңа буыны туралы хабарландыру асыға күткен жаңалық болған. Тұсаукесерге дейін компанияның құнды қағаздарының бағасы тарихи рекордқа дейін, яғни 79%-ға өсті.

Nvidia не ұсынды

Компания жаңа Blackwell жасанды интеллект платформасын және алдыңғы Hopper H100-ден бес есе қуатты GB200 чипін көрсетті. Nvidia...

Соңғы 5 жылда салықтық және кедендік түсімдер көлемі 4 трлн теңгені құраған. Оның 23%-ы немесе 932 млрд теңгесі 2023 жылы түскен. Бұл жайлы Үкімет отырысында Қаржы министрі Мәди Тәкиев айтты.

Министрдің айтуынша, түсімдердің артуына бұл саланы цифрландыру оң әсер еткен.

«Соңғы 5 жылда салықтық және кедендік әкімшілендіру шаралары мен оларды цифрландыру есебінен, республикалық бюджет қосымша 4 трлн теңгеге толықты. Оның 23%-ы немесе 932 млрд теңгесі 2023 жылы түсті. Осы жылы әкімшілендіруге арналған кіріс бойынша 1,6 трлн теңгеге жоспар құрылған. Бұл алдыңғы жылғы деңгейден 173%-ға көп»,  – деді Тәкиев.

Министр 1,6 трлн-дық межеге...

Маңғыстау облысында газ құбыры желісінде өрт шығып, жарылыс болды / Фото: видеодан кадр

Маңғыстау облысының Бейнеу ауылында магистральдық газ құбырында өрт шығып, жарылыс болды. Жарылыс аудан аумағындағы «ИнтергазОрталықАзия» АҚ-ның САЦ-4 магистральды газ құбырының бойында болған.

«18 наурыз күні түнгі сағат 23:00 минут шамасында Бейнеу ауылындағы «ИнтергазОрталықАзия» АҚ-ның САЦ-4 магистральді газ құбырының поршеньді жіберу торабында өрт болды. Оқиғадан зардап шеккендер жоқ. Өрт толықтай сөндірілді. Қазіргі таңда жарылыстың себебі анықталып жатыр», – деді Маңғыстау облыстық ТЖД-ның баспасөз қызметі.

Өрттің тұтанған сәтін куәгерлер видеоға түсіріп алған.

Ал «QazaqGaz» компаниясының хабарлауынша, газ тасымалдау нысандарына залал келмеген.

АҚШ-тағы технологиялық сектор жасанды зердені дамуы туралы жағымды жаңалықтардан кейін қайта өсті. Инвестициялық қорлар Қытай акцияларына деген көзқарасын өзгерте бастады.  Brent маркалы мұнайдың бағасы барреліне 86 доллардан асты.

АҚШ-тағы технологиялық сектор қайта өсуде

Технологиялық сектор нарықтағы деңгейді қайтадан жоғары көтеруде. Yahoo Finance айтуынша, S&P 500 индексі шамамен 0,63% – ға, ал Nasdaq Composite 0,82% және DOW 0,2% – ға өсті.

Bloomberg ақпаратына сүйенсек, Бигтех Apple және Alphabet (Google) iPhone-да Google Gemini жасанды интеллект бағдарламасын пайдалану туралы келіссөздер кезінде жақсы нәтиже көрсетті.   Америкалық Аlphabet холдингінің (Google бас компаниясы) құнды қағаздары кеше 4,6% – ға тұрақтады.

Жақсы жаңалықтарды...

2023 жыл үшін көлік салығын төлеу мерзімі 2024 жылдың 1 сәуірінде аяқталады. Ал сатылып не болмаса сатып алынған көлікке салық қалай төленеді? Мемлекеттік кірістер комитеті, салық төлеушілерден келген осыған қатысты сұрақтарға жауап берген екен.

«2023 жыл ішінде көлік құралын сатып алған/сатқан жағдайда жылдық салықтың есептелген сомасы 12-ге бөлінеді және меншік құқығында нақты болған айлар санына көбейтіледі», – деп жазылған МКК таратқан хабарламада.

