Жаңалықтар

БАӘ елінің Terminals Holding компаниясы елорда әуежайында дайындық және құрылыс-монтаждау жұмыстарының кестесін құрып, қайта жөндеу жұмыстарын 2024 жылы наурыз айының соңында бастамақ.

Жобаны іске асыру үшін жеке инвестор қаражаты жұмсалады. Құрылыс жұмыстары 2025 жылдың көктемінде аяқталуы тиіс.

Бұл туралы Астана қаласы әуежайында Көлік вице-министрі Талғат Ластаевтың қатысуымен болған жиында айтылды.

«Әуежайдың қолданыстағы ұшу-қону жолағы 20 жыл бұрын пайдалануға берілген және осы уақытқа дейін тек аэродром жабындарына ағымдағы жөндеу жұмыстары жүргізілген», – деп хабарлайды Азаматтық авиация комитеті.

Кездесуде вице-министр әуежайда рейстерді тоқтатпай жұмыс жүргізу қажеттігі туралы айтқан.

Айта кетейік, 2023 жылы қазан айында Астана әуежайы БАӘ-нің Terminals Holding компаниясының басқаруына берілген.

Алматыдан Астанаға синтетикалық есірткі тасымалдағандар ұсталды. Бұл жайлы ІІМ баспасөз қызметі хабарлады.

«Жалпы және арнайы іс-шараларды өткізу барысында елордалық полиция департаментінің қызметкерлері Сыбайлас жемқорлыққа қарсы іс-қимыл агенттігімен бірлесіп, Алматыдан Астанаға синтетикалық есірткілерді жеткізудің ірі арнасының жолын кесті», – делінген хабарламада.

Баспасөз қызметінің хабарлауынша Астана қаласында логистикалық компания арқылы есірткінің ірі партиясын алу кезінде Павлодар облысының тұрғыны ұсталған. Тінту кезінде ол азаматтың автокөлігінен 4,8 кг мефедрон салынған 16 полиэтилен пакет, электронды таразы және 500 дана zip-пакет тәркіленген.

Ал Алматы қаласынан бұл есірткілерді жөнелткен адам құрықталды. Оның пәтерін тінту барысында есірткі заты бар...

Boeing акциялары алдын ала саудада 9%-ға төмендеді. Бағалардың құлдырауына Alaska Airlines «Boeing 737 MAX-9» ұшағында болған апатты оқиға әсер етті.

Boeing акциялары Нью-Йорк биржасында 9,01%-ға дейін және 226,56 долларға дейін құлдырады. Вoeing ұшағымен болған апатты жағдайдан соң, америкалық реттеуші бұл ұшақтардың АҚШ әуе кеңістігінде ұшуына шектеу қойып, 171 ұшақтың америкалық авиакомпаниялардың пайдалануын уақытша тоқтату туралы шешім қабылдады.

Мәселенің мән-жайы

Өткен жұмада Alaska Airlines компаниясына тиесілі Boeing 737 MAX 9 ұшағы шамамен 5 км биіктікте фюзеляжының бір бөлігін ауада жоғалтып алды. Бұл жағдайдан соң, ұшақ Портленд әуежайына шұғыл қонды. Жолаушылардың ешқайсысы зардап шеккен жоқ. Әуе компаниясы ұшақты...

Біріккен Ұлттар Ұйымы 2024 жылға арналған «Жаһандық экономикалық жағдай мен мүмкіндіктер» баяндамасын жариялады. 2023 жылғы жаһандық экономикалық өсім күткеннен де жақсы болып шыққанымен, дағдарыс әлі де жалғасып жатыр. БҰҰ бұл үздіксіз даму мақсаттарына жетуге кедергі болуы мүмкін. екендігін айтады. Оған қоса халықаралық ұйым шиеленісе түскен геосаяси жағдай, табиғи апаттар мен экстремал ауа райының жиілеуі де экономикалық жағдайға әсер етпей қоймайтынына тоқталды.

Әлемдік ЖІӨ артуы

Баяндамада 2023 жылы әлемдік ЖІӨ көрсеткіші 2,7% болса, биыл 2,4% болып, өсім тежелетіні туралы жазылған. «Дамып жатқан елдер пандемия салдарынан арылуға бар күшін салып жатыр, көбі қарызға белшесінен батқан, инвестиция жетіспейді» делінген құжатта.

