Жаңалықтар

23 мамырға қараған түні SpaceX компаниясы тарихындағы ең үлкен зымыран, Starship-тің, жаңартылған V3 нұсқасын сынақтан өткізді. Зымыранның Техастағы космодромнан ұшуы Илон Масктің X желісінде тікелей эфирде көрсетілді.

Сынақ сәтті өтті. Алып зымыран ғарышта бір сағаттай қалықтап, кейін Үнді мұхитына аман-есен қонды. Тіпті қону кезінде алты қозғалтқыштың бірі істен шықса да, аппарат бағытынан таймай, су бетіне тік қалпында қона алды.

Бұл – 2025 жылдың қазанынан бергі алғашқы үлкен сынақ. Осыған дейінгі зымыран ұшудың көбі сәтсіз аяқталған еді. 2023 жылы алғашқы нұсқасы ауада жарылып кеткен. Ал осыдан бір күн бұрын ұшуға санаулы секундтар қалғанда техникалық ақау шығып, сынақ тоқтаған еді.

Starship...

Астанада ұлттық экономика министрі Серік Жұманғарин Дүниежүзілік банктің Қазақстандағы тұрақты өкілі Андрей Михневпен және халықаралық сарапшылармен жұмыс кездесуін өткізді. Кездесудің басты мақсаты – жаңа инвестициялық циклды жүзеге асыру, ұзақ мерзімді капитал тарту және экономика өнімділігін арттыру тетіктерін талқылау болды.

Шараға бірқатар салалық министрліктер мен мемлекеттік органдардың өкілдері қатысып, экономиканы сапалы жаңғыртуға бағытталған «3I» (Инвестиция, Ықпалдасу, Инновация) моделін қарастырды.

Дүниежүзілік банк сарапшылары Қазақстандағы цифрландырудың жоғары деңгейін ерекше атап өтіп, бұл мүмкіндікті әлеуметтік көмекті нақты мұқтаж азаматтарға жедел әрі дәл жеткізу үшін пайдалануды ұсынды. Сондай-ақ кәсіпкерлікті қолдау аясында «Даму» қорының ішінара несиелік кепілдік беру тетігі ШОБ-ты дамытудың тиімді құралы екені дәлелденд...

Отандық шоу-бизнестегі танымал әрі даулы жобалардың бірі «КешYOU» тобының айналасындағы әңгімелер әлі де толастар емес. Жуырда ғана топтың 20 жылдық мерейтойлық концертіне қатысудан бас тартқан экс-солист Мөлдір Әуелбекованың шешімі желіде қызу талқыланды. Оқиғадан кейін продюсер Баян Алагөзова КеshYou туралы деректі фильмінің үшінші бөлімінде Мөлдір жайлы шындықты айтты.

«Жеке әнші ретінде қабылдаудан бас тарттым»

Продюсердің сөзіне қарағанда, Мөлдір Әуелбекова топтан дау-дамаймен кеткеннен кейін, бір күні өзі хабарласып, кездесуді өтінген. Кездесу барысында әнші өткен іске кешірім сұрап, өзінің жеке (соло) жобасы жүрмей жатқанын айтқан және продюсерден көмек сұраған.

«Мен көңілі жұмсақ адаммын, сондықтан кездесуге...

Көрерменге «Бизнес по казахски» фильміндегі және өзге де рөлдерімен танымал болған актер Қажет Смағұл жеке өміріндегі жаңалығын айтып, желіні шулатты. Өнер иесі өзінен жас айырмашылығы едәуір кіші арумен некесін қидырғанын ресми түрде мәлімдеді.

Бұл туралы актер өзінің Threads және Instagram парақшасында жазба қалдырып, мешіт алдында түскен суреттерін жариялады.

«Жүрегім тыныш, көзім бақытты…»

Актер өзінің таңдауы түскен жарымен арадағы жас айырмашылығын жасырмай, ашық жазды.

«Көп адам сезіп жүрген шығар… Өзімнен 25 жас кіші… Жүрегім тыныш… көзім бақытты… Қалғанын кейін айтамын. Әзірге бәрін айтпай-ақ қояйын…», – деп жазды актер.

