Жаңалықтар

Сауд Арабиясы Про-лигасының тартысқа толы маусымы өз мәресіне жетті. Экстра-класс жұлдыздарын жинаған «Әл-Наср» футбол клубы соңғы 34-турда «Дамакты» айқын басымдықпен ұтып, ел чемпионы атанды. Португалиялық шабуылшы Криштиану Роналду Сауд Арабиясында төрт жылдан бері доп тепкенімен, алғаш рет чемпион атанып отыр.

Роналду мен Мане бенефисі

Чемпиондық атақ тағдыры шешілетін кездесуде Эр-Рияд клубы алғашқы минуттардан-ақ басымдықты өз қолына алды. 34-минутта бұрыштамадан әуелетілген допты Садио Мане дәл бағыттап, есепті ашты. Екінші таймда қонақтар қорғанысын қыспаққа алуды жалғастырған «Әл-Наср» есепті еселеді. Криштиану Роналдуның мінсіз пасынан кейін Кингсли Коман гол соқты – 2:0.

«Дамак» футболшылары пенальтиді сәтті орындап, есеп айырмасын қысқартқанымен, матчтың соңғы нүктесін...

Алматы қаласында 21 мамыр – Мәдениет және өнер қызметкерлері күніне орай ұйымдастырылған концерт өтті.

Сахна төрінде – қазақ өнерінің майталмандары

Мерекелік кеш барысында көрермен қауым ұлттық өнердің қайталанбас туындыларымен сусындап, сырлы саз бен әсем әнге куә болды. Салтанатты шарада қазақ эстрадасы мен классикалық өнерінің аңыздары және заманауи топтары өнер көрсетті.

Сахна төріне шыққан өнерпаздардың қатарында аңызға айналған «Дос–Мұқасан» тобы мен КСРО халық артисі Роза Рымбаева, Жұбаныш Жексенұлы, Мәдина Сәдуақасова, Зарина Алтынбаева, Ерназар Жұбанов, Жәмила Серкебаева, «IL Canto» квартеті, Абик Жексен, «Арқайым» тобы, «Самұрық» заманауи би театры және «Тұран» этно-фольклорлық ансамблі, А. Әшімов театры, Ерік Төленов, Виктор Хоменков, «Ұлытау» тобы және Абай...

Шымкентте 100 отбасына жаңа пәтер кілттері табыс етілді.

Баспана кімдерге берілді?

Ақжайық шағын ауданында бой көтерген жаңа үйлер тұрғын үй кезегінде тұрған және мемлекеттік жеңілдетілген несие бағдарламаларына қатысқан азаматтарға бұйырды. Пәтер кілттерін қала әкімі Ғабит Сыздықбеков және «Отбасы банк» АҚ басқарма төрайымы Ләззат Ибрагимова арнайы барып табыстады.

Баспаналар «2-10-20» және «5-10-20» бағдарламалары аясында, жеңілдетілген тұрғын үй несиесі арқылы төлем қабілеттілігін растаған азаматтарға ұсынылды. Пәтер бөлу барысында халықтың әлеуметтік осал топтарына ерекше көңіл бөлінген.

Жаңа пәтер иелерінің қатарында, көпбалалы отбасылар, ерекше балаларды тәрбиелеп отырған жанұялар, мүгедектігі бар азаматтар, ата-анасының қамқорлығынсыз қалған балалар, толық емес отбасылар мен бюджеттік ұйымдардың қызметкерлері бар.

Танымал америкалық әнші, The Pussycat Dolls тобының бұрынғы солисі әрі актриса Николь Шерзингер (Nicole Scherzinger) Қазақстандағы өнер көрсетуінен кейін өзінің әсерімен бөлісіп, Threads әлеуметтік желісінде қазақстандық жанкүйерлеріне арнайы алғыс білдірді.

Әлемдік поп-жұлдыз сахнада өнер көрсетіп жатқан сәтінен эксклюзивті сурет жариялап, Қазақстан туын қалдырған.

«Сахнада барынша көп адаммен тіл табысып, бір толқында болудан артық жақсы көретін ештеңем жоқ! Өзім бәрінен де қатты жақсы көретін ісіммен – ән айтумен айналысып, әлемді шарлап жүргеніме шексіз ризамын! Рахмет, Қазақстан (Thank you KZ!)», – деп жазды әнші өзінің ресми парақшасында.

