Жаңалықтар

Кипр Орта Азиядағы қатысуын кеңейтуді көздейді /Фото: shutterstock

Кипр Қазақстанда өз елшілігін ашу туралы шешім қабылдады. Бұл туралы осы елдің министрлер кабинетінің өкілі Константинос Летимпиотис мәлімдеді.

Ол Кипрдің Орта Азиядағы қатысуын кеңейтуді көздейтінін айтқан. 

«Министрлер кеңесі бүгін Қазақстан Республикасында Кипр Республикасының дипломатиялық өкілдігін ашу туралы шешім қабылдады», –деді Летимпиотис. 

Ол Кипрдің «сыртқы саясатының негізгі тіректерінің бірі» саналатын Орталық Азия аймағына ерекше мән берілетінін жеткізген. 

«Бізге тікелей немесе жанама әсер ететін аймақтағы оқиғаларда өз сөзімізді айтуға және рөл ойнауға деген ұмтылысымызды ескере отырып, Кипрдің Қазақстанда дипломатиялық қатысуы маңызды болып тұр...

Елімізде жүрген шетел азаматтары туралы ақпарат топтастырылатын Migration.enbek.kz көші-қон ресурстар порталы іске қосылды. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.

«Бұл портал келетін шетел азаматтары туралы ақпаратты орталықтандырылған басқару құралдарын біріктіреді. Сондай-ақ көші-қон саласында көрсетілетін мемлекеттік қызметтердің сапасын арттыруға мүмкіндік береді», делінген хабарламада.

Migration порталы – бизнес-процестерді реинжинирингтеу және көші-қон саласындағы мемлекеттік органдардың ақпараттық жүйелерінің өзара іс-қимылын дамыту жолымен құрылған инновациялық платформа.

«Шетел азаматтары туралы ақпаратты орталықтандыру және біріздендіру көші-қон процестерінің әртүрлі кезеңдерін синхрондауға, деректерді тиімдірек басқаруға, оларды өңдеу мерзімдері мен шығындарын қысқартуға мүмкіндік береді»,делінген...

Мәжіліс депутаты Динара Шүкіжанова өңдеу өнеркәсібінде жұмыс істейтін азаматтарға жаңа ипотекалық бағдарлама әзірлеу бастамасын көтерді.

Депутат өңдеу өнеркәсібінде кадрлардың тұрақсыздығы белең алып жатқанына тоқталып, мұның себебін жалақының төмендігімен байланыстырды.

«Өңдеу өнеркәсібінде қарапайым жұмысшыдан бастап инженерге дейінгі аралықта кадр тапшылығы сезіледі. Қазір өңдеу секторында 590 мың адам жұмыс істейді. Олардың орташа жалақысы – 415 мың теңге. Бұл басқа салалармен салыстырғанда төмен көрсеткіш. Мысалы тау-кен өндіру секторында орташа жалақы – 757 мың, ақпарат және байланыс секторында – 530 мың, құрылыста – 484 мың, көлік саласында және қоймада – 474 мың теңге», – деді ол Мәжілістің жалпы отырысында Премьер-министрд...

«ҚазАвтоЖол» еліміздегі кейбір автожолдарда қозғалыс шектелгенін хабарлады / Фото: kursiv.media

Ауа райының қолайсыздығына  байланысты Қазақстанның 7 облысында  республикалық маңызы бар автожолдардың 16 учаскесінде көлік қозғалысына шектеу енгізілді. Бұл жайлы «ҚазАвтоЖол» баспасөз қызметі хабарлады.

Ақмола облысында – 3 учаске:  «Қостанай-Әулиекөл-Сұрған» учаскесінің  232-260 шақырымы, Қостанай облысының шекарасы мен Сұрған кенті. «Жезқазған-Петропавл» 536-569 км, Бұзылық – Знаменка кенттерінің арасы.  «Жақсы-Есіл-Бұзылық» 64-82 км, Есіл-Бұзылық кенттерінің арасы.

Ақтөбе облысында – 1 учаске:  «Самара-Шымкент» 965-1240 км, Қарабұтақ – Қызылорда облысының шекарасы. 

Алматы облысында – 3 учаске:  «Алматы-Көкпек-Көктал-Қорғас» автожолының 44-109 км, Төре – Лавар ауылдарының арасы.  «Алматы-Шелек-Қорғас» 24-254 км,  ақы алу пункті  мен Жетісу облысыны...

