Жаңалықтар

Биылғы қыс жылы болады деп болжанып отыр. Еліміздің көп бөлігінде ауа температурасы климаттық нормадан жоғары болмақ.

Алайда синоптиктердің айтуынша, суық ауа толқындары, мол жауын-шашын және көкмұз қауіптері болуы да мүмкін.

«Қазгидромет» мәліметтері бойынша, желтоқсан айы жылы және орташа жауын-шашынды. Десе де, кей күндері қарлы боран, желді күндер, көктайғақ және тұман байқалуы мүмкін. Ауа температурасының ауытқуларын жиі болады. Жылы кезеңдер суық толқындарға ауысып отырмақ.

Желтоқсан айында

Желтоқсанның басында батыс және оңтүстік өңірлерде күндізгі температура 5–10°С шамасында. Салыстырмалы түрде жылы. Ал бірінші онкүндіктің соңында түнгі температура әртүрлі өңірлерде –12°С-тен –28°С-қа дейін, күндізгі температура –3°С-тен –18°С-қа дейін төмендеуі мүмкін.

Республиканың солтүстік, шығыс...

Жаңа жылдан бастап елдегі банктер жеке тұлғаның шотына түскен ақша туралы мәліметті салықшыларға жеткізіп отырады. Қаржы министрі Мәди Такиев осындай бұйрыққа қол қойды.

Жаңа тәртіп туралы

2026 жылғы 1 қаңтардан бастап қолданысқа енетін жаңа тәртіпке сәйкес, екінші деңгейлі банктер жеке және заңды тұлғалардың шотына түскен ақша туралы мәліметті мемлекеттік кірістер органына жолдап отыруға міндетті. Бұған қоса, банктер жеке тұлға алған кредит туралы ақпаратты да салықшыларға тапсырады.

2025 жылғы 12 қарашада қабылданған бұйрықта банктер ел азаматтарының табысы мен мүлкі туралы деректерді де береді.

Сонымен бірге банктер әр азаматтың кәсіптен түскен ақшасы жөнінде мәлімет жолдап отыруы тиіс. Кәсіптен түскен...

Freedom Bank Қазақстан Республикасы Ұлттық Банкінің Антифрод орталығы тағайындаған «Жылдың Қайтарымы» номинациясында жеңіске жетті. Банк алаяқтық белгілері бар транзакциялар бойынша клиенттердің қаражатын қайтаруда үздік нәтиже көрсетті. Қаржы институты күмәнді операцияларды анықтау барысында жоғары кәсіби шеберлік пен жеделдік танытты.

Сыйлықты ҚР Ұлттық банкі төрағасының орынбасары Берік Шолпанқұлов Central Asia Fintech Summit 2025 аясында салтанатты марапаттау рәсімінде табыс етті. Рейтингті жасау кезінде алаяқтық операцияларға қарсы банк бөлімшелерінің жұмыс көрсеткіштері ескерілді. Freedom Bank басқа қаржы институттары арасында ең жоғары нәтиже көрсетті.

Айдос Жұмағұлов, Freedom Bank Директорлар кеңесінің мүшесі:

– Антифрод орталығының іске қосылуы өз тиімділігін көрсетті. Соның арқасында банктер ақпаратпен жылдам алмасып, күдікт...

Toyota автоконцерні Land Cruiser тарихындағы ең ерекше нұсқасын дайындап жатыр. Жапон инсайдерлерінің мәліметінше, компания Land Cruiser Pickup деп аталатын жаңа пикап үлгісін қолға алған. Модель Toyota-ның осыған дейінгі жол талғамайтын көліктеріне мүлде ұқсамайтын болады.

BestCarWeb порталының хабарлауынша, жаңа пикап туралы ақпарат Land Cruiser FJ таныстырылымынан кейін белгілі болды. Дәл осы жаңа пикап Land Cruiser топтамасында төртінші негізгі үлгі болмақ.

