Жаңалықтар

Чикаго тауар биржасында (CME) алтын келісімшартының құны 1,93%-ға өсті. Бағалы металл өзінің «құнды» болуының арқасында бір унция үшін 2094,3 долларға жетті. Бұл соңғы екі айдағы ең жоғары деңгей. Дәл осы бағамен алтын 2023 жылдың 28 желтоқсан айында сатылған еді. Бұл туралы РБК сайты хабарлады.

TD Securities-тің жетекшісі Барт Мелектің айтуынша, орталық банктердің барлығы алтынды белсенді сатып алуды қолдайды. Сондықтан алтын құны одан әрі өсе түседі. Өйткені Барт Мелек ФРЖ-ның жылдың ортасына қарай ақша-несие саясатын жеңілдететініне сенімді.

«Үш-төрт айдан кейін, егер біз нашар экономикалық деректерді көрсек және нарық ФРЖ ставкаларды төмендетуге дайын екеніне сенімді болса, алтын бағасы рекордқа жетед...

Атырау облысында Каспий теңізінің жағалауында 100 гектар аумақта қамыс өртенді. Бұл туралы ҚР ТЖМ баспасөз қызметі хабарлады.

 2 наурыз күні сағат 15:45-те Атырау облысында Каспий теңізінің жағалауында, Құрманғазы ауылынан 40 шақырым жерде Құрманғазы орманшылығының аумағында алдын ала болжам бойынша 100 гектар алаңда қамыс жанды.

ҚР ТЖМ мәліметіне сәйкес, өртті сөндіруге Құрманғазы ауданының №7 өрт сөндіру бөлімі, Орман шаруашылығы, ЖАО-дан 36 адам, 5 мотопомпас, 1 техника, 4 мотоқайық тартылды.

«Өрт өндіру жалғасуда. Елді мекендерге қауіп жоқ. Батпақты жер мен қамыстың тығыз және қалың өсуі өртті сөндіруге қиындық туғызып жатыр. Бұл техниканың өтуіне кедергі келтіруде», – делінген ресми ақпаратта.

АҚШ әскери ұшақтардың көмегімен Газа секторының тұрғындарына әуемен гуманитарлық көмек жеткізу операциясын өткізді. Сыншылардың айтуынша, азық-түлікті парашютпен түсіру амалы жүк көліктерімен жеткізуден гөрі әлдеқайда тиімсіз. АҚШ-қа дейін Газаға басқа елдер әуеден көмек көрсетті. Бұл туралы ВВС агенттігі хабарлады.

Reuters мәліметтеріне сүйенсек, үш америкалық C-130 ұшағы БҰҰ мәліметі бойынша, кем дегенде 576 мың адам ашығып жатқан аймаққа азық-түлік жеткізілді..

1 наурызда АҚШ президенті Джо Байден гуманитарлық жүктерді Газаға әуе арқылы жеткізу жоспарлары туралы хабарлады. «Біз көптеген жұмыстарды істеуіміз керек, ал АҚШ көп нәрсені жасайды», — деді ол.

Бейсенбі күні Газа қаласында гуманитарлық жүк көліктерінің маңына жиналған жұртшылықты...

Жасанды технологиямен байланысты компаниялар былтыр басқа индустриялармен салыстырғанда көп пайда тапқан. Ал олардың акцияларының баға белгілеуі үш мәнді өсім көрсетіп отыр.

Жасанды интеллект нарығы

Сарапшылар жасанды интеллект нарығының көлемін әртүрлі бағалауда. MarketsandMarkets-тің ең қарапайым есептеуі бойынша, 2023 жылы жаһандық AI нарығының көлемі 150,2 млрд долларды құрады. Next Move Strategy Consulting жасанды интеллектің әлемдік нарығын 200 млрд доллардан астам деп бағалайды. Ең оптимистік деректер үндінің Fortune Business Insights консалтингтік компаниясында. Оның болжамдары бойынша, AI нарығы 2023 жылғы 515,31 млрд доллардан 2030 жылға қарай 2 трлн долларға дейін өседі. Бұл ретте, сарапшылардың болжамы бойынша, орташа жылдық өсу қарқыны 21,6-дан 36,8%-ға дейін...

Танымал саясаткер, журналист Сейдахмет Құттықадам 78 жасқа қараған шағында дүниеден озды.

Қоғам қайраткері ұзаққа созылған аурудың салдарынан көз жұмды.