Суреттерден жұптың мешітте мұсылмандық неке (неке қию...

Алаутау қаласындағы әуе таксиін іске қосу үшін жаңа заң әзірленіп жатыр. Көлік министрлігінің мәліметінше, елде әуе таксиінің ұшуын заңдастыру және қалалық авиациялық мобильділікті дамыту мақсатында арнайы түзетулер пакеті дайындалған.
Жақында ғана Алатауда eVTOL – болашақта елдің қалалық көлік жүйесінің бір бөлігіне айналатын электрлі әуе аппараттарының алғашқы сынақ ұшулары өтті.

Әуеде 200 км/сағ жылдамдықпен

Жаңа көлік құралының негізгі техникалық сипаттамалары: Қозғалтқышы: Толықтай электрлі (экологиялық таза). Жылдамдығы: Сағатына 200 шақырымға дейін жетеді.
Максималды ұшу қашықтығы – 200 шақырым. Аэротакси кептелісі көп ірі қалалардағы және жақын орналасқан аймақтар арасындағы автокөлік сапарларына тиімді балама ретінде қарастырылып отыр.

Жаңа көлік үшін заңдар өзгеруде

Астанада аялақтарға алданып, қапияда қайтыс болған 20 жастағы Айсәуле Қанаханың қазасына қатысты тың мәлімет пайда болды. Марқұмның әкесі Саябек Қанаха қызы өзіне қол жұмсады деген нұсқамен келіспей отыр. Ол құпия өлімге қатысты тың мәліметтерді Facebook-те жариялады.

Басына пакет кигізген

Студент Айсәуле Саябекқызының жансыз денесі 2026 жылғы 1 сәуірде Астанада Есіл өзені жағалауынан табылған.

«Жансыз денесі шалқасынан жатыр, басына күлгін түсті полиэтилен пакет кигізілген. Ол иегінің астынан екі рет әлсіз ғана байланған (яғни пакетте тыныстай алған), ал маңдай тұсында қанаған із қалған. Туыстар да соны растайды, полицияның тексеру хаттасында да солай жазылған...

2026 жылғы 1 шілдеден бастап компания басшыларына, жеке кәсіпкерлерге және жеке тәжірибемен айналысатын адамдарға ірі салық берешегі үшін Қазақстаннан шығуға уақытша шектеу қойылуы мүмкін. Бұл туралы Мемлекеттік кірістер комитетінің баспасөз қызметі хабарлады.

1 шілдеден бастап Қазақстанда салық берешегін мәжбүрлеп өндірудің жаңа шарасы күшіне енеді. Мемлекеттік кірістер комитеті жаңа шара Салық кодексінде қарастырылғанын хабарлады. Ол заңды тұлғалардың бірінші басшыларына, құрылымдық бөлімшелердің басшыларына, жеке кәсіпкерлерге және жеке практикамен айналысатын тұлғаларға қолданылады. Олардың елден шығуы уақытша шектелуі мүмкін.

Егер салық қарызы 27 000 АЕК-тен (2026 жылы 116 775 000 теңге) асып кетсе және ол 3 айдан бері төленбей тұрса, шетелге шығуға тыйым салынады...

Президент Қасым-Жомарт Тоқаев мәжіліс төрағасы Ерлан Қошановты қабылдады.

Ақорданың хабарлауынша, Ерлан Қошанов президентке конституциялық реформаларды заңнамалық тұрғыдан қамтамасыз ету бойынша Палатаның атқарған қызметі туралы мәлімет берген.

Мәжіліс төрағасы парламент жаңа Ата заңның нормаларын іске асыруға жол ашатын жеті конституционалық заңды сапалы әрі уақтылы қабылдағанын айтты.

Соның ішінде «Президент туралы», «Құрылтай және ониң депутатының мәртебесі туралы», «Қазақстан Халық Кеңесі туралы», «Қазақстан Республикисы астанасының мәртебесі туралы», «Алатау қаласының арнаулы» құқықтық режимі туралы» және басқа да конституциялық заңдар бар.