Айта кетейік, Николь Шерзингер 16 мамыр күні Алматының Орталық стадионында...

Президент Қасым-Жомарт Тоқаев Қызылорда облысының әкімі Мұрат Ергешбаевты қабылдады. Кездесуде аймақ басшысы Мемлекет басшысына өңірдің 2025 жылғы және 2026 жылдың бірінші тоқсанындағы әлеуметтік-экономикалық даму қорытындылары мен алдағы жоспарлары туралы есеп берді.

Миллиардтаған инвестиция мен ірі жобалар

Әкімнің мәліметінше, Сыр өңірінде қолайлы инвестициялық климат қалыптасқан. Экономиканы әртараптандыру аясында алдағы үш жылда жалпы құны 1 триллион 900 млн теңгені құрайтын 48 инвестициялық жобаны жүзеге асыру жоспарланып отыр.

Ал осы жылдың еншісінде құны 1 трлн теңге болатын 14 ірі жобаның құрылысы басталады.

Қызылордадағы жаңа әлеуметтік нысандар

Ұлттық құрылтай отырысында Президент берген тапсырмаларға сәйкес, Қызылорда қаласында ауқымды әлеуметтік инфрақұрылым нысандары бой көтеріп...

Алматы қаласында қайғылы жағдайдың алдын алған өрт сөндірушілер бес жасар баланы көпқабатты үйдің алтыншы қабатынан құлаудан аман алып қалды. Бұл туралы Төтенше жағдайлар министрлігінің баспасөз қызметі хабарлады.

Тұрғындар дабыл қақты

Оқиға Алатау ауданына қарасты «Мәдениет» шағын ауданында орын алған. Көпқабатты үйлердің бірінде кішкентай бала ашық тұрған терезенің алдына шығып кеткен. Оның өміріне қауіп төніп тұрғанын көргендер бірден «112» құтқару қызметіне қоңырау шалып, дабыл қаққан.

«Шақырту орнына ТЖМ құтқарушылары жедел жетті. Автосатының көмегімен алтыншы қабаттың терезесіне дейін көтеріліп, 5 жас шамасындағы баланы төмен түсірді. Осылайша, бүлдіршіннің биіктіктен құлауына жол берілмеді», – деп мәлімдеді ведомство өкілдері.

21 мамыр – Мәдениет және өнер қызметкерлері күні қарсаңында Ақордада өткен салтанатты жиында күтпеген жағдай орын алды. Ғабит Мүсірепов атындағы Қазақ мемлекеттік академиялық балалар мен жасөспірімдер театрының белгілі актрисасы Анар Әділова күтпеген жерден жаңа пәтердің кілтіне ие болды. Бұл туралы «Qazaqstan» ұлттық телеарнасы хабарлады.

«Алматыдан медаль үшін келіп едім…»

Салтанатты сәтте толқынысын жасыра алмай, көзіне жас алған өнер иесі өз әсерін жеткізді:

«Марапат аламын деп келіп едім, күтпеген жерден үйлі болдым! Өзім Алматыдан тек медаль аламын деген оймен келгенмін. Бірақ Астанада мені мүлдем басқа, үлкен сыйлық күтіп тұр екен».

Актрисаның қуанышы желі қолданушыларының да...

Бүгін, 21 мамыр – Мәдениет және өнер қызметкерлері күніне орай, Алматы қаласында шығармашылық сала өкілдерін салтанатты түрде марапаттау рәсімі өтті. Кәсіби мереке аясында ел мәдениетінің дамуына өлшеусіз үлес қосып жүрген майталмандарға мемлекеттік жоғары марапаттар, ҚР Мәдениет және ақпарат министрінің Құрмет грамоталары мен қала әкімінің Алғыс хаттары табыс етілді.

Салтанатты жиынды ашқан Алматы қаласы әкімінің орынбасары Абзал Нүкенов мәдениет пен өнердің қоғамның рухани діңгегі екенін атап өтіп, зиялы қауым өкілдерін құттықтады.

«Сіздер сахнада да, сахна сыртында да қалам мен қылқалам, музыка мен би, театр мен кино арқылы қоғамның рухани жаңғыруына, ұлттық құндылықтарды дәріптеуге өлшеусіз еңбек сіңіріп келесіздер...

