Жаңалықтар

Фото: Ақорда

Қазақстанның әлеуметтік-экономикалық даму мәселелері жөніндегі кеңейтілген отырыста Жаңаөзен қаласының жағдайы да сөз болды.

Жиында баяндама жасаған Маңғыстау облысының әкімі Нұрлан Ноғаевтың дерегінше, биыл өңірде 39 мың жұмыс орны, соның ішінде 32,5 мың тұрақты жұмыс орынын ашу жоспарланып отыр. Оның айтуынша, жұмыспен қамту мәселесін шешу үшін облыс бюджетінен 1,4 млрд теңге бөлінген.

Дегенмен, әкімнің дерегінше облыстағы өзекті мәселе – еңбек дауы. Есептік кезеңде 17 еңбек дауы тіркелді. Соның ішінде төртеуінде 3 сағаттан астам тоқтау болды. Қазір 5 еңбек дауы шешілді. 12-сі мониторингте тұр.

«Бұл мәселелерді шешуде үш жақты өңірлік комиссияның, ведомствоаралық штабтың қабылдаған...

Президент әкімдер өзі басқарып отырған қала мен ауылда жаяу жүруі керек деп мәлімдеді. Өйткені қалалардыі сырт келбеті көңіл көншітпейді. Бүгін Мемлекет басшысы Қасым-Жомарт Тоқаевтың төрағалығымен еліміздің әлеуметтік-экономикалық дамуы жөніндегі кеңес өтіп жатыр.

«Қазір бүкіл қалалардың сырт келбетіне, абаттандыруға мықтап көңіл бөлуіміз керек. Шыны керек, қалалардың келбеті көз тартпайды. Үйлерінің тозығы жетіп тұр» деді мемлекет басшысы.

Шығыс Еуропа, Балқан елдерін мысалға келтірген Президент бұл елдерде қала көркін жақсартуға қала билігі ғана емес, жергілікті тұрғындар да атсалысып жатқанын айтты.

«…Елорда мәтебесіне қала орталығы ғана емес, жақын төңірегі де...

Қазақстанда ұялы байланыс операторлары қаржы нарығына шығып, қаржылық қызметтер ұсына бастады. 2023 жылдың наурыз айының соңындағы жағдай бойынша Қазақстанда 24,6 миллион ұялы байланыс абоненті бар үш оператор қызмет көрсетеді екен.
Ұялы байланыс нарығы жоғары қарқынмен дамып келеді. Операторлар дәстүрлі қызметтермен қатар, мобильді теледидар мен музыка қызметтерінен бастап «интернет заттарын» ұсына отырып, толық жүйелік интеграцияға көшкен. Бұл ретте тұтынушылар арасында мобильді қаражат ұстау, кең ауқым алып барады.
Елдегі барлық ұялы байланыс операторлары өз абоненттеріне және басқа да тұтынушыларға өзінің қаржылық өнімдері мен қызметтерін ұсына бастады.

Оның ішінде кең тарағаны – төлемдер мен аударымдар. Бүгінгі күні ұялы байланыс...

Фото: Ақорда

«Ауыл аманаты» жобасына биыл 100 млрд теңге бөлінді. Бұл туралы премьер-министрдің орынбасары Алтай Көлгінов елдің әлеуметтік-экономикалық даму мәселелері жөніндегі кеңесте айтты.

«Ауыл аманаты» жобасын түсіндіру үшін, Үкімет мүшелері өңірлерге барып, әкімдермен бірлесіп, оның мүмкіндіктерін халыққа жеткізіп жатыр. Жобаға биыл 100 млрд теңге бөлінді. Ол 2,5%-бен несие ретінде беріліп жатыр. Нәтижесінде ауылдағы 18 мың тұрғын тұрақты жұмыспен қамтылып қана емес, өз жеке кәсібін ашуға және оны дамытуға мүмкіндік алады», – деді Алтай Көлігов.

Ал бағдарлама шеңберінде 350 мың адамды қамту көзделген. Бұл жұмыс Amanat жұмыс Amanat партиясымен бірге атқарылады.
Мемлекет басшысы Қасым-Жомарт Тоқаев VIII сайланған...