Аталған жұмыс қоғам өкілдерінің және сарапшылардың қатысуымен ашық жүргізілді. Жалпы, Мәжіліс сессиясы басталғаннан бері 89 заң қабылданып, Сенатқа жолданған. Қазір депутаттардың қарауында

Қазақстанда ым тілі ресми статус алуы мүмкін. Бүгін Мәжілістің жұмыс тобы бастаманы бірауыздан мақұлдады.

Депутаттар дерегінше, қазір елімізде есту және сөйлеу қабілеті бұзылған 30 мыңнан астам адам өмір сүреді, оның 5 мыңға жуығы – балалар. Олар күнделікті өмірде мемлекеттік қызметтерді алу, оқу, медициналық қызметке жүгіну кезінде түрлі кедергілерге тап болады. Қазақстан саңыраулар қоғамының жетекшісі Сайлаугүл Омарханованың айтуынша, елде ым тілінен аударатын аудармашылар мен бейімделген контент те жетіспейді.

Осыдан кейін Мәжіліс депутаты Нұргүл Тау мәселені мінберден көтеріп, заң жобасына есту және сөйлеу қабілеті бұзылған адамдарды қолдауға қатысты түзетулер енгізді. Оны әріптестері де қолдаған.

«Біра...

2026 жылдың алғашқы тоқсанында ипотека мен автонесиеге сұраныс азайды. Бұл туралы Ұлттық банктің Қаржылық тұрақтылық және зерттеулер департаментінің директоры Олжас Кубенбаев мәлімдеді.

Оның айтуынша, кейбір банктер сыйақы мөлшерлемелерін көтеріп, оның үстіне тұрғын үйді пайдалануға беру көлемі қысқарғандықтан, ипотекалық қарыздарға сұраныс азайды. Нәтижесінде ипотекалық несиеге берілген өтінімдер саны тоқсандық есепте 21%-ға, төмендеп, орташа несие көлемі 20,5 млн теңгені құраған.

«Несие беру талаптары біршама күшейтілсе де, бұл жағдай кепілмен берілетін тұтынушылық несиеге деген сұраныс динамикасын әлсіреткен жоқ. Өтінім саны 1%-ға өсіп, 103 мың болды. Ал қарыздың орташа мөлшері 12%-ға, яғни 13,6 млн теңгеге дейін өст...

23 мамыр күні Алматы қаласында қашықтығы 6 шақырымды құрайтын «Almaty Glow Ride 2026» түнгі қалалық велошеруі өтеді. Бұл туралы Велосипед спорты федерациясына хабарлады.

Ұйымдастырушылардың мәліметінше, велошабандоздардың жиналуы сағат 20:00-де Астана алаңында басталады, ал старт уақыты 21:00-ге жоспарланған. Ауқымды спорттық шара аясында қатысушыларды арнайы сыйлықтар мен қызықты музыкалық бағдарлама күтеді. Сондай-ақ, балалар үшін бөлек шағын сөре қарастырылған.

Қатысу шарттары қандай?

Шараға қатысу тегін және алдын ала тіркелуді талап етпейді. Дегенмен қатысушыларға қойылатын басты әрі негізгі шарт бар: әрбір қатысушының жарық шағылыстырғыш элементтермен немесе арнайы жарықдиодты шамдармен жабдықталған жеке велосипеді болуы тиіс.

Велошеру бағыты

Түнгі шерудің бағыты қаланың орталық көшелерін...

Грузия астанасы Тбилисиде халықаралық іздеуде жүрген қазақстандық ерлі-зайыпты қолға түсті. Олар синтетикалық есірткі өндірісін ұйымдастырды деген күдікке ілінді. Бұл туралы Ішкі істер министрлігі мәлімдеді.

Тергеу мәліметіне сәйкес, ер адам 2023 жылдың қазан айынан 2024 жылдың ақпан айына дейін сыбайластарымен бірге Алматы облысында арнайы жабдықталған есірткі зертханасында синтетикалық есірткі өндірісін ұйымдастырған.

Ал оның жұбайы синтетикалық есірткі өндірісінің қаржылық операцияларын жүргізуге қатысқан. Тергеушілердің мәліметінше, әйел Алматы және Қарағанды облыстарындағы заңсыз есірткі өндірісін қаржылай қолдап отырған.