Премьер-министрдің орынбасары Қанат Бозымбаев үкіметте өткен баспасөз мәслихатында аэротакси сапары қанша тұруы мүмкін екенін айтты.

Қазақстанда аэротаксиді дамыту мәселесі әлі де талқыланып жатыр. Вице-премьер Қанат Бозымбаев мұндай технологиялар тез арада күнделікті өміріміздің бір бөлшегіне айналуы мүмкін екенін айтты.

«Технологиялар өте жылдам дамып келеді, әуе арқылы жеткізу тез әрі арзан болмақ. Сондықтан, пилотсыз ұшу аппараттары (дрондар) біздің өмірімізге іштен жану қозғалтқышы бар автомобильдер сияқты, бәлкім, одан да тереңірек енетін шығар», – деді Бозымбаев.

Оның айтуынша, салада жеке кәсіпкерлер жұмыс істей алады. Ол үшін белгіленген талаптарға сай болу және Алатау қаласында қызмет етуге лицензия алу қажет...

Президент Қасым-Жомарт Тоқаев Түркістан қаласында өткен Түркі мемлекеттері ұйымының бейресми саммитін жоғары деңгейде өткізуге қосқан елеулі үлесі үшін бір топ азаматты мемлекеттік наградамен марапаттау туралы Жарлыққа қол қойды.

Марапаттың басты ерекшелігі – халықаралық деңгейдегі маңызды жиынның мінсіз өтуіне тікелей атсалысқан қарапайым еңбек адамдарының, коммуналдық сала мамандары мен белсенді жастардың еңбегі жоғары бағаланды.

Президент Жарлығымен бірнеше азамат ІІІ дәрежелі «Еңбек Даңқы» орденінің иегері атанды. Олардың қатарында Бәйдібек ауданының бағбаны Мұхтар Әбішов, Ордабасы ауданының жұмысшысы Әмина Күзембаева, Төлеби ауданындағы тазалық мекемесінің жұмысшысы Райхан Матибаева, С.Ерубаев атындағы мұражайдың экскурсия жүргізушісі Ердос Қонысов және Түркістан қаласының инженер-гидротехнигі Парымбек Орынбасар бар. Өңірдің көркейіп, қонақтарды...

Әлеуметтік желіде ММА файтері Қуат Хамитовтің көлік жүргізген кезде қауіпсіздік белдігін тақпаған видеосы жарияланды. Мұны байқаған полиция қызметкерлері аралас жекпе-жек шебері мен видеоны көліктен басын шығарып түсірген қызды жауапкершілікке тартты.

Оқиғаның жән-жайы

Қуат Хамитов Атырауға Batyr Fighting Championship лигасының дебюттік турнирі аясында барған. 23 мамырда «Жайық» спорт кешенінде жаңа лиганың алғашқы турнирі өтуі тиіс. Кештің басты жекпе-жегінде «Найман» лақап атымен танымал Қуат Хамитов ирандық поп-ММА файтері Али Хейбатимен кездеседі.

Турнир қарсаңында ұйымдастырушылар Instagram желісінде спортшыны Атыраудан қалай қарсы алғаны туралы видео жариялады. Бейнежазбадан Әбілқайыр хан даңғылымен келе жатқан көліктің терезесінен Махамбет Өтемісов атындағы облыстық академиялық драма театрының актрисасы...

Қазақстанның Халық әртісі Мақпал Жүнісова президент Қасым-Жомарт Тоқаевқа өзінің авторлық үнтаспасын тарту етті.

Салтанатты рәсім аяқталған бойда әнші Президенттің қасына барып, өзінің жүрекжарды лебізімен бірге, ішіне әндері жазылған үнтаспаны арнайы табыстады.

Айта кетейік, бұл кездесуде президент Қасым-Жомарт Тоқаев өнер иесін ІІ дәрежелі «Барыс» орденімен марапаттаған еді.

Мақпал Жүнісованың айтуынша, бұл оның Ақордаға алғаш рет келуі. Сонымен қатар, бұл – әншінің ширек ғасырлық (25 жыл) үзілістен кейін мемлекет тарапынан...

Президент Жарлығымен мәдениет саласындағы аса үздік жетістіктері мен Қазақстан Республикасына сіңірген айрықша еңбегі үшін бітқатар азаматтар наградталды. Олардың толық тізімі төменде ұсынылып отыр.