Аймақтағы айырмашылықтар

Әлемдег...

Үкімет басшысы Әлихан Смайылов Мәжіліс депутаты Ермұрат Бәпидің «Тарбағатай Мұнай» компаниясын қосымша салық пен айыппұл төлеуден босату туралы ұсынысын құптамады.

Әлихан Смайылов Мемлекеттік кірістер комитеті «Тарбағатай Мұнай» ЖШС-ға қытайлық компанияға газды әлемдік бағадан төмен бағамен сатқаны үшін қосымша салық есептегенін мәлімдеді.

Атап көрсетерлігі, «Тарбағатай Мұнай» ЖШС мен қытайлық компанияның өзара байланысы болған.

Үкімет басшысының айтуынша, сот 2023 жылғы 19 қазанда салық берешегін өндіріп алу рәсімін тоқтатты. Салық төлеушіге салық органымен келісіп, оңалту жоспары мен қарызды қайтарудың жаңа кестесін әзірлеуге уақыт берді.

«Қазақстан Республикасының заңнамасына сәйкес салық төлеуші өзінің салық міндеттемелерін сақтауға міндетті, ал салық агенті салықтарды толық көлемде және белгіленген...

«Самұрық-Қазына» шоғырландырылған түсімді 2024 жылы 17 трлн теңгеге ұлғайтуды жоспарлап отыр.

«Желтоқсан айының соңында «Самұрық-Қазына» АҚ Директорлар кеңесі Қордың 5 жылдық бизнес-жоспарын және жылдық бюджетін бекітті. Осылайша, жоспарланған кезеңде 2024 жылы қордың шоғырландырылған түсімі 17 трлн теңгеден асады деп болжанып отыр», – делінген хабарламада.

2023 жылғы қаңтар – маусым қорытындысы бойынша «Самұрық-Қазына» кірісі 7,147 трлн теңгеге дейін қысқарды. Бұл 2022 жылдың осы кезеңімен салыстырғанда 6,2% – ға төмен. 2022 жылы мемлекеттік холдингтің кірісі 14,785 трлн теңгені құрады, бұл 2021 жылмен салыстырғанда 26% – ға артық. Қор 2023 жылғы кірістер туралы мәліметтерді әлі хабарлаған жоқ.

...

Air Astana әуекомпаниясы 2023 жылы өзінің Fly Arystan  құрылымдық бюджеттік  бөлімшесімен бірге 8 млн жолаушыны тасымалдады. Бұл туралы оның басшысы Питер Фостер Tengri корпоративтік журналына берген сұхбатында айтты. Оның айтуынша, пайыздық өсім 8,8%-ды құрады.

Жолаушылар ағыны Air Astana тарихында рекордтық көрсеткішке ие болды. Сондай-ақ, Питер Фостер қазіргі кезде 50 ұшақ жолаушыларды тасымалдайтынын, ал 2028 жылға қарай 80-ге дейін арттыру жоспарлары барын айтты.

Биыл компания жаңа бағыттарға рейс ашуға ниетті: Жапония, Сингапур және Малайзияға. Фостердің айтуынша, Air Astana Алматы әуежайының жаңа терминалын ашупақшы. Бұл хаб жылдық жолаушылар ағынын 14 млн адамға дейін арттыруға мүмкіндік береді.

2024 жылы «Air Astana» компаниясы көптен...

Қаржы нарығын реттеу және дамыту агенттігі «Отбасы банк» тұрғын үй құрылыс жинақ банкі» акционерлік қоғамға операциялардың қосымша түрлерін қосуға лицензия берді.

«Тұрғын үй жағдайларын жақсарту және (немесе) білім алуға ақы төлеу мақсатында нысаналы жинақтар төлемдерін есепке жатқызуға арналған жеке тұлғалардың ағымдағы шоттарын ашуға және жүргізуге,

«Келешек» мемлекеттік білім беру жинақтау жүйесіне қатысу үшін жеке тұлғалардың депозиттерін қабылдауға, банктік шоттарын ашуға және жүргізуге «, делінген хабарламада.