Бүгінде күдіктілерді Қазақстанға экстрадициялау мәселесі қарастырылып жатыр.

Айта кетейік, Алматы қалалық полиция департаменті интернет-дүкен арқылы есірткі саудалаған үш ағайындыны ұстаған еді.

Алматы әкімдігі Достық даңғылын Абай даңғылынан бастап Әл-Фараби даңғылына дейінгі аралықта жөндеу жұмысын жүргізу үшін 2,14 млрд теңге бөлген. Жобаның эскизі мемлекеттік сатып алу сайтында жарияланған.

Жоба авторлары Достықты «қоғамдық promenade» форматына көшіруді көздейді. Яғни көлікке емес, жаяу жүргіншіге басымдық беру, тұрғындар мен туристер демалатын, серуендейтін маршрутқа айналдыру. Сарапшылар даңғылдың қазіргі инфрақұрылымы қарт адамдарға, мүмкіндігі шектеулі жандарға және бала арбасымен жүретіндерге қолайсыз деп тапқан.

Жоба аясында:

Сондай-ақ даңғыл бойында орындықтар, велотұрақтар, аялдама кешендері және шағын архитектуралық нысандар орнатылады.

Парламент Мәжілісінің VIII шақырылымдағы төртінші сессиясының аяқталуына шамамен бір айдан аса уақыт қалды. Осыдан кейін Парламент өкілеттілігін тоқтатады. Ал саяси партиялар тамызда өтетін Құрылтай сайлауына дайындықты бастайды. Осы орайда KursivMedia тілшісі бірқатар депутатқа «алдағы саяси дода – Құрылтай сайлауына қатысып, депутаттық мансабыңызды жалғастырасыз ба, әлде бұл сессия сіз үшін соңғысы бола ма?» деген сауал қойды.

Олжас Нұралдинов: «Құрылтайға қабылдаса, қуана барар едім»

9 ай бұрын Ержан Бейсенбаевтың орнын алмастырған Олжас Нұралдинов Мәжіліске келгеніне әлі бір жыл да толмағанын айтып, келесі Құрылтай сайлауына қатысқысы келетінін жеткізді. «Ақ жол» партиясы кандидаттары қатарынан лайық деп таныса, жұмысын жалғастыруға дайын екенін жасырмады.

2026 жылғы 22 мамыр күні Алматы қаласында даулы қылмыстық іс бойынша баспасөз конференциясы өтті.

Сотталушылардың туыстары Махмұт Ақбаров, Гүлназ Мұсаева және адвокаттар Айтжан Әшімханов пен Инга Иманбай «мүгедектігі бар азаматтың полиция күш қолданғаннан кейінгі өлімі үшін жазықсыз адамдар сотталғаны» туралы айтты.

Сотталушылардың туыстары марқұм қазасына кім кінәлі екенін әлі де анықтау керек екенін айтады. Марқұмның шизофрения диагнозы болған. Әрі есірткі қолданғаны анықталған.

Жанармай бекетіндегі төбелес

Оқиға 2025 жылы 2 шілдеде болған. Алматы қаласындағы жанармай бекетінде есірткі қабылдаған әрі елірмесі бар адам жан-жағындағыларға тиісіп, шабуыл жасай бастайды.

Туыстарының айтуынша, жанармай құюшы жас жігіттер өзін қорғау мақсатында төбелес шығарған адамға қол...

Қазақстанда шағын кәсіпкерлер де Атом электр станциясы (АЭС) құрылысына үлес қоса алады. Үкімет ірі жобаға жергілікті бизнесті тарту жөнінде кешенді жоспарды бекітті.

Құрылысқа қатысушылар тізімі

Атом энергиясы жөніндегі агенттігінің мәліметінше, АЭС құрылысы үшін отандық өнеркәсіп базасын қалыптастыруды көздейтін құжат 14 мамырда қабылданған.

«Құжат халықаралық қауіпсіздік және сапа талаптарын ескере отырып, қазақстандық кәсіпорындарды атом жобаларына қатысуға кезең-кезеңімен дайындауды көздейді», – делінген агенттік ақпаратында.