Сейдахмет Құттықадам Түркістан қаласында дүниеге келген. 1991 жылдан бастап кәсіби журналистикамен айналысып келді. «Арай» журналы, «Время-дәуір» және «Дәуір» газеттері, «Мысль» журналы сияқты республикалық басылымдардың бас редакторы болды.

Мемлекет басшысы оның отбасына көңіл айту жеделхатын жолдады

Ақорда баспасөз қызметінің хабарлауынша, Президент Қасым-Жомарт Тоқаев белгілі журналист, ғалым, қоғам қайраткері Сейдахмет Құттықадамның дүниеден өтуіне байланысты отбасы мен жақын туыстарына көңіл айтты.

«Сейдахмет Рысқожаұлы ұзақ жылдар ұлттық ғылымның, отандық журналистиканың дамуына елеулі үлес қосып, ұлағатты ұрпақ тәрбиеледі. Айналасына...

Павлодар облысында «Майқайыңалтын» АҚ кәсіпорнының байыту фабрикасы жұмысты қайта бастады. Бұл туралы ҚазАқпарат хабарлады.

Ал кен орнында жұмысты тоқтатуға қордағы алтын рудасының таусылғаны себеп болған еді.

Ақпаратқа сәйкес, акционерлік қоғамның бас директоры Қуаныш Ботин 750 адам жұмысқа шыққаны туралы ақпаратты растады.

«1 наурызда қызметкерлерді жұмыспен қамту және толыққанды ақылы жұмыс кестесіне көшу мақсатында «Майқайыңалтын» АҚ кен өңдеу фабрикасы өзінің өндірістік қызметін қайта бастады. Бұл ретте кеніштің өзінде кен өндіру жұмыстары қайта басталмағанын атап өту қажет. Өйткені тау-кен бұру аумағында арнайы комиссия анықтаған ескертулер түзетілуде. Қайта өңдеуге арналған шикізат өңір мен елдің басқа кен орындарынан жеткізіле...

SpaceX-тің Crew Dragon ғарыш кемесінің Халықаралық ғарыш станциясына ұшуы кейінге қалдырылды. Бұл туралы РБК сайты хабарлады.

«ХҒС-на Crew Dragon ғарыш кемесін ұшыру төртінші рет кейінге қалдырылды. 2 наурызда SpaceX Falcon 9 зымыраны мен Dragon ғарыш кемесі ауа райының қолайсыз жағдайларына байланысты кейінге қалдырылды», – делінген NASA хабарламасында.

Енді ғарышқа ұшу 3 наурызда жергілікті уақыт бойынша 22:53-ке жоспарланды.

Crew Dragon бортында Роскосмос астронавты Александр Гребенкин, сондай-ақ NASA-ның үш астронавты – Мэттью Доминик, Майкл Баррат және Джанетт Эппс болады.

Бастапқыда NASA мен SpaceX 22 ақпанда Халықаралық ғарыш станциясына Crew-8 ұшыруды жоспарлады. Бірақ старт 28 ақпанға...

Flightradar24 сайтының мәліметі бойынша, Air Astana әуе компаниясының KC881 рейсі Алматыдан Оралға ұшып, бірақ қалаға жетпестен кері қайтып, Алматыға қонған.

Әуе кемесінің неге кері қайтқанын Air Astana әуекомпаниясының баспасөз қызметі түсіндірді. Олардың мәлімдеуінше Алматы-Орал бағытындағы ұшақта жолаушының жағдайы күрт нашарлаған. Сол себепті әуе кемесінің командирі Алматыға қайту туралы туралы шешім қабылдаған.

«Алматы-Орал КС 881 рейсін бүгін орындаған Air Astana авиакомпаниясының ұшағы жолаушының жағдайының нашарлауына байланысты Алматыға қайтып келді. Әуе кемесінің командирі дәрігерлерді Алматы әуежайына шақырды. Ұшақ сағат 15:10-да штаттық режимде қонды. Науқас жолаушы жедел медициналық жәрдем қызметкерлеріне берілді. Оралға ұшудың күтілетін уақыты сағат 16.00-де», – делінген компания...

Қазақстан Президенті Қасым-Жомарт Тоқаев пен Владимир Путин телефон арқылы сөйлескен. Бұл жайлы Кремльдің баспасөз қызметі хабарлады.

