Жаңалықтар

Фото: kursiv.media

Медициналық сақтандыру қоры Алматы қаласының денсаулық сақтау саласына қосымша 7 млрд теңге бөлген. Бұл туралы Өңірлік коммуникациялар қызметінде өткен брифингте МСҚ Алматы филиалы директоры Тілеухан Әбілдаев мәлімдеді.

Оның айтуынша, қосымша қаржы Алматыда міндетті әлеуметтік медициналық сақтандыру пакетіндегі қызметтерді пайдалану көрсеткішінің жоғары болуына байланысты бөлініп отыр.

«Жалпы, оңтүстік астанада медициналық қызметке жүгіну көрсеткіші өте жоғары. Сондықтан Қор өткен аптада қаладағы медицина мекемелерін қаржыландыруға 7 млрд теңгеге жуық қаржы бөлді. Бөлінген қаражаттың 2,8 млрд теңгесі консультативтік-диагностикалық қызметтерге, 4,1 млрд теңгесі – стационарлық көмекке, 164,5 млн теңгесі жоғары технологиялық қызметтерге жұмсалмақ», – деді Тілеухан Әбілдаев.

Фото: primeminister.kz

Оқу ағарту министрі Ғани Бейсембаев Қазақстан мектептерінде оқушыларға хиджаб киюге рұқсат берілді деген ақпаратқа пікір білдірді.

Үкімет отырысынан кейін министрге журналистер «Қазір әлеуметтік желіде оқу ағарту министрлігі мектепте хиджаб киюге рұқсат берді деп ақпарат тарап жатыр. Енді мектепке хиджаб киіп келуге бола ма?» деп сұрады.

Ғани Бейсембаев балалардың мектепке оқушы формасымен келуі керек екенін айтты.

«Конституция бойынша Қазақстан — зайырлы мемлекет. Мектеп те зайырлы болып саналады. 2016 жылы бекітілген оқушылардың мектептегі формасы мен киміне қатысты бұйрық бар. Ол өзгерген жоқ. Сондықтан балалар мектепке оқушы формасымен келуі керек. Бұл балалардың бірдей білім алуы үшін жасалып...

Фото: kursiv.media

Алматы әкімдігі №48 мектеп-лицей ғимаратын реконструкциялау мерзімін бұзған мердігер ұйымды сотқа берді. Бұл туралы баспасөз қызметі хабарлады.

Алматы қаласы әкімінің орынбасары Асқар Әмрин бюджет қаржысына салынатын проблемалық құрылыс және реконструкциялау нысандарын аралап көрді. №48 мектеп-лицей ғимаратын 2021 жылдың шілдесінде басталған қайта жаңарту бойынша жүргізіліп жатқан жұмыс барысымен танысты.

Құрылыстың нормативтік мерзімі – 10 ай. Құрылыс материалдарының қымбаттауына байланысты 2022 жылы жобалау-сметалық құжаттамаға түзету енгізілген. Жұмыстың аяқталу мерзімі 2023 жылдың 31 қаңтарына дейін ұзартылды. «Риголит» ЖШС мердігер ұйымына қатысты міндеттемелердің сапасыз орындалуына байланысты сотқа талап арыз берілді. Қазір сот процесі жүріп жатыр.

Бүгінде нысан 99% дайын. Оқу жылыны...

Фото: автордікі

Қазақстандық кәсіпкер Қайрат Боранбаев тергеумен процестік келісімге келуге өтінішхат білдірді. 2023 жылдың 22 тамызында Астананың қылмыстық істер жөніндегі апелляциялық сот алқасы қазақстандық кәсіпкер Қайрат Боранбаевқа қатысты істі қарады.

Сот отырысында Боранбаевтың адвокаты Данияр Қанафин мемлекеттік айыптаушымен процестік келісімге келу туралы өтінішхат жолдады.

Сотталушылар мен олардың адвокаттары тергеу органдарымен процестік келісімге келу туралы өтінішхатты қолдады.

Судья Қайрат Боранбаевтан «кінәңізді мойындайсыз ба?» деп сұрады. Боранбаев «процестік келісім бойынша, иә» деп жауап берді.

Боранбаевқа қатысты сот үкімінің қашан шығатыны әлі белгісіз. Тергеу тарапы мен сотталушылардың адвокаттары процестік келісім талаптарын талқылайды.