Яғни көлік сатып алған адам салықты сатып алған айдан бастап төлейді.

Сондай-ақ егер 2023 жылдың басына дейін сатылған көлік құралы бойынша салық сомасы ұсынылған болса, мұндай көлік құралының уәкілетті органда есептен шығарылғанына...

«ҚазМұнайГаз» ҰК АҚ басқарма төрағасы Мағзұм Мырзағалиев АҚШ-та өткен CERAWeek энергетикалық конференциясында халықаралық компанияларды Каспий маңындағы игерілмеген мұнай кен орындарын барлауға шақырды.

ҚазМұнайГаздың дерегінше, 18 наурызда Мырзағалиев конференцияда компанияның геологиялық барлауды жандандыру бағытындағы жоспарлары туралы айтып берді. Сонымен қатар компанияның елдегі инвестициялық ахуалды жақсарту мақсатында заңнаманы өзгертуге қатысты белсенді жұмыс атқарып отырғанына тоқталды. Қазақстан мұнай-газ секторында үлкен инвестициялық мүмкіндіктер ұсынатынын атап өткен.

«Біз халықаралық компанияларды Каспий теңізінде құрлық пен қайраңдағы жобаларды жүзеге асыруға серіктес ретінде қарастыруға дайынбыз», — деді Мырзағалиев.

Ол Қазақстанның көмірсутек ресурсы үлкен потенциалға ие екенін, ал Каспий маңы бассейнінің қоры әлі де игерілмегеніне назар аударды. Қазақстан Үкімет...

Қамауда отырған Орифджан Шадиев бақылауында болған Capital Bank Kazakhstan және AsiaCreditBank-ке тиесілі 960 га жер телімі Ұлттық банк резервіне қайтарылды.

«Алматы прокурорлары 960 гектар жерді Ұлттық банкке қайтарып берді», –делінген прокуратура хабарламасында.

Қала прокуратурасы сот актілері мен сот үкімдерін талдаудың негізінде «Capital Bank Kazakhstan» АҚ мен «AsiaCreditBank» АҚ таратылған банктердің жалғыз акционері болып табылатын борышкердің (Шадиевтің – ред.) активтері шығарылғанын анықтады.

«Жауап берушінің қарызы 15 млрд-тан астам теңгені құрады. Прокуратура ҚР Ұлттық Банкінің мүддесіне, «Ш» жауап берушінің жер учаскелерін сату-сатып алу шарттарын жарамсыз деп тану жөнінде талап арыз берді. Алматы облысы Іле аудандық сотының шешімімен Алматы...

Қазақстандағы ең ірі онлайн билеттерді сатып алу жүйесі «Тикетон» қызметі ребрендинг туралы хабарлайды. Енді «Тикетонда» Freedom Holding Corp экожүйелік компанияларының ерекше стильдегі бірегей, танымал жаңа логотипі болады.

Жаңартылған белгіде Freedom Holding Corp логотипін бейнелейтін латынның «F» әрпі бар. Ортақ стиль цифрлық экожүйенің қамқорлығымен барлық жобаларды біріктіреді. Олар холдингтің төрт негізгі ережесін көрсетеді: сенімділік, көшбасшылық, инновация және қаржы.

Freedom Holding Corp компаниясының бас атқарушы директоры Тимур Турлов:                  

«Цифрлық қызметтердің аясын кеңейту және оларды клиенттер үшін қолдану процесін жеңілдету – біздің дамуымыздың басым бағыттарының бірі. Freedom экожүйесінің бағытын кеңейте отырып, біз оның сегментінде нарық көшбасшысын таңдадық. Жетілдірілген...

20-22 наурыз күндері Алматыда ауа райы бұзылып, нөсер жауады деп күтілуде. Бұл жайлы «Қазгидромет» болжамында айтылған. Мереке күндері жауын-шашынды болатынына байланысты қалалық коммуналдық қызметтер дайындыққа келтірілген.