«Аграрлық несие корпорациясы» АҚ Ақтөбе филиалы директорының бұрынғы орынбасары алаяқтық әрекеті үшін сотталды.

Сотқа дейінгі тергеп-тексеру барысында шаруа қожалығының басшысы шетелден әкелінген 277 бас асыл тұқымды малды сатып алу үшін «Сыбаға» бағдарламасы бойынша несие желісін ашу туралы өтінішпен корпорация филиалына жүгінгені анықталды. 

«Қарыз алушыға 90 млн теңге көлемінде несие қаражаты бөлінді. Осыдан кейін сотталған азамат шаруа қожалығының басшысын алдау арқылы Ресейден мал сатып алу-жеткізу туралы ЖШС-мен шарт жасатқан», деп жазылған ҚМА таратқан хабарламада.

Шаруа қожалығының басшысы есеп айырысу шотына 90 млн теңге аударған, бірақ бұл қаражатты корпорацияның Ақтөбе филиалы директорының орынбасары жеке қажеттіліктеріне жұмсаған. Ол...

Сыбайлас жемқорлыққа қарсы іс-қимыл агенттігі спорт саласындағы жемқорлық тәуекелдеріне сыртқы талдау жүргізеді. Бұл жайлы агенттіктің баспасөз қызметі хабарлады.

Талдау шеңберінде Туризм және спорт министрлігінің, оның ішінде оның ведомстволық бағынысты ұйымдарының спортты қаржыландыру мәселелері жөніндегі қызметі тексеріледі.

«Бұдан басқа, спорттық іс-шараларды, жиындарды, жабдықтарды, спорттық тамақтануды сатып алуды, шетелдік іссапарларды ұйымдастыруды, сыйақыларды, спорт объектілерін салуды, сондай-ақ спорт федерациялары мен кәсіби клубтарды ұстауды қамтамасыз ететін бюджеттік және бюджеттен тыс көздер зерделенетін болады»,- болады делінген баспасөз хабарламасында.

Бұл талдау агенттіктің, мүдделі мемлекеттік органдардың қызметкерлерімен және азаматтық қоғам өкілдерімен жүргізілмек.

Еске сала кетсек, осыған дейін...

«Болашақ» стипендиясы 167 қазақстандыққа берілді. Олардың көпшілігі инженерлік-техникалық мамандықтар мен жаратылыстану ғылымдары бойынша білім алады, деп хабарлады Ақорданың баспасөз қызметі.

Ақордада шетелде кадрлар даярлау жөніндегі республикалық комиссияның отырысы өтті.

«Болашақ» бойынша қанша адам оқуға барады. Комиссия 167 қазақстандыққа «Болашақ» стипендиясын тағайындау туралы шешім қабылдады. Оның ішінде, 131 адам магистратурада, 4 адам докторантурада оқиды, 32 адам әлемнің жетекші жоғары оқу орындары мен өндірістік орталықтарына тағылымдамадан өтуге жіберіледі.

Стипендиаттардың 65%-ы инженерлік – техникалық мамандықтар және жаратылыстану ғылымдары бойынша, қалған 35%-ы қоғамдық-гуманитарлық пәндер бойынша оқытылады.

«Болашақ» деген не? «Болашақ» халықаралық стипендиясы 1993 жылы ҚР экс-президенті Нұрсұлтан Назарбаевтың бастамасымен құрылды. Бағдарлама бойынша қазақстандықтар мемлекет...

Мемлекеттік кірістер комитеті 2023 жылғы 1 қарашадан бастап Қазақстан-Ресей шекарасында «Бидайық» автомобиль өткізу пунктінде (Солтүстік Қазақстан облысы) электрондық кезек жүйесі қолданылатынын еске салды. Бұл туралы ҚР ҚМ Мемлекеттік кірістер комитетінің баспасөз қызметі хабарлады.

Айта кетейік, сервис Qoldau.kz цифрлық платформа базасында және тегін іске асырылады.

«Электрондық кезек шекарадан өтудің жеделдігі мен ашықтығын қамтамасыз етеді. Жүк көліктерінің жиналуын болдырмайды. Электрондық кезек енгізілгеннен бастап «Бидайық» өткізу пунктінде 1 мыңнан астам жүк көлік брондаған»,делінген хабарламада.