Осылайша, банк енді 18 жасқа дейінгі Қазақстан азаматтарына «Ұлттық қор – балаларға» жобасы шеңберінде қаражат аударылатын арнайы шоттар аша алады.

ҚР Ұлттық Банкі Қаржы нарығын реттеу және дамыту агенттігімен бірлесіп, Бәсекелестікті қорғау және дамыту агенттігінің қатысуымен Қазақстанда Open API және Open Banking дамытудың 2023-2025 жылдарға арналған тұжырымдамасын ұсынды.

Реттеуші тестілеу кезінде болған қиындықтарды анықтап, кемшіліктер арасында тұрақсыздық тіркелгенін атап өтті. «Курсив» тілшісі бұл технологияны пайдаланудың қандай артықшылықтары мен кемшіліктері бар екеніне тоқталып өтті.

Тұжырымдаманы әзірлеу аясында ҚРҰБ, ҚНРДА және БҚДА реттеушілері екінші деңгейлі банктермен алдын ала талқылаулар жүргізді. Тестілеуге Bank RBK, Altyn Bank, Home Credit Bank, «Банк ЦентрКредит» және «Отбасы банкі» алғашқы төрт банктің мобильді қосымшалары арқылы қатысты.

Кейбір мәселеге қарамастан, пилоттық жобаның нәтижелері ашық банкинг шын мәнінде пайдаланушыларды...

Қаржылық мониторинг агенттігі Алматы қаласы бойынша Департаментімен мемлекеттік шекара арқылы есірткі заттарын заңсыз өткізу фактісі бойынша бір топ адамға қатысты сотқа дейінгі тергеп-тексеруді аяқтады.

Не болды. Алматы тұрғыны АҚШ-тан пошта жөнелтілімдерін алу кезінде ұсталды. Одан 649 гр. кептірілген марихуана мен 676 гр. гашиш есірткі заттары табылып, тәркіленді.

«Тексеру іс-шараларын жүргізу кезінде мемлекеттік шекара арқылы аса ірі мөлшерде есірткі заттарын заңсыз өткізумен және Telegram мессенджері арқылы сатумен айналысқан адамдар тобы анықталды. Олардан 705 гр. марихуана мен 1266 гр. гашиш есірткі заттары табылып,тәркіленді», – делінген хабарламада.

Сот үкімі: Қылмыстық іс-бойынша жеті адам 3 жылдан 16,5 жылға дейін...

1 қаңтардан бастап Қазақстанда шағын және орта бизнестің жұмыс істеу шарты өзгерді. Біріншіден, жалпыға бірдей декларацияның үшінші кезеңі ресми түрде күшіне енді. Екіншіден, тексерулерге мораторий аяқталды. «Курсив» мұның неге әкелгенін және оның салдары қандай болатыны жайлы материалында көрсетуге тырысты.

Нарықтағы жағдай

Қазақстан қаржыгерлер қауымдастығы мәліметтеріне сәйкес, 2023 жылдың үш тоқсанында елдегі қолма-қол ақшасыз төлем жасау 86% (былтырғы жылғы осындай кезеңде 82%) болған. Тұрақты түрде қолма-қол ақшасыз төлем жасаушылар қатарында алты жастан асқан балалар да бар. Kursiv Research әлеуметтік зерттеулер орталығының мәліметтері қазақстандықтардың 41,4%-ы балаларына банк картасын рәсімдегенін көрсетеді.

Қазір барлығы қолма-қол ақшасыз төлем жасауға үйреніп алды. Көптеген кәсіпкер ашық жұмыс...

Фото: Alageum Electric

Alageum Electric Қазақстанның электр генераторлары нарығында монополистке айналуы мүмкін. Оған Қазақстанның енді трансформаторлардың кейбір түрлері мен эллектргазды оқшауланған кешенді тарату құрылғыларын басқа елдерден сатып алмауы себеп болады. Бұл бүкіл ішкі сұранысты қазақстандық компания жабуы үшін қолға алынып отыр. Әңгіме электрлік трансформаторлар мен сұйық диэлектрикті трансформаторлар жайында болып отыр.

Тиісті қаулы «Ашық НҚА» порталында жарияланды және 22 қаңтарға дейін жария талқылауда болады.