Айта кетейік, бұған дейін Боранбаевқа сот үкімі 2023 жылды...

2023 жылдың ІІ тоқсанында еліміздегі шағын бизнестің кредитке деген сұраныс артқан. Ұлттық банк 19 ЕДБ арасында жүргізген сауалнама нәтижесі шағын кәсікерлердің тарапынан түскен өтініш 21 пайыз өсіп, 687 мыңға жеткенін байқатады.

Қазақстан Ұлттық Банкі Қаржылық тұрақтылық және зерттеулер департаментінің директоры Олжас Күбенбаевтың айтуынша, шағын бизнес тарапынан сұраныс индексінің өсуі мемлекеттік бағдарлама аясында қаржыландырудың қайта басталуымен байланысты.

Сонымен қатар ол банктердің серіктестер тізімі мен өнім қатарын кеңейтуінің әсері болғанын атап өтті.

Ал орта бизнес тарапынан кредитке сұраныс индексі аса өзгермей, жекелеген ірі банктердегі сұраныстың елеусіз ұлғаюы аясында оң аймақта қалыптасты.

Алайда, бірнеше банкте берілген өтінімдердің саны азайған. Сөйтіп, орта...

Фото: kursiv.media

Көктемгі егіске және егінді уақытында жинау үшін шаруаларға 140 млрд теңге бөлінді. Бұл туралы Ауыл шаруашылығы министрі Ербол Қарашөкеев хабарлады.

Министрдің пікірінше, егін жинау науқанын сәтті өткізудің негізгі мәселесі — фермерлерді қаржымен қамтамасыз ету.

«Былтырғыдай «Аграрлық несие корпорациясы» АҚ желісі бойынша көктемгі егіс және егін жинау жұмыстарын қаржыландырудың жалпы сомасы – 140 млрд теңге. 3,8 мың ауыл шаруашылығы тауарын өндіруші қаржыландырылды», – деді Қарашөкеев Үкімет отырысында.

Азық-түлік корпорациясының желісі бойынша азық-түлік корпорациясының ресурстарына астық жеткізудің қажетті көлеміне келісімшарт жасалған.

«Ол үшін 81,2 млрд теңге, оның ішінде форвардтық сатып алу...

Фото: primeminister.kz

Қытайдың CMC копрорациясын Қазақстанда энергетикалық жобаларды жүзеге асырмақ. Бұл тцралы ҚР Премьер-Министрі Әлихан Смайылов пен China National Machinery Import & Export Corporation вице-президенті Чжао Чжэнсян кездесуіне белгілі болды.

Үкімет басшысы Қазақстан таяу жылдары энергетикалық жүйені біріктіруді аяқтап, экономика мен халықтың электр энергияға қажеттілігін толық қамтуды жоспарлап отырғанын атап өткен. Атап айтқанда, республиканың Электр энергетика саласын дамыту жөніндегі тиісті тұжырымдама қабылданды.

Қазіргі уақытта қолданыстағы электр станцияларын жаңғырту бойынша жобалар жүзеге асырылуда, бұл 2027 жылға қарай 1700 МВт-тан астам қуатты іске қосуға мүмкіндік береді. Биыл Екібастұз ГРЭС-1-де №1 энергоблокты қалпына келтіру аяқталады, бұл алдағы күзгі-қысқы маусымда қосымша...

Төтенше жағдайлар министрлігі Сырдария өзенінде болған 11 адамның қайғылы қазасына қатысты түсініктеме берді. Министр Сырым Шәріпхановтың айтуынша, бұл мәселе жіті қадағаланып, тексеріліп жатыр.

«Қазір іздестіру жұмыстары жүргізілуде. Неліктен бұлай болғанын тергеу органдары анықтайтын болады.Бұл жер суға түсуге жарамсыз болған. Адамдар демалыста болған. Өкінішке қарай төрт отбасы жапа шекті. Біз бәрін тексереміз, реттейміз», деді Төтенше жағдайлар министрлігінің басшысы.

Лауазымды тұлғалар жауапкершілікке тартыла ма деген жуналистердің сұрағына министр ондай шешім тексеру жұмыстарының нәтижесіне байланысты қабылданатынын айтқан.