Қазіргі таңда Land Cruiser модель қатарына рамалық құрылымға негізделген үш үлгі – Land Cruiser 300, Land Cruiser 70 және Land Cruiser 250 кіреді. Алайда алдағы жаңа модель мүлде басқа дизайнда болады.

Жаңа Land Cruiser Pickup тұтас шанақпен шығарылады. Бұл...

Ер адам танысының үйінен 740 теңге алуға оқталды деген айыппен екі жарым жылға сотталған. Оған бас бостандығын шектеу жазасы тағайындалған. Сондай-ақ 100 сағат мәжбүрлі еңбекке тартылған.

Бұл істі қараған кассациялық сот үкімнің заңсыз екенін анықтады.

«Іс материалдарына сәйкес, ер адам ақша ұрлау мақсатында тұрғын үйге заңсыз кірген, алайда сол жерде ұсталған. Бірінші сатыдағы сот оның ірі мөлшерде ақша не белгілі бір мүлікті ұрлау ниеті болғанын дәлелдейтін жеткілікті уәж келтірмеген», – делінген ақпаратта.

Сотталған ер адам танысынан 500 теңге қарыз алуға келгенін, есік жабық болғандықтан итеріп ашқанын айтқан. Әрі қарай ас-үйге кіріп, танысы бұрын...

Атырау – Алматы бағыты бойынша енді пойыз күн сайын қатынайтын болды. Бұл туралы «Жолаушылар тасымалы» АҚ баспасөз қызметі хабарлады.

«2025 жылғы 14 желтоқсаннан бастап №41/42 «Атырау – Алматы» жолаушылар пойызының қозғалыс кестесі күнделікті режимге ауыстырылады. Бұл шешім батыс және оңтүстік өңірлер арасындағы көлік қатынасын күшейтуге, сондай-ақ, қысқы маусымда жолаушыларға қолайлы жағдай жасауға бағытталған», – делінген хабарламада.

Пойыз құрамы жаңартылған купе және плацкарттан тұрады. 700 жолаушы тасымалданады.

Мұның алдында қазақстандықтар пойыз билеттерін 40%-ға дейін жеңілдікпен сатып ала алатыны белгілі болды.

Ұлттық қауіпсіздік комитеті есірткі саудасымен айналысқан халықаралық және аймақтық арналардың жұмысына тоқтатқанын хабарлады. Қылмыстық құрам ішінде Қазақстан азаматтары да бар.

«2025 жылдың қазанынан ҰҚК есірткі саудасының жолын кесуге қатысты 10 операция жүргізді, нәтижесінде есірткіні жеткізудің 3 халықаралық және 3 аймақтық арнасы, сондай-ақ жасырын зертханасы мен есірткі плантациясы жойылды,» – делінген хабарламада.

Заңсыз айналымнан жалпы 622 кг есірткі, соның ішінде психотроптық заттар, гашиш және марихуана тәркіленген. Сот санкциясымен күдікке ілінген 12 Қазақстан азаматы мен 3 шетелдік қамауға алынды. Қазір сотқа дейінгі тергеп-тексерулер жүргізілуде.

Еске салып өтейік қазіргі уақытта прокурорлар 9 млрд теңгеден...

2025 жылғы DataReportal деректеріне сәйкес, Қазақстанда Threads желісін қолданушылар саны көрші елдермен салыстырғанда айтарлықтай жоғары. Kursiv LifeStyle осы әлеуметтік желінің «нағыз қазақша кеңістікке» айналуына не себеп болғанын және оның аудиториясы қандай екенін зерттеп көрді.

1,85 млн қазақстандық Threads желісін қолданады

Meta компаниясының жарнамалық құралдары көрсеткендей, 2025 жылдың соңында Қазақстандағы Threads аудиториясы 1,85 миллион адамға жеткен. Бұл ТМД елдері ішіндегі ең жоғары көрсеткіш. (Ресей деректері көрсетілмеген)

Салыстыру үшін:

Әйелдер белсендірек

Демографиялық статистика Қазақстанда Threads қолданушыларының 59% әйелдер екенін көрсетеді. Ұқсас жағдай...