«Жауын-шашын кезінде су басудың алдын алу үшін мотопомпалармен және шанц құралдарымен жабдықталған 52 жедел мобильді бригаданың кезекшілігі ұйымдастырылады. 2,3 мыңнан астам қап құм дайындалды. Аудандық әкімдіктерде жұмыс өндірісін бақылау бойынша тәулік бойы кезекшілік ұйымдастырылатын болады», – делінген әкімдік хабарламасында.

Ауа райының нашарлауына байланысты тұрғындарға тауға барудан бас тарту, жүргізушілерге ағаштардың құлау қаупі мен электр желілерінің үзілуіне байланысты көліктерді жол жиегіне қоймау ұсынылған. Сонымен бірге су басып қалу қаупін болдырмау үшін қала тұрғындарына арық пен...

Газа секторының халқы апатты ашаршылықтың алдында тұр, аймақта атысты тоқтату қажет, деп мәлімдеді БҰҰ.

Ұйымның мәліметі бойынша, аймақтағы азаматтардың 70%-ы азық-түлік тапшылығынан зардап шегеді. Ал солтүстік провинцияларда жаппай аштық осы жылдың мамыр айына дейін жариялануы мүмкін.

Газа Денсаулық сақтау министрлігі қазіргі уақытта тамақтанбау салдарынан 27 бала мен үш ересек адамның қайтыс болғанын хабарлады.

«Аштықтың алдын алу үшін атысты дереу тоқтататын саяси шешім қажет. Бүкіл Газа халқына гуманитарлық және коммерциялық көмекті айтарлықтай көбейту қажет», – делінген БҰҰ хабарламасында.

БҰҰ Бас хатшысы Антонио Гутерриш Израиль гуманитарлық көмекті Газаның барлық бөліктеріне толық және кедергісіз кіруіне жағдай жасауы керек...

30 наурыздан бастап, Армения ресейлік «Мир» төлем жүйесімен жұмыс істеуді тоқтатады. ВТБ банкінің еншілес ұйымдары ғана бұл жүйе бойынша жұмысын тоқтатпайды.

«30 наурыздан бастап пайдаланушылар POS-терминалдарда қолма-қол ақшасыз төлем жасай алмайды және республикадағы басқа банктердің банкоматтарынан қолма-қол ақша ала алмайды. Бұл ВТБ карталарының жұмысына ешқандай әсер етпейді», – делінген Армениядағы ВТБ банкінің хабарламасында. Банк «Мир» карталарына толық көлемде қызмет көрсетуді жалғастыратынын мәлімдеген.

ВТБ банк хабарламасында «Мир» төлем жүйесінің карталарымен банкоматтардан қолма-қол ақша алу, онлайн-банкингтегі қызметтерге ақы төлеу, онлайн сатып алулар сынды негізгі қызметтердің жұмысы қолдетімді болып қалатыны айтылған.

Өз кезегінде Ресейдегі «Мир...

2023 жылдың қорытындысы бойынша Қырғызстанның (сыртқы және ішкі) мемлекеттік қарызы 6 млрд 280,54 млн долларға жеткен. 

Қырғызстан Қаржы министрлігінің ақпаратына сүйенсек, елдің сыртқы қарызы 4 млрд 545,11 млн доллар, ішкі қарызы 1 млрд 570,88 млн доллар болған.

24kg ақпараттық агенттігінің хабарлауынша, 2023 жылдың қарашасымен желтоқсаны аралығында елдің мемлекеттік қарызы 164,55 млн долларға өскен. Сыртқы қарыз 107,62 млн долларға, ішкі қарыз 56,92 млн долларға артқан.

2023 жылдың қорытындысы бойынша мемлекеттік қарыз жалпы ішкі өнімге шаққанда 45,53%-ды құрады.

Сыртқы қарыздың жартысынан көбі (53,6%) 2 млрд 495,82 млн доллар Қырғызстанның халықаралық банктерден алған несиелерінен тұрады. Қалған 2 млрд 87,81 млн доллар екіжақты...