Еске сала кетсек, дүйсенбі күні кешке Түркістан облыстық әкімдігінің баспасөз қызметі Отырар ауданы, Сырдария өзенінің жағасында бір әулеттен...

Еліміздегі барлық өңірде егін жинау басталды. Бұл туралы Ауыл шаруашылығы министрі Ербол Қарашөкеев айтты.

Оның айутынша, биыл қолайлы ауа райы егін жинау жұмыстарын уақтылы бастауға мүмкіндік берді.

«Қазір республика бойынша барлығы 2,4 млн гектар немесе 14,1% дәнді және дәнді-бұршақты дақылдар жиналды. Орташа өнімділігі гектарына 11,5 центнер болып, 2,8 млн тонна астық бастырылды. Республиканың барлық өңірінде жаппай егін жинау басталды», – деді ведомство басшысы Үкімет отырысында.

Биыл ауыл шаруашылығы дақылдары жиналатын жалпы алаң – 24,0 млн га. Бұл 2022 жылмен салыстырғанда 651,8 мың гектарға көп. Оның 17,4 млн гектарынан дәнді дақылдар жиналады.

Өндірістегі жазатайым оқиға кезіндегі азаматтардың әлеуметтік құқықтарын қорғайтын шарттар Қазақстан кәсіпорындарының 53,1 пайызында жасалған. Еңбекминінің мәліметінше, 2023 жылғы 1 тамыздағы жағдай бойынша Қазақстанда 3,2 млн-нан астам жұмыскер өндірістегі жазатайым оқиғалардан сақтандырылған.

Өңірлердің мемлекеттік еңбек инспекторлары жұмыс берушілерге еңбек заңнамасының талаптарын сақтау қажеттігі туралы 125 мың хабарлама жолдапты. Тиісті шарттардың болмауы осы кәсіпорындарда тексеру жүргізуге негіз болады.

ҚР Еңбек кодексіне сәйкес, жұмыс беруші қызметкерді еңбек міндеттерін орындау кезінде жазатайым оқиғалардан сақтандыруға міндетті.

Айта кетейік, 17 тамыз күні «АрселорМиттал Теміртау» компаниясына қарасты «Қазақстан» шахтасында апат болды. Мұнда конвейер таспасынан өрт шықты. Өрт салдарынан 5 кенші опат болды.

2021 жылы кәсіпорындарда...

Мемлекеттік сатып алу шарттарына өзгеріс енгізілді. Атап айтқанда, тауар, жұмыс, көрсетілетін қызмет тізбесін сатып алуды жүзеге асыру тәсілдеріне өзгерістер енгізілді.

«ҚР Қаржы министрінің 2019 жылғы 29 шілдедегі №798 «Мемлекеттік сатып алуды жүзеге асыру тәсілін уәкілетті орган анықтайтын тауарлардың, жұмыстардың, көрсетілетін қызметтердің тізбесін бекіту туралы» бұйрығына мынайдай өзгерістер енгізілсін: Мемлекеттік сатып алуды жүзеге асыру тәсілін уәкілетті орган анықтайтын тауарлардың, жұмыстардың, көрсетілетін қызметтердің тізбесін бекіту туралы бұйрық қосымшаға сәйкес жаңа редакцияда жазылсын», делінген құжатта.

Ол қосымшаға сәйкес құрылыс-монтаж жұмыстарын сатып алу рейтингтік-баллдық жүйе бойынша конкурс тәсілімен жүзеге асырылады. Ол бұрын тек конкурс арқылы жүзеге асырылатын.

Сонымен бірге жобалық-сметалық құжаттаманы...

Биыл наурыздан бастап елімізде жеке тұлғалар да банкроттыққа өтініш бере бастады. Мемлекет бұл бастаманы азаматтардың несие жүктемесін жеңілдету мақсатында қолға алды. Жеке тұлғалардың банкке берешегі жыл санап ұлғайып бара жатыр және оны тежеу әзір мүмкін болмай отыр. Бірінші несие бюросы сараптама орталығының бізге ұсынған мәліметі бойынша, қазіргі уақытта 2023 жылдың наурызында бүкіл қаржы ұйымдары тарапынан халыққа берілген несие көлемі 2022 жылдың наурызындағы көрсеткіштен 27 пайызға асып түскен.