FlyArystan 17 қарашадан бастап Ақтау – Дубай – Ақтау бағытында ұшатын әуе билеттерін 100 долларға дейін арзандатты. Бұл туралы Kursiv.Media әуе компаниясының мәліметіне сүйене отырып хабарлады.

Қазақстандық лоукостер күз-қыс маусымындағы сапарлар үшін Ақтаудан Дубайға ұшатын рейске жеңілдік жариялайды.

«Арнайы бағалар 2025 жылдың 17 қарашасы сағат 11:00-ден 18 қараша сағат 23:59-ға дейін қолданылады. Осы кезеңде жолаушылар 2025 жылғы 29 қарашадан 2026 жылғы 28 наурызға дейінгі сапарларға тиімді бағамен билет сатып ала алады», – деп таратты әуе компаниясы.

Стандарт тариф (жолжүксіз) құны Ақтаудан Дубайға 53 мың теңгеден, ал Дубайдан Ақтауға 59 мың теңгеден...

Заңгер Мейірман Шекеев композитор Арман Дүйсеновтің отбасының ісін қолға алды. Бұл туралы ол әлеуметтік желідегі парақшасында жазды.

«Әуелі жолдасы Арманның, одан кейін баласы Абылайдың қазасы… Енді сот қалған отбасы мүшелерін үйден шығару туралы шешімде шығарған. Маған ұсынылған құжаттарды зерделеп, бұл істің көлеңке жақтары өте көп екенін аңғардым», – деп жазды Шекеев.

Айтуынша, бұл істі Бостандық ауданының азаматтық істер жөніндегі соты емес, кәмелетке толмағандар жөніндегі сот қарауға тиіс. Себебі отбасының 13 жастағы ұлы бар.

«Арманның аруағының разылығы үшін, бірлікте болып, Әділдікке бірге жетейік. Істі өз өндірісіме алдым», – деп жазды...

Қазақстандық актриса Аружан Жазылбекова мен жұбайы, «Замандас» подкастының жүргізушісі Ержан Алдабергенов ата-ана атанды. Жұбайлар бұл қуанышты хабарды әлеуметтік желідегі әсерлі видеоролик арқылы бөлісті.

Жазылбекованың айтуынша, сәби әкесінің сүйікті күніне дәл келген.

Біз ұзақ уақыт бойы сені күттік. Ал сен, әкеңнің қызы сияқты, оның сүйікті күні – 11.11.25-ті таңдадың. Енді бұл күні біздің Сарочка дүниеге келді. Біз – әлемдегі ең бақытты ата-анамыз, – деп жазды актриса.

Желі қолданушылары мен әріптестері жас отбасыны құттықтап, ізгі тілектерін жаудырып жатыр:

«Бауы берік болсын! Анасы мен бөбегіне мықты денсаулық тілейміз!»,
«Отбасыңыздағы үлкен қуаныш құтты болсын...

Тоқаев жасанды интеллект, цифрландыру және жеке деректерді қорғау саласын реттейтін заңға қол қойды. Құжаттағы түзетулердің бір бөлігі барлық заңдарды «Жасанды интеллект туралы» жаңа заңмен сәйкестендіруге қатысты. Ал екінші бөлігінде цифрлық саладағы өзге де процестерді жетілдіру туралы нормалар жазылған деп хабарлайды Ақордадан.

Заңда қандай өзгерістер бар?

Жаңа заңның басты жаңалықтарының бірі – қамтамасыз етілмеген цифрлық активтердің Қазақстан аумағында айналымына рұқсат берілуі. Бұған дейін мұндай активтер тек АХҚО аумағында ғана заңды түрде айналысатын. Мұндағы қамтамасыз етілмеген цифрлық активтер нарық сұранысына қарай құны өзгеріп отыратын криптовалюта тәрізді экожүйелерді айтуға болады.