«Отан» ордені

Бурмистрова Татьяна Николаевна – «Ұлттық өнер» ЖШС директоры, Алматы қаласы;

ІІ дәрежелі «Барыс» ордені

Жүнісова Мақпал Мұхамедьярқызы – «Роза Бағланова атындағы «Қазақконцерт» мемлекеттік академиялық концерттік ұйымы» РМҚК солисі, Астана қаласы;

ІІІ дәрежелі «Барыс» ордені 

Ганцева Марина Юрьевна – Михаил Лермонтов атындағы Ұлттық орыс драма театры» РМҚК актрисасы, Алматы қаласы;

«Қазақстанның халық әртісі» құрметті атағы

Қожа Бахтияр Абдуллаұлы – «Мұхтар Әуезов атындағы Қазақ ұлттық драма театры» РМҚК әртісі, Алматы қаласы

Макарова Нина Матвеевна – «А.П.Чехов атындағы Павлодар облыстық драма театры» КМҚК актрисасы

Сейітметов Азат Райымбекұлы – «Мұхтар Әуезов атындағы...

Әлеуметтік желіде Астананың қоғамдық тамақтану орындарына ит еті көп мөлшерде жеткізіліп, сатылып жатқаны туралы ақпарат тарады.

Тимур Балымбетовтың подкастында жануарлардың құқыған қорғаушылар оқиғаны растап отыр. Олардың айтуынша, осыдан екі жыл бұрын өткен сот процесінде Астанадағы бірқатар танымал мейрамхана мен ірі франшизалар заңсыз ет өнімдерін сатып алғаны анықталған.

«Әңгіме ит етінің айналымы туралы емес, тауарлық көлемі, яғни ит етін өндірістік деңгейде дайындау туралы болып отыр. Бұл дәстүрлі корей асханалары емес, қарапайым қоғамдық тамақтану орындары, соның ішінде Астанадағы мекемелерде болды. Бұл сотта дәлелденген», – дейді зооқорғаушы.

«750 келі таза ит еті тәркіленді«

Сұхбат барысында...

Алматы облысында қожайыны есектерін зебра тәріздес ақ-қара етіп бояп тастаған. Ол үшін шашқа жағатын бояуды пайдаланған көрінеді.

Түрген шатқалына барар бағытта жол бойында жайылып жүрген зебра есектерді полиция қызметкерлері көрген. Жануарлардың иесі демалыс аймағына туристерді шақыру мақсатында солай бояп қойдым деп түсіндіреді.

«Алдын ала мәліметтер бойынша, жануарлардың өмірі мен денсаулығына қауіп төніп тұрған жоқ. Қазір полиция қызметкерлері болған оқиғаға құқықтық баға беру және жануарларға қарау нормаларының сақталуын тексеру мақсатында тиісті іс-шараларды жүргізуде», – деп хабарлады облыстық полиция департаменті.

Осыған дейін Шымкент әуежайында ұшақ итті қағып кеткенін жазған едік. Алматыдан ұшып келген FlyArystan әуекомпаниясыны...

БҚО-да полиция қызметкерлері камералар арқылы мемлекеттік нөмірлерін әдейі жасырған үш жүк көлігін тіркеді.

Өйткені, олар мұны жол ережелерін бұзған кезде көзге түспес үшін жасаған.

Polisia.kz ақпаратына қарағанда, полиция қызметкерлері жүргізушілердің кім екенін анықтаған. Ұсталғандарға әкімшілік материалдар толтырылды.

Жалған мемлекеттік нөмірлерді тағу, нөмірдегі белгілерді анықтауға қиындық тудыратын құрылдарды пайдалану үшін бес тәулікке қамау, бір жылға көлік жүргізу құқығынан айыру жазасы қарастырылған. 

Полиция жүргізушілерді заңды қатаң сақтауға, қауіпсіздікке қатер төндіретін ереже бұзушылық жасамауға шақырып отыр.

Айта кететін жайт, көлікке жалған нөмір таққандарға қылмыстық жауапкершілік енгізілуі мүмкін.

Қасым-Жомарт Тоқаев Павлодар облысы әкімі Асайын Байхановты қабылдап, оған Екібастұз қаласында жаңа әуежай ашу мүмкіндігін жан-жақты пысықтауды тапсырды.