Жоғары базалық ставка несие алушылардың ынтасына кедергі бола алған жоқ

Мұндай динамика соңғы айларда да байқалып отыр деп хабарлайды бюро. 2023 жылдың сәуірі 2022 жылдың сәуірінен 31 пайызға, биылғы мамыр былтырғы мамырдан...

Жыл басынан бері елімізде игерілмей жатқан немесе жекенің қолына заңсыз өтіп кеткен 7,8 млн га ауылшаруашылығы жері мемлекетке қайтарылған. Бұл туралы Үкіметтің баспасөз қызметі хабарлады.

Мәселен, Қарағанды облысында 1,5 млн га ауылшаруашылығы жерлері мемлекет меншігіне қайтарылды. Қостанай облысында – 738 мың га, Ақтөбе облысында – 745 мың га, Түркістан облысында – 631 мың га, Павлодар облысында – 532 мың га мемлекетке өтті.

Республика бойынша жерді пайдаланушыларға қатысты 5,5 млн га алаңды қамтитын 2 410 жоспардан тыс тексеру жүргізілген. Тексеру нәтижесі бойынша 3,1 млн га алаңда жер заңнамасын бұзушылықтарды жою туралы 1 597 ұйғарым шығарылса, 240,9 мы...

«Қазақстан» шахтасындағы өрт әлі сөндірілген жоқ. Өрт сөндірушілер өртті гипстен көпірдер салу арқылы өшіру туралы шешімге келген. Бұл жайлы ТЖМ баспасөз қызметі хабарлады.

«22 тамызда сағат 8.00-дегі жағдай бойынша Қазақстан шахтасындағы жағдай: авариялық қазбадағы өрт ошақтары әлі де жанып жатыр, жағдай жақсарған жоқ. Өрттің таралуына жол бермеу үшін жұмыстар жүргізілуде. Осыған байланысты КӘАҚҚ РШО шахтадағы аварияны жою штаб басшылығы гипстен көпірлер салу арқылы апатты учаскені оқшаулау туралы шешім қабылдады», делінген баспасөз хабарламасында.

Қазіргі уақытта көпір салынатын орындар анықталып, қажетті материалдарды жеткізу жұмыстары басталған. Содан кейін барлық күштер апаттық учаскені оқшаулауға жіберіледі.

Еске сала...

21 тамызда Астананың қылмыстық істер жөніндегі ауданаралық соты «Архитекторы будущего» заңсыз қорының негізін қалаушыға қатысты үкім шығарды. Бұл туралы ҚазАқпарат хабарлады.

Ә. қызметі азаматтарды құқыққа қайшы әрекеттер жасауға ынталандырумен ұштасатын қоғамдық бірлестікті (ҚК 404-бабының 1-бөлігі), сондай-ақ қоғамдық шараларды өткізу кезінде қоғамдық тәртіпті бұзу қаупін тудыратын жалған ақпарат таратумен айналысқан қоғамдық бірлестікті құрды және оған басшылық жасады (ҚК 274-бабы 4-бөлігінің 2) тармағы) деп айыпталды.

2019 жылы А. ауыл шаруашылығын дамыту, дәнді-бұршақты және майлы дақылдарды, оның ішінде тұқым шаруашылығын өсірумен айналысатын компания құрды. 2020 жылдың мамыр-маусым айларында ол Канададан Ақмола және Солтүстік Қазақстан облыстарының егістіктеріне егілген ауыл шаруашылығы дақылдарының тұқымын әкелді.

2020 жылдың тамыз...

Әлемнің қаржы нарығында 11-18 тамыз аралығында бірқатар маңызды оқиға болды.Бұл туралы ҚР Ұлттық Банк баспасөз қызметі хабарлады.

17 тамыз күні АҚШ ФРЖ ашық нарықтар комитеті отырысының хаттамасы жарияланып, мөлшерлемені одан әрі көтеру мүмкіндігі сақталды. Еңбек нарығында қалпына келу белгілері байқалды: жұмыссыздық бойынша жәрдемақыға алғашқы өтінімдер 248 мыңнан 239 мыңға дейін төмендеді. Ал, талдаушылар 240 мың деңгейінде қалыптасады деп күткен еді. Қазіргі уақытта нарыққа қатысушылар қыркүйекте мөлшерлеменің өсуін күтпейді. Сөйте тұра инфляциялық күтулер жоғары деңгейде қалып отыр.