Сонымен қатар жеке деректерді қорғау талаптары күшейді:

Zeekr, Coolray, Atlas, Okavango секілді автокөлік шығаратын Geely қытай компаниясы сауда жөнінен BYD, Xiaomi секілді бәсекелестерін басып озды. 17 қарашада автокомпания үшінші тоқсанның нәтижесін жариялады, деп хабарлады Bloomberg.

Қытай компаниясының табысы артты

Geely-дің үш айдағы табысы былтырмен салыстырғанда 59%-ға артып, 535 млн доллар болды. Компания көлік сату көрсеткішін 43%-ға көбейтті. Ол BYD мен Xiaomi секілді гиганттармен бәсекелесу үшін көлік сату желілерін кеңейтіп жатыр.

Кейінгі екі тоқсанда BYD табысы азайып кетті. Себебі Geely-дің 2025 жылғы тоғыз айда Қытайдағы саудасы 50%-ға артқан. Ал BYD-дің ішкі саудадағы өсімі бар болғаны 5% болған.

Қазақстан және Geely

Geely көліктері ТМД елдерінде, әсіресе...

Үкімет басшысы Олжас Бектенов Астанадағы Ұлттық ғылыми онкология орталығын және Nazarbayev University Биомедициналық зерттеу орталығын аралап, Президенттің медицинада заманауи технологияларды енгізу жөніндегі тапсырмаларының орындалу барысын тексерді.

ҰҒОО – Қазақстандағы радиациялық онкология бойынша көшбасшы орталық. Мұнда жыл сайын 12 мыңға жуық диагностикалық зерттеу мен жедел ота жасау, 4 мың сәулелік және протондық терапия курсы, сондай-ақ 330-ға дейін ағзалар мен сүйек кемігін трансплантациялау сынды ем-шаралар жүзеге асырылады.

Соңғы үш жылда онкологиялық көмекті қаржыландыру көлемі 6 есе артқан. Бюджеттен жыл сайын 170 млрд теңгеден астам қаражат бөлінеді.

«Пациенттерге барлық онкологиялық көмек тегін медициналық кепілдендірілген көмек көлемі (ТМККК...

Әлемге әйгілі лабубу ойыншықтары туралы фильм түсіріледі. Sony Pictures қытайлық қуыршақтар жайлы картина шығару құқығын сатып алды. Егер дебют сәтті өтсе, франшизаның жалғасы да болады деп жазады The Hollywood Reporter.

Әзірге тек идея ғана. Әлі режиссер мен продюссер бекітілген жоқ, қандай жанрда болатыны да белгісіз. Sony Pictures ресми пікір білдірген жоқ.

Бұл ойыншықтарды 2010 жылы Гонгонктағы Касинг Лунг есімді суретші иллюстратор ойлап тапқан.  Сүйкімді құбыжықтар биыл ерекше танымал болып, адамдар оны сатып алу үшін кезекке тұрды.

Бейжіңдегі аукционда осы ойыншықтың адам бойындай мүсіні 150 мың долларға сатылды.

Лабубу әлемдегі ең танымал...

Танымал блогер Елдос «Колобок» жақында дүниеге келген ұлына ерекше әрі мәнді есім бергенін жариялады.

Елдостың айтуынша, сәби 2025 жылдың 12 қарашасы күні, таңғы 08:29-да жарық дүние есігін ашқан. Жаңа туған нәрестеге Әлем деген есім берілді.

Ата-анасы есімнің мағынасын да түсіндірді. «Әлем» – шексіздік пен кеңдіктің, еркіндік пен мүмкіндіктің символы.

Балам, әлемге қош келдің! Әлемді аралап, оны бағындырып, жақсы істеріңмен елге танылуыңды тілейміз. Саған бізді танитын бүкіл әлем тілеулес болды. Сол себепті есіміңді Әлем Елдосұлы деп қойдық, – деп жазды блогер.

Айта кетейік, Елдос пен жұбайы Таңшолпан бұл қуанышты 10 жылдан астам уақыт бойы...