Сонымен қатар жоба трансформаторлар мен элегазды оқшауланған кешенді тарату құрылғыларын өндіруші отандық компанияларды қолдауға көмектесетіні айтылған. 2023 жылы Қазақстанда трансформаторларға деген сұранысы 49,8 млрд теңге болды, оның 14 млрд теңгесі сырттан келген.

2023 жылды...

Tesla және SpaceX топ-менеджерлері Илон Масктың есірткі қолданып жүргеніне алаңдап отыр. Бұл туралы  The Wall Street Journal (WSJ) басылымы хабарлады.

«Тыйым салынған заттарды пайдалану SpaceX-тің үкіметпен миллиардтаған долларлық келісімшарттарына қауіп төндіруі мүмкін», – деп атап өтті WSJ.

АҚШ ұлттық аэронавтика және ғарыш кеңістігін зерттеу басқармасы (NASA) бұл фирманың қызметін бірнеше рет пайдаланған.

Бірақ Илон Маск The Wall Street Journal (WSJ) басылымының сауалына жауап қайтарған жоқ. Бірақ, Илон Маск The Wall Street Journal (WSJ) басылымының сауалына жауап қайтарған жоқ.

«Илон Маск өз компаниялары «құнының ажырамас бөлігі». Сондықтан оның әрекеттері инвесторларды...

Ғылым және жоғары білім министрлігі ҰБТ-ға өтініш қабылдау мерзімі 11 қаңтарға дейін ұзарту туралы шешім қабылдады.

Министрлік қаңтар айындағы ҰБТ-ға қосымша орындар бүгін сағат 17:00-де ашылатынын мәлім етті.

Қысқы тестілеуге өтініш қабылдау 29 желтоқсанда басталып, 6 қаңтарда аяқталуы керек болған. Алайда оқушыларға орын жетпегендіктен, қабылдау мерзімін ұзартып, орындарды кеңейту туралы шешім қабылданған.

ҰБТ-ға тіркелу Ұлттық тестілеу орталығының app.testcenter.kz. сайтында немесе UTO қосымшасы арқылы жүргізіледі. Ал тестілеудің өзі 18 қаңтар мен 10 ақпан аралығында өтеді. Қатысушылар тестілеу өткізілетін орынды, күнді және уақытты өздері таңдайды. Тестілеу қорытындысы ақылы оқуға түсуге мүмкіндік береді.

Осыған дейін министрлік «Оқу сауаттылығы» мен «Математикалық сауаттылық» міндетті пәндерінен тапсырмалар саны 5 сұраққа...

Жапондық автомобиль өндірушісі Honda Motor Co. Канадада электромобильдер шығаратын кәсіпорын салуды қарастырып жатыр, деп хабарлайды Интерфакс ру.

Жобаға қажетті инвестицияның жалпы құны– 2 трлн иен ($14 млрд).

Автоөндіруші 2024 жылдың соңына дейін Қанадада зауыт салу алаңына қатысты шешім қабылдайды. Жоспар бойынша кәсіпорын 2028 жылдың басында жұмыс істей бастайды.

Honda 2026 жылы АҚШ-тың Огайо штатында электромобильдер мен аккумуляторларды шығаруды бастауға дайындалып жатыр. Канадалық зауыт Солтүстік Америкадағы жапондық компанияның екінші ірі кәсіпорны болады.

Кәсіпорын іске қосылса, Honda сатылымдарының шамамен 40%-ын құрайды.

Серікжан Сейтжановқа тиесілі «Саутс ойл» компаниясы 2027 жылдан бастап Қызылорда облысындағы Батыс Ақшабұлақ кен орнында жыл сайын 100,3 мың тонна мұнай өндірмекші.

Компания кен орнын игерудің үш нұсқасын, оның ішінде ұсынылған екінші нұсқаны қарастырып жатқанын хабарлады. Ұсынылып отырған жоба бойынша 17 пайдалану ұңғымасы бұрғыланып, сегіз ұңғыма қайта ашылады. Осылайша, пайдалану ұңғымаларының жалпы қоры 25 бірлікті құрайды. Мұнай өндірудің жылдық максималды көлемі 2028 жылы – 100,3 мың тонна, жиынтық мұнай өндіру 1,23 миллион тонна болады.