Оң нәтижелерді ескере отырып, Ресей Федерациясымен шекарадағы 7 автомобиль өткізу пунктінде қосымша электрондық кезекті қолдану жоспарлануда:

2024 жылғы 15 қаңтардан бастап «Қарашатау» (Ақтөбе обл...

Жақында шетелдік әншілер Akon мен  50 Cent  Қазақстанға келіп концерт қойған еді.  Әншілердің Алматы мен Астанадағы жанкүйерлері оларға деген ерекше сый-құрмет жасағаны сонша, қымбат билетін сатып алып, үстілеріне шапанға дейін жапты. Тіпті әннің сөзін түсінбесе де, музыкаға еліктеген жастар, әсіресе, қыздар қауымы іш киімдеріне дейін сахнаға лақтырып, Akon-ның өзін таңқалдырды. Жастардың бұл ерсі қылықтарын сынаған жұрттың пікірі парламент қабырғасына дейін жетіп, депутаттар дабыл қақты. Осылайша Парламент Мәжілісінің депутаты  Аманжол Әлтай Қазақстан Республикасының Премьер-Министрі Ә. Смайыловқа депутаттық сауал жолдады.

Мәжіліс депутаты Аманжол Әлтайдың айтуынша, қыз тәрбиесі бұзылса, ұлт тәрбиесі әлсірейді. Депутат ұлттық құндылықтарды табанға таптауға жол бермеу керектігін алға тартты.

Мемлекеттік кірістер комитеті биыл мемлекеттік қызметшілер және оларға теңестірілген азаматтар, олардың жұбайларының банк шоттарына 2022 жылы түскен аударымдарды тексерген. МКК мәлімдеуінше, осы уақытқа дейін декларация тапсырғандардың арасында банк шотына 100 түрлі адамнан 3 ай қатарынан аударым түскендер анықталғанымен, әзірге ешкімге айыппұл салынбаған. Өйткені оның нақты кәсіпкерлікпен айналысқаны және табысын жасырғаны дәлелденуі керек.

Мобильді аударымдар бойынша бақылау 2023 жылы алғаш рет жүргізілген. Комитеттің ақпаратына сүйенсек, биыл банктерден банктік шоттарына кәсіпкерлік қызметке байланысты ақша түсетін азаматтар туралы мәлімет алынған.

«Бұндай статистика да бар, бірақ ол терең талдауды қажет етеді. Мәселен, бір мемлекеттік қызметші келіншектің туған...

ҚР Ұлттық статистика комитетінің мәліметтері бойынша, 2023 жылдың он айында Қырғызстан 805,4 миллион долларға 12,8 тонна алтын экспорттады.

Бір айда көрсеткіш бірден 2,9 тоннаға өсті. Бұл ретте Қырғызстан 2022 жылы осы кезеңде 905,6 мың долларға небәрі 69,4 килограмм алтын экспорттаған болатын.

«Биыл алтын шығару көлемі өткен жылдың деңгейінен екі есе көп»-делінген хабарламада.

Бағалы металл экспортының негізгі көлемі Швейцарияға жеткізіледі. Ол жерге 665 миллион долларға 10,6 тонна алтын жеткізілді.

Сонымен қатар, Қырғызстан Гонконгқа 60 миллион долларға 984,3 килограмм қымбат метал және Біріккен Араб Әмірліктеріне 80,3 миллион долларға 1,2 тонна алтын жеткізді.

2022 жылы...

Өңірлердегі жылу электр орталықтарында болған апат қолдан ұйымдастырылған жоқ. Бұл – «саботаж» емес. Энергетика министрі мәлімдегендей, техногендік ақау да емес, апат.

Мәжілістің жалпы отырысынан кейін журналистерге сұхбат берген депутат Еділ Жаңбыршиннің сөзінен осындай ой түйдік.

Тілшілер депутаттан: «Жылу электр станцияларындағы апат қолдан ұйымдастырылып жатқан жоқ па?» – деп сұрады.

Ол: «Ондай да пікірлер айтылады. Сұрағыңыз өте дұрыс. «Саботаж» болып жатқан жоқ па дегенге қатысты айтып отырмын. Бірақ шынына келген уақытта жылу электр орталықтарының көбі тозған. Құбырлар, қазандықтар тозған, олар жөнделмеген. Сондықтан оның бір күні жарылатыны белгілі ғой. Бұл жердегі жағдай ең бірінші технологиялық жабдықтардың физикалық тозуы болып жатыр деп...