АҚШ Сенатының бюджет комитеті швейцариялық Credit Suisse банкі нацист клиенттердің және олармен байланысты шоттарға қызмет көрсететінін анықтаған зерттеуін жариялады. Бұл жайт 2020 жылға дейін жалғасып келген.

2020 жылдың наурызында Саймон Визенталь орталығы (SWC) Credit Suisse-ке бұл банкте нацистермен байланысты шоттар ашылғаны жайлы сенімді ақпараты бар екенін хабарлады. Олар 1990 жылдардағы Холокостқа қатысты көптеген тергеу кезінде ашылмай қалған.

Нәтижесінде банк тергеу жүргізуге өз еркімен келіскен. Тергеу жүргізу үшін AlixPartners сот-медициналық зерттеу фирмасын жалдады.

«Расында Credit Suisse басым көпшілігі бұған дейін жария болмаған есепшоттарды жүргізіп отырған. Олардың қатарында Германияда жоғары лауазым иеленген нацист шенеуніктер немесе...

Фото: Үкіметтің баспасөз қызметі

Премьер-Министр Әлихан Смайылов Мемлекет басшысының төрағалығымен өткен елдің әлеуметтік-экономикалық даму мәселелері жөніндегі кеңесте Қазақстан экономикасы өсіп, инфляция баяулағанын мәлім етті. Сондай-ақ, Жаңаөзен қаласында жаңа газ өңдеу зауыты салынатынын да мәлімдеді.

Оның дерегінше, ұлттық экономика қолайсыз сыртқы жағдайларға бейімделе отырып, орнықты өсу жолына шығып отыр. Қаңтар-наурыз айларында ЖІӨ-нің нақты өсімі 4,9%-ды құрады. Ал, 2022 жылы қалыптасқан сыртқы күрделі ахуалға қарамастан, экономикамының нақты өсуі 3,2% болған. Премьер-министр елімізге шетелден $28 млрд тікелей шетелдік инвестиция тартылып, 18% өсім болғанын мәлім етті. Сыртқы сауда айналымы 32%-ға өсіп, $134 млрд болды.

Оның айтуынша, жұмыс істейтін шағын және орта кәсіпкерлік субъектілерін...

Украинаның Қарулы Күштерінің қажеттіліктеріне арналған қайырымдылық көмек өткен жылмен салыстырғанда екі есеге азайған. Бұл жайлы осы елдің жергілікті басылымдары жазады.

Украина халқы Украина қарулы күштеріне орта есеппен 1525 гривен берген. Бұл бір жыл бұрынғы көрсеткіштерден екі есе аз.

Postmen коммуникациялық агенттігі жүргізген сауалнамаға сәйкес, егде жастағы азаматтар әскери қайырымдылыққа азырақ қаражат жұмсайды екен. Әсіресе, 50 жастан асқан украиндар арасында қайырымдылыққа көп ақша жұмсайтындар аз. Жастар керісінше, барынша қолдап, көбірек беруге дайын. Сұралғандардың 90,3 пайызы бір жыл бойы Украина Қарулы күштеріне қаражат аударып отырған.
Зерттеушілер сондай-ақ Украинада қалған украиндардың шамамен 80 пайызын және Ресей соғыс бастағаннан кейін шетелге кеткен...

Қасым-Жомарт Тоқаевтың төрағалығымен еліміздің әлеуметтік-экономикалық дамуы жөніндегі кеңес басталды.
Мемлекет басшысы өз сөзінде Мәжіліс және мәслихат депутаттарының сайлауы өткенін, Үкімет қайта жасақталғанын айтып өтті.

«Ауқымды саяси өзгерістің алғашқы кезеңі аяқталды деуге болады. Біз билік тармақтарының тепе-теңдігін орнықтырдық. Енді еліміздегі қоғамдық-экономикалық қатынастарды қайта құруымыз керек. Жұртшылық бұл реформаларға зор үміт артып отыр. Сондықтан, біз нақты іс-шараларға баса мән беруге тиіспіз», – деді Тоқаев.

Президент Парламент сессиясының ашылуында заңнамалық тұрғыдан шешілуге тиіс бірқатар мәселені атап өткенін айтты.