21 қарашада Алматыда тұтынушылық кредиттің Қазақстан экономикасына әсеріне арналған Kursiv Research-тың дөңгелек үстелі өтеді. Қарызға бату мәселесі: бөліп төлеудің кеңінен қолданылуы шынымен де шамадан тыс қарыз алуға әкеле ме деген сұрақ пікірталастың басты тақырыбы болмақ. 

Тұтынушылық несие беру нарығы мен «Қазір алып, кейін төле» (BNPL) өнімі Қазақстандағы бөлшек сауда мен e-commerce-тің ажырамас бөлігіне айналып, тұтынушылық сұранысты арттыруға жағдай жасап отыр. Алайда реттеушілер жоғары инфляция мен азаматтардың қарыз жүктемесі өсіп бара жатқан кезде, осы аталған құралдарды инфляцияны арттыратын факторлардың бірі ретінде жиі айтып жүр. 

Сарапшылар қатысқан пікірталас тұтынушылық несие беру мен бөліп төлеу (BNPL) сияқты сервистердің қарқынды өсуі Қазақстанның инфляциялық процесінде...

Смузи, клизма, іш жүргізетін шайлар мен дисбактериозға арналған талдаулар – шынымен біздің асқазан-ішек жолдары тазап тұруды қажет ете ме

Қазақстанда ондаған детокс-орталықтар мен СПА-клиникалар жұмыс істейді. Онда ішекті жуып-шаюды, «шлактар» мен «токсиндерді» шығаруды және жоғалған иммунитетті қалпына келтіруді уәде етеді. Дәріханалар мен интернет-дүкендерде тибет шайы сияқты шөп қоспалары, тазартатын смузилер мен биологиялық белсенді қоспалар көп сұраныста. Ағзаны «жаңартудың» әдістері сан алуан. Паразиттерді анықтайтын тестілерден бастап, оларды «жоятын» түрлі тәсілдерге дейін.

Денеге «тазалық» жасау идеясы кейде тартымды естіледі. Әсіресе ағзада зиянды заттар «жинақталып қалған» дегенге сенсеңіз. Алайда дәрігерлердің ескертуінше, сау адам ағзасында ешқандай шлак жиналмайды. Ал детокс-өнімдер – адамдарды алдап, ақша...

Соңғы жылдары спорттық мансабын аяқтап, басшылық қызметке ден қойған 43 жастағы Геннадий Головкиннің кәсіби рингтен толық қол үзбегені белгілі болды. Аңызға айналған боксшы тағы бір жекпе-жек өткізу ойы барын мәлімдеді.

Бұл жөнінде GGG Азиялық әуесқой бокс федерациясының (Asia Boxing) президентінің міндетін атқарушы Пичаи Чунхаваджиримен кездесуде айтты. Пичаи мырза Головкиннің Youtube-тағы жекпе-жектерін жиі көретінін, оның бокстағы орнын жоғары бағалайтынын және алдағы World Boxing халықаралық федерациясы президентін сайлауда қазақстандық спортшыны қолдайтынын атап өтті.

Өз кезегінде Геннадий Головкин боксқа деген махаббаты әлі де сөнбегенін жеткізді.

Бокс – менің өмірім. Әрқашан аянбай еңбек еттім. Иә, қазір 43 жастамын және әл...

Қазақстаның 9 облысында туризм басқармасы дербес болғанымен, қалған әкімдіктерде бұл сала басқа басқармалармен біріктірілген.

Бұған дейін Мәжіліс депутаттары туризм басқармаларын барлық облыста ашуды талап еткен. Алайда оларға жауап берген Үкімет басшысы Олжас Бектенов кейбір облыста ондай басқарманы ашу мүмкін емес екенін ашық айтқан.