Баспасөз қызметінің хабарлауынша Тоқаев Ресей президентінің Федералдық Жиналыста жасаған Жолдауына қатысты пікір білдірген.

«Қасым-Жомарт Тоқаев Ресей Президентінің Федералдық Жиналыста Жолдауының мазмұнды, бағдарламалық сипатын ерекше атап өтті. Ресей мен Қазақстан арасындағы одақтастық және стратегиялық әріптестік қарым-қатынастарын жан-жақты нығайтуға өзара бейілділік расталды»,  – делінген баспасөз хабарламасында.

Сонымен бірге екі тарап 2024 жылғы 21 ақпанда Қазан қаласында өткен кездесуде көтерілген мәселелерді талқылаған. Атап айтқанда, сауда-экономикалық, көлік-логистика және энергетика салаларындағы бірлескен жобаларды жүзеге асыруға баса назар аудара отырып, екіжақты күн...

31 кәсіпорын 1,6 мың жұмысшыға 700 млн теңге жалақы төлемеген. Бұл жайлы ҚР Премьер-Министрінің орынбасары Тамара Дүйсенованың төрағалығымен әлеуметтік әріптестік пен әлеуметтік және еңбек қатынастарын реттеу жөніндегі республикалық үшжақты комиссияның отырысында айтылды.

Еңбек және халықты әлеуметтік қорғау министрінің бірінші орынбасары Ақмәди Сарбасов былтыр инспекторлардың 7 мыңға жуық тексеру жұмыстарын жүргізгенін, анықталған олқылықтарды жою бойынша 4 мыңнан аса нұсқама берілгенін айтты. Сонымен бірге 400 млн теңгеден астам сомаға 2 400 айыппұл салынған.  

«Бүгінде 31 кәсіпорынның 1,6 мың жұмысшы алдында берешегі бар. Жалпы сомасы 700 млн теңгеге жуықтайды. Олардың ең көбі Шығыс Қазақстан, Қостанай облыстары...

Армения 2021 жылдан бері Ресей қару-жарағы мен әскери техникасына деген тәуелділігін 10 пайызға дейін төмендеткен. Бұл жайлы Арменияның қоғамдық телеарнасына берген сұхбатында республиканың Қауіпсіздік Кеңесінің хатшысы Армен Григорян айтты.

Григорян 2020 жылдан бастап, Ереванның жалпы әскери-техникалық ынтымақтастығының 96 пайызы Мәскеумен байланысты болғанын, ал 2021 жылдың қаңтарынан бастап Армения әртүрлі елдермен бірнеше миллиард долларлық келісім-шарттар жасап, бұл көрсеткіштерді айтарлықтай азайтқан.

«Бұл келісімшарттарда ресейлік көлем 10%-дан аз. Яғни Ресеймен әскери-техникалық ынтымақтастық 96%-дан 10%-ға дейін төмендеді»,  – деген Григорян.

Қауіпсіздік кеңес хатшысы «Ресейдің өз таңдауына» байланысты Арменияның бұл саланы әртараптандыруға мәжбүр болғанын айтқан. Соны...

ҚР Экология және табиғи ресурстар министрлігі президенттің 5 жылда 2 млрд ағаш егу туралы тапсырмасын орындап үлгермеген. Бұл жайлы министрліктің кеңейтілген алқа отырысы барысында вице-министр Нұркен Шарбиев айтты.

Министрліктің хабарлауынша тиісті жұмыстар Ақмола (83%), Ақтөбе(66%), Павлодар (5%), Қарағанды (12%), Қостанай (45%), Қызылорда (82%) және Солтүстік Қазақстан (77%) облыстары, сондай-ақ «Семей орманы» (47%), «Бурабай» МҰТП (42%) және «Жасыл Аймақ» РМК (76%) кәсіпорындарында лайықты деңгейде жүргізілмеген.

Өткен жылғы жоспарларды орындамауға 2021 жылы қаржыландырудың жеткіліксіздігінен орман тұқымдарын жинау және отырғызу материалын өсіру бойынша жұмыстардың дұрыс жүргізілмегені себеп болған. Өз кезегінде 2021 жылғы жоспардың орындалмауы өткен жылы ағаш отырғызуға қажетті материалдармен қамтылу деңгейіне әсер еткен. Нәтижесінде...