«Ал бүгін әлеуметтік-экономикалық саладағы мақсат-міндеттерді айқындап алуымыз керек. Үкімет және барлық деңгейдегі әкімдер соған сүйеніп жұмыс...

Фото: kursiv.media

АҚШ-тағы Charles Schwab, State Street және M&T сынды ірі банктерден клиенттері І тоқсанда 60 млрд доллар көлеміндегі допозитін шығарып алған. БАҚ дерегінше, Банк салымшылары өз қаржысын табысы жоғары салымдарға салып жатыр

Ірі банктерден қаржы кетіп жатқан шақта Apple мен Goldman Sachs АҚШ-та жаңа жинақ есепшот құралын іске қосатындарын мәлімдеді. Олар жылына 4,15 пайыз сыйақы төлейміз деп отыр. Бұл өз кезегінде дәстүрлі банктерге төнген жаңа қауіп белгісі сынды.

4,15 пайыз деген АҚШ-тағы жинақ есепшоттары орташа сыйақысынан әлдеқайда жоғары. Депозиттерді сақтандыру федералды корпорациясының дерегі бойынша, жинақ есепшоттардың сыйақысы 0,37 пайызды құрайды. Ол сонымен қатар, American Express...

Қазақстанның мемлекеттік және сыртқы қарызы 54 миллиард доллардан асады екен. Ал теңгеге шаққанда 25 триллион. Бұл туралы журналистер сауалына Қаржы министрлігі берген жауапта айтылған.

Ведомствоның мәліметінше, мемлекеттік қарыздың бұл сомасы 2023 жылдың 1 қаңтарындағы жағдай. Министрлік бұл соманың 47 миллиард доллары немесе 22 триллион теңгеден астамы мемлекеттік қарыз екенін хабарлаған. Оның ішінде сыртқы қарыз 7 триллион теңге яғни 16 миллиард доллардан асады екен. Ал мемлекетттік қарыздың басым бөлігі ішкі қарыздан тұрады, оның көлемі 14 триллион теңгеден асады.

Ведомство таратқан ақпаратқа сәйкес, ішкі қарыздың басым бөлігі, атап айтқанда 10,9 триллион теңгеден астамы мемлекеттік ұзақ мерзімд...

Фото: kursiv.media

Бірер апта бұрын «ҚазМұнайГаз» акциялары орналастыру құнына дейін құлдырап кетіп, 8464 теңге болған. 18 сәуірдегі жағдай бойынша ҚМГ бір акциясы 10 325 теңгеге саудаланды, Есте болса, ҚМГ IPO-ға шыққан уақытта бағасы 8406 теңге болып тіркелген еді. IPO аясында компанияның 30,5 млн жәй акциясы сатылады деп жоспарланған.

Дабырасы қор нарығынан хабары бар ағайынға түгел жеткен ҚМГ акциясын неге көпшілік жаппай сатып алмады? Қаржыгер, экономист Мұрат Темірхановтың айтуынша, ұлттық компанияны IPO-ға шығарудың өзі экономиканы мемлекет иелігінен алып жатырмыз деген реформаны имитациялау болды.

«Нарыққа компания акциясының 5 пайызы ғана шығарылды. Тек 5 пайызын ғана шығаратын болса...

Испанияда операция жасатуға кезек күткен адам саны 800 мыңнан асып кетті. Бұл – кейінгі үш жылда болмаған жағдай. Науқастар дәрігерді шамамен жарты жыл күтуге мәжбүр. Бұл туралы Хабар 24 хабарлады.

Енді бұған наразы жұрт Мадрид көшелеріне шығып, министрдің отставкаға кетуін талап етті. Митинггке ресми ақпарат бойынша – 200 мың, ал бейресми мәліметтер 700 мың қатысты деседі.

Мадрид көшелерінде тұрғындардан бөлек, медицина саласының қызметкерлері де белсенді болды. Барлығының талабы бір – сала түбегейлі жаңа реформаға мұқтаж. Еңбекақының 45 процентін салыққа беретін ел тұрғындары сапалы медицинаға мұқтаж.

Тегін медицинаға кезек көп, сондықтан испандықтардың басым бөлігі ақылы медициналық сақтандыруды рәсімдейд...