Жоспар төрт негізгі бағытты қамтиды:

Бұған қоса, АЭС салу барысында тауарлар, жұмыстар...

Әлемдегі алтынның көбін тек санаулы ғана елдер өндіреді. Олардың ішінде Қытай, Ресей және Аустралия көш бастап тұр.

Naked Science басылымының жазуынша, Қытай алтын өндіру бойынша әлемде бірінші орында тұр. Елде 380,2 тонна алтын өндіріледі, бұл жаһандық өндіріс көлемінің 10%-дан астамын құрайды.

Сонымен қатар, Қытай әлемдік ауқымда ең ірі алтын өндіруші ғана емес, сонымен бірге оның ең ірі тұтынушысы болып қала бермек.

Ресей геосаяси шиеленістерге қарамастан, екінші орынды иеленіп отыр. Елде 330 тонна алтын өндіріледі.

Аустралия өзінің орасан зор минералды-шикізат базасы мен дамыған тау-кен секторының игілігін көруді жалғастырып келеді. Бұл елдегі алтын өндірісі 284 тоннаны құрайды.

Африка

Англия ұлттық құрамасы 2026 жылғы Әлем чемпионатына қатысатын футболшылардың тізімін жариялады. Алайда бас бапкер Томас Тухелдің таңдауы футбол сүйерқауым мен жанкүйерлер арасында үлкен түсініспеушілік пен таңданыс тудырып отыр.

Бас бапкердің шешімімен құрамға бірнеше басты жұлдыздар мүлдем енбей қалған. Олардың қатарында Трент Александр-Арнольд («Реал Мадрид»), Коул Палмер («Челси»), Фил Фоден («Манчестер Сити»), Харри Магуайр («Манчестер Юнайтед» капитаны) сынды ойыншылардың Әлем біріншілігінен тыс қалуы спорт сарапшылары мен жанкүйерлер үшін күтпеген жағдай болды.

Англия құрамасының Әлем чемпионаты-2026-ға арналған құрамы

Қақпашылар: Дин Хендерсон («Кристал Пэлас»), Джордан Пикфорд («Эвертон»), Джеймс Траффорд («Манчестер Сити»)

Қорғаушылар: Дэн Бёрн («Ньюкасл Юнайтед»), Марк Гехи («Манчестер Сити»), Рис Джеймс...

Алматыда 19 мамырда із-түссіз жоғалған Ерзат Егінбайдың туыстары қала шетіндегі ауылдардан іздестіріп жатыр. 25 жастағы жігіттің облыстағы ауылдарға қатынайтын автобусқа мінгені анықталды.

Жоғалған жігіттің туыстары Ерзаттың бұрынғы Саяхат автовокзалы маңындағы бейнекамераларды тексеріп, оның қала шетіне қатынайтын көлікке отырғанын анықтаған.

«Алматы облысындағы Ават, Космос, Базаркелді ауылдарына қарай қатынайтын автобусқа мінген», – дейді Ерзаттың жеңгесі Шаттық Жүргенова.

Оның айтуынша, Ерзат жұма намазға үнемі барып жүреді. Соған байланысты ол облыстағы ауылдарда мешітке баратын жамағаттан да көмек сұрап отыр.

21 мамыр – Мәдениет және өнер қызметкерлері күніне орай, отандық кино өнерінің қара шаңырағы «Қазақфильм» киностудиясының қызметкерлеріне ерекше құрмет көрсетілді.

Президент Қасым-Жомарт Тоқаевтың атынан кино және мәдениет саласының үздік мамандарына жаңа пәтерлер сыйға тартылды.

Көпшіліктің көзіне түсе бермейтін, бірақ кино өндірісінің алтын діңгегіне айналған Ш. Айманов атындағы «Қазақфильм» ұлттық киностудиясы» АҚ Цифрлық және пленкалық жобаларды үйлестіру бөлімінің видеофонотека маманы Аққайша Баймұратова мен сценарийлік-редакциялық алқасының деректі кино жөніндегі жетекші маман-редакторы Әсет Ерназаровқа пәтер кілттері табысталды.

Пәтер кілттерін ҚР Премьер-Министрінің орынбасары – Мәдениет және ақпарат министрі Аида Балаева салтанатты түрде табыстап, марапат иелерін құттықтады.