Өнеркәсіп және құрылыс министрлігі БЖЗҚ-дан түсетін мақсатты жинақ төлемдерін тұрғын үй жағдайын жақсартуға пайдалану қағидаларын бекітті. Бұл жайлы министрлік сайтында жазылған.

«Мемлекет басшысының тапсырмасын орындау мақсатында Қазақстан Республикасы Өнеркәсіп және құрылыс министрлігі тұрғын үй жағдайын жақсарту мақсатында Бірыңғай жинақтаушы зейнетақы қорынан түсетін мақсатты жинақ төлемдерін пайдалану қағидаларын әзірлеп бекітті. Бұл ережелерге сәйкес, 18 жасқа толған жастар өздерінің өмір сүру жағдайларын жақсарту үшін жинақталған қаражатты пайдалану мүмкіндігіне ие болады»,  – делінген министрлік хабарламасында.

Министрліктің хабарлауынша жинақталған қаражатты азаматтық-құқықтық мәмілелер бойынша түпкілікті есеп айырысуға, ипотекалық несиелер бойынша бастапқы жарна төлеуге, тұрғын үй құрылыс жинақ салымдарын...

S&P Global Ratings халықаралық рейтингтік агенттігі Қазақстанның кредиттік рейтингін тұрақты деңгейде растады. Бұл жайлы Ұлттық банктің баспасөз қызметі хабарлады.

«1 наурызда S&P рейтингтік агенттігі Қазақстан Республикасы бойынша егеменді кредиттік рейтингін талдау шеңберінде елдің кредиттік рейтингін «BBB–» деңгейінде «тұрақты» болжамын растады,  – делінген хабарламада.

Агенттік бұл шешімін, ең алдымен, ықтимал сыртқы шоктарды бейтараптандыратын елеулі сыртқы резервтердің көлемі мен айтарлықтай бюджеттік тұрақтылықтың болуымен түсіндірген. Агенттік сарапшылары мемлекеттік басқарудағы жоспарланған реформалар мен экономикалық реформалар егеменді рейтингтің болжамына оң әсер ететінін атап өткен.

Десе де, S&P сарапшылары қуат көзі мен азық-түлік бағасының жаһандық төмендеуіне қарамастан, инфляциялық қысым...

Алматыдағы С.М.Киров атындағы «Машина жасау зауыты» сатылмайды. Бұл жайлы ҚР Өнеркәсіп және құрылыс министрлігі хабарлады.

«ҚР Өнеркәсіп және құрылыс министрлігі С.М.Киров атындағы «Машина жасау зауыты» АҚ-ның 100% қарапайым акцияларын сату бойынша жарияланған конкурстың күшін жою туралы шешім қабылдады. Осыған орай, ағымдағы жылғы 28 ақпанда «Қазақстан инжиниринг» ҰК АҚ-ға тапсырма жіберілді. Осылайша, сауда-саттық өткізілмейді», – делінген хабарламада.

«Қазақстан инжиниринг» ҰК» АҚ Директорлар кеңесінің 2021 жылғы 29 қазандағы № 9 қаулысымен қабылданған зауыттың іске асырылуы бойынша шешімдерді жаңарту және нақтылау қажеттілігіне байланысты конкурс өтпейтін болған.

Еске сала кетсек, 29 ақпанда электронды сауда алаңына жылу қозғалтқышы бар торпедалар өндіруші Алматыдағы С.М. Киров атындағы машина жасау зауыты сатылымға шыққан болатын.

Машина жасау зауытының 100% акцияларын сатуға...

Мәскеудегі «Утоли моя печали» шіркеуінде ресейлік оппозиция саясаткері Алексей Навальныйды жерлеу рәсімі өтті. Саясаткерді ақтық сапарға шығарып салуға мыңдаған адам жиналды.

Навальныймен қоштасқысы келгендер таңнан шіркеуге жинала бастаған. Ал рәсім басталған уақытта келушілердің қатары көп болғаны сонша, кезек 700 метрден бір жарым шақырымға дейін созылды. Қоштасу рәсімін өткізуге байланысты шіркеу маңындағы қауіпсіздік 29 ақпаннан бері күшейтіле бастаған.

Навальныйды жерлеу рәсімі кезінде шіркеу мен Борисов зиратында қауіпсіздік тіпті күшейе түсті. Шіркеу маңына кемі 40 полиция көлігі қойылса, зират аумағындағы Братеев көпірінде келушілердің құжаттары мен жеке заттары тексерілді. Полицейлер мұны «терорристік операцияның алдын алу мақсатында» жасалған іс-шара деп түсіндірді.