 Армения мен Әзербайжан бір-бірінің аумақтық тұтастығын мойындаған жағдайда бейбіт келісімге келуі мүмкін. Бұл туралы ҚазАқпарат Армения Премьер-министрі Никол Пашинянның мәлімдемесіне сілтеме жасап хабарлады.

«Егер екі ел екіұшты және құйтырқы ойсыз бір-бірінің аумақтық тұтастығын мойындап, бүгін де, кейін де аумаққа қатысты наразы болмайтынына міндеттелсе Армения мен Әзербайжан бейбіт келісімге қол жеткізуі мүмкін. Қазір мен Армения Республикасы Әзербайжанның аумақтық тұтастығын толық мойындайтынын растағым келеді және Әзербайжан да Армян КСР аумағын Армения Республикасына тиесілі деп мойындағанын күтеміз», – деді Никол Пашинян 2022 жылғы Ел үкіметінің есебін ұсына отырып.

Оның сөзінше, факт жүзінде тараптар бұл туралы 2022 жылдың 6 қазанында Прагада және...

Бас Прокурор Берік Асыловтың төрағалығымен үлестік құрылыстың проблемалық мәселелері бойынша ведомствоаралық кеңес өтті. Бұл туралы Бас прокуратураның баспасөз қызметі хабарлады.

Жұмысқа индустрия және инфрақұрылымдық даму министрі, елорда әкімі, құрылыс істері комитетінің, «Елорда құрылыс компаниясы» ЖШС-ның төрағалары, өңірлердің прокурорлары және облыс әкімдерінің жетекшілік ететін орынбасарлары қатысты.

Берік Асылов әрбір отбасы өз баспанасын армандайтынын, сол үшін жылдар бойы пәтерге қаражат жинайтынын немесе несие рәсімдейтінін атап өтті.

Бұл ретте жосықсыз құрылыс салушылар азаматтарды төмен бағамен желіктіріп, оларды алдауда.

Нәтижесінде үлескерлер ақшасыз және қалаған «шаршы метрсіз» қалуда.

Бұл туралы ағымдағы жылдың басында Мемлекет басшысымен елорданы дамыту жөніндегі кеңесте айтылған болатын.

Президент сәулет және...

Астанада құрылыстың бастапқы сатысындағы үлескерлердің ақшасын тартуға тиісті рұқсаты жоқ құрылыс ұйымдарының тізімі өзектендірілді, деп хабарлайды елорда әкімдігінің ресми сайты.

Қолданыстағы заңнаманы айналып өту кезінде жасалған барлық мәмілелер, оның ішінде алдын ала брондау шарты, резервтеу шарты, инвестициялау шарты, талап ету құқығын басқаға беру шарты тізімде көрсетілген көппәтерлі тұрғын үй кешендерінде жарамсыз болып табылады.

Азаматтардың қаражатын сақтау үшін Астана әкімдігі қырағы болуды сұрайды және рұқсат беру құжаттары (құрылысқа рұқсат, «Жобалардың мемлекеттік ведомстводан тыс сараптамасы» ШЖҚ РМК оң қорытындысы) болмаған кезде тұрғын үй сатып алудан бас тартқан жөн.

Естеріңізге сала кетейік, үлескерлердің қаражатын тиісті рұқсатсыз қабылдауға «Тұрғын үй құрылысына үлестік қатысу...

WhatsApp-та алаяқтар Halyk Bank атынан Рамазан айына орай сыйлықтар ұтысына қатысуға шақырған хабарлама таратып жатыр. Бұл туралы Stopfake сайты хабарлады.

Halyk Bank-тің ресми сайтында Рамазан айына орай сыйлықтар табысталатыны немесе ұтыс ойыны өткізілетіні жайлы хабарландырулар жоқ.
Банктің Instagram-дағы және Facebook-тегі ресми парақшаларында да мұндай ақпарат жарияланбаған.

Интернеттегі алаяқтықтың бұл түрі фишинг деп аталады. Алаяқтар өз сайттары арқылы пайдаланушылардың мобильді банкингінің, жеке аккаунттарының логиндері мен парольдерін және т.б. жеке ақпаратына қол жеткізе алады.