«Қазақстанның 9 өңірінде дербес туризм басқармалары (Абай, Ақмола, Алматы, Қарағанды, Шығыс Қазақстан, Жетісу, Маңғыстау, Түркістан облыстары және Алматы қаласы) жұмыс істейді, 11 өңірде туризм саласындағы функциялар басқа басқармаларға (индустриялық-инновациялық даму, кәсіпкерлік, дене шынықтыру және спорт басқармалары) жүктелген. Қаржылық мүмкіндіктері шектеулі болғандықтан, 11 әкімдікте дербес басқарма құру бүгінгі күні мүмкін емес...

Блогер Mellstroy-ға қатысты тергеуді Қаржылық мониторинг агенттігі жүргізеді. Құзырлы мекеме 17 қарашада қылмыстық іске қатысты мәлімет таратты.

Агенттіктің Астана қаласы бойынша департаменті Беларусь азаматы, «Mellstroy» лақап атымен танымал блогер Андрей Буримге халықаралық іздеу жариялаған. Сот 37 жастағы күдіктіге «қамауда ұстау» түріндегі бұлтартпау шарасын қолданған.

Бұған қоса, блогерді не себепті іздестіріп жатқаны мәлім болды.

«Ол әлеуметтік желілер арқылы Қазақстан пайдаланушыларын да нысанаға алған онлайн-казино «Mellstroy.game» платформасын заңсыз ілгерілету мақсатында ауқымды жарнамалық науқан ұйымдастырды деген күдікке ілінді», – деп таратты агенттік.

Құзырлы мекеме дерегінше, «онлайн-казиноны жарнамалау үшін блогер әртүрлі ұтыс ойындар мен челлендждер ұйымдастырған».

Bloomberg агенттігінің журналисі Марк Гурман Apple компаниясы iPhone желісін ауқымды жаңартуға кіріскенін мәлімдеді. Бұл өзгерістер құрылғыларға да, олардың шығу цикліне де қатысты.

Компания алдағы үш жыл ішінде мүлде жаңа үш модельді ұсынуды жоспарлап отыр. Атап айтқанда, алғашқы бүктелетін iPhone мен 2027 жылы шығатын, экраны иілген және камерасы дисплей астына жасырылған жаңа флагман жайлы сөз болып отыр.

Жаңарту процесі 2025 жылдың күзіне жоспарланған iPhone Air және жаңартылған iPhone 17 Pro модельдерінен басталды.

2026 жылдан бастап Apple компаниясы келесідей жаңалықтар ұсынады:

Қазақстанның халық әртісі Мақпал Жүнісова марқұм композитор Арман Дүйсеновтің жұбайы Айсұлу Дүйсенованың пәтерсіз қалу қаупі өзіне қатты әсер еткенін жеткізді. Бұл туралы әнші әлеуметтік желіде жарияланған видеода баяндады.

«Бай болсам, өзім-ақ алып берер едім…»

Әнші Айсұлудың жағдайына бейжай қарамай, қолдан келгенше көмек іздеп көргенін айтты. Оның сөзінше, қала әкімдігіне байланысып, қандай да бір көмек көрсету жолдарын сұрастырған.

«Мен миллионердің әйелі емеспін, менде артық ақша деген болмайды. Бай болсам, өзім-ақ алып берер едім. Сондықтан мен үй алып беремін деп айта алмаймын. Бірақ әкімнің өзіне емес, әкімдіктегі жігіттерге шықтым. Қалай көмек беруге болады?» деп ақылдастым...

Денсаулық сақтау министрлігі медициналық-санитариялық алғашқы көмектің жаңартылған стандартын бекітті.

Басты өзгерістің бірі – жалпы практика дәрігерінің жұмыс күнінің өзгеруі.

«Жалпы практика дәрігері қазір 8 сағат жұмыс істейді. Оның ішінде 6 сағаты пациент қабылдауға, 2 сағаты құжат рәсімдеу және жоспарлы сапарларға жұмсалады», – делінген ақпаратта.

Науқасты қанша уақыт қабылдайды?

Құжатқа сәйкес, дәрігер науқасты қанша уақыт қабылдайды:

Министрлік бұл...