Мәскеудің Таган соты Google-ге Украинадағы арнайы операция туралы жалған ақпаратты жүйелі түрде жоймағаны үшін айыппұл салды. Сот компанияға 4,6 миллиард рубль көлемінде айыппұл салынды, деп хабарлайды ТАСС.

«Компания әкімшілік құқық бұзушылық туралы кодекстің 13.41-бабының 5-бөлігін бұзғаны үшін кінәлі деп танылды. Роскомнадзордың талаптарына қарамастан, Google арнайы операция туралы жалған мәліметтерді жүйелі түрде жоймағаны дәленденді»,-деді хабарламада.

Google-ге қатысты әкімшілік құқық бұзушылық туралы хаттамасына сәйкес, корпорацияға Ресей Федерациясының Украина аумағындағы арнайы әскери операциясы туралы жалған қоғамдық маңызды ақпаратты, YouTube-тен ЛГБТ мазмұны бар бейнелерді, сондай-ақ экстремистік сипаттағы материалдарды алып тастау талап етілген.

Айта кетейік, Google 2023 жылы е...

Қостанай облысындағы Шұбаркөл көлін Ресей ГРЭС-і ластап жатыр. Бұл жайлы мәжіліс депутаты Дүйсенбай Тұрғанов айтты.  

«Қазіргі таңда еліміздегі экологиялық мәселелердің ошақтарының бірі – Қостанай облысындағы Қарабалық ауданындағы күл үйіндісі. Мұнда, Шұбаркөл көлінің түбінде Ресей Федерациясының елді мекендерін электр және жылумен қамтамасыз ететін Челябі облысындағы Троицкая ГРЭС-те көмірді жағу кезінде пайда болған күл қалдықтары жиналады»,- дейді депутат. 

Депутаттың айтуынша күл мен шлак қалдықтарын сақтау үшін бұл жерлерді пайдалануға беру жөніндегі рұқсат қағазы 1993 жылы берілген екен. Содан бері күл үйіндісі орналасқан орынды жабу мәселесі әлі шешілмеген. Нәтижесінде бұл стансадан шыққан күл-қоқыс қалдықтары Шұбаркөл...

Жеңіл жұмыс істегісі келетін кеншілерге жұмыспен қамту орталығы бизнес ашу жолдарын көрсетіп немесе басқа қаладан жұмыс тауып бере алады. Бұл туралы Еңбек және халықты әлеуметтік қорғау министрі Светлана Жақыпова айтты.

Осыған дейін Еңбек министрлігі зиянды жұмыс орнында істейтін азаматтарға жеңіл жұмыс тауып бере алатынын айтқан. 

Алайда Орталық коммуникациялар қызметінде журналистер шағын қалаларда негізгі жұмыс орны кәсіпорындар мен кен орындары екенін айтты. Кен орнынан жұмыстан кеткен күннің өзінде шағын қалада аула сыпырудан басқа жұмыс табылмайды. Бұған қатысты сұраққа еңбек министрі Светлана Жақыпова жауап берді.

«Біз тек қоғамдық жұмыс, аула сыпырушы немесе күзетші болуды ұсынбаймыз. Бизнестің негіздерін үйретіп...

Qarmet-тің жаңа басшылығы «АрселорМитталТеміртау» бұрынғы инвесторының қарыздарын өтеген. Енді кеншілер медициналық сақтандыру мен зейнетақы жарналарымен қамтылады. Бұл туралы Еңбек және халықты әлеуметтік қорғау министрі Светлана Жақыпова айтты.

Костенко шахтасында болған қайғылы оқиғадан кейін кеншілер міндетті медициналық сақтандыру қорына қазан айына төлем жасалмағанын білген. Орталық коммуникациялар қызметінде журналистер Светлана Жақыповадан осы мәселенің шешімі туралы сұраған.

Министр жаңа инвестордың АМТ қарызын өз мойнына алып, толық өтегенін айтты.