Қытай Халық банкі 15 тамызда рецессия тәуекелдері аясында орта мерзімді кредиттер бойынша мөлшерлемені 2,5%-ға дейін төмендетті. ЖІӨ өсімі бойынша болжам...

Қызылорда облысында «Ақшабұлақ“ кен орнындағы өртке байланысты полиция тергеу жүргізіп жатыр

«19 тамыз түнгі сағат 02:20 шамасында “Ақшабұлақ» кен орнында цистерна жарылып, өрт болды. Салдарынан 1 адам оқиға орнында қайтыс болып, 3 адам облыстық аурухананың жансақтау бөліміне жатқызылса, 1 адам медициналық мекемеге көрініп, қайтарылды»-делінген хабарламада.

ҚР ҚК 156-бабының 3-бөлігімен сотқа дейінгі тергеп – тексеру әрекеттері жүргізілуде. Тиісті сараптамалар тағайындалып, мән – жайлар анықталуда.

Кен орны кімге тиесілі. «Қазгермұнай» БК» ЖШС – Қазақстанның мұнай шығару секторындағы ірі компаниялардың бірі болып табылады. Компания өзінің көмірсутек шикізатын барлау, өндіру және өткізу қызметтерін және Қызылорда облысының Оңтүстік Торғай ойпатындағы Ақшабұлақ, Нұралы Ақсай...

Шығыс Қазақстан облысы әкімдігі теннисшілерді республикалық жарыстарға дайындауға 39 999 999 теңгеге тендер жариялап, оны «Мега Строй Астана» ЖШС құрылыс компаниясы ұтып алған. Әкімдік пен компания өткізілмеген мемлекеттік сатып алу бойынша бір көзден сатып алу арқылы келісім жасаған.

Конкурс «Үстел теннисі бойынша облыстың құрама команда мүшелерін дайындау, ұстау және республикалық спорт жарыстарына Шығыс Қазақстан облысы атынан қатыстыру қызметтері», деп аталады. Конкурстың сипаттамасына сәйкес бұл тендерді ұтып алған мекеме – 2014 жылғы 3 шілдедегі № 228-V ҚР «Дене шынықтыру және спорт» Заңының нормаларына сәйкес дене шынықтыру – спорт ұйымы, атап айтқанда негізгі қызметі дене шынықтыру-спорт аясындағы тұлға, сондай-ақ дене...

Дүниежүзілік туризм және саяхат кеңесінің болжамы бойынша, әлемдік туристік саланың көлемі 2033 жылға қарай 2019 жылмен салыстырғанда 50% – ға, яғни 15,5 трлн доллларға дейін өседі. Ал бұл жаһандық экономиканың шамамен 11,6% -ын құрайды. Бұл туралы Іnterfax.ru сайты хабарлады.

2022 жылы Саяхат пен туризмнен ең көп табыс табатын бес ел (олардың ЖІӨ – ге қатысты)- АҚШ, Қытай, Германия, Жапония және Ұлыбритания. Ал үздік ондыққа -Франция, Мексика, Италия, Үндістан және Испания кіреді.

«Әлемдік туристік салада 2023 жылдың соңына дейін 430 миллион адам жұмысқа орналасады деп күтілуде. Ал 2019 жылы 334 миллион адам жұмысқа тұрды»- дейді Дүниежүзілік...

ҚХР Оңтүстік Қытай теңізіндегі әрекеттерін айыптаған АҚШ, Жапония және Оңтүстік Корея басшыларының мәлімдемелеріне наразылығын білдірді, деп хабарлады дүйсенбіде Қытай СІМ өкілі Ван Вэньбин.

«Қытай АҚШ, Жапония және Оңтүстік Корея басшылары Тайвань мәселесі мен Оңтүстік Қытай теңізі мәселесі бойынша жала жапқаннан кейін қатты наразылық білдірді»-деді дүйсенбіде Ван Вэнбин баспасөз брифингінде.

Ол Қытай өзінің егемендігі мен қауіпсіздік мүдделерін қорғауды, сондай-ақ аймақтағы бейбітшілік пен тұрақтылықты қорғау үшін АСЕАН мүшелерімен жұмыс істеуді жалғастыратынын атап өтті.

Өткен аптада Кэмп-Дэвидте өткен саммиттің қорытындысы бойынша үш елдің көшбасшылары Джо Байден, Фумио Кисида және Юн Сок Ёль «Қытайдың оңтүстік Қытай теңізіндегі қауіпт...