Алматы қаласы Өңірлік коммуникациялар қызметінің алаңында Акушерлік, гинекология және перинатология ғылыми орталығының мамандары ЭКҰ квоталары, мемлекеттік бағдарламалар және адам репродукциясы туралы айтты. Мемлекет басшысының тапсырмасымен іске қосылған «Аңсаған Сәби» арнайы бағдарламасы бойынша мұндай квоталар көптеп бөлінуде.

«Барлық Қазақстан бойынша жыл сайын 7 мың квота бөлінеді, олар аймақтарға сәйкес бөлінген.  Қаламыз мегаполис екенін ескерсек, ең көп квота Алматыға, сондай-ақ Астана қаласына бөлінген», – дейді Акушерлік, гинекология және перинатология ғылыми орталығының ЭКҰ бөлімінің меңгерушісі Радха Арипова.

Спикердің айтуынша, Қазақстанда бар болғаны 30 ЭКҰ клиникасы болса, оның 19-ы МӘМС жүйесіне қатысады.  Өткен жылы МӘМС аясында 210 бағдарлама...

Фото: shutterstock.com

Қазақстан өңірлері арасында Маңғыстау, Солтүстік Қазақстан облысы мен Астана қаласында инфляция жоғары болып тұр. Ұлттық Банк ҚР өңірлеріндегі инфляцияға қатысты деректерді жариялады.

ҰБ дерегі бойынша, республикада 2023 жылдың наурыз айында  жылдық инфляция 18,1%-ды құрап (ақпанда – 21,3% болған), бүкіл өңірде баяулаған. Жылдық инфляция 11 өңірде жалпы республикалық деңгейден жоғары қалыптасты.

Дегенмен, Маңғыстау облысындағы инфляция 21,7 пайызды құрап, республикалық мәннен асып түскен. Бұл – мұнайлы өлкені қымбатшылық қысып тұр деген сөз. Сонымен қатар Астана қаласы мен Солтүстік Қазақстан облысында да инфляция жоғары.

Азық-түлік тауарлар бағасының өсуі бір жылда 20,5%-ға дейін (ақпанда – 26,2%), азық-түлікке...

Сенат депутаты Жанна Асанова Қазақстанда әскери борышын өтеп жүрген сарбаздарға несие бермеуді ұсынды. Ол Қорғаныс министрінің тәрбие және идеологиялық жұмыстар жөніндегі орынбасары Сұлтан Қамалетдиновке қарата несиелендіру мәселесіне тоқталды.

«Әскердегі сарбаздарға несие алуға тыйым салу керек. Себебі олардың атына қомақты несие алған жағдайлар болған. Мұның неге істелетіні белгілі. Kaspi қосымшасы арқылы оны істеу жеңіл», – деді сенатор.

Оның айтуынша, әскери борышты өтеу кезінде несие төлемеу құқығын беру туралы меморандумға бұған дейін қол қойылғанымен ол декларативті сипатта болды. Сондықтан, бұл мәселені заңмен бекітуді ұсынды, депутат

Фото: Энергетика министрлігінің баспасөз қызметі

Энергетика министрі А. Сәтқалиев пен Атом энергиясы жөніндегі халықаралық агенттіктің (МАГАТЭ) бас директоры Р. Гросси Қазақстан мен АЭХА арасындағы 2023-2028 жылдарға арналған елдік негіздемелік бағдарламаға (Country Programme Framework) қол қойды. Бұл туралы министрліктің баспасөз қызметінен хабарлады.

Елдік негіздемелік бағдарлама Қазақстан мен АЭХА арасындағы техникалық ынтымақтастықты орта мерзімді жоспарлау үшін негіз болады.

«2023-2028 жылдарға арналған жаңа бағдарлама техникалық ынтымақтастықтың жинақталған тәжірибесін ескере отырып әзірленді және онда Қазақстанның өзінің алғашқы атом электр станциясын салуды жоспарлап отырған ел ретіндегі мәртебесі ескерілді. Бағдарламада төрт басым бағыт анықталған: ядролық-энергетикалық инфрақұрылым, ядролық және радиациялық қауіпсіздік, азық-түлік қауіпсіздіг...