Бұған дейін, әнші Мейрамбек Беспаев «Парасат» орденімен марапатталғанын...

Нарықтағы алпауыт компаниялардың көпшілігі қазақ тіліндегі аудиториямен сәтті байланыс жасай алмай отыр. Оған – қазақ аудиториясының қажеттілігін сезетін мамандардың болмауы кедергі. 21-22 мамырда Алматыда өткен XXII International PR Forum-да осы мәселелер талқыланды.

«Қазақ аудиториямен тек аударма арқылы байланысуға тырысады»

Көпшілік компаниялар қазақ аудиториясымен тек аударма арқылы байланысуға тырысады. Бірақ қазір аударманың заманы өткен дейді Halyk қайырымдылық қорының PR-менеджері Гүлнәра Досымшалова.

«Қазір әлеуметтік желілерде, оның ішінде қазақ аудиториясы белсенді отыратын Threads-те қазақ менталитетіне, қазақ мәдениетіне сай контенттер сұранысқа ие. Елге келіп жатқан көрші мемлекеттің әртістері де әлеуметтік желіде қазақша пікір жазып, қазақша пост жазуға...

Астана қаласында полиция қызметкерін алдаған екі пранкер әкімшілік жауапқа тартылып, 15 және 10 тәулікке қамалды. Бұл туралы қалалық полиция департаменті хабарлады.

Полиция қызметкерін алдаған адамдарды әлеуметтік желілерді тексеру барысында анықтаған. Оқиға елордадағы Қайық арнасы аумағында болған.

Пранкер жігіт құқық қорғау органдарының қызметкерінің дайындығын ерекше әдіспен «тексермек» болған. Ол суға батып бара жатқан адамға ұқсап, полицейден көмек сұраған. Сол сәтте тағы бір пранкер – жас қыз полиция қызметкерінен суға «құлап кеткен» жігітті құтқаруды өтінеді.

Полицей көп ойланбастан киімімен суға секіріп, әлгі жігітті жағаға алып шығады. Сол сәтте ғана өзінің алданғанын біледі. Абдырап қалған қызметкер «ойнамасаңдаршы» деп жауап қатады.

Алданған жігіт арнайы...

Астана тұрғыны арнайы лицензиясыз мобильді қосымша арқылы қолжетімді онлайн-казино қызметін ұйымдастырған. Бұл туралы Бас прокуратура хабарлады.

Азаматтар TikTok және YouTube әлеуметтік желілеріндегі тікелей эфирлер арқылы құмар ойындарға қатысып, ойынға қатысу үшін ақша қаражатын аударып отырған.

Заңсыз қызмет нәтижесінде ол ірі көлемде заңсыз табыс тапқан.

«Сот оны кінәлі деп танып, рақымшылық актісі негізінде жазадан босатқан. Алайда сот заңсыз жолмен алынған қаражатты тәркілеу мәселесін шешпеген», – делінген хабарламада.

Прокуратураның кассациялық наразылығы бойынша сот актісі өзгертілді. Сотталғаннан мемлекет пайдасына қылмыстық жолмен алынған заңсыз табыс ретінде 9,9 млн теңге өндірілді.

Айта кетейік, бұған дейін казино мен...

«Музарт» тобының әншісі Мейрамбек Беспаев «Парасат» орденімен марапатталды. Бұл туралы топтың екінші мүшесі Сәкен Майғазиев хабарлады.

Бүгін 22 мамыр күні Алматыда президент Қасым-Жомарт Тоқаевтың жарлығымен мәдениет саласының қызметкерлері марапатталды. Мемлекеттік марапаттарды Мәдениет және ақпарат министрі Аида Балаева табыстады.

«Сүйінші, Қазақ елі! Мейрамбек досым «Парасат» орденімен марапатталды! Қазақ өнеріне бергенің де, берерің де көп. Абыройың асқақтай берсін. Ақ жүрегіммен қуаныштымын, досым», – деп жазды Майғазиев.

Еске сала кетейік, бұған дейін Астанада президент мәдениет саласындағы қызметкерлерге мемлекеттік наградалар табыстаған.