Қоштасу...

Бұрынғы мәдениет және спорт вице-министрі ұсталды. Бұл ақпаратты Сыбайлас жемқорлыққа қарсы іс-қимыл агенттігі растады.

«Сыбайлас жемқорлыққа қарсы қызмет сотқа дейінгі тергеп-тексеру шеңберінде Қазақстан Республикасының бұрынғы Мәдениет және спорт Вице-министрі ауыр сыбайлас жемқорлық қылмыс жасады деген күдікпен ұсталғанын растайды», – деп жазылған хабарламада.

Агенттік нақты атын атамаған күдікті қазіргі уақытта Алматы қаласы Полиция департаментінің уақытша ұстау изоляторына қамауға алынды. Агенттіктің хабарлауынша, тергеу жалғасып жатыр. ҚР ҚПК-нің 201-бабына сәйкес өзге де ақпарат жария етуге жатпайды.

Кейбір ақпарат құралдарының мәліметінше, жемқорлық күдігіне іліккен бұрынғы мәдениет және спорт министрі Ерлан Қожағапанов. Ол 2017-2019 жылдары және 2021 жылы ҚР мәдениет...

Танымал кәсіпкер Қайрат Боранбаевтың әлі мемлекетке қайтаратын активтері бар ма? Бұл туралы Мәжіліс кулуарында Қаржы мониторингі агенттігі төрағасының орынбасары Жеңіс Елемесов айтты.

«Оған қатысты сот үкімі шықты. Ол келтірілген залалды өтеді. Сонымен қатар бюджетке тағы 120 млрд теңге аударды. Қазіргі уақытта бюджетке қосымша (актив – ред.) құяды деп қарастырылуда. Өйткені басқа да қылмыстық істер бар. Оның ішінде, жеке тұлғаның салық төлеуден жалтаруы. Осы істер аясында қазіргі уақытта активтерді қайтару жұмыстары жүргізілуде», – деді Жеңіс Елемесов Мәжіліс кулуарында.

Еске сала кетсек, Қайрат Боранбаев мемлекет мүлкін жымқыруға қатысқаны үшін мүлкі тәркіленді. Ол өмір бойына мемлекеттік қызметте лауазымдарды атқару құқығынан айырумен алты жылға...

2024 жылғы 1 наурызда Астанада Энергетика министрлігінде Қатарлық Power International Holding UCC Holding компаниясының қатысуымен жиналыс өтті. Іс-шара газ саласындағы жобаларды іске асыру мәселелеріне негізделді.

Жиын Мемлекет басшысының 2024 жылғы 13-14 ақпандағы Қатарға мемлекеттік сапары аясында өтті. Сол тұста QazaqGaz Power International Holding UCC Holding-пен келесі жобаларды бірлесіп жүзеге асырудың негізгі коммерциялық шарттарын көрсететін мәмілелердің негізгі бағыттары бойынша міндетті келісімдерге қол қойды.

Оның ішінде «Қашаған» кен орнында 1 млрд текше метр газ өңдеу зауытының құрылысы бар. Сонымен қатар «Қашаған» кен орнында қуаты 2,5 млрд текше метр газ өңдеу зауытын салу жұмыстары. Бұған қоса жаңа КС-14 компрессорлық станциясының және...

Мерзімді қызметтегі әскери қызметшілер қаржы ұйымдарына 6 миллиард теңгеден астам қарыз. Атап айтқанда олар екінші деңгейлі банктер мен микроқаржы ұйымдарынан несие алған.

Бұл туралы Орталық коммуникациялар алаңында ҚР Қарулы Күштері Бас штабы ұйымдастыру – жұмылдыру жұмыстары департаменті  бастығының орынбасары Фархат Айдарбаев айтты.

Оның сөзінше, сарбаздардың 14500-ден астам несие берешегі бар. Олардың қарызы 6 млрд теңгені құрайды.

Орташа қарыз сомасы 400 мың теңге

Бұл әскерге шақырылғандардың әрқайсысында орта есеппен 400 мың теңгеден астам қарыз барын көрсетеді.

«Әскери міндеттілерге несиелік демалыс беру шаралары жүзеге асырылды. Қарулы күштер мен басқа да әскери құрылымдарда 14 500 әскери қызметкердің қарызы бар. Олар банктер...