Фото: shutterstock.com

Еңбек демалысына, пәтеріңізді жөндеуге немесе тойға ақша жинайын деп жатырсыз ба? Адамдардың көпшілігі осы және өзге мақсаттар үшін әдетте депозит таңдайды. Өйткені олар ақша сақтаудың ең үйреншікті және ең қауіпсіз тәсілі болып саналады. Оның үстіне салымдар пайыздық сыйақы мөлшерлемесі есебінен жинақ ақшаны молайтуға мүмкіндік береді. Ал егер банк лицензиясынан айырылатын болса, ақшамды кім және қандай қаражат есебінен төлейді? Депозит ашқан салымшы өзіне осы сұрақты ерте ме кеш пе қояры анық. Бұл сұраққа жауапты ҚДКБҚ мамандары жауап береді.

Ислам банктерінен басқа екінші деңгейдегі банктердегі барлық салымдар Қазақстанның депозиттерге кепілдік беру қорының (ҚДКБҚ) қорғауына алынған. Сақтандыру жағдайы туындаған...

Наурыз айында Солтүстік Қазақстанда «Халық кеңесі» тобын құрып, өздерін «КСРО ізбасары» деп жариялағысы келгендердің үстінен қылмыстық іс қозғалды. Олар Қылмыстық-процестік Кодекстің 128-бабы тәртібінде ұсталып, уақытша ұстау изоляторына қамалған. Енді сепаратистер 10 жылға сотталуы мүмкін.

«Халық Кеңесі» тобына қатысушылардың жиналысы өткені интернет желісіне таралды. Сол хабар бойынша 30 наурызда Ұлттық қауіпсіздік Комитетінің Солтүстік Қазақстан облысы бойынша Департаменті сепаратизм фактісі бойынша сотқа дейінгі тергеп-тексеруды бастаған.

  Тергеу барысында Петропавл қаласында 2023 жылғы 19 наурызда Солтүстік Қазақстан университетінің колледж ғимаратында  «Халық Кеңесі» тобына қатысушы 20 адамнан тұратын топ жиналысы өтіп, олар өздерін Кеңес Социалистік Республикалар Одағының ізбасары деп мәлімдеген...

Фото: kursiv.media

Ресейден автокөлікпен бидай тасымалына тыйым салынғалы бері, бидай бағасы шамамен 20 долларға қымбаттаған. Осылайша Қазақстан бидайы тоннасына 260 долларға бағаланып, экспортталып жатыр.

Атап айтқанда, Сарыағаш станциясындағы қазір ұнның тоннасы 290-300 долларға болса, бидайдың тоннасы 250-260 доллар. Ал наурыз айында бидай тоннасы 240 долларға дейін төмендеген. Астық құнының бұлайша өсуі екі фактормен байланысты. Біріншісі – Ресейден автокөлікпен бидай тасымалдауға тыйым салынуы, екіншісі – Қытайға астық тасымалдайтын вагондардың жиі жөнелтіле бастауы.

Сәуір айының алғашқы жартысында Қазақстан Қытайға 12 мың тонна бидай жөнелткен. Алдағы уақытта бұл көрсеткіштер көтеріле түсуі мүмкін. Себебі ҚТЖ бидайды арнайы астық тасымалдаушылармен жеткізу жұмыстарын жолға...

Фото: kursiv.media

Бүгін мемлекет басшысы Қасым-Жомарт Тоқаев бірнеше елдегі Қазақстанның Төтенше және Өкілетті елшілерін тағайындады. Бұл туралы Ақорда хабарлады.

«Мемлекет басшысының Жарлығымен Әлім Дәуренұлы Байел Қазақстан Республикасының Әзербайжан Республикасындағы Төтенше және Өкілетті Елшісі лауазымына тағайындалды», делінген хабарламада,

2019 жылдан Қазақстанның осы елдегі Төтенше және Өкілетті Елшісі болған Сержан Оралбайұлы Әбдікәрімов лауазымынан босатылды.

Сонымен қатар, Қазақстан Республикасының Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі Мағжан Ілиясов Қазақстан Республикасының Исландиядағы, Ирландиядағы Төтенше және Өкілетті Елшісі қызметін қоса атқарушы болып тағайындалды.

Ал Қазақстан Республикасының Швейцария Конфедерациясындағы Төтенше және Өкілетті Елшіс...