«Qarmet-тің жаңа құрылтайшысы «АрселорМиттал Теміртаудың» қарыздарына қатысты барлық міндеттемелерді өз мойнына алды. Кеншілер алдындағы қарыздарды өтеуге және жеткізушілер алдындағы қарызды жабуға шамамен 286 млн теңге жұмсалған. Кеншілердің жалақысы және БЖЗҚ төлемдер...

Жаңбыршин Парламент депутаттарының белсенді екенін айтты / Фото: kursiv.media

Еділ Жаңбыршин Парламенттің жұмысын 100 -ден 70 балға немесе 10-нан 7 бал деп  бағалады.

Журналистер депутаттан Парламенттің жұмысына баға беруді сұрады. Оның айтуынша бұл сайланым депутаттары өте белсенді. 

«Осы шақырылымның депутаттары өте белсенді. Оны өздеріңіз де көріп жатырсыздар. Өткен шақырылымда да белсенді депутаттар болды. Қазір округтен келген депутаттар бар, мықты мамандар бар. Тәуелсіз депутат Ермұрат Бапи ағамыз бар. Сонымен бірге Бақытжан Базарбек, Абзал Құспан секілді азаматтарымыз бар. Парламенттің жұмысы одан әрі жанданғанын өздеріңіз көріп отырсыздар. Мәжіліс қазір  қоғамдағы көптеген өзекті мәселелерді көтеріп жүр. Қандай да бір оқыс...

Қазақстанның бұрынғы президенті Нұрсұлтан Назарбаев Мәскеуде Ресей президенті Владимир Путинмен жеке кездесу өткізген. Ақпаратты Кремль баспасөз хатшысы Дмитрий Песков растаған.

ТАСС агенттігі Назарбаевтың жексенбіде Мәскеуде болғанын жазған.

«Иә, оның (Назарбаевтың – ред.) Мәскеуде болғаны рас. Президентпен (Путинмен – ред.) жеке кездесу өткізді», – дейді Песков.

Айта кетейік, 1 желтоқсанда Нұрсұлтан Назарбаев «Менің өмірім: Бодандықтан – бостандыққа» кітабын сатылымға шығарған. Кітапта экс-президенттің жеке өмірінен бөлек, Жаңаөзен оқиғасы, «билік транзиті» мен Қанды Қаңтар оқиғасына арналған бөлімдер бар. Orda сайты кітапта Назарбаевтың Қанды Қаңтар оқиғасындағы тәртіпсіздікке «радикал оппозицияны», дәлірек айтқанда шетелде қуғында жүрген банкир Мұхтар Әблязовты кінәлайтынын...

Қарақия ауданының әкімдігі West Oil Software жұмысшылары «ҚазМұнайГаз» өкілдерімен  келіссөз жүргізуден бас тартты деп хабарлады. Олар наразылық акциясын заңдастыруды және ҚМГ штатына жұмысқа орналастыруды талап еткен.

Әкімдік не дейді?  

19 желтоқсанда Қарақия ауданының әкімі Сымбат Төретаев West Oil softwarе-нің наразылыққа шыққан қызметкерлері өкілдерімен кездесу өткізген. Төретаев наразылық білдірушілерді жағдайды сындарлы бағытқа ауыстыруға, мәселені келіссөз үстелінде шешуге шақырған. 

Ертесі күні таңертең «ҚазМұнайГаз» АҚ төрағасының орынбасары Дәулетжан Хасанов, «Маңғыстаумұнайгаз» АҚ басшысы Мұрат Мұстафаев, West Oil software басшылығы және Қарақия ауданының әкімі Сымбат Төретаев ереуіл өтіп жатқан жерге келеді. 

«Алайда West Oil Software қызметкерлері наразылық акциясын заңдастыруды талап етіп...

2024 жылы Қазақстанда орташа зейнетақы 10 мың теңгеге өседі. Бұл туралы Орталық коммуникациялар қызметінде өткен отырыста Еңбек және халықты әлеуметтік қорғау министрі Светлана Жақыпова айтты.

Министрдің айтуынша, 2023 жылы орташа зейнетақы мөлшері 120 мың теңге болса, 2024 жылы 130 мың теңгеге жетеді. Бұл БЖЗҚ төлемдері қосылмайтын бюджеттен төленетін зейнетақыға қатысты.

Министр базалық зейнетақы төлемі тоқтайды деген ақпаратты жоққа шығарды.