Калифорниялық электромобиль өндірушісі Fisker компаниясының табысы төмендеді. Компания қызметкерлердің 15%-ын қысқартып, сондай-ақ қосымша қаржыландырусыз жұмысты жалғастыру қабілетіне күмәнданатынын айтты. Өткен жылы Fisker шығарған  электромобильдердің  жартысын ғана сата алды. Сатылымның төмендеуі –электромобиль индустриясы үшін ортақ мәселе болып отыр.

Толығырақ

Нью-Йорктегі негізгі сауда-саттық жабылғаннан кейін Fisker акциялары 33%-ға төмендеді.

Кеше Fisker басшысы Генрик Фискер  басқа автомобиль компаниясымен инвестиция тарту туралы келіссөздер жүргізіп жатқанын айтты.

Қызметкерлердің азаюы сату бөліміне айтарлықтай әсер етеді. Фискердің айтуынша, алдағы жылы стартап жобаларды дамыту үшін қаражат жетіспеуі мүмкін. Компания хабарлағандай, өткен жылдың соңында ол 325,5 миллион долларға ие болды. Бұл талдаушылардың орташа бағасынан бір жарым...

Jusan Bank-тің басқарма төрағасы ауысты. Арман Мангитовтың орнына төрағаның міндетін атқарушы болып Алан Жабаев тағайындалды. Алан Жабаев бұған дейін банктің қаржы директоры қызметін атқарған. Бұл туралы Қазақстан қор биржасының (KASE) хабарламасында айтылған.

Қазір банктің Басқарма құрамында Жабаевтан бөлек, Ольга Туманова, Шеддат Шерматов және Ермек Арғынов бар.

Алан Жабаев 2023 жылдың желтоқсан айының басында басқарма төрағасының орынбасары және қаржы директоры болды. Ол Алматы энергетика және байланыс институтын, 2010 жылы Рысқұлов атындағы Қазақ экономикалық университетін тәмамдаған. 2016 жылы CFA (Chartered Financial Analyst) сертификатын алды. Бұған дейін Казкоммерцбанк, Қазақтелеком, АТФБанк және басқа да компанияларда жұмыс істеген.

Арман Мангитов 2023 жылдың тамыз...

Лондонның ICE Futures биржасында Brent маркалы мұнайдың мамырдағы фьючерстерінің бағасы барреліне 83,18 долларға дейін 1,27 долларға (1,55%) өсті.

Нью-Йорк тауар биржасында (NYMEX) электронды саудада сәуір айындағы WTI фьючерстері осы уақытқа дейін барреліне 1,25 долларға (1,6%) қымбаттап, 79,51 долларды құрады.

Brent 2,3%-ға, WTI 3,2%-ға қымбаттады

Ақпан айында Brent 2,3%-ға, WTI 3,2%-ға қымбаттады. Екі брендтің де бағасы екінші ай қатарынан өсіп келеді.

Argus мәліметтеріне сәйкес, ақпан айында Приморск портында (FOB) Urals мұнайына дисконт Brent үшін барреліне 17,68 долларды құрады. Бұған дейін қаңтарда барреліне 18,34 доллар болған.

Urals бағасы құбылды ма?

Приморскідегі Urals мұнайының ақпандағы бағасы бір баррель 66,23 долларға дейін...

Chevron компаниясы күн энергиясын пайдаланып сутегін өндіру бойынша өзінің алғашқы жобасын жүзеге асырмақ.

АҚШ-тағы Chevron компаниясының бөлімшесі болып табылатын Chevron New Energies Калифорнияның Орталық алқабында 5 мегаватт сутегі өндіру жобасын әзірлеу туралы хабарлады.

«Жобаның мақсаты – Керн округіндегі Lost Hills мұнай кен орнындағы Chevron компаниясының бар активтерінен күн энергиясын, жерді және ішуге жарамсыз өндірілген суды пайдалану арқылы төмен көміртекті энергия алу. Көміртегі (LCI) электролиттік сутегі электролиз арқылы өндіріледі. Бұл суды сутегі мен оттегіге бөлу үшін электр қуатын пайдалану процесі», – деп түсіндірді компания баспасөз хабарламасында.

Нысан кеңейтіліп жатқан сутегі жанармай құю желісін қолдауды тәулігіне 2 тонна LCI өндіруге...