Кездесу барысында Президентке өңірдің 2025 жылғы және 2026 жылдың бірінші тоқсанындағы әлеуметтік-экономикалық дамуы туралы есеп берілді.

Павлодар облысы инвестиция тартуда көшбасшылар қатарына кірді

Асайын Байхановтың айтуынша, өткен жылдың қорытындысы бойынша облыста барлық негізгі экономикалық көрсеткіштерде оң динамика байқалған.

Өңірге шамамен 1,3 трлн теңге инвестиция тартылып, өсім көлемі 47 пайызды құраған. Осы көрсеткіш бойынша Павлодар облысы республикадағы көшбасшы өңірлердің қатарына кіріп отыр.

Сонымен қатар былтыр өңірдегі өнеркәсіп өндірісінің көлемі 4,1 трлн теңгеге жеткен. Қазақстанда өндірілетін көмір мен ферроқорытпаның 58%-ы, ал...

Иран құрамасындағы футболшылар Әлем чемпионатына қатысу үшін АҚШ пен Канадаға визу туралауға барды. Олар Құрама Штаттардың Анкарадағы елшілігіне өтініш өткізді. Бұл туралы Anadolu Agency хабарлады.

Түрік баспасөзінің мәліметінше, Антальяда оқу-жаттығу жиынын өткізіп жүрген Иран құрамасы бейсенбі күні алаңға шықпады. Өйткені футболшылар бүгін америкалық виза алуға барды.

Құрама сапындағы футболшылардың елшілікке барғанын БАҚ өкілдері де білді. Тілшілер америкалық елшіліктен көтеріңкі көңіл-күймен шыққан атлеттерден виза алған-алмағанын сұрады.

Иран құрамасы жаттығу жиын өткізу үшін Анталья түрік қаласына 19 мамырда барған. Осының алдында осы елдің футбол федерациясы Анкарада виза туралайтынын мәлімдеген.

Әлем чемпионаты АҚШ, Канада және Мексика елдерінде 11 маусымда басталып...

Тоқаев жаңа ауыс-түйіс жасады. Президент өкімімен Әділ Құсманов Стратегиялық жоспарлау және реформалар агенттігі төрағасының орынбасары лауазымына тағайындалды.

Әділ Құсманов 1994 жылы 25 қаңтарда Шығыс Қазақстан облысында дүниеге келген.«Болашақ» бағдарламасы бойынша Ұлыбританияның Оксфорд университетінде математикалық модельдеу және ғылыми есептеулер мамандығы бойынша магистр дәрежесін, сондай-ақ Назарбаев Университетінде математика мамандығы бойынша бакалавр дәрежесін алған.

Мансабын 2018-2020 жылдары Тұңғыш Президенті Қоры жанындағы Әлемдік экономика және саясат институтында жетекші сарапшы ретінде бастаған. Кейін Ұлттық экономика министрлігінің «Экономикалық зерттеулер институты» АҚ Басқарма төрағасының орынбасары болды. Президенттік жастар кадрлық резервінің 3.0 мүшесі. Қазақ, орыс, ағылшын және түрік тілдерін еркін меңгерген.

Стратегиялық жоспарлау және реформалар агенттігі стратегиялық жоспарлау...

Ақтау тұрғындары Маңғыстау атом энергетикалық комбинатына (МАЭК) 1,9 млрд теңге қарыз. Ал бюджеттік ұйымдар 14 млн теңге, заңды тұлғалар (компаниялар мен бизнес өкілдері) 446 млн теңге берешек болып отыр. Бұл деректерді «Каспий жылу, су арнасы» Мемлекеттік коммуналдық кәсіпорны мәлімдеді.

Сонымен қатар, ақтаулықтар «КЖСА» МКК-на тағы 305 млн теңгеге жуық, ал қазандықтарға 25 млн теңге қарыз. Түпқараған ауданының Ақшұқыр және Сайын Шапағатов ауылдарының тұрғындары «КЖСА» түбіртектері бойынша 15 млн теңгеден астам ақша төлеуі тиіс.

Бюджеттік мекемелердің коммуналдық кәсіпорынға берешегі 65,8 млн теңге болса, заңды тұлғалардың қарызы 97,5 млн теңгені құрады.

«Каспий жылу, су арнасы» МКК «МАЭК» тұтынатын ресурстары мен сумен...