LRT желісінің құрылыс жұмыстары Астанадағы Сығанақ көшесінің бойында жүргізіліп жатыр. Осыған байланысты осы көшенің бойында қозғалыс ішінара үш айға шектеледі. Бұл туралы елорда әкімдігі хабарлады.

Ақпаратқа сәйкес, осы көшенің бойындағы Сауран көшесі мен Ақмешіт көшесінің қиылыстарында монолитті темірбетон балкаларын орнату жұмысы жүргізіліп жатыр.

«Осыған байланысты, 25 тамыздан бастап Сығанақ көшесінің бойымен, нақтырақ айтқанда Қабанбай батыр даңғылынан Түркістан көшесіне дейінгі (оңтүстік жағы) қозғалыс толығымен тоқтатылады және Сығанақ көшесінің бойымен Түркістан көшесінен Қабанбай батыр даңғылына дейінгі аралықта (солтүстік жағы) қозғалысқа ішінара шектеу (екі жолақ) енгізіледі. Шектеу мерзімі 30 қарашаға дейін созылады», делінген хабарламада.

Түркия президенті Режеп Тайып Ердоған түрік парламенті Швецияның НАТО-ға мүшелікке өтінішін қанша уақыт қарайтыны әлі белгісіз екенін айтты. Бұл туралы РИА Новости хабарлады.

«Швецияның НАТО-ға кіруі туралы хаттамалардың Түркияның Ұлы Ұлттық жиналысына (Парламентке) жіберілуі және бұл процестің Парламентте тез жүруі Швецияның уәделеріне адал болуына тікелей пропорционалды. Біздің парламент бұл мәселе бойынша шешім қабылдайды. Бұл мәселе біздің Парламентте және комиссияларда қанша уақытқа созылатынын білмейміз. Ең алдымен Швеция Стокгольм көшелерін қорғауы керек. Егер олар Стокгольм көшелерін қорғамаса, егер бұл қасиетті құндылықтарға жасалған шабуылдар жалғаса берсе, ренжімеңіз», – деді Ердоған Венгриядан оралғаннан кейін журналистерге.

Фото: kursiv.media

Ұлттық банк дүйсенбі күні квазимемлекеттік компанияларға валюталық түсімінің 30 пайызын сатуын міндеттеу уақытша тоқталатынын хабарлады. Яғни нарықта доллар азаяды деген сөз. Соған қарамастан, ұлттық валюта бір күнде біршама нығайды. Өткен аптада бағамы 461 теңгеден саудаланған АҚШ доллары қазір Қазақстан қор биржасында 452,4 теңгеден сатылып жатыр.

Бірінші несие бюросы сарапшыларының жазуынша, бұл – теңгенің кейінгі 13 айдағы рекорды.

Бүгін доллардың ресми бағамы 9,37 теңге төмендеп, 452,34 теңгені құрады. Ал еуро бағамы 8,64 теңге арзандап, 493,05 теңгені құрады. Ал рубльдің құны 15 тиын кеміп, 4,8 теңге болды.

Еуропа мен АҚШ валюталарының бағасы 2022 жылды...

Украина Үкіметі Қара теңіз арқылы астық тасымалдайтын кемелерді сақтандыру үшін 547 миллион доллар көлемінде арнайы қор құрды. Бұл туралы дүйсенбіде Жоғарғы Рада аграрлық және жер саясаты комитетінің мүшесі Сергей Лабазюк «Рада» телеарнасының Telegram-каналында хабарлады.

Бұған дейін Украинаның экономика министрінің бұрынғы орынбасары Александр Грибан Financial Times газетіне Украина экспорттың қауіпсіз дәлізін құру үшін Қара теңіз арқылы астық тасымалдайтын кемелерді сақтандыру бойынша әлемдік сақтандыру компанияларымен мәмілені аяқтап жатқанын айтты. Астық мәмілесі тоқтатылғаннан кейін алғашқы сауда кемесі Одесса портынан шығып, Босфор бұғазына кірді, деп хабарлады бұған дейін Түрік баспасөз қызметтері.

Депутаттың айтуынша, бұл шешім шетелдік кеме иелері өз кемелерін Украина порттарына жіберу...