Мұнай 2027 жылдан 2046 жылға дейін өндіріледі. Бұл ретте жобаны әзірлеу мерзімі 2055 жылға дейін деп көрсетілген.

Екінші нұсқа ең үлкен өндіру көлеміне байланысты таңдалған...

Түркістан қаласын Қазақстанның рухани-мәдени және тарихи орталығы ретінде дамыту жоспарланған / Фото: kursiv.media

Түркістан қаласына ерекше мәртебе беру туралы заң әзірленеді. Бұл жайлы Ұлттық экономика министрлігінің баспасөз қызметі хабарлады.

«Осы жылы Астана мен республикалық маңызы бар қалаларды дамыту, сондай-ақ Түркістан қаласына ерекше мәртебе беру жөніндегі заң жобалары әзірленетін болады», – делінген хабарламада.

Ұлттық экономика министрлігінің хабарлауынша, заң жобасы Түркістан қаласын Қазақстанның рухани-мәдени және тарихи орталығы ретінде қалыптастыру және дамыту үшін қажет.

Айта кетейік, 2024 жылы моно және шағын қаладағы жобаларға 21,2 млрд теңге қарастырылған. Жоба аясында:

Қазақстандық бизнесмен Кеңес Рақышев өзіне тиесілі Fincraft Resources серіктестігінің портфелін кеңейтіп, жаңа Шоқан академиясын құру туралы шешім қабылдады.

«Серіктестік (Fincraft Resources – ред.) Қазақстан Республикасының заңнамасына сәйкес «Shoqan Academy» жауапкершілігі шектеулі серіктестігін құруға қатысады. «Shoqan Academy» ЖШС жарғылық капиталына 99% мөлшерінде үлес қосады», – делінген Kase-де жарияланған өтініште.

Яғни Рақышевтың Fincraft Resources компаниясы жаңа құрылған Шоқан академиясының 99% үлесіне ие болады.

8 қаңтарда жария болған тағы бір құжатта Рақышевтың иелігіндегі компаниялар тізімі берілген: БТА банк АҚ (29%), Fincraft Resources АҚ (76), Шоқан Уәлиханов атындағы жеке меншік мектеп (91%), Nordland Petroleum Inc. (100%), Equus Petroleum...

Фото: bbc.com

Жапониядағы жер сілкінісі салдарынан қаза тапқандардың қатары күн сайын артып келеді. Kyodo агенттігі жергілікті биліктің мәліметтеріне сүйене отырып, қазіргі кезде қайтыс болғандардың саны 168-ге жеткенін хабарлады.

Соңғы ақпарат бойынша, 323 адам хабар-ошарсыз кеткен.

Қаңтардың басында Жапонияның батысында 5, 6 және 7 баллдық жер сілкінісі болды. Әлемдегі ең үлкен атом электр станциясының жағалауында қатты жер асты дүмпулері сезілді.

2024 жылдың алғашқы 2 күнінде Жапонияда 521 жер сілкінісі тіркелді. Ното түбегінің жағалауында болған зілзаланың ең жоғары магнитудасы 7,6 баллды құрады. Салыстыру үшін айтайық, соңғы 3 жылда, яғни 2020-2023 жылдар аралығында Жапонияда барлығын қосқанда 506 жер сілкінісі болған.

20 пайыз тұрғын үй жетім балаларға беріледі / Фото: shutterstock

2024 жылы халықтың әлеуметтік осал топтарына жататын (ХӘОТ) екі мың алматылық отбасы тұрғын үй алады. Бұл баспананың 20 пайызы жетім балаларға таратылады. Ал пәтерлерді өткізу мерзімі 2024 жылдың көктеміне жоспарланған.

Әкімдік 2023 жылы қанша адамның баспаналы болғанын хабарлады. Атап айтсақ, өткен жылы 2454 отбасы баспаналы болған. Оның 2049-ы «Қолжетімді баспана» бағдарламасы бойынша алса, 405-і үйді коммуналдық тұрғын үй қорынан алған. Ал «Жұмыс істейтін жастарға сатып алу құқығынсыз жалға берілетін тұрғын үй» бағдарламасы аясында Наурызбай ауданында үш жыл мерзімге 2,1 мың пәтер берілген.

«Курсив» осыған дейін «7-20-25» бағдарламасы...