Қазақстанға келген инвесторлар өндіріс орындарын іске қосу кезінде инфрақұрылымның кешігуі немесе толық дайын болмауына жиі шағымданады. Әсіресе инженерлік желілер мен жол мәселесі кәсіпкерлер үшін басты кедергілердің біріне айналып отыр. Инвесторлар айтып жүрген инфрақұрылым мәселесі жаңадан салынып жатқан Алатау қаласында да қайталанбай ма? Осы сауалды KursivMedia тілшісі қала әкімі Әркен Өтеновке қойды.

Қала әкімі инфрақұрылым мәселесі бар екенін жоққа шығармады. Дегенмен мұндай жағдай орын алмас үшін, бұл бағыттағы жұмыстар басталып кеткенін айтады.

«Иә, инфрақұрылым мәселелері бар. Бұған дейін айтқанымыздай, арнайы жол картасы құрылды. Соның аясында қандай инфрақұрылым қажет екені нақтыланады. Әрине, бұл жұмыс уақыт алады. Дегенмен қазірд...

Мемлекет басшысының ел экономикасына қомақты инвестиция тарту, терең өңдеуді дамыту және өңдеу өнеркәсібінің үлесін арттыру жөніндегі тапсырмалары Жамбыл облысында нақты жобалар мен нәтижелі жұмыстар арқылы жүзеге асырылуда.

2026 жылдың қаңтар-наурыз айларының қорытындысы бойынша аймақта инвестициялық белсенділіктің оң серпіні байқалады. Негізгі капиталға салынған инвестициялар көлемі 218,1 млрд теңгені құрады, бұл өткен жылдың сәйкес кезеңімен салыстырғанда 71,6%-ға артық. Бұл тұрғыда өсу қарқыны бойынша республикада бірінші орынды иеленіп,  өңір экономикалық дамудың тұрақтылығын сақтап отыр.

Сондай-ақ жеке инвестициялардың артуы да ерекше маңызға ие екені белгілі. Олардың көлемі 214,3 млрд теңгеге жетіп, өткен жылмен салыстырғанда 205,5%-ға өсті. Бұл көрсеткіш бойынша облыс республикада екінші орынға шықты.

Оңтүстік Кореяның танымал кино компаниясы мен отандық «Atadala» продакшны бірлесіп, жаңа сериал дайындап жатыр. Ел аумағында түсірілген телехикая келесі жылы жарыққа шығады.

Алматы облысы әкімдігінің мәліметінше, сериал Ұйғыр ауданындағы Дардамты ауылында, Айлы және Қара шатқалдардың аумағында , Қонаев қаласындағы Іле өзенінің жағалауында түсіріледі. Шығармашылық топ өкілдерінің айтуынша, телехикаяның локациясы үшін Қазақстанның таңдалуы бекер емес. Олар алуан түрлі табиғи ландшафттар көркем түсірілім жасауға өте қолайлы деп есептейді.

Жобаның бас продюсері – Руслан Пак. Сериалдың көрсетілімі 2027 жылға жоспарланған. Түсірілім жұмыстарын ұйымдастыруға Алматы облысындағы қонақүйлер, қоғамдық тамақтану орындары, көлік қызметтері пайдаланылған. Жергілікті тұрғындар да тартылған.

Әзірге қандай сериал екені, оны...

21 мамырда Алматы қаласында орналасқан Hilton қонақүйінде істейтін 250 қызметкерді ғимараттан күштеп шығарып жатыр. Мәжіліс депутаты Ермұрат Бапи парламент төрінде осылай деп мәлімдеді.

Ескі Қазақстан өкілдерінің мүддесі

Төменгі палатаның депутаты Ермұрат Бапи өзекті мәселеге қатысты сауалын Бас прокурор Берік Асыловқа жолдады. Оның мәлімдемесі Мәжілістің телграм-арнасында жарияланды.

«Дәл қазір, Мәжілістің жалпы отырысы өтіп жатқан уақытта, Алматы қалалық әділет басқармасының шешімімен, Алматыда Hilton қонақүйін меншік иесінен тартып алу, қызметкерлерін шығару, ғимаратты күштеп босату әрекеттері жүріп жатыр», – деп бастады Бапи сауалдың асығыс дайындалғанын ескерте отырып.

Депутат мәліметінше, қонақүйде 250 шақты адам жұмыс істейді.