«Қауесет сөздерге келсек, базалық зейнетақы төлемі сақталады. Осы жылы базалық зейнетақының ең төменгі мөлшері ең төменгі 54% күнкөріс деңгейінен 60% дейін өсті. Келер жылы тағы 5% өсіреміз деген жоспар бар. Оған қоса, бізде 7% инфляция деңгейіне индекстеу...

Американың Citigroup қаржылық конгломераты алдағы бір жарым жылда шағын банктердің акциялары «өте тартымды» болатынын айтып отыр. Morgan Stanley болса АҚШ-тағы аса ірі технологиялық компаниялардың акциялары өседі деп болжайды.

Аймақтық банктердің акцияларын алу тиімді 

Citi 18 банктің келешегіне шолу жасапты. Онда Western Alliance Bancorp, First Horizon, Popular және Bank OZK секілді аймақтық банктер жоғары баға алды. Бұл туралы Citi сарапшысы Бена Герлингер мәлім етті. Осы және басқа да банктердің акциялары қарашадан бастап ралли режимінде болса да, Citigroup қаржылық конгломератының сарапшысы аймақтық банктер 2024 жылы және 2025 жылдың бірінші жартыжылдығында «өте тартымды» болып қала беретін айтып отыр.

Оның айтуынша, жоғарыда аталған төрт...

Су ресурстары министрі 14 жыл бұрын басталған жобаның қашан аяқталатынын айтты / Фото: gov.kz

Су ресурстарын басқарудың бірыңғай ақпараттық автоматтандырылған жүйесін әзірлеу және енгізу жобасына 400 млн теңгеден астам қаражат жұмсалған. Бірақ жоспарланған жоба соңына дейін аяқталмай қалған. Депутаттар Су ресурстары және ирригация министрі Нұржан Нұржігітовтен бұл қаражаттың қайда кеткенін сұрады. 

«ЖАП басшысы 14 жыл бұрын Су ресурстарын басқарудың бірыңғай ақпараттық автоматтандырылған жүйесін әзірлеу және енгізу жобасына 400 млн теңден астам қаражат жұмсалғанын айтты. Бұл жоба лайықты деңгейде жүзеге асырылмаған болса, бұл қаражат қайда кетті? Бюджет қаражатының тиімсіз жұмсаған кім? », – деп сұрады депутат...

Мәжіліс депутаттары Ринат Заитов пен Мақсат Толықбай Түркістан қаласындағы мемлекетке тиесілі болған ғимараттардың жеке меншікке өтіп кеткен ғимараттар мен кәсіпкерлердің салығын тексеруге үндеу жолдады.

Үндеуді премьер-министр Әлихан Смайылов пен Бас прокурор Берік Асыловтың атына жолдаған.

Депутаттар Түркістан облысынан түскен арыздардан кейін аймаққа барып жағдайда өз көздерімен көргенін айтады. Олар ең алдымен 2021 жылы жеке меншікке өткен аумағы 2 100 шаршы метр болатын Түркістан қаласындағы Неке сарайына барған.

«Кәсіпкер басқаруындағы нысаннан былтыр бюджетке 15 мың теңге аударған. Талап бойынша ол табысының кем дегенде 50%-ын қазынаға құюға міндетті. Сонда Неке сарайының ішіндегі қызмет көрсететін сұлулық салондары, той...

Қарыз алушы құқығын қорғау туралы заңды Мәжіліс депутаттары бастама жасап әзірледі. Оған сәйкес, несие өтеу мерзімін кешіктірген борышкерге тұтынушылық несие алуға тыйым салынуы мүмкін. Сонымен қатар, қарызын 90 күннен астам уақыт өтей алмаған азаматтардың несиесіне сыйақы есептелмейді. Бұл туралы Мәжілістің жалпы отырысында депутат Татьяна Савельева айтты.

Депутаттар «Қазақстан Республикасының кейбір заңнамалық актілеріне кредит беру кезіндегі сын-қатерді азайту және қарыз алушылардың құқығын қорғау мәселелері бойынша өзгерістер мен толықтырулар енгізу туралы» заң жобасын талқылады.

Заңдағы жаңашылдық, Оған осыған дейін айтылып келген, әскери борышын өтеу кезеңінде мерзімді әскери қызметкерлерді қарызды қайтару міндетінен босату талабы енгізілген.
Бұған қоса кәмелетке толмаған балалары бар отбасыларды...