Атышулы Mudarabah Capital қаржы пирамидасына қатысты іс бойынша Қазақстанда іздеу жарияланған Алматы қаласының тумасы Әділет Ораз Бішкекте ұсталды. Бұл туралы Қырғызстан Ішкі істер министрлігінің баспасөз қызметі хабарлады.

«Бішкекте бет-әлпетті тану функциясы бар сыртқы бейнебақылау камераларының көмегімен ТМД елдерінің бірінде іздеуде жүрген азамат анықталды. Бейнебақылау жүйесі оның қаржы пирамидасын құрғаны және басқарғаны үшін іздеуде жүрген адам екенін анықтады», – делінген ресми хабарламада.

Алматы қаласы Медеу аудандық полиция басқармасы ҚР Қылмыстық кодексінің 217- бабы «Қаржы пирамидасын құру және басқару» бойынша іздеу жарияланған ер адам Бішкек қаласының бейнебақылау камераларына желтоқсан айының соңында түскен. Қырғызстан полициясы күдіктін...

2023 жылдың алты айында полицейлер тұрмыстық зорлық-зомбылық фактілері бойынша 50 мың арыз қарап, оның 64%-ы бойынша әкімшілік іс қозғаған. Бұл туралы ҚР ІІМ Әкімшілік полиция комитеті төрағасының орынбасары Ренат Зұлхайыров айтты.

Комитет өкілінің айтуынша, жаңа заңнама аясында 2023 жылдың екінші жартыжылдығында әкімшілік қамауға алынғандар саны екі есе артқан. Арызданушылардың 27 мыңнан астамы қайта татуласқан.

«Бұл ретте министрлік зорлық-зомбылыққа ұшыраған отбасылармен профилактикалық жұмысты күшейтті. Зардап шеккендердің қауіпсіздігін қамтамасыз ету мақсатында 2023 жылы 87 мың қорғау нұсқамасы шығарылып, құқық бұзушының тәртібіне 15 мың арнайы талап қойылған. Бұл тұлғалар полицияның күшейтілген бақылауында», – деді Зулхайыров.

Фото: kursiv.media

Қаржы министрлігі қаңтарда нарықтан 635 млрд теңге тартпақ. Қазақстан қор биржасының сайтында Қаржы министрлігінің 2024 жылдың қаңтардағы бағалы қағаздар шығару кестесі жарияланды.

Кестеге сәйкес, бағалы қағаздардың биылдыққа алғашқы шығарылымы 4 қаңтарда өткен. Бұл күні жалпы сомасы 130 млрд теңгеге 4-16 жылдық МЕКАМ орналастырылған. 9 қаңтар күні орналастыралатын бағалы қағаздардың жалпы құны 170 млрд теңгені құрамақ.

Ал 16 қаңтар күні нарықтан 140 млрд теңге тарту жоспарланса, қаңтардың соңғы (23 қаңтар) аптасында шығарылатын МЕКАМ құны – 195 млр теңге.

Қаңтар айында биржаға шығарылатын бағалы қағаздардың жалпы сомасы 635 млрд теңгені болады.

Павлодар облысының Білім басқармасы бюджеттік өтінімдерді құру барысында мектептегі тамақтану құнының есебіне қосымша құн салығы ставкасын (12%) енгізбеген. Осылайша кәсіпкерлерге әр оқушы үшін 450 теңгенің орнына 402 теңгеден төленіп келген.

Өңірлік прокуратура ақпаратына сүйенсек, Павлодар облыстық білім басқармасы тамақтану ақшасын есептеу кезінде 12% құрайтын қосымша құн салығы ставкасын енгізбей, Кәсіпкерлік кодекстің, тамақтануды ұйымдастыру ережелерінің, салық және бюджет заңнамасының талаптарын өрескел бұзған.

«Білім беру басқармасы тамақтануды ұйымдастырғаны үшін төлемді салықты шегере отырып жүргізген, яғни, бір оқушыға 450 теңгенің орнына 402 теңге төлеген. Аталған мән-жайлар қоғамдық тамақтандыру саласындағы қызметті жүзеге асыратын 33 шаруашылық субъектінің құқықтарының бұзылуына әкелген», – делінген прокуратура хабарламасында.

Прокурорлар қадағалау...