Жаңалықтар

Ресей ең ірі алмаз өндірушісі саналады / Фото: kursiv.media

G7 елдері Ресей алмаз тастарының импортына тыйым салды. Бұл тыйым өз күшіне 2024 жылдың 1 қаңтарынан бастап енеді.

G7 елдерінің көшбасшылары 6 желтоқсанда онлайн кездесу өткізіп, артынша ресейлік гауһар тастарды импорттауға тыйым салғаны жайлы шешімді мәлімдеген.

Бұл шешімге сәйкес 2024 жылдың 1 қаңтарынан Ресейден тікелей импортталатын гауһар тастарға тыйым салынса, 2024 жылдың 1 наурызынан бастап үшінші елдерде өңделген ресейлік бағалы тастарға кезең-кезеңімен шектеулер енгізіле бастайды. 2024 жылдың 1 қыркүйегінен бастап бағалы тастарды импорттайтын G7 елдері Ресей гауһар тастарының елге кірмеуін бақылау мақсатында, өңделмеген алмазға тексеріс жүргізіп, арнайы сертификаттау...

«Самұрық-Қазына» қоры Қазақстандағы алғашқы атом электр станциясының құрылысына қаржы тартудың жолын қарастырып жатыр. Оның қатарында станция құрылысын Ұлттық қор есебінен қаржыландыру бар. Бұл туралы «Самұрық-Қазына» холдингінің стратегия және активтерді басқару жөніндегі басқарушы директоры Ернат Бердіғұлов мәлімдеді.

«Қазір бұл мәселені жан-жақты талдап, әртүрлі нұсқаны қарастырып жатырмыз, соның ішінде негізгі екі нұсқа бар. Біріншісі, мемлекет немесе компания ретінде ақшаны өзіміз табамыз. АЭС құрылысына қажет қаржының кем дегенде 20-30 пайызын өзіміз тауып, қалғанын қарызға алып, бұл жобаны жүзеге асырамыз. Екінші нұсқа – қажет қаржыны толығымен үшінші тараптан қарызға алып, оны электр энергиясының тарифі арқылы өтеу», – деді ол...

Премьер министр Әлихан Смайылов Цифрландыру мәселелері жөніндегі комиссияның кезекті отырысыда жер телімін беру мерзімдерін кешікітірген басшыларды жұмыстан шығаратынын айтты.

Мәселе жылжымайтын мүліктің бірыңғай мемлекеттік кадастрына (ЖБМК) қатысты болды. Оған сәйкес бос жер телімдері жедел әрі ашық түрде бөлініп, пайдалануға берілуі керек. Алайда бүгінгі таңда республиканың жер қоры туралы ақпаратқа азаматтардың толық қол жеткізуі дұрыс қамтамасыз етілмеген және жер телімдерін беру процесі тым ұзақ. Мәселен, жер телімін беруге қатысты қызмет көрсету мерзімі 1 жылға дейін созылатын.

Енді жаңа тәсіл енгізіліп жатыр. Оған сәйкес жер таңдау, өтінім беру мен тіркеуден бастап жер телімдерін берудің бүкіл процесі электронды форматқа көшірілд...

Алматыдағы көпшілік қауым Барахолка атап кеткен сауда аймағында орналасқан «Рахат» және «Евразия» базарларындағы бір топ саудагер мен олардың құқығын қорғап жүрген заңгерлер арнайы баспасөз мәслихатын өткізді.  БАҚ өкілдерінің алдына шыққан олар әкімдіктен заңсыз қысым көріп отырғанын айтты.

 Айтуларынша, мәселе сол аймақтағы базарларды модернизациялау деген әңгімеден басталған. Жалпы, Алматы базарларын заман талабына сай модернизациялау  2015 жылдан бері жүргізіліп жатыр.

«Бірақ бұл мәселені тереңірек қарастырсақ, мәселе басқада. Осы жайтты, атап айтқанда, барахолка мәселесі мен Алматы әкімдігі  тарапынан орын алған озбырлық туралы қоғамға айтқымыз келіп отыр. Сауда базарларын жаңғырту, яғни «модернизациялау» ешбір құқықтық актілерде бекітілмеген. Модернизация талабы қалай...

