Алматыда есірткі лабораториясы жойылды
Жарияланды
Мұнда синтетикалық есірткі заттары жасалған
24-қазанда ҰҚК Алматыда астыртын зертхананың көзін жойды, деп хабарлайды комитеттің баспасөз қызметі.
Бір күдікті азамат құрықталып, зертхана бөлмесінен 2 кг синтетикалық есірткі заттары (эквивалент түрінде, бір жолғы екі мың дозадан астам) және 526 литр прекурсорлар тәркіленіп, сот-химия сараптамасына жіберілді.
Сонымен қатар, құрықталған А. деген азаматтың тұрғылықты жерінен визит карточкалары және есірткі заттарын сату жөніндегі аса ірі «Алтын Орда» интернет-дүкенінің логотипі бейнеленген оттықтар табылды.
Аталмыш факті бойынша ҚР ҰҚК Қылмыстық кодекс 297-бабының 3-тармағы бойынша қылмыстық іс қозғады. Күдікті тергеу изоляторына қамалып, қазір таңда тергеу амалдары жалғасын табуда.