Алматыда ақылы автотұрақтарды ұйымдастыру қағидаларына өзгерістер мен толықтырулар енгізу қарастырылып жатыр. Бұл туралы Алматы қаласының әкімдігі хабарлады.

«Бүгінгі таңда алаңдық тұрақтарда кіру/шығу шлагбаум жүйесімен бақыланады. Алаңдық типтегі автотұрақтардағы коммуналдық кәсіпорын кедергісіз жүйені ұйымдастыруды жоспарлап отыр. Мұндай жүйе өткізу қабілетін арттыруға қызмет етеді, кіру және шығу кезектерін болдырмайды, автомобильдердің тұрақ аумағына кіру уақытын қысқартады, сонымен бірге, жүйе автомобильдерді автоматты режимде тіркеуге мүмкіндік береді және төлемеген жағдайда айыппұл салады. Әрі бұл индикацияны және бос орындарды автоматты түрде санауға жол ашады», – делінген хабарламада.

Бұған қоса, қолма-қол ақшасыз есеп айырысуды ұстауға және ыңғайлылыққа жұмсалатын шығыстар бойынша бюджетт...

Қазақстанның бұрынғы президенті Нұрсұлтан Назарбаевтың қарындасы Әнипа Назарбаева 10 жылға жуық уақыт шамасында «Кенжехан» базарындағы әр сауда орнын 10 мың доллардан сатқан.

Осы уақыт аралығында бірде-бір бизнес субъектісімен сату-сатып алу шарты жасалмаған. Сауда орны үшін 10 мың доллар төлеген адамдарға контейнердің паспорты ғана берілген. Келісімшарт талап еткен жандарға: «Біз базарға мәңгі иелік етеміз, уайымдамаңдар!» – деген.

Мәжілісмен Нартай Аралбайұлы премьер-министрдің орынбасары-
Қаржы министрі Ерұлан Жамаубаев пен Бас прокурор Берік Асыловқа жолдаған депутаттық сауалында осындай мәлімдеме жасады.

«Бүгінгі депутаттық сауалыма әділетсіздіктің шырмауына шырмалып, шырғалаңнан шыға алмай қалған азаматтардың көз жасы себеп. Олар Алматының әйгілі барахолка базарында...

Қызылшамен ауырғандардың 96 пайызы екпе алмағандар / Фото: kursiv.media

Елордада қызылшамен күреске қала молдалары да жұмылдырылған. Бұл жайлы Астана қалалық коммуникациялар қызметінде өткен брифингте Қалалық қоғамдық денсаулық сақтау басқармасының басшысы Әлия Рүстемова айтты.

«Қала әкімінің орынбасарының төрағалығымен қалалық штаб құрылды, апта сайын штаб отырысы өткізіледі. Сондай-ақ, Астана қаласы бойынша 15 мешіт бар, жұма намазынан кейін имамдар халық арасында ақпараттық-түсіндіру жүргізеді», – деді Рүстемова.

Сонымен бірге басқарма өкілі Астанада қызылшамен сырқаттанғандардың 96%-ы вакцина алмағанын айтты. Әсіресе, балалар мен екпе статусы белгісіз ересектер арасында бұл сырқатпен ауырғандар жиі тіркелген. Бүгінгі таңда қызылшаға байланысты стационарлық емдеуде...

Фото: kursiv.media

Байлығы 4,6 миллиард долларға бағаланған қазақстандық, Kazakhmys Holding президенті  Владимир Ким Hitech Global Holding компаниясының 25 пайыз акциясын сатып алудан бас тартты. Бұл туралы «Қазақмыс» компаниясының «Курсив» жолдаған ресми сауалға берген жауабында айтылады.

Келісім-шартқа сәйкес, Владимир Ким Hitech GP жарыс командасы 2026 жылы «Формула 1» автожарысынан өтетін әлем чемпионатына қатысатын болса ғана, компанияның 25 пайыз акциясын сатып алуға тиіс еді. Алайда Халықаралық автомобиль федерациясы (FIA) команданың өтінішін қабылдамаған. Яғни, бизнесмен «Формула-1» жарысына қатыспайтын команда үлесін қажет етпеді.

Айта кетейік, Kazakhmys Holding ЖШС басшысы бұған дейін 6 жарыс командасына иелік ететін Hitech Global Holding компаниясының акционері болу ниетін...

БҚДА жаңа Заң жобасын талқылауға шығарды / Фото: kursiv.media

ҚР Бәсекелестікті қорғау және дамыту агенттігі «Ашық НҚА» порталына «Қазақстан Республикасының кейбір заңнамалық актілеріне бәсекелестік мәселелері бойынша өзгерістер мен толықтырулар енгізу туралы» заң жобасын талқылауға шығарды.

Заң жобасында Әлеуметтік сақтандыру қоры мемлекеттік монополия субъектілерінен шығарылатыны жазылған. Қолданыстағы құжатта:

«Азаматтарға арналған үкімет» мемлекеттік корпорациясын, Әлеуметтік медициналық сақтандыру қорын, мемлекеттік техникалық қызметті қоспағанда, Қазақстан Республикасы Үкіметінің шешімімен құрылған мемлекеттік кәсіпорын ғана мемлекеттік монополия субъектісі бола алады», – деп жазылған.

Ал жаңа түзетулерге сәйкес, қор атауы 193-баптың 3-тармағынан алынып тасталған. Осы баптың 3-1 тармақшасына сәйкес:

2027 жылға қарай Қазақстан билігі Теңіз, Қарашығанақ және Қашаған кен орындарында мұнай өндіру деңгейін жылына 105,5 млн тоннаға дейін жеткізуді жоспарлап отыр. Ал, газ өндіру деңгейін 82,1 млрд м3 дейін арттыру көзделуде.

Үкімет мұнай-газ және мұнай-газ-химия жобаларын дамытудың 2023-2027 жылдарға арналған кешенді жоспарын бекітті. Премьер-Министр Әлихан Смайылов тиісті қаулыға қол қойғаны хабарланды.

«Қабылданған кешенді жоспар мұнай-газ, мұнай-газ өңдеу, сондай-ақ мұнай-газ-химия салаларында 20 маңызды жобаны іске асыруға бағытталған. Жобаларды іске асыруға $37,3 млрд көлемінде инвестициялар тарту көзделіп отыр», – делінген хабарламада. 

Атап айтқанда, құжатта еліміздің 2027 жылға қарай мұнай мен газ өндіруге қатысты...

Фото: kursiv.media

«ҚазМұнайГаз» Ұлттық компаниясы өзінің еншілес Karaton Operating Ltd мекемесіне Қаратон кен орнында барлау жұмыстарын жүргізу және өндіру құқығын берді.

«ҚМГ «Karaton Operating Ltd.» жеке компаниясына Атырау және Маңғыстау облыстарында орналасқан Қаратон жер қойнауы учаскесінде көмірсутектерді барлауға және өндіруге құқықтарын берді», – делінген Қазақстан қор биржасында жариялаған хабарламада.

«ҚазМұнайГаз» қыркүйек айында Karaton Operating Ltd компаниясының 100 пайыз акциясын иеленген.

ҚМГ Қаратон кен орнын игеру мәселесін биыл жазда қолға алған еді. «ҚазМұнайГаз ҰҚ мен Энергетика министрлігінің арасында жаңа кен орнын игеруге қатысты келісімге маусым айында қол қойылған.

коллаж kursiv.media

Мәжілістің жалпы отырысынан кейінгі кулуарда депутат Бақытжан Базарбек әл-Фараби атындағы Қазақ ұлттық университетінің заңсыз сатылған жеріне қатысты дау жалғасып жатқанын жариялады.

Мәжілісменнің мәлімдеуінше, биыл 2017-2021 жылдар аралығында заңсыз сатылған жерді университетке қайтару туралы сот шешімі шыққан. Қызығы сол, экс-президент Нұрсұлтан Назарбаевтың күйеу баласы, миллиардер Тимур Құлыбаевтың Atlas development компаниясының меншігіне өтіп кеткен жер күні бүгінге дейін жоғары оқу орнына қайтарылмаған.

Әзірше, Жер ресурстары басқармасы мен Atlas development компаниясы арасындағы текетірестің қашан аяқталатыны, Қазақ ұлттық университетінің өз жері өзіне қашан қайтарылатыны белгісіз.

«Барлықтарыңыз білесіздер, мынау ҚазҰУ-дың жері Omirex және Atlas Development-ке тиесілі. Оның құрылтайшылары Динара...

«Бәйтерек» холдингіне аграрлық фирмалар не үшін керек? Фото: kursiv.media

«Бәйтерек» холдингі «Западное-НОРД 2020» жауапкершілігі шектеулі серіктестігінің 49,0% үлесін иеленді. Бұл туралы холдингтің KASE сайтында жариялаған хабарламасында жазылған.

«Облигациялары Қазақстан қор биржасының ресми тізімінде тұрған «Бәйтерек» ұлттық басқарушы холдингі» АҚ KASE-ге 2023 жылдың 30 қарашасынан бастап «Западное-НОРД 2020» ЖШС жарғылық капиталына қатысудың 49,0 % үлесіне ие болғанын хабарлады», – делінген ақпаратта.

Солтүстік Қазақстан облысы, Ғабит Мүсірепов ауданында тіркелген «Западное-НОРД 2020» ЖШС 2020 жылы құрылған. Компания басшы – Сергей Дудник. Серіктестік тұқым өсіруді қосқанда, дәнді және бұршақ дақылдарды өсірумен айналысады.

Серіктестіктің құрылтайшылары  – Сергей...

Hyundai Trans Kazakhstan Қазақстанға салық төлемеген, бірақ Өзбекстанға көлік экспорттап, 25 миллион доллар салық төлеген / Фото: kursiv.media

Қазақстанның мемлекеттік қарызы 28,5 трлн тенгені құрайды. Бұл туралы Мәжілісте депутат Әділ Жұбанов айтты.

«2023 жылғы 1 шілдедегі жағдай бойынша мемлекеттік қарыз 28,5 трлн теңгені құрады. Айта кету керек, 2026 жылға қарай республикалық бюджеттің қарызға қызмет көрсетуге жұмсалатын шығыстары 3,5 трлн теңге болды. Бұл барлық шығыстың 14%-ын құрайды. Осы қарқынмен 2030 жылға қарай қарызға қызмет көрсетуге жұмсалатын шығындар ЖІӨ-нің 49 пайызын құрайтын болады», – деді депутат.

Депутаттың айтуынша, мемлекеттік қарыздың өсу қарқыны ЖІӨ-нің орташа жылдық өсу...

Семитизмге деген қарсылықтың күшеюіне байланысты Израиль билігі өз азаматтарына Орта Азия мен Қазақстанға бармауға кеңес береді. Бұл туралы Израильдің ұлттық қауіпсіздік бас басқармасы мәлімдеме таратты.

Қауіп-қатер деңгейі. Аталған мекеме Орта Азия мен Африка елдеріндегі израильдықтарға қатысты қауіп-қатер деңгейін үшке дейін көтерді. Сондықтан ол елдің азаматтарына аса қажет болмаған жағдайда Өзбекстан, Қазақстан, Қырғызстан, Түркіменстан және Оңтүстік Африка мен Эритерияға баруға тыйым салынады.

Ұлыбритания, Франция ​және Германия секілді Батыс Еуропа елдері, Бразилия мен Аргентина және өзге де Оңтүстік Америка елдері, Австралия мен Ресей Израиль билігінің пікірінше екінші деңгейдегі қауіпті ел. Ол елдерге барғанда барынша абай болуға кеңес берілд...

Қазақстанда 17 жылдан кейін су тапшылығы болуы мүмкін/telegram.org/k/#@mazhilis_kz

Мәжіліс депутаты Бақытжан Базарбек суды тиімді пайдалану мен оның өзектілігі жайлы мәселені көтеріп, 2040 жылға қарай елдегі су тапшылығы 15 млрд текше метр болатын айтып, жан айқайын жеткізді.

«Еліміз таза ауыз су ретінде пайдаланатын судың көлемі кемі 50 процентке азаяды. Сонда әрбір екінші қазақстандық ауызсусыз қалады деген сөз емес пе?! Ал ауыз сусыз адам 3 күн ғана өмір сүретін білесіздер. Бұл өте қауіпті», – деді.

Депутат еліміздің даласы көктемде көлге айналса, жазда шөлге айналатынын алға тартып, бұл мәселенің әлі күнге шешілмей отырғанын да ашына айтты. Осы...

Фото: Андрей Любимов/РБК/ТАСС

СПБ биржа бұғатталған активтерді Путиннің бұйрығымен айырбастауға дайындықты бастаған. «РБК Инвестиция» сайтының хабарлауынша, Санкт-Петербург биржасы брокерлерге саудадан тыс бөлімдер арасында бағалы қағаздарды айырбастауға салынған тыйымды алып тастайтынын ескерткен. Бұл ресейліктер мен шетелдіктер арасында тыйым салынған активтерді айырбастау механизмін іске қосуға мүмкіндік береді.

СПБ биржа Ресей президенті Владимир Путиннің № 844 жарлығына сәйкес, ресейлік инвесторлардың бұғатталған активтерін айырбастайды. Қаулы бойынша, бейрезиденттер реейліктерден бағалы қағаздарды С типті есепшоттағы қаржыға сатып ала алады.

Айырбасталатын бағалы қағаздардың жалпы құны бір инвесторға ₽100 мыңнан аспауы керек. Биржаға қатысу ресейлік жеке инвесторлар тарапынан да, резидент еместер тарапынан да ерікті болады. Бұл...

ТМД елдері енді кеңес дәуіріндегі өнертабыстарды құпиялығын қамтамасыз етпейді. Бұл жайлы мәжіліс отырысында айтылды.

1999 жылғы 4 маусымда Өнертабыстарды құқықтық қорғау саласында мемлекетаралық құпиялардың сақталуын өзара қамтамасыз ету туралы келісімнің қолданылысын тоқтату туралы заң жобасын ратификациялауды Әділет министрі Азамат Есқараев ұсынды.

«Келісімнің мақсаты құпия өнертабыстар туралы мәліметтердің құпиялылығын қамтамасыз ету, бұрынғы КСРО дәуірінде жасалған өнертабыстарды құпиясыздандыру тәртібін айқындайды. Келісім ТМД-ға қатысушы мемлекеттерге қолданылу мерзімінің барлық кезеңдерінде жасалған құпия өнертабыстарға қорғау құжаттарын беруге бірде-бір өтініш берілмеген. Сондай-ақ құпия өнертабыстарды құпиясыдандырудың бірде-бір жағдайы тіркелмеген«,- деді министр.

Өз кезегінде депутат Құрманғазы Әлішев Қазақстанға тиесіл...

Фото: shutterstock.com

Ұлттық қордан республикалық бюджетке 2024-2026 жылдарға арналған кепілдендірілген трансферт мөлшері бекітілді. Мемлекет басшысы 2024 жылдың 1 қаңтарынан күшіне енетін заңға қол қойды.

Кепілдендірілген трансферт мөлшері әр жылға 2 трлн теңгеден келеді. Заңмен кепілдендірілген трансферттерден бөлек, қордан жыл сайын нысаналы трансферттерге де қаражат бөлінеді. Мәселен, 2024 жылы Ұлттық қордан 1,6 трлн теңге республикалық ауқымдағы маңызды инфрақұрылымдық жобаларды қаржыландыруға бағытталмақ.

Заңда алдағы үш жылда мұнай секторы кәсіпорындарынан түсетін түсімдер бойынша мұнайдың кесімді бағасы да белгіленген.

Қазіргі кезде Ұлттық қорда...

Қазақстан нарығында қандай жаңа әуе компаниясы пайда болады/ kursiv.media

Көлік вице-министрі Талғат Ластаев Қазақстан нарығында қандай жаңа әуекомпаниясы пайда болатыны жайлы мәлім етті.

Вице-министрдің айтуынша, бүгінгі күні бұл мәселе шетелдік әуе компаниялары өкілдерімен талқыланып жатыр.

«Келіссөздер күрделі процесс екенін білесіздер, алайда халықаралық ойыншылар тарапынан  біздің әуе тасымалы нарығымызға деген қызығушылық бар екенін айта аламын», – деді Ластаев.

Қазақстанда қай елдің әуе тасымалдаушысы ұшады деген сұраққа Талғат Ластаев: «Оңтүстік Шығыс Азиядан», – деп жауап берді.

«Бұл процесс барынша тез іске асады деп үміттенеміз. Себебі бұған көп фактор әсер етеді», – деп қосты...

Дүниежүзілк денсаулық сақтау ұйымы алкоголь және тәтті тәтті сусындар сияқты зиянды өнімдерге салықты көбейтуді ұсынды. Алкоголь және тәтті сусындар сияқты зиянды өнімдерге қолданылатын төмен жаһандық салық мөлшерлемелерін көрсететін жаңа деректерді зерттей келе ұйым осындай шешімге келген.

ДДҰ зерттеуінше, көптеген мемлекет салауатты өмір салтын ынталандыру мақсатында салықтарды қолданбайды. Мұндай елдерге көмектесу үшін ДДҰ алкогольге салынатын салық саясаты мен әкімшілігі бойынша техникалық нұсқаулықтар шығарған.

Ұйым келтірген мәліметтерге сенсек, жыл сайын әлемде 2,6 млн адам алкогольден, 8 миллионнан астам адам дұрыс тамақтанбаудан қайтыс болады. Ал алкогольді тұтынуға қатысты салық енгізілсе, бұл көрсеткіш әлдеқайда төмендеуі мүмкін.

2017 жылғы ДДҰ жүргізілген зерттеулерге...

2024-2026 жылдарға арналған республикалық бюджет туралы Заң бекітіледі. 2024 жылдың 1 қаңтарынан бастап зейнетақы 9 пайызға көтеріледі.

Келесі жылдан бастап зейнетақы жасына байланысты зейнетақы төлемдері мен еңбек сіңірген жылдары үшін зейнетақы төлемдері 9 пайызға артады.

«Жасына байланысты зейнетақы төлемдеріне және еңбек сіңірген жылдары үшін зейнетақы төлемдеріне бөлінген қаражат олардың сомаларының 2024 жылғы 1 қаңтардан бастап 9 пайызға ұлғаюын ескере отырып қамтамасыз етілсін»,- делінген құжатта.

Сонымен бірге жаңа жылдан бастап, ең төменгі жалақы – 85 000 теңге, мемлекеттік базалық зейнетақы төлемінің ең төменгі мөлшері – 28 215 теңге, ең төменгі зейнетақы...

«Қазгидромет» болжамына сәйкес, Алматыда ауа райы күрт бұзылып, көптен күткен қар жауады.

«9 желтоқсаннан бастап Алматыда ауа температурасы -18 градусқа дейін төмендеп, қар жауып, жел күшейеді, жолдар мен тротуарларда көктайғақ болуы мүмкін», – делінген «Қазгидрмет» болжамында.

Осы орайда автокөлік жүргізушілері мен жаяу жүргіншілерге жолдағы қауіпсіздік ережесін сақтау керектігі ескертіледі.

Автокөлік жүргізушілеріне:

Ал жаяу жүргіншілерге сақ болу ұсынылады. Жолдан өткенде жүргізушінің нақты тоқтағанына көз жеткізген соң ғана жолдан өту керектігі ескертілген. Өйткені көктайғақ кезінде...

Антикор астаналық жедел жәрдем стансасының басшысы ұсталғанын растады.

Сыбайлас жемқорлыққа қарсы қызмет Астана қаласы бойынша департаментінің қызметкерлері «Қалалық жедел медициналық жәрдем станциясы» ШЖҚ МКК басшысы Мұрат Оразбаевты ұстаған.

«Қалған мәлімет ҚР ҚПК 201-бабына сәйкес жарияланбайды» деп мәлімдеді агенттіктен.

Мұрат Оразбаев 1976 жылы 9 қазанда Қызылорда қаласында дүниеге келген.

2000 жылы Ақтөбе мемлекеттік медицина академиясының хирургия бойынша дәрігерлерді жетілдіру факультет интернатурасын бітірді. Еңбек жолын 2000 жылы Қызылорда облысы Жалағаш аудандық орталық ауруханасының дәрігер-хирург болып бастады. 

2011 жылы аурухана басқарудағы іскерлік әкімшілік магистрі академиялық дәрежесі берілді (MD MBA).

Денсаулық сақтауды ұйымдастырушы-дәрігердің, токсиколог — дәрігердің жоғары біліктілік санаты және анестезиолог-реаниматолог